ဒီနေ့ဖတ်စရာ သတင်းများ (မေလ ၁၈ ရက်)

- လွတ်ငြိမ်းချမ်းသာခွင့်အမိန့် ပြည်တွင်း ပြည်ပ ရှုတ်ချ
- အကျဉ်းသား သောင်းကျော်လွှတ်သော်လည်း နိုင်ငံရေးအကျဉ်းသား နည်းပါး
- မြန်မာအပေါ် အမေရိကန် စီးပွားရေးပိတ်ဆို့မှု တနှစ်သက်တမ်းတိုး
- ရန်ကုန်အစိုးရ သတင်းစာရှင်းလင်းပွဲ ရုပ်သံရိုက်ခွင့်ပိတ်
- ကျိုက်ဒုံမြို့နယ်ခွဲ ပစ်ခတ်မှု အရပ်သား ၃ ဦး သေဆုံး၊ ၈ ဦး ထိခိုက်ဒဏ်ရာရရှိ
- မုဒုံ ဗုံးကွဲအပြီး လုံခြုံရေးကျပ်
- NLD သတင်းစာသင်တန်းဖွင့်
- နိုင်ငံရေး အကျဉ်းသားတွေ လွတ်ဖို့ လုပ်သွားမယ် - ဇေယျာသော်
- လွတ်ငြိမ်းချမ်းသာခွင့်ပြုခြင်းအမိန့်အပေါ် နိုင်ငံရေးအကျဉ်းသားမိသားစုနှင့် ပြည်သူလူထုမကျေနပ်ကြ
- ပါကစ္စတန်နဲ့ နေတိုး ရဟတ်ယာဉ်တွေ အပြန်အလှန် ပစ်ခတ်
- မြန်မာအစိုးရ၏လွတ်ငြိမ်းခွင့် ကုလ အထူးကိုယ်စားလှယ် စိတ်ပျက်
- လျှော့ပေါ့ထောင်ဒဏ်တွင် ဦးခင်ညွန့် အကျုံးမဝင်
- နိုင်ငံရေးဆိုတာ လုပ်သင့်တယ် ဆိုတဲ့ ဇေယျာသော်

လွတ်ငြိမ်းချမ်းသာခွင့်အမိန့် ပြည်တွင်း ပြည်ပ ရှုတ်ချ

2011-05-17 RFA

ဦးသိန်းစိန်အစိုးရ မနေ့က ရက်စွဲနဲ့ ထုတ်ပြန်လိုက်တဲ့ လွတ်ငြိမ်းချမ်းသာခွင့် အမိန့်ဟာ နိုင်ငံရေး အကျဉ်းသား ၂၂၀၀ ကျော်ကို လွှတ်ပေးဖို့ ပြည်တွင်း ပြည်ပက အစဉ်တစိုက် တောင်းဆိုနေတာကို လုံးဝ ဥပေက္ခာပြုတဲ့ လုပ်ရပ် အဖြစ် အထင်အရှား သက်သေပြလိုက်တာ ဖြစ်တယ်လို့ မြန်မာ့အရေး ကြိုးပမ်းနေတဲ့ ပြည်တွင်း ပြည်ပ အဖွဲ့အစည်းတွေက အလျင်အမြန် ပြစ်တင် ရှုတ်ချလိုက်ကြပါတယ်။

အကျဉ်းသားများ၏ မိသားစုဝင်တဦး မေလ ၁၇ ရက်နေ့က ရန်ကုန်မြို့ အင်းစိန်ထောင်ရှေ့တွင် စောင့်နေပုံ ဖြစ်ပါသည်။ အကျဉ်းသားအားလုံးကို ထောင်ဒဏ်တနှစ်စီ လျှော့ပေါ့ပေးပြီး အင်္ဂါနေ့မှစပြီး အကျဉ်းသား ၁၇ ၀၀၀ ကို စတင် လွှတ်ပေးနေကြောင်း ဦးသိန်စိန် အစိုးရက ကြေငြာခဲ့ပြီး သော်လည်း နိုင်ငံရေး အကျဉ်းသား ၂၀၀၀ ကျော် အကျဉ်းထောင်တွင်း ကျန်ရှိနေသေးသည့်အပေါ် ပြည်တွင်းပြည်ပ အဖွဲအစည်းများက ပြင်းပြင်းထန်ထန် ရှုတ်ချခဲ့ကြသည်။

၂၀၀၇ ခုနှစ် ရွှေဝါရောင် တော်လှန်ရေးကို ဦးဆောင်ခဲ့တဲ့ မြန်မာ နိုင်ငံလုံးဆိုင်ရာ သံဃာ့ တပ်ပေါင်းစု အဖွဲ့ကြီးရဲ့ လက်ရှိ ပြောခွင့်ရ ဆရာတော် ဦးဓမ္မသီရိက- "နိုင်ငံရေး အကျဉ်းသားတွေကို အရင်လိုဘဲ တယောက်စ နှစ်ယောက်စ လွှတ်ပေးမယ်ဆိုရင် ဦးဇင်းတို့ကတော့ ပြင်းပြင်းထန်ထန်ကို ရှုတ်ချမယ်။ ဒီမိုကရေစီ ရရှိရေး တိုက်ပွဲကို ပြင်းပြင်းထန်ထန် တိုက်ခိုက်ဖို့အတွက် ပြင်ဆင်ရလိမ့်မယ်။

