ဒီနေ့ဖတ်စရာ သတင်းများ (ဇူလိုင်လ ၅ ရက်)

ပြည်တွင်းစစ်ရပ်စဲရန် ဦးသိန်းစိန် အစိုးရအား ဒီမိုကရေစီအင်အားစု ၉ ဖွဲ့ပြောဆို
ဇူလိုင်လ ၄ရက်။ စောသိန်းမြင့် (ကေအိုင်စီ)

သမ္မတဦးသိန်းစိန် အစိုးရအနေဖြင့် တိုင်းရင်း သားဒေသများတွင် ထိုးစစ်ဆင်မှုများ ရပ်စဲပြီး ဒီမိုကရေစီနိုင်ငံ ထူထောင်နိုင်ရန်အ တွက် စစ်မှန်သည့် ပြည်တွင်းငြိမ်းချမ်းရေး ခေါ်ယူ ရမည်ဖြစ်ကြောင်း ဒီမိုကရေစီအင်အားစုအဖွဲ့ (၉)ဖွဲ့က ယနေ့ တိုက်တွန်း ပြောဆိုလိုက်သည်။

လတ်တလောအချိန်တွင် အစိုးရစစ်တပ်က ကချင်ပြည်နယ်၊ ရှမ်းပြည်နယ်၊ မွန်ပြည်နယ်၊ ကရင်ပြည်နယ်နှင့် မြန်မာနိုင်ငံတ၀ှမ်း လုံးတွင် တဖက်သတ် ထိုးစစ်ဆင်မှုနှင့် ပတ်သက်၍ ရပ်တန့်ရန်နှင့် စစ်မှန်သည့် ပြည်တွင်းငြိမ်းချမ်းရေး ခေါ်ယူနိုင်ရန်အတွက် ယခုလို ဒီမိုကရေစီအင်အားစု ၉ဖွဲ့က ကြေညာချက် ထုတ်ပြန်ကာ တိုက်တွန်းလိုက်ခြင်းဖြစ်သည်။

အဆိုပါ ဒီမိုကရေစီ အင်အားစု ၉ဖွဲ့မှာ ပြည်တွင်းအခြေစိုက်သည့် မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီး၊ ၈၈မျိုး ဆက်ကျောင်းသားများ၊ ရက္ခအလင်းတန်း၊ ရန်ကုန်တိုင်းအတွင်း ဒီမိုကရေစီရေး တက်ကြွလှုပ်ရှားသူ ကျောင်းသားလူငယ်များ အင်အားစု၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်၊ ၂၀၀၇မျိုးဆက် ကျောင်းသားများသမဂ္ဂ၊ ရခိုင်ကျောင်းသား များသမဂ္ဂ၊ ဗမာနိုင်ငံလုံးဆိုင်ရာ လူငယ်သမဂ္ဂနှင့် အခြေခံပညာ ကျောင်းသားများသမဂ္ဂတို့ ဖြစ်ကြသည်။

သမ္မတ ဦးသိန်းစိန်အစိုးရ၏ စစ်တပ်များသည် ကချင်ဒေသတွင် ထိုးစစ်ဆင်မှု လတ်တလော အကြောင်းရင်းမှာ ကြံ့ဖွံ့အစိုးရ ၏ အကျိုးစီးပွားအတွက် ဆောင်ရွက်နေသည့် ရေကာတာစီမံကိန်းများကြောင့် ဖြစ်သလို ပြည်တွင်းစစ်ပြဿနာသည် တိုင်းရင်း သားအင်အားစုများနှင့် စစ်အုပ်စုကြား ပြဿနာသက်သက် မဟုတ်ဘဲ မြန်မာပြည်သူတရပ်လုံးနှင့်ဆိုင်သည့် မြန်မာနိုင်ငံ ဒီမိုက ရေစီရေး တိုက်ပွဲပြဿနာဖြစ်ကြောင်း ၎င်းအဖွဲ့ပေါင်းစုံက ဆိုသည်။

၎င်းအပြင် န၀တ-နအဖ စစ်အစိုးရ၏ တိုင်းရင်းသား လက်နက်ကိုင် အင်အားစုများနှင့် အပစ်ခတ်ရပ်စဲမှု လုပ်ခဲ့ခြင်းသည် တိုင်း ရင်းသား လက်နက်ကိုင် အဖွဲ့အစည်းများအား လက်နက်ချစေရေး ရေရှည်စီမံကိန်းသာဖြစ်ပြီး ကိုးကန့်အရေးအခင်း၊ နယ်ခြား စောင့်တပ် ဖွဲ့စည်းရေး ဖိအားပေးမှုများ၊ အပစ်ရပ် တိုင်းရင်းသားလက်နက်ကိုင် အဖွဲ့အစည်းများနှင့် တင်းမာနေသော အခြေ အနေများ၊ ယနေ့ဖြစ်ပေါ်နေသည့် ကချင်ဒေသသို့ ထိုးစစ်ဆင်မှုများ၊ မွန်ပြည်သစ်ပါတီအား လက်နက်အပ်ခိုင်းသည့် လုပ်ရပ် များ၊ ကရင်လူမျိုးများအပေါ် မတရား ချေမှုန်းမှုများသည် စစ်အုပ်စုဘက်တွင် စစ်မှန်သည့် ပြည်တွင်းငြိမ်းချမ်းရေး သဘောထား မရှိကြောင်း လုံးဝ ပေါ်လွင်နေသည်ဟုလည်း ထောက်ပြထားသည်။

ထို့ကြောင့် ပြည်တွင်း ငြိမ်းချမ်းရေး လှုပ်ရှားမှုကို နိုင်ငံရေးအကျဉ်းသားများ လွတ်မြောက်ရေးလှုပ်ရှားမှုနှင့်အတူ ပြည်တွင်း၊ ပြည်ပရှိ ဒီမိုကရေစီ လှုပ်ရှားဆောင်ရွက်နေသူ အင်အားစုများအားလုံးနှင့် ပြည်သူ တရပ်လုံးက အင်တိုက်အားတိုက် လှုပ်ရှား ဆောင်ရွက်ကြရမည်ဖြစ်ကြောင်း ၎င်းအဖွဲ့များက တိုက်တွန်းလိုက်သည်။

အဆိုပါအဖွဲ့ ၉ဖွဲ့က တရုတ်အစိုးရအနေဖြင့် အိမ်နီးနားချင်း မြန်မာပြည်သူများ၏ဘ၀ကို စာနာသောအားဖြင့် ဦးသိန်းစိန် စစ် အစိုးရနှင့် ပူးပေါင်းဆောင်ရွက်သော ရေကာတာ စီမံကိန်းများအား ရပ်တန့်ပေးရန်၊ မြန်မာနိုင်ငံအား လက်နက်တင်ပို့ ရောင်းချ နေမှုများအား ရပ်တန့်ပေးရန်နှင့် မြန်မာနိုင်ငံ၏ ပြည်တွင်းရေးကို ဦးသိန်းစိန်အစိုးရဘက်မှ ပူးပေါင်းရပ်တည်ပေးကာ ၀င်ရောက် စွက်ဖက်နေမှုများအား ရပ်တန့်ပေးရန်ကိုလည်း ယနေ့ရက်စွဲဖြင့်ပင် သီးသန့်ကြေညာချက်တစ်စောင် ထုတ်ပြန်တောင်းဆိုလိုက်သည်။

ဒေါ်အောင်ဆန်းစုကြည်ကို မန္တလေးတိုင်းNLD အဖွဲ့ဝင်တွေ ကြိုဆို

2011-07-04

ပုဂံမြို့ကို ဘုရားဖူး ထွက်ခွာသွားတဲ့ ဒေါ်အောင်ဆန်းစုကြည်ကို မန္တလေးတိုင်း NLD အဖွဲ့ဝင်တွေက ပုဂံ ညောင်ဦးလေဆိပ်မှာ ဒီကနေ့ မနက်ပိုင်းက ကြိုဆိုခဲ့ကြပါတယ်။


ဒေါ်အောင်ဆန်းစုကြည် ပုဂံကို လာရောက်တာနဲ့ ပတ်သက်ပြီး သက်ဆိုင်ရာ အာဏာပိုင်တွေက အနီးကပ် စောင့်ကြည်တာက လွဲပြီး ဟန့်တားမှုတွေ မလုပ်ဘူးလို့ သိရပါတယ်။

ဒေါ်အောင်ဆန်းစုကြည် ရဲ့ခရီးစဉ်နဲ့ ပတ်သက်ပြီး NLD ပြန်ကြားရေးတာဝန်ခံ ဦးအုန်းကြိုင်က ခုလိုပြောပါတယ်။

“မနက်က ပုဂံကို ၈ နာရီ ၁၂ မိနစ်မှာ ရောက်သွားပါတယ်။ သူနဲ့အတူ ဗိသုကာ ဦးခွန်သာမြင့်နဲ့ ရုံးအဖွဲ့ဝင် ဓာတ်ပုံဆရာ ၃ ယောက် အတူတူ ပါသွားပါတယ်။ သားငယ်ဖြစ်တဲ့ Kim က ကားနဲ့ ပုဂံကို ချောချောမောမော ရောက်ပါတယ်။ ဒီနေ့မနက်ကျမှ ဒေါ်အောင်ဆန်းစုကြည်က လေကြောင်းနဲ့ လိုက်သွားတာပါ။ အစီအစဉ်အတိုင်း ဘုရားဖူးဖို့ နားဖို့ပါပဲ”

ဒီခရီးစဉ်ဟာ ဘုရားဖူးဖို့ သက်သက်သွားရောက်တာ ဖြစ်တယ်လို့ ပြောပါတယ်။ တချိန်တည်းမှာ ပြည်တွင်းထုတ် The Voice ဂျာနယ်မှာ ပုဂံ ညောင်ဦး အုပ်ချုပ်ရေးမှူးက နယ်မြေအတွင်းရှိ ဘုရားဂေါပက အဖွဲ့တွေကို ဒေါ်အောင်ဆန်းစုကြည်ကို ကြိုဆိုခြင်းနဲ့ အလှူငွေ လက်ခံခြင်းတွေနဲ့ ပတ်သက်ပြီး ကန့်သတ်ချက်တွေ ထုတ်ပြန်ထားတယ်လို့ ဖော်ပြထားပါတယ်။

သံဃာတော်တွေ နှိပ်စက်ညှဉ်းပန်းမှု မှတ်တမ်းတင်စာအုပ် ထုတ်ဝေ

2011-07-04 RFA

မြန်မာနိုင်ငံက အကျဉ်းထောင်တွေမှာ ရဟန်းသံဃာတွေကို အာဏာပိုင်တွေ နှိပ်စက် ညှဉ်းပန်းပုံတွေအကြောင်း ရေးသားထားတဲ့ “သံတိုင်နောက်က မှတ်တမ်းများ” ဆိုတဲ့စာအုပ်ကို ပြည်ပအခြေစိုက် သာသနာဥသျှောင်အဖွဲ့ကြီးက ဒီရက်ပိုင်းအတွင်း ထုတ်ဝေ ဖြန့်ချိလိုက်ပါတယ်။

၁၉၈၈ ခုနှစ်ကနေ ၂ဝဝ၇ ရွှေဝါရောင် သံဃာ့တော်လှန်ရေး ကာလအတွင်း ဒီမိုကရေစီရေးနဲ့ လူ့အခွင့်အရေးအတွက် ပါဝင်လှုပ်ရှားခဲ့တဲ့ သံဃာတော်တွေကို စစ်အစိုးရက ဖမ်းဆီးပြီး ညှဉ်းပန်း နှိပ်စက်ခဲ့တဲ့ ဖြစ်ရပ်မှန်တွေကို စာအုပ်မှာ ရေးသားဖော်ပြထားတယ်လို့ အတွင်းရေးမှူးချုပ် ဆရာတော် ဦးပညာနန္ဒက မိန့်ကြားပါတယ်။

