ဒီနေ့ဖတ်စရာ သတင်းများ (ဇူလိုင်လ ၁ ရက်)

မြန်မာအစိုးရတပ်နဲ့ ကချင် အပစ်ရပ်ရေး တရားဝင် ဆွေးနွေးကြပြီBy ဦးမိုးဇော်

အစိုးရတပ်တွေနဲ့ ကချင်လွတ်လပ်ရေး တပ်မတော် (KIA) အကြား ၃ ပတ်ကြာ တိုက်ပွဲတွေ ဖြစ်ခဲ့ပြီးတဲ့နောက် ဒီကနေ့မှာတော့ တိုက်ပွဲတွေ အဆုံးသတ်နိုင်ဖို့ အစိုးရရဲ့ ကချင်ပြည်နယ် ငြိမ်းချမ်းရေး ကိုယ်စားလှယ်အဖွဲ့နဲ့ ကချင်လွတ်လပ်ရေးအဖွဲ့ (KIO) က ကိုယ်စားလှယ်တွေ ပထမဆုံး စတင်တွေ့ဆုံခဲ့ပါတယ်။ ဒီတွေ့ဆုံမှုမှာ အခြေခံအားဖြင့် အပစ်အခတ် ရပ်စဲရေးကို ပဏာမ ဆွေးနွေးခဲ့ကြပြီး အစိုးရ ကိုယ်စားလှယ်ဘက်က KIA ဆက်ဆံရေးရုံးကို မြစ်ကြီးနားမှာ ပြန်လည်ဖွင့်လှစ်ဖို့ ကမ်းလှမ်းခဲ့တယ်လို့ KIA ဘက်က ပြောပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။

ကချင်ပြည်နယ် အစိုးရရဲ့ ငြိမ်းချမ်းရေး ကိုယ်စားလှယ် အဖွဲ့နဲ့ ကချင်လွတ်လပ်ရေးအဖွဲ့ (KIO) က ကိုယ်စားလှယ်တွေဟာ လဂျားယန် အနီးက နှစ်ဘက်တပ်တွေ ထိန်းချုပ်ရာ နယ်စပ်ဖြစ်တဲ့ ကြားစခန်းမှာ ဒီကနေ့မနက် ၁၁ နာရီလောက်က တွေ့ဆုံခဲ့တာ ဖြစ်ပါတယ်။

KIO ဘက်က ဒု-စစ်ဦးစီးချုပ် ဗိုလ်မှူးချုပ် ဂွမ်မော် ဦးဆောင်တဲ့ ကိုယ်စားလှယ် ၆ ယောက် တက်ရောက်ခဲ့ပြီး ကချင်ပြည်နယ် အစိုးရရဲ့ ငြိမ်းချမ်းရေး ကိုယ်စားလှယ် အဖွဲ့ကိုတော့ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးချုပ် သန်းအောင်က ဦးဆောင်ပြီး အမျိုးသားလွှတ်တော် ကိုယ်စားလှယ် ဦးခက်ထိန်နန်နဲ့ ကချင်အမျိုးသား အတိုင်ပင်ခံကောင်စီ ဥက္ကဋ္ဌ ဦးဆင်ဝါးနော်တို့ ပါဝင်တယ်လို့ KIO ရဲ့ တွဲဖက် အထွေထွေ အတွင်းရေးမှူး ဦးလနန်က ပြောပါတယ်။ ဒီကနေ့ တွေ့ဆုံမှု အခြေအနေကိုတော့ သူက အခုလို ပြောပါတယ်။

“ဒီနေ့က ပဏာမ တွေ့ဆုံမှုလို့ ပြောရမယ်။ သိပ်ပြီးတော့ ဆွေးနွေးမှု အပိုင်းတော့ မရှိဘူး။ သူတို့ ယူလာတဲ့ အချက်အလက်တွေကို နားထောင်တယ်။ အဲဒီအပိုင်းပါပဲ။ သူတို့ပြောတဲ့ အထဲမှာတော့ Cease fire လုပ်နိုင်မှု၊ နောက် တဘက်နဲ့တဘက် ယုံကြည်မှု ရှိအောင်ဆိုတဲ့ အချက်တွေ ပါတယ်။ နောက် မြစ်ကြီးနားမှာ KIA ဆက်ဆံရေးရုံးကို ပြန်ဖွင့်ပေးဖို့ဆိုတဲ့ အချက်ပါတယ်။ ပြီးတော့ သိက္ခာရှိတဲ့ နိုင်ငံရေး စားပွဲပေါ်ကနေ လုပ်ဆောင်သွားရအောင်ဆိုတဲ့ အဲဒီ အချက်တွေ ပြောသွားတာ ရှိတယ်။”

KIA ဘက်က လိုလားချက်ကိုတော့ ဦးလနန်က အခုလို ဆက်ပြောပါတယ်။
“ပထမအဆင့်က အပစ်အခတ် ရပ်ဆိုင်းရေးပေါ့၊ အပစ်အခတ် ရပ်ဆိုင်းရေးဆိုတာ ယာယီ ဖြစ်ပါလိမ့်မယ်။ အဲဒီ လုပ်နိုင်မှုကတော့ ဒီနေ့ ပြောဆို တွေ့ဆုံမှုနဲ့ မပြီးနိုင်သေးဘူး။ အဲဒီတော့ ကျနော်တို့ အမြဲတမ်း တောင်းဆိုနေတဲ့ ခိုင်မာရမယ်၊ ယုံကြည်မှု ရှိရမယ်ပေါ့။ သက်သေ အထောက်အထား ရှိရှိနဲ့ လုပ်ရမယ်။ နောက် ခိုင်ခိုင်မာမာ ရှိရမယ်။ အဲဒါကြောင့် အဲဒီလိုမျိုး ရှိလာဖို့ကတော့ သူတို့ဘက်က ကျနော်တို့ကို ခိုင်မာတဲ့ အထောက်အထားတော့ ပြဖို့လိုတယ်။ အဲဒီအဆင့်တွေ အားလုံးပြီးမှသာ ယာယီအပစ်အခတ် ရပ်ဆိုင်းရေး အဆင့်ကို ရောက်မှာပါ။”

ဒီလို နှစ်ဘက် ဆွေးနွေးတာတွေကို သက်ဆိုင်ရာ ကိုယ်စားလှယ် အဖွဲ့တွေက အထက်အဆင့်ကို ထပ်မံတင်ပြမှာ ဖြစ်ပါတယ်။

ကချင်ပြည်နယ် အစိုးရရဲ့ ငြိမ်းချမ်းရေး ကိုယ်စားလှယ် အဖွဲ့ဟာ လွန်ခဲ့တဲ့ တနင်္လာနေ့က အဖွဲ့ဝင် ၅ ဦးနဲ့ ဖွဲ့စည်းခဲ့တာ ဖြစ်ပါတယ်။ အခုလာရောက် ဆွေးနွေးတာဟာ ဗဟိုအစိုးရရဲ့ ခွင့်ပြုချက်နဲ့လာတာ ဖြစ်တာကြောင့် ဗဟိုအစိုးရကို ကိုယ်စားပြုတယ်လို့ KIA ဘက်က လက်ခံထားတာ ဖြစ်ပါတယ်။

နောက်တကြိမ် ထပ်မံဆွေးနွေးဖို့အတွက် ကချင်ပြည်နယ် အစိုးရရဲ့ ငြိမ်းချမ်းရေး ကိုယ်စားလှယ်တွေက ရက်ထပ်မံချိန်းဆိုမှာ ဖြစ်ပါတယ်။

ဒီလ ၁၇ ရက်နေ့ကလည်း ကချင်ပြည်နယ် ပြည်သူ့လွှတ်တော် ကိုယ်စားလှယ် ဦးသိန်းဇော်က KIA နဲ့ အပစ်အခတ် ရပ်စဲဖို့အတွက် ကချင် အတိုင်ပင်ခံကောင်စီ လူကြီးတွေကို စေလွှတ် ကမ်းလှမ်းခဲ့ပါတယ်။ ဒါပေမဲ့ KIA က အစိုးရဘက်က တိကျတဲ့ အထောက်အထား စာရွက်စာတမ်း မပါတာကြောင့် လက်မခံခဲ့ပါဘူး။

ဒီနောက်မှာ KIA ဘက်က အစိုးရနဲ့ နှစ်ဘက် တွေ့ဆုံဆွေးနွေးမယ်ဆိုရင် သူတို့တဖွဲ့တည်း ဆွေးနွေးမှာ မဟုတ်ဘဲ တိုင်းရင်းသား လက်နက်ကိုင် အင်အားစုတွေကို ကိုယ်စားပြုတဲ့ တပ်ပေါင်းစု အဖွဲ့အစည်းတခုနဲ့ ဆွေးနွေးမှာ ဖြစ်ကြောင်း၊ နောက် ကုလသမဂ္ဂ၊ အာဆီယံ ဒါမှမဟုတ် အိမ်နီးချင်းနိုင်ငံ တခုခုက ကြားဝင် ဆက်စပ်ပေးမှုနဲ့ ဆွေးနွေးမှာ ဖြစ်ကြောင်းကိုလည်း ထုတ်ဖော်ခဲ့ဖူးပါတယ်။
 
မြန်မာအစိုးရ စစ်တပ်နဲ့ KIA တပ်ဖွဲ့တို့ဟာ ၁၉၉၄ ခုနှစ်က စပြီး ၁၇ နှစ်ကြာ အပစ်အခတ် ရပ်စဲခဲ့ရာက ဒီလ ၁၁ ရက်နေ့မှာတော့ နှစ်ဘက်တပ်တွေအကြား တိုက်ပွဲတွေ အဆက်မပြတ် ပြန်လည် ဖြစ်လာခဲ့ပါတယ်။ ဒီတိုက်ပွဲတွေကြောင့် သောင်းနဲ့ချီတဲ့ ဒေသခံ ကချင်ဒုက္ခသည်တွေဟာ နေရပ်ဒေသကို စွန့်ခွာပြီး KIA ဌာနချုပ် လိုင်ဇာ၊ တရုတ်နယ်စပ် ဒေသနဲ့ မြစ်ကြီးနားမြို့တွေကို ထွက်ပြေး ခိုလှုံနေကြရပါတယ်။

တိုင်းရင်းသား စည်းလုံးညီညွတ်ရေးအတွက် လူ့အခွင့်အရေး အဓိကကျ

By ကျော်ကျော်သိန်း

မန်မာနိုင်ငံဟာ တိုင်းရင်းသား လူမျိုးပေါင်းစုံ နေထိုင်တဲ့ နိုင်ငံတခု ဖြစ်တာကြောင့် မိမိတို့အားလုံး တညီတညွတ်တည်း ရှိစေဖို့ လူ့အခွင့်အရေးဟာ ကြီးမားတဲ့ ညီညွတ်ရေး အကြောင်းတရားတခု ဖြစ်ပါတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒါ့အပြင် ဒီမိုကရေစီဟာ တဦးတယောက် တဖွဲ့ တပါတီထဲကို အကျိုးရှိစေတာ မဟုတ်ဘဲ စစ်ဘက် အရပ်ဘက် အားလုံးအတွက် အကျိုးရှိတဲ့စနစ် ဖြစ်ပါတယ်လို့လည်း ပြောပါတယ်။ လစ်သူယေးနီးယားနိုင်ငံ၊ ဗီးလ်နပ်စ်မြို့တော်မှာ ကျင်းပမယ့် ဒီမိုကရေစီနိုင်ငံများ အသိုက်အ၀န်းရဲ့ ၀န်ကြီးအဆင့် အစည်းအဝေးကို ဗွီဒီယိုနဲ့ ပေးပို့တဲ့ မိန့်ခွန်းထဲမှာ ဒေါ်အောင်ဆန်းစုကြည်က အဲဒီလို ပြောထားတာပါ။ အပြည့်အစုံကို ကိုကျော်ကျော်သိန်းက တင်ပြပေးထားပါတယ်။

ဒီမိုကရေစီဆိုတာ အစိုးရစနစ် တရပ်သာ မဟုတ်ဘဲ လူသားရဲ့ ဂုဏ်သိက္ခာကို မပျက်မယွင်းအောင် ထိန်းသိမ်း စောင့်ရှောက်ပေးတဲ့ နည်းလမ်းတခု ဖြစ်ပါတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ ဘာ့ကြောင့်လဲဆိုတော့ ဒီမိုကရေစီကို လူ့အခွင့်အရေးနဲ့ ခွဲခြားလို့ မရနိုင်ဘဲ တကမ္ဘာလုံးက လူပေါင်းများစွာနဲ့ နိုင်ငံပေါင်းများစွာမှာလိုပဲ အခြေခံ လူ့အခွင့်အရေးတွေဟာ မြန်မာနိုင်ငံမှာလည်း အင်မတန် အရေးကြီးပါတယ်လို့ ပြောပါတယ်။