ဘာဖြစ်လို့လည်းဆိုတော့ ဦးဇင်းတို့ဖက်က အနှစ် ၂၀ ကျော် တောင်းဆိုလာခဲ့ပြီးပြီ။ ဘာတခုမှ ရမလာဘူး။ ဒီတခါလည်းဘဲ ဒီလို စစ်အာဏာရှင် ပုံစံနဲ့ဘဲ လုပ်နေမယ်ဆိုရင် ဒီမိုကရေစီ ရရှိရေး အတွက် ဦးဇင်းတို့က ပုံစံသစ် နည်းသစ်တွေနဲ့ ပြင်ဆင်ရလိမ့်မယ်လို့ ဦးဇင်းပြောချင်တယ်။

" NCGUB ပြည်ထောင်စု မြန်မာနိုင်ငံ အဝေးရောက် အမျိုးသား ညွန့်ပေါင်း အစိုးရ ၀န်ကြီးချုပ် ဒေါက်တာ ဦးစိန်ဝင်းက ဦးသိန်းစိန် အစိုးရရဲ့ အခု လုပ်ရပ်ဟာ တွေ့ဆုံ ဆွေးနွေးရေးကို တံခါးပိတ်လိုက်တာ ဖြစ်တယ်လို့ ပြောပါတယ်။ "အမျိုးသား ပြန်လည်သင့်မြတ်ရေးကို ကျောခိုင်းတာဘဲ။ ဘာဖြစ်လို့လည်း ဆိုတော့ နိုင်ငံရေးအကျဉ်းသားတွေ ယုံကြည်ချက်ကြောင့် အကျဉ်းကျခံရသူတွေမှာ ဘာအပစ်မှ မရှိဘူး။ ဒါကို အခုလို မတရား ပစ်ဒဏ်ပေးထားတာကို လွှတ်ကို လွှတ်ရမှာ။ တနှစ်လျှော့တာတို့ ဘာတို့ ကျတော်တို့ လုံးဝ လက်မခံဘူး။ ဒါကို ပြသခြင်းအားဖြင့် သူတို့ ဘယ်လိုဘဲ ချိုချိုသာသာ ပြောနေနေ သူတို့ရဲ့ တကယ့် ရုပ်သဏ္ဌာန်ကို ပြနေတာဘဲ။

" အခု ထုတ်ပြန်လိုက်တဲ့ လွတ်ငြိမ်း ချမ်းသာခွင့် အမိန့်အရ သေဒဏ် ချမှတ်ခံထားရသူတွေဟာ ထောင်ဒဏ် တသက်ကို ပြောင်းလဲကျခံရမှာ ဖြစ်ပြီး၊ ထောင်ဒဏ် ကျခံနေရသူတွေ အနေနဲ့ ပုံမှန်ရရှိတဲ့ လျှော့ရက်အပြင် ပြစ်ဒဏ် တနှစ် လျှော့ပေါ့ခွင့် ရရှိမယ်လို့ ဆိုပါတယ်။ မြန်မာနိုင်ငံမှာ လွတ်လပ်ရေး ရရှိပြီးချိန်က စလို့ အစိုးရ အဆက်ဆက် ထုတ်ပြန်ခဲ့တဲ့ လွတ်ငြိမ်း ချမ်းသာခွင့်တွေ အရ နိုင်ငံရေး အကျဉ်းသား အားလုံး နီးပါး လွှတ်ပေးတဲ့ အစဉ်အလာတွေ ရှိခဲ့ဖူးပါတယ်။

မနေ့က ထုတ်ပြန်လိုက်တဲ့ လွတ်ငြိမ်း ချမ်းသာခွင့် အမိန့် အရ အရက်မှု၊ ဖဲမှု၊ နှစ်လုံး ချဲထီမှု၊ ရာဇ၀တ်မှုနဲ့ နှစ်တို ထောင်ကျခံရသူတွေ အများစု လွတ်မြောက်ဖွယ် ရှိပြီး၊ နိုင်ငံရေး အကျဉ်းသားတွေ ကတော့ မဆိုစလောက် အနည်းအကျဉ်းဘဲ ပါဝင်နိုင်တယ်လို့ ရန်ကုန်မြို့က ဥပဒေ ပညာရှင် ဦးအောင်သိန်းက ပြောပါတယ်။ နိုင်ငံရေး အကျဉ်းသားတွေ လွှတ်ပေးရေးနဲ့ ပတ်သက်လို့ အမေရိကန် နိုင်ငံခြားရေး ၀န်ကြီးဌာနမှာ မနေ့က ပြုလုပ်တဲ့ သတင်းစာ ရှင်းလင်းပွဲမှာ ပြောခွင့်ရပုဂ္ဂိုလ် Mark Toner က- မြန်မာနိုင်ငံက နိုင်ငံရေးအကျဉ်းသားတွေအားလုံးကို ချွင်းချက်မထားဘဲ အမြန်ဆုံး လွှတ်ပေးဖို့ အမေရိကန် အစိုးရအနေနဲ့ ထပ်မံတောင်းဆိုလိုက်ကြောင်း ပြောပါတယ်။