"ရဟန်းတွေကို သင်္ကန်းဝတ်ခွင့် မပေးဘဲနဲ့ လူဝတ်လဲပြီး ထားတာ၊ ရဟန်းတွေကို ထောင်ထဲမှာ ‘မင်း’ နဲ့ ‘ငါ’ နဲ့ နင်ဘဲငဆ ရိုင်းရိုင်းစိုင်းစိုင်း ဆက်ဆံတဲ့အကြောင်းတွေ ပါတယ်။ တချို့သံဃာတွေ ဆိုရင် ရှေ့တန်း ရဲဘက်စခန်းကို ထည့်လိုက်တယ်။ ဦးပညာသီရိ ဆိုတဲ့ ဦးဇင်းတပါးဆိုရင် ချင်းပြည်နယ်ဘက်မှာ လင်တန် ရဲဘက်စခန်း ရောက်သွားတယ်။ သူ့အမှုက မပြီးသေးဘူး။ ထောင်ကျတယ် ဒါပေမယ့် ဆက်ပြီး ပုဒ်မ အသစ်တွေနဲ့ ထောင်ထပ်ချဖို့ ကြိုးစားတယ်။ အဲဒီမှာ ဦးဇင်းက မဖြစ်တော့ဘူးဆိုပြီး အိန္ဒိယနယ်စပ်ကို ထွက်ပြေးသွားတာ လမ်းမှာ ဘယ်လို ဒုက္ခရောက်ခဲ့တယ်၊ အလုပ်ကြမ်းစခန်းမှာ ဘယ်လို နေခဲ့ရတယ် စသဖြင့် ကိုယ်တွေ့ဖြစ်ရပ်မှန်တွေကို ရေးထားတာ"

ဒီစာအုပ်ကို ရွှေဝါရောင် သံဃာ့တော်လှန်ရေး အထိမ်းအမှတ်အဖြစ် ထုတ်ဝေလိုက်တာဖြစ်ပြီး မြန်မာ-အင်္ဂလိပ် နှစ်ဘာသာနဲ့ ဆောင်းပါး (၁၁) ပုဒ် ပါဝင်တယ်လို့ ဆရာတော်က ဆက်လက် မိန့်ပါတယ်။ လက်ရှိ မြန်မာနိုင်ငံ အနှံ့အပြားက အကျဉ်းထောင်တွေမှာ သံဃာအပါး ၂ ရာနီးပါး ဖမ်းဆီး ထိမ်းသိန်းခံထားရပါတယ်။

မြန်မာနိုင်ငံကို အကူအညီ ပြန်ပေးဖို့ ဂျပန် စဉ်းစားနေ

2011-07-04 RFA

ODA ခေါ် နိုင်ငံရပ်ခြား စီးပွားရေး အကူအညီတွေကို မြန်မာနိုင်ငံကို ပြန်လည်ပေးအပ်ဖို့ စဉ်းစားနေပြီလို့ ဂျပန်နိုင်ငံထုတ် ‘ယိုမီအူရီ’ သတင်းစာမှာ ဒီကနေ့ ရေးသားထားပါတယ်။

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ပြန်လွှတ်ပေးခဲ့တဲ့အချက်၊ စစ်တပ် အုပ်ချုပ်ရေးစနစ်ကို အဆုံးသတ်လိုက်ပြီလို့ ကြေညာခဲ့တဲ့ အချက်တွေပေါ် အခြေခံပြီး မြန်မာနိုင်ငံကို အကူညီပေးဖို့ စဉ်းစားတာ ဖြစ်ကြောင်း ဂျပန်အစိုးရ တာဝန်ရှိသူတွေကို ကိုးကားပြီး ‘ယိုမီအူရီ’ သတင်းစာက ရေးပါတယ်။ ဒီအကူအညီတွေ ဘယ်တော့ ပြန်စမယ် ဆိုတာ အတိအကျ မသိရပါဘူး။

ဂျပန်နိုင်ငံ တိုကျိုမြို့ အခြေစိုက် မြန်မာ့အရေး လှုပ်ရှားသူ ဦးကျော်ကျော်စိုးကတော့ ဂျပန်အစိုးရဟာ မြန်မာ့ ဒီမိုကရေစီရေးကို လိုလားသလို တပြိုင်နက်တည်းမှာပဲ မြန်မာနိုင်ငံမှာ ဂျပန်နိုင်ငံက စီးပွားရေး ရင်းနှီးမြှုပ်နှံဖို့လည်း လိုလားကြောင်း ပြောပါတယ်။

“ဒီတခေါက်မှာ ဘာထူးခြားလည်းဆိုတော့ အမေရိကန် အစိုးရက မြန်မာနိုင်ငံအပေါ် ထားတဲ့ ပေါ်လစီကို ပြန်ပြီး သုံးသပ်နေတယ်။ ဂျပန်က မြန်မာပြည် ဒီမိုကရေစီရေးနဲ့ ပတ်သက်ပြီးတော့ အကူအညီ ပေးမယ့်အထဲမှာ ODA နဲ့ ချည်းကပ်ပြီး မြန်မာပြည်ကို ပြုပြင်ပြောင်းလဲဖို့ ဆန္ဒရှိတယ်။ ဒီလို အကူအညီပေးရင်းနဲ့ သူတို့ရဲ့ စီးပွားရေးလုပ်ငန်းတွေလည်း အထိုက်အလျောက် တိုးတက်လာအောင် အထောက်အကူ ဖြစ်လာအောင် ဆိုတဲ့ သဘောမျိုး ရှိပါတယ်”

အခု ပြန်ပေးဖို့ရှိတယ် ဆိုတဲ့ ODA အကူအညီဟာ ပြီးခဲ့တဲ့ ၈ နှစ်အတွင်း ပထမဦးဆုံးအကြိမ် ပြန်ပေးတာပဲ ဖြစ်ပါလိမ့်မယ်။

၂ဝဝ၃ ခုနှစ် ဒီပဲယင်း သွေးထွက်သံယို တိုက်ခိုက်မှု ပြီးချိန်ကတည်းက ဂျပန်နိုင်ငံရဲ့ ODA အကူအညီတွေ ရပ်ဆိုင်းခဲ့ပါတယ်။ ဒါပေမယ့် ဂျပန်အစိုးရဟာ ၂ဝဝ၃ ခုနှစ်ကနေ ဒီကနေ့အထိ လူသားချင်းစာနာတဲ့ အကူအညီတွေကိုတော့ ပေးခဲ့ပါတယ်။ အထူးသဖြင့် သဘာဝ ဘေးဒဏ်သင့် ဒေသတွေကို ပေးခဲ့တာပါ။

ပြီးခဲ့တဲ့အပတ်တွင်း မြန်မာနိုင်ငံကို သွားရောက်ခဲ့တဲ့ ဂျပန် လွှတ်တော်ဆိုင်ရာ ဒုတိယ နိုင်ငံခြားရေးဝန်ကြီး မစ္စ မခိကို ခိကုတ က မြန်မာအာဏာပိုင်တွေနဲ့ တွေ့ဆုံချိန်မှာ မြန်မာပြည်သူတွေရဲ့ နေ့စဉ်ဘဝ တိုးတက်ရေးမှာ အသုံးပြုဖို့အတွက် ODA အကူအညီတွေကို မကြာခင် ပြန်လည် ပေးအပ်တော့မှာ ဖြစ်ကြောင်း ပြောဆိုခဲ့တယ်လို့ သိရပါတယ်။

အဲဒီ အကူအညီတွေထဲမှာ တီဘီနဲ့ ငှက်ဖျားရောဂါ တိုက်ဖျက်ရေးအတွက် ဆေးထိုးပေးမယ့် အစီအစဉ်တွေ၊ ကိုယ်ဝန်ဆောင် မိခင်တွေအတွက် ဆေးဝါး၊ လူသားစွမ်းရည် မြှင့်တင်ရေးအတွက် ဂျပန်ကို ပညာတော်သင် စေလွှတ်မယ့်ကိစ္စ၊ လယ်ယာသုံး ပစ္စည်းတွေနဲ့ မြေဆီလွှာညံ့ ယာမြေတွေမှာ စိုက်ပျိုးနိုင်မယ့် မျိုးစေ့တွေ အကူအညီ ပေးသွားမယ်လို့ သိရပါတယ်။

မြန်မာအစိုးရပစ်မှတ် တိုက်ခိုက်ခြင်း KIA ကန့်သတ်

Monday, 04 July 2011 20:49 KNG

အပစ်အခတ်ရပ်စဲရေးကိစ္စ KIOနှင့် ကချင်ပြည်နယ်အစိုးရကိုယ်စားလှယ်များ ဇွန် ၃၀ လဂျားယန်၌ တွေ့ဆုံပြီးနောက် “မြန်မာစစ်သားများ KIA နယ်မြေထဲ ၀င်ရောက်ခြင်းမရှိလျှင် ပစ်ခတ်မှု မပြုရန်” KIA လိုင်ဇာစစ်ဌာနချုပ်က ရှေ့တန်းမှ ၎င်းတို့တပ်ဖွဲ့များကို ဇူလိုင် ၁ရက်နေ့တွင် ညွှန်ကြားခဲ့သည်။

ဆက်လက်ပြီး မြန်မာအစိုးရအုပ်ချုပ်သည့် မြို့ထဲ၊ ရပ်ရွာထဲဝင်ရောက်ဗုံးခွဲခြင်းနှင့် လမ်းပေါ်ဖြတ်သွားသော မြန်မာစစ်သားများအား တိုက်ခိုက်ခြင်း မ ပြုရန်လည်း ညွှန်ကြားချက်တွင်ပါရှိကြောင်း KIA ရှေ့တန်းသတင်း ရပ်ကွက်မှ သိရသည်။

သို့သော် ယင်းသို့ညွှန်ကြားချက်ထွက်လာပြီးနောက် ဇူလိုင် ၃ ရက်တွင် ဆန်ဂန်နှင့် ဘွမ်ဆဲန်ရှိ KIA တပ်စခန်းများကို သိမ်းပိုက် ထားသည့် မြန်မာစစ်တပ်က ဆက်လက်၍ KIA နယ်မြေအတွင်း ထိုးဖောက်ဝင်ရောက်လာသည့်အတွက် ယင်းဒေသတွင် တိုက်ပွဲများ ပြန်လည်ဖြစ်ပွားလာသည်။

ယင်းတိုက်ပွဲကြောင့် KIA ရှေ့တန်းတပ်များအား ညွန်ကြားထားချက် ပြောင်းလဲခြင်း မရှိပါ။

မြန်မာစစ်သား ၅ ဦးကို KIA တပ်မဟာ ၄ လွှတ်ပေး

Monday, 04 July 2011 20:09 KNG

ရှမ်းပြည်မြောက်ပိုင်း လွယ်ကန် (Loikang) အခြေစိုက် KIA တပ်မဟာ ၄ က ၎င်းတို့နယ်မြေထဲဝင်ရောက်လာသည့် အတွက် ဖမ်းဆီးထားသည့် မြန်မာစစ်သား ၅ ဦးကို ဇွန် ၃ ရက်၊ တနင်္ဂနွေ မနက်ပိုင်းက လွှတ်ပေးခဲ့သည်ဟု တပ်မဟာ ၄ အရာရှိများပြောသည်။

ဒု-ဗိုလ်မှူးကြီးစိုးရွှေ ဦးစီးသည့် တာမိုးနဲနယ်မြေခံ ခလရ ၂၉၀ မှ စစ်သားများဖြစ်ကာ ဇွန် ၂ ရက် စနေနေ့ညနေပိုင်းတွင် ၎င်းတို့အား လွယ်ကန်-ဘန်ဖိတ်(Bang Hpik) ကြားတွင် ဖမ်းဆီးသည်ဟု သိရသည်။