မြန်မာနိုင်ငံဟာ တိုင်းရင်းသား လူမျိုးပေါင်းစုံ နေထိုင်ကြတဲ့ နိုင်ငံတခု ဖြစ်တာကြောင့် မိမိတို့အားလုံး ညီညွတ်စေဖို့ တစုံတခု လိုအပ်ပါတယ်လို့ ဒေါ်အောင်ဆန်းစုကြည်က ပြောပြီး လူ့အခွင့်အရေးရဲ့ အရေးပါတဲ့ အခန်းကဏ္ဍကို မီးမောင်းထိုး ပြောဆိုခဲ့ပါတယ်။

“လူ့အခွင့်အရေးဟာ ကြီးမားတဲ့ ညီညွတ်ရေး အကြောင်းတရားတခု ဖြစ်ပါတယ်။ အားကောင်းပြီး တည်ငြိမ်တဲ့ မြန်မာနိုင်ငံ ဖြစ်စေဖို့အတွက် ဘယ်လို အာဏာရှင်အစိုးရ အမျိုးအစားထက်မဆို လူ့အခွင့်အရေးပေါ်မှာ အခြေခံတဲ့ ဒီမိုကရေစီ တန်ဖိုးတွေက ပိုပြီး လုပ်ဆောင်နိုင်ပါတယ်။”

ဒီအချက်ကြောင့် မိမိတို့ရဲ့ ရည်မှန်းချက် ပန်းတိုင်ကို ရောက်ဖို့အတွက် ကမ္ဘာကြီးက ၀ိုင်းပြီးကူညီဖို့ ဒေါ်အောင်ဆန်းစုကြည်က ပန်ကြားခဲ့ပါတယ်။ အဓိက လုပ်ရမှာက မိမိတို့ကိုယ်တိုင် ဖြစ်တယ်ဆိုတာ သိပေမဲ့ မိမိတို့ မခံစားရတဲ့ အခွင့်အရေးတွေကို ခံစားခွင့် ရနေတဲ့ ရေခြားမြေခြားက မိတ်ဆွေတွေဟာ မိမိတို့ရဲ့ တိုးတက်မှု၊ မိမိတို့ရဲ့ အောင်မြင်မှုအတွက် အများကြီး လုပ်ဆောင်ပေးနိုင်ပါတယ်လို့ ဆိုပါတယ်။ အောင်မြင်မှုရမယ်ဆိုတာ မိမိတို့ သံသယမရှိပေမဲ့ မြန်မြန်ရလေ မိမိတို့ အားလုံးအတွက် ပိုကောင်းလေ ဖြစ်ပါတယ်လို့ ဒေါ်အောင်ဆန်းစုကြည်က ပြောပါတယ်။

“အားလုံးအတွက်လို့ ကျမပြောတဲ့နေရာမှာ ဒီမိုကရေစီရဖို့ ရုန်းကန် တိုက်ပွဲဝင်နေတဲ့ ကျမတို့အတွက်တင် ဆိုလိုတာ မဟုတ်ဘဲ စစ်အစိုးရလည်း ပါဝင်ပါတယ်။ ဒီမိုကရေစီဟာ အရပ်သားတွေအတွက်သာမက စစ်တပ်အတွက်၊ နိုင်ငံရေးပါတီတွေ အတွက်သာမက စစ်ဘက်အတွက်လည်း ကောင်းမွန်တဲ့စနစ် ဖြစ်ပါတယ်ဆိုတာ ကျမတို့ ယုံကြည်ပါတယ်။”

ဒီမိုကရေစီနိုင်ငံများ အသိုက်အ၀န်း ၀န်ကြီးအဆင့် အစည်းအဝေးဆီကို ပေးပို့တဲ့ မိန့်ခွန်းထဲမှာ ဒေါ်အောင်ဆန်းစုကြည် ပြောထားတာ ဖြစ်ပါတယ်။
ဇွန်လ ၃၀ ရက်၊ ကြာသပတေးနေ့တုန်းကတော့ အစည်းအဝေးတက်ဖို့ လစ်သူယေးနီးယားနိုင်ငံကို ရောက်နေတဲ့ အမေရိကန် နိ်ုင်ငံခြားရေးဝန်ကြီး ဟီလာရီ ကလင်တန် (Hillary Clinton) နဲ့ လစ်သူယေးနီးယား နိုင်ငံခြားရေးဝန်ကြီး အော်ဒရိုနီးယပ်စ် အာဇူဘာလစ်စ် (Audronius Azubalis) တို့ဟာ အရပ်ဘက် လူမှုအဖွဲ့အစည်းတွေက ကိုယ်စားလှယ်တွေနဲ့ တွေ့ဆုံပြီး တင်ပြ ပြောဆိုချက်တွေကို နားထောင်ခဲ့ကြပါတယ်။

အဲဒီတွေ့ဆုံပွဲမှာ မြန်မာ့အရေး ပူးပေါင်းဆောင်ရွက်မှု အဖွဲ့က မခင်ဥမ္မာလည်း တက်ရောက်ခဲ့ပြီး မြန်မာနိုင်ငံနဲ့ ပတ်သက်တာတွေကို တင်ပြ တောင်းဆိုခဲ့ပါတယ်။ ရွေးကောက်ပွဲပြီး ကာလမှာ မြန်မာစစ်တပ်က လူမျိုးစု တိုင်းရင်းသား လက်နက်ကိုင်တွေကို တိုက်ခိုက်နေတဲ့ အခြေအနေနဲ့ ပြည်ထဲရေး ၀န်ကြီးဌာနက အမျိုးသား ဒီမိုကရေစီ အဖွဲ့ချုပ်ကို သတိပေး ခြိမ်းခြောက်စာ ပေးပို့ခဲ့တဲ့ ကိစ္စတွေကို အဓိက ပြောခဲ့တယ်လို့ မခင်ဥမ္မာက ဗွီအိုအေကို ပြောပါတယ်။

“အမေရိကားအနေနဲ့ နယ်စပ်ဖြတ်ပြီးတော့မှ လူသားချင်း စာနာထောက်ထားတဲ့ အကူအညီတွေနဲ့ ဒီမိုကရေစီ မြှင့်တင်ရေးအတွက် ဒီမိုကရေစီ လှုပ်ရှားနေတဲ့ သူတွေကို သူတို့ဘက်ကနေ ထောက်ပံ့မှုတွေ ပိုပြီးပေးဖို့၊ လူ့အခွင့်အရေး ချိုးဖောက်မှုတွေကို စုံစမ်းဖို့အတွက် စုံစမ်းစစ်ဆေးရေး ကော်မရှင်တခု ဖွဲ့ဖြစ်ဖို့ အတွက်ကို သူတို့အနေနဲ့ အဓိကထားပြီး လုပ်ဆောင်ပေးဖို့၊ တရုတ်နဲ့ ထိုင်းနိုင်ငံကနေပြီးတော့ စစ်ကြောင့် ထွက်ပြေးလာရတဲ့ မြန်မာနိုင်ငံက ဒုက္ခသည် ပြည်သူတွေကို ပြန်ပို့တာမျိုးတွေ မလုပ်ဘဲ ကာကွယ် စောင့်ရှောက်မှုနဲ့ လူသားချင်း စာနာထောက်ထားတဲ့ အကူအညီတွေ ပေးဖို့၊ ပြီးတော့ စစ်အုပ်စုအပေါ်မှာ ဆက်ပြီးတော့ ဖိအားပေးမှုတွေ လုပ်ဖို့ ဆိုပြီးတော့ ကျမတို့ သူတို့ကို အဲဒီမှာပဲ တခါတည်း တင်ပြ တောင်းဆိုခဲ့တယ်။”

ဒီမိုကရေစီနိုင်ငံများ အသိုက်အ၀န်းကို ၂၀၀၀ ပြည့်နှစ်၊ ဇွန်လက စတင် ထူထောင်ခဲ့တာဖြစ်ပြီး လွတ်လပ် တရားမျှတတဲ့ ရွေးကောက်ပွဲတွေ၊ လွတ်လပ်စွာ ထုတ်ဖော်ပြောဆိုခွင့်၊ ပညာရေး တန်းတူညီမျှ ရရှိခွင့်၊ တရားဥပဒေ စိုးမိုးရေးနဲ့ ငြိမ်းချမ်းစွာ စုဝေးမှုဆိုင်ရာ လွတ်လပ်ခွင့်တွေ အပါအ၀င် အခြေခံ ဒီမိုကရေစီ သဘောတရားတွေနဲ့ ကျင့်ထုံးတွေကို လေးစား လိုက်နာကြမယ်လို့ သဘောတူတဲ့ ဒီမိုကရေစီ နိုင်ငံတွေနဲ့ ဖွဲ့စည်းထားတာ ဖြစ်ပါတယ်။

အခု ၀န်ကြီးအဆင့် အစည်းအဝေးကို ၂၀၀၉-၂၀၁၁ အလှည့်ကျဥက္ကဋ္ဌ လစ်သူယေးနီးယားနိုင်ငံက လက်ခံကျင်းပတာဖြစ်ပြီး နောက် အလှည့်ကျ ဥက္ကဋ္ဌကတော့ မွန်ဂိုလီးယားနိုင်ငံ ဖြစ်ပါတယ်။

ပြည်နယ်၊ တိုင်းဒေသကြီး ၀န်ကြီးဌာန ၉ ခု ပြင်ဆင်ဖွဲ့စည်း

By ဦးကျော်ထင်

ဇွန်လ ၂၉ နဲ့ ၃၀ နှစ်ရက်ဆက်တိုက် ကျင်းပခဲ့တဲ့ ပြည်နယ်နဲ့ တိုင်းဒေသကြီး လွှတ်တော်တွေရဲ့ အထူးအစည်းအဝေးတွေမှာ ၀န်ကြီးဌာန ၉ ခုကို ပြင်ဆင် ဖွဲ့စည်းလိုက်ပါတယ်။ အရင်က သက်ဆိုင်ရာ တိုင်းဒေသကြီးတွေရဲ့ လိုအပ်ချက်အရ ဖွဲ့စည်းထားတဲ့ ၀န်ကြီးဌာနတွေကို ဖျက်သိမ်းလိုက်ပြီး ပြည်နယ်နဲ့ တိုင်းဒေသကြီး အားလုံးမှာ တပြေးညီဖြစ်အောင် ဖွဲ့စည်းလာတာ ဖြစ်ပါတယ်။ အပြည့်အစုံကို စုံစမ်းထားတဲ့ ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြပေးထားပါတယ်။

ပြည်နယ်နဲ့ တိုင်းဒေသကြီး လွှတ်တော်တွေရဲ့ အထူး လွှတ်တော်အစည်းအဝေးကို မနေ့ကနဲ့ ဒီကနေ့ ၂ ရက် ကျင်းပခဲ့ပြီး ၀န်ကြီးဌာနတွေကို ကြေညာရုံပဲဖြစ်လို့ အစည်းအဝေးက ၁၀ မိနစ်သာသာပဲ ကျင်းပပြီး ပြီးစီးသွားပါတယ်။

ရခိုင်ပြည်နယ်လွှတ်တော် ဥပဒေပြုရေး ကော်မတီဝင် ဦးအောင်မြကျော်က လက်ရှိ ၀န်ကြီးတွေပဲ အပြောင်းအလဲဖြစ်တဲ့ ဌာနတွေကို တာဝန်ယူသွားမယ်လို့ ဆိုပါတယ်။

“ပြည်နယ်လွှတ်တော် အစည်းအဝေးတော့ ပြီးသွားပါပြီ။ အပြောင်းအလဲကတော့ ဌာနတွေကို ပြောင်းလိုက်တာပါ။ တချို့ ဌာနတွေကို ဗဟိုကကိုင်သွားတယ်။ ထပ်ပြီးတိုးလာတဲ့ ဌာနတွေကိုပဲ အပြောင်းအရွှေ့လုပ်တဲ့ သဘောမျိုးပါ။ လူကတော့ ဒီအတိုင်းပါပဲ။ လူ ၉ ယောက်ကတော့ ၉ ယောက်ပဲ။ ဘယ်ဌာနကို ဘယ်သူကိုင်ရမယ်ဆိုတာ မနက်ဖြန်မှ ဥက္ကဋ္ဌက ကြေညာပေးမယ်။ အစည်းအဝေးကတော့ အဲဒီဌာနတွေကို ကြေညာတာနဲ့ဆိုတော့ ၁၀ မိနစ်လောက်ပဲ ကြာပါတယ်။”