ဒီအတောအတွင်း သမ္မတ ဦးသိန်းစိန် အစိုးရ ထုတ်ပြန်လိုက်တဲ့ လွတ်ငြိမ်း ချမ်းသာခွင့် အမိန့်ကို မြန်မာ့ အရေး ဆောင်ရွက်နေတဲ့ နိုင်ငံတကာ အဖွဲ့အစည်းတွေ ကလည်း ကြေညာချက်တွေ ထုတ်ပြန်ပြီး ပြင်းပြင်း ထန်ထန် ဆန့်ကျင် ရှုပ်ချ လိုက်ကြပါတယ်။ အမေရိကန် အခြေစိုက် USCB မြန်မာ့အရေး ဆောင်ရွက်မှုအဖွဲ့ရဲ့ အမှုဆောင် ညွှန်ကြားရေးမှူး ဦးအောင်ဒင်က ဦးသိန်းစိန် အစိုးရရဲ့ အခုလုပ်ရပ်ဟာ ယခင် စစ်အစိုးရလမ်းစဉ် အတိုင်း နိုင်ငံကို ဆက်လက် အုပ်ချုပ်သွားမယ် ဆိုတဲ့ ဇာတိရုပ် အမှန်ကို ဖော်ပြလိုက်တာ ဖြစ်တယ်လို့ ပြောပါတယ်။

အလားတူ နယူးယောက်မြို့ အခြေစိုက် HRW လူ့အခွင့်အရေး စောင့်ကြည့်ရေးအဖွဲ့က အကျဉ်းသားတွေကို ထောင်ဒဏ် တနှစ်လျှော့ပေးဖို့ ဆုံးဖြတ်လိုက်တဲ့ မြန်မာအစိုးရရဲ့ လုပ်ရပ်ဟာ နိုင်ငံရေး အကျဉ်းသားတွေ အားလုံး လွှတ်ဖို့ ပြီးခဲ့တဲ့ရက်ပိုင်း အတွင်း တောင်းဆိုခဲ့တဲ့ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် မစ္စတာ နမ်ဘီးယာကို ပျက်ရယ်ပြု စော်ကားလိုက်တာဘဲလို့ ကြေညာချက် ထုတ်ပြန်ပါတယ်။

ဒီအတောအတွင်း ဗြိတိန်နိုင်ငံ အခြေစိုက် Burma Campaign-UK အဖွဲ့ကလည်း နိုင်ငံရေး အကျဉ်းသား အမြောက်အများ လွှတ်မပေးတဲ့ လုပ်ရပ်ဟာ ဦးသိန်းစိန်ဟာ ဦးသန်းရွှေထက် ပိုဆိုးနေသလားဆိုပြီး မနေ့က ကြေညာချက် ထုတ်ပြန် ပါတယ်။ သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်အမိန့်နဲ့ ပတ်သက်လို့ ရန်ကုန်မြို့က ဥပဒေပညာရှင် ရှေ့နေကြီး ဦးအောင်သိန်းကို RFA အဖွဲ့သားကိုကျော်ကျော်အောင် ဆက်သွယ် မေးမြန်းထားတာ နားဆင်နိုင်ပါတယ်။

အကျဉ်းသား သောင်းကျော်လွှတ်သော်လည်း နိုင်ငံရေးအကျဉ်းသား နည်းပါး

2011-05-17 RFA

ဦးသိန်းစိန် အစိုးရ ထုတ်ပြန်လိုက်တဲ့ လွတ်ငြိမ်းသက်သာခွင့် အမိန့်အရ လွတ်မြောက်လာသူ အကျဉ်းသား တသောင်းခွဲလောက် ရှိတယ်လို့ ပြောဆိုနေပေမဲ့ ဒီအမိန့်ကြောင့် လွတ်ရက်စေ့ပြီး လွတ်လာမဲ့ နိုင်ငံရေးအကျဉ်းသား ၄၀ အောက်ပဲ ရှိနိုင်တယ်လို့ သုံးသပ်သူတွေက ပြောဆိုနေပါတယ်။

အကျဉ်းဦးစီးဌာန ညွန်ကြားရေးမှူးချုပ် ဦးဇော်ဝင်းရဲ့ ပြောဆိုချက်အရ ဒီကနေ့ မြန်မာနိုင်ငံတဝန်းက လွတ်မြောက်သူ အကျဉ်းသား ၂,၁၆၆ ဦး ရှိတယ်လို့ AP သတင်းတရပ်မှာ ဖော်ပြထားပါတယ်။ ဒီကနေ့ မနက်ပိုင်းမှာ အင်းစိန်ထောင်က နှစ်သုတ်ခွဲပြီး အကျဉ်းသား တထောင်ကျော်လောက် လွှတ်လိုက်တယ်လို့ စောင့်ကြည့်နေသူတွေက ပြောပါတယ်။

အခုထိ အင်းစိန်ထောင်က လွတ်လာသူတွေထဲမှာ ပါဝင်တဲ့ နိုင်ငံရေးအကျဉ်းသားက ၆ ဦး ပဲ ရှိတယ်လို့ သိရပါတယ်။ မြန်မာတနိုင်ငံလုံးမှာ ဒီကနေ့ လွတ်ရက်စေ့ပြီး လွတ်လာသူ နိုင်ငံရေး အကျဉ်းသား ၁၃ ဦးလောက် ရှိမယ်လို့ ဒီနေ့ မနက်ပိုင်းက ခန့်မှန်းကြပါတယ်။ NLD ပါတီပြောခွင့်ရ ဦးဉာဏ်ဝင်းနဲ့ ၈၈ မျိုးဆက်ကျောင်းသား ခေါင်းဆောင်တဦးဖြစ်တဲ့ ကိုထွန်းမြင့်အောင်တို့က သူတို့ ရရှိထားတဲ့ လွတ်မြောက်လာသူ နိုင်ငံရေး အကျဉ်းသားတွေအကြောင်း အခုလို ပြောပြပါတယ်။