တစ်ရက်တည်းတွင်ပင် မွန်းလွဲ ၁ နာရီကျော်တွင် မြန်မာစစ်သား ၁၀ ယောက်ခန့်ပါ ဖောဝီးလ်ကားတစ်စီးအား တပ်မဟာ ၄ လက်အောက် တပ်ရင်း ၉ မှ နောင်ရွှေ(NawngShwi)-နာမ်ဂွတ်(Nam Gut) လမ်း နောင်ရွှေကွေ့တွင် ဗုံးဖောက်ခွဲကာ ပစ်ခတ်တိုက်ခိုက်ခဲ့သည်။

ယင်းသို့ဖြစ်ပွားခြင်းကြောင့် KIA တပ်မဟာ ၄ ပတ်ပတ်လည်၌ မြန်မာစစ်တပ်များ တိုးချဲ့ချထားသည်ဟု သိရသည်။

မြန်မာသံမှူးကြီး နိုင်ငံရေး ခိုလှုံမှုအပေါ် သံတမန်ဟောင်းအချို့ အမြင်

By ဦးရော်နီညိမ်း တနင်္လာ, 04 ဇူလိုင် 2011

မြန်မာအစိုးရသစ်ရဲ့ သက်တမ်း ရက်ပေါင်း ၁၀၀ မပြည့်သေးခင်မှာပဲ မြန်မာအစိုးရရဲ့ နိုင်ငံခြားရေး ၀န်ကြီးဌာန အကြီးတန်း အရာရှိကြီး တဦးဟာ မိသားစုနဲ့တကွ အမေရိကန် ပြည်ထောင်စုမှာ နိုင်ငံရေးခိုလှုံခွင့် တောင်းခံခဲ့ပါတယ်။ ၀ါရှင်တန်ဒီစီ မြန်မာသံရုံးက သံမှူးကြီး ဦးကျော်ဝင်းဟာ သူ ဘာကြောင့် အခုလို နိုင်ငံရေးခိုလှုံခွင့် တောင်းခံရတယ် ဆိုတာကို အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ဆီကို ဇူလိုင်လ ၄ ရက် နေ့စွဲနဲ့ စာတစောင်ပေးပို့ ရှင်းပြထားပါတယ်။ ဒီအကြောင်း အပြည့်အစုံကို မြန်မာသံတမန်ဟောင်းတွေနဲ့ ဆက်သွယ် မေးမြန်းထားတဲ့ ဦးရော်နီညိမ်းက တင်ပြပေးထားပါတယ်။

ဝါရှင်တန်ဒီစီ မြန်မာသံရုံးက လက်ရှိမှာ ဒုတိယ ရာထူးအကြီးဆုံး တာဝန်ထမ်းဆောင်နေသူ Deputy Chief of Mission သံမှူးကြီး ဦးကျော်ဝင်းက သူ့ရဲ့ ကြိုးပမ်းမှု မှန်သမျှ ပယ်ချခံရပြီး အထက်ဌာနဖြစ်တဲ့ နိုင်ငံခြားရေး ၀န်ကြီးဌာနရဲ့ အပြစ်တင် ခံနေရတာချည်းပဲ ဖြစ်နေတာကြောင့် သူဟာ အခု ၀ါရှင်တန်မှာ တာဝန်ထမ်းဆောင်ချိန် ပြည့်လို့ မြန်မာနိုင်ငံကို ပြန်သွားရင် သူ့အပေါ်မှာ အရေးယူမယ့် အလားအလာတွေ ရှိနေတယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်ဆီကို ရေးသားတဲ့ စာမှာ ဖော်ပြထားပါတယ်။

ဒီအချက်နဲ့ ပတ်သက်ပြီး ၂၀၀၅ ခုနှစ်က အမေရိကန် ပြည်ထောင်စုမှာ ခိုလှုံခွင့် တောင်းခံခဲ့သူ ၀ါရှင်တန်ဒီစီ မြန်မာသံရုံးရဲ့ သံမှူးကြီး ဖြစ်ခဲ့တဲ့ ဗိုလ်မှူးဟောင်း ဦးအောင်လင်းထွဋ်က သူ့ရဲ့ အတွေ့အကြုံနဲ့ နှိုင်းယှဉ်ပြီး အခုလို ပြောပြပါတယ်။

“ကျနော်တို့တွေ အမေရိကန်၊ မြန်မာ ဆက်ဆံရေးအတွက် ကြိုးစားပြီး လုပ်ကြတယ်။ ကျနော်တို့ ထိုးထိုးဖောက်ဖောက်နဲ့ ထဲထဲဝင်ဝင် အားလုံးပေါ့လေ၊ Lobby ကိစ္စတွေရော အားလုံး ကျနော်တို့ လုပ်ကြတယ်။ ကျနော်တို့က အမေရိကန်၊ မြန်မာ ဆက်ဆံရေး ကောင်းမှ မြန်မာပြည် တိုးတက်မယ်ဆိုတဲ့ လမ်းကြောင်းမျိုးနဲ့ ကျနော်တို့ သွားခဲ့ကြတယ်။

“ဒါပေမဲ့ ဗိုလ်ချုပ်မှူးကြီး သန်းရွှေက ပယ်ချခဲ့တဲ့ အတွက်ကြောင့်မို့၊ ကျနော်တို့ တဖွဲ့လုံး အဖျက်ခံခဲ့ရတဲ့ အတွက်ကြောင့် ကျနော့်အနေနဲ့ နောက်ပိုင်း Defect လုပ်ခဲ့ရတာ။ ဦးကျော်ဝင်းတို့ အပိုင်းအနေနဲ့၊ ဦးကျော်ဝင်းဆိုရင် မြန်မာပြည် ပြန်ပြီးတော့မှ တိုးတက်ဖို့၊ အမျိုးသား ပြန်လည် ရင်ကြားစေ့ဖို့ အတွက်ကိုလည်း ဗမာတွေနဲ့ ထဲထဲဝင်ဝင် နီးနီးစပ်စပ် ဆောင်ရွက်သလို အမေရိကန်၊ မြန်မာ ဆက်ဆံရေး ကောင်းဖို့အတွက်ကိုလည်း၊ ဥပမာ ဂျွန်မက်ကိန်း (John McCain) တို့သွားတဲ့ ခရီးစဉ်တွေကအစ သူတို့ နိုင်ငံခြားရေး ၀န်ကြီးကိုပဲ တိုက်ရိုက် တင်ပြရတဲ့ အဆင့်မျိုး ရှိပါတယ်။”
ဦးကျော်ဝင်းရဲ့ နောက်ဆုံး ကြိုးပမ်းချက်ဖြစ်တဲ့ အမေရိကန် အထက်လွှတ်တော်အမတ် ဂျွန်မက်ကိန်း မြန်မာနိုင်ငံကို သွားရောက်ခဲ့တဲ့ ကိစ္စဟာလည်း ဦးကျော်ဝင်းအတွက် အထက်လူကြီးတွေရဲ့ ငြိုငြင်စရာ ဖြစ်ခဲ့တယ်လို့ ဦးအောင်လင်းထွဋ်က ပြောပါတယ်။

“ဂျွန်မက်ကိန်း ခရီးစဉ်မှာ ကျနော်သိသလောက် အစိုးရအဖွဲ့သစ် အနေနဲ့ အမေရိကန်၊ မြန်မာ ဆက်ဆံရေး ကောင်းနေပြီဆိုတဲ့ ပုံစံမျိုးဖြစ်အောင် ပြည်တွင်းရော၊ ပြည်ပရော လုပ်ချင်ပါတယ်။ ဒီနေရာမှာ ဦးကျော်ဝင်းတို့ အပိုင်းကလည်း အမေရိကန်၊ မြန်မာ ရိုးရိုးသားသားပေါ့ဗျာ၊ ဆက်ဆံရေး ကောင်းမလား ဆိုပြီးတော့မှ မြန်မာပြည်ကို ဂျွန်မက်ကိန်း လာဖို့အတွက်က သူတို့ ကြိုးစားပမ်းစား လုပ်ကြတယ်။
“ဒါပေမဲ့ ဂျွန်မက်ကိန်းက ပွင့်ပွင့်လင်းလင်း ပြောတတ်တဲ့ အတိုင်းပဲ ခင်ဗျားတို့ ဒီအတိုင်း ဆက်သွားနေရင် အရှေ့အလယ်ပိုင်းက ကိစ္စမျိုးတွေ အနှေးအမြန် ဖြစ်လာလိမ့်မယ်ဆိုတဲ့ ထောက်ပြလိုက်တဲ့ အပေါ်မှာ တော်တော်လေးကို ခါဆင်းသွားတဲ့ အနေအထားမျိုး ရှိပါတယ်။”

ဂျွန်မက်ကိန်း ထောက်ပြသွားတဲ့ အပေါ်မှာ မကျေမလည် ဖြစ်နေတဲ့ မြန်မာအစိုးရ ခေါင်းဆောင်တွေဟာ ဂျွန်မက်ကိန်း မြန်မာပြည်ကို လာရောက်ရင် အမေရိကန်၊ မြန်မာ ဆက်ဆံရေး တိုးတက်မယ်လို့ တင်ပြ ကြိုးပမ်းခဲ့တဲ့ သံမှူးကြီး ဦးကျော်ဝင်း အပေါ်မှာ တရားခံ ရှာပုံရတယ်လို့ ဦးအောင်လင်းထွဋ်က သုံးသပ်ပါတယ်။

“ဒီအတိုင်း ဖြစ်သွားတဲ့အခါမှာ ဒါ ဘယ်သူ့လက်ချက်လဲ၊ ဦးကျော်ဝင်း အကြံပေးလို့သာ ငါတို့က သူ့ကို လက်ခံခဲ့ရတယ် ဆိုပြီးတော့ နိုင်ငံခြားရေး ၀န်ကြီးဌာန အနေနဲ့ သူ့ကို ပုံချတဲ့ အနေအထားမျိုးတွေ ရှိပါတယ်။ ဒီကိစ္စအတွက် သူ မြန်မာပြည် ပြန်သွားခဲ့ရင် မလွဲမသွေ အမေးအမြန်း ခံရနိုင်ပါတယ်။ နောက် ကျနော်ပြောခဲ့တဲ့ ဗမာတွေနဲ့၊ အတိုက်အခံ အဖွဲ့အစည်းတွေနဲ့ ဆက်ဆံရေး သူ့အနေနဲ့ ပြန်ပြီးတော့မှ စစ်ဆေးခံရနိုင်တဲ့ အနေအထားမျိုး ရှိတဲ့အတွက်ကြောင့် Defect လုပ်တယ်လို့ ကျနော် ထင်ပါတယ်။”

လန်ဒန်မြို့မှာ နေထိုင်တဲ့ သံတမန်ဟောင်း ဦးခင်မောင်ကြည်ကတော့ ဦးကျော်ဝင်းရဲ့ အမေရိကန် နိုင်ငံခြားရေး ၀န်ကြီးဆီကို ပေးပို့တဲ့စာမှာ တင်ပြထားတဲ့ ဒုတိယအချက်၊ နိုင်ငံခြားရေး ၀န်ကြီးဌာနက ၀န်ထမ်းတွေရဲ့ မညီမမျှ ဖြစ်နေတဲ့ အနေအထားကို အခုလို သုံးသပ်ပြပါတယ်။

“ကိုကျော်ဝင်းက သံမှူးကြီး၊ ၀ါရှင်တန်ကနေ ဒီဘက်ကို ခိုလှုံလာတာကို ကျနော့်အနေနဲ့ ကြိုလည်း ကြိုဆိုတယ်၊ ၀မ်းလည်းသာတယ်၊ ချီးလည်း ချီးကျူးတယ်။ သူ့စာ ကျနော်လည်း ဖတ်ရတယ်။ အဲဒီအချက်တွေထဲ အဓိကကတော့ စစ်ဗိုလ်နဲ့ အရပ်သား ခွဲတယ်၊ ဟုတ်တယ်။
“ဥပမာဆိုရင် ဗိုလ်ချုပ်မှူးကြီး သန်းရွှေရဲ့ သားမက် ကိုဇော်ဖြိုးဝင်း၊ သူက မင်္ဂလာဆောင်ပြီး သိပ်မကြာဘူး နိုင်ငံခြားရေးရုံးကို ရောက်တယ်။ အခု ကူမင်းမှာ ကောင်စစ်ဝန်ချုပ် ဖြစ်နေတယ်။ ကိုကျော်ဝင်းတို့က နှစ် ၃၀ လောက်ရှိပြီ နိုင်ငံခြားရေးမှာ။ ကြိုးကြိုးစားစား လုပ်နေတာ။ ပညာလည်းတတ်တယ်၊ အရည်အချင်းလည်း ရှိတယ်။ သူတို့ကို ကျော်ပြီးတော့ မနေ့တနေ့က ၀င်လာတဲ့ သူတွေကို ကျော်ကျော်ပေးလိုက်တာ။ အဲဒါတွေ မတရားမှုတွေက အများကြီးရှိတယ်။”

သံမှူးကြီး ဦးကျော်ဝင်း နိုင်ငံရေး ခိုလှုံခွင့် တောင်းခံခဲ့တဲ့ ကိစ္စအတွက် မြန်မာနိုင်ငံ နေပြည်တော်က နိုင်ငံခြားရေး ၀န်ကြီးဌာနကို ဗွီအိုအေက ဆက်သွယ် မေးမြန်းတဲ့အခါ အခုလို တုံ့ပြန်ပါတယ်။

“အဲဒါ ကျနော်တို့မှာ ဘာမှ မပြောနိုင်ဘူးခင်ဗျ။ ကျနော်တို့က မသိဘူးခင်ဗျ။ ကျနော်တို့လည်း Comment လည်း ပေးလို့မရလို့ပါ။”

ဝါရှင်တန်ဒီစီ မြန်မာသံရုံးက Deputy Chief of Mission သံမှူးကြီး ဦးကျော်ဝင်း အမေရိကန် ပြည်ထောင်စုမှာ နိုင်ငံရေး ခိုလှုံခွင့် တောင်းခံခဲ့တာနဲ့ ပတ်သက်ပြီး ဆက်သွယ် မေးမြန်းခဲ့တာတွေ ဖြစ်ပါတယ်။

ဆားဘီးယား ဗိုလ်ချုပ်ဟောင်း မလာဒစ်ရ်ှကို တရားရုံးမှ ဆွဲထုတ်

By ဗွီအိုအေ (မြန်မာဌာန) တနင်္လာ, 04 ဇူလိုင် 2011

ဘော့စ်နီးယား ဆာ့ဘ် စစ်တပ် အကြီးအကဲဟောင်း ရတ်ကို မလာဒစ်ရှ် (Ratko Mladic) အပေါ်တင်တဲ့ စွဲချက်တွေကို the Hague မှာရှိတဲ့ နိုင်ငံတကာ စစ်ရာဇဝတ်မှုခုံရုံး တရားသူကြီးက အသိပေး ပြောပြနေချိန်မှာ မစ္စတာ မလာဒစ်ရ်ှက နားမထောင်ဘဲ အနှောင့်အယှက် ပေးနေတဲ့အတွက် တရားခွင်ကနေ နှင်ထုတ်ခံခဲ့ရပါတယ်။

တရားခွင်ကနေ မစ္စတာ မလာဒစ်ရ်ှကို ခေါ်ထုတ်သွားဖို့ ကုလသမဂ္ဂ လုံခြုံရေး အရာရှိတွေကို အမိန့်ပေးခဲ့ပြီးနောက်မှာ တရားခွင် အကြီးအကဲ တရားသူကြီးက စွဲချက်ပေါင်း ၁၁ ခုအတွက် အသက် ၆၉ နှစ်အရွယ် မစ္စတာ မလာဒစ်ရ်ှက အပြစ်မရှိကြောင်း ထုချေမယ်လို့ မှတ်ယူ ဆုံးဖြတ်ခဲ့ပါတယ်။
အရင် ဘော့စ်နီးယားနဲ့ ဟာဇီဂိုးဗီးနား အရှေ့ပိုင်းမှာရှိတဲ့ ဆာဘရန်နီဆာ (Srebrenica) မြို့မှာ ၁၉၉၅ ခုနှစ်တုန်းက မွတ်ဆလင် အမျိုးသားနဲ့ ယောက်ျားလေး ၈,၀၀၀ လောက်ကို သတ်ဖြတ်မှုအတွက် မစ္စတာ မလာဒစ်ရ်ှကို လူမျိုးတုံး သတ်ဖြတ်မှုနဲ့ တရားစွဲထားတာဖြစ်ပြီး တနင်္လာနေ့က ဒုတိယအကြိမ် ရုံးထုတ်တာ ဖြစ်ပါတယ်။

ဆာဘရန်နီဆာက သတ်ဖြတ်မှုဟာ ဒုတိယကမ္ဘာစစ် နောက်ပိုင်း အဆိုးဆုံး လူတွေကို အစုလိုက် အပြုံလိုက် သတ်ဖြတ်မှု ဖြစ်ပါတယ်။

၁၆ နှစ်ကြာ ပုန်းခိုနေတဲ့ မလာဒစ်ရ်ှကို မေလမှာ ဖမ်းမိခဲ့တာပါ။ သူရွေးချယ်တဲ့ ရှေ့နေတွေကို ခုံရုံး တာဝန်ရှိသူတွေက အတည်ပြု မပေးတဲ့အတွက် အမှုစစ်ဆေးမှုကို သပိတ်မှောက်မယ်လို့ မလာဒစ်ရ်ှက ခြိမ်းခြောက်ခဲ့ပါတယ်။ တနင်္လာနေ့ကတော့ တရားခွင်ကို လာခဲ့ပေမဲ့ တရားသူကြီး ပြောတာကို နားမထောင်ဘဲ အကြိမ်ကြိမ် ကြားဖြတ် ပြန်ပြောခဲ့တာပါ။

သူ့အပေါ် စွဲဆိုချက်တွေကို ကြားနာဖို့ အသင့်ဖြစ်ပြီလားလို့ တရားသူကြီးက မေးတဲ့အခါ မစ္စတာ မလာဒစ်ရ်ှက လုပ်ချင်တာသာ လုပ်ပါလို့ ပြန်ပြောခဲ့ပါတယ်။ တရားသူကြီးက စွဲချက်တွေကို ပြောပြချိန်မှာတော့ သူ့ကို လာပြောပြမနေနဲ့လို့ ထပ်ခါထပ်ခါ အော်ဟစ်ခဲ့တာ ဖြစ်ပါတယ်။

အနိုင်ရ ဖွေထိုင်းပါတီ ညွန့်ပေါင်းအစိုးရ ဖွဲ့မည်

By မသိင်္ဂီထိုက် တနင်္လာ, 04 ဇူလိုင် 2011

ထိုင်းနိုင်ငံမှာ ပြီးခဲ့တဲ့ တနင်္ဂနွေနေ့က ကျင်းပခဲ့တဲ့ နိုင်ငံတ၀န်း ရွေးကောက်ပွဲတွေမှာ ဖြုတ်ချခံခဲ့ရတဲ့ ၀န်ကြီးချုပ်ဟောင်း သက်ဆင် ရှင်နာဝပ် (Thaksin Shinawatra) ရဲ့ ညီမဖြစ်သူ ယင်းလတ် ရှင်နာဝပ် (Yingluck Shinawatra) ရဲ့ ဖွေထိုင်းပါတီ (Pheu Thai) ကို ထိုင်းလူထုက တခဲနက် ထောက်ခံမဲပေး ရွေးချယ်လိုက်ကြတာကြောင့် ယင်းလတ် ရှင်နာဝပ်ဟာ ထိုင်းနိုင်ငံရဲ့ သမိုင်းမှာ ပထမဆုံး အမျိုးသမီး ၀န်ကြီးချုပ် ဖြစ်လာတော့မှာ ဖြစ်ပါတယ်။

ဒီကနေ့ တနင်္လာနေ့မှာပဲ ယင်းလတ် ရှင်နာဝပ်က တခြားပါတီတွေနဲ့ ပေါင်းပြီး ညွန့်ပေါင်းအစိုးရ ဖွဲ့မယ်လို့ ကြေညာလိုက်ပါတယ်။ မကြာခင် ပေါ်ပေါက်လာမယ့် ထိုင်းအစိုးရသစ်အပေါ် ထိုင်းဝန်ကြီးချုပ်ဟောင်း သက်ဆင် ရှင်နာဝပ် (Thaksin Shinawatra)၊ လက်ရှိ အာဏာရ ဒီမိုကရက်ပါတီ၊ ထိုင်းလူထု၊ ထိုင်းစစ်တပ်နဲ့ နိုင်ငံတကာက ဘယ်လို တုံ့ပြန်ကြသလဲ ဆိုတာနဲ့ မြန်မာနဲ့ ဆက်ဆံရေး အနေအထားတွေကို မသိင်္ဂီထိုက်က တင်ပြထားပါတယ်။

ထိုင်းလွှတ်တော်ရဲ့ အမတ်နေရာ ၅၀၀ ထဲက အမတ်နေရာ ၂၆၄ နေရာ အနိုင်ရလိုက်တဲ့ ယင်းလတ် ရှင်နာဝပ်ရဲ့ ဖွေထိုင်းပါတီက ဒီကနေ့ တနင်္လာနေ့မှာပဲ တခြားပါတီ ၄ ခုနဲ့ ပူးပေါင်းပြီး ညွန့်ပေါင်းအစိုးရ ဖွဲ့မယ်လို့ ကြေညာလိုက်ပါတယ်။

“ဒီကနေ့ ဖွေထိုင်းပါတီနဲ့ တခြား ၄ ပါတီတို့က ပြည်သူလူထုရဲ့ ပြဿနာတွေကို ဖြေရှင်းနိုင်ဖို့ အစိုးရတရပ် ဖွဲ့စည်းရေးအတွက် တပြေးညီ အမြင်တွေကို တင်ပြခဲ့ကြပါတယ်။ အားလုံး ဖွေထိုင်းနဲ့ ညွန့်ပေါင်းအဖွဲ့ ၅ ပါတီက အမတ်နေရာ ၂၉၉ နေရာကို လျာထားပါတယ်။ အမတ် ၂၉၉ နေရာ လျာထားတဲ့ လွှတ်တော်ရှိတဲ့ အစိုးရဟာ ပြည်သူလူထုအကျိုး ဆောင်ရွက်တဲ့နေရာမှာ ခိုင်မာပြီး တည်ငြိမ်တဲ့အစိုးရ ဖြစ်မယ်လို့ ယူဆနိုင်ပါတယ်။”

ယင်းလတ် ရှင်နာဝပ်ဟာ အရင် ထိုင်းစစ်တပ်က အာဏာသိမ်းပြီး ဖြုတ်ချခံလိုက်ရတဲ့ ထိုင်းဝန်ကြီးချုပ်ဟောင်း သက်ဆင် ရှင်နာဝပ်ရဲ့ ညီမလည်း ဖြစ်ပါတယ်။ အခုလို သူမပါတီ အနိုင်ရပြီး ထိုင်းအစိုးရ ဖွဲ့စည်းလာပေမဲ့ သူကတော့ ထိုင်းနိုင်ငံရေး လောကထဲ ဆက်ပြီး ပါဝင်မှာ မဟုတ်ဘူးဆိုပြီး လာဘ်ပေးလာဘ်ယူမှု စွဲဆိုချက်တွေကြောင့် အာရပ်စော်ဘွားများ ပြည်ထောင်စု ဒူဘိုင်းမြို့မှာ ခိုလှုံနေရတဲ့ ထိုင်းဝန်ကြီးချုပ်ဟောင်း သက်ဆင် ရှင်နာဝပ်က ပြောပါတယ်။

“ကျနော် အသက်ကြီးနေပါပြီ။ ပါတီမှာ ပါဝင်ခဲ့တာ ကြာလှပြီဆိုတော့ အနားယူချင်ပါပြီ။ တကယ်တော့ ဒီသဘောထားကို ကျနော် ၀န်ကြီးချုပ်ဘ၀မှာ ကတည်းက ပြောထားခဲ့တာပါ။ ကျနော် အသက် ၆၀ ဆိုရင် အနားယူတော့မယ်ဆိုတာ၊ အခု ၆၂ နှစ် ရှိနေပါပြီ။ အဲဒါကြောင့် အနားယူသင့်နေပါပြီ။ ကျနော် ထိုင်းနိုင်ငံကို ပြန်မယ်ဆိုရင်တောင်မှ နိုင်ငံရေးလုပ်မယ့် သဘောနဲ့ မဟုတ်ပါဘူး။ ကျနော့်ရဲ့ညီမ အငယ်ဆုံးတောင် ၀န်ကြီးချုပ် ဖြစ်လာပြီဆိုတော့ ကျနော်တို့ရဲ့ခေတ် ကုန်ပြီလို့ ပြောရမှာပါ။”

လက်ရှိ ရွေးကောက်ပွဲမှာ အမတ်နေရာ ၁၆၀ ပဲ အနိုင်ရခဲ့တဲ့ ဒီမိုကရက်ပါတီ ခေါင်းဆောင်လည်းဖြစ် လက်ရှိ ထိုင်းဝန်ကြီးချုပ် အဘီဆစ် ၀ိတ်ချာချီဝ (Abhisit Vejjajiva) ကတော့ ရွေးကောက်ပွဲ ရလဒ်ကို အသိအမှတ်ပြုတယ်လို့ ပြောပါတယ်။

“ကျနော်က ဒီရွေးကောက်ပွဲမှာ ဒီမိုကရက်ပါတီရဲ့ ခေါင်းဆောင် ဖြစ်ပါတယ်။ ရွေးကောက်ပွဲက ထွက်ပေါ်လာတဲ့ ရလဒ်တွေအရ အရင် ရွေးကောက်ပွဲထက် အနိုင်ရတဲ့ အမတ်နေရာ နည်းပါတယ်။ ခေါင်းဆောင်ကောင်းတိုင်း လုပ်ဆောင်ရတဲ့အတိုင်း ဒီကိစ္စကိုလည်း ကျနော် တာဝန်ယူရပါမယ်။ ဒါကြောင့် ကျနော် ဒီကနေ့ပဲ ပါတီခေါင်းဆောင် အဖြစ်ကနေ နှုတ်ထွက်လိုက်ပါတယ်။” လို့ အဘီဆစ် ၀ိတ်ချာချိဝက ပြောဆိုသွားပါတယ်။

ထိုင်းစစ်တပ် အကြီးအကဲဟောင်းကတော့ ထိုင်းစစ်တပ် အနေနဲ့ ယင်းလတ် ရှင်နာဝပ် အစိုးရဖွဲ့မယ့် အပေါ်မှာ လူထုက ရွေးချယ်တာ ဖြစ်တဲ့အတွက် စစ်တပ်အနေနဲ့ လက်ခံပါတယ်လို့ ပြောပါတယ်။
အမေရိကန် ပြည်ထောင်စုက ထိုင်းရွေးကောက်ပွဲမှာ ထိုင်းလူထုက တတပ်တအား ပါဝင်ခဲ့တဲ့အပေါ် ချီးကျူး ဂုဏ်ပြုတဲ့အကြောင်း တနင်္ဂနွေနေ့မှာ ကြေညာချက် ထုတ်ပြန် ပြောကြားပါတယ်။

အခုလို ထိုင်းနိုင်ငံ အစိုးရသစ် ပေါ်ပေါက်လာမယ့် အပေါ်မှာတော့ လက်တလော နှစ်နိုင်ငံနယ်စပ်က သူပိုင် ငါပိုင် အငြင်းပွားနေတဲ့ ရှေးဟောင်းဘုရားကျောင်း ပြဿနာကြောင့် တိုက်ခိုက်မှုတွေ ဖြစ်ခဲ့ရတဲ့ အိမ်နီးချင်း ကမ္ဘောဒီးယားနိုင်ငံက ကြိုဆိုလိုက်ပါတယ်။

ကမ္ဘောဒီးယား နိုင်ငံခြားရေးဝန်ကြီးက ခမာ ဘာသာစကားနဲ့ အခုလို ပြောခဲ့ပါတယ်။
“ဖွေထိုင်းပါတီ အနိုင်ရတဲ့ အပေါ်မှာ ကျနော်တို့ အားရကျေနပ် ဖြစ်မိပါတယ်။ အစိုးရသစ် လက်ထက်မှာ နှစ်နိုင်ငံ ပြဿနာကို ငြိမ်းငြိမ်းချမ်းချမ်း ဖြေရှင်းနိုင်မယ်လို့ မျှော်လင့်တဲ့အကြောင်း။” ကမ္ဘောဒီးယား နိုင်ငံခြားရေး ၀န်ကြီးက ပြောဆိုလိုက်ပါတယ်။

မြန်မာ့ဒီမိုကရေစီရေး လှုပ်ရှားသူတွေကတော့ အခုလို ထိုင်းအစိုးရသစ် လက်ထက်မှာ မြန်မာအစိုးရနဲ့ စီးပွားရေးအရ ဆက်ဆံမှုပိုင်းမှာ တိုးတက်လာမယ့် အနေအထား ရှိပေမဲ့ မြန်မာ့ဒီမိုကရေစီရေးကို ထိုင်းအစိုးရသစ်က ဘယ်လောက် ဆောင်ကြဉ်းပေးနိုင်မလဲ ဆိုတာကတော့ စောင့်ကြည့်ရဦးမယ်လို့ ပြောဆိုကြပါတယ်။

ထိုင်းနိုင်ငံရောက် မြန်မာ့ဒီမိုကရေစီအရေး လှုပ်ရှားသူတဦး ဖြစ်တဲ့ ဦးဇော်မင်းက အခုလို ပြောပါတယ်။
“ကျနော်တော့ စီးပွားရေးအရ ပိုနီးစပ်လာမယ်လို့ မြင်တယ်။ ဘာဖြစ်လို့လဲဆိုတော့ သူက သက်ဆင်ရဲ့ ညီမလည်း ဖြစ်တယ်ဆိုတော့ သူတို့ကတော့ အကုန်လုံး စီးပွားရေးလောက၊ စီးပွားရေး နောက်ခံတွေက လာတာပဲလေ။ အခု အမျိုးသမီး ၀န်ကြီးချုပ် ဖြစ်လာမယ့် ယင်းလတ် ကိုယ်တိုင်ကလည်း CEO တယောက်ပဲ၊ စီးပွားရေး နယ်ပယ်မှာ။ ဆိုတော့ ကျနော်တို့ထဲမှာလည်း စီးပွားရေးနဲ့ ပတ်သက်တာတွေပဲ ပိုပြီး အလေးပေး ဆောင်ရွက်မယ်လို့ မြင်ပါတယ်၊ မြန်မာနဲ့ ပတ်သက်လို့။”

နိုင်ငံရေး အတွေ့အကြုံနည်းတဲ့ ယင်းလတ် ရှင်နာဝပ် အနေနဲ့ ထိုင်းနိုင်ငံရဲ့ ပထမဆုံး အမျိုးသမီး ၀န်ကြီးချုပ်အဖြစ် တာဝန်ယူမယ့် အပေါ်မှာတော့ ထိုင်းလူထုက စောင့်ကြည့်ရဦးမယ်လို့ ပြောဆိုနေကြပါတယ်။

“သူမအနေနဲ့ နိုင်ငံရေး အတွေ့အကြုံ မရှိတဲ့အတွက် တော်တယ်၊ မတော်ဘူး ဆိုတာကို ပြောဖို့ ခက်ပါတယ်။ သူ မိန့်ခွန်းပြောတာလည်း အမြဲ ကြိုတင်ရေးထားတာကို ဖတ်နေတာ တွေ့ရတော့ သူ မိန့်ခွန်းကောင်းကောင်း မပြောတတ်ဘူးဆိုတာ တွေ့ရတယ်။” လို့လည်း ထိုင်းအမျိုးသမီး တယောက်က ပြောသွားပါတယ်။

ယင်းလတ် ရှင်နာဝပ်ရဲ့ ဖွေထိုင်းပါတီ အနိုင်ရကြောင်း ရွေးကောက်ပွဲ ရလဒ်တွေ ထွက်ပေါ်လာပြီးတဲ့ နောက်မှာတော့ ထိုင်းငွေကြေး ဈေးကွက်အတွင်း စတော့ရှယ်ယာ ဈေးနှုန်းတွေလည်း မြင့်တက်ခဲ့ပါတယ်။

စစ်တိုင်းမှူးများ အပြောင်းအလဲလုပ်

ရန်ပိုင် Monday, 04 July 2011 16:33

ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က လက်ရှိ စစ်တိုင်းကြီးများအား တာဝန်ယူနေသည့် တိုင်းမှူးများကို ပြီးခဲ့သည့် သောကြာနေ့က နေရာ အပြောင်းအလဲ ပြုလုပ်လိုက်ကြောင်း နေပြည်တော် စစ်ဘက် အသိုင်းအ၀န်းမှ သိရသည်။

ထိုပြောင်းလဲမှုတွင် ရန်ကုန်တိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းသန်း၊ အရှေ့တောင်တိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းနေလင်း၊ အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် စိုးသိန်း၊ အနောက်တောင်တိုင်း စစ်ဌာနချုပ် တိုင်းမှူး ဗိုလ်မှူးချုပ် တင်မောင်ဝင်းတို့ ပါဝင်ကြောင်း စစ်ဘက်နှင့် နီးစပ်သူ တဦးကပြောသည်။

“ကာချုပ်က အသစ်ဆိုတော့ သူထားချင်တဲ့ သူတွေကိုအဲဒီနေရာမှာထားဖို့လုပ်တာ၊ ဘာအကြောင်းပြချက်မှမပေးဘူး”ဟု ၎င်းကဆို သည်။

ပြီးခဲ့သည့် ရက်ပိုင်းက နေပြည်တော်၌ ပြုလုပ်ခဲ့သည့် စစ်တပ် လေးလပတ် အစည်းအဝေးတွင် ဆုံးဖြတ်ခဲ့ခြင်းဖြစ်ပြီး ဗိုလ်ချုပ်ကြီး မင်းအောင်လှိုင် ကာကွယ်ရေး ဦးစီးချုပ် တာဝန်ယူခဲ့ပြီးနောက်ပိုင်း ပထမဆုံးအကြိမ် စစ်တိုင်းမှူး အပြောင်းအလဲ ပြုလုပ်ခြင်း ဖြစ် သည်။

ယင်းပြောင်းလဲမှုမှာ စစ်တိုင်းမှုးအချင်းချင်းနေရာ ပြောင်းလဲတာဝန်ယူခိုင်းခြင်း ဖြစ်သည်။

ကချင် လွတ်လပ်ရေး တပ်မတော်(KIA)ကလည်း အဆိုပါ သတင်းနှင့် ပတ်သက်၍ စုံစမ်းသိရကြောင်း အတည်ပြု ပြောကြား သည်။

အဆိုပါ စစ်တိုင်းမှူးများသည် ပြီးခဲ့သည့်နှစ် သြဂုတ်လက ဖြစ်ပွားခဲ့သည့် စစ်တပ်ရာထူးအပြောင်းအရွှေ့၌ တိုင်းမှူးတာဝန်ကို ရယူခဲ့ သူများဖြစ်သည်။

လက်ရှိ မြန်မာ့တပ်မတော် ဖွဲ့စည်းပုံတွင် စစ်တိုင်းကြီး စုစုပေါင်း ၁၄ ခုဖြင့် ဖွဲ့စည်းထားပြီး တပ်မ စစ်ဌာနချုပ် ၁၀ ခု၊ စစ်ဆင်ရေး ကွပ်ကဲမှု စစ်ဌာနချုပ် ၂၀ ဖြင့် ဖွဲ့စည်းထားသည်။

ပြီးခဲ့သည့်မေလအတွင်းကလည်း တပ်မမှူးများနှင့် စစ်ဆင်ရေးကွပ်ကဲမှု စစ်ဌာနချုပ်(စကခ) မှူးများကို နေရာအပြောင်းအလဲ ပြုလုပ်ခဲ့သေးသည်။

နေပြည်တော် စစ်ဘက်အသိုင်းအ၀န်းတွင် ပြောဆိုနေသည့် အတည်မပြုနိုင်သော သတင်းများအရ ယခုစစ်တပ်အပြောင်းအလဲကို ပြုလုပ်ရန် ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်အား ဗိုလ်ချုပ်မှူးကြီး သန်းရွှေက နောက်ကွယ်မှ ကြိုးကိုင် ခိုင်းစေနေခြင်းဖြစ်သည်ဟု ပြောဆိုနေကြကြောင်း သိရသည်။

အမေရိကန် ပြည်ထောင်စုဆိုင်ရာကန် မြန်မာသံမှူးကြီး နိုင်ငံရေး ခိုလှုံခွင့်တောင်း

မဇ္ဈိမသတင်းဌာန | တနင်္လာနေ့၊ ဇူလိုင်လ ၀၄ ရက် ၂၀၁၁ ခုနှစ် ၁၃ နာရီ ၂၆ မိနစ်

မဇ္ဈိမသတင်းဌာန ။ ။ အမေရိကန် ပြည်ထောင်စုဆိုင်ရာ မြန်မာသံရုံး ဒုတိယအကြီးအကဲဖြစ်သူ သံမှူးကြီး ဦးကျော်ဝင်းသည် တနင်္လာနေ့တွင် ၎င်း၏ တာဝန်များကို စွန့်လွှတ်ကာ နိုင်ငံရေးခိုလှုံခွင့် တောင်းခံလိုက်သည်ဟု လွတ်လပ်သောမြန်မာ့အသံ သတင်းတရပ်အရ သိရသည်။

‘‘ဒီမိုကရေစီ လုပ်ငန်းစဉ်အဖြစ် ရွေးကောက်ပွဲတခု ကျင်းပခဲ့တာ မှန်ပေမယ့် လက်တွေ့မှာ တပ်မတော်ကပဲ အာဏာကို အကြွင်းမဲ့ ဆက်လက် ဆုပ်ကိုင်ထားတဲ့အတွက် လက်ရှိ အုပ်ချုပ်ရေး စနစ်အောက်မှာ ဒီမိုကရေစီ ပြောင်းလဲရေးကို အရိပ်အယောင်မျှ မြင်တွေ့ရခြင်း မရှိ’’ ဟု ဦးကျော်ဝင်းက RFA မြန်မာပိုင်း အစီအစဉ်နှင့် သီးသန့် မေးမြန်းခန်းတွင်
ပြောဆိုသွားခဲ့သည်။

“ မြန်မာအစိုးရအပေါ် ယုံကြည်မှု ကင်းမဲ့သွားပြီ ဖြစ်ကြောင်း ” နိုင်ငံခြားရေးဌာနတွင် ၁၉၈ဝ ခုနှစ်မှစ၍ အမှုထမ်းခဲ့သည့် ၅၉ နှစ်အရွယ် သံမှူးကြီးက ဆိုသည်။

ဦးကျော်ဝင်းသည် ဝါရှင်တန် သံရုံးတွင် ၂ဝဝ၈ ခုနှစ် မတ်လမှစ၍ တာဝန်ထမ်းဆောင်ခဲ့သည်။

“ မြန်မာစစ်ခေါင်းဆောင်တွေနဲ့ အပေါင်းအပါ စီးပွားရေးသမားတွေကို အမေရိကန်က ပစ်မှတ်ထား ပိတ်ဆို့မှုကို ထောက်ခံပြီး၊ အဲဒီပိတ်ဆို့မှုဟာ များစွာ အကျိုးသက်ရောက်နိုင်ကြောင်းနဲ့ မြန်မာ့လူ့အခွင့်အရေး ချိုးဖောက်မှုတွေကို နိုင်ငံတကာ စုံစမ်းရေး ကော်မရှင် ဖွဲ့နိုင်အောင် အမေရိကန်က ကမကထပြု အကောင်အထည် ဖော်သင့်တယ်’’ ဟု RFA တွင် ဦးကျော်ဝင်းက ပြောကြားသည်။

သို့သော်လည်း အမေရိကန် အစိုးရအနေဖြင့် မြန်မာအစိုးရနှင့် အနီးကပ် ထိတွေ့ဆက်ဆံမှု တိုးချဲ့သင့်သည်ဟု သူက ထောက်ခံထားသည်။

ဦးကျော်ဝင်းမှာ စပိန်၊ ဆွစ်ဇာလန်၊ အိန္ဒိယနှင့် ဘရာဇီးနိုင်ငံရှိ မြန်မာသံရုံးများတွင် တာဝန်ယူခဲ့ဖူးသူဖြစ်သည်။

သူ့အရင် ၂ဝဝ၅ ခုနှစ်ထဲတွင် မြန်မာသံအရာရှိ ဦးအောင်လင်းထွဋ်လည်း အမေရိကန်တွင် နိုင်ငံရေးခိုလှုံခွင့် တောင်းခံခဲ့သည်။

ဒေါ်အောင်ဆန်းစုကြည် ယနေ့ ပုဂံ ဘုရားများ မဖူးဖြစ်

ရန်ပိုင် Monday, 04 July 2011 11:44

ပုဂံမြို့သို့ ရောက်ရှိနေသည့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် ယနေ့ ပြင်ပသို့ ဘုရားဖူး သွားရောက်မည် မဟုတ်ကြောင်း သိရသည်။

ဒေါ်အောင်ဆန်းစုကြည်သည် ယနေ့နံနက် ၈နာရီ ၂၀ခန့်က အဲမန္တလေး လေယာဉ်ဖြင့် မန္တလေးတိုင်း ပုဂံ- ညောင်ဦး လေဆိပ်သို့ ရောက်ရှိလာခဲ့ခြင်းဖြစ်ပြီး ခရီးပန်းသည့်အတွက် အနားယူမည်ဖြစ်သည်ဟု လိုက်ပါသွားသည့် အမျိုးသားဒီမိုကရေစီ အဖွဲ့ချုပ် (NLD)အဖွဲ့ဝင် တဦး က ဆိုသည်။

ပုဂံ- ညောင်ဦး ဒေသရှိ သက်ဆိုင်ရာ ဘုရား ဂေါပက အဖွဲ့များအား ဒေါ်အောင်ဆန်းစုကြည်ကို တခမ်းတနား ကြိုဆိုခြင်း၊ အလှူငွေလက်ခံခြင်းများ မပြုလုပ်ရန် ညောင်ဦး ခရိုင် အုပ်ချုပ်ရေးမှူးက တားမြစ်သတိပေးထားသည်ဟု The Voice Weekly ဂျာနယ် အင်တာနက် စာမျက်နှာတွင်လည်း ရေးသားထားသည်။

ဒေါ်အောင်ဆန်းစုကြည် နှင့် အတူ လုံခြုံရေးတာဝန်ယူထားသည့် အဖွဲ့ဝင် ၄ ဦးလိုက်ပါသွားပြီး သားဖြစ်သူ ကိုထိန်လင်းမှာ NLDအဖွဲဝင် လူငယ် ၁၂ ဦးနှင့် ယမန်နေ့ ညနေကပင် ကားဖြင့် ထွက်ခွာခဲ့ခြင်းဖြစ်သည်ဟု NLD အဖွဲ့ဝင် က ပြောသည်။

“လေကြောင်းလိုင်းရော လေဆိပ်ကပါ အားလုံးဂရုစိုက်ကြတယ်၊ အာဏာပိုင်တွေက လုံခြုံရေးလည်း အားလုံး တာဝန်ယူကြတယ်၊ အဖွဲ့ချုပ်ကလည်း အတွင်းစည်းအပြင်စည်း တာဝန်ယူထားတယ်”ဟု ၎င်းက ပြောပြသည်။

ဒေါ်အောင်ဆန်းစုကြည်နှင့် အဖွဲ့သည် ပုဂံမြို့ရှိ Bagan Hotel River View ဟိုတယ်တွင် တည်းခိုကြသည်။

၎ ရက်ကြာမည့် ယခု ပုဂံ ခရီးစဉ်သည် ပြီးခဲ့သည့်နှစ် နိုဝင်ဘာလက နေအိမ်အကျယ်ချုပ်မှ လွတ်မြောက်လာပြီး နောက်ပိုင်း ဒေါ်အောင်ဆန်းစုကြည် ၏ ပထမဆုံး ခရီးစဉ်ဖြစ်သည်။

ပုဂံ ခရီးစဉ်သည် မိသားစု ခရီးစဉ်ဖြစ်သည့်အတွက် စည်းရုံးရေးလုပ်ငန်းများ လုပ်ဆောင်ခြင်း၊ လူထုနှင့် တွေ့ဆုံခြင်းများကို လုပ်ကိုင်ဦးမည်မဟုတ်ဟုလည်း NLD အဖွဲ့ဝင်က ဆက်လက်ပြောသည်။

ခရီးစဉ်မတိုင်မီ NLD ပါတီ ဥက္ကဋ္ဌ ဦးအောင်ရွှေနှင့် အထွေထွေ အတွင်းရေးမှူး ဒေါ်အောင်ဆန်းစုကြည်ထံ လိပ်မူ၍ NLD ပါတီ၏ ရပ်တည်မှု အနေအထားနှင့်ပတ်သက်၍ မေးခွန်းထုတ်ခဲ့သည့်အပြင် လက်ရှိလုပ်ဆောင်နေသည့် လုပ်ငန်းများရပ်တန့်ပြီး မှတ် ပုံတင်ရန် သတိပေးစာ ပေးပို့ခဲ့သည်ဟု အစိုးရသတင်းစာများ၌ ဖော်ပြထားသည်။

ဒေါ်အောင်ဆန်းစုကြည်သည် ခရီးစဉ်မတိုင်မီ ဇူလိုင်လ၂ ရက်က သြစတြေးလျ နိုင်ငံခြားရေးဝန်ကြီး ကယ်ဗင် ရုဒ် နှင့် တွေ့ဆုံဆွေးနွေးခဲ့သေးသည်။

GSM ဖုန်းများ အင်တာနက်တပ်မှု ပြန်လည်ရပ်ဆိုင်း

မဇ္ဈိမသတင်းဌာန | တနင်္လာနေ့၊ ဇူလိုင်လ ၀၄ ရက် ၂၀၁၁ ခုနှစ် ၁၃ နာရီ ၃၄ မိနစ်

ရန်ကုန် (မဇ္ဈိမ) ။ ။ နေပြည်တော်နှင့် ရန်ကုန်ရှိ ကျပ် ၁၅ သိန်းတန်နှင့် ၅ သိန်းတန် GSM ဖုန်းများအား ဇွန် ၂၁ ရက်မှစ၍ အင်တာနက် တပ်ဆင်အသုံးပြုခွင့် ပြုခဲ့သော်လည်း ဇူလိုင် ၁ ရက်တွင် ပြန်လည် ရပ်ဆိုင်းလိုက်ကြောင်း
မြန်မာ့ဆက်သွယ်ရေး လုပ်ငန်းက ကြေညာသည်။

‘‘လျှောက်လွှာတွေ ပုံနေပြီ၊ ဒါကြောင့်ရပ်တာပါ။ ယာယီဖြစ်ဖို့ များပါတယ်။ ကျနော်တို့ ဘယ်တော့ ပြန်လက်ခံမယ် ဆိုတာကို ပြန်ကြေညာပါ့မယ်’’ ဟု ယင်းလုပ်ငန်းမှ အရာထမ်းတဦးက ပြောသည်။

အင်တာနက် တပ်ဆင်ပေးသော ဝန်ဆောင်မှုများကို GSM ဖုန်းများ ချပေးခွင့် ရရှိသည့် စီးပွားရေး လုပ်ငန်းရှင် ဦးတေဇ၏ E-Lite ကုမ္ပဏီ၊ ရတနာပုံ တယ်လီပို့ ကုမ္ပဏီနှင့် Asia Mega Link တို့က ဆောင်ရွက်ပေးခဲ့သည်။

၅ သိန်းတန် GSM ဖုန်းကတ်များကို ကျပ် ၁ သောင်းသွင်းရကာ အင်တာနက်ကတ် ပြောင်းထုတ်ပေးသည်။ ၁၅ သိန်းတန် ဖုန်းများအတွက်မူ ရွှေဂုံတိုင်ရှိ မြန်မာ့ဆက်သွယ်ရေး လုပ်ငန်း၌ လျှောက်ထားရကာ တပ်ဆင်ခအဖြစ် ကျပ် ၁ သောင်း ပေးသွင်းရသည်။

အင်တာနက် အသုံးပြုခအဖြစ် တမိနစ်လျှင် ၄ ကျပ်နှုန်း သတ်မှတ်ခဲ့သည်။

ကျိုးပျက်သွားသော ဘူးသီးတောင်-မောင်တော ကားလမ်း ပြန်လည် ဖွင့်လှစ်

News Date:7/4/2011 နိရဉ္ဇရာ သတင်းဌာန

တပတ်ကျော်ကြာ ကျိုးပျက်နေသော ဘူးသီးတောင်-မောင်တော ကားလမ်းမှာ ယမန်နေ့က ပြန်လည် ပြုပြင်ပြီးစီးသွားပြီ ဖြစ်သဖြင့် ကားများ ပုံမှန်အတိုင်း သွားလာနေကြပြီ ဖြစ်ကြောင်း သိရသည်။

မောင်တောမှ ကားပိုင်ရှင် တစ်ဦးက " လမ်းကတော့ မနေ့က ပြင်ပြီးသွားပါတယ်။ ဒါကြောင့် ကားကြီးတွေရော သွားလာလို့ ရသွားပါပြီ။ ဒါပေမယ့် နောက်ထပ် မိုးရွာရင် နောက်ထပ် ပျက်မယ့် အခြေအနေရှိနေပါတယ်" ဟု ပြောသည်။

ဘူးသီးတောင်-မောင်တောကားလမ်းမှာ လွန်ခဲ့သော အပတ်မှ စပြီး မိုးအဆက်မပြတ်ရွာသွန်းမူကြောင့် နေရာ နှစ်နေရာတွင် ကားလမ်း ကျိုးပျက်သွားခဲ့သည်။

" လမ်းကျိုးသွားတာက မောင်တောက အထွက် မြို့ဝင် ဆိုင်းဘုတ်မှာ ဖြစ်ပါတယ်။ နောက်တနေရာက တောင်ခေါင်းကြီး အ၀မှာ မြေပြိုပြီး လမ်းပိတ်သွားခဲ့ပါတယ်။ မြေပြိုတဲ့နေ့က ဆိုရင် ဟိုင်းလပ်ကား တစ်စီးလည်း မြေထဲ နစ်သွားခဲ့ပါတယ်။ လူတွေကတော့ ထွက်ပြေးနိုင်ခဲ့တဲ့ အတွက် ဘာမှ ထိခိုက်မူ မရှိခဲ့ပါဘူး" ဟု ပြောသည်။

ဘူးသီးတောင်- မောင်တောကားလမ်းမှာ မြန်မာနိုင်ငံ အနောက်ဘက်နယ်စပ်တွင် တခုတည်းသော ကုန်သွယ်ရေး ကားလမ်း ဖြစ်ပြီး အစိုးရမှ မပြုပြင်ဘဲ ပစ်ပယ်ထားသဖြင့်နှစ်စဉ် မိုးရာသီတွင် ပြိုပျက်လေ့ရှိသည်။

တစ်ခြား စီးပွားရေး လုပ်နေသူ လူငယ် တစ်ဦးကလည်း ကားလမ်းကျိုးပျက်သွားသဖြင့် ခရီးသွားပြည်သူများ ဒုက္ခရောက်ကြရပုံကို ယခုကဲ့သို့ ပြောသည်။

" ဘူးသီးတောင်နဲ့ မောင်တော အကြား သွားလာလို့ ရတာက လမ်းက ဒီတလမ်းဘဲရှိပါတယ်။ ဒီလမ်းကို အသုံးပြုပြီး လူတွေက ဘင်္ဂလာဒေခ်ျ့နဲ့ ကုန်သွယ်တဲ့ နေကြရတာ ဖြစ်ပါတယ်။ လမ်းက ကျိုးသွားတော့ ကားတွေက သွားလို့ မရ ဖြစ်သွားတယ်။ လူတွေက ကားစီး၊ ခြေနဲ့ လျောက်၊ နောက်ထပ် ကားစီး အဲသလိုမျိုး သွားလာကြရပါတယ်။ အတက်အဆင်းနဲ့ အထုတ်အပိုးတွေနဲ့ သွားလာရတော့ လူတွေက အရမ်းပင်ပန်းပါတယ်" ဟု ပြောသည်။

ကားလမ်းကျိုးသွားသဖြင့် မောင်တောဘက်ခြမ်းတွင် ဆန်အပါအ၀င်စားသုံး ကုန်ပစ္စည်းများလည်း အနည်းငယ် ဈေးမြှင့်တက်သွားကြောင်း သိရသည်။

ဘူးသီးတောင်- မောင်တော ကားလမ်းမှာ ၁၆ မိုင်သာရှိပြီး ရခိုင်ပြည်နယ် အတွင်း လူအများဆုံး အသုံးပြုနေသော ဟောင်းနွမ်းနေသော ကားလမ်း တစ်ခု ဖြစ်သည်။ အဆိုပါ ကားလမ်းကို အုပ်ချုပ်သူ အစိုးရ အဆက်ဆက်မှ စနစ်တကျ ပြန်လည် ပြုပြင် တည်ဆောက်ခြင်း မရှိသည့် အပြင် မောင်တောမှ စစ်တွေကို တိုက်ရိုက်သွားလာနိုင်သော မောင်တော- အငုံမော် လမ်းသစ်အားလည်း ဖေါက်လုပ်ပေးခြင်း မရှိသဖြင့် ဒေသအတွင်းက လူများမှာ မိုးရာသီ ခရီးသွားလာရာတွင် အထူး အခက်အခဲနှင့် ကြုံတွေ့နေကြရကြောင်း သိရသည်။

ဦးသိန်းညွှန့်အဖွဲ့ အမျိုးသားဒီမိုကရေစီ ပါတီသစ်အမည်ဖြင့် မှတ်ပုံတင်

မျိုးသန့် | တနင်္လာနေ့၊ ဇူလိုင်လ ၀၄ ရက် ၂၀၁၁ ခုနှစ် ၁၆ နာရီ ၀၉ မိနစ်

ချင်းမိုင် (မဇ္ဈိမ) ။ ။ အမျိုးသားဒီမိုကရေစီအင်အားစု ပါတီမှ ခွဲထွက်သွားသော ပြည်သူ့လွှတ်တော် ကိုယ်စားလှယ် ဦးသိန်းညွှန့် ဦးဆောင်သည့် သင်္ကန်းကျွန်း လွှတ်တော် ကိုယ်စားလှယ်များ အုပ်စုသည် အမျိုးသားဒီမိုကရေစီ ပါတီသစ်အမည်ဖြင့် ပါတီမှတ်ပုံတင်ခွင့်ကို နေပြည်တော် ရွေးကောက်ပွဲ ကောက်မရှင်တွင် တနင်္လာနေ့က လျောက်ထားလိုက်ပြီ ဖြစ်သည်။

ပါတီခေါင်းဆောင်များအဖြစ် လောလောဆယ်တွင် ဦးသိန်းညွန့်မှ ဥက္ကဋ္ဌ၊ လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်မှ အတွင်းရေးမှူး၊ အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်မှ ပြန်ကြားရေးတာဝန်များ ယူထားကြောင်း ဦးဖုန်းမြင့်အောင်က မဇ္ဈိမကိုပြောသည်။

ပါတီကို လွှတ်တော်ကိုယ်စားလှယ်များဖြစ်သည့် ဦးသိန်းညွှန့်၊ ဦးကြည်မြင့်၊ ဦးဖုန်းမြင့်အောင် တိုင်းဒေသကြီး လွှတ်တော် ကိုယ်စားလှယ်များဖြစ်သည့် ဦးကျော်၊ ဒေါ်စန်းစန်းမြင့်တို့အပါအဝင် ဟစ်ဟော့ အဆိုတော် ရသ တို့အပြင် ပါတီဝင် ၂ဝ ဦးတို့ဖြင့် အမာခံ ဖွဲ့စည်းထားသည်။

အမျိုးသား ဒီမိုကရေစီ အင်အားစုပါတီမှ ခွဲထွက်ကြသည့် အထက်ပါ လွှတ်တော် ကိုယ်စားလှယ်များကို ပြည်ထောင်စု
ရွေးကောက်ပွဲ ကော်မရှင်မှ တသီးပုဂ္ဂလ ကိုယ်စားလှယ်များအဖြစ် သတ်မှတ်ပေးထားပြီး ဖြစ်ကြောင်းလည်း ဦးဖုန်းမြင်အောင်က မဇ္ဈိမကို ပြောသည်။

အမျိုးသား ဒီမိုကရေစီ အဖွဲ့ချုပ်မှ ခွဲထွက်ကာ ဦးသိန်းညွှန့်၊ ဦးခင်မောင်ဆွေ၊ ဒေါက်တာ သန်းငြိမ်းတို့မှ အမျိုးသား ဒီမိုကရေစီ အင်အားစုပါတီကို ထူထောင်ပြီး ၂ဝ၁ဝ ရွေးကောက်ပွဲတွင် ဝင်ရောက်ယှဉ်ပြိုင်ခဲ့သည်။

အမျိုးသား ဒီမိုကရေစီ အင်အားစု ပါတီကို ထူထောင်သူများတွင် တဦး အပါအဝင်ဖြစ်သည့် ဦးသိန်းညွှန့်ကို ပါတီတွင်း ဘဏ္ဍာရေး ကိစ္စများကို မီဒီယာများသို့ တာဝန်မဲ့ ပြောဆိုသည့် စွပ်စွဲချက်ဖြင့် ပါတီမှ ထုတ်ပယ်ခဲ့ခြင်း ဖြစ်သည်။

ယခုတဖန် ဦးသိန်းညွှန့်ဦးဆောင်ကာ အမျိုးသား ဒီမိုကရေစီ ပါတီသစ် အမည်ဖြင့် ပါတီတခု ထပ်မံဖွဲ့စည်းရန် ကျိုးပမ်းခြင်းဖြစ်သည်။

အမျိုးသား ဒီမိုကရေစီ ပါတီသစ်တွင် ပါတီဝင်အင်အားအနေဖြင့် သင်္ကန်းကျွန်း မြို့နယ်အတွင်းမှ ပါတီဝင် ၁,ဝဝဝ ကျော် ရရှိထားပြီဟုလည်း ဦးဖုန်းမြင့်အောင်က မဇ္ဈိမကို ပြောသည်။

ရွေးကောက်ပွဲရှုံး ထိုင်းဝန်ကြီးချုပ် အပြုသဘော အတိုက်အခံအဖြစ် ရပ်တည်မည်ဆို

ကိုဝိုင်း | တနင်္လာနေ့၊ ဇူလိုင်လ ၀၄ ရက် ၂၀၁၁ ခုနှစ် ၁၀ နာရီ ၄၆ မိနစ်

ဘန်ကောက်(မဇ္ဈိမ) ။ ။ ဒီမိုကရက်တစ်ပါတီ ဥက္ကဋ္ဌ မစ္စတာ အဖိဆစ် ဝေ့ခ်ျချာချီဝက ရွေးကောက်ပွဲ ရှုံးနိမ့်ကြောင်း ဝန်ခံပြီး အပြုသဘောဆောင်သည့် အတိုက်အခံအဖြစ် ရပ်တည်သွားမည်ဟု ပါတီဌာနချုပ် တနင်္ဂနွေနေ့ည သတင်းစာရှင်းပွဲတွင် ပြောသည်။

အောက်လွှတ်တော်နေရာ ၅ဝဝ အတွက် မဲပေးကြရာ ၉၆ ရာခိုင်နှုန်း ရေတွက်ပြီးချိန်တွင် အဓိက ယှဉ်ပြိုင်ဖက် ဖူးရာ့ထိုင်းပါတီခေါင်းဆောင် မစ္စစ် ယင်လတ်ခ် ရှင်နာဝပ်ထရာက ၁ဝ၂ မဲ အသာဖြင့် အနိုင်ရနေသည်။ မစ္စ ယင်လတ်ခ်က ၂၆၂ နေရာ၊ ဒီမိုကရက်တစ်က ၁၆ဝ ဖြစ်သည်။

ဖူ့ရ်ထိုင်းပါတီအနေဖြင့် မစ္စတာသက်ဆင်ကို လွတ်ငြိမ်းချမ်းသာခွင့်ပေးပြီး ထိုင်းနိုင်ငံသို့ ပြန်လာရန် မည်သည့် ကြိုးစားမှုကို မဆို ဆန့်ကျင်သွားမည်ဟုလည်း လက်ရှိဝန်ကြီးချုပ် အဘီဆစ်က ပြောသည်။

“အစိုးရအသစ်ကို ဦးဆောင်ခွင့်ရသွားတဲ့ ဖူ့ရ်ထိုင်းပါတီအတွက် ကျနော်ဂုဏ်ယူပါတယ်။ ဒါပေမယ့် လွတ်ငြိမ်းချမ်းသာခွင့် ပေးဖို့ကိစ္စကိုတော့ ဆန့်ကျင်သွားမှာပါ”ဟု သတင်းထောက်များကို ပြောကြားသွားသည်။

နိုင်ငံရေး လူသစ်တန်း အသက် ၄၃ နှစ်အရွယ် မစ္စစ်ယင်လတ်ခ်က အမေရိကန် KentuckyState University မှ နိုင်ငံရေး ဘွဲ့များရထားသူ ဖြစ်ပြီး သက်ဆင်အား လွတ်ငြိမ်းခွင့်ပေးရန် ကြိုးစားမည်ဟု ၂ဝ၁၁ မေလအတွင်းက
ပြောခဲ့ဖူးသည်။ သို့သော်လည်း နောက်တလအကြာတွင် ငြင်းဆိုပြန်သည်။

ဖု့ရ်ထိုင်းက အစိုးရဖွဲ့နိုင်ရေးအတွက် အမတ်နေရာ ၂ဝ ကျော်ရထားသည့် ချတ်ထိုင်းပထနာ ပါတီနှင့် ဆွေးနွေးပြီးပြီဟု ဆိုသည်။ ဘွန်ကျိုင်းထိုင်းပါတီ ၃၅နေရာ၊ ချတ်ထိုင်းပါထနာ ၂၁၊ ချတ်ထိုင်းပထနာ ဖီပဒင်းပါတီ ၁ဝ နေရာ ရရှိထားကြသည်။

၂ဝဝ၆ခုတွင် စစ်တပ်က အာဏာသိမ်းပြီးနောက် သက်ဆင်ကို လုပ်ပိုင်ခွင့် အလွဲသုံးစားမှုဖြင့် ထောင်ဒဏ် ၂ နှစ် ချသော်လည်း ပြည်ပသို့ တိမ်းရှောင်သွားပြီး လက်ရှိတွင် ဒူဘိုင်းတွင် နေထိုင်လျက်ရှိသည်။၂ဝ၁ဝ ခု၌ သူပိုင် ဘတ်ငွေ သန်း ၇,၆ဝဝ မှ သန်း ၄,၆ဝဝကို ရာဇဝတ်မှုဆိုင်ရာ ဗဟိုတရားရုံးက ထိန်းချုပ်ထားလိုက်သည်။

ဖု့ရ်ထိုင်းပါတီ၏ အဓိက ကြွေးကြော်သံမှာ “သက်ဆင်ရဲ့ အတွေးအမြင်ကို ဖု့ရ်ထိုင်းက အကောင်အထည် ဖော်မယ်” ဟုဖြစ်သည်။

တနင်္ဂနွေနေ့ ရွေးကောက်ပွဲတွင် မဲပေးခွင့်ရှိသူ ၄၇ သန်းခန့်မှ သန်း ၃၁ သန်းနီးပါး မဲလာပေးပြီး မဲပေးသူအားလုံး၏ ၆၅.၉၉ ရာခိုင်နှုန်း ဖြစ်ကြောင်း ရွေးကောက်ပွဲ ကော်မရှင်က ပြောသည်။ ရွေးကောက်ပွဲ၌ လူတဦးကို မဲနှစ်မဲပေးရပြီး ပါတီ အခြေခံအမတ်နှင့် မဲဆန္ဒနယ် အခြေခံအမတ်တို့ အတွက် ဖြစ်သည်။

ပါတီစာရင်းတွင် အမတ်ရွေးရာ ပယ်မဲ ၁.၇သန်းရှိပြီး မဲဆန္ဒနယ် အခြေခံ အမတ်ပယ်မဲ ၁.၃သန်း ရှိကြောင်း
ကော်မရှင်က ပြောသည်။

အာရှရွေးကောက်ပွဲ ကွန်ယက် ANFREL၊ ဥရောပသမဂ္ဂ၊ မလေးရှား၊ ဂျာမနီတို့အပါအဝင် နိုင်ငံတကာ လေ့လာသူ ၆ဝ ခန့် စောင့်ကြည့်ခဲ့ကြသည်။

သက်ဆင်ကို ထောက်ခံသူများနှင့် ဒီမိုကရက်တစ်ကို ထောက်ခံသူများအကြား အကွဲအပြဲများကြားမှ ရွေးကောက်ပွဲ ကျင်းပခဲ့ခြင်း ဖြစ်သည်။ယခင်နှစ်က မြို့တော်ဘန်ကောက်၌ ရှပ်နီဝတ်များက ဆန္ဒပြပြီး သပိတ်စခန်း ဖွင့်လှစ်ခဲ့သည်ကို စစ်တပ်က အကြမ်းဖက်နှိမ်နင်းရာ လူ ၉ဝ ကျော် သေဆုံးခဲ့သည်။

ငွေဖောင်းပွမှု ၄.၂ရာခိုင်နှုန်းရှိပြီး စီးပွားတန့်ကာ ကုန်ဈေးနှုန်းများမြင့်မှုနှင့် ကြုံနေရသည့် ထိုင်းပြည်သူများအား ဒီမိုကရက်တစ်ပါတီက တရုတ်နိုင်ငံ တောင်ပိုင်းမှ ထိုင်းနိုင်ငံကိုဖြတ်၍ မလေးရှားနယ်စပ်အထိ ရထားလမ်း ဆက်သွယ်မည်ဟု ဆိုသည်။ လွတ်လပ်သည့် ကုန်သွယ်ရေး ထူထောင်မည်ဟုလည်း ကတိပေးသည်။

ဖု့ရ်ထိုင်းပါတီကမူ အခြေခံလူတန်းစား လူများစုလယ်သမားများကို မျိုးစေ့၊ မြေသြဇာ၊ စိုက်ပျိုးရေးသုံး ကိရိယာများ ဝယ်နိုင်ရန် အကြွေးဝယ်ကဒ်များ ထုတ်ပေးမည်ဟု ဆိုသည်။ သက်ဆင် လက်ထက် ရွာတရွာ ဘတ်တသန်း စီမံကိန်းတွင် ဘတ်တသန်း အပိုထပ်ဖြည့်မည်ဟုလည်း ပြောသည်။

တက္ကသိုလ်တိုင်းကို အရင်းအနှီး ချပေးမည်ဖြစ်ပြီး ကလေးတိုင်း ကွန်ပြူတာ တလုံးစီရစေမည်ဟု ကတိပြုထားသည်။

သို့သော် ပညာရေးစနစ် ပြုပြင်ရေး၊ နိုင်ငံခြားသား ခရီးသည်များ တိုးလာရေး၊ နိုင်ငံတကာသို့ ထိုးဖောက် ရင်းနှီးမြှုတ်နှံရေး မူဝါဒများ ပြောကြားမှု နည်းပါးကြောင်း လေ့လာသူများက ဝေဖန်ကြသည်။

ရွေးကောက်ပွဲအပြီး ဒီမိုကရက်တစ်များ ရှုံးလျှင် စစ်တပ်က အာဏာသိမ်းမည် ဆိုသည့် သတင်းများကို ကြည်းတပ်ဦးစီးချုပ် ဗိုလ်ချုပ်ကြီး ပရာယု ချန်-အိုချ PrayuthChan-ocha က ဇူလိုင် ၁ ရက်နေ့ တွင် “ စစ်တပ်က တိုင်းပြည်ကို ဒီမိုကရက်တစ် လမ်းပေါ် ရောက်အောင် ဝိုင်းလုပ်မှာပါ။ စစ်တပ်ကို နိုင်ငံရေးထဲ ဆွဲမသွင်းကြပါနဲ့ ”ဟု ငြင်းဆို လိုက်သည်။

ရွေးကောက်ပွဲအတွက် ရဲလုံခြုံရေး တပ်သား ၁၉၅,ဝဝဝဦး ချထားခဲ့သည်။ ရွေးကောက်ပွဲ မတိုင်မီ လုံခြုံရေး စီမံချက်အတွင်း သေနတ်စုံ ၁,ဝဝဝ ကျော်၊ ဖောက်ခွဲရေး ပစ္စည်းများ ဖမ်းမိခဲ့ကြောင်း ရဲချုပ်ရဲဗိုလ်ချုပ်ကြီး ဝစ်ချင်းဖို့ဖိုစရီး WicheanPotephosree က ပြောသည်။

အသစ်တက်လာမည့် အစိုးရအနေဖြင့် ကမ္ဘောဒီးယားနှင့် နယ်စပ် ပြဿနာ၊ စီးပွားရေး ဦးမော့လာရေး၊ ဆင်းရဲမှု တိုက်ဖျက်ရေး ပညာရေးစနစ် ပြုပြင် ပြောင်းလဲရေးတို့ကို ဦးစားပေး လုပ်ဆောင်သင့်သည်ဟု နိုင်ငံရေး အကဲခတ်များက ထောက်ပြကြသည်။

ဒီမိုကရက်တစ်ပါတီ ဌာနချုပ် သတင်းစာရှင်းပွဲ၌ ဗြိတိန်နိုင်ငံ အောက်စ်ဖို့ တက္ကသိုလ်ကျောင်းဆင်း အဘီဆစ်က
ရွေးကောက်ပွဲ ရှုံးနိမ့်ကြောင်း ကြေညာအပြီးတွင် ဝမ်းနည်းငိုကြွေးသူ ဒီမိုကရက်ပါတီဝင်များကို တွေ့ရသော်လည်း အနိုင်ရသူ ဖူးရာ့ထိုင်းပါတီဝင်များနှင့် ရှပ်နီဝတ်များမှာမူ မီးရှုးမီးပန်းများဖောက်၍ ပျော်ရွှင်အော်ဟစ်နေကြသည်ကို ထိုင်းရုပ်သံများမှ ထုတ်လွှင့်သွားသည်။