စောစောပိုင်းတုန်းကတော့ လွှတ်တော်သက်တမ်း ၅ လအတွင်း ပထမအကြိမ်ခေါ်တဲ့ အထူးအစည်းအဝေးမို့ ကိုယ်စားလှယ်တွေက ဒီသက်တမ်းထဲ လိုအပ်ချက်တွေကို တင်ပြဖို့ ပြင်ဆင်ခဲ့ပေမဲ့ အခြေအနေ မပေးခဲ့ပါဘူး။

ရန်ကုန်တိုင်းဒေသကြီးမှာ အရင်က ရှိထားတဲ့ ၀န်ကြီးဌာနတချို့ အပြောင်းအလဲ ဖြစ်လာတယ်လုိ့ လွှတ်တော်ကိုယ်စားလှယ် ဒေါက်တာညိုညိုသင်းက ပြောပါတယ်။

“၀န်ကြီးဌာန ၉ ခုကို ပြင်ဆင်ပြောင်းလဲပြီး ၀န်ကြီးတွေကို နေရာပြန်ချပေးတာ။ အပြောင်းအလဲ နည်းနည်းရှိတယ်။ နာမည်လေးတွေ ပြောင်းတယ်။ တချို့ ၀န်ကြီးဌာနတွေ၊ ပညာရေး၊ ကျန်းမာရေး၊ နိုင်ငံခြားရေးတို့ ပြုတ်သွားတာ။ လူသစ်တွေတော့ မပါဘူး။ ဒီလူတွေကိုပဲ ၀န်ကြီးဌာန ပြောင်းပစ်တာပေါ့၊ ပြောင်းတယ်ဆိုတာ ပြုတ်သွားတဲ့ ၀န်ကြီးဌာနတွေ ရှိတယ်။

“ခုနက ကျမပြောသလို ပညာရေး၊ ကျန်းမာရေး၊ နိုင်ငံခြားရေး၊ လူဝင်မှု ကြီးကြပ်ရေးတို့၊ ယဉ်ကျေးမှုနဲ့ သာသနာရေးတို့၊ ဒါတွေပြုတ်သွားတယ်။ ပြုတ်သွားတော့ လစ်လပ်နေတဲ့ အဲဒီဝန်ကြီးတွေကို တခြားဝန်ကြီးဌာနတွေမှာ ခန့်လိုက်တယ်။ အရင်က ၄ ခုကို တယောက်ထဲ ကိုင်တာတွေ ရှိတယ်မလား၊ အခုက တယောက်ကိုတခု၊ အလွန်ဆုံး ၂ ခုပဲ ဖြစ်သွားတယ်။”

ကချင်ပြည်နယ်၊ ရခိုင်ပြည်နယ်၊ စစ်ကိုင်းနဲ့ ရန်ကုန်တိုင်း ဒေသကြီးတို့လို နေရာတွေမှာ တိုင်းရင်းသားရေးရာ ၀န်ကြီးတွေ ရှိကြပါတယ်။ ဒီဝန်ကြီးတွေထဲက အများစုဟာ အခုထိ သက်ဆိုင်ရာ အစိုးရအဖွဲ့ရုံးတွေမှာ ရုံးခန်းနေရာတောင် မရကြသေးဘူးလို့ သိရပါတယ်။

အမည်မဖော်လိုတဲ့ တိုင်းရင်းသားရေးရာ ၀န်ကြီးတယောက်က သူတို့မှာ မယ်မယ်ရရလည်း အလုပ်မရှိသလို အစိုးရအဖွဲ့ အစည်းအဝေးတွေကိုလည်း မတက်ရကြောင်းနဲ့ အစိုးရအဖွဲ့ ကိစ္စတွေကို ပြည်တွင်းပြည်ပ မီဒီယာတွေနဲ့ ဆက်သွယ်ပြောရင် လွှတ်တော်ကိုယ်စားလှယ် တာဝန်ကပါ ဖြုတ်ပစ်မယ်လို့ ခြိမ်းခြောက်မှုတွေ ရှိကြောင်း ဗွီအိုအေကို ပြောပါတယ်။

လယ်မြေသိမ်းမှုမှာ ထောင်ဒဏ် စီရင်ခံခဲ့ရတဲ့ လယ်သမားတွေ အမှုနိုင် ပြန်လွတ်

2011-06-30

မင်းဘူးခရိုင် တရားရုံးမှာ ပြင်ဆင်ချက် တင်ပြီး အယူခံဝင်နေတဲ့ မကွေးတိုင်း ကမ္မမြို့နယ် စစ္စရံရွာက ထောင်ဒဏ် (၈) နှစ်ကျော်စီ ချမှတ်ခံထားရတဲ့ လယ်သမား (၅) ဦးရဲ့ အမှု အနိုင်ရလိုက်တဲ့ အတွက် သူတို့ ကို ပြန်လွှတ်ပေးဖို့  ဒီကနေ့ လွှတ်ဝရမ်း ထုတ်ပေးလိုက်ပြီလို့  သတင်း ရရှိပါတယ်။

အဲဒီလယ်သမားတွေက ဦးသန်းဦး၊ ဦးအောင်လင်း၊ ဦးခင်မောင်စန်း၊ ဦးကျော်ညွန့်နဲ့ ဦးထွန်းမင်းလွင် တို့ ဖြစ်ပါတယ်။ သူတို့ ကိစ္စနဲ့ ပတ်သက်လို့  အမှုလိုက်ပေးခဲ့တဲ့ ရှေ့ နေ ဦးတင်အောင်ထွန်းက RFA ကို အခုလို ပြောပါတယ်။ "သူတို့ကို မင်းလှမြို့နယ်တရားရုံးက ထောင်ချလိုက်တာလေ။ ရှစ်နှစ်ကျော်တွေပေါ့။ မင်းဘူးခရိုင် တရားရုံးကို ကျနော် အယူခံတက်တယ်ဗျာ။ အဲဒီတော့ ဒီကနေ့ အမိန့်ချတယ်။

အမြင့်ဆုံး သုံးလလောက်ပဲ လျှော့ချလိုက်တယ်။ အဲဒီတော့ သူတို့က အကျဉ်းထောင် ရောက်တာ သုံးလ ပြည့်သွားပြီ။ ပြည့်သွားတော့ ဒီနေ့ လွှတ်ဝရန်း ထုတ်ပေးတယ်။" အဲဒီစစ္စရံရွာမှာ စစ်တပ်အရာရှိဟောင်းတွေရဲ့ မြန်မာ့ဦးပိုင် လီမိတက်က ကော့စတစ် စက်ရုံတည်ဖို့ ဆိုပြီး ရွာသားတွေရဲ့ လယ်တွေ ဝင်သိမ်းလိုက် သလို၊ ထူးဆောက်လုပ်ရေး ကုမ္ပဏီကလည်း အဆောက်အဦတွေ စပြီး တည်ဆောက်ခဲ့ပါတယ်။

ဒီဆုံးရှုံးနစ်နာရတဲ့ လယ်တွေ အတွက် ဦးသန်းဦး အပါအဝင် လယ်သမား (၅) ယောက်က ဦးဆောင်ပြီး တရားစွဲ ခဲ့ပါတယ်။ တရားစွဲထားတဲ့ ကာလမှာ ဦးပိုင်နဲ့ ထူးကုမ္ပဏီ အလုပ်သမားတွေနဲ့ လယ်သမားတွေ အချင်းများခဲ့တဲ့ အတွက် လယ်သမားတွေ ဒဏ်ရာတွေ ရခဲ့သလို၊ ကုမ္ပဏီတွေဘက်က တရားပြန်စွဲတာလည်း ခံခဲ့ရပါတယ်။ အဲဒီလို အရိုက်အနှက်လည်းခံရ၊ ထောင်ချလည်း ခံလိုက်ရတဲ့ လယ်သမားတွေ အတွက် တရားဥပဒေရဲ့ အကာအကွယ် ရအောင် NLD ရှေ့ နေကွန်ယက် အဖွဲ့ က ဆက်လက် ဆောင်ရွက်ခဲ့တဲ့ အတွက် တရားရုံးက ဒီအမှုကို ပြန်လည် သုံးသပ်ခဲ့ပြီး သူတို့ ပြစ်ဒဏ်တွေကို ထောင်ဒဏ် (၈) နှစ်အစား (၃) လ လို့  ပြောင်းလဲ သတ်မှတ်လိုက်တာ ဖြစ်ပါတယ်။


ဒါကြောင့် လက်ရှိ ထောင်ကျနေတဲ့ ကာလက (၃) ရှိနေပြီဖြစ်တဲ့ အတွက် လွှတ်ဝရမ်း ထုတ်ပေးလိုက်တာလို့ သိရပါတယ်။ ဒီအကြောင်းတွေနဲ့ပတ်သက်ပြီး အမှုကို လိုက်ပေးခဲ့တဲ့ ရှေ့ နေ ဦးတင်အောင်ထွန်းနဲ့  RFA က ကိုနေရိန်ကျော် ဆက်သွယ်မေးမြန်းထားတာကို နားဆင်နိုင်ပါတယ်။

နိုင်ငံရေး မကစားဖို့ အစိုးရသတင်းစာ သတိပေး

2011-06-30 RFA

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်ရဲ့ နိုင်ငံရေး လုပ်ဆောင်ချက် တွေကို ဝေဖန် သတိပေးထားတဲ့ ဆောင်းပါးတပုဒ်ကို ဒီကနေ့ မြန်မာအစိုးရ သတင်းစာတွေ ဒုတိယနေ့အဖြစ် ဖော်ပြထားပါတယ်။

ဒီလို ဖော်ပြထားရာမှာ ဥပဒေလမ်းကြောင်းထဲက နိုင်ငံရေး လုပ်ကိုင်ဖို့၊ NLD ပါတီ ပြန်လည် မှတ်ပုံတင်ဖို့ နဲ့ လာမယ့် ရွေးကောက်ပွဲတွေမှာ ၀င်ရောက် ယှဉ်ပြိုင်ဖို့ ထောက်ပြထားပြီး တနိုင်ငံလုံးနဲ့ ကမ္ဘာက အသိအမှတ်ပြုထားတဲ့ ဖွဲ့စည်းပုံ အခြေခံ ဥပဒေနဲ့ အစိုးရ အဖွဲ့ကို အသိအမှတ် မပြုသလိုလိုနဲ့ နိုင်ငံရေး မကစားဖို့ သတိပေးထားပါတယ်။

ဒေါ်အောင်ဆန်းစုကြည် သွားဖို့ရှိတဲ့ နယ်ခရီးစဉ်တွေနဲ့ ပတ်သက်လို့ ပြည်ထဲရေး ၀န်ကြီးဌာနက သတိပေးစာ ပို့အပြီး တရက် အကြာမှာ အခုလို သတင်းစာ ဆောင်းပါးက သတိပေးထားတာ ဖြစ်ပါတယ်။ ဒီနေ့ သတင်းစာပါ ဝေဖန် သတိပေးချက်တွေနဲ့ ပတ်သက်လို့ NLD ပါတီ ပြောခွင့်ရ ပုဂ္ဂိုလ် ဦးဥာဏ်ဝင်းက ဒီအကြောင်းအရာတွေဟာ ပါတီက စဉ်းစား လုပ်ဆောင်ရမယ့် ကိစ္စတွေသာ ဖြစ်တယ်လို့ တုံ့ပြန် ပြောကြား ပါတယ်။

"ကျနော်တို့ကလေ အစိုးရသတင်းစာ ဆောင်းပါးထဲမှာပါတာကို ပြန်ပီးတော့ မတုံ့ပြန်ဘူး။ ဘာဖြစ်လို့လဲဆိုတော့ သတင်းစာမှာ ဆောင်းပါးရှင်ဘယ်သူမှန်းလည်း မသိဘူး။ အဲဒါကြောင့် အန်ကယ်တို့ ဘယ်တော့မှ မတုံ့ပြန်ဘူး။ ဒါပေမယ့်လို့ ဒီကိစ္စမှာတော့ မနေ့ကတည်းက အန်ကယ်ပြောနေတယ်။ ဒီနေ့လည်းထပ်ပါတယ်။ သဘောတော့ အတူတူပါပဲ။

အဲဒီတော့ ဒီဟာတွေက ကျနော်တို့ဘာသာ ကျနော်တို့ စဉ်းစားဆုံးဖြတ်ရမယ့်ကိစ္စကို သူတို့ရေးနေကြတာလေ။ အဲဒီတော့ ဘာမှထွေထွေထူးထူးတော့ အန်ကယ်တို့ မတုံ့ပြန်နိုင်ဘူး။ ဒါကို အန်ကယ်တို့တွေ့တယ်။ ဒါဟာအန်ကယ်တို့လဲ စဉ်းစားဆုံးဖြတ်နေတဲ့ ကိစ္စတွေထဲမှာ အကျုံးဝင်တဲ့ကိစ္စ ဒီလောက်ပဲ ပြောနိုင်တယ်။