ဦးဉာဏ်ဝင်း။ ။ “သိရသလောက်တော့ မြစ်ကြီးနားထောင်က သာကေတ ဦးအောင်မြင့်ဆိုတာ လွတ်တယ်တဲ့၊ သူတို့ အကြောင်းကြားတယ်။ နောက် တောင်ငူထောင်က နော်အုန်းလှနဲ့ မြတ်သန်းထိုက်၊ နောက် ဖားအံထောင်က ၃ ယောက်၊ နာမည်တော့ ကျွန်တော် သိပ်မသိဘူး။”

ကိုထွန်းမြင့်အောင်။ ။ “အင်းစိန်ထောင်က လွတ်တာ ဆိုလို့ရှိရင် ကိုညီညီအောင် လွတ်တယ်၊ နောက် မမီးမီး လွတ်တယ်၊ မမီးမီးက ၈၈ က မမီးမီးတော့ မဟုတ်ဖူးပေါ့နော်။ နောက် မြင်းခြံထောင်က ကိုရဲမင်းဦး လွတ်တယ်၊ နောက်ပြီးတော့ ခန္တီးထောင်က ဆိုလို့ရှိရင် ဦးကျော်ညွန့် လွတ်တယ်၊ ကိုစိုင်းမြင့်သိန်း လွတ်တယ်၊ ပေါင်းတည်က ကိုဇင်လင်းအောင်၊ ပူတာအိုက မသန္တာ၊ ထက်ထက်ဦးဝေ၊ မမြမြသိန်း၊ နောက် မိုင်းဆတ်ထောင်က ကိုကျော်ဆန်း လွတ်တယ်လို့ ကြားတယ်၊ ရမည်းသင်းက ကိုငွေစိုး။”

ဦင်္းဉာဏ်ဝင်းနဲ့ ကိုထွန်းမြင့်အောင်တို့ ပြောပြကြတာပါ။ အကျဉ်းဦးစီးဌာန ညွန်ကြားရေးမှူးချုပ် ဦးဇော်ဝင်းကို လွတ်မြောက်လာသူ နိုင်ငံရေးအကျဉ်းသား ဘယ်နှစ်ဦးရှိပါသလဲလို့ AP သတင်းဌာန က မေးမြန်းရာမှာ မြန်မာနိုင်ငံမှာ နိုင်ငံရေးအကျဉ်းသား မရှိဘူးလို့ ဖြေကြားကြောင်း သိရပါတယ်။

လေ့လာသူတွေကတော့ အစိုးရထုတ်ပြန်တဲ့ ကြေညာချက်ဟာ နှစ်ရှည်ထောင်ဒဏ်တွေ ကျခံနေရတဲ့ နိုင်ငံရေးအကျဉ်းသားတွေကို မလွှတ်ရအောင် တမင် ဆောင်ရွက်တာမျိုး ဖြစ်တယ်လို့ ဆိုပါတယ်။
အခုထုတ်ပြန်တဲ့ ကြေညာချက်အရ အဖမ်းဆီးခံနေရတဲ့ ဗိုလ်ချုပ်ကြီးဟောင်း ခင်ညွန့်ရဲ့ ထောက်လှမ်းရေး အရာရှိ တော်တော်များများကတော့ လွတ်မြောက်လာကြတယ် ဆိုတဲ့ သတင်းတွေလည်း ထွက်ပေါ်နေပါတယ်။

မြန်မာအပေါ် အမေရိကန် စီးပွားရေးပိတ်ဆို့မှု တနှစ်သက်တမ်းတိုး

By ဗွီအိုအေ (မြန်မာဌာန) အင်္ဂါ, 17 မေ 2011

မြန်မာနိုင်ငံမှာ ဒီမိုကရေစီရေး လှုပ်ရှားနေကြသူတွေအပေါ် အကြီးအကျယ် ဖိနှိပ်နေတာနဲ့ ပတ်သက်ပြီး အစိုးရက ပြုပြင်ပြောင်းလဲလာတာ မတွေ့ရသေးတဲ့အတွက် အမေရိကန် သမ္မတ ဘရက်ခ် အိုဘားမား (Barak Obama) က စီးပွားရေး ပိတ်ဆို့မှုကို နောက်ထပ်တနှစ် သက်တမ်းထပ်တိုးလိုက်တယ်လို့ မနေ့က အမိန့်ထုတ်ပြန်လိုက်ပါတယ်။

မြန်မာနိုင်ငံမှာ အစိုးရနဲ့ သဘောထား မတိုက်ဆိုင်တဲ့ နိုင်ငံရေးပါတီတွေ၊ လူ့အခွင့်အရေး ခုခံကာကွယ်သူတွေ အပေါ် ဆက်လက် နှိပ်ကွပ်နေတာဟာ အမေရိကန် ပြည်ထောင်စုရဲ့ အမျိုးသား လုံခြုံရေးကို သာမန်ထက်ပိုတဲ့ ထူးထူးကဲကဲ အန္တရာယ်ပြု ခြိမ်းခြောက်နေတာကြောင့်လို့ ဆိုပါတယ်။
ဒါကြောင့် ၁၉၉၇ ခုနှစ်ကတည်းက ချမှတ်ခဲ့တဲ့ မြန်မာနိုင်ငံအပေါ် စီးပွားရေး ပိတ်ဆို့မှုကို အခုလို နောက်ထပ်တနှစ် သက်တမ်း ထပ်တိုးလိုက်တာ ဖြစ်တယ်လို့ သမ္မတ အိုဘားမားက လက်မှတ်ရေးထိုးထားတဲ့ အမိန့်ကို အိမ်ဖြူတော်က တနင်္လာနေ့ ညနေပိုင်းက ထုတ်ပြန်လိုက်တာပါ။

အခုအမိန့်မှာ ပါရှိတဲ့ စကားလုံး အသုံးအနှုံးတွေဟာ အရင်က စီးပွားရေးပိတ်ဆို့ ဒဏ်ခတ်မှု သက်တမ်းတိုးစဉ်က အသုံးအနှုံးတွေနဲ့ ခပ်ဆင်ဆင်ပဲ ဖြစ်ပါတယ်။

တချိန်တည်းမှာပဲ အမေရိကန် နိုင်ငံခြားရေး ၀န်ကြီးဌာနက မြန်မာအစိုးရ အနေနဲ့ နိုင်ငံရေး အကျဉ်းသား ၂,၂၀၀ ကို လွှတ်ပေးဖို့ မနေ့က ထပ်လောင်း တောင်းဆိုလိုက်ပါတယ်။ သမ္မတ ဦးသိန်းစိန်က လွတ်ငြိမ်းချမ်းသာခွင့် အမိန့် ထုတ်ပြန်ပြီး မဆိုသလောက် အကန့်အသတ်နဲ့ ထောင်ဒဏ် လျှော့ပေါ့ပေးတာဟာ စိတ်ပျက်စရာ တုံ့ပြန်မှု ဖြစ်တာကြောင့် နိုင်ငံရေး လွတ်လပ်ခွင့်တွေ တိုးပေးပါရန် Human Rights Watch လူ့အခွင့်အရေး စောင့်ကြည့်တဲ့ အဖွဲ့က တောင်းဆိုလိုက်ပါတယ်။

ဦးသိန်းစိန်ရဲ့ လွတ်ငြိမ်းချမ်းသာခွင့် အမိန့်အရ သေဒဏ်ကနေ တသက်တကျွန်း၊ ထောင်ဒဏ်တွေကို ပုံမှန်လျှော့ရက်နဲ့ ပေါင်းပြီး တနှစ် လျှော့ပေးတာဟာ မတရား နှစ်ရှည်ထောင်ဒဏ် ကျခံနေရတဲ့ နိုင်ငံရေး အကျဉ်းသား အများစုအတွက် အကျိုးမရှိဘူးလို့ NLD အမျိုးသား ဒီမိုကရေစီ အဖွဲ့ချုပ် ဥပဒေအကြံပေး ဦးဉာဏ်ဝင်းက သုံးသပ်လိုက်ပါတယ်။

မြန်မာနိုင်ငံကို ပြီးခဲ့တဲ့ သီတင်းပတ်က လာရောက်ခဲ့ပြီး နိုင်ငံရေး အကျဉ်းသားတွေ အားလုံး လွှတ်ပေးရေး တောင်းဆိုခဲ့တဲ့ ကုလသမဂ္ဂ အတွင်းရေးမှူးချုပ်ရဲ့ အထူးအကြံပေးပုဂ္ဂိုလ် ဗီဂျေး နမ်ဘီးယား (Vijay Nambiar) အတွက်ကတော့ ဒီလွတ်ငြိမ်းချမ်းသာခွင့် အမိန့်ဟာ အဓိပ္ပာယ်မရှိ ဖြစ်သွားပြီလို့ လူ့အခွင့်အရေး စောင့်ကြည့်တဲ့ အဖွဲ့က ဝေဖန်လိုက်ပါတယ်။

ရန်ကုန်အစိုးရ သတင်းစာရှင်းလင်းပွဲ ရုပ်သံရိုက်ခွင့်ပိတ်

မဇ္ဈိမသတင်းဌာန| အင်္ဂါနေ့၊ မေလ ၁၇ ရက် ၂၀၁၁ ခုနှစ် ၁၉ နာရီ ၄၅ မိနစ်

ချင်းမိုင် (မဇ္ဈိမ) ။ ။ ပြည်ပသတင်းဌာနတခုတွင် သတင်းထုတ်လွှင့်ချက်တွင် ပါသွားပြီးနောက် ရန်ကုန်တိုင်းဒေသကြီးအစိုးရက ဒုတိယအပတ်စဉ် သတင်းစာရှင်းလင်းပွဲ၌ ရုပ်မြင်သံကြားရိုက်ကူးခွင့် ပိတ်ပင်လိုက်သည်။

ပြည်လမ်းမပေါ်ရှိ တိုင်းဒေသကြီး လွှတ်တော်ရုံးတွင် အင်္ဂါနေ့ညနေ ၅ နာရီက ပြုလုပ်သော သတင်းစာ ရှင်းလင်းပွဲတွင် နိုင်ငံပိုင် ရုပ်မြင်သံကြား MRTV4 က ရိုက်ကူးရန်ဟန်ပြင်စဉ် တိုင်းဒေသကြီးအစိုးရ အတွင်းရေးမှူး ဦးခင်မောင်ထွန်းက တားမြစ်လိုက်သည်။

“ကျေးဇူးပြုပြီး ကျနော်တို့ ဗီဒီယိုရိုက်ကူးခြင်းကိုတော့ မေတ္တာရပ်ခံထားပါတယ် ။ ဓာတ်ပုံသတင်းအနေနဲ့ပဲ ရိုက်လို့ရပါတယ်” ဟု ဦးခင်မောင်ထွန်းက ဟန့်တားလိုက်သည်။

မေလ ၁ဝ ရက်နေ့က ပထမဆုံးပြုလုပ်သော သတင်းစာ ရှင်းလင်းပွဲအကြောင်း ပြည်ပရုပ်သံလိုင်းတခုတွင် ပါသွားသည့်သတင်းကြောင့် တားမြစ်ကြောင်း ရန်ကုန်တိုင်းအုပ်ချုပ်ရေးမှူးရုံး တာဝန်ရှိသူတဦးက ပြောသည်။

နော်ဝေးအခြေစိုက် ဒီမိုကရက်တစ်မြန်မာ့အသံ (ဒီဗီဘီ) တွင် ထုတ်လွှင့်သွားခဲ့ခြင်းကို ရည်ညွှန်းခြင်းဖြစ်သည်ဟု သူက ထပ်ပြောသည်။

ဝန်ကြီးဌာန ၆ ခုကိုကိုင်သော ဝန်ကြီး ဗိုလ်မှူးကြီးဟောင်း ဦးဉာဏ်ထွန်းဦးနှင့် ရန်ကုန်တိုင်းဒေသကြီးအစိုးရအဖွဲ့ အတွင်းရေးမှူး ဦးခင်မောင်ထွန်းတို့ ၂ ဦး မီဒီယာများနှင့် အပတ်စဉ်တွေ့ဆုံသွားမည်ဟု ပြီးခဲ့သည့် မေလ ၁ဝ ရက်နေ့က ပြောခဲ့သော်လည်း လာမည့်အပတ်တွင် နားမည်ဖြစ်ကြောင်း၊ ပြုလုပ်မည့်ရက်ကို ထပ်မံ အကြောင်းကြားမည်ဖြစ်ကြောင်း ဦးခင်မောင်ထွန်းက ယနေ့သတင်းစာရှင်းလင်းပွဲတွင် ပြောသည်။

ထို့ပြင် သတင်းစာရှင်းလင်းပွဲသို့ တက်ရောက်ရာတွင် အဝတ်အစားဝတ်ဆင်မှုအပေါ် အစိုးရအဖွဲ့က စည်းကမ်းချမှတ်လိုက်သည်။

“ ဝတ်စားဆင်ယင်မှုကို မေတ္တာရပ်ခံပါတယ်၊ ကျနော်တို့က အခမ်းအနားကြီးတခု မဟုတ်သော်လည်း ကျနော်တို့ဒီမှာ ဆောင်ရွက်နေကြတဲ့ နေရာအနေအထားအရ သင့်တင့်လျောက်ပတ်တဲ့ ဝတ်စားဆင်ယင်မှုကို ဝတ်ဆင်ပေးကြဖို့ သတင်းစာဂျာနယ်များကို မေတ္တာရပ်ခံပါတယ်” ဟု ဦးခင်မောင်ထွန်းက ပြောသည်။

သို့သော် မည်သို့ဝတ်ဆင်ရမည်ကို အသေးစိတ်မှာကြားမသွားပါ။ ပါလီမန်ခေတ် လွှတ်တော်အစည်းအဝေးများတွင် သတင်းထောက်များ အပေါ်အင်္ကျီတိုက်ပုံဝတ်ရပြီး ၁၉၃၈ က နန်းရင်းဝန်ဒေါက်တာဘမော်၏ သတင်းစာရှင်းလင်းပွဲကို သူရိယသတင်းထောက် ဘောင်းဘီတို အင်္ကျီလက်ပြတ်နှင့်တက်၍ ပြည်ထဲရေးဝန်ကြီးချုပ် ဆာပေါ်ထွန်းက လွှတ်တော်တွင် ကန့်ကွက်ခဲ့ဘူးသည်။

ကျိုက်ဒုံမြို့နယ်ခွဲ ပစ်ခတ်မှု အရပ်သား ၃ ဦး သေဆုံး၊ ၈ ဦး ထိခိုက်ဒဏ်ရာရရှိ

မေလ ၁၇ ရက်။ စောသိန်းမြင့် (ကေအိုင်စီ)

ကရင်ပြည်နယ်၊ ကြာအင်းဆိပ်ကြီးမြို့နယ်၊ ကျိုက်ဒုံမြို့နယ်ခွဲတွင် ပြီးခဲ့သည့် ဧပြီလကုန်ပိုင်းက အစိုးရစစ်တပ်နှင့် လက်နက် ကိုင်ကရင်တပ်ဖွဲ့တို့ကြား ပစ်ခတ်မှုများအတွင်း အရပ်သား ၃ဦးသေဆုံးပြီး ၈ဦး ထိခိုက်ဒဏ်ရရှိခဲ့သည်ဟု ကရင်လူ့အခွင့်အရေးအဖွဲ့ KHRGက ယနေ့ သတင်းထုတ်ပြန်သည်။

ပြီးခဲ့သည့် ဧပြီလ ၂၂ရက်နေ့မှ ၃၀ရက်နေ့အထိ အစိုးရစစ်တပ်နှင့် ကရင်တပ်ဖွဲ့တို့ကြား လက်နက်ကြီး လက်နက်ငယ်များဖြင့် အပြန်အလှန် ပစ်ခတ်မှုကြောင့် ဒေသခံရွာသားများ ထိုကဲ့သို့ ထိခိုက်သေဆုံးခဲ့ရခြင်းသည်ဟု KHRG၏ သတင်းထုတ်ပြန်ချက်တွင် ဖော်ပြထားသည်။


၎င်းပစ်ခတ်မှုများကြောင့် ကျိုက်ဒုံမြို့နယ်ခွဲရှိ အဇင်း၊ ဘုရားငုတ်တို၊ တအေးရှေး၊ မိနန်းအပ် စသည့်ကျေးရွာများမှ ရွာသား ၁၄၃ဦးသည် ထိုင်းနိုင်ငံနယ်စပ်တစ်နေရာသို့ ထွက်ပြေးခိုခဲ့ရသည့်အပြင် လူနေအိမ်တချို့ကိုလည်း အစိုးရစစ်တပ်မှ မီးရှို့ဖျက် ဆီးခဲ့သည်ဟု KHRG က ပြောသည်။

ကရင်လူ့အခွင့်အရေးအဖွဲ့၏ ပြောရေးဆိုခွင့်ရှိသူ စောအဲလ်ဘတ်(Albert)က “အဲဒီပစ်ခတ်မှုတွေကြောင့် ထိခိုက်ဒဏ်ရာရရှိတဲ့ လူတချို့ကို ကျနော်တို့လူတွေ ကိုယ်တိုင်ကိုယ်ကျ သွားပို့ခဲ့ရတယ်။ ကျိုက်ဒုံဆေးရုံမှာ တယောက်သေတယ်။ နောက် တစ် ယောက်ကတော့ မျက်လုံးထိမှန်သွားတော့ အခု ထိုင်းဘက်ခြမ်း၊ အုန်းဖန်ဆေးရုံမှာ ဆေးကုသမှု ခံယူနေပါတယ်။”ဟု ပြောသည်။

ထိုင်းနိုင်ငံနယ်စပ်တွင် ထွက်ပြေးခိုလှုံနေသည့် အဆိုပါရွာသားများသည် လက်ရှိအချိန်တွင် အလုပ်ခွင်အတွင်းသို့ ပြန်လည် လုပ်ကိုင်ကြပြီဖြစ်သော်လည်း နယ်မြေမတည်ငြိမ်သည့် အခြေအနေကြောင့် စိုးရိမ်မှုများဖြင့် အလုပ်လုပ်ကိုင်နေရသည်ဟု စော အဲလ်ဘတ်က ပြောသည်။

အခုချိန်မှာတော့ ရွာသားတွေ အလုပ်ပြန်ဆင်းကြပြီ။ ဒါပေမယ့် အခြေအနေက တည်ငြိမ်မှု အပြည့်အ၀ မရှိသေးတဲ့အချိန်ဆို တော့ သူတို့သားသမီးတွေကို နယ်စပ်မှာပဲ ထားခဲ့ရတယ်။ စိုးရိမ်စိတ်တွေ၊ ကြောက်စိတ်တွေရှိပေမယ့် အလုပ်ကိုတော့ သူတို့ ချန်ထားပစ်လို့မရဘူးလေ။”ဟု ပြောသည်။

“၎င်းပစ်ခတ်မှုတွင် အစိုးရစစ်တပ်နှင့် ကရင်တပ်ဖွဲ့တို့သည် နှစ်ဘက်ထိခိုက်သေဆုံးမှုများရှိသလို ယင်းပစ်ခတ်မှုများကြောင့် ကျိုက်ဒုံမြို့နယ်မှ ဒေသခံပြည်သူ ၇၀၀ကျော် ထိုင်းနိုင်ငံ၊ အုန်းဖန်မြို့နယ်၊ ပိုင်ခလန်ကျေးရွာနှင့် အနီးတ၀ိုက်တွင် ထွက်ပြေးခို လှုံခဲ့သည်ဟု ထိုင်းနယ်စပ်အခြေစိုက် သတင်းဌာနများက ဖော်ပြခဲ့သည်။

ကျိုက်ဒုံမြို့နယ်ခွဲအတွင်း ရက်သတ္တပတ်ကြာ ပစ်ခတ်မှုဖြစ်ပွားခဲ့သည့်နောက်ပိုင်း အစိုးရစစ်တပ်နှင့် ကရင်တပ်ဖွဲ့တို့ကြား ပစ် ခတ်မှုများ ဖြစ်ပွားလျှက်သော်လည်း နောက်ထပ် အရပ်သား ထိခိုက်သေဆုံးမှုများ မရှိတော့ကြောင်း KHRG က ပြောသည်။

မုဒုံ ဗုံးကွဲအပြီး လုံခြုံရေးကျပ်

ကွန်းချမ်း| အင်္ဂါနေ့၊ မေလ ၁၇ ရက် ၂၀၁၁ ခုနှစ် ၁၈ နာရီ ၄၅ မိနစ်

ချင်းမိုင် (မဇ္ဈိမ) ။ ။ မွန်ပြည်နယ် မုဒုံမြို့ တယ်လီဖုန်း အိပ်ချိန်းရုံး ဗုံးကွဲပြီးနောက် မုဒုံ-သံဖြူဇရပ် ကားလမ်းတလျှောက် လုံခြုံရေး တင်းကျပ်ကာ စစ်ဆေးမှုများ ပြုလုပ်နေလျက်ရှိသည်။
မုဒုံ-သံဖြူဇရပ် လမ်းပိုင်းသည် ၂၂ မိုင်ကျော် ရှည်လျားပြီး မုဒုံမြို့အထွက်နှင့် သံဖြူဇရပ်မြို့အဝင်တွင် စစ်ဆေးရေးဂိတ် ၂ ခု ရှိသည်။

ဂိတ်များတွင်လည်း စစ်တပ်၊ ရဲ၊ လဝကနှင့် အကောက်ခွန် စသည့် ပူပေါင်းအဖွဲ့များက ခရီးသွားများကို ယခင်ကထက် တင်းကျပ်စွာ စစ်ဆေးမေးမြန်းနေသည်။

“တနေရာ စစ်သား ၃-၄ ယောက်လောက် ချထားတာ။ မုဒုံကနေ သံဖြူဇရပ် ရောက်တဲ့အထိ တလမ်းလုံးပဲ” ဟု မော်လမြိုင်မှ ပြန်လာသည့် သံဖြူဇရပ် မြို့သားတဦးက မဇ္ဈိမကို ပြောသည်။ တမိုင်ခန့်အကွာတွင် တနေရာ ချထားခြင်း ဖြစ်သည်ဟု ဆိုသည်။

မေလ ၁၄ ရက် စနေနေ့ မနက် ၅ နာရီခွဲခန့်တွင် မွန်ပြည်နယ် မုဒုံမြို့အနီး တယ်လီဖုန်း အိပ်ချိန်းရုံးတွင် ပစ်ခတ်၊ ပေါက်ကွဲမှု ဖြစ်ပွားခဲ့ပြီး ရဲတဦး သေဆုံးကာ အိပ်ချိန်းရုံး ဝန်ထမ်း ဦးဟန်သိန်းလည်း ဒဏ်ရာ ရရှိခဲ့သည်။

မွန်ပြည်နယ် အစိုးရအဖွဲ့ ပေါ်ပေါက်ပြီးနောက် ပထမဆုံး ဗုံးပေါက်ကွဲမှု ဖြစ်သည်။ မည်သည့်အဖွဲ့၏ လက်ချက် ဖြစ်သည်ကို အတည်မပြုနိုင်သေးဘဲ၊ စုံစမ်းစစ်ဆေးမှုများ ပြုလုပ်နေကြောင်း ဒေသခံများက ပြောသည်။

ဖောက်ခွဲရေးအဖွဲ့တွင် အမျိုးသမီးတဦး အပါအဝင် အဖွဲ့ဝင် ၅ ဦး ပါဝင်သည်ဟု ဦးဟန်သိန်းနှင့် ရင်းနှီးသူတဦးက ပြောသည်။

လွန်ခဲ့သည့် ၂ဝဝ၈ ခုနှစ် ဇူလိုင်လတွင်လည်း ၎င်းအိပ်ချိန်ရုံး၌ပင် ပေါက်ကွဲမှု ဖြစ်ပွားခဲ့ပြီး၊ အနီးအနားရှိ ကျုံဖိုက်၊ ဝက်တဲနှင့် ညောင်ကုန်း ရွာသားအချို့ကို ဖမ်းဆီးစစ်မေးခဲ့သေးသည်။ သို့သော် ရဲက လက်သည်ကို မတွေ့နိုင်ဘဲ ဖြစ်နေသည်။

NLD သတင်းစာသင်တန်းဖွင့်

ဧရာဝတီ Tuesday, 17 May 2011 11:03

အမျိုးသား ဒီမိုကရေစီအဖွဲ့ချုပ် (NLD) အဖွဲ့ဝင်များကို သတင်းစာပညာနှင့် ပတ်သတ်သော သင်တန်းတရပ်ကို မေ ၁၈ ရက်မှ ၂၂ ရက်နေ့အထိ ဖွင့်လှစ်သင်ကြား ပေးသွားမည် ဖြစ်ကြောင်း သိရသည်။

အဆိုပါ သင်တန်းတွင် NLD အဖွဲ့ဝင် သင်တန်းသား ၄၀ ကို ဟံသာဝတီ သတင်းစာဆရာကြီး ဦးဝင်းတင်နှင့် သတင်းစာဆရာ ဦးအုန်းကြိုင်တို့က ဦးစီးသင်ကြားမည် ဖြစ်ပြီး ဖျာပုံ နီလုံဦး၊ မုံရွာအောင်ရှင် စသည့် စာရေးဆရာများလည်း လာရောက် သင်ကြားပေးမည်ဟု သိရသည်။

သတင်းစာပညာသည် အရေးပါပြီး သတင်းစာပညာ လေ့လာခြင်းသည် လူ့အခွင့်အရေးရရှိရန် ကြိုးစားနေခြင်းပင် ဖြစ်ကြောင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က သတင်းစာသင်တန်း ဖွင့်ပွဲတွင် ပြောသည်။

“ကျမတို့ရဲ့ မူတွေဟာ လူအခွင့်အရေးအတွက် မူတည်တယ်။ ဒီမိုကရေစီကို တန်ဖိုးထားတယ်၊ လူ့အခွင့်အရေးအတွက