ဒီနေ့ဖတ်စရာ သတင်းများ (ဇူလိုင်လ ၆ ရက်)

ဒေါ်စု ခရီးသွားလာနိုင်မှု ရှေ့အလားအလာကောင်းအဖြစ် အမေရိကန် မျှော်လင့်
By ဗွီအိုအေ (မြန်မာဌာန)

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နယ်ဘက် ခရီးထွက်နိုင်တာဟာ မြန်မာနိုင်ငံအတွက် ရှေ့အလားအလာကောင်း ဖြစ်ဖို့ မျှော်လင့်တယ်လို့ အမေရိကန်နိုင်ငံက ပြောလိုက်ပါတယ်။

မြန်မာနိုင်ငံကို ရောက်နေတဲ့ သားငယ် ကိုထိန်လင်းနဲ့ တနင်္လာနေ့ကတည်းက ဒေါ်အောင်ဆန်းစုကြည်ဟာ ပုဂံဘက်ကို ဘုရားဖူး ထွက်နေပါတယ်။ ပြီးခဲ့တဲ့နှစ် နိုဝင်ဘာလ နေအိမ်အကျယ်ချုပ်က လွတ်မြောက်လာခဲ့ပြီးကတည်းက ဒေါ်အောင်ဆန်းစုကြည်အတွက် ဒါဟာ ပထမဆုံး ရန်ကုန်မြို့အပြင်ကို သွားတဲ့ ခရီးဖြစ်ပါတယ်။

ဒီလို သွားလာခွင့် ရနေတာကနေ အလားအလာကောင်းတွေ မျှော်လင့်တယ်လို့ အမေရိကန် နိုင်ငံခြားရေးဌာန ပြောခွင့်ရသူ ဗစ်တိုရီယာ တိုရီယာ နူလန် (Victoria Toria Nuland) အင်္ဂါနေ့ကလုပ်တဲ့ ပုံမှန် သတင်းစာ ရှင်းလင်းပွဲမှာ ပြောကြားသွားပါတယ်။

“သူ နေအိမ်အကျယ်ချုပ် ဘ၀နဲ့ မဟုတ်တော့ဘဲ နိုင်ငံတ၀န်းမှာ ရှိနေကြတဲ့ သူ့အပေါ် ထောက်ခံသူတွေနဲ့ တွေ့ဆုံနိုင်တာဟာ ကောင်းတဲ့သတင်းပါ။ ဒီအခြေအနေကနေ မြန်မာနိုင်ငံအတွက် ပိုကောင်းလာမယ့် အလားအလာတွေ ဖြစ်လာဖို့ ကျမတို့ မျှော်လင့်ပါတယ်။”

အမေရိကန် နိုင်ငံခြားရေးဌာန ပြောခွင့်ရသူ မစ်စ် နူလန် ဖြစ်ပါတယ်။
ဒေါ်အောင်ဆန်းစုကြည် သွားလိုရာကို အာဏာပိုင်တွေက ခွင့်ပြုခဲ့ပေမဲ့ လာရောက် နှုတ်ဆက်ကြသူတွေကို ဟောပြောတာတွေ လုပ်မယ်ဆိုရင်တော့ ထိန်းမနိုင် သိမ်းမရ အခြေအနေ အဓိကရုဏ်းတွေ ဖြစ်လာနိုင်တယ်လို့ သက်ဆိုင်ရာက သတိပေးထားပါတယ်။
အခုခရီးစဉ်ဟာ ဒေါ်အောင်ဆန်းစုကြည်ရဲ့ နိုင်ငံရေး စည်းရုံးတဲ့ ခရီးစဉ်မျိုး မဟုတ်ဘဲ သားနဲ့ အပန်းဖြေခရီးထွက်တဲ့ ခရီးစဉ် ဖြစ်ပါတယ်။

အမျိုးသား ဒီမိုကရေစီ အဖွဲ့ချုပ်ကလည်း ၂၀၀၃ ခုနှစ် ဒီပဲယင်း တိုက်ခိုက်ခံရမှုမျိုး ဖြစ်မှာစိုးတဲ့အတွက် လူစုလူဝေး မလုပ်ကြဖို့ ပန်ကြားထားပါတယ်။ ဒေါ်အောင်ဆန်းစုကြည်ရဲ့ လုံခြုံရေးအတွက်လည်း NLD လူငယ် လုံခြုံရေးအဖွဲ့တွေက ခရီးမှာ လိုက်သွားကြပါတယ်။

ဒေါ်အောင်ဆန်းစုကြည်ဟာ ပုဂံက အာနန္ဒာဘုရား အပါအ၀င် ရှေးဟောင်း ဘုရားတွေကို အင်္ဂါနေ့က သွားရောက် ဖူးမြော်ခဲ့ပါတယ်။ ပုဂံခရီးကနေ သူမရဲ့ဖခင် ဗိုလ်ချုပ်အောင်ဆန်းရဲ့ ဇာတိမြို့ဖြစ်တဲ့ နတ်မောက်မြို့ဆီကိုလည်း သွားမယ်လို့ သိရပါတယ်။

အခုလို ဒေါ်အောင်ဆန်းစုကြည်ကို ခရီးသွားလာခွင့် မြန်မာအာဏာပိုင်တွေက ပေးတာကို အမေရိကန်ဘက်က အကောင်းမြင် မျှော်လင့်တယ်လို့ ပြောခဲ့တာ ဖြစ်ပါတယ်။

တဆက်တည်းမှာပဲ အင်္ဂါနေ့က အမေရိကန် နိုင်ငံခြားရေးဌာနမှာ လုပ်တဲ့ သတင်းစာ ရှင်းလင်းပွဲမှာ ၀ါရှင်တန် မြန်မာသံရုံး သံမှူးကြီး ဦးကျော်ဝင်း အမေရိကန်မှာ ခိုလှုံခွင့် တောင်းခံလိုက်တဲ့ ကိစ္စနဲ့ ပတ်သက်လို့ သတင်းထောက် တယောက်ရဲ့ အမေးကိုလည်း ပြောခွင့်ရသူက အခုလို ဖြေခဲ့ပါတယ်။
“သူ့ဆီကစာ ကျမတို့ လက်ခံရရှိပါတယ်။ သံတမန်ရေး လျှို့ဝှက် ဆက်သွယ်မှုနဲ့ ပတ်သက်လို့ ကျမမှာ တစုံတရာ ပြောပိုင်ခွင့် မရှိပါဘူး။”

အမေရိကန် နိုင်ငံခြားရေးဌာန ပြောခွင့်ရသူ ဗစ်တိုရီယာ တိုရီယာ နူလန် ပြောသွားတာ ဖြစ်ပါတယ်။
သံမှူးကြီးဟောင်း ဦးကျော်ဝင်းဟာ ၀ါရှင်တန် မြန်မာသံရုံးမှာ တာဝန်ကုန်ဆုံးလို့ မြန်မာနိုင်ငံကို ပြန်ရတော့မယ့် အချိန်မှာ မြန်မာအစိုးရ ခေါင်းဆောင်တွေ အနေနဲ့ ဒီမိုကရေစီ အပြောင်းအလဲ ဖော်ဆောင်နိုင်မယ့် မျှော်လင့်ချက် မမြင်ရတဲ့အတွက် ဆိုပြီးတော့ ရာထူးကနေ နှုတ်ထွက်ကာ အမေရိကန် ပြည်ထောင်စုမှာ ခိုလှုံဖို့ ဆုံးဖြတ်ခဲ့တာ ဖြစ်ပါတယ်။

ပုဂံဘုရား ဂေါပကတွေကို သတိပေး

2011-07-05 RFA

ဒေါ်အောင်ဆန်းစုကြည်ရဲ့ ပုဂံဘုရားဖူး ခရီးစဉ်နဲ့ ပတ်သက်ပြီး ကြိုဆိုတာ၊ မှတ်တမ်းယူတာတွေ မလုပ်ဖို့ နယ်ခံ ဘုရား ဂေါပကတွေကို ကြိုတင် သတိပေး တားမြစ်ခဲ့တယ်လို့ RFA က စုံစမ်း သိရပါတယ်။


၂ ရက်နေ့က ဘုရား ဂေါပကတွေကို ခေါ်ယူပြီး တရားဝင် ပိတ်ပင်ထားတာ မရှိပေမဲ့ ပန်းစည်းဆက်တာ ကြိုဆိုတာမျိုး မလုပ်ဖို့ သတိပေးခဲ့တယ်လို့ ညောင်ဦး ဒေသခံ NLD အဖွဲ့ဝင် တဦးကို ပြောပါတယ်။
ဒေါ်အောင်ဆန်းစုကြည်ရဲ့ ခရီးစဉ်ဟာ မိသားစု ခရီးစဉ်သာ ဖြစ်တဲ့ အတွက် ဒေသခံ အန်အဲလ်ဒီ အဖွဲ့ဝင်တွေနဲ့ သီးခြား တွေ့ဆုံတာ ပါတီကိစ္စတွေ ပြောဆို ဆွေးနွေးတာ လုပ်မှာ မဟုတ်ဘူးလို့ သိရပါတယ်။
ဒါပေမဲ့ မြန်မာအစိုးရ အရပ်ဝတ် လုံခြုံရေးတွေ ကတော့ ဒေါ်အောင်ဆန်းစုကြည်ကို စောင့်ကြည့်နေလို့ သိရပါတယ်။

ရခိုင်ပြည်နယ်သည် မြန်မာနိုင်ငံ၏ ဆင်းရဲနွမ်းပါးမှု အဆင့် နံပတ် ၂ နေရာတွင်ရှိ

မြန်မာနိုင်ငံ၏ ဆင်းရဲနွမ်းပါးမှု နှုန်းထားများကို နိုင်ငံအနှံ့စစ်တမ်း ကောက်ယူဆောင်ရွက်ခဲ့ရာတွင် ချင်းပြည်နယ်သည် ရာခိုင်နှုန်းအများဆုံး ဖြင့် ပထမ နေရာတွင်ရှိပြီး ရခိုင်ပြည်နယ်မှာ ဒုတိယ နေရာတွင် ရှိကြောင်း သိရသည်။

အဆိုပါ စစ်တမ်းကို ၂၀ဝ၅ ခုနှစ်မှ ၂၀၁၀ ပြည့်နှစ်အတွင်းပြု လုပ်ထားသည့် ကမ္ဘာ့ကုလသမဂ္ဂဖွံ့ဖြိုးမှု အစီအစဉ်(UNDP) နှင့် အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှုဝန်ကြီးဌာနတို့ ပူးပေါင်းဆောင်ရွက်ခဲ့သည့် အိမ်ထောင်စုများ၏ စားဝတ်နေရေး ခြေအနေ ဘက်စုံ လေ့လာမှု စစ်တမ်းတွင် ဖော်ပြထားသည်။

အဆိုပါ စစ်တမ်း အရ တစ်နိုင်ငံလုံးရှိ ပြည်နယ်၊ တိုင်းဒေသကြီးများတွင် ကောက်ယူထားသည့် ဆင်းရဲနွမ်းပါးမှု အမြင့်ဆုံး ပြည်နယ်မှာ ချင်းပြည်နယ် ဖြစ်ပြီး ၇၃ ရာခိုင်နှုန်းဖြင့် ပထမ ရှိနေပြီး ရခိုင်ပြည်နယ်မှာ ဆင်းရဲနွမ်းပါးမူ ၄၄ရာခိုင်နှုန်ဖြင့် ဒုတိယနေရာတွက် ရှိနေကြောင်း ဖေါ်ပြသည်။

ရခိုင်ပြည်နယ်သည် တိုးတက် ချမ်းသာနိုင်သော ရေခံမြေခံ အခွင့်ကောင်းများ ရှိနေပါလျှက် မည်သည့်အတွက်ကြောင့် မြန်မာနိုင်ငံတွင် အဆင်းရဲဆုံး ပြည်နယ် ဖြစ်နေရပါသလဲဟု အမေရိကန်တွင် နေထိုင်သော ဆရာကြီး ဒေါက်တာ အေးကျော်ကို နိရဉ္စရာက မေးမြန်းရာသူက ယခုကဲ့သို့ ပြောသည်။

" ရခိုင်ပြည်က ဘာကြောင့် ဆင်းရဲသလဲဆိုရင်တော့ နံပါတ်တစ်အချက်က ဘာလဲဆိုလို့ရှိရင် ကျွန်ပုန်း ကိုလိုနီဘ၀နဲ့ နေခဲ့ရတာ နှစ်ပေါင်းများစွာ ကြာပြီ။ နောက်တခုက စစ်တပ်က အရင်တုန်းက ဆိုရင် ဆရာကြီးတို့ ကျောင်းသားဘ၀တုန်းကဆိုရင် ရခိုင်ပြည် တပြည်လုံးမှာ စစ်တပ် တပ်ရင်း သုံးတပ် လောက်ဘဲရှိတယ်။

အခု စစ်တပ်က ၆၀ ကျော် ရှိလာတဲ့ အတွက်ကြောင့် ဒီစစ်တပ်ဟာ ရခိုင်ပြည်သူပြည်သားတွေရဲ့ တိုးတက်ကြီးပွားရေးကို လာလုပ်တဲ့ စစ်တပ်မဟုတ်ဘူး။ သူတို့အကျိုးကို လာလုပ်တဲ့ စစ်တပ်သာ ဖြစ်တယ်။ အဲဒါကြောင့် စစ်တပ်က လယ်ယာကို သိမ်းတယ်။ ရခိုင် အမျိုးသားတွေမှာ လယ်လုပ်လို့ မရနိုင်။
အဲဒီလို အခက်အခဲ အကျပ်အတည်းကို ရခိုင်သားတွေဟာ လက်ရှိ ကြုံတွေ့နေရတယ်။ အဲဒါကြောင့်လည်း ရခိုင်ပြည်ဟာ ဆင်းရဲကျပ်တည်းတဲ့ စာရင်းထဲမှာ ပါတာလည်း ဖြစ်တယ်။ နောက်တခုက ပင်လယ်သမုဒ္ဒရာမှာရှိတဲ့ ငါးတွေ၊ ပုဇွန်၊ ကဏန်းတွေကိုလည်း ရခိုင်သားတွေ ရှာဖွေ စားသောက်လို့ မရတဲ့ အခြေ အနေ ဖြစ်လာတယ်။

ကိုယ့်ရေထဲမှာ ရှိတဲ့ ငါးကို ကွန်ပစ်လို့တောင် စားလို့မရ ဖြစ်လာတယ်။ နောက်တခါ တောတောင်မှာ ရှိတဲ့ သစ်ပင်တွေ၊ ပျဉ်းကတိုး တွေကိုလည်း ခုတ်ပြီးတော့ နိုင်ငံခြားကို ရောင်းချတယ်။ ရခိုင်သားအကျိုးအတွက် ဘာတခုမှ မပါဘူး။

ရခိုင်ပြည်ကထွက်တဲ့ ဂက်စ်တွေ ရခိုင်ပြည် အကျိုးအတွက် လုံးဝမပါဘူး။ နောက်တခုက ရခိုင်ပြည်က ထွက်တဲ့ ရေနံ ရခိုင်ပြည် အကျိုးအတွက် တခုလည်းမပါ။ ခုနက ရခိုင်ပြည်မှာ သယံဇာတပစ္စည်း ပစ္စယတွေဟာ အင်မတန်ကြွယ်ဝတဲ့ နိုင်ငံဖြစ်သော်လည်း ရသင့် ရထိုက်တဲ့ အခွင့်အရေးဟာ ရခိုင်သားတွေ တယောက်မှ မရရှိကြဘူး။ အဲဒါကြောင့် ရခိုင် တွေဟာ ဆင်းရဲပြီး ဆင်းရဲလာတာ အမှန်ပဲ။ နောက်ထပ်လည်း ဒီထက်ဆင်းရဲလာဖို့ဟာ သေချာပါတယ်" ဟု ပြောသည်။

ရခိုင်ပြည်နယ်တွင် သားငါး ပုဇွန်၊ ကျွန်းသစ်၊ ဆန်ရေ စပါး အလွန်ပေါကြွယ်ဝသော ဒေသတစ်ခု ဖြစ်ပြီး လက်ရှိကာလတွင် ဧရာမ ဂတ်စ် သိုက်ကြီးများ၊ ရေနံကြောများကို ရှာဖွေတွေ့ရှိထားသည်။

ထိုသို့ သဘာဝ သယံဇာတ ချမ်းသာ ကြွယ်ဝသော်လည်း မြန်မာနိုင်ငံတွင် ဆင်းရဲ အနိမ့်ကျဆုံး ဖြစ်နေရကြောင်းကို ဂျပန်နိုင်ငံ ကန်တ တက္ကသိုလ်မှ ပါမောက္ခ ဒေါက်တာ အေးချမ်းက သူ့ အမြင်ကို ယခုကဲ့သို့ပြောသည်။

"ထွက်သမျှ အရာဝတ္ထုအားလုံးကို ရခိုင်ပြည်သူတွေက တခုမှ ခံစားခွင့်မရှိဘူး။ နိုင်ငံတော်အစိုးရက နေပြီးတော့ခါ သူတို့ရဲ့ အပေါင်းအပါတွေနဲ့ စုပေါင်းပြီးတော့ ခေါင်းပုံဖြတ်နေတဲ့အခါ အဆင်းရဲဆုံး နိုင်ငံ ဖြစ်မှာပေါ့။
အဲဒီအဆင်းရဲဆုံး နိုင်ငံထဲမှာ တခါ ရခိုင်ပြည်က အဆင်းရဲဆုံး ပြည်နယ် ဖြစ်ပါတယ်။ ရခိုင်ပြည်နယ်ထဲမှာ ဆိုရင် အခု ငါးတွေဖမ်းလို့မရ။ မြစ်တွေ ချောင်းတွေမှာ အယင်တုန်းကဆိ်ုရင် ကိုယ့်တ၀မ်းစာ စားဖို့အတွက်ဆိုရင် ကွန်ပစ်ချင်သလို ပစ်လို့ရပါတယ်။ ရှာလို့ရတယ်။ အခု ငါးဖမ်းလို့ မရ၊ (မျှစ်) ၀ါးတုတ် ချိုးလို့မရ၊ ၀ါးတုတ် (မျှစ်)တွေကို သူတို့က လက်ဝါးကြီးအုပ်ပြီးတော့ ဂျပန်ပြည်ကို ပို့တယ်။
ရခိုင်ပြည်က ၀ါးတုတ်( မျှစ်)တွေကို အခု ဂျပန်ပြည်မှာ လာပြီးတော့ ရောင်းနေတယ်။ ဒီမှာ ရောင်းတဲ့အခါမှာ ဒေါ်လာ ၃ ဒေါ်လာနဲ့ ရောင်းတယ်။ ရခိုင်ပြည်မှာဝယ်တဲ့အခါ မှာ ငွေ ၅ ကျပ် ၁၀ နဲ့ဝယ်တယ်။ အဲဒီလို ခေါင်းပုံဖြတ် အမြတ်ထုတ်ခံနေရတဲ့အတွက် ရခိုင် ပြည်သူတွေ ဆင်းရဲနေကြတာဖြစ်ပါတယ်" ဟု ပြောသည်။

လက်ရှိ ရခိုင်ပြည်ရှိ ပြည်သူ အများစုဘ၀မှာ အထူး ကျပ်တည်းမူနိုင် ရင်ဆိုင်နေကြရပြီး တစ်ချို့ မိသားစုများမှာ သားသမီးများကို အရွယ်ရောက်လာသော်လည်း ကျောင်းမထားနိုင်ကြဘဲ ဖြစ်နေပြီး ဒေသအများအပြားတွင် ထမင်းနပ်မမှန်သော မိသားစုများလည်း ရှိနေကြောင်း သိရသည်။

အဆိုပါ စစ်တမ်း အရ ရခိုင်ပြည်နယ်ပြီးလျှင် တတိယ အဆင်းရဲ အနွမ်းပါးဆုံး ဒေသမှာ တနင်္သာရီတိုင်းနှင့် ရှမ်းပြည်နယ်တို့ ဖြစ်ပြီး ၃၃ ရာခိုင်နှုန်းစီရှိကာ ဧရာဝတီတိုင်းမှာ ၃၂ ရာခိုင်နှုန်း အသီးသီးရှိကြကြောင်း စစ်တမ်းတွင် ဖော်ပြထားသည်။

ကျေးလက်ဒေသဆင်းရဲနွမ်းပါးမှုမှာ မြို့ပြထက်များပြားသည့် အနေအထားရှိပြီး မြို့ပြ၏ ဆင်းရဲ နွမ်းပါးမှု အခြေအနေမှာ လျော့ကျသွားသည်ဟု ဆိုသည်။ မြန်မာနိုင်ငံ၏လူဦးရေသည် သန်း ၆၀ ခန့်ရှိပြီး ကျေးလက်နေ ပြည်သူမှာ နိုင်ငံလူဦးရေ၏ ၇၀ ရာခိုင်နှုန်းရှိကြောင်း သိရသည်။

ဆင်းရဲနွမ်းပါးမှုအခြေအနေကို တိုင်းတာရာတွင်အိမ်ထောင်စု တစ်စုချင်းအလိုက် စစ်တမ်း ကောက်ယူခြင်းဖြစ်ပြီး နေထိုင်မှု အခြေအနေ၊ ဝင်ငွေရရှိမှု၊ အလုပ်အကိုင် အနေအထား စသည်တို့ကို စာရင်းကောက်ယူ လေ့လာခဲ့ခြင်းဖြစ်သည်။

မြန်မာနိုင်ငံ၏ဆင်းရဲနွမ်းပါးမှုသည် ၃၂ ရာခိုင်နှုန်းမှ ၂၆ ရာခိုင်နှုန်းသို့ ကျဆင်းသွားခဲ့ပြီး ဆင်းရဲ ချမ်းသာ ကွာဟမှု အချိုးမှာ ၂၀ဝ၅ ခုနှစ်နှင့် ၂၀၁၀ ပြည့်နှစ်အတွင်း ၃၅ ရာခိုင်နှုန်းခန့် ကျဆင်း သွားခဲ့သည်ဟု ကမ္ဘာ့ကုလသမဂ္ဂဖွံဖြိုးမှုအစီအစဉ်(UNDP)နှင့် အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာနတို့ ပူးပေါင်းဆောင်ရွက်ခဲ့သည့် အိမ်ထောင်စုများ၏ စားဝတ် နေရေး အခြေအနေ ဘက်စုံလေ့လာမှု စစ်တမ်းအရ သိရသည်။

မြန်မာစစ်တိုင်းမှူးများ အပြောင်းအရွှေ့

By ဦးရော်နီညိမ်း

မြန်မာ့တပ်မတော်မှာ အရေးပါတဲ့ ဒုတိယတန်း ခေါင်းဆောင်တွေ ဖြစ်ကြတဲ့ စစ်တိုင်းမှူး တချို့ကို ပြီးခဲ့တဲ့ ဇူလိုင်လ ၁ ရက်နေ့က စစ်ရာထူးခန့်ချုပ်ရုံးရဲ့ အမိန့်ပြန်တမ်းနဲ့ အပြောင်းအရွှေ့တွေ ပြုလုပ်ခဲ့ပါတယ်။

တိုင်းမှူးအသစ် ခန့်အပ်တာတွေ မရှိပေမဲ့ လက်ရှိ စစ်တိုင်းတွေကနေ တခြား စစ်တိုင်းတွေကို ရွှေ့ပြောင်းပစ်တာဟာ တပ်မတော် ထိပ်တန်း ခေါင်းဆောင်တွေကြား ပြဿနာ တစုံတရာ ရှိနေတာကို ပြသနေတယ်လို့ မြန်မာ့တပ်မတော်ကို စောင့်ကြည့် လေ့လာနေသူတွေက သုံးသပ်နေကြပါတယ်။ ဒီအခြေအနေနဲ့ ပတ်သက်ပြီး တရုတ်၊ မြန်မာနယ်စပ် အခြေစိုက် စစ်ရေး ကျွမ်းကျင်သူ ဦးအောင်ကျော်ဇောကို ဆက်သွယ် မေးမြန်းထားတဲ့ ဦးရော်နီညိမ်းက တင်ပြပေးထားပါတယ်။

ဦးအောင်ကျော်ဇောခင်ဗျား တိုင်းမှူး ၆ ဦး အပြောင်းအရွှေ့ ရှိတယ်လို့ ကြားပါတယ်။ ဦးအောင်ကျော်ဇောရော ဘာများကြားပါသေးလဲ။

“တခြားလူတွေလည်း ပါသေးတယ်လို့ ကြားတယ်။ ဒါပေမဲ့ အခုလောလောဆယ်တော့ ၆ ဦးကတော့ Confirm လုပ်လို့ ရတာပေါ့ဗျာ။ ဒါလည်း ဒဲ့ပြောင်းသလို ဖြစ်တာကိုး။ ရန်ကုန်တိုင်းမှူး ဗိုလ်ထွန်းသန်းက တောင်ပိုင်းတိုင်း တောင်ငူကို ပြောင်းရတယ်။ တောင်ငူက ဗိုလ်မှူးချုပ် စိုးထွဋ်၊ အရင် လေယာဉ်ပျံ ပျက်ကျတဲ့ ဗိုလ်မှူးကြီး လွန်းမောင်သား၊ သူကတော့ တောင်ကြီးတိုင်းမှူးအဖြစ် ပြောင်းရတယ်။ တောင်ကြီးတိုင်းမှူး ဗိုလ်မှူးချုပ် ဆန်းဦးက ရန်ကုန်တိုင်းကို ပြောင်းရတယ်။ သူကတော့ ရန်ကုန်မှာလည်း နေဖူးတာကိုး။ War Office ရန်ကုန်စစ်ရုံးမှာလည်း နေဖူးတော့ အဲဒါလည်း ပါတယ်နဲ့ တူပါတယ်၊ သူ့ကို အဲဒီကိုပို့တယ်။

“နောက်တယောက်ကတော့ အရင်တုန်းက တပ်မ ၄၄၊ တပ်မ ၄၄ ကနေ မော်လမြိုင်တိုင်းမှူး ဖြစ်လာတဲ့ ထွန်းနေလင်း၊ သူ့ကို ရခိုင်ကို ပို့ပစ်တယ်။ ဒါကတော့ Punish လို့ပြောမလား ဘာလားတော့ မသိဘူး။ သူ့ဆီမှာ တိုက်ပွဲတွေက ဆက်တိုက် ဖြစ်နေတာကိုး။ ရခိုင်ပို့ပစ်လိုက်တယ်။ ရခိုင်က ဗိုလ်မှူးချုပ် စိုးသိန်း၊ သူက ဦးမောင်မောင်ရဲ့ PSO လည်း လုပ်ဖူးတော့၊ နောက်တခုက လုပ်ရည်ကိုင်ရည်လည်း ရှိလို့ ထင်ပါတယ်၊ သူ့လူ ကိုယ့်လူ မွေးတဲ့သဘောလည်း ပါတယ်နဲ့ တူပါတယ်၊ သူ့ကို နတခကို ပို့တယ်။ ဒါကတော့ တက်မယ့်လူပေါ့ဗျာ။”

ခုန ဦးအောင်ကျော်ဇောပြောတဲ့ ဦးမောင်မောင်ဆိုတာ သမ္မတ ဒေါက်တာမောင်မောင်ကို ပြောတာပါလား။
“ဟုတ်ပါတယ်၊ ဒေါက်တာမောင်မောင်ကို ပြောတာပါ။”

ဗိုလ်မှူးချုပ် စိုးသိန်းက ဒေါက်တာမောင်မောင်ရဲ့ PSO လုပ်ခဲ့ဖူးတယ်ပေါ့။

“ဟုတ်ကဲ့၊ လုပ်ခဲ့ဖူးပါတယ်။ အဲဒီတိုင်းက ကိုတင်မောင်ဝင်း၊ သူက အစက တပ်မ ၂၂ ကလာတော့ DKBA နဲ့ တပ်မ ၂၂ နဲ့ ဆက်ဆံခဲ့ဖူးတာ ရှိတယ်။ အဲဒီအကြောင်းကြောင့်လား မသိဘူး၊ ကိုတင်မောင်ဝင်းကို မော်လမြိုင် ပို့လိုက်တယ်။ ဒဲ့တော့ လဲတာပေါ့ဗျာ။ ဒီဟာက သာမန် ပြောင်းလဲမှုနဲ့တော့ မတူဘူး။ အကြောင်းမျိုးစုံတော့ ရှိနိုင်ပါတယ်။ ဘာဖြစ်လို့လဲဆိုတော့ သူတို့က officiating ကာလမှာပဲ ရှိကြသေးတယ်။ တိုင်းမှူးအစစ်တော့ ဖြစ်ကြသေးတာ မဟုတ်ဘူး။ ခါတိုင်းဆိုရင် တနှစ်လောက် ဗိုလ်ချုပ်တွေ ဖြစ်မှ။ အခုက Brigadier တွေပဲ ဖြစ်ကြသေးတယ်။ Brigadier တနှစ်တောင် မပြည့်သေးဘူး။ သူတို့ မနှစ်က ၉ လပိုင်း၊ ၁၀ လပိုင်းမှ တိုင်းမှူး ဖြစ်ကြတာကိုး။

“ထူးခြားတဲ့ အကြောင်းအချက် မရှိဘဲနဲ့တော့ သူတို့ကို ဒီလို ရွှေ့တာ ပြုတာ လုပ်မယ်မထင်ဘူး။ ကျနော်တို့ ထင်တာက သူတို့မှာ Internal ကိစ္စတွေ ရှိနိုင်တယ်လို့ ထင်တယ်။ အပြင်လူတွေ မသိနိုင်သေးတဲ့ သူတို့ အတွင်းပိုင်းကိစ္စတွေ အများကြီး ရှိတယ်လို့ ယူဆရပါတယ်။”

စစ်တိုင်းမှူး အဆင့်လောက် အထိကို အပြောင်းအရွှေ့တွေ ကိုယ့်စိတ်ကြိုက် လုပ်နိုင်ခဲ့တဲ့ ကာကွယ်ရေး ဦးစီးချုပ်ကတော့ သမိုင်းတလျှောက်မှာ ၂ ယောက်ပဲ တွေ့ခဲ့ဖူးပါသေးတယ်။ ဗိုလ်ချုပ်ကြီး နေ၀င်းနဲ့ ဗိုလ်ချုပ်မှူးကြီး သန်းရွှေပေါ့။ သူတို့ ၂ ယောက်ကတော့ သူတို့ ကာကွယ်ရေးဦးစီးချုပ် ဖြစ်တဲ့အချိန်မှာ အကုန်လုံး စိတ်ကြိုက်တွေ ရွှေ့ကြတာပေါ့။ အဲတော့ အခု ဗိုလ်ချုပ်ကြီး မင်းအောင်လှိုင်ရော သူ့စိတ်ကြိုက် အပြောင်းအရွှေ့ လုပ်နိုင်သွားတယ်လို့ ဦးအောင်ကျော်ဇော မြင်ကြည့်လို့ ရပါသလားခင်ဗျ။ တပ်ထဲမှာ သူ့လူတွေနဲ့ချည်းပဲ တည်ဆောက်တဲ့ လမ်းကြောင်းကို သွားလို့ ရနေပြီလား။ ဘယ်လိုမြင်ပါသလဲခင်ဗျ။

“ကျနော်တော့ မထင်ဘူးဗျ။ တိုင်းမှူးဆိုတာ ထိပ်ဆုံးက ခေါင်းဆောင်တွေ မင်းအောင်လှိုင်တို့၊ စိုးဝင်းတို့ပြီးရင် သူတို့က ဒုတိယ ထိပ်ဆုံးခေါင်းဆောင်တွေ ဖြစ်တာကိုး။ အဲဒီလူတွေက တနေ့ သူတို့က First Line Up တွေ ဖြစ်လာမှာ။ အဲတော့ ဒီလူတွေရဲ့ အရွှေ့အပြောင်းက ကိုမင်းအောင်လှိုင် တယောက်တည်းတော့ မပြီးဘူးဗျ။ နောက်တခုကလည်း သိသာတာက အခု အပြောင်းအရွှေ့လုပ်တဲ့သူ အတော်များများမှာ အနည်းနဲ့ အများဆိုသလို တကြောင်းမဟုတ် တကြောင်း ထောက်ထားတဲ့ အကြောင်းအချက်တွေ အများကြီးရှိတယ်။

“ဒါတွေဟာ ကိုမင်းအောင်လှိုင် တယောက်တည်းလုပ်လို့ မရပါဘူး။ ဘာဖြစ်လို့လဲဆို ဒီလိုနေရာမျိုးကျတော့ နံပါတ် ၁ တို့၊ ၂ တို့ အာဏာမရှိတော့ဘူးလို့ ပြောနေပေမဲ့ ဘယ်လိုပဲဖြစ်နေ ဖြစ်နေ တကယ်တော့ သူတို့မပါဘဲ မရဘူး။

“အဲတော့ ကျနော်မြင်တာတော့ ဒီနေ့ တိုင်းပြည်မှာ ဖြစ်နေတဲ့ အဖွဲ့ကြီး ၄ ဖွဲ့ပေါ့ဗျာ၊ အောင်သောင်းတို့၊ ဗိုလ်ရွှေမန်းတို့၊ ဗိုလ်တင်အောင်မြင့်ဦးတို့၊ မင်းအောင်လှိုင်တို့၊ အဲဒီလို လွှတ်တော်တို့၊ အစိုးရတို့၊ ပါတီတို့၊ အဲဒီ ၄ ယောက်ရဲ့ သူ့လူ ကိုယ့်လူ တပ်ထဲမှာ အပြိုင်အဆိုင် ထည့်ကြတယ်လို့ ကျနော်တော့ ယူဆတယ်။”
ဦးအောင်ကျော်ဇော ပြောပြသွားတာ ဖြစ်ပါတယ်။

မြန်မာအစိုးရသစ် လက်ထက် အပြောင်းအလဲ မမြင်ရသေး

By ဗွီအိုအေ (မြန်မာဌာန)

မြန်မာအစိုးရသစ်ဟာ အပြောင်းအလဲတွေကို လုပ်ဆောင်နေတယ် ဆိုပြီးတော့ ပြည်တွင်းပြည်ပက မြန်မာပြည်သူတချို့ အတွင်းမှာ အလှည့်စားခံနေကြရတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ ဒေါ်အောင်ဆန်းစုကြည်ရဲ့ ပြောဆိုချက်ကို BBC သတင်းဌာနရဲ့ ဟောပြောပို့ချချက် အစီအစဉ်မှာ ဒီကနေ့ ထုတ်လွှင့်ခဲ့တာပါ။

နိုင်ငံတကာက ထင်ရှားတဲ့ ခေါင်းဆောင်တွေနဲ့ ပညာရှင်တွေကို ဖိတ်ခေါ်ပြီး BBC သတင်းဌာနက ဟောပြောပို့ချတဲ့ အစီအစဉ်မှာ ဒေါ်အောင်ဆန်းစုကြည်ရဲ့ ပြောဆိုချက်ကို ထုတ်လွှင့်ခဲ့တာပါ။

အပြောင်းအလဲတွေကို မမြင်ရတဲ့အတွက် တချို့ပြည်သူတွေက စိတ်ပျက်နေကြတယ်၊ စကားလုံးလှလှတွေ ပေါပေါများများ သုံးစွဲနေပေမဲ့ တကယ်တမ်းမှာ အပြောင်းအလဲတွေကို မတွေ့ရဘူးလို့ ဒေါ်အောင်ဆန်းစုကြည်က ပြောပါတယ်။

ဒီကနေ့ ဟောပြောပို့ချချက်မှာ NLD ပါတီရဲ့ ထူးခြားတဲ့ သဘာဝနဲ့ နိုင်ငံရေး လောကမှာ သင့်တော်တဲ့ အခန်းကဏ္ဍတခု အနေနဲ့ ပါဝင်ဖို့ ရုန်းကန် လှုပ်ရှားရတဲ့ အခြေအနေတွေ၊ အာဏာပိုင်တွေနဲ့ မြန်မာပြည်သူတွေအကြား သဘောထား ကွဲလွဲမှုတွေ ဖြစ်လာတာ ဘာကြောင့်လဲ ဆိုတာတွေကို ဒေါ်အောင်ဆန်းစုကြည်က ရှင်းပြပါတယ်။

“NLD ပါတီကို နိုင်ငံရေးပါတီတရပ် အနေနဲ့ ပြည်တွင်းပြည်ပက ထောက်ခံမှုတွေ အများဆုံး ရှိခဲ့ပါတယ်။ ဒီလို အသိအမှတ်ပြု ထောက်ခံခဲ့ကြလို့လည်း NLD ပါတီဘက်က တာဝန်ကျေအောင် အကောင်းဆုံး ဆောင်ရွက်ခဲ့ပါတယ်။ ဒါပေမဲ့ ဒီမိုကရေစီ ဖော်ဆောင်ရေးမှာ NLD ဟာ နိုင်ငံရေးပါတီ တရပ်ရဲ့ ရသင့်ရထိုက်တဲ့ အခွင့်အရေးတွေ မရှိဘဲနဲ့ လုပ်ဆောင်နေရတာပါ။” လို့ ဒေါ်အောင်ဆန်းစုကြည်က ပြောခဲ့ပါတယ်။

အမျိုးသား ဒီမိုကရေစီ အဖွဲ့ချုပ် (NLD) ပါတီဟာ ၁၉၉၀ ခုနှစ် ရွေးကောက်ပွဲမှာ မဲအပြတ်အသတ်နဲ့ အနိုင်ရခဲ့တဲ့ပါတီ ဖြစ်ပေမဲ့လည်း စစ်အစိုးရက အာဏာလွှဲမပေးခဲ့ပါဘူး။
BBC မှာ ဒေါ်အောင်ဆန်းစုကြည်ရဲ့ ပို့ချချက်ကို ၂ ခု ထုတ်လွှင့်တာဖြစ်ပြီး ဒီကနေ့ အစီအစဉ်ကတော့ ဒုတိယ ဟောပြောချက်ကို ထုတ်လွှင့်တာပါ။

ပြီးခဲ့တဲ့အပတ်က ထုတ်လွှင့်ခဲ့တဲ့ ပထမ ဟောပြောချက်မှာတော့ အရှေ့အလယ်ပိုင်း ဒေသက နိုင်ငံတွေအတွင်း ဒီမိုကရေစီရေး လူထုတောင်းဆို လှုပ်ရှားမှုတွေနဲ့ မြန်မာပြည် အခြေအနေကို နှိုင်းယှဉ်ပြီး ဟောပြော ပို့ချခဲ့ပါတယ်။

တူနီးရှားနဲ့ အီဂျစ်နိုင်ငံတွေမှာ ငြိမ်းငြိမ်းချမ်းချမ်းနဲ့ မြန်မြန်ဆန်ဆန် အပြောင်းအလဲတွေ ပေါ်ပေါက်ခဲ့တာဟာ မြန်မာပြည်သူတွေအတွက် အားကျစရာ ဖြစ်စေတယ်လို့ ဒေါ်အောင်ဆန်းစုကြည်က ပြောပါတယ်။

ကိုထင်ကျော် ဆေးရုံမှာ ထပ်မံနှိပ်စက်ခံရ

2011-07-05 RFA

ကုန်ဈေးနှုန်းကျဆင်းရေးဆန္ဒပြလို့ ထောင်ချခံထားရတဲ့ ကိုထင်ကျော်ဟာ စစ်ကိုင်းတိုင်း ခန္တီးထောင် မှာ ကျန်းမာရေး မကောင်းတဲ့အတွက် ထောင်အာဏာပိုင်တွေက အပြင်ဆေးရုံ တက်ခွင့်ပြုလိုက်ပေမယ့် ဒေသခံ ရဲအရာရှိတွေရဲ့ အာဏာပြ အကြမ်းဖက် လုပ်ရပ်ကြောင့် ဆေးမကုရပဲ ထောင်ထဲ ပြန်သွားရတယ်လို့  သတင်း ရရှိပါတယ်။

၂၀၀၇ ခုနှစ်က ကုန်ဈေးနှုန်းကျဆင်းရေးအတွက် ဗိုလ်ချုပ်မှုးကြီး သန်းရွှေထံ တောင်းဆို ဆန္ဒပြမှု အတွက် ထောင်ဒဏ် ၁၂ နှစ်ခွဲ ချမှတ်ခံထားရသူ နိုင်ငံရေးအကျဉ်းသား ကိုထင်ကျော် ဖြစ်ပါသည်။
ဒီကိစ္စနဲ့ ပတ်သက်လို့  ပြီးခဲ့တဲ့ ဇွန်လ - လကုန်ပိုင်းက ထောင်ဝင်စာ သွားတွေ့ခဲ့တဲ့ ကိုထင်ကျော်ရဲ့ ဇနီးသည် မသန်းသန်းမော်က RFA ကို အခုလို ပြောပါတယ်။

"ကျမ သူ့ကို သွားတွေ့တာ ဆိုလို့ရှိရင် ၂၃ ရက်နေ့က သွားတွေ့တာပေါ့။ ဆီး လိပ်ခေါင်းရောဂါနဲ့ ပတ်သက်ပီး ဆေးရုံတက်တဲ့ ကိစ္စမှာ ရဲတွေက လာပီး ခန္တီးခရိုင် ပြည်သူ့ ဆေးရုံမှာ လာပြီး အကြမ်းဖက်တဲ့ ကိစ္စကို သူ ကျမကို တိုင်စာလည်း ပို့ခိုင်းတယ်။ ရဲ မြို့နယ်မှူးတွေက သူ့ကိုလည်း အကြမ်းဖက်တယ်ပေါ့။
သူ့ကို စောင့်တဲ့ ၀န်ထမ်းတွေကိုလည်း ရက်ရက်စက်စက် ထိုးကြိတ်ပြီး သွေးတွေကျ ပါးစပ်တွေ ကွဲတဲ့အထိအောင် လုပ်တယ်ဆိုတော့ အဲဒါကို သူလုံးဝ မကျေနပ်ဘူးပေါ့။ နောက် ထောင်ထဲက အခြေအနေ ကတော့ ရိုးရိုး အကျဉ်းသားတွေ ကပါပေါ့နော် နိုင်ငံရေး အကျဉ်းသားတွေနဲ့ တယောက်နဲ့တယောက် လေးစားသမှု မရှိတော့ဘဲ ပမာမခန့် ပုံစံတွေပေါ့။ တိုက်ခိုက်ပေးတဲ့ ပုံစံလို ဖြစ်နေတယ်တဲ့ ထောင်ထဲမှာတော့။"

ဒီဖြစ်ရပ်ကို ကိုထင်ကျော်က သက်ဆိုင်ရာဌာန ဆိုင်ရာတွေကို စာတင်ခိုင်းတဲ့အတွက် ဇနီးသည် မသန်းသန်းမော်က မနေ့က စာပို့ လိုက်ပြီလို့ ဆိုပါတယ်။

ကိုထင်ကျော်ဟာ ၂၀၀၇ ခုနှစ် ရွှေဝါရောင် သံဃာ့လှုပ်ရှားမှု မတိုင်ခင် လပိုင်းက စစ်အစိုးရက လောင်စာဆီ ဈေးနှုန်းတွေ ရုတ်တရက် မြှင့်လိုက်လို့ ကုန်ဈေးနှုန်း တက်သွားတဲ့ အတွက် ဒီကိစ္စကို ဖြေရှင်းပေးဖို့  အဲဒီအချိန်က စစ်အစိုးရ ခေါင်းဆောင် ဗိုလ်ချုပ်မှုးကြီး သန်းရွှေဆီကို တောင်းဆို ဆန္ဒပြတဲ့ အတွက် ထောင်ဒဏ် ၁၂ နှစ်ခွဲ ချမှတ်ခံထားရတာ ဖြစ်ပါတယ်။

မြန်မာအစိုးရသံမှူး နိုင်ငံရေးခိုလှုံခွင့် တောင်းခံတဲ့အပေါ် ဝါရှင်တန် မြန်မာအသိုင်းအဝိုင်း ကြိုဆို

2011-07-05 RFA

အမေရိကန်နိုင်ငံဆိုင်ရာ မြန်မာသံမှူး ဦးကျော်ဝင်း မနေ့က အမေရိကန် ပြည်ထောင်စုမှာ နိုင်ငံရေး ခိုလှုံခွင့် တောင်းလိုက်တဲ့ အပေါ် အမျိုးသားညွန့်ပေါင်း အစိုးရ (NCGUB) နဲ့ မြန်မာ မိသားစုတွေက ကြိုဆိုလိုက်ကြပါတယ်။


သံမှူး ဦးကျော်ဝင်းဟာ မြန်မာနိုင်ငံ အစိုးရ အဆက်ဆက် နိုင်ငံခြားရေးဌာနမှာ အဆင့်မြင့် သံအရာရှိအဖြစ် နှစ်ပေါင်းများစွာ အမှုထမ်းခဲ့သလို အမေရိကန်နိုင်ငံဆိုင်ရာ မြန်မာသံမှူး အဖြစ်လည်း တာဝန် ထမ်းဆောင်ခဲ့ပြီး အခုလို နိုင်ငံရေး ခိုလှုံခွင့် တောင်းလိုက်ခြင်းဟာ လက်ရှိ အစိုးရကို အယုံအကြည် မရှိကြောင်း ပြသလိုက်တာ ဖြစ်တယ်လို့ အမျိုးသားညွန့်ပေါင်း အစိုးရ ဝန်ကြီးချုပ် ဒေါက်တာစိန်ဝင်းက သုံးသပ် ပြောကြားပါတယ်။

"ကျနော်တို့ ကြိုဆိုတယ်။ အထူးသဖြင့်တော့ အပြောင်းအလဲဆိုတာ မဟုတ်ဘူး၊ တကယ့် အပြောင်းအလဲဆိုတာ မဟုတ်ဘူး၊ ဦးသိန်းစိန် အစိုးရဟာ ဒီမိုကရေစီနဲ့ ပြောင်းလဲမယ် ဆိုတာလည်း မဟုတ်ပါဘူး ဆိုတာကို ကျနော်တို့ ပြောနေတာဟာ သက်သေထူတဲ့ ပုံစံ ပေါ်နေပီပေါ့ဗျာ။ နိုင်ငံရေး အကျဉ်းသားတွေလည်း တကယ်တော့ တယောက်မှ မလွတ်ပါဘူးနော်။ ဒါဟာ အရေးအကြီးဆုံး အချက်ပဲ။ ဒီအရေးအကြီးဆုံး အချက်ကို ကျနော်တို့ ဘယ်လောက်ကြာကြာ ထပ်စောင့်ရမှာလဲ"

အမေရိကန်နိုင်ငံ မေရီလဲန်း၊ ဗာဂျီးနီးယား နဲ့ ဝါရှင်တန်ဒီစီ တဝိုက်က မြန်မာ့ ဒီမိုကရေစီရေး လှုပ်ရှားနေသူ မြန်မာနိုင်ငံသား မိသားစုတွေ အနေနဲ့လည်း ဦးကျော်ဝင်းကို ကြိုဆိုကြကြောင်း၊ လက်ရှိ အစိုးရဟာ ဒီမိုကရေစီ အပြောင်းအလဲကို ဦးတည်နေတယ် ဆိုတဲ့အချက်ဟာ မမှန်ဘူး ဆိုတာကို ဦးကျော်ဝင်းက ထုတ်ဖော် ပြောဆိုတာကိုလည်း ကြိုဆိုကြောင်း ဦးညီညီအောင်က ပြောပါတယ်။

"ဒါ ပထမဆုံး ဝန်ထမ်းတွေအနေနဲ့ အစိုးရရဲ့ လုပ်ရပ်တွေကို လက်မခံဘူး၊ အစိုးရရဲ့ လုပ်ရပ်တွေဟာ မှားယွင်းနေတယ်ဆိုတာ သိသာလို့ အမှန်တရားဘက်မှာ ရပ်တည်လိုက်တယ်။ ဒီအတွက်ကြောင့်လည်း ဝါရှင်တန်ဒီစီ ကွန်မြူနတီအနေနဲ့ ကြိုဆိုတယ်။ ဒါမျိုးတွေလည်းပဲ ဝန်ထမ်းတွေ တပ်မတော်သားတွေ ကြားထဲမှာ ဆက်ပြီးတော့ ဖြစ်ပေါ်လာလိမ့်မယ် ဆိုတာ မျှော်လင့်တယ်။
သူ့အနေနဲ့ ဆိုလို့ရှိရင် ဝန်ထမ်းတယောက် လုပ်လာတယ်ဆိုတော့ ပိုပြီးတော့ မှန်မှန်ကန်ကန် နားလည်တယ်။ အစိုးရ အနေနဲ့ ဒီမိုကရေစီ လုပ်ရပ်တွေကို မလုပ်တဲ့အပြင် လူ့အခွင့်အရေး ချိုးဖောက်မှုတွေ ရှိတဲ့အတွက်ကြောင့် စုံစမ်း စစ်ဆေးရေး ကော်မရှင်ဖွဲ့ဖို့ကို သူကိုယ်တိုင် ထောက်ခံတယ် ဆိုတဲ့ဥစ္စာဟာ တကယ့်ကိုပဲ အားရစရာ ကောင်းတယ်။ အဲဒီ အတွက်ကြောင့်လည်းပဲ နိုင်ငံတကာ အနေနဲ့ ပိုပြီးတော့ ထိရောက်တဲ့ လုပ်ဆောင်မှုတွေကို ပို လုပ်သင့်တယ်။ ဘာဖြစ်လို့လဲ ဆိုတဲ့အခါကျတော့ အစိုးရ ဝန်ထမ်းကိုယ်တိုင်က သူတို့ရဲ့ အခြေအနေ အခင်းအကျင်းကို ပြောပြတာ ဖြစ်တယ်"

မြန်မာသံမှူးကြီး ဦးကျော်ဝင်း နိုင်ငံရေးခိုလှုံခွင့် တောင်းခံတဲ့ အကြောင်းတွေထဲမှာ လက်ရှိ အစိုးရ နောက်ကွယ်မှာ စစ်ဗိုလ်ချုပ်ကြီးတွေဟာ အာဏာကို လုံးဝ ချုပ်ကိုင်ထားနိုင်ဖို့အတွက် ပြင်ဆင်ထားချက်သာ ဖြစ်ကြောင်း မြန်မာအစိုးရရဲ့ လူ့အခွင့်အရေး ချိုးဖောက်မှုတွေကို ကုလသမဂ္ဂ ကနေ စုံစမ်းစစ်ဆေးရေး ကော်မရှင်ဖွဲ့ပြီး အဖြစ်မှန်တွေကို စုံစမ်းသင့်ကြောင်း တိုက်တွန်းထားပါတယ်။

ထိုင်းရွေးကောက်ပွဲ ယင်းလပ် ရှင်နာဝပ် အနိုင်ရမှု ဒေါ်စု ကြိုဆို

By ဦးသားညွန့်ဦး

ထိုင်းနိုင်ငံမှာ အတိုက်အခံ အမျိုးသမီးခေါင်းဆောင် ယင်းလပ် ရှင်နာဝပ် (YinLuck Shinawatra) ဦးဆောင်တဲ့ ဖွေထိုင်းပါတီ (Pheu Thai) အနိုင်ရသွားတာဟာ ဒီမိုကရေစီ စနစ်အရ လူထုရဲ့ မှန်ကန်တဲ့ ရွေးချယ်မှု ဖြစ်တာမို့ မြန်မာ့ဒီမိုကရေစီရေး လှုပ်ရှားသူတွေက ကြိုဆိုကြပါတယ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း အမျိုးသမီး ခေါင်းဆောင်တဦး အာဏာရလာတဲ့အတွက် ကြိုဆိုလိုက်ပြီး ထိုင်း၊ မြန်မာ နှစ်နိုင်ငံ ဆက်ဆံရေးမှာ ပြည်သူချင်း ဆက်ဆံရေး ကောင်းမွန်ဖို့ မျှော်လင့်တယ်လို့ ပြောဆိုသွားပါတယ်။ အပြည့်အစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

ထိုင်းနိုင်ငံရဲ့ အမျိုးသမီး အတိုက်အခံခေါင်းဆောင် ယင်းလပ် ဦးဆောင်တဲ့ ဖွေထိုင်းပါတီဟာ ထိုင်း အောက်ခြေလူတန်းစားတွေ၊ တောနေလူထုနဲ့ လယ်သမားထုရဲ့ ထောက်ခံမှုကို ရတဲ့ပါတီ ဖြစ်ပါတယ်။ ဒါကြောင့်လည်း ဒီရွေးကောက်ပွဲဟာ ဒီမိုကရေစီ စနစ်အရ လူထုအများစုရဲ့ ရွေးချယ်မှုအမှန် ဖြစ်တယ်လို့ မြန်မာ့ဒီမိုကရေစီရေး လှုပ်ရှားသူတွေက မြင်ကြပါတယ်။

ဒီမိုကရေစီနည်းအရ လူထုက ရွေးချယ် တင်မြှောက်တဲ့ အစိုးရကို ကြိုဆိုရမှာ ဖြစ်သလို အမျိုးသမီး ခေါင်းဆောင်တဦး အခုလို အာဏာရတဲ့ အတွက်လည်း နှစ်သက်မိတယ်လို့ ပုဂံမြို့ကို ဘုရားဖူးရောက်နေတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ ထိုင်း၊ မြန်မာ ဆက်ဆံရေး ပိုကောင်းလာဖို့အတွက်လည်း မျှော်လင့်တဲ့အကြောင်း ပြောသွားပါတယ်။

“အန်တီတို့နိုင်ငံနဲ့တော့ ပိုပြီးတော့ ဆက်သွယ်ရေး၊ ဆက်ဆံရေး ကောင်းမယ်လို့ မျှော်လင့်ပါတယ်။”
ဒီမိုကရက်တစ်ပါတီ (မြန်မာ) ရဲ့ ဥက္ကဋ္ဌဖြစ်သူ ဦးသုဝေကလည်း အတိုက်အခံ အမျိုးသမီးခေါင်းဆောင် ယင်းလပ် အနိုင်ရတာကို ကြည့်မယ်ဆိုရင် လူထုက သူတို့အပေါ် ဖိနှိပ်တယ်ထင်တဲ့ အစိုးရ မှန်သမျှကို လက်ခံမှာ မဟုတ်ဘူးဆိုတာ ပြသနေတာလို့ ပြောပါတယ်။ မြန်မာအစိုးရပိုင်းနဲ့ ဆက်ဆံရေးပိုင်းမှာတော့ သိသာထင်ရှားတဲ့ ပြောင်းလဲမှု မရှိနိုင်ဘူးလို့ သူက ယူဆပါတယ်။

“ထိုင်းက ဘယ်အစိုးရပဲ တက်တက်ပါ၊ မြန်မာနိုင်ငံနဲ့တော့ အကျိုးရှိမယ်လို့ပဲ ယူဆပါတယ်။ ဘာဖြစ်လို့လဲဆိုတော့ ယင်းလပ်ကလည်း သူ့အကိုလက်ထက် ကတည်းကလည်း မြန်မာပြည်နဲ့ တော်တော် နီးနီးစပ်စပ် လုပ်ခဲ့တာပဲ။ အဲတော့ ကျနော်ယူဆတာကတော့ ဘယ်အစိုးရပဲတက်တက် ထိုင်းနိုင်ငံက မြန်မာနဲ့ ပတ်သက်လို့ အကျိုးအများကြီးရှိတဲ့ တိုင်းပြည်ပဲ။ အဲဒီတော့ မြန်မာနဲ့ ရင်းနှီးအောင်၊ ပိုပြီးတော့ ကောင်းအောင် လုပ်မှာပဲလို့ ယူဆပါတယ်။”

ထိုင်းနိုင်ငံဟာ ပြည်ပရောက် မြန်မာအတိုက်အခံ လှုပ်ရှားသူတွေ အဓိက ပတ်သက်နေရတဲ့နေရာ ဖြစ်တာမို့လည်း ထိုင်းအစိုးရ အပြောင်းအလဲတိုင်းဟာ ပြည်ပရောက် မြန်မာလှုပ်ရှားသူတွေ အတွက်လည်း အရေးပါနေတယ်လို့ ပြောရမှာပါ။ အနိုင်ရတဲ့ ယင်းလပ်ရဲ့ အကိုဖြစ်သူ ၀န်ကြီးချုပ်ဟောင်း သက်ဆင် ရှင်နာဝပ် (Thaksin Shinawatra) လက်ထက်အတွင်းမှာ ထိုင်းအစိုးရနဲ့ မြန်မာအစိုးရအကြား စီးပွားရေး ဆက်ဆံမှုတွေ အတော်လေး ကောင်းခဲ့ပါတယ်။ ပြည်ပရောက် အတိုက်အခံတွေနဲ့ ပိုနီးစပ်တာကလည်း အခု ရှုံးနိမ့်သွားတဲ့ ဒီမိုကရက် အစိုးရ ဖြစ်ပါတယ်။

ပြည်ပရောက် အမျိုးသား ဒီမိုကရေစီ အဖွဲ့ချုပ် လွတ်မြောက်နယ်မြေ နိုင်ငံခြားဆက်ဆံရေး တာဝန်ခံ ဦးညိုအုန်းမြင့်ကတော့ အခု အတိုက်အခံတွေ အနိုင်ရတာဟာ ထိုင်းစစ်တပ်အပေါ် သင်ခန်းစာတရပ် ဖြစ်စေမယ်လို့ မြင်ပါတယ်။

“ပွင့်ပွင့်လင်းလင်း ပြောရမယ်ဆိုရင် ဒီမိုကရက်ပါတီက ကျနော်တို့နဲ့ ရင်းနှီးတဲ့ပါတီ ဖြစ်ပါတယ်။ ဒါပေမဲ့ ပြည်သူလူထုက နေပြီးတော့ စစ်တပ်ကနေ အတင်းအကျပ် ဖိအားပေးပြီးတော့ နိုင်ငံတော်အာဏာကို ယူထားတဲ့ အပေါ်မှာ ထိုင်းပြည်သူတွေက နေပြီးတော့ စစ်တပ်ကို ပထမဆုံး သင်ခန်းစာ ပေးလိုက်တယ်လို့ ပြောလို့ရပါတယ်။ အဲဒီသင်ခန်းစာကတော့ ဒီမိုကရေစီဆိုတာ ပြည်သူရဲ့ ရွေးချယ်မှုဖြစ်တယ် ဆိုတဲ့ဟာ ဖြစ်ပါတယ်။ အဲဒီအတွက် ဒီမိုကရေစီအရ ဆိုရင်တော့ ကျနော်တို့ ထိုင်းနိုင်ငံရဲ့ နိုင်ငံရေး အပြောင်းအလဲကို ကြိုဆိုရမှာ ဖြစ်ပါတယ်။

“ဒါပေမဲ့ တဘက်မှာလည်း အနီရယ်၊ အ၀ါရယ်ဆိုပြီး ကွဲပြားမှု အင်မတန် ကြီးနေတဲ့ ထိုင်းနိုင်ငံရေး အနေအထား၊ နောက် ပြည်သူတွေ ကြားထဲမှာကို အယူအဆ ၂ ခု ကွဲပြားနေတာက ထိုင်းနိုင်ငံရဲ့ အနာဂတ်အတွက် အန္တရာယ်ရှိသေးတယ်လို့ ကျနော် ထင်ပါတယ်။”

အခု ယင်းလပ်တို့ပါတီက အရင်ကဆို သက်ဆင် ရှင်နာဝပ်ကို လိုလားတဲ့ အုပ်စုတွေပေါ့၊ သူတို့ ပြန်ပြီး အနိုင်ရသွားတဲ့ အတွက်ကြောင့် ထိုင်းနိုင်ငံမှာရှိတဲ့ မြန်မာ အတိုက်အခံတွေနဲ့ ဆက်ဆံရေး အလားအလာရော ဘယ်လိုရှိပါသလဲ။ ဘာဖြစ်လို့လဲဆိုတော့ မြန်မာအတိုက်အခံတွေနဲ့ ဒီမိုကရက်က ပိုနီးစပ်လေ့ ရှိတာကိုး။

“ဟုတ်ပါတယ်။ ဒါလည်း အင်မတန် စိုးရိမ်စရာကောင်းတဲ့ အချက်တချက် ဖြစ်ပါတယ်။ ဒါပေမဲ့လည်း ပြီးခဲ့တဲ့ ရှပ်နီ လှုပ်ရှားမှုမှာ ဒေါ်အောင်ဆန်းစုကြည်ရဲ့ စစ်တပ်နဲ့ ပတ်သက်ပြီး ဝေဖန်ထားတဲ့ အပေါ်မှာ ရှပ်နီ အတော်များများက ဒေါ်အောင်ဆန်းစုကြည် အပေါ်မှာ ထောက်ခံမှု ရှိတယ်ဆိုတာ တွေ့ရပါတယ်။ နောက်တခုက ထိုင်းနိုင်ငံမှာ တနိုင်ငံလုံးက ဒေါ်အောင်ဆန်းစုကြည် အပေါ်မှာ အင်မတန်မှ ကြည်ညိုလေးစားမှု ရှိတဲ့အတွက်ကြောင့် ဒေါ်အောင်ဆန်းစုကြည်ရဲ့ မျက်နှာ ရှိသ၍ကတော့ ပက်ပက်စက်စက် လုပ်ဖို့ သူတို့မှာ အခက်အခဲ ရှိမယ်လို့ ထင်ပါတယ်။”
ထိုင်းနိုင်ငံတွင်း ပုံစံမျိုးစုံနဲ့ ရောက်ရှိနေကြတဲ့ မြန်မာတွေ၊ မြန်မာအလုပ်သမားတွေကို ကောင်းကောင်းမွန်မွန် စောင့်ရှောက်ပေးဖို့လည်း ထိုင်းအာဏာပိုင်တွေနဲ့ အခု ရွေးကောက်ပွဲ အနိုင်ရ ထိုင်းနိုင်ငံရေး အင်အားစုတွေကို ဒေါ်အောင်ဆန်းစုကြည်က တိုက်တွန်းခဲ့ပါတယ်။

“ကျမတို့က ဒီအချိန်မှာ ထိုင်းကို မှီခိုနေရတဲ့သူတွေ ဖြစ်ပေမဲ့လည်း တချိန်တခါမှာ ကိုယ့်ဘက်ကနေပြီးတော့ ပြန်ပြီးတော့ ကူညီနိုင်မယ့် လက်တွဲပြီး လုပ်ဆောင်ဖို့ အခွင့်အရေးတွေလည်း ရမယ်လို့ ယုံကြည်လို့ ဒီအချိန်မှာ ကျမတို့ရဲ့ ပြည်သူတွေကို မေတ္တာ ကရုဏာနဲ့ ဆက်ဆံပါလို့ တိုက်တွန်းချင်ပါတယ်။”

အခု အနိုင်ရ အတိုက်အခံခေါင်းဆောင် ယင်းလပ် ရှင်နာဝပ်ဟာ နိုင်ငံရေးလောကထဲကို အချိန်တိုအတွင်း ရောက်ရှိပြီး အခုတော့ ၀န်ကြီးချုပ် ဖြစ်လာမယ့် အခြေအနေ ရှိနေပါပြီ။ ဒါဟာ ထိုင်းနိုင်ငံအတွက်တော့ ပထမဆုံး အမျိုးသမီး ၀န်ကြီးချုပ် ဖြစ်ပါလိမ့်မယ်။

ယင့်လပ်၏အောင်မြင်မှုကို ဒေါ်အောင်ဆန်းစုကြည် ကြိုဆို

ဧရာဝတီ Tuesday, 05 July 2011 11:29

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ထိုင်းနိုင်ငံ ရွေးကောက်ပွဲတွင် အနိုင်ရရှိထားသော မစ္စ ယင့်လပ် ရှင်နာဝပ်၏ ဖုယာ့ထိုင်း ပါတီသည် ဒီမိုကရေစီ နည်းလမ်းအရ အများပြည်သူဆန္ဒဖြင့် ရွေးကောက် တင်မြှောက် ခံလိုက်ရခြင်းကြောင့် အောင်မြင်မှု ရရှိခဲ့သဖြင့် ကြိုဆိုကြောင်း ပြောသည်။

ယနေ့နံနက်က ပုဂံအာနန္ဒာ ဘုရားဖူးအပြီး သတင်းထောက်များနှင့် တွေ့ဆုံစဉ် သူက အထက်ပါအတိုင်း ပြောဆိုလိုက်ခြင်း ဖြစ်သည်။

ဒေါ်အောင်ဆန်းစုကြည်က ထိုင်းအစိုးရသစ်နှင့် ဆက်ဆံရေး၊ ဆက်သွယ်ရေး ကောင်းမွန်ရန် မျှော်လင့်ပြီး ထိုင်းနိုင်ငံသို့ ရောက်ရှိနေသော မြန်မာဒုက္ခသည်များကို စေတနာ၊ မေတ္တာနှင့် စောင့်ရှောက်ပေးရန် မေတ္တာရပ်ခံကြောင်းလည်း ပြောသည်။

ထိုင်းနိုင်ငံ ရွေးကောက်ပွဲ၌ လက်ရှိ အာဏာရ ဒီမိုကရက် ပါတီက အမတ်နေရာ ၁၆၀ နေရာတွင်သာ အနိုင်ရရှိခဲ့ပြီး အတိုက်အခံ ဖုယာ့ထိုင်း ပါတီက၂၆၂ နေရာရရှိခဲ့သည်။

ထိုင်းနိုင်ငံ၏ ပထမဆုံး အမျိုးသမီးဝန်ကြီးချုပ်ဖြစ်လာမည့် မစ္စ ယင့်လပ် ရှင်နာဝပ်သည် လာဘ်စားမှုဖြင့် ၀ရမ်းထုတ်ခြင်း ခံထားရသည့် ၀န်ကြီးချုပ်ဟောင်း မစ္စတာ သက်ဆင် ရှင်နာဝပ်၏ ညီမ အငယ် ဆုံးဖြစ်သည်။ မစ္စ ယင့်လပ် မှာ မစ္စတာ သက်ဆင်၏ ကိုယ်ပွားတယောက်ဖြစ်သည်ဟုလည်း ထိုင်း နိုင်ငံရေး လောကတွင် နာမည်ကြီးသူ တဦးဖြစ်သည်။

မစ္စ ယင့်လပ်ကဲ့သို့သော အမျိုးသမီးတဦး ယခုကဲ့သို့ အောင်မြင်မှု ရသဖြင့် သဘောကျသည်ဟု ဒေါ်အောင်ဆန်းစုကြည်က ပြောသည်။

ဒေါ်အောင်ဆန်းစုကြည်သည် ယနေ့နံနက်တွင် အာနန္ဒာဘုရား၊ သဗ္ဗေညုဘုရား၊ မြစေတီနှင့် မနူဟာဘုရား တို့ကို သွားရောက်ဖူးမျှော်ခဲ့ပြီး မနူဟာ ဘုရားအရောက်တွင် မြို့ခံများက ဒေါ်အောင်ဆန်းစုကြည်ကို ကြိုဆို နှုတ်ဆက်ခဲ့သည်။

“အန်တီ့ကို မြင်လိုက်ရတာ အရမ်းဝမ်းသာတယ်၊ ငိုလည်းငိုချင်တယ်။ ကွဲနေတာ ကြာလှပြီ။ အန်တီကျန်းမာပါစေ၊ အန်တီ့ကို အရမ်းချစ်ပါတယ်” ဟု မနူဟာဘုရားအနီး ဈေးရောင်းချနေသူ တဦးက ပြောသည်။

နံနက် ၈ နာရီ ၄၀ မိနစ်ခန့်တွင် မနူဟာဘုရားအနီးသို့ ဒေါ်အောင်ဆန်းစုကြည် ရောက်ရှိသွားချိန်၌ ရာချီသော ဒေသခံများက နေထိုင်ရာ ရပ်ကွက်များအတွင်းမှ ပြေးထွက်လာပြီး ကြိုဆိုနှုတ်ဆက်ရာ ဒေါ်အောင်ဆန်းစုကြည်ကလည်း ဒေသခံများကို ပြန်လည် နှုတ်ဆက်သည်။

ဒေါ်အောင်ဆန်းစုကြည်သည် ယမန်နေ့က ပုဂံသို့ ရောက်ရှိခဲ့ပြီး လာမည့် သောကြာနေ့တွင် လေကြောင်းခရီးစဉ်ဖြင့် ရန်ကုန်မြို့သို့ ပြန်လည် ထွက်ခွာမည် ဖြစ်သည်။ ယခု ခရီးစဉ်သည် ၎င်း နေအိမ်အကျယ်ချုပ်မှ ပြန်လွတ်ပြီးသည့် နောက်ပိုင်း ပထမဆုံး ရန်ကုန်ပြင်ပ ခရီးစဉ်ဖြစ်သည်။

ဌာနချုပ်ကိုစွန့်ခွါရန် SSPP/SSA အား RCSS/SSA တိုက်တွန်း

Tuesday, 05 July 2011 16:33 သျှမ်းသံတော်ဆင့်

သျှမ်းပြည်တပ်မတော် SSPP/SSA ဌာနချုပ် ဝမ့်ဟိုင်း ၌ကျန်ရှိနေသော ဗိုလ်ချုပ်ပန်ဖှ၏ လက်ထောက် ဦးဆောင်သည့် အဖွဲ့အား ဌာနချုပ်မှ ထွက်ခွါသင့် ကြောင်း RCSS/SSA ခေါင်းဆောင်က တိုက်တွန်း လိုက်ကြောင်းကြားသိရသည်။

“ အခုဌာနချုပ်မှာကျန်နေတာက စစ်ဖက်ဆိုင်ရာ ဒု ဦးစီးချုပ် ဗိုလ်မှူးကြီး ခေမင်ပေါ့။ အင်အား ၂၀ဝ-၃၀ဝ လောက်ရှိတယ်။ သူ့ ကို ရန်သူက မပိတ်ခင်ထွက်နိုင်ရင်ကောင်းမယ်။ နေရာရှုံးတာ ပြန်ယူလို့ရတယ်။လူမရှုံး စေချင်ဘူး ” ဟု ဒုဗိုလ်ချုပ်ကြီးယွက်စစ် ကပြောကြောင်း ဌင်းနှင့်နီးစပ်သည့် အသိုင်းအဝိုင်းကပြောသည်။

မတ်လကစ၍ သျှမ်းပြည်တပ်မတော် SSPP/SSA အား မြန်မာစစ်တပ်က ထိုးစစ်ဆင်တိုက်ခိုက် သည် မှာ ၄ လ နီးပါးရှိပြီ ဖြစ် သော်လည်း ယနေ့တိုင် ဌာနချုပ်မသိမ်းပိုက်သေးသည်မှာ ရေမနောက်စေဘဲ ငါးလည်းဖမ်းမနိုင် သည့် နည်းလမ်းကို အသုံးပြုနေခြင်းဖြစ်သဖြင့် အချိန်မနှောင်းခင် ထွက်ရန်လိုအပ်ကြောင်းRCSS/SSA အဆင့်မြင့် အရာရှိတဦး ကပြောသည်။“

ဒေသခံလူထုတွေရော SSPP/SSA ဖက်ကရော လာတဲ့သတင်းအရ ဗမာစစ်တပ်က ဝမ့်ဟိုင်းဌာနချုပ်ကို ၃ ဖက် ၃ တန် ပိတ်ဆို့ထားတယ်။ တောင်ဖက်ထွက်လမ်းတလမ်းပေးထားတယ်။ ဒီပုံအရဆိုရင် သူတို့တွေ တဖြည်း ဖြည်းချင်း တိုးဝင်လာ မယ်။ နောက်ဆုံး ကျနော်တို့ဖက်က မလှုပ်ရှားနိုင်တော့တဲ့အခြေအနေမှာ လက်နက်ဖြုတ် ယူရုံကလေးဘဲ။ တိုက်ယူစရာ မလို တော့ဘူး ဆိုတော့ ပျက်စီးမှုလဲမရှိစေဘူး။ လူကိုလဲလွယ်လွယ်နဲ့သိမ်းပိုက်နိုင် မယ်” ဟု ဌင်းက ရှင်းပြခဲ့သည်။

လက်ရှိတွင်မူ ဝမ့်ဟိုင်းဌာနချုပ်၌ SSPP/SSA ခေါင်းဆေင် ဗိုလ်ချုပ်ပန်ဖှလည်း မရှိတော့ဘဲ လွတ်ကင်းသည့် နေရာ သို့ရောက်နေကြောင်းလည်း သျှမ်းပြည်တပ်မတော်အသိုင်းအဝိုင်းထံမှ သိရသည်။ယခုကဲ့သို့ လချီကြာအောင် မြန်မာစစ်တပ်ကသျှမ်းပြည်တပ်မတော်အား ထိုးစစ်ဆင်တိုက်ခိုက်နေသော်လည်း KIA ကချင် တပ်မတော်နှင့် ဖြစ်ပွါးသော တိုက်ပွဲကဲ့သို့ ကမ္ဘာမသိနိုင်သည်မှာ သျှမ်းပြည်တပ်မတော် SSPP/SSA ဌာနချုပ်မှာ နယ်စပ် နှင့် ထိစပ်ခြင်းမရှိသောကြောင့် ဖြစ်ကြောင်း သျှမ်းသံတော်ဆင့်အားရှင်းပြသည်။“

ကျနော်တို့ SSPP/SSA ရဲ့ဌာနချုပ်က သျှမ်းပြည်အလယ်ပိုင်းမှာရှိနေတော့ မီဒီယာတွေ ဝင်ရခက်တယ်လေ။ နယ်စပ် မဟုတ်တော့ မြန်မာစစ်တပ်က ဘာဘဲလုပ်လုပ် အိမ်နီးချင်း နိုင်ငံကို ထောက်စရာ ငဲ့စရာ အရေးစိုက်စရာ မလိုဘူးလေ။ အဲဒါ ကြောင့် ကျနော်တို့ဟာ ကချင်တိုက်ပွဲလို ကမ္ဘာက မသိနိုင်တာဖြစ်တယ်လို့ ယူဆတယ်” ဟု စဝ်ယွက်စစ်က ပြောကြောင်း ဌင်းကဆိုသည်။

သို့သော် မည်သို့ပင်ဖြစ်စေကာမူ တိုက်ပွဲဖြစ်နေသော ၄ လ နီးပါးကာလအတွင်း SSPP/SSAကပြောက်ကျားစစ် ဗျုဟာ ကိုသာ အသုံးပြုရာ သျှမ်းပြည်တောင်ပိုင်း လွယ်တိုင်းလျဲန်းအခြေစိုက် RCSS/SSA တပ်ဖွဲ့ကလည်း တတ်နိုင်သည့်ဖက် ကကူညီ ပေးခဲ့သည်ဟုလည်း ဒုဗိုလ်ချုပ်ကြီး ယွက်စစ်က ပြောဆိုခဲ့သည်။မေလ ၂၁ ရက် ၅၃ နှစ်မြောက် သမိုင်းဝင် သျှမ်းပြည်တော်လှန်ရေးနေ့၌ သျှမ်းပြည်တပ်မတော် SSAတောင်/ မြောက် တပ်ဖွဲ့မရှိတော့၊ ပူးပေါင်းလိုက်ပြီသဖြင့် SSA တခုတည်းသာရှိတော့ကြောင်းဗိုလ်ချုပ်ကြီးယွက်စစ် ကြေငြာခဲ့သည်။

မြ၀တီရှိ BGF တပ်ဖွဲ့အား KNLA ၀င်ရောက်ပစ်ခတ်၊ ၃ ဦး ထိခိုက် ဒဏ်ရာရ

ဇူလိုင်လ ၅ ရက်။ စောသိန်းမြင့် (ကေအိုင်စီ)

ကရင်ပြည်နယ်၊ မြ၀တီမြို့နယ် မယ့်ပလယ်တိုဂွင်တွင် လှုပ်ရှားသည့် နယ်ခြားစောင့်တပ် BGF တပ်ဖွဲ့အား ယမန်နေ့က ကရင် အမျိုးသားလွတ်မြောက်ရေးတပ်မတော် KNLA တပ်မဟာ(၇) တပ်ဖွဲ့များက သွားရောက်ပစ်ခတ်ခဲ့ရာ BGF တပ်ဖွဲ့ဝင် ၃ဦး ထိ ခိုက်ဒဏ်ရာရရှိခဲ့သည်ဟု သိရသည်။

မြ၀တီမြို့၏ မြောက်ဘက် ၇မိုင် အကွာအဝေးရှိ မယ်ပလယ့်တိုဂွင်တွင် လှုပ်ရှားသည့် BGF တပ်ရင်း(၁၀၁၈)တပ်ရင်းအား ယမန်နေ့ မနက် ၉နာရီကျော်တွင် KNLA တပ်မဟာ (၇)လက်အောက်ခံ တပ်ရင်း(၁၀၁)တပ်ဖွဲ့ဝင်များက ချိန်ကိုက်မိုင်းများနှင့် အတူ သွားရောက်ပစ်ခတ်ခဲ့မှုကြောင့် ယခုလို BGF တပ်ဖွဲ့ဝင်များ ထိခိုက်ဒဏ်ရာရရှိခဲ့ခြင်းဖြစ်သည်ဟု DKBA အရာရှိဟောင်း တစ်ဦးက ပြောသည်။

သူက “ပစ်ခတ်မှုကတော့ ၁၀ မိနစ်လောက်ပဲ ကြာတယ်။ ပစ်ခတ်မှုဖြစ်တဲ့နေရာကတော့ ကျော်ဝေါ်ခို့နဲ့ ထီးလော်သီကြားမှာ ဖြစ်တယ်။ BGF တာဝန်ခံကတော့ ခြေထောက် ထိမှန်တယ်။ အခြားနှစ်ယောက်ကတော့ တော်တော်အထိနာတယ်။ ဆီးအိမ် ပေါ်မှာ တစ်ယောက်ထိတယ်။ တင်ပါးမှာ တယောက်ထိတယ်။ ဖြစ်ပွားမှု ပြီးပြီးချင်းမှာပဲ မဲဆောက်ဆေးရုံကို ပို့လိုက်တယ်။”ဟု ပြောသည်။

၎င်းပစ်ခတ်မှု ဖြစ်ပွားရာနေရာတွင် ဗိုလ်မှူးစောမောင်ဝင်း ဦးစီးသည့် BGF တပ်ရင်း(၁၀၁၈)က အစိုးရစစ်တပ်နှင့် ပူးပေါင်း၍ KNLA တပ်ဖွဲ့ဝင်များ၏ ၀င်ထွက်သွားလာမှုကို ချောင်ပိတ်ချင်သောကြောင့် ယခုလို KNLA တပ်ဖွဲ့ဝင်များက လက်ဦးမှု ရယူ လိုက်ခြင်းဖြစ်ကြောင်း ၎င်း DKBA တပ်မှူးက ဆက်ပြောသည်။

အဆိုပါ ပစ်ခတ်မှုမှာ မှန်ကန်သော်လည်း ပစ်ခတ်မှု၏ဖြစ်စဉ် အသေးစိတ်ကို အတိအကျ မသိရှိရသေးကြောင်း KNLA (၁၀၁) တပ်ရင်းမှူး ဒုဗိုလ်မှူးကြီး စောဖောဒိုက ပြောသည်။
ထိုကိစ္စနှင့်ပတ်သက်၍ BGF တပ်ရင်း(၁၀၁၈)မှ တာဝန်ရှိသူများအား ကေအိုင်စီက မေးမြန်းရန် အကြိမ်ကြိမ် ကြိုးစားဆက် သွယ်ခဲ့သော်လည်း ဖုန်းလိုင်းမရရှိခဲ့ပေ။

ပြီးခဲ့သည့် ဇွန်လ ၂၉ရက်နေ့ကလည်း ကော့ကရိတ်မြို့ တောင်ဘက် ၃မိုင်အကွာရှိ နန်းရွှေမုံကျေးရွာတွင် လှုပ်ရှားသည့် ဗိုလ် မှူးစောကျော်သက် ဦးစီးသော DKBA တပ်မဟာ(၅)တပ်ဖွဲ့အား ဗိုလ်မှူးမြတ်ခိုင် ဦးစီးသည့် BGF တပ်ရင်း(၁၀၁၆)မှ တပ်ဖွဲ့ ၀င်တချို့က ရှောင်တခင် ၀င်ရောက်ပစ်ခတ်မှုကြောင့် DKBA တပ်ဖွဲ့ဝင် ၂ဦး ကျဆုံးပြီး လက်နက် ၆လက်ကို BGFမှ သိမ်း ဆည်းသွားခဲ့သည်ဟု စစ်ဘက်ဆိုင်ရာ သတင်းအရ သိရသည်။

ဗုံးခွဲ တိုက်ခိုက်မှုများ မလုပ်ရန် KIA ခေါင်းဆောင်များ ညွန်ကြား

သန်းထိုက်ဦး Tuesday, 05 July 2011 16:55

အစိုးရ ဌာနဆိုင်ရာ အဆောက်အအုံ အပါအ၀င် တံတားနှင့် တပ်စခန်းများကို ဗုံးခွဲ တိုက်ခိုက်မှုများ မပြုလုပ်ရန် ကချင် လွတ် လပ်ရေး တပ်မတော် (KIA) ရှေ့တန်း တပ်ဖွဲ့ဝင်များအား တနင်္ဂနွေနေ့က ညွန်ကြားထားကြောင်း KIA တွဲဖက် အတွင်းရေးမှူး ဦးလနန်က ပြောသည်။

အစိုးရတပ်များက KIA နယ်မြေ အတွင်းသို့ ချဉ်းကပ်လာပါက ခုခံတိုက်ခိုက်သွားမည် ဖြစ်ကြောင်း၊ ယခု ညွန် ကြားထားခြင်း သည် အပစ်အခတ်ရပ်စဲရေး သဘော မဟုတ်ကြောင်း ၎င်းက ဆိုသည်။

“အခိုင်အမာ ချထားတဲ့ အစိုးရ တပ်စခန်းကို ကျနော်တို့ သွားပြီးတော့ တိုက်ခိုက်တာမျိုးတော့ လုပ်မှာ မဟုတ်ဘူး”ဟု ဦးလနန်က ဆက်ပြောသည်။

ပြီးခဲ့သည့် ဇွန်လ ၃၀ ရက်နေ့က အစိုးရ တာဝန်ရှိသူများနှင့် ကချင်လွတ်လပ်ရေး အဖွဲ့(KIO) ခေါင်းဆောင် တချို့ အပစ် အခတ် ရပ်စဲရေးနှင့် ပတ်သက်၍ တွေ့ဆုံဆွေးနွေးပြီးနောက်ပိုင်း ယခုကဲ့သို့ ညွန်ကြားထားကြောင်း သိရသည်။

အစိုးရ အာဏာပိုင်များ ဘက်က အပစ်အခတ် ရပ်စဲရေးအတွက် ထပ်မံဆွေးနွေးရန် ယခုအချိန်အထိ အကြောင်းပြန်ကြား ခြင်း မရှိသောကြောင့် KIA ဘက်က စစ်ဆင်ရေးကို ခေတ္တရပ်ဆိုင်းထားရန် ဖြစ်နိုင်ကြောင်း စစ်ရေးလေ့လာသူ တဦးက ပြောသည်။

အပစ်အခတ်ရပ်စဲရေး နှင့် ပတ်သက်ပြီး တရားဝင် အထောက်အထား ခိုင်ခိုင်မာမာ ပြရန် KIO ဘက်က တောင်းဆိုခဲ့ရာ အစိုးရ ဘက်က အထက်ကိုတင်ပြမည် ဖြစ်ကြောင်း ပြောဆိုခဲ့သည်။

ယင်း ဆွေးနွေးပွဲကို အစိုးရဘက်မှ ကချင်ပြည်နယ် နယ်စပ်ရေးရာဝန်ကြီး ဗိုလ်မှူးကြီး သန်းအောင် ဦးဆောင်၍ ကချင်ပြည် နယ် အမျိုးသားလွှတ်တော် အမတ် ဦးခက်ထိန်နန်၊ KIO က ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော် ဦးဆောင်သော ကိုယ် စားလှယ် အဖွဲ့များနှင့် တွေ့ဆုံခဲ့ကြသည်။

ပြီးခဲ့သည့် တပတ် စနေနေ့က ရှမ်းပြည်နယ် မြောက်ပိုင်း ကွတ်ခိုင်မြို့နယ်တွင် လှုပ်ရှားနေသော အစိုးရတပ် ခြေလျင်တပ်ရင်း ၂၉၀ မှ တပ်ကြပ်ကြီး အောင်ဇော်မိုး အပါအ၀င် တပ်သား ၅ ဦး KIA ထိန်းချုပ် နယ်မြေသို့ ၀င်ရောက်လာသောကြောင့် KIA တပ်ဖွဲ့ဝင်များက ဖမ်းဆီးခဲ့ပြီး နောက်တနေ့ ပြန်လွှတ်ပေးခဲ့ကြောင်း ဦးလနန်က ပြောပြသည်။

မြစ်ကြီးနားမြို့မှ ဗန်းမော်မြို့သို့ ခရီးသည် ကားများ ပုံမှန် ပြန်လည် ပြေးဆွဲနေပြီး တချို့ကုန်သည်များက လိုင်ဇာမြို့အထိကုန် ပစ္စည်းများ လာတင်ကြောင်း သိရှိရသည်။

အစိုးရက ကချင်ပြည်နယ် မိုးမောက်မြို့နယ် အတွင်းရှိ တာပိန် ရေအားလျှပ်စစ် စီမံကိန်း အနီးရှိ KIA တပ်များအား လုံခြုံရေး အရ စိတ်မချရဟု အကြောင်းပြကာ ထွက်ခွာရန်ပြောဆိုခဲ့ပြီး ဇွန် ၉ ရက်နေ့က စတင်၍ တိုက်ပွဲများ နေ့စဉ်နီးပါးဖြစ်ပွားခဲ့ကြ သည်။

ယင်းတိုက်ပွဲများကြောင့် ဒေသခံ ထောင်နှင့်ချီ၍ ထွက်ပြေး တိမ်းရှောင်ခဲ့ကြပြီး KIA ထိန်းချုပ်ဒေသများတွင် နေထိုင်းလျက်ရှိ ကြောင်း သိရသည်။

ယခင် စစ်အစိုးရနှင့် KIO သည် ၁၉၉၄ ခုနှစ်က စတင်၍ အပစ်အခတ်ရပ်စဲရေး ပြုလုပ်ခဲ့သည်။ ယမန်နှစ် အောက်တိုဘာလ အတွင်းက အစိုးရ သတင်းစာများ၌ KIA ကို “သောင်းကျန်းသူ”ဟု ပြန်လည်သုံးနှုန်းခဲ့ ပြီးနောက် အပစ်အခတ် ရပ်စဲရေးလည်း ပျက်ပြယ်ခဲ့သည်။

ဝန်ကြီးချုပ်ဟောင်း သမီးများ ကြားဖြတ်ရွေးကောက်ပွဲကို ကျောခိုင်း

ခင်ဦးသာ Tuesday, 05 July 2011 17:43

ပြီးခဲ့သည့် ၂၀၁၀ ရွေးကောက်ပွဲ၌ ဒီမိုကရက်တစ်ပါတီ (မြန်မာ) မှ တက်ကြွစွာ ပါဝင်ယှဉ်ပြိုင်ခဲ့ကြသော ၀န်ကြီးချုပ် ဟောင်းများ၏ သမီး ၃ ဦးသည် ရွေးကောက်ပွဲအပြီး ၉ လ ပြည့်မြောက်ချိန်၌ ၎င်းတို့၏ အမြင်များ ပြောင်းလဲသွားပြီဟု ဆိုသည်။

ရွေးကောက်ပွဲနှင့် ပတ်သက်၍ စိတ်ပြောင်းလဲမှုဖြစ်သွားသော ၎င်းတို့သည် လာမည့် ကြားဖြတ်ရွေးကောက်ပွဲ၌ ၀င်ရောက် ယှဉ်ပြိုင်တော့မည် မဟုတ်ကြောင်း ပြောသည်။

“အရင်လို အခုလည်း မဲမသမာမှုတွေ ဖြစ်ဦးမှာပါ။ အဲဒါကြောင့် ၀င်အရွေးမခံတော့ဘူးလို့ ဆုံးဖြတ် ထားတယ်။ ပြီးခဲ့တဲ့ ရွေးကောက်ပွဲတုန်းက မဲပုံးကြီးကို ပေါ်တင် မယူသွားပြီး မဲလိမ်၊ မဲခိုးခဲ့တာတွေကိုကြုံခဲ့ရတယ်။ ဥပဒေကို ဒီလို ပေါ်တင် ချိုးဖောက်တာ ခံခဲ့ရတော့ ဒီတကြိမ်တော့ စိတ်မပါတော့ဘူး” ဟု ဒီမိုကရက်တစ်ပါတီ (မြန်မာ) ၏ အတွင်းရေးမှူး ဒေါ်ချိုချိုကျော်ငြိမ်းက ဆိုသည်။ ဒေါ်ချိုချိုကျော်ငြိမ်းသည် ဦးနုအစိုးရ လက်ထက် ဒုတိယ ၀န်ကြီးချုပ် ဦးကျော်ငြိမ်း၏ သမီးဖြစ်သည်။

ဒီမိုကရက်တစ် ပါတီ (မြန်မာ) ၏ ပါတီဝင်များ ဖြစ်ကြသော ၀န်ကြီးချုပ်ဟောင်းဦးနု၏ သမီးဖြစ်သူ အထွေထွေ အတွင်းရေးမှူး ဒေါ်သန်းသန်းနု၊ ဒု - ၀န်ကြီးချုပ်ဟောင်း ဦးဗဆွေ၏သမီးဖြစ်သူ အတွင်းရေးမှူး ဒေါ်နေရီဗဆွေ၊ အတွင်းရေးမှူး ဒေါ်ချိုချို ကျော်ငြိမ်းတို့သည် ပြီးခဲ့သည့် ၂၀၁၀ ရွေးကောက်ပွဲက ၀င်ရောက်ယှဉ်ပြိုင် ခဲ့ကြသော်လည်း အနိုင်မရခဲ့ကြပေ။

“ကျမကတော့ ပါတီအင်အား ကောင်းဖို့ရယ်၊ ၂၀၁၅ အတွက်ရယ်ပဲ အာရုံစိုက် လုပ်တော့မှာပါ။ ကြားဖြတ် ရွေးကောက်ပွဲမှာ မပြိုင်တော့ဘူး” ဟု ဒေါ်သန်းသန်းနုက ဆိုသည်။

၎င်းတို့ ၃ ဦးသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) မှ ပြိုင်ဘက်များနှင့် မဲရုံတာဝန်ရှိသူများ၏ မဲမသမာမှု များကြောင့် ရှုံးနိမ့်ခဲ့၍ ကြားဖြတ်ရွေးကောက်ပွဲကို ၀င်မပြိုင်ကြတော့ကြောင်း ပြောသည်။ ၂၀၁၀ ရွေးကောက်ပွဲ သည် မတရားသော ရွေးကောက်ပွဲ တခုဟုလည်း ဒေါ်သန်းသန်းနုက ဆိုသည်။ ဒီမိုကရက်တစ်ပါတီ (မြန်မာ) သည် မဲဆန္ဒနယ် ၄၀ ကျော် ၀င်ပြိုင်ခဲ့သော်လည်း ၁ နေရာသာ အနိုင်ရခဲ့သည်။

ဒေါ်နေရီဗဆွေကလည်း “အတိအကျ မဆုံးဖြတ်ရသေးပေမယ့် မျှော်လင့်ချက်နည်းပါတယ်။ အခုထိတော့ စိတ်ဝင်စားမှုမရှိသေး ပါဘူး” ဟု ဆိုသည်။

၂၀၁၀ ရွေးကောက်ပွဲ၌ ကြံ့ဖွံ့ပါတီက နည်းလမ်းစုံဖြင့် လုပ်ဆောင်ခဲ့သော မဲမသမာမှုများ၊ မဲရုံတာဝန်ရှိသူတို့၏ ဥပဒေ ချိုးဖောက်မှုများ၊ ရွေးကောက်ပွဲ ကော်မရှင်၏ ဘက်လိုက်မှုများကြောင့် ရှုံးနိမ့်ခဲ့ရသော်လည်း အဆိုပါ မသမာမှုများကို ပြည်သူများ သိရှိစေရန်အတွက် ဆန္ဒရှိသူများ အနေဖြင့် လာမည့်ရွေးကောက်ပွဲ၌ ၀င်ပြိုင်စေလိုကြောင်း ဒေါ်နေရီဗဆွေက ဆက် ပြောသည်။