" ဒီကနေ့ထုတ် အစိုးရသတင်းစာတွေထဲက ကိုမြန်မာ ကလောင်အမည်နဲ့ ရေးသားထားတဲ့ ရန်ဖြစ်မှာလား၊ ပြန်ချစ်မှာလား ဆောင်းပါးမှာ ဒေါ်အောင်ဆန်းစုကြည် အနေနဲ့ နိုင်ငံရေး လူမှုရေးကိစ္စတွေ ဆောင်ရွက်ရာမှာ လမ်းကြောင်းမှန်ဖို့ လိုတယ်လို့လည်း ဝေဖန်ထားပါတယ်။

ပြည်သူနဲ့ထိတွေ့ဖို့ ဒေါ်အောင်ဆန်းစုကြည် မကြာခင်နယ် ခရီးစဉ်စမည်

2011-06-30 RFA

နိုင်ငံရေးသမားတဦးဟာ ပြည်သူတွေနဲ့ ထိတွေ့ဖို့ လိုအပ်တာကြောင့် သူ့အနေနဲ့ နယ်ခရီးစဉ်တွေကို စတင်မှာ ဖြစ်ကြောင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြား လိုက်ပါတယ်။
"အန်တီတို့လို နိုင်ငံရေးလုပ်နေတဲ့ သူတွေဟာ ပြည်သူလူထုနဲ့ ထိတွေ့မှုရှိနေဖို့ လိုပါတယ်။ ဒါ့ကြောင့် ရန်ကုန်မှာပဲ ထိုင်နေလို့တော့ မဖြစ်ပါဘူး။ ကုိယ်လုပ်သင့် လုပ်ထိုက်တဲ့ ကိစ္စကိုတော့ လုပ်ရမှာပါ။ သတိလက်လွတ် လုပ်ဆောင်မှာတော့ မဟုတ်ပါဘူး။

ဒါကြောင့်မို့လို့ သိပ်ပြီး မစိုးရိမ်ပါနဲ့လို့ ပြောပါရစေ။" ဒေါ်အောင်ဆန်းစုကြည်ရဲ့ ခရီးစဉ်နဲ့ ပတ်သက်လို့ အစိုးရက သတိပေး အကြောင်းကြားနေတဲ့ ကာလမှာ ဒေါ်အောင်ဆန်းစုကြည်က အခုလို ပြောကြားလိုက်တာ ဖြစ်ပါတယ်။

သောကြာနေ့ ညတိုင်း အာဖက်အေ ကထုတ်လွှင့်နေတဲ့ လူထုနဲ့ ဒေါ်အောင်ဆန်းစုကြည် အစီအစဉ် အတွက် သောတရှင် တဦးက ပြီးခဲ့တဲ့ ရက်ပိုင်း အတွင်း မြန်မာနိုင်ငံ မြို့ကြီး အချို့မှာ ဗုံးပေါက်ကွဲမှုတွေ ဖြစ်ခဲ့တာကြောင့် ဒေါ်အောင်ဆန်းစုကြည် အတွက် စိုးရိမ်ပြီး မေးမြန်းခဲ့တာကို အခုလို ပြန်လည် ဖြေကြားခဲ့တာ ဖြစ်ပါတယ်။

ဒါ့အပြင် အခုရက်ပိုင်း အတွင်း ကချင်ပြည်နယ်မှာ ဖြစ်ပွါးနေတဲ့ စစ်ပွဲတွေနဲ့ ပတ်သက်လို့ ဒေသခံတွေ ခံစားနေရတဲ့ ဒုက္ခနဲ့ အစိုးရ စစ်တပ်တွေရဲ့ လူ့အခွင့်အရေး ချိုးဖေါက်မှုတွေ အပေါ် သောတရှင် တဦးရဲ့ မေးခွန်းကို ဒေါ်အောင်ဆန်းစုကြည်က ဖြေကြားရာမှာ ပြဿနာတွေကို ငြိမ်းချမ်းတဲ့နည်းနဲ့ ဖြေရှင်းစေလိုကြောင်း တိုက်တွန်းလိုက်ပါတယ်။

"ကချင်ပြည်နယ်မှာ စစ်မီးတွေ ပြန်တောက်နေတာဟာ အန်တီတို့ နိုင်ငံအတွက် အင်မတန်မှ ရင်လေးစရာ ကိစ္စတခု ဖြစ်တာမို့ ငြိမ်းချမ်းတဲ့နည်းနဲ့ ပြဿနာတွေကို ဖြေရှင်းဖို့၊ တိုင်းရင်းသား အားလုံးအကြား သွေးစည်း ညီညွတ်မှု ရှိဖို့၊ အန်တီကော အန်အဲလ်ဒီပါ တတ်နိုင်သရွေ့ တိုက်တွန်း ပါတယ်။

ပြည်သူ အများစုကလည်း ငြိမ်းချမ်းရေး တန်ဖိုးကို သိနားလည်နိုင်ဖို့ ကြိုးစား ဆောင်ရွက်ပါ။ စုံစမ်းရေး ကော်မရှင်တခု ဖြစ်လာဖို့ ဆိုတာကတော့ ကမ္ဘာ့နိုင်ငံ အသီးသီးနှင့် ကုလသမဂ္ဂ အတွင်းရေးမှူးချုပ်တို့ကို တိုက်တွန်း တောင်းဆိုရမယ့် ကိစ္စ ဖြစ်ပါတယ်။" ဒေါ်အောင်ဆန်းစုကြည်နဲ့ အမေးအဖြေ အပြည့်အစုံကို မနက်ဖြန် သောကြာနေ့ည ထုတ်လွှင့်မယ့် လူထုနဲ့ ဒေါ်အောင်ဆန်းစုကြည် အစီအစဉ်မှာ စောင့်မျှော် နားဆင်နိုင်ပါတယ်။

ဂျပန်နိုင်ငံ ဒုတိယ နိုင်ငံခြားရေး ဝန်ကြီး ဒေါ်အောင်ဆန်းစုကြည် နဲ့ တွေ့ ဆုံ

2011-06-30

အာဏာသိမ်း စစ်အစိုးရ ဖျက်သိမ်းပြီးနောက်၊ မြန်မာနိုင်ငံရဲ့ နိုင်ငံရေး အခင်းအကျင်းကို လေ့လာ အကဲခတ်ဖို့ ရောက်ရှိနေတဲ့ ဂျပန်နိုင်ငံ ဒုတိယ နိုင်ငံခြားရေး ဝန်ကြီး Ms. Kikuta ဟာ ဒီကနေ့  ဒေါ်အောင်ဆန်းစုကြည် နဲ့  တွေ့ ဆုံ ဆွေးနွေးခဲ့ပါတယ်။

ဒေါ်အောင်ဆန်းစုကြည်နဲ့ တနာရီခန့် တွေ့ ဆုံရာမှာ နှစ်ဖက် စလုံးက ဂျပန် မြန်မာ နှစ်နို်င်ငံ ချစ်ကြည်ရေး တည်ဆောက်ဖို့ လိုအပ်ကြောင်း သဘောတူညီကြတယ်လို့ ဂျပန် ဒုတိယ နိုင်ငံခြားရေး ဝန်ကြီးက ပြောပါတယ်။

မိမိတို့ ဟာ နိုင်ငံရေး ကိစ္စများလည်း ဆွေးနွေးကြကြောင်း၊ ဒါပေမဲ့ အသေးစိတ်ကိုတော့  ထုတ်ဖေါ် မပြောလိုကြောင်း ဒေါ်အောင်ဆန်းစုကြည် က သတင်းထောက်တွေ ကို ပြောပါတယ်။ အခုလို ဂျပန် ဒုတိယ နိုင်ငံခြားရေးဝန်ကြီး နဲ့  ဒေါ်အောင်ဆန်းစုကြည်တို့ မတွေ့ ဆုံခင် ကလေးမှာပဲ စစ်တပ် ကျောထောက်နောက်ခံ မြန်မာ အစိုးရက ဒေါ်အောင်ဆန်းစုကြည်ကို ဥပဒေ ချိုးဖေါက်နေတယ်လို့ စွပ်စွဲကာ နိုင်ငံရေး ကိစ္စတွေ မလုပ်ဆောင်ဖို့  သတိပေးလိုက်ပါတယ်။


ဂျပန် နိုင်ငံခြားရေး ဝန်ကြီးဌာန ဒုတိယ နိုင်ငံခြားရေး ဝန်ကြီးဟာ အင်္ဂါနေ့ ကတော့ မြန်မာ နိုင်ငံခြားရေး ဝန်ကြီး ဦးဝဏ္ဏမောင်လွင်နဲ့ နေပြည်တော်မှာ တွေ့ ဆုံဆွေးနွေးခဲ့ ပါတယ်။ Ms. Kikuta ဟာ မြန်မာနိုင်ငံကို မထွက်ခွါလာမီ ဂျပန်နိုင်ငံမှာ ပြောကြားရာမှာတော့ ရွှေဝါရောင် တော်လှန်ရေး ကာလအတွင်း သေဆုံးခဲ့ရတဲ့ ဂျပန် သတင်းထောက် ကင်ဂျီ နာဂါအိ သေဆုံးရမှုနဲ့  ပတ်သက်လို့ သေသေချာချာ ပြည့်ပြည့်စုံစုံ စုံစမ်း စစ်ဆေးဖို့ မြန်မာအစိုးရကို တွန်းအားပေးမယ် ဖြစ်ကြောင်း ပြောဆိုခဲ့ ပါတယ်။

မြန်မာနိုင်ငံဆိုင်ရာ အထူးကိုယ်စားလှယ် စေလွှတ်ရေး အမေရိကန် ဆီးနိတ် ကြားနာပွဲ ပြုလုပ်

2011-06-30 RFA

မြန်မာနိုင်ငံဆိုင်ရာ အမေရိကန် အထူး ကိုယ်စားလှယ် အဖြစ် သမ္မတ အိုဘားမား အဆိုပြုထားတဲ့ အာရှနဲ့ ပစိဖိတ် ရေးရာ ဒုတိယ လက်ထောက် ကာကွယ်ရေး ၀န်ကြီး Derek Mitchell ရဲ့ ကြားနာပွဲကို အမေရိကန် အထက်လွှတ်တော် အာရှနဲ့ ပစိဖိတ်ဒေသ ဆိုင်ရာ နိုင်ငံခြားရေးရာ ဆပ်ကော်မတီမှာ မနေ့ ညနေပိုင်းက ပြုလုပ်ခဲ့ပါတယ်။

မြန်မာ အစိုးရနဲ့ ပွင့်ပွင့်လင်းလင်း ဆက်ဆံသွားမယ်လို့ အဲဒီကြားနာပွဲမှာ Mr. Mitchell က ပြောပါတယ်။ ကျနော်ကို အတည်ပြုလိုက်ပြီဆိုရင် ကျနော်အနေနဲ့ မြန်မာအစိုးရနဲ့ တိုက်ရိုက်ပွင့်ပွင့်လင်းလင်း ဆက်ဆံနိုင်မယ့် အခွင့်အလမ်းတွေကို ကြိုးစား ရှာဖွေမှာပါ။

ဒါဟာ အမေရိကန်ရဲ့ သတ်မှတ်ချက် တန်ဖိုးတွေနဲ့ နိုင်ငံ အကျိူးစီးပွားကို မြှင့်တင့်တဲ့ အနေနဲ့ မြန်မာနိုင်ငံနဲ့ ရှေ့ဆက်ပြီး အပြုသဘောဆောင် ဆက်ဆံသွားဖို့ ဖြစ်ပါတယ်။ ဒါအပြင် လုံခြုံပြီး ချမ်းသာဝပြောတဲ့ နိုင်ငံအဖြစ် ရောက်ဖို့ မြန်မာနိုင်ငံရဲ့ ကြိုးပမ်းချက် အပေါ်မှာ အမေရိကန်က ကူညီပံပိုးတဲ့ သဘောလည်း ဖြစ်တယ်လို့ ပြောသွားတာပါ။

အမေရိကန် အထက်လွှတ်တော် နိုင်ငံခြားရေးရာ ကော်မတီ ဥက္ကဌ John Kerry ကလည်း မြန်မာနိုင်ငံ ဆိုင်ရာ အမေရိကန် အထူးကိုယ်စားလှယ် အဖြစ် ခန့်အပ်မယ့် ကိစ္စဟာ အမေရိကန်နဲ့ မြန်မာ ဆက်ဆံရေး ပြန်လည် ကောင်းမွန်လာဖို့ အတွက် အခွင့်အလမ်း တခုပဲလို့ ပြောပါတယ်။ Derek Mitchell ကို မြန်မာနိုင်ငံဆိုင်ရာ အမေရိကန် အထူးကိုယ်စားလှယ် အဖြစ် အထက်လွှတ်တော်နဲ့ အောက်လွှတ်တော်က အတည်ပြုဖို့ အတွက် အခုလို ကြားနာစစ်ဆေးပွဲကို ပြုလုပ်ခဲ့တာ ဖြစ်ပါတယ်။

ဗြိတိန်က ဆန္ဒပြမှု ကြီး

ဘီဘီစီ ။ ။ 30-ဇွန် -2011

ဗြိတိန် နိုင်ငံမှာ နှစ်ပေါင်း များစွာ အတွင်း ပြည်သူ့ ဝန်ထမ်းတွေရဲ့ အကြီးကျယ်ဆုံး ဆန္ဒပြမှုတွေကို ကြာသပတေး နေ့က ပြုလုပ်ခဲ့ကြပါတယ်။

UK Strikeဗြိတိန် လမ်းမကြီးတွေပေါ်က ဆန္ဒ ပြသူ များအစိုးရရဲ့ ပင်စင် အပြောင်း အလဲ ဆိုင်ရာ အဆိုပြုချက်ကို မကျေနပ်တဲ့ လူထု ဝန်ဆောင်မှု ကဏ္ဍဍက အလုပ် သမားတွေ ကန့်ကွက် ဆန္ဒပြကြ တာဖြစ် ပါတယ်။

လန်ဒန် မြို့တော်က ဆန္ဒပြ ချီတက်ပွဲကို လူထု ဝန်ဆောင်မှု ကဏ္ဍဍ လုပ်သား စုစုပေါင်းရဲ့ ငါးပုံ တစ်ပုံ ဖြစ်တဲ့ အစိုးရ ဝန်ထမ်း ၇ သိန်းခွဲ လောက် ပါဝင် ကြတယ်လို့ အလုပ်သမား သမဂ္ဂ တွေက ပြောပါတယ်။ဗြိတိန်က တခြား မြို့ကြီးတွေ မှာလည်း အလားတူ စုဝေး ဆန္ဒပြမှုတွေ ရှိနေ ပါတယ်။

ဆန္ဒ ပြပွဲကြီးရဲ့ နောက်ခံ အကြောင်းရင်းလက်ရှိ အစိုးရနဲ့ အလုပ်သမား သမဂ္ဂတွေ ကြား နှစ်ဘက် ညှိနှိုင်းချက်မှာ ဝန်ထမ်းတွေ အနေနဲ့ အလုပ်ကို နှစ်အတန်ကြာ ပိုလုပ်ပြီး ပင်စင် အတွက် လစဉ် ထည့်သွင်း ရမယ့် အချိုး အစားကို ပိုပေးရပေမယ့် ပင်စင်လစာကျတော့ လျှော့ရမယ့် သဘော ဖြစ်နေတယ်လို့ အလုပ်သမားသမဂ္ဂ တွေက ပြောပါတယ်။

UK Strikeထည့်ဝင်ငွေ ပိုပေးပြီး ပင်စင်လစာ နည်းသွား မှာကို မကျေ နပ်ကြဒါဟာ အစိုးရအနေနဲ့ အမေရိကန် ဒေါ်လာ ၁၃၀ ဘီလီယံ အသုံးစရိတ် လျှော့ချမှုကြောင့် သက်ရောက် လာတဲ့ ပြဿနာလည်း ဖြစ်ပါတယ်။

ပည်သူ့ ဝန်ထမ်းတွေ အလုပ် မလုပ်တော့ စာသင်ကျောင်းတွေ ပိတ်ပြီး၊ လေဆိပ် အပါအဝင် တိုင်းပြည်တွင်းကို ဝင်ထွက်တဲ့ ရထား ဘူတာနဲ့ ကားဂိတ်တွေ ထိခိုက်မှု ရှိခဲ့ပါတယ်။စာသင်ကျောင်း ၁၂၀ဝ၀ ထက် မနည်းကို ပိတ်ခဲ့ရ ပါတယ်။ဝန်ကြီးချုပ် ဒေးဗစ်ကင်မရွန်းရဲ့ ကလေးတွေ တက်နေတဲ့ ကျောင်းက မပိတ်လို့ ကျောင်းသွား ကြပေမဲ့ ဒုတိယ ဝန်ကြီးချုပ် နစ်ကလက်ရဲ့ ကလေးတွေ တက်တဲ့ စာသင် ကျောင်းက ပိတ်တာမို့ သူတို့ ကျောင်းမသွားကြ ဘူးလို့ သိရပါတယ်။

ဟိသရိုး လေဆိပ်ကို ဆိုက်ရောက် လာတဲ့ ခရီးသည်တွေ ကတော့ အများကြီး စောင့်ဆိုင်း ရတာမျိုး မရှိပေမဲ့ နှောင့်နှေး ကြန့်ကြာမှု တွေတော့ ရှိခဲ့ ပါတယ်။လန်ဒန်က ခွင့်ယူထားတဲ့ ရဲတွေကတော့ ခွင့်ပြန်ရုပ်သိမ်းခံခဲ့ရပြီး လမ်းတွေ ပေါ်မှာ တာဝန်ချ ထားခြင်း ခံခဲ့ ကြရ ပါတယ်။လန်ဒန် မြို့လယ် မှာတော့ ထောင်သောင်းချီတဲ့ ဆန္ဒပြသူတွေ စီတန်း လှည့်လည်ပြီး အစိုးရကို ကန့်ကွက် ဆန္ဒပြ ခဲ့ကြ ပါတယ်။

အတိုက်အခံ နဲ့ တခြား အဖွဲ့တွေ ကလည်း ပြစ်တင် ဝေဖန်အတိုက်အခံ လေဘာ ပါတီ ခေါင်းဆောင် အက်ဒ် မီလီဘန်းက သမဂ္ဂ တွေနဲ့ ညှိနှိုင်း ကြတဲ့ ဝန်ကြီးတွေ ဆောင်ရွက်မှု ညံ့ဖျင်းတာကို ပြစ်တင် ပြောကြားခဲ့ ပါတယ်။ အခုလို သပိတ်မှောက်တာကိုလည်း ရှုတ်ချလိုက် ပါတယ်။နှစ်ဘက် ညှိနှိုင်းမှုတွေ လုပ်နေတုန်း အခုလို သပိတ်မှောက် တာဟာ မှားတယ်လို့ အတိုက်အခံ ခေါင်းဆောင်က တွစ်တာမှာ ရေးသား ပါတယ်။

နှစ်ဘက်စလုံး မကောင်းဘူး၊ အစိုးရ ကလည်း တလွဲတွေ လုပ်နေတယ်လို သူက ဆိုပါတယ်။နိုင်ငံရေး နဲ့ ဆက်နွယ်မှု မရှိတဲ့ Institute of Directors ရဲ့ညွှန်ချုပ် Miles Templeman ကတော့ ဒီသပိတ် တွေကြောင့် ယူကေ စီးပွားရေးကို ထိခိုက် နိုင်တယ်လို့ ပြော ပါတယ်။

အဖွဲ့ဝင် နှစ်သိန်း ခြောက်သောင်း ပါတဲ့ PCS အဖွဲ့ အထွေထွေ အတွင်းရေးမှူး ကလည်း အစိုးရက ညှိနေတာ မဟုတ်ဘူး၊ ပြောရုံ ပြောနေတာလို့ သုံးသပ် ပါတယ်။ဘီဘီစီရဲ့ နိုင်ငံရေး အယ်ဒီတာ နစ်ရော့ဘင်ဆင် ကတော့ အစိုးရနဲ့ သမဂ္ဂတွေ နှစ်ဘက် ညှိနှိုင်း နေတုန်းမို့ အဆင် ပြေလာ နိုင်တယ်လို့ သုံးသပ် ပါတယ်။

ကမ္ဘာ့အရှည်ဆုံးတံတား တရုတ် ဖွင့်လှစ်

By ဗွီအိုအေ (မြန်မာဌာန)

ကမ္ဘာ့အရှည်ဆုံး ပင်လယ်ကို ဖြတ်ဆောက်ထားတဲ့ တံတားကို တရုတ်နိုင်ငံမှာ ကြာသပတေးနေ့က ဖွင့်လှစ်လိုက်ပါတယ်။

၂၂ မိုင်ရှည်တဲ့ အဲဒီတံတားကို တရုတ်နိုင်ငံ အရှေ့ပိုင်း ဆိပ်ကမ်းမြို့ ချင်ဒေါင်း (Qingdao) နဲ့ ဟွမ်ဒေါင်း (Huangdao) ကျွန်း အကြားက ဂျောက်ဇူး (Jiaozhou) ပင်လယ်ဝကို ဖြတ်ဆောက်ထားတာပါ။

ကမ္ဘာ့အရှည်ဆုံး တံတားလို့ တရုတ်မီဒီယာတွေမှာ ဖော်ပြနေကြတဲ့ အဲဒီတံတားကို အမေရိကန်ဒေါ်လာ သန်းပေါင်း ၂,၃၀၀ လောက် အကုန်အကျခံ တည်ဆောက်ခဲ့တာလို့ ဆိုပါတယ်။

အဲဒီတံတား ဆောက်လိုက်တဲ့အတွက် အရင် ၄၅ မိနစ်သွားရတဲ့ ခရီးဟာ အခု မိနစ် ၂၀ ပဲ ကြာတော့မယ်လို့ အစိုးရပိုင် ဆင်ဟွာသတင်းမှာ ဖော်ပြထားပါတယ်။

ဒီတံတားကြောင့် ဟွမ်ဒေါင်းမှာရှိတဲ့ စက်မှုဇုန်ကို ဖွံ့ဖြိုး တိုးတက်စေမှာဖြစ်ပြီး ဆိပ်ကမ်းရဲ့ လုပ်ငန်းတွေလည်း တိုးချဲ့လာနိုင်မယ်လို့ အာဏာပိုင်တွေက ပြောပါတယ်။

အာဖရိက ထိပ်သီးတွေ လစ်ဗျားအရေး ဦးစားပေး ဆွေးနွေး

By ဗွီအိုအေ (မြန်မာဌာန) ကြာသပတေး, 30 ဇွန် 2011

လစ်ဗျားနိုင်ငံက ပဋိပက္ခကို အဓိကထား ဆွေးနွေးဖို့ အာဖရိက ခေါင်းဆောင်တွေ အက်ကွေတိုရီယယ် ဂီနီနိုင်ငံမှာ ထိပ်သီး စည်းဝေးပွဲတခု ကျင်းပနေပါတယ်။

အာဖရိက သမ္မတ ၅ ဦးပါ အဖွဲ့ဟာ လစ်ဗျား ပဋိပက္ခ အဆုံးသတ်ရေး အစီအစဉ်တခုကို ရေးဆွဲနေကြပါပြီ။ အဲဒါကို ထိပ်သီး ဆွေးနွေးပွဲမှာ ခွင့်ပြုမိန့်ရဖို့ တင်ပြမှာ ဖြစ်ပါတယ်။
အဆိုပြုချက်ထဲမှာ လစ်ဗျားနိုင်ငံမှာ အပစ်အခတ် ရပ်စဲရေး တောင်းဆိုဖို့၊ ဒီမိုကရေစီနည်းကျ ရွေးကောက်ပွဲတွေ ကျင်းပနိုင်ရေး အခြေအနေအထိ ကူးပြောင်းဖို့ တိုက်တွန်းတာတွေ ပါဝင်ပါတယ်။

လစ်ဗျားခေါင်းဆောင် မိုမာ ဂဒါဖီ (Moammar Gadhafi) ရာထူးကနေ ချက်ချင်း နှုတ်ထွက်ပေးဖို့ တောင်းဆိုချက်ကိုတော့ လစ်ဗျားသူပုန်တွေက အဲဒီမှာ ထည့်သွင်းစေချင်တာပါ။
သူပုန်တွေရဲ့ ကိုယ်စားလှယ်တွေရော၊ မစ္စတာ ဂဒါဖီ အစိုးရရဲ့ ကိုယ်စားလှယ်တွေရော ဒီ ၂ ရက်တာ ထိပ်သီး ဆွေးနွေးပွဲကို တက်ရောက်မှာ ဖြစ်ပါတယ်။
အာဖရိက ခေါင်းဆောင်တွေက ဆူဒန်အရေးကိုလည်း ဆွေးနွေးဖို့ ရှိပါတယ်။

ဒေါ်အောင်ဆန်းစုကြည် သားနှင့်အတူ ပုဂံသို့ ဘုရားဖူးသွားမည်

လင်းသန့် Thursday, 30 June 2011 17:20

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် မိသားစုခရီစဉ်အဖြစ် သားဖြစ်သူ ကိုထိန်လင်းနှင့်အတူ မြန်မာနိုင်ငံအလယ်ပိုင်း မန္တလေးတိုင်း ပုဂံ ဒေသသို့ ဘုရားဖူး သွားရောက်မည်ဖြစ်ကြောင်း စုံစမ်းသိရှိရသည်။
ယင်းခရီးစဉ်နှင့်ပတ်သက်ပြီး ဒေါ်အောင်ဆန်းစုကြည်၏လုံခြုံရေး ကိစ္စများ တာဝန်ယူ ဆောင်ရွက်နေသည့် အမျိုးသား ဒီမို ကရေစီ အဖွဲ့ချုပ်(NLD) ပါတီခေါင်းဆောင်တဦးဖြစ်သည် ဗိုလ်ကြီးဟောင်း ဦးဝင်းထိန်ကို မေးမြန်းရာ ခရီးစဉ် မှန်ကန်ကြောင်း ပြောဆိုအတည်ပြုသော်လည်း အသေးစိပ်ပြောဆိုရန် ငြင်းဆိုခဲ့သည်။

ဒေါ်အောင်ဆန်းစုကြည်နှင့် သားဖြစ်သူ ကိုထိန်လင်းတို့သည် လာမည့် ဇူလိုင်လ ၄ ရက်နေ့တွင် ပုဂံ ဒေသသို့ လေယာဉ်ဖြင့် သွားရန် စီစဉ်ထားကြောင်း သိရသည်။

ပြီးခဲ့သည့်ရက်ပိုင်းအတွင်း နေပြည်တော် အပါအ၀င် မန္တလေးမြို့နှင့် ပြင်ဦးလွင်မြို့များတွင် တချိန်တည်း ဗုံးပေါက်ကွဲမှုများ ဆက်တိုက်ဖြစ်ပေါ်ခဲ့ရာ ဒေါ်အောင်ဆန်းစုကြည် လုံခြုံရေး အတွက် စိုးရိမ်မှုများ တိုးပွားစေခဲ့သည်။

ထို့အပြင် ဒေါ်အောင်ဆန်းစုကြည်အနေဖြင့် ယခုကဲ့သို့ ရန်ကုန်ပြင်ပခရီးထွက်မည့်အပေါ် အစိုးရသတင်းစာ တစောင်တွင် လုံခြုံရေး နှင့်ပတ်သက်ပြီး သတိပေးထားသည့် စကားရပ်များ ဖော်ပြထားသည်။ ထို့အပြင် ပြည်ထဲရေးဝန်ကြီးကလည်း အကြောင်း ကြားစာပို့ထားသည်များကြောင့် ဒေါ်အောင်ဆန်းစုကြည်နှင့် NLD အတွက် စိုးရိမ်ပူပန်မှုများ ရှိနေကြသည်။

ယမန်နေ့ထုတ် အစိုးရ ကြေးမုံ သတင်းစာတွင် ဆောင်းပါးရှင် ပြည့်စုံအောင် ၏ “ရွေးချယ်ခွင့်က လက်ထဲမှာ”ဆောင်းပါးတွင် ဒေါ်အောင်ဆန်းစုကြည် မကြာခင် နယ်ခရီးထွက်မည်ဆိုသည့်အပေါ် “မည်သို့ ပင်ဆိုစေ ဒေါ်အောင်ဆန်းစုကြည် နယ်ထွက် လာလျှင် မြောက်မြား လှစွာသော ယခင့်ယခင် သာဓကများနည်းတူ ရုတ်ရုတ်သဲသဲ လှုပ်လှုပ် ရှားရှားတွေ ဖြစ်လာမှာကို ကျ နော်တို့ စိုးရိမ်မိသည်။ စိုးရိမ်လောက်စရာ အကြောင်းတွေလည်း အခိုင်အမာပင်ရှိနေသည်”ဟု ဖော်ပြထားသည်။

အစိုးရ ပြည်ထဲရေးဝန်ကြီးဌာန ၏ ဇွန်လ ၂၈ ရက် နေ့စွဲဖြင့် ဥက္ကဌ ဦးအောင်ရွှေနှင့် ဒေါ်အောင်ဆန်းစုကြည် တို့ထံ ပေးပို့ လာသော စာနှင့် ပတ်သက်ပြီး (NLD) အား အင်အားသုံး ဖျက်သိမ်းလာမည်ကိုအထူး စိုးရိမ်သော်လည်း ရင်ဆိုင်ရမည် ဖြစ်ကြောင်း NLD ခေါင်းဆောင်တဦး ဖြစ်သည့် ဦးဝင်းတင်က ဧရာဝတီကို ပြောသည်။

“သူတို့လုပ်ခဲ့ဖူးတဲ့ ဟာတွေလည်း ရှိတဲ့အခါကျတော့ စိုးရိမ်တာပေါ့။ သတင်းစာတို့ဘာတို့က ခြိမ်းခြောက်တယ်၊ ပုတ်ခတ် တယ် ဆိုတာက ကြုံနေကြဆိုတော့ သိပ်မထူးလှဘူး။ အခုဟာက ၀န်ကြီးဌာန ကိုယ်တိုင်လုပ်တာဆိုတော့ တော်တော် စိုးရ်ိမ် ပူပန်တာပေါ့”ဟု ဦးဝင်းတင်က ပြောပြသည်။

ယခုကိစ္စသည် အချိန်ကိုက်လုပ်ခြင်းဖြစ်ကြောင်း၊ ဒေါ်အောင်ဆန်းစုကြည် စီစဉ်ထားသည့် မကြာခင်သွားမည့် နယ်ခရီးစဉ်နှင့် လည်း တိုက်ဆိုင်နေကြောင်း၊ ဒေါ်အောင်ဆန်းစုကြည်နှင့် NLD ပါတီအပါအ၀င် ဒီမိုကရေစီအရေး ထောက်ခံကြသူများ၊ တက်ကြွလှုပ်ရှားသူများကိုပါ ခြိမ်းခြောက်မှုဖြစ်ကြောင်း ၄င်းက ဆက်လက်ရှင်းပြသည်။

“ဒီဖြစ်ရပ်နောက်ကွယ်မှာ အခု အစိုးရထဲမှာ သဘောထားတင်းမာသူနဲ့ ပျော့ပြောင်းသူတွေကြားမှာ အားပြိုင်နေတယ်လို့ တ ထစ်ချသုံးသပ်တယ်။ သူတို့ဘက်က အဖြစ်နိုင်ဆုံး လုပ်နိုင်တာတွေက ပါတီခေါင်းဆောင်တွေကို ဖမ်းမယ်။ နေအိမ် အကျယ် ချုပ် ချမယ်။ ထောင်ချမယ်။ ပါတီရုံးတွေ ပိတ်ပြီး ပစ္စည်းတွေ သိမ်းမယ်။ ဒါမျိုးတွေပဲ သူတို့ လုပ်နိုင်တာ။ ပြင်ဆင်လည်း ဘာမှ ထူးတာမဟုတ်ဘူး”ဟု ဦးဝင်းတင်က ဆိုသည်။

NLD သည် တရားဝင် ပါတီမဟုတ်ကြောင်းနှင့် NLD လက်ရှိလုပ်ဆောင်နေမှုများသည် တရားဥပဒေနှင့် ဆန့်ကျင်နေကြောင်း ပြည်ထဲရေးဝန်ကြီးဌာန ပြည်ထောင်စု ၀န်ကြီး ဒု ဗိုလ်ချုပ်ကြီး ကိုကို လက်မှတ်ရေးထိုးထားသော အကြောင်းကြားစာကို အစိုးရ အရာရှိ တဦး ကိုယ်တိုင် လာရောက်ပေးခဲ့ခြင်းဖြစ်သည်။

ထို့ကြောင့် NLD ပါတီ အထွေထွေအတွင်းရေးမှူး ဒေါ်အောင်ဆန်းစုကြည် လက်မှတ်ဖြင့် ဒု ဗိုလ်ချုပ်ကြီး ကိုကို ထံ လိပ်မူပြီး NLD သည် နိုင်ငံရေးပါတီ အဖြစ် တရားဝင်ရပ်တည် နေကြောင်းနှင့် တရားဥပဒေ စိုးမိုးရေးအတွက် ဆွေးနွေးလိုကြောင်း ဇွန် လ ၂၉ ရက်နေ့စွဲဖြင့် အကြောင်းပြန်စာကို သက်ဆိုင်ရာသို့ NLD က လူကိုယ်တိုင် သွားရောက်ပေးပို့ခဲ့သည်။

“သို့ပါ၍ အမျိုးသားဒီမိုကရေစီ အဖွဲ့ချုပ်က တူညီသောလိုလားချက်များအပေါ်အခြေခံ၍ ပြည်ထဲရေး ၀န်ကြီးဌာန ပြည်ထောင် စု ၀န်ကြီးနှင့် တွေ့ဆုံပြီး တရားဥပဒေစိုးမိုးရေးအတွက် ညှိနှိုင်းလိုပါသဖြင့် စီစဉ်ပေးပါရန် မေတ္တာရပ်ခံပါသည်”ဟု ပြည်ထဲရေး ၀န်ကြီးထံ ပေးပို့တုံ့ပြန်သော ယမန်နေ့က စာတွင် ဖော်ပြထားသည်။

NLD အနေဖြင့် နိုင်ငံရေးပါတီများမှတ်ပုံတင်ခြင်း ဥပဒေ အမှတ် -၄/၈၈ အရ ၁၉၈၈ ခုနှစ်က တရားဝင်မှတ်ပုံတင်ခဲ့ပြီး ပြဌာန်းချက်များကို လည်း ချိုးဖောက်ခဲ့ခြင်း မရှိကြေင်း၊၂၀၁၀ ပြည့်နှစ် မတ်လ ၈ ရက်နေ့ထုတ် ဥပဒေ အမှန်-၂/၂၀၁၀ အရလည်း ရက်ပေါင်း ၆၀ အတွင်း ကော်မရှင်သို့ ပြန်လည်လျှောက်ထားခြင်းမရှိသဖြင့် ဥပဒေအရ ပျက်ပြယ်ခြင်းမရှိကြောင်း၊ ပြည်ထောင်စု သမ္မတ မြန်မာ နိုင်ငံတော် ဖွဲ့စည်းပုံအခြေခံ ဥပဒေ(၂၀၀၈ ခုနှစ်) ပုဒ်မ-၄၄၆ အရလည်း NLD သည် တရားဝင်ခြင်းမှ ပယ်ဖျက်နိုင်သည့်အခွင့် အာဏာ မရှိသည့်အတွက် တရားဝင်ပါတီအဖြစ် ဆက်လက်တည်ရှိနေကြောင်း၊ နေပြည်တော် တရားရုံးချုပ်၏ ပါတီအား ဖျက် သိမ်းလိုက်ခြင်းသည် တရားမ၀င်ကြောင်း NLD ၏ ကြေညာချက်တွင် ဖော်ပြထားသည်။

ထို့ကြောင့် NLD အနေနှင့် ထပ်မံ မှတ်ပုံတင်ရန်မလိုအပ်ကြောင်းလည်း ထောက်ပြထားသည်။

ကမမောင်းရှိ အစိုးရစစ်တပ်အား နယ်ခြားစောင့်တပ်များ ၀င်ရောက်ပစ်ခတ်

ဇွန်လ ၃၀။ စောသိန်းမြင့် (ကေအိုင်စီ)

ကရင်ပြည်နယ်၊ ဖာပွန်မြို့နယ် ကမမောင်းကျေးရွာရှိ အစိုးရစစ်တပ်စခန်းတခုအား ဗိုလ်မှူးစောဘိဦးသည့် နယ်ခြားစောင့်တပ် (ဘီ ဂျီအက်ဖ်)တပ်ဖွဲ့များက ယမန်နေ့ည ၁၂နာရီအချိန်တွင် ၀င်ရောက်ပစ်ခတ်ခဲ့သည်ဟု သိရသည်။

လက်နက်ကြီး၊ လက်နက်ငယ်များဖြင့် မိနစ် ၃၀ကြာ နှစ်ဖက် အပြန်အလှန် ပစ်ခတ်မှုတွင် လူနေအိမ်တစ်လုံး မီးလောင်ကျွမ်းသွား သလို တံတားတစင်း ပျက်စီးသွားသည်ဟု ကမမောင်းရွာသူတဦးက ယခုလို ပြောသည်။

“ပစ်ခတ်မှုဖြစ်တာ မိနစ်သုံးဆယ်လောက် ကြာတယ်။ လက်နက်ကြီးလက်နက်ငယ် အသံတွေ ဆူညံနေတာပဲ။ အိမ်တလုံး မီး လောင်သွားတယ်။ တံတားတစင်း ပျက်သွားတယ်။ တံတားနားမှာနေတဲ့ လူတယောက် သေသွားတယ်။ ကလေးတွေလည်း ကြောက်လန့်ပြီးတော့ တညလုံးငိုတယ်။ ခွေးတွေလည်း တညလုံးဟောင်တယ်။”ဟု ကေအိုင်စီကို ပြောသည်။

ထိုပစ်ခတ်မှုအပြီး မနက်မိုးလင်းအချိန်တွင် အစိုးရစစ်တပ်မှ ရွာတွင်းရှိ အမျိုးသားများကို ပေါ်တာလိုက်လံဖမ်းဆီးမှုကြောင့် ရွာတွင်း ရှိ အမျိုးသားများသည် လွတ်မြောက်ရာသို့ ထွက်ပြေးတိမ်းရှောင်ကြသလို အမျိုးသမီးများသည်လည်း ကြောက်လန့်ကြသည့်အ တွက် အိမ်ထဲကနေ အိမ်ပြင်မထွက်ရဲကြကြောင်း အဆိုပါရွာသူက ပြောသည်။
ကရင်အမျိုးသား လွတ်မြောက်ရေးတပ်မတော် (KNLA) တပ်ရင်း(၁၀၁)မှ တပ်ရင်းမှူး ဒုဗိုလ်မှူးကြီးစောဖောဒိုက “ဗိုလ်ဘိအဖွဲ့က ၀င်ပြီး ပစ်ခတ်တာကတော့ မှန်တယ်။ ဒါပေမဲ့ ရန်သူ့တပ်ရင်းနံပါတ် အတိအကျနဲ့ နှစ်ဖက်ထိခိုက်မှုကိုကျတော့ ကျနော်တို့ အသေး စိတ် မသိရသေးဘူး။”ဟု ပြောသည်။

ထို့အပြင် ဗိုလ်မှူးစောဘိက နယ်စပ်ဒေသရှိ ၎င်း၏လက်အောက်ခံ BGF တပ်ဖွဲ့ဝင်များအားလုံးကို စစ်ရေးပြင်ဆင်မှု အသင့်အနေ အထားတွင် လုပ်ဆောင်ထားရန် ညွှန်ကြားလိုက်သည်ဟု နယ်စပ်ဒေသမှ စစ်ဘက်ဆိုင်ရာ သတင်းရပ်ကွက်အရ သိရသည်။

ဗိုလ်မှူးစောဘိ ဦးဆောင်သည့် နယ်ခြားစောင့်တပ်(BGF) တပ်ရင်း(၁၀၁၁)၊ (၁၀၁၂)၊ (၁၀၁၃)နှင့် (၁၀၁၄)များမှ အင်အား ၁,၀၀၀ ကျော်သည် မေလအတွင်း မြိုင်ကြီးငူဒေသကို ၀င်ရောက်စီးနင်းသိမ်းပိုက်ခဲ့ပြီးနောက် မေလ ၂၄ရက်နေ့မှစ၍ ဒီကေဘီအေတံဆိပ် ကို ပြန်လည် တပ်ဆင်လိုက်သလို ကေအဲန်အယ်လ်အေ တပ်မဟာ(၇)တို့နှင့် ပြန်လည် လက်တွဲခဲ့ပြီးဖြစ်ကြောင်း ကေအဲန်အယ်လ် အေ တပ်မဟာ(၇)မှူး ဗိုလ်မှူးချုပ်စောဂျော်နီက ကေအိုင်စီကို ပြောခဲ့သည်။

နောက်ဆုံးရရှိသည့် သတင်းအရ ယနေ့မနက် ၉နာရီအချိန်တွင် ရတခတိုင်းမှူး ဗိုလ်မှူးချုပ်ထွန်းနေလင်းက အရှေ့တောင်တိုင်းစစ် ဌာနချုပ် ကွပ်ကဲမှုအောက်ရှိ ရှေ့တန်း၊ နောက်တန်းမှ တပ်ရင်းတပ်ဖွဲ့များအားလုံးကို တပ်လှန့်ထားပြီး လက်နက်ကြီး ၂လက်ပါ တပ်စိတ်အင်အား ၂၀ကျော် ထုတ်ယူကာ နောက်တန်းကျန် စစ်သည်အင်အားများကိုလည်း တပ်ရင်းမှူးများကိုယ်တိုင် ပေးပို့တင်ပြ ရန် ညွှန်ကြားထားသည်ဟု စစ်ဘက်ဆိုင်ရာ သတင်းရပ်ကွက်အရ သိရသည်။

အစိုးရနှင့် KIO တိုက်ပွဲရပ်ရေး ညှိနှိုင်းအဖွဲ့ဖွဲ့

ဖနိဒါ | ဗုဒ္ဓဟူးနေ့၊ ဇွန်လ ၂၉ ရက် ၂၀၁၁ ခုနှစ် ၂၀ နာရီ ၁၂ မိနစ်

ချင်းမိုင် (မဇ္ဈိမ) ။ ။ မြန်မာအစိုးရနှင့် ကချင်လွတ်မြောက်ရေးအဖွဲ့ KIO အကြား တိုက်ပွဲများ အဆုံးသတ်ရန် ကြားဝင်ပေးမည့် “ငြိမ်းချမ်းတည်ငြိမ်ရေးနှင့် ညှိနှိုင်းရေးအဖွဲ့” အား ကချင်ပြည်နယ် ဝန်ကြီးချုပ်က ယခုတပတ် ၂၇ ရက်နေ့တွင် ဖွဲ့စည်းပေးလိုက်သည်။

ကချင်အမျိုးသား အတိုင်ပင်ခံ ဥက္ကဋ္ဌ ဦးဆင်ဝါးနော်၊ စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် UDPKS အမျိုးသား လွှတ်တော် ဦးခက်ထိန်နန်၊ နယ်စပ်ဒေသ လုံခြုံရေးနှင့် ဖွံ့ဖြိုးရေးဝန်ကြီး ဗိုလ်မှူးကြီးသန်းအောင်၊ မြောက်ပိုင်းတိုင်း စစ်ဌာနချုပ် ပထမတန်း စစ်ဆင်ရေး ဗိုလ်မှူးကြီးထွန်းထွန်းအုန်းနှင့် စစ်ဘက်ရေးရာ စုံစမ်းစစ်ဆေးရေးဌာန ဗိုလ်မှူးနိုင်လင်းတို့ ၅ ဦးဖြင့် ဖြစ်သည်။

“အခုလောလောဆယ် အပစ်အခတ်ရပ်စဲဖို့ပဲ။ အဲဒီကနေ နောက်တဆင့်က နိုင်ငံရေး စားပွဲပေါ်သို့ ဆွေးနွေး ညှိနှိုင်းရေး လုပ်မယ်။ မနက်ဖြန်ကနေ စလုပ်တော့မယ်” ဟု ဦးဆင်ဝါးနော်က မဇ္ဈိမကို ပြောသည်။

နှစ်ဘက်တိုက်ပွဲများ ဖြစ်နေစဉ် ဇွန် ၁၇ ရက်တွင် ကချင်ပြည်နယ် ပြည်သူ့လွှတ်တော်အမတ် ဦးသိန်းဇော် (ကြံ့ခိုင်ဖွံ့ဖြိုးရေး ပါတီ၊ မြစ်ကြီးနား) က ကိုယ်စားလှယ် ၄ ဦးမှတဆင့် KIO ကို အပစ်ရပ်စဲရန် ကမ်းလှမ်းခဲ့ရာ အစိုးရထံမှ အပစ်ရပ်စဲကြောင်း အထောက်အထား စာရွက်စာတမ်း မရရှိသဖြင့် KIO က ပယ်ချခဲ့သည်။ ထို့အပြင် ၁၉ ရက်နေ့တွင် KIO က အစိုးရဘက်မှ အပစ်ရပ်ကြောင်း အထောက်အထားပြရန် စာပြန်ခဲ့သေးသည်။

ယခုအခါ KIO တပ်ဖွဲ့များဘက်မှ မပစ်ခတ်မချင်း မိမိတပ်မတော်က မပစ်ခတ်ရန် သက်သေ အထောက်အထားကိုပါ မနက်ဖြန်တွင် သွားရောက်ပေးပို့မည်ဟု ဦးဆင်ဝါးနော်က ဆိုလာသည်။

“ဦးသိန်းဇော်ပို့တဲ့ပေးတဲ့စာ ပြန်မရောက်သေးပေမဲ့ အပစ်အခတ်ရပ်ဖို့ အစိုးရဘက်က အရင်လုပ်ပြီဆိုတဲ့ မနက်ဖြန် သွားမယ်” ဟု သူက ပြောသည်။ မနက်ဖြန် ကြာသပတေးနေ့တွင် မြစ်ကြီးနား-လိုင်ဇာ ကားလမ်းရှိ လဂျားယန်၌ နှစ်ဖက် တွေ့ဆုံမည်ဟု ဆိုသည်။ သို့သော် စာပါအကြောင်းအရာများကို ပြောဆိုခြင်း မပြုပါ။

သူက ဆက်ပြီး “ဒါက နှစ်ဘက် အပေးအယူရှိရင်တော့ အောင်မြင်မှာပဲ။ အပေးအယူ မရှိဘူးဆိုရင်တော့ မအောင်မြင်ဘူး။ အပေးအယူ ဆိုတာက KIO တောင်းဆိုတာကို အစိုးရဘက်ကလည်း စဉ်းစားပေးဖို့၊ အစိုးရ ပြောတာလည်း KIO ဘက်က တချို့ လက်ခံဖို့ပေါ့” ဟု သူက ဆိုသည်။

KIO ကမူ ယခုကိုယ်စားလှယ် ၅ ဦး၏ ဆွေးနွေးတင်ပြချက်အပေါ် မူတည်ပြီး ဆုံးဖြတ်မည်ဖြစ်ကာ၊ ယခုထိ တရားဝင် အကြောင်းကြားလာခြင်း မရှိသေးကြောင်း တွဲဘက်အတွင်းရေးမှူး ဦးလနန်က ပြောသည်။

‘‘သူတို့တွေ့မယ်ဆိုရင် တွေ့မယ်၊ သူတို့ ဘာပြောတယ်ဆိုတာ နားထောင်ကြည့်မယ်။ သူတို့ဘက်က ဘာရည်ရွယ်ချက် ရှိတယ်ဆိုတာ နားထောင်ကြည့်မယ်။ ပြီးတော့မှ ဆုံးဖြတ်မယ်’’ ဟု သူက ဆိုသည်။

နှစ်ဘက်ကြား ဆက်စပ်ဆွေးနွေးရန် ပြင်ဆင်နေချိန် တရုတ်-မြန်မာနယ်စပ် ရှမ်းပြည်နယ် မူဆယ်နယ်စပ် အလယ်ဂိတ်မှ မြန်မာအစိုးရ စစ်သား အနည်းဆုံး ၄ဝ ခန့်သည် တရုတ်နိုင်ငံသို့ ဗုဒ္ဓဟူးနေ့ နေ့လည် ၁ နာရီခွဲခန့်တွင် ဝင်ရောက်သွားကြောင်း ကိုယ်တိုင်တွေ့ရှိသူ မူဆယ်မြို့ခံ ကုန်သည်တဦးက ပြောသည်။

ယခုရက်ပိုင်းအတွင်း မြန်မာပြည်သို့ သယ်ဆောင်မည့် တရုတ်စစ်ကားသစ်များလည်း ရွှေလီနှင့် ကျယ်ဂေါင်မြို့ ကားကြီးဝင်းများ၌ ရောက်ရှိလာသဖြင့် ထိုကားများကို မောင်းယူရန် လာရောက်ခြင်း ဖြစ်နိုင်ကြောင်း ရွှေလီရောက် မြန်မာတဦးက ပြောသည်။

“စစ်ကားတွေက ရွှေလီနေရာအနှံ့ပါပဲ။ အဓိကတော့ ရွှေလီမြို့ထဲ၊ ကျယ်ဂေါင်ကားကြီးဝင်းတွေမှာ ဝင်သွားတာ မနေ့ကတောင် တွေ့လိုက်တယ်။ ထန်ဆန်းရပ်ကွက်ထဲမှာ ထန်ဆန်းလမ်းပေါ် ဗမာလိုဆို သကြားစက်လမ်းပေါ့။ အဲဒီမှာ ကျနော်တွေ့တုံးက ၁ဝ စင်း ကျော်တယ်။ ဒီထက်မကဘူးတဲ၊့ ကျနော် တခြားလူတွေကို မေးကြည့်သေးတယ်။ ၃ ရက်၊၂ ရက် လောက်ရှိပြီ” ဟု မဇ္စျိမကို ပြောသည်။

ဂျပန်နိုင်ငံ HOWO ကုမ္ပဏီ Sino truck ကား အမျိုးအစားဖြစ်ပြီး ယခုတပတ်အတွင်း ဆက်တိုက် ဝင်လာသည်ဟု သူက ဆိုသည်။

ဗဟိုချုပ်ကိုင်မှု ပြန်ကျင့်သုံးပြီ

ခင်ဦးသာ Thursday, 30 June 2011 17:50

ပြည်နယ်၊ တိုင်း အစိုးရအဖွဲ့၏ လုပ်ပိုင်ခွင့်အာဏာ များအား ပြည်ထောင်စုအစိုးရ (ဗဟိုအစိုးရ) က ပြန်လည် ချုပ်ကိုင်တော့ မည် ဖြစ်ကြောင်း ပြည်နယ်၊ တိုင်းဒေသကြီးများ၏ လွှတ်တော် ကိုယ်စားလှယ်များထံမှ သိရသည်။
သမ္မတ ဦးသိန်းစိန် ခေါင်းဆောင်သော အစိုးရသစ်အဖွဲ့ တာဝန်ယူပြီး ရက် ၉၀ ပြည့်မြောက်ချိန်တွင် ကျင်းပသော ပြည်နယ်၊ တိုင်း လွှတ်တော်များ၏ အထူးအစည်းအဝေးများ အပြီး ၎င်းအစီအစဉ် ဖြစ်ပေါ်လာခြင်း ဖြစ်သည်။

“ရန်ကုန်တိုင်း အစိုးရ အဖွဲ့ဆိုရင် စီးပွားရေးဌာနက လွဲလို့ ကျန်တဲ့ဌာန လုပ်ပိုင်ခွင့်တွေ အကုန်လုံးကို နေပြည်တော်က တိုက်ရိုက် လုပ်ဆောင်တော့မယ့်အနေအထား ဖြစ်သွားပါပြီ” ဟု ဒီမိုကရက်တစ်ပါတီ (မြန်မာ) ၏ ရန်ကုန်တိုင်းဒေသကြီး လွှတ်တော် ကိုယ်စားလှယ် ဒေါက်တာ ညိုညိုသင်းက ဧရာဝတီကို ပြောသည်။

ရန်ကုန်တိုင်း ၀န်ကြီးဌာနများတွင် စီမံကိန်းနှင့် စီးပွားရေးဝန်ကြီးဌာနမှ အပ ကျန် ၀န်ကြီးဌာနများကို ဗဟိုမှ ချုပ်ကိုင်သည့် စနစ်ဖြင့် ဆောင်ရွက်သွားနိုင်သည်ဟု သူက ဆိုသည်။

နိုင်ငံခြားရေးဝန်ကြီးဌာနမှာ ရန်ကုန်တိုင်းတွင် ပထမပိုင်း၌ ပါရှိခဲ့သော်လည်း ယခုမပါရှိတော့ပေ။ ရန်ကုန်တိုင်းရှိ ဝန်ကြီးဌာန ၉ ခုမှာ လုံခြုံရေးနှင့် နယ်စပ်ရေးရာ၊ စည်ပင်သာယာရေး၊ ဘဏ္ဍာအခွန်၊ စိုက်ပျိုးရေးနှင့်မွေးမြူရေး၊ စီမံကိန်းနှင့် စီးပွားရေး၊ လမ်းပန်းဆက်သွယ်ရေး၊ လျှပ်စစ်နှင့် စက်မှုလက်မှု၊ လူမှုရေး ၀န်ကြီးဌာန၊ သစ်တောနှင့် စွမ်းအင် ဝန်ကြီးဌာနတို့ဖြစ်သည်။

၂၀၀၈ ဖွဲ့စည်းပုံအရ ပြည်နယ်၊ တိုင်းအစိုးရ အဖွဲ့များ ပေါ်ပေါက်လာပြီးနောက် လုပ်ပိုင်ခွင့်တချို့ ရခဲ့သော်လည်း ထိရောက်သော လုပ်ဆောင်နိုင်မှု မရှိ၍ ဗဟိုမှ ချုပ်ကိုင်သည့် စနစ် ပေါ်ပေါက်လာခြင်း ဖြစ်ကြောင်း လွှတ်တော် ကိုယ်စားလှယ်တချို့က ဆိုသည်။

ဇွန်လ ၂၉ ရက်နေ့တွင် ကချင်ပြည်နယ် လွှတ်တော် ကျင်းပခဲ့ပြီးနောက် ကချင်ပြည်နယ်၏ ၀န်ကြီးဌာန အပြောင်းအလဲနှင့် ၀န်ကြီးအသစ် ခန့်အပ်ခြင်းကို သမ္မတ ဦးသိန်းစိန်၏ အမိန့်ဖြင့် ပြုလုပ်ခဲ့ကြောင်း ယနေ့ထုတ်အစိုးရ သတင်းစာများ၌ ရေးသားထားသည်။

တခြားသော ပြည်နယ်၊ တိုင်း လွှတ်တော် အစည်းအဝေးများအား ဇွန် ၂၉၊ ၃၀ ရက်များ၌ ဆက်လက်ကျင်းပကာ ၀န်ကြီးဌာန အများအပြား၏ အမည်များကို ပြောင်းလဲမှု လုပ်ဆောင်ခဲ့သည်။

“အရင်လိုပဲ ၀န်ကြီးဌာန ၉ ခုရှိပေမယ့် စစ်တပ်ကိုယ်စားလှယ် ကိုင်ထားတဲ့ နယ်စပ်ရေးရာလို ဌာနပဲ မပြောင်းလဲတာပါ။ အစည်းအဝေးက ၇ မိနစ်လောက်ပဲ ကြာပါတယ်” ဟု ရခိုင် တိုင်းရင်းသားများ တိုးတက်ရေးပါတီ (RNDP) ၏ ပြည်နယ် လွှတ်တော် ကိုယ်စားလှယ် ဦးအောင်မြကျော်က ပြောသည်။

ဝန်ကြီးဌာန အပြောင်းအလဲ လုပ်ခြင်းသည် အရာအားလုံးနီးပါးကို ဗဟိုမှ ပြန်လည် ချုပ်ကိုင်ထားလိုသည့် သဘောကြောင့်ဟု ထင်မြင်ကြောင်း၊ လက်ရှိ တာဝန်ထမ်းဆောင်နေသော အစိုးရအဖွဲ့ဝန်ကြီး များ၏ လုပ်ဆောင်ချက် အားနည်းခြင်း ရှိသကဲ့သို့ လုပ်ဆောင်နိုင်မှု တချို့လည်း ရှိကြောင်း ကိုယ်စားလှယ်များက ဆိုသည်။

“ရန်ကုန်အစိုးရ အဖွဲ့ထဲမှာတော့ အပြောင်းအလဲ တချို့ တွေ့ရပါတယ်။ ဥပမာ - စည်ပင်ဝန်ကြီး ဆိုရင် အမှိုက်သိမ်းတာတွေ၊ မြောင်းဖောက်တာတွေ ပိုလုပ်လာတယ်။ မြို့တော်ခန်းမကြီးလည်း ပြန်ပြီးတော့ ဆေးသုပ်ထားတာ တွေ့ရတယ်” ဟု ဒေါက်တာ ညိုညိုသင်းက ပြောသည်။

ရန်ကုန်တိုင်း၌ ပညာရေးဝန်ထမ်း တချို့၏ လာဘ်ပေး၊ လာဘ်ယူမှုကိစ္စတွင်လည်း အပြောင်းအလဲ တချို့ ဖြစ်သွား သေးကြောင်း ၎င်းက ဆိုသည်။

ရခိုင်ပြည်နယ်၊ မွန်ပြည်နယ် အစိုးရအဖွဲ့တို့၏ လုပ်ဆောင်ချက်များသည် ၃ လ ပြည့်မြောက်သည့်တိုင် အပြောင်းအလဲ မတွေ့ရသေးကြောင်း ဒေသခံ နိုင်ငံရေး ခေါင်းဆောင်များ၏ ပြောပြချက်အရ သိရသည်။

“အရင်လူတွေ လုပ်ခဲ့တာကို ဆက်ပြီးသွားနေတဲ့ သဘောပါ။ လက်ရှိဝန်ကြီးတွေကိုယ်တိုင် လုပ်လို့ ပြောင်းလဲလာတာ ဘာမှမတွေ့ ရသေးဘူး။ ဗဟိုကချုပ်ကိုင်ထားပြီး ဖွဲ့စည်းပုံမှာလည်းပဲ ပြည်နယ်၊ တိုင်း အစိုးရတွေရဲ့ လုပ်ပိုင်ခွင့်တွေ ပေးမထားတော့ သိပ်ပြီးတော့ လုပ်ရဲ ကိုင်ရဲတဲ့ သတ္တိတွေမရှိကြဘူး” ဟု မွန်ဒေသလုံးဆိုင်ရာ ဒီမိုကရေစီ ပါတီ၏ ဥက္ကဋ္ဌ ဦးနိုင်ငွေသိန်းက ဧရာဝတီကို ပြောသည်။

ပြည်နယ်၊ တိုင်း အစိုးရများအနေဖြင့် ဗဟိုမှ လမ်းညွှန်မှု ပေးခြင်းကို စောင့်နေရန် မလိုဘဲ လုပ်ဆောင်စရာ ရှိသည်ကို တာဝန်ယူမှု ရှိရှိဖြင့် လုပ်ဆောင်သွားရန် တာဝန်အပြည့် ပေးအပ်သည်ဟု သမ္မတဦးသိန်းစိန်က ပြည်နယ်၊ တိုင်း အစိုးရအဖွဲ့ဝင်များနှင့် ဧပြီလအတွင်း တွေ့ဆုံရာ၌ ပြောဆိုခဲ့သည်။

“အထက်က အမိန့်ပေး စနစ်နဲ့ သွားတာမျိုး မဟုတ်ဘဲ၊ အောက်ခြေက တာဝန်ယူမှုရှိပြီး အောက်ကအပေါ်ကို လာတဲ့စနစ်နဲ့ သွားကြဖို့၊ ရဲရဲဝံ့ဝံ့ တာဝန်ယူ လုပ်ဆောင်ကြဖို့ လိုတယ်” ဟု ဦးသိန်းစိန်က ပြောဆိုခဲ့ခြင်း ဖြစ်သည်။

နိုင်ငံရေး ခေါင်းဆောင်တချို့ကမူ သမ္မတဦးသိန်းစိန်၏ စကားသည် ၀ါဒဖြန့်ရန်အတွက် အပြောသက်သက် လုပ်ဆောင် ခြင်းသာ ဖြစ်သည်ဟု တုန့်ပြန်ပြောဆိုကြသည်။

၂၀၀၈ ဖွဲ့စည်းပုံအခြေခံဥပဒေအရ ပေါ်ပေါက်လာသော လက်ရှိအစိုးရ ကျင့်သုံးနေသည့် စနစ်သည် ဖက်ဒရယ် ပြည်ထောင်စု စနစ် မဟုတ်သည့်အတွက် ပြည်နယ်၊ တိုင်းအစိုးရ၏ လုပ်ပိုင်ခွင့်အား ဗဟိုမှ ပြန်လည်ချုပ်ကိုင်ခြင်းမှာ အထူးအဆန်း မဟုတ်ဟု ပြည်သူ့လွှတ်တော် ကိုယ်စားပြုကော်မတီ (CRPP) ၏ အတွင်းရေးမှူး ဦးအေးသာအောင်က ဆိုသည်။

သမ္မတ ဦးသိန်းစိန်သည် လက်ရှိအာဏာရပါတီဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) မှ သမ္မတ ဖြစ်လာ၍ ပြည်နယ်၊ တိုင်းအစိုးရ အဖွဲ့ကိုလည်း ၎င်းစိတ်ကြိုက် ခန့်ထားခြင်းသာ ဖြစ်သည်ဟု ဦးအေးသာအောင်က ဆက်ပြောသည်။

ရန်ကုန်တိုင်းအစိုးရအဖွဲ့၌ ၀န်ကြီးဌာန ၉ နေရာတွင် ကြံ့ဖွံ့ပါတီက ၀န်ကြီးဌာန ၈ နေရာ ရရှိထားပြီး တိုင်းရင်းသား စည်းလုံး ညီညွတ်ရေးပါတီ (တစည) က ၁ နေရာ ရရှိထားကြောင်း ဒေါက်တာ ညိုညိုသင်းက ဆိုသည်။