ဒီနေ့ဖတ်စရာ သတင်းများ (ဇူလိုင်လ ၁၄ ရက်)

မြန်မာသံရုံး နောက်ထပ် အရာရှိတဦး အမေရိကားမှာ ခိုလှုံ
By ဦးသားညွန့်ဦး ဗုဒ္ဓဟူး, 13 ဇူလိုင် 2011

ဝါရှင်တန်ဒီစီရှိ မြန်မာသံရုံးက နောက်ထပ် မြန်မာသံတမန်တဦးဟာ အမေရိကန် ပြည်ထောင်စုမှာ ဒီကနေ့ ဇူလိုင်လ ၁၃ ရက်နေ့မှာ နိုင်ငံရေး ခိုလှုံဖို့ ဆုံးဖြတ်လိုက်ပါတယ်။ ပြီးခဲ့တဲ့ ဇူလိုင်လ ၄ ရက်နေ့က ၀ါရှင်တန်ဒီစီ သံရုံးက သံမှူးကြီး ဦးကျော်ဝင်း အမေရိကန် ပြည်ထောင်စုမှာ နိုင်ငံရေး ခိုလှုံခဲ့တာနဲ့ ဆက်စပ်ပြီး မြန်မာသံရုံး ပထမအတွင်းဝန် ဦးစိုးအောင်ကို ၂၄ နာရီအတွင်း နေပြည်တော်ကို ပြန်လာဖို့ ဆင့်ခေါ်ခဲ့တာကြောင့် ဦးစိုးအောင်က မပြန်ဖို့ ဆုံးဖြတ်ပြီး နိုင်ငံရေးခိုလှုံမှု ရယူခဲ့တာလို့ သိရပါတယ်။ အပြည့်အစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

ဝါရှင်တန်ဒီစီ မြန်မာသံရုံးက ဒုတိယ တာဝန်ခံ သံမှူးကြီး ဦးကျော်ဝင်း အမေရိကန် ပြည်ထောင်စုမှာ ခိုလှုံခဲ့ပြီး တပတ်အကြာမှာပဲ နောက်ထပ် မြန်မာသံအရာရှိတဦး ထပ်ပြီး အမေရိကန်မှာ ခိုလှုံခွင့် တောင်းခံလိုက်တာပါ။ အခုလို ခိုလှုံခွင့် တောင်းတဲ့ကိစ္စ အမေရိကန် နိုင်ငံခြားရေးဌာနကို ဒီနေ့ ဇူလိုင်လ ၁၃ ရက်နေ့မှာပဲ အကြောင်းကြားလိုက်တယ်လို့ မြန်မာသံရုံး ပထမအတွင်းဝန် ဦးစိုးအောင်က ဗွီအိုအေကို ပြောပါတယ်။

ပြီးခဲ့တဲ့ သီတင်းပတ်တုန်းက သံမှူးကြီး ဦးကျော်ဝင်း အမေရိကန် ပြည်ထောင်စုမှာ ခိုလှုံသွားတာနဲ့ ပတ်သက်လို့ စုံစမ်းဖို့အတွက် နေပြည်တော်ကို ပြန်လာဖို့ ဆင့်ခေါ်လိုက်တာကြောင့် သူ အခုလို ဆုံးဖြတ်တာ ဖြစ်တယ်လို့ ဦးစိုးအောင်က ပြောပါတယ်။ မကြာခင်ကမှ အမေရိကန်က ပြန်သွားတဲ့ မြန်မာသံရုံး အမှုထမ်း ၂ ဦးလည်း နေပြည်တော်မှာ စစ်ဆေးခံနေရတယ်လို့ သိရပါတယ်။

ဦးစိုးအောင်ကိုတော့ ၂၄ နာရီအတွင်း စစ်တပ်က အရာရှိတဦးနဲ့အတူ နေပြည်တော်ကို ပြန်ရမယ်ဆိုပြီး ဇူလိုင် ၁၂ ရက်နေ့က မြန်မာ နိုင်ငံခြားရေး ၀န်ကြီးဌာနက အမိန့်ထုတ်ခဲ့တဲ့အပြင် သူ့ရဲ့ သံတမန် နိုင်ငံကူး လက်မှတ်တွေကိုလည်း သံရုံးက သိမ်းဆည်းခဲ့တယ်လို့ သိရပါတယ်။ ဒါဟာ အပြစ်ပေးတဲ့ ပုံစံမျိုး ဖြစ်တယ်လို့ ဦးစိုးအောင်က ယူဆပါတယ်။

ဒီကိစ္စနဲ့ ပတ်သက်လို့ ပြီးခဲ့တဲ့အပတ် အတွင်းက အမေရိကန်မှာ နိုင်ငံရေးခိုလှုံခွင့် ယူခဲ့တဲ့ မြန်မာသံရုံး ဒုတိယ တာဝန်ခံဟောင်း ဦးကျော်ဝင်းကတော့ သူ့ကိစ္စကို စုံစမ်းဖို့ ပိုပြီး တာဝန်ရှိတဲ့ စစ်ဘက်ကလာတဲ့ အရာရှိတွေအစား အခုလို အရပ်ဘက် အရာရှိတွေကို ပစ်မှတ်ထားတဲ့အပေါ် ဝေဖန်ပါတယ်။ မြန်မာအစိုးရဌာန အကြားမှာ အရပ်ဘက်နဲ့ စစ်ဘက်ကလာသူတွေ အပေါ်မှာ ခွဲခြားဆက်ဆံမှုတွေ ရှိနေတဲ့ကိစ္စ မကျေနပ်မှုတွေ ပိုတိုးလာတယ်လို့ သူက ပြောပါတယ်။

“ကျနော် သိရသလောက် သူ့ကို ၂၄ နာရီအတွင်း ပြန်ခိုင်းတယ်ဆိုတာ ဒါ အပြစ်ရှိတဲ့သူတွေကို ပြန်ခိုင်းတဲ့ဟာမျိုးလေ။ နောက်ပြီးတော့ ဘာကို ပုံပေါ်လဲဆိုတော့ ၀န်ထမ်းချင်း အတူတူ အရပ်သား ၀န်ထမ်းကို မယုံဘူး၊ တပ်ကလာတဲ့ ၀န်ထမ်းကိုမှ ယုံတယ်ဆိုတာ ဒါ အဆင်မပြေဘူးလေ။”

ဦးကျော်ဝင်း ပြောသွားတဲ့ အထဲမှာ သံရုံးဝန်ထမ်းတွေ အနေနဲ့ စစ်ဘက်ကလာတဲ့ လူတွေနဲ့ အရပ်ဘက်ကလာတဲ့လူတွေ ခွဲခြား ဆက်ဆံတယ်ဆိုတာ ဘယ်လိုမျိုးလဲခင်ဗျ။

“ဆိုကြပါစို့၊ အခုလို ကျနော်လည်း ဒီဘက်မှာ နိုင်ငံရေး ခိုလှုံခွင့်ရှိလို့ ကျန်တဲ့လူကို စစ်ဆေးတယ် ဘာညာဆိုတာ ကိုစိုးအောင်က ကျနော်တို့လိုပဲ အရပ်သားပဲလေ။ သူ့ကျတော့ ဒီလိုပဲ ကြီးကြီးကျယ်ကျယ်နဲ့ ချက်ချင်းပြန်လာ ဘာညာနဲ့၊ ကျန်တဲ့ တာဝန်ရှိတဲ့သူတွေ ရုံးမှာ မရှိကြတော့ဘူးလား။ နောက်ပြီးတော့ ရုံးတွေမှာ ၀န်ထမ်းတွေကို ခံစားခွင့်ပေးတာ၊ ၀န်ထမ်းတွေနဲ့ ပတ်သက်တဲ့ ရာထူးတိုးတာတို့၊ Transfer ပေးတာတို့ ဒါတွေအားလုံးကို စဉ်းစားတဲ့အခါ ကွဲပြားတာ သိပ်သိသာတယ်။

“ကျနော်တို့ ဆိုလိုတာ တကယ် အရည်အချင်း ပြည့်တဲ့လူ၊ တကယ် ဦးဆောင်နိုင်တဲ့လူ၊ တကယ် နားလည်တဲ့လူဆို ကျနော်တို့က နောက်ကလိုက်ရတာ ၀န်မလေးပါဘူး။ အခုလောလောဆယ် ကျနော်တို့ဆီမှာ တပ်ကလူတွေ ရှိနေတာပဲ။ ရှိနေတဲ့ တပ်ကလူတွေနဲ့ အရပ်ဘက်ကလူတွေ ယှဉ်ကြည့်ပါ။ အောက်ခြေမှာ ဖြစ်နေတာကို သေချာကြည့်ပြီးတော့ ၀န်ထမ်းတွေကို သေချာ ပြန်ပြုပြင်ဖို့ လိုတယ်။

“ကျနော်တို့ ၀န်ထမ်းအဖွဲ့အစည်းတွေက ပွင့်ပွင့်လင်းလင်း ကျနော့်အမြင် ပြောရရင်တော့ တပ်ကလူတွေ ၀င်လို့ ကျနော်တို့ နိုင်ငံမှာရှိတဲ့ ၀န်ထမ်းအဖွဲ့အစည်း အားလုံးက ပျက်တာပဲ။ နိုင်ငံကို ပြန်တည်ဆောက်တဲ့ အခါကျတော့ နိုင်ငံ့ဝန်ထမ်း အဖွဲ့အစည်းကို ပြန်ပြီးတော့ မပြုပြင်ဘဲ၊ ပြန်မတည်ဆောက်ဘဲနဲ့ ဘယ်လိုလုပ် သွားကြမလဲ။”

ဝါရှင်တန် မြန်မာသံရုံးက သံအရာရှိတွေ အနေနဲ့ အမေရိကန်၊ မြန်မာ ဆက်ဆံရေး ကောင်းမွန်အောင် ကြိုးပမ်းခဲ့ကြပေမဲ့ မြန်မာအာဏာပိုင်တွေဘက်က နိုင်ငံတကာ လိုလားတဲ့ အပြောင်းအလဲမျိုးတွေ လုပ်မလာတဲ့ အပေါ်မှာလည်း မြန်မာ သံအရာရှိတွေဘက်က စိတ်ပျက်ကြရတယ်လို့ ဦးကျော်ဝင်းက ပြောပါတယ်။

“ကျနော်တို့ဘက်ကတော့ ဒီဘက်မှာ ကိုယ်မြင်တာကို တင်ပြကြတဲ့အခါ သူတို့ဘက်က၊ ဆိုကြပါစို့ အမေရိကန်ကို ကျနော် နားလည်သလောက်က အမေရိကန်ရဲ့ နိုင်ငံခြားရေး ပေါ်လစီက ကျနော်တို့ အပေါ်မှာ လူ့အခွင့်အရေးနဲ့ ဒီမိုကရေစီပေါ်မှာ တည်တယ်။ ခက်တာက လူ့အခွင့်အရေးနဲ့ ဒီမိုကရေစီဆိုတာ တော်တော့ကို အခြေအနေ ဆိုးတယ်။ လူကို လူသားတယောက်လို မဆက်ဆံဘူး ဆိုကတည်းက ဒါ အခြေအနေက တော်တော်ဆိုးတယ်။ နယ်တွေမှာ ကြုံနေကြတာပဲ။

“ဒါပေမဲ့လည်း ကျနော်တို့က မှန်းကြည့်ရတာ တောက်လျှောက် လုပ်လာကြတယ်ဆိုတာ ပြောင်းလာမလား၊ ပြောင်းလာမလား၊ ဒီလိုမျှော်လင့်ချက်နဲ့ တောက်လျှောက် လုပ်ခဲ့ကြတာပဲ။ ဒါပေမဲ့ တကယ်တမ်းကျတော့ ပြောင်းလာတာကို မတွေ့ဘူး ဖြစ်နေတယ်။ ၈၈ ပြီးတဲ့ နောက်ပိုင်းမှာလည်း အစိုးရသစ် ဖြစ်လာပြီး နိုင်ငံတော်ကို လူကြီးတွေကလည်း အဲဒီအချိန်မှာ ပြောင်းကြမယ် ပြောတော့ တကယ်ပဲ ပြောင်းမယ် အောက်မေ့ကြတာ။ တကယ်လည်း ပြောင်းမလာပြန်ဘူး။ နောက်တခါ ၂၀၀၄ မှာ ဦးခင်ညွန့်တို့ကို ဖယ်လိုက်ပြီး နောက်ပိုင်း ပြောင်းဖို့ လုပ်ကြတာပဲ။ ဒါပေမဲ့ တကယ်တမ်း ပြောင်းမလာဘူး။ အခုလည်း သေချာကြည့်၊ ပြောင်းမလာတဲ့အပြင် ပိုဆိုးလာတယ်။”

သံမှူးကြီး ဦးကျော်ဝင်း ကိုယ်တိုင်ဟာလည်း အမေရိကန်၊ မြန်မာ ဆက်ဆံရေး ကောင်းမွန်အောင် ကြိုးပမ်းခဲ့ပေမဲ့ တဘက်မှာ နေပြည်တော်ဘက်က သူ့အပေါ် အမြင်မကြည်လာတာကြောင့် ဒီအပေါ်မှာ စိုးရိမ်စိတ်ဖြစ်ပြီး အမေရိကန် ပြည်ထောင်စုမှာ ခိုလှုံခွင့် တောင်းခဲ့သူ ဖြစ်ပါတယ်။

အခု ဒီနေ့ အမေရိကန်မှာ ခိုလှုံခွင့် တောင်းခဲ့တဲ့ ဦးစိုးအောင်ဟာ မြန်မာ နိုင်ငံခြားရေး ၀န်ကြီးဌာနမှာ ၁၉၇၉ ခုနှစ် ကတည်းက တာဝန်ထမ်းဆောင်ခဲ့တဲ့ လုပ်သက်ရင့် အရပ်သား ၀န်ထမ်းတဦးဖြစ်ပြီး ၂၀၀၈ ခုနှစ်ကတည်းက ၀ါရှင်တန်မြို့တော် မြန်မာသံရုံးမှာ ပထမ အတွင်းဝန်အဖြစ် တာဝန်ထမ်းဆောင်နေတာ ဖြစ်ပါတယ်။ သူဟာ ဆွစ်ဇာလန်နိုင်ငံ ဂျီနီဗာမြို့ မြန်မာသံရုံး၊ ထိုင်းနိုင်ငံနဲ့ စင်ကာပူမှာရှိတဲ့ မြန်မာသံရုံးတွေမှာလည်း တာဝန်ထမ်းဆောင်ခဲ့ဖူးသူ ဖြစ်ပါတယ်။

ဦးစိုးအောင်ဟာ ဒီနှစ်ပိုင်းတွေအတွင်း သံမှူးကြီး ဦးကျော်ဝင်းနဲ့ ၂၀၀၅ ခုနှစ်က အမေရိကန်ကားမှာ ခိုလှုံခဲ့တဲ့ ထောက်လှမ်းရေး အရာရှိ ဗိုလ်မှူးဟောင်း အောင်လင်းထွဋ် ပြီးရင် ၀ါရှင်တန်မှာရှိတဲ့ မြန်မာသံရုံးကနေ အမေရိကန် ပြည်ထောင်စုမှာ ခိုလှုံဖို့ ဆုံးဖြတ်ခဲ့တဲ့ တတိယမြောက် သံအရာရှိတဦး ဖြစ်ပါတယ်။

ရှမ်းတပ်တွေကို အစိုးရတပ်က လေကြောင်းက တိုက်ခိုက်

2011-07-13 RFA

ရှမ်းပြည် မြောက်ပိုင်း တပ်မတော် တပ်ဖွဲ့တွေကို အစိုးရ တပ်ဖွဲ့တွေက ဒီကနေ့ လေကြောင်းကနေ ဗုံးကြဲ တိုက်ခိုက်ခဲ့တယ်လို့ သိရပါတယ်။

ရှမ်းပြည် မြောက်ပိုင်း တပ်ဖွဲ့တွေ ၀ိုင်းထားတဲ့ လွယ်ဆိုင်မြို့ ၀မ်ခိုင်ဖတ် ဒေသက တောင်ကုန်းကို ဒီကနေ့ နေ့လည် ၁ နာရီခန့်မှာ အစိုးရ တပ်တွေက ဗုံးကြဲ တိုက်ခိုက်ခဲ့တာ ဖြစ်ကြောင်း SSA ပြောခွင့်ရသူ ဗိုလ်မှုး စိုင်းလောင်ဝ်ဆိုင်းက ပြောပါတယ်။ "ကျနော်တို့ ရှမ်းပြည် တပ်မတော်နဲ့ အစိုးရတပ်တွေ တိုက်ပွဲ ဖြစ်တယ်လို့ ကျနော်တို့ ရှေ့တန်းတပ်တွေက အစီရင်ခံထား ပါတယ်။

ဖြစ်တဲ့နေရာကတော့ မိုင်းရယ်မြို့နယ်ခွင်ထဲမှာပါ။ အစိုးရတပ်က ခလရ ၂၈၆ နဲ့ ၂၈၇ တို့ ဖြစ်ပါတယ်။ MiG 26 လို့ ယူဆလို့တဲ့ လေယာဉ်နဲ့ လာပြီးတော့ ဗုံး ၈ လုံး ၉ လုံးလောက် ကြဲသွားတယ်။ ကျနော်တို့ SSA ဖက်က ၂ ဦး ဒဏ်ရာ ရရှိသွားတယ်လို့ ရှေ့တန်းတပ်တွေက အစီရင်ခံထားပါတယ်။

" အစိုးရတပ်တွေက လေယာဉ် နှစ်စီးနဲ့ ရှမ်းပြည် တပ်မတော် တပ်ဖွဲ့တွေကို ဗုံးကြဲခဲ့တာလို့ ဆိုပါတယ်။ မနေ့က အစိုးရ တပ်စွဲထားတဲ့ စခန်း တစ်ခုကို SSA မြောက်ပိုင်းတပ်တွေက ၀င်ရောက် စီးနင်းပြီး နောက်ပိုင်း အစိုးရတပ်တွေက အခုလို တိုက်ခိုက်ခဲ့တာ ဖြစ်တယ်လို့ ဗိုလ်မှူး စိုင်းလောင်ဆိုင်း ကပြောပါတယ်။

အခုလို ဗုံးကြဲ တိုက်ခိုက်မှုမျိုး ဟာ လွန်ခဲ့တဲ့ ဆယ်စုနှစ် အတွင်းမှာ ပထမဆုံး အကြိမ် ဖြစ်တယ်လို့ ဆိုပါတယ်။ ဒီတိုက်ခိုက်မှုဟာ မေလ ၂၁ ရက်နေ့ နောက်ပိုင်း SSA တောင်ပိုင်း နဲ့ မြောက်ပိုင်း တပ်မတော်တို့ စစ်ရေး အရ ပူးပေါင်း သွားမယ်ဆိုတဲ့ သတင်းနဲ့ ဆက်စပ်မှု ရှိနိုင်ကြောင်း၊ အခုလို အစိုးရတပ်တွေက အင်အားသုံးပြီး တိုင်းရင်းသား လက်နက်ကိုင် တပ်ဖွဲ့တွေကို တိုက်ခိုက်လာမယ် ဆိုရင် မလိုလားအပ်တဲ့ ပြည်တွင်းစစ်ကို ငြိမ်းအောင် လုပ်ဆောင်နိုင်မှာ မဟုတ်ကြောင်း၊ ရှမ်းပြည် တပ်မတော် အနေနဲ့ ငြိမ်းချမ်းရေး အတွက် အစိုးရကို အစဉ်အမြဲ ကမ်းလှမ်း ဆောင်ရွက်နေပါကြောင်းလည်း ဗိုလ်မှူး စိုင်းလောင်ဆိုင်း က ပြောပါတယ်။

အကျဉ်းသားတွေကို ရှေ့တန်းမှာ ပေါ်တာအဖြစ် မြန်မာစစ်တပ် အသုံးပြု

By ဒေါ်ခင်မျိုးသက် ဗုဒ္ဓဟူး, 13 ဇူလိုင် 2011

မြန်မာအစိုးရ စစ်တပ်က အကျဉ်းသားတွေကို ရှေ့တန်း စစ်မျက်နှာတွေမှာ ပေါ်တာအဖြစ် သုံးနေတာတွေကို ရပ်တန်းက ရပ်ပစ်ဖို့အတွက် နယူးယောက်မြို့ အခြေစိုက် Human Rights Watch လူ့အခွင့်အရေး စောင့်ကြည့်တဲ့ အဖွဲ့ကြီးနဲ့ KHRG ခေါ် ကရင် လူ့အခွင့်အရေး အဖွဲ့ကြီးက တောင်းဆိုလိုက်ပါတယ်။

၂၀၁၀ ပြည့်နှစ်နဲ့ ၂၀၁၁ ခုနှစ်အတွင်း မြန်မာနိုင်ငံ အရှေ့ခြမ်းက ရှေ့တန်း စစ်မျက်နှာတွေမှာ ပေါ်တာအဖြစ် အခိုင်းခံနေရာက ထွက်ပြေး လွတ်မြောက်လာသူတွေရဲ့ ပြောကြားချက်တွေကို အခြေခံပြီး Dead Men Walking လို့ နာမည်ပေးထားတဲ့ အစီရင်ခံစာ တစောင်ကို ပြုစုပြီး ဒီနေ့ ထုတ်ပြန်လိုက်ပါတယ်။

အကျဉ်းသားတွေကို စစ်မြေပြင်အတွက် ပေါ်တာအဖြစ် အသုံးပြုပြီး နှိပ်စက်မှုတွေဟာ စစ်ရာဇ၀တ်မှု မြောက်တာမို့ ဒီကိစ္စအတွက် နိုင်ငံတကာ ကော်မရှင်ဖွဲ့ စုံစမ်းပေးဖို့လည်း တောင်းဆိုထားပါတယ်။

ဒီနေ့ ဘန်ကောက်မြို့ နိုင်ငံခြား သတင်းထောက်များ အသင်းမှာ ကျင်းပတဲ့ သတင်းစာရှင်းလင်းပွဲမှာ ကိုယ်တိုင် သတင်းယူခဲ့တဲ့ ဒေါ်ခင်မျိုးသက်က တင်ပြပေးထားပါတယ်။

Human Rights Watch အဖွဲ့ကြီးနဲ့ KHRG ကရင် လူ့အခွင့်အရေး အဖွဲ့ကြီးက ဒီနေ့ ထုတ်ပြန်လိုက်တဲ့ Dead Men Walking လူသေများ လမ်းလျှောက်ခြင်းဆိုတဲ့ အစီရင်ခံစာဟာ မြန်မာနိုင်ငံမှာ အစိုးရသစ်တရပ် တက်လာခဲ့ပေမဲ့ အရင် စစ်အစိုးရ လက်ထက်ကအတိုင်း လုပ်ဆောင်နေတာတွေကို နိုင်ငံတကာက သိအောင် တင်ပြတာလို့ KHRG အဖွဲ့ တာဝန်ခံ ကိုဖိုးရှမ်းက ဘန်ကောက်က သတင်းထောက်များ အသင်းမှာ အခုလို ပြောကြားခဲ့ပါတယ်။

“အကျဉ်းသားတွေကို မြန်မာစစ်တပ်က ရှေ့တန်းမှာ ပေါ်တာအဖြစ် သုံးပြီးတော့ ဆိုးဝါးတဲ့ လူ့အခွင့်အရေး ချိုးဖောက်မှုတွေ လုပ်နေတဲ့ အပေါ်မှာ ၁၉၉၂ ကတည်းက စပြီးတော့ KHRG က မှတ်တမ်းတင်ခဲ့ပါတယ်။ အခု အစီရင်ခံစာ ထုတ်ပြန်ခဲ့တာဟာ ကရင်ပြည်နယ်နဲ့ ပဲခူးတိုင်း ဒေသတွေမှာ ၂၀၁၀ ကနေ ၂၀၁၁ ခုနှစ်အတွင်း အစိုးရတပ်က ပေါ်တာအဖြစ် သုံးနေတဲ့ နေရာကနေ ထွက်ပြေး လွတ်မြောက်လာတဲ့ အကျဉ်းသား ၅၈ ယောက်ကို KHRG က တွေ့ဆုံ မေးမြန်းခဲ့တာတွေကို အခြေခံထားတာ ဖြစ်ပါတယ်။”

ထွက်ပြေးလွတ်မြောက်လာတဲ့ အကျဉ်းသားတွေကို အစိုးရ တာဝန်ခံတွေက ရှေ့တန်းကို ခေါ်လာပြီး နှိပ်စက် ညှဉ်းပန်းမှုတွေ လုပ်တဲ့အတွက် ဒါဟာ စစ်ရာဇ၀တ်မှု မြောက်တယ်လို့ အစီရင်ခံစာ တာဝန်ခံ ကိုစောဖိုးဇော်က ပြောပါတယ်။

“အကျဉ်းသားတွေကို အစိုးရ အာဏာပိုင်တွေ၊ အကျဉ်းထောင် အရာရှိတွေနဲ့ စစ်တပ်အရာရှိတွေ ပူးပေါင်းပြီးတော့ ရှေ့တန်းတွေ ခေါ်လာကြတယ်။ အကျဉ်းသားတွေကို ရှေ့တန်းမှာ ပစ္စည်းတွေသယ်ဖို့ လားတွေ၊ မြင်းတွေလိုမျိုးပဲ၊ လူလိုသဘောမထားတော့ဘူး၊ အလေးအပင်တွေ သယ်ခိုင်းပြီး အစာလည်း ၀အောင် မကျွေးဘူးလို့ ထွက်ပြေးလာတဲ့ အကျဉ်းသားတွေက ပြောပါတယ်။

“တော်တော်ဆိုးတာက အစိုးရတပ်တွေ ၀င်လာတဲ့ အခါမှာ တိုင်းရင်းသား လက်နက်ကိုင် အဖွဲ့တွေက ထောင်ထားတဲ့ မိုင်းတွေရှိတယ်။ အဲဒီနေရာတွေ ရောက်တဲ့အခါ ဒီအကျဉ်းသားတွေကို ရှေ့ကနေ သွားခိုင်းတယ်။ မိုင်းထိပြီး သေသွားတဲ့လူ၊ ခြေပြတ်လက်ပြတ်နဲ့ တစစီ ဖြစ်သွားတဲ့ အကျဉ်းသားတွေလည်း ရှိတယ် ဆိုပြီးတော့ ထွက်ပြေးလာတဲ့ အကျဉ်းသားတွေကလည်း ပြောကြတယ်။

“သူတို့ ထွက်ပြေးလို့လည်း မရဘူး၊ ထွက်ပြေးရင်လည်း သူတို့က ပစ်သတ်တယ်ပေါ့။ အခု နိုင်ငံတကာ ဥပဒေအဖွဲ့တွေနဲ့ ကျနော်တို့ ဆွေးနွေးတိုင်ပင်ကြည့်တဲ့ အခါကျတော့ ဒါတွေက တကယ်ပဲ စစ်ရာဇ၀တ်မှု မြောက်တယ်ပေါ့။ လူသားတွေအပေါ် လူမဆန်တဲ့ အပြုအမူတွေနဲ့ ကျူးလွန်နေတာပေါ့။ ၂၀၁၀ ဒီဇင်ဘာ ရွေးကောက်ပွဲအပြီး ဖြစ်လာတဲ့ အစိုးရ နောက်ပိုင်း ဒါ အပြစ်ကျူးလွန်တဲ့ဟာတွေ ကျနော်တို့ မှတ်တမ်း တွေ့ရှိရပါတယ်။”

မြန်မာအစိုးရ စစ်တပ်ရဲ့ ပေါ်တာဆွဲပြီး အဓမ္မလုပ်အား ခိုင်းစေနေမှုတွေကို ရပ်ဆိုင်းပစ်ဖို့အတွက် ILO နိုင်ငံတကာ အလုပ်သမား အဖွဲ့ကြီးကလည်း တောင်းဆိုခဲ့ပါတယ်။ Human Rights Watch အဖွဲ့ကြီးရဲ့ အာရှဒေသဆိုင်ရာ ဒုတိယ ညွှန်ကြားရေးမှူး အီလိန်း ပီယာစင်ကတော့ မြန်မာအစိုးရ အဖွဲ့ရဲ့ ဒီ ရာဇ၀တ်မှု ကျူးလွန်နေတာတွေကို သေသေချာချာ သိရအောင် ပထမဆုံး နိုင်ငံတကာ စုံစမ်းရေး ကော်မရှင်တရပ် ဖွဲ့ပြီး စုံစမ်းပေးဖို့ တောင်းဆိုလိုက်ပါတယ်။

“နိုင်ငံတကာက ပြဋ္ဌာန်းထားတဲ့ ဥပဒေတွေကို မြန်မာစစ်တပ်က ချိုးဖောက်တဲ့အတွက် စုံစမ်းရေး ကော်မရှင်ဖွဲ့ပြီး စုံစမ်းပေးဖို့ ကျမတို့ တောင်းဆိုပါတယ်။ မြန်မာနိုင်ငံမှာက ဥပဒေ ချိုးဖောက်ပေမဲ့ အပြစ်ပေးမခံရဘဲ အကာအကွယ် ပေးထားတာကို တွေ့ရပါတယ်။ ဒါကို ၁၉၉၅ ခုနှစ်ကတည်းက ကျမတို့က ထောက်ပြခဲ့တာမို့လည်း ဒီလိုဖြစ်နေတာ ကြာနေပြီလို့ ဆိုရမှာပါ။ ဒီပြဿနာတွေ ပြေလည်စေဖို့အတွက် နိုင်ငံတကာက ပါဝင်ဖြေရှင်းမှ ရမှာပါ။

“ဒါကြောင့် မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကို စုံစမ်း စစ်ဆေးနိုင်အောင်လို့ ကော်မရှင်တရပ် ဖွဲ့ပေးဖို့ ကုလသမဂ္ဂ အထွေထွေ ညီလာခံကပဲဖြစ်ဖြစ်၊ လူ့အခွင့်အရေး ကောင်စီကပဲဖြစ်ဖြစ် စပြီးတော့ အရေးယူ လုပ်ဆောင်ဖို့ လိုအပ်ပါတယ်။”

ဒီလို စုံစမ်းရေး ကော်မရှင်တရပ် ဖွဲ့ပြီး စစ်ဆေးဖို့အတွက် ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် မစ္စတာ တောမတ်စ် အိုဟေး ကင်တားနား (Mr. Tomas Ojea Quintana) က စတင်ပြီး တောင်းဆိုခဲ့တာကို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ထောက်ခံခဲ့သလို အမေရိကန်နဲ့တကွ EU၊ အာဆီယံနဲ့ အိမ်နီးချင်း နိုင်ငံတွေကပါ ၀ိုင်းဝန်း ပံ့ပိုးပေးကြဖို့လည်း ပြောပါတယ်။

“မကြာသေးခင်ကပဲ အမေရိကန် လွှတ်တော် ကြားနာစစ်ဆေးပွဲ တခုမှာ ဒေါ်အောင်ဆန်းစုကြည်က ပြောခဲ့ပါတယ်။ သူက နိုင်ငံတကာ စုံစမ်းစစ်ဆေးရေး ကော်မရှင်ဖွဲ့ဖို့ ထောက်ခံတဲ့အကြောင်း ရှင်းရှင်းလင်းလင်း ပြောခဲ့တာပါ။ ဒါကြောင့် အရင်ကတည်းက ကော်မရှင် ဖွဲ့ရေးကို ထောက်ခံထားတဲ့၊ မြန်မာ့အရေးကိုလည်း အာရုံစိုက်ပြီး ဆောင်ရွက်နေတဲ့ အမေရိကန် အစိုးရ အနေနဲ့ အခုထက် ခြေတလှမ်းတိုးပြီး တခြား ကမ္ဘာ့နိုင်ငံတွေပါ ပါဝင်လာအောင် ဦးဆောင် ကြိုးစားပေးဖို့ လိုအပ်ပါတယ်။”

ဒါ့အပြင် အိမ်နီးချင်း နိုင်ငံတွေနဲ့ အထူးသဖြင့် အာဆီယံကပါ မြန်မာလူထုအတွက် ပံ့ပိုးပေးဖို့လည်း Human Rights Watch အဖွဲ့ကြီးနဲ့ KHRG ကရင် လူ့အခွင့်အရေး အဖွဲ့ကြီးက တောင်းဆိုခဲ့ပါတယ်။

ရန်ကုန်တွင် ဗုံးဖေါက်ခွဲရေးသမား အလိုရှိ ကြော်ငြာ စာရွက် လိုက်ကပ်

ထွန်းထွန်း News Date:7/13/2011 နရဉ္ဇရာ သတင်းဌာန

ရန်ကုန်မြို့၌ လူစည်ကားရာ နေရာ တချို့တွင် ဗုံးဖေါက်ခွဲရေး သမားများအလိုရှိသည် ဆိုသော ကြော်ငြာ စာရွက်များကို အာဏာပိုင်များမှ ယနေ့ ဇူလိုင်လ ၁၃ ရက်နေ့တွင် လိုက်လံ ကပ်နေသည်ဟု မျက်မြင် လူငယ်တဦးက ပြောသည်။

"ဒီနေ့ ၁၂ နာခွဲလောက်မှာ ရန်ကုန်ဘူတာရုံးကြီးနဲ့ တခြားလူစည်ကားရာ နေရာတွေမှာ ကြော်ငြာ စာရွက်တွေ ကို စစ်သားနဲ့ ရဲသားတွေက လိုက်ကပ်နေပါတယ်။ အဲဒီကြော်ငြာထဲမှာ - ဗုံးဖေါက်ခွဲရေး သမားများ အလိုရှိ- ဆို ပြီး ပါပါတယ်" ဟု သူက ပြောသည်။

" ပီးတော့ ရုပ်ပုံ ၅ ပုံပါတယ်။ ကျွန်တော် မှတ်မိသလောက်တော့ ကချင် လူမျိုးပါတယ်။ ရှမ်းလူမျိုးပါ တယ်။ တရုပ်စပ် တယောက်နဲ့ တခြား တိုင်းရင်းသား ပုံတွေပါတယ်။ အဲဒီ ကြော်ငြာစာရွက်တွေကို အာဏာပိုင်တွေရှိ တဲ့ အတွက် မယူဖြစ်ခဲ့ဘူး။ ကြည့်ရုံသာ ကြည့်ခဲ့ရတာပါ" ဟု သူက ပြောသည်။

ယခုအခါ ရန်ကုန်မြို့တမြို့တည်းမက တခြားမြို့များတွင်လည်း ဗုံးဖေါက်ခွဲရေးသမားများ အလိုရှိသည် ဆိုသည့် ကြော်ငြာ စာရွက်များအား အာဏာပိုင်များမှ လိုက်လံကပ်နေမှုကြောင့် မြို့သူမြို့သားများမှာ ၄င်းတို့၏ လုံခြုံရေးအတွက် အထူးသတိထားပြီး သွားလာနေရ သည်ဟုသိရသည်။

"လုံခြုံရေးနဲ့ပတ်သက်ပြီးတော့ ရန်ကုန်မြို့မှာ ဆိုလို့ရှိရင် ဘူတာတွေနဲ့ တခြား လူစည်ကားတဲ့ နေရာတွေ၊ ကား ဂိတ်တွေမှာတော့ စစ်သားတွေ အများအပြား မြင်တွေ့နေရပါတယ်။ ဘာကြောင့် ဒီလောက် ချထားလဲဆိုတာတော့ မသိဘူး" ဟုသူကဆက်ပြောသည်။

မြန်မာနိုင်ငံတွင် တိုင်းရင်းဒေသများတွင် လက်နက်ကိုင် ပတိပက္ခများ ဖြစ်ပွားပြီးနောက် မြန်မာနိုင်ငံ မြို့ကြီးများတွင် ဗုံးခွဲမူများ တခုပြီး တခု ပေါ်ပေါက်နေရာ အဆိုပါ ဗုံးပေါက်ကွဲမူများတွင် ပါဝင်သည်ဟု စွပ်စွဲခံထားရသူများ၏ ရုပ်ပုံများ ဖြင့် ထိုသို့ ဗုံးခွဲသမားများ အလိုရှိသည်ဟု ဆိုကာ စာရွက်များ လိုက်ကပ်နေခြင်း ဖြစ်ကြောင်း သိရသည်။

ကြေငြာ စာရွက်များ လိုက်ကပ်နေကြောင်းကို အဖွဲ့အစည်း တစ်ခုမှာ တာဝန်ရှိသူ တစ်ဦးကလည်း အတည်ပြု ပြောကြားသည်။

ပြည်မြန်မာကုန်တိုက် ဆိုင်ခန်းရှင်များ နစ်နာကြေးတောင်း

ဗုဒ္ဓဟူးနေ့၊ ဂျူလိုင်လ 13 ရက် 2011 ခုနှစ် မျိုးသန့်

ချင်းမိုင် (မဇ္ဈိမ) ။ ။ လေလံတင်ရောင်းချ ခဲ့သည့် စီးပွားကူးသန်း ဝန်ကြီးဌာနပိုင် ပြည်မြန်မာ ကုန်တိုက် အဆောက်အဦးတွင် ဖွင့်လှစ်ရောင်းချ နေသော ဆိုင်ခန်း ၉၈ ခုမှ ဆိုင်ရှင်များကနစ်နာ ကြေး သို့မဟုတ် နေရာ အစားထိုးပေးရန်တောင်း ဆိုထားမှုမှာ တလကျော်ကြာမြင့် သော်လည်း တုံ့ပြန်ချက်မရဘဲ ဖြစ်နေသည်။

အထပ် ၇ ထပ်ရှိ အဆောက်အဦးကို စီးပွားကူးသန်းက Myanmar Marketing Research and Development Co; Ltd နှင့် AA Medical Product Co.Ltd တို့သို့ ကျပ် ၄၁ ဘီလီယံဖြင့် မတ်လ ၂၄ ရက်နေ့က လေလံ ရောင်းချ ခဲ့ပြီးနောက် ဆိုင်ခန်းများ ပိတ်ပစ်စေမှု ဖြစ်ပေါ်လာခဲ့သည်။

ဆိုင်ခန်းများ ပိတ်ပင်ခဲ့ရမှုကြောင့် အလုပ်သမားပေါင်း ၃၀၀ ခန့် အလုပ်ပြုတ်သွားပြီး ဆိုင်ခန်းပိုင်ရှင်များငှားရမ်းစဉ် ကာလက ဆိုင်ခန်းများ ပြင်ဆင်မှုနှင့် ထိန်းသိမ်းမှုအတွက် ရင်းနှီးမြှုပ်နှံခဲ့ရခြင်းများ ဆုံးရှုံးမှု ရှိခဲ့သည်ဟု ထောက်ပြကြသည်။

“ တခြားနေရာတွေဆိုရင် ကျနော်တို့ ဖယ်ပေးလိုက်တာကြာပြီ။ ဒီအဆောက်အဦးတွေက ကျနော်တို့ ပိုက်ဆံနဲ့ ပြုပြင် ထိန်းသိမ်းထားတာ ကျနော်တို့က ၁၇ နှစ်ကျော် လုပ်လာတဲ့အတွက် လျော်ကြေးပဲ ဖြစ်ဖြစ်နေရာအစား ထိုးပဲ ဖြစ်ဖြစ် ကျနော်တို့ တောင်းထားတာ အဲဒါဘာမှမရသေးဘူး" ဟု ဆိုင်ရှင်တဦးဖြစ်သူ ဦးစိုးမြင့်အောင်က ပြောသည်။

စီးပွားကူးသန်းဝန်ကြီး၏ ညွှန်ကြားချက်ကြောင့် အကြီးစား ပြင်ဆင်မှုများ ၂၀၀၅ ခုနှစ်နှင့် ၂၀၀၈ ခုနှစ်များတွင် လုပ်ခဲ့ကြရခြင်းကြောင့် ဆိုင်ခန်း ၉၈ ခန်းအတွက် ကုန်ကျခဲ့သည့် ကျပ်သိန်း ၉၈၀ အလျော်ပေးစေလိုသည်ဟု ဆိုင်ခန်းရှင်များက ပြောသည်။

“ ဆိုင်ခန်းကို ၁၇ နှစ်ကျော် ကျနော်တို့ ငှားလာတယ် ဒါပေမယ့် အခုလို နှစ်ပတ်နဲ့ ရွှေ့ပေးရမယ်ဆိုတော့ ကျနော်တို့မှာ အခက်အခဲ ရှိတယ်" ဟု ဆိုင်ခန်းငှားရမ်း ဖွင့်လှစ်ထားသူ ဦးတင်မောင်ထွေးက ဆိုသည်။

ဦးတင်မောင်ထွေး၏ ဆိုင်ခန်းမှ ပစ္စည်းများ ရွှေ့ပြောင်းပြီး ဖြစ်သော်လည်း အခန်းကို ပြန်လည်မလွှဲပြောင်း သေးဘဲ ထားသည်။

ရန်ကုန်မြို့ လှည်းတန်းလမ်းဆုံရှိ ပြည်မြန်မာ ကုန်တိုက်တွင် စာစီစာရိုက်လုပ်ငန်း၊ ဓာတ်ပုံလုပ်ငန်း၊အလှကုန် ပစ္စည်း လုပ်ငန်း၊ အဝတ်အထည် လုပ်ငန်း စသည်တို့ကို လုပ်ကိုင်ခဲ့ပြီး ယခုအခါ ဆိုင်ခန်းငှားသူများမှဆိုင်ခန်း ပေါင်း ၆၀ ကျော်ကို ပိတ်ပစ်ပြီး ဖြစ်သည်။

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာမှ လေလံတင် ရောင်းချခဲ့သည့် ယင်းအဆောက်အဦးကို MMRD Co.Ltd ကုမ္ပဏီပိုင်ရှင် ဦးမိုးကျော်နှင့် AA Medical Product Co.Ltd ကုမ္ပဏီပိုင်ရှင် ဦးဇော်မိုးခိုင်တို့မှ ကျပ်သိန်းပေါင်း လေးသောင်းတထောင်ဖြင့် လေလံအောင်ခဲ့ခြင်း ဖြစ်သည်။

ဆိုင်ခန်းငှားသူများမှ ဆိုင်ခန်း ပြောင်းရွှေ့ရန် လောက်ငှသည့် အချိန်မရခြင်း၊ ဆိုင်ခန်းအသစ်များ ရှာရန် ခက်ခဲခြင်း စသည့် အခက်အခဲများ ဖြေရှင်းပေးရန် နိုင်ငံတော် သမ္မတရုံး၊ ရန်ကုန်တိုင်းဒေသကြီးအစိုးရ၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနများသို့ ၈ ကြိမ် အသနားခံစာ ပေးခဲ့သည်ဟုလည်း ဆိုင်ခန်းကိုယ်စားလှယ် ယာယီကော်မတီဝင်များက ပြောသည်။

ပြည်မြန်မာ ကုန်တိုက်ကိစ္စနှင့် ပတ်သက်၍ ပြည်တွင်း သတင်းဂျာနယ် ၃၅ စောင်ခန့် လာရောက် မေးမြန်း စုံစမ်းမှုများ ရှိသော်လည်း သတင်းဖေါ်ပြပါရှိသည်ကို မတွေ့ရ၍ ပြည်ပမီဒီယာများတွင် သတင်းဖော်ပြရန် ကြိုးစားခဲ့ခြင်းဖြစ်သည်ဟု ဆိုင်ခန်းငှားသူများက မဇ္ဈိမကို ပြောသည်။

ထိုသတင်းနှင့် ပတ်သက်၍ မြန်မာသမာဓိ ဂျာနယ်တွင် လွန်ခဲ့သည့် အပတ်က ဖေါ်ပြခဲ့သော်လည်း ထိုဂျာနယ်နှင့် သတင်းထောက်ကို စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ သတိပေးတားမြစ်မှု ပြုလုပ်ခဲ့သည်ဟု ပြည်တွင်းသတင်းထောက်အချို့ ဖွဲ့စည်းထားသော မြစ်မခ မီဒီယာ၏ Face Book တွင် ပါရှိသည်။

စီးပွားကူးသန်းဝန်ကြီးဌာန ရန်ပုံငွေအတွက် ဆိုင်ခန်းဖွင့်လှစ်နိုင်အောင် ခွင့်ပြုပြီး ငှားရမ်းခဲ့ခြင်းကိုအစောပိုင်း က စာချုပ်ဖြင့် ချုပ်ဆိုခဲ့သော်လည်း ၂ဝဝ၇ ခုနှစ် နောက်ပိုင်းတွင် စာချုပ်မချုပ်ဘဲ “နားလည်မှု” ဖြင့်သာ ဆက်လက် ငှားရမ်းခဲ့သည်။

၁၉၉၆ ခုနှစ်မှစ၍ ဆိုင်ခန်းငှားရမ်းမှု စတင်ခဲ့ပြီး ဝန်ကြီးဌာနအနေဖြင့် လစဉ်ဝင်ငွေ ကျပ်သိန်း ၅၀ အထက် ရရှိခဲ့သည်ဟု ဆိုင်ခန်းရှင်များ၏ ယာယီကော်မတီက မဇ္ဈိမသို့ ပေးပိုသောစာတွင် ပါရှိသည်။

“ ၁၆ နှစ်ကြာ စီးပွားရေး ရပ်တည်စေခဲ့သော နေရာမှ ၁၄ ရက်သာ အချိန်ပေးပြီး မောင်းထုတ်ခဲ့သည်မှာ လွန်စွာ အရုပ်ဆိုးလှပါသည်” ဟုလည်း စာတွင် ပါရှိသည်။

ဒေသခံတို့၏ရာဘာခြံများကို တပ်မြေအဖြစ် သိမ်းယူမည်ဟု စီစဉ်နေ

ဗုဒ္ဓဟူးနေ့၊ ဂျူလိုင်လ 13 ရက် 2011 ခုနှစ် မင်းသုတ

မင်းသုတ – မွန်ပြည်နယ်၊ သံဖြူဇရပ-ရေးကားလမ်း ပေါ် ဘုရားသုံးဆူလမ်းခွဲတဝိုက်ရှိ ဒေသခံတို့၏ ရာဘာခြံများကို တပ်မြေအဖြစ်သိမ်းယူရန်စီစဉ် နေသည်ဟု ခြံပိုင်ရှင်များထံမှသိရသည်။
သက်ဆိုင်ရာမြေစာရင်းဌာနမှ လွန်ခဲ့သည့်ရက်ပိုင်းအတွင်း၌ ပဏာမတိုင်းတာမှုများပြုလုပ်ခဲ့သည်ဟု ခြံပိုင်ရှင်များပြောသည်။

“သက်ဆိုင်ရာက ဘာလုပ်မယ်လို့မပြောဘူး၊ သတင်းပြန့်နေတာက ဒီနေရာကိုစစ်တပ်လာထိုင်မယ်လို့ ပြောနေကြတယ်၊ ဒီခြံတွေကိုရောင်းတဲ့လူရှိတယ် ဒါပေမယ့်ဝယ်သူမရှိတော့ဘူး” ဟု ခြံပိုင်ရှင် နိုင်မြင့် (အမည်ရင်းမဟုတ်) က ပြောသည်။

အဆိုပါမြေတိုင်းတိုင်းထွာမှုများနှင့်ပတ်သက်၍ သံဖြူဇရပ်မြို့နယ်မြေစာရင်းရုံးမှတစုံတရာရှင်းလင်းပြော ဆိုခြင်း မပြုနိုင်ကြောင်း တယ်လီဖုန်းမှငြင်းပယ်ခဲ့သည်။

လက်ရှိတွင် နယ်မြေခံမြန်မာစစ်တပ်မှ ရှေ့တန်းလုံခြုံရေးကင်းတဲအချို့ ပြုလုပ်ထားလျှက်ရှိကို သံဖြူဇရပ်-ရေးကားလမ်းမပေါ်မှ မြင်တွေ့နေရသည်။ (ဓါတ်ပုံသတင်းပါအတိုင်း)

အဆိုပါတပ်မြေအဖြစ်သိမ်းပိုက်မည့်မြေဧရိယာမှာ ခြံ ၆၀၀ ဧကကျော်ရှိလိမ့်မည်ဟု သံဖြူဇရပ်မြို့နယ် မြေစာရင်းရုံးနှင့်နီးစပ်သူတစ်ဦးကပြောသည်။

“ကားလမ်းမကြီးတလျှောက် ရာဘာပင်တစ်ပင် လက်ရှိပေါက်ဈေးက ကျပ်ငါးသောင်း နီးပါးရှိနေတယ်၊ အတွင်းပိုင်းခေါင်နေတဲ့ခြံတွေကျတော့ ရာဘာပင်တစ်ပင်ကို အနည်းဆုံး ကျပ်တစ်သောင်းနှုန်း ရှိတယ်” ဟု ရာဘာခြံပိုင်ရှင် နိုင်အေးမောင် (အမည်ရင်းမဟုတ်) က ပြောသည်။

မွန်ပြည်နယ်တွင် ရာဘာခြံဈေးအမြင့်ဆုံးမှာ သံဖြူဇရပ်မြို့နယ်ဟုသိရပြီး ရာဘာခြံဈေးကိုအပင်အရေ အတွက်ဖြင့် သတ်မှတ်ရောင်းချနေကြသည်။

ပုံမှန်အားဖြင့် တစ်ဧကတွင် ရာဘာ ၂၂၀ ပင်အကွက်ချ၍ စိုက်ပျိုးလေ့ရှိသည်ဟုအငြိမ်းစားမြို့နယ်ခြံစိုက် မန်နေဂျာတစ်ဦးက ပြောသည်။

ယခုခြံမြေသိမ်းပိုက်မှုများကိစ္စအား မွန်လူ့အခွင့်အရေးဖေါင်ဒေးရှင်းမှ အနီးကပ်စောင့်ကြည့်နေသည်ဟုသိရ သည်။

မွန်ပြည်သစ်ပါတီနှင့် စစ်အစိုးရအပစ်ရပ်စဲသည့်ကာလများ၌ ရေးမြို့နယ်တဝိုက်တွင်ဥယျာဉ်ခြံမြေဧကထောင် ကျော် မြန်မာစစ်တပ်မှတပ်ပိုင်မြေအဖြစ်သိမ်းပိုက်ယူပြီး တပ်ရင်း ၁၀ ရင်းထက်မနည်းထပ်မံတိုးချလာခဲ့ရာ တွင် မည်သူမှလျှော်ကြေးမရကြပေ။

ဘိုကလေး ကျောင်းဖယ်ရီ စက်လှေနစ်မြုပ် ကျောင်းသား ၅ ဦးသေဆုံး

2011-07-13 RFA

ဇူလိုင် (၁၁) ရက် တနင်္လာနေ့ နေ့လယ်ပိုင်းက ဧရာဝတီတိုင်း ဘိုကလေး မြို့နယ် ကြာအင်း ကျေးရွာ မူလတန်း လွန်ကျောင်းကနေ ရွာအပြန် လမ်းမှာ စက်လှေ နစ်မြှုပ်ခဲ့တာပါ။

ကြည်စုကျုံဖား ကျေးရွာအုပ်စု ချောင်းဖျားရွာကနေ တဖက်ကမ်း ကြာအင်း ကျေးရွာ မူလတန်း လွန်ကျောင်းကို ကျောင်းသွားတက်ပြီး အပြန် ချောင်းဖျား ကျေးရွာက ကျောင်းသား ကလေးငယ် (၂၃) ဦးကို တင်ဆောင်လာတဲ့ ကျောင်းအကြို အပို့ စက်လှေဟာ ကြည်စုချောင်း အတွင်း နစ်မြှုပ်ခဲ့တာလို့ ဘိုကလေး ဒေသခံတဦးက အာအက်ဖ်အေကို ပြောပါတယ်။

အတန်းဆင်းလို့ ကျောင်းအကြိုအပို့လုပ်တဲ့ ဖယ်ရီစက်လှေနဲ့ ပြန်လာတာ ဖယ်ရီစက်လှေနဲ့ ပြန်လာတော့ ၁၂နာရီခွဲလောက်မှာ ကြည်စုချောင်းထဲမှာပဲ နစ်သွားတာပါ၊ စက်လှေက ကျောင်းသားတွေ ဦးမှာ စိုက်နေတဲ့အခါ စက်က တင်မောင်းလိုက်တဲ့ အခါ ထိုးပြီး နစ်သွားတယ် လို့ ကြားပါတယ်၊ အဲဒီမှာ ကျောင်းသား (၅) ယောက် သေသွားတယ်။

အားလုံးပေါင်း (၂၃) ယောက် ပါလာတာ ကျောင်းသား (၁၈)ယောက်က အသက်ရှင်တယ်။ သေသွားတဲ့အထဲမှာ မိန်းကလေး (၄) ဦးနဲ့ ယောက်ျားလေး (၁) ဦး။ ကလေးတွေ မူလတန်း ကျောင်းသားတွေ ဆိုတော့ အသက် (၆)နှစ် (၇)နှစ်က နေပြီးတော့ (၁၀) နှစ် ပတ်ဝန်းကျင်ပေါ့ အဲလောက်တွေပဲ။

" စက်လှေ နစ်မြှုပ်ခဲ့လို့ သေဆုံးသွားခဲ့တဲ့ ကလေးငယ် (၅) ဦးစလုံးရဲ့ ရုပ်အလောင်းတွေကို စက်လှေ နစ်မြှုပ် အပြီး (၂) နာရီ (၃) နာရီအတွင်း မှာ ရှာဖွေ ရရှိခဲ့တယ်လို့ သိရပါတယ်။ ချောင်းဖျားကျေးရွာက အသက် (၆၀) အရွယ် စက်လှေ မောင်းသမားကို မြို့နယ် အာဏာပိုင်တွေနဲ့ သက်ဆိုင်ရာ ရဲစခန်းက လာရောက် ဖမ်းဆီးသွားခဲ့တယ်လို့ ဒေသခံ တွေက ပြောပါတယ်။

Murdoch ကိုယ့်ရှယ်ယာ ကိုယ် ပြန်ဝယ်

ဘီဘီစီ သတင်းဌာန ။ ။ 13-07-2011

ကမ္ဘာ့ မီဒီယာ ကော်ပိုရေးရှင်းကြီး ဖြစ်တဲ့ News Corporation က သူ့ ရှယ်ယာ ဈေး တွေ ကျလာနေတာကို တားဆီးဖို့ ကြိုးပမ်း တဲ့ အနေနဲ့ အမေရိကန် ပြည်ထောင်စုမှာ ရှိတဲ့ သူပိုင် စတော့ခ် ရှယ်ယာ ဒေါ်လာ ၅ ဘီလျံ ဘိုးကို ပြန်ဝယ်မယ်လို့ ထုတ်ဖေါ် ကြေညာလိုက်ပါတယ်။

ဖုန်းထဲက သတင်း အချက်အလက်တွေကို တရားမဝင် ရယူခဲ့မှု အရှုပ်တော်ပုံကြီးကြောင့် ဗြိတိန်နိုင်ငံမှာ ရှိတဲ့ သူ့ကုမ္ပဏီရဲ့ ရှယ်ယာတွေ ကျဆင်းသွားတာကို တားဆီးဖို့ News Corporation ရဲ့ ဥက္ကဌ Rupert Murdoch က ကြိုးပမ်းနေတာပါ။

အခုလို ရှယ်ယာတွေ ပြန်ဝယ်မယ်ဆိုတဲ့ သတင်း ထွက်လာလာချင်း Wall Street မှာ အစု ရှယ်ယာဈေးတွေ ပြန်တက်သွားခဲ့ပါတယ်။

ဒါပေမယ့် BskyB ဂြိုလ်တု အသံလွှင့်လုပ်ငန်းကို ဝယ်ယူနိုင်ရေး News Corporation ရဲ့ ကြိုးပမ်းနေ မှုကို တားဆီးဖို့ အတိုက်အခံ ပါတီရဲ့ အဆိုပြုချက်ကို ဗြိတိသျှ အစိုးရက ထောက်ခံကြောင်း ကြေညာလိုက်ချိန်မှာတော့ ရှယ်ယာဈေးတွေ ပြန်ကျသွားခဲ့ပါတယ်။

တချိန်ထဲမှာပဲ ဗြိတိသျှ ဝန်ကြီးချုပ် David Cameron၊ ဒုတိယ ဝန်ကြီးချုပ် Nick Clegg နဲ့ အတိုက်အခံ ပါတီခေါင်းဆောင် Ed Miliband တို့ဟာ Rupert Murdoch ရဲ့ News International ကုမ္ပဏီရဲ့ တရားမဝင် လုပ်ရပ်တွေအပေါ် စုံစမ်း စစ်ဆေးရေး အဖွဲ့တခု ဖွဲ့ပြီး စုံစမ်းစစ်ဆေးရေးနဲ့ ပတ်သက်လို့ တွေ့ဆုံ ဆွေးနွေးခဲ့ကြပါတယ်။

ထောင်နဲ့ မချီရင်တောင် ရာပေါင်းများစွာရှိနိုင်မဲ့ နိုင်ငံရေးသမားတွေ၊ နာမည်ကြီး ပုဂ္ဂိုလ်တွေ နဲ့ တခြားသူတွေရဲ့ သတင်းအချက်အလက်တွေကို ဖုန်းတွေထဲကနေ တရားမဝင် ရယူခဲ့တဲ့ ကိစ္စကို စုံစမ်း စစ်ဆေးဖို့ကိုရော၊ တခါ မီဒီယာသမားတွေ၊ နိုင်ငံရေး သမားတွေနဲ့ ရဲတွေ အကြား ဆက်ဆံရေးနဲ့ ပတ်သက်လို့ တရားသူကြီး ဦးဆောင်တဲ့ စုံစမ်းစစ်ဆေးမှု တခု လုပ်ဖို့ ကိုပါ သဘောတူခဲ့ကြပါတယ်။

ဒီအတောအတွင်းမှာပဲ Mr Murdoch ပိုင် သတင်းစာကြီး နှစ်ခု ဖြစ်တဲ့ the Sun နဲ့ the Sunday Times သတင်းစာ တို့က ဝန်ကြီးချုပ်ဟောင်း Gordon Brown ရဲ့ ငွေရေးကြေးရေး ၊ ဥပဒေရေးနဲ့ ကျန်းမာရေး ဆိုင်ရာ အတိမ်းအစောင်း မခံတဲ့ သတင်းအချက်အလက်တွေကို ဥပဒေ ချိုးဖေါက်ပြီး ရယူခဲ့တယ် ဆိုတဲ့ အချက်ကို ငြင်းဆိုလိုက်ကြပါတယ်။

KIA အပစ်ခတ်ရပ်စဲရန် ကချင်လူထု မလိုလား

ဗုဒ္ဓဟူးနေ့၊ ဂျူလိုင်လ 13 ရက် 2011 ခုနှစ် ကချင်သတင်းဌာန

ကချင်လွတ်မြောက်ရေးအဖွဲ့ (KIO)မှ ကချင်ပြည် သူလူထု သဘောထား အမြင်များ တောင်းခံသည့်စည်းဝေး ကျင်းပရာ မြန်မာစစ်တပ်နှင့် KIAအပစ်ရပ် စဲရန် လုံးဝ ကန့်ကွက်သည့် အဖြေများသာ ရရှိခဲ့ ကြောင်း သိရသည်။

ဇူလိုင် ၁၂မှ ၁၃ရက်နေ့အထိ နှစ်ရက်ကြာ လူထုသဘောထား တင်ပြဆွေးနွေးမှုကို KIO ဗဟိုဌာနချုပ် လိုင်ဇာမြို့ အလဲန်ဘွမ် (Alen Bum)တွင် စည်းဝေးကျင်းပခဲ့ခြင်းဖြစ်သည်။

“ငါတို့က တိုက်မယ်၊ ချမယ် ဒါပဲ တင်ပြဆွေးနွေးတယ်။ အားလုံး ဒီတစ်သံပဲထွက်တယ်။ အလုအယှက်ပဲ ပြောကြတယ် နောက်မဆုတ်ပဲ ရှေ့တက်ဖို့ပေ့ါ။ ဒီစစ်တပ်က လိမ်ညာတယ်၊ တစ်ခါ၊ နှစ်ခါလိမ်တာက လိမ်တဲ့သူ အပြစ်ပဲ၊ သုံးလေး ငါးခါ လိမ်ရင်တော့ လိမ်ခံရသူ အပြစ်ပဲ။” ဟု စည်းဝေးတက်ရောက်သူ မြစ်ကြီးနား ကိုယ်စားလှယ် တစ်ဦးမှ ဆိုသည်။

စည်းဝေးတွင် ရန်ကုန်၊ မန္တလေး၊ ရှမ်းပြည်နယ်၊ ဗန်းမော်၊ မြစ်ကြီးနား၊ ဟူးကောင်း၊ ဆွမ်ပရာဘွမ်၊ တနိုင်း၊ ပူတာအို၊ မိုးညှင်း၊ မိုးကောင်း စသည့်မြို့များမှ ကိုယ်စားလှယ်များ၊ ကချင်အမျိုးသားအတိုင်ပင်ခံအဖွဲ့ (WMR)မှ ခေါင်းဆောင်များ၊ ထိုင်းနိုင်ငံ ချင်းမိုင်မြို့နှင့် တရုတ်နိုင်ငံ ယူနန်ပြည်မှ ကိုယ်စားလှယ်များ၊ မြစ်ကြီးနားမြို့ ခရစ်ယာန်ဂိုဏ်းပေါင်းစုံ MCCမှ ဘာသာရေးဆရာများ အားလုံး စုစုပေါင်း ၁၄၅ဦး တိတိ တက်ရောက်ခဲ့သည်။

KIOမှ ဥက္ကဋ္ဌ ဇောင်းဟရားနှင့် အတူ ဗဟိုဌာနဆိုင်ရာ ထိပ်ပိုင်းခေါင်းဆောင်များ အပါအဝင် ၁၂ ဦးတက် ရောက်ကာ အရပ်ဖက်အုပ်ချုပ်ရေး အရာရှိ လဂျောင်ခေါင်လွမ်းမှ အဖွင့်အမှာစကားပြောကြားခဲ့သည်။

ဇွန်လ (၉)ရက်နေ့မှ စတင် စစ်ဖြစ်လာသည့် နှစ်ဖက်ကြား တိုက်ပွဲဖြစ်ပွားမှုမှတ်တမ်းကို စစ်ဦးချုပ် ဗိုလ်ချုပ် ဂွမ်ထန် ဂမ်ရှောင်မှ အသေးစိတ် ရှင်းလင်းပြောဆိုခဲ့သည်။

ဆက်ပြီး လက်ရှိ ဖြစ်ပေါ်နေသည့် စစ်ရေးအခြေအနေနှင့် ပတ်သက်ပြီး လူထု၏သဘောထား အမြင်များအား ပြန်လည် တင်ပြတောင်းဆို ဆွေးနွေးမှုများ ပြုလုပ်ခဲ့ခြင်းဖြစ်သည်။

“ငြိမ်းချမ်းရေးအတွက် ငါတို့ ဆွေးနွေး သင့်တာကို ဆွေးနွေးမယ်။ ဒါမယ့် ငြိမ်းချမ်းရေး အပစ်ရပ်စဲတာ၊ နားတာမျိုးက မလုပ်တော့ဘူး၊ မြန်မာစစ်တပ်က ညာတာ သိပ်များနေပြီဆိုတော့ ဒါကို မယုံသင့်တော့ဘူး။” ဟု တက်ရောက်သည့် ပြည်သူအသံများ ထွက်ပေါ်နေသည်။

ရန်ကုန်မှလာသည့် ကိုယ်စားလှယ်များမှာမူ “KIO လူတစ်ယောက် နှစ်ယောက်က ကိုယ်ကျိုးစီးပွားရှာတဲ့ အတွက် KIO အနာဂတ် အနှောက်အယှက် ဖြစ်နိုင်တယ်၊ နှစ် (၅၀) သက်တမ်းကို ကြည့်ပြီး ဗဟို အရာရှိ မှားတာတွေ အများကြီး ရှိခဲ့တယ်။ လဆန်အောင်ဝါ၊ မထုနော်၊ NDA-K ခွဲထွက်သွားတာ ကို ဗဟိုဌာနရဲ့ အားနည်းချက်တွေ ဟုတ်တယ် ဒါကို ဆင်ခြင် သင့်တယ်။” ဟု သူတို့ အမြင်များကို ဝေဖန်ပြောဆိုခဲ့သည်။

ရှမ်းပြည်နယ် ကိုယ်စားလှယ် သဘောထားများမူ “ရှမ်းပြည်က ကချင်ဆိုပေမယ့် ကချင်တိုင်းရင်းသားဖြစ်တဲ့ အတွက် ငါတို့က တစ်ခုတည်းဖြစ်တယ်။ ငါတို့ကို မမေ့ပါနဲ့။ တော်လှန်ရေးမှာ ငါတို့ လည်း ပါဝင်ဆင်နွဲမယ်။” ဟု သူတို့ ခံယူချက်ကို ဆိုခဲ့သည်။

နှစ်ရက်ကြာ ကျင်းပသည့် ယင်းစည်းဝေးပွဲ အပြီးတွင် KIO ဥက္ကဋ္ဌ ဇောင်းဟရားမှ ကချင်တိုင်းရင်းသားများ အားလုံး စည်းလုံးညီညွတ်ရန်နှင့် မြို့ပြတွင်နေထိုင်သည့် ကချင်ပြည်သူများ လက်နက် မစွဲကိုင်နိုင်သော်လည်း ပါဝင် ဆင်နွဲရန် အားပေးမိန့် ခွန်းပြောကြားခဲ့သည်။

KIAနှင့် မြန်မာစစ်တပ် အပစ်အခတ်အရပ်စဲရေးနှင့် ပတ်သက်ပြီး KIOမှ ကချင်လူထုသဘောထားတောင်းခံ သည့် စည်းဝေးကျင်းပနေသလို မြောက်ပိုင်းတိုင်းစစ်ဌာနချုပ် (မပခ) မှလည်းစစ်ရေးစစ်ဆင် နည်းနှင့် ပတ်သက်ပြီး စည်းဝေးပွဲ တစ်ရပ် ကျင်းပနေသည်။

ယာဉ်ထိန်းရဲ လာဘ်စားမှု ဝန်ကြီးချုပ်ထံ အမတ်တိုင်

ဗုဒ္ဓဟူးနေ့၊ ဂျူလိုင်လ 13 ရက် 2011 ခုနှစ် မဇ္ဈိမသတင်းဌာန

ရန်ကုန် (မဇ္ဈိမ) ။ ။ ရွှေပြည်သာမြို့နယ်ရှိ ယာဉ်ထိန်းရဲများ လာဘ်စားသည်ကိုရန်ကုန်တိုင်း ဒေသကြီး ဝန်ကြီးချုပ်ထံ တိုင်ကြားထားကြောင်း အမျိုးသားဒီမိုကရေစီအင်အားစု NDF ပြည်သူ့ လွှတ်တော်အမတ် ဦးတင်မောင်ဦးက ပြောသည်။

အစိုးရသစ်၏ အဓိက လုပ်ငန်းတရပ်ဖြစ်သော လာဘ်ပေးလာဘ်ယူမှု ပပျောက်ရေး လုပ်ငန်းစဉ်ကို ဝိုင်းဝန်း အကောင်အထည်ဖော် ဆောင်ရွက်သည့် အနေဖြင့် တိုင်ကြားရသည်ဟု သူက ဆိုသည်။ သို့သော် ရွှေပြည်သာ သာမက အခြားမြို့နယ်များပါ ထိုသို့လာဘ်စားမှုများ ရှိနေပြီး၊ ခရီးသည်တင် ယာဉ်များ၊ အလုပ်သွား အလုပ်ပြန်များက နေ့စဉ် တွေ့မြင်နေရသည်ဟုလည်း ပြောသည်။

လာဘ်ပေးလာဘ်ယူကို ရေတို စီမံကိန်းအနေနှင့် ချက်ချင်းဖြေရှင်းရန် မလွယ်သဖြင့် ရေရှည်ကိုင်တွယ် ဖြေရှင်းရမည် ဖြစ်ကာ၊ အဓိက လာဘ်ပေးလာဘ်ယူများ ဖြစ်ပွားနေသည့် နေရာများတွင် လေ့လာရမည့် အပြင် လစာဝင်ငွေနှင့် ကိုက်ညီမျှတသော ကုန်ဈေးနှုန်းလည်း ရှိရန်လိုအပ်သည်ဟု သူက ပြောဆိုသည်။

ဝန်ကြီး ကလင်တန် အာဆီယံ အစည်းအဝေး တက်မည်

By ဗွီအိုအေ (မြန်မာဌာန) ဗုဒ္ဓဟူး, 13 ဇူလိုင် 2011

အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ဟာ အခုလကုန်ပိုင်းမှာ ဟောင်ကောင်နဲ့ အင်ဒိုနီးရှား နိုင်ငံတွေကို ခရီးထွက်ပါလိမ့်မယ်။

အရှေ့တောင်အာရှ နိုင်ငံများအသင်း (အာဆီယံ) ရဲ့ နှစ်ပတ်လည် အစည်းအဝေးကို တက်ရောက်ဖို့ အင်ဒိုနီးရှားနိုင်ငံ ဘာလီကျွန်းကို ဇူလိုင်လ ၂၁ ရက်နေ့မှာ ၀န်ကြီး ကလင်တန် ရောက်လာလိမ့်မယ်လို့ အမေရိကန် နိုင်ငံခြားရေး ၀န်ကြီးဌာနက ပြောပါတယ်။

အာဆီယံ နိုင်ငံတွေနဲ့ အမေရိကန်အကြား မဟာဗျူဟာမြောက် စေ့စပ်မှုတွေလုပ်ဖို့ ကတိက၀တ်တွေ ရှိထားတဲ့အတိုင်း ဆောင်ရွက်ရေး ဒီနှစ်ပတ်လည် အစည်းအဝေးကို တက်ရောက်မှာ ဖြစ်တယ်လို့ ဆိုပါတယ်။

အင်ဒိုနီးရှားကနေ ၀န်ကြီး ကလင်တန် ဟောင်ကောင်ကို ခရီးဆက်မှာဖြစ်ပြီး အဲဒီမှာ အာရှ၊ ပစိဖိတ် ဒေသတွင်း အမေရိကန်ရဲ့ စီးပွားရေးဆိုင်ရာ ဦးဆောင်မှုနဲ့ ပတ်သက်ပြီး မိန့်ခွန်းပြောဖို့ ရှိပါတယ်။ အဲဒီနိုင်ငံတွေကို မသွားခင် ၀န်ကြီး ကလင်တန်ဟာ အိန္ဒိယ၊ ဂရိနဲ့ တူရကီ နိုင်ငံတွေကို ခရီးထွက်ပါလိမ့်မယ်။

မွမ်ဘိုင်းမြို့ ဆက်တိုက်ဗုံးကွဲ၊ ၂၀ ကျော် သေ

By ဗွီအိုအေ (မြန်မာဌာန) ဗုဒ္ဓဟူး, 13 ဇူလိုင် 2011

အိန္ဒိယနိုင်ငံရဲ့ ဘဏ္ဍာငွေကြေးမြို့တော် မွမ်ဘိုင်းမှာ ဗုဒ္ဓဟူးနေ့က ၃ ကြိမ်ဆက်တိုက် ဗုံးပေါက်ကွဲတာကြောင့် လူ ၂၁ ယောက်ထက် မနည်း သေဆုံးပြီး ၁၀၀ ကျော် ဒဏ်ရာရသွားပါတယ်။

ညနေပိုင်း ရုံးတက် ရုံးဆင်းချိန်အတွင်း မြို့တော်ရဲ့ လူသွားလူလာ စည်ကားတဲ့ နေရာတွေမှာ တခုနဲ့တခု မိနစ် ၂၀ စီလောက်ပဲ ခြားပြီး ပေါက်ကွဲခဲ့တာ ဖြစ်ပါတယ်။ ဗုံး ၂ လုံးက မွမ်ဘိုင်းမြို့ရဲ့ တောင်ဘက်နဲ့ တလုံးက မြို့လယ်ခေါင်မှာ ပေါက်ကွဲခဲ့တာပါ။

ဘယ်သူကမှ သူတို့လက်ချက် ဖြစ်တယ်လို့ မပြောသေးပေမဲ့ တခုနဲ့တခု အချိန်ကိုက်ပြီး ဖြစ်ခဲ့တာကြောင့် ဒီဖောက်ခွဲမှုတွေဟာ ဟန်ချက်ညီ ချိတ်ဆက် ညှိနှိုင်းပြီးလုပ်တဲ့ အကြမ်းဖက် တိုက်ခိုက်မှု ဖြစ်တယ်လို့ အိန္ဒိယ ပြည်ထဲရေးဝန်ကြီး ပီ-ချိုင်ဒမ်မ်ဘာရမ်မ် (P. Chidambaram) က ပြောပါတယ်။

မွမ်ဘိုင်းမြို့နေလူထု အပါအ၀င် တနိုင်ငံလုံးကလူတွေ အနေနဲ့ တည်တည်ငြိမ်ငြိမ် ရှိကြဖို့နဲ့ ငြိမ်းချမ်းရေးကို ထိန်းသိမ်းဖို့ သူက တိုက်တွန်းခဲ့ပါတယ်။ မစ္စတာ ချိုင်ဒမ်မ်ဘာရမ်မ်ဟာ ကြာသပတေးနေ့မှာ မွမ်ဘိုင်းမြို့ကို သွားမှာဖြစ်ပါတယ်။ တနိုင်ငံလုံးမှာ လုံခြုံရေး တင်းကျပ်ဖို့ကိုလည်း ပြည်ထဲရေးဝန်ကြီးက အမိန့်ထုတ်ထားပါတယ်။

လက်လုပ် ဖောက်ခွဲရေး ပစ္စည်းတွေနဲ့ ဖောက်ခွဲခဲ့တာ ဖြစ်တယ်လို့ ရဲတပ်ဖွဲ့က ယူဆထားပါတယ်။ ပေါက်ကွဲမှု ၂ ခုဟာ မော်တော်ကားတွေမှာ ဗုံးတွေဆင်ပြီးတော့ ဖောက်ခွဲခဲ့တာဖြစ်ပြီး နောက်တခုကတော့ ကြော်ငြာဆိုင်းဘုတ်ကြီးပေါ်က လျှပ်စစ်မီတာသေတ္တာ အပေါ်ဘက်မှာ ဖြစ်ခဲ့တာလို့ ရဲတပ်ဖွဲ့က ပြောပါတယ်။ ဒီဖောက်ခွဲမှုတွေကို ပါကစ္စတန် အစိုးရကရော အိန္ဒိယ ၀န်ကြီးချုပ် မန်မိုဟန် ဆင်းဂ် (Manmohan Singh) ကပါ ပြစ်တင် ရှုတ်ချခဲ့ကြပါတယ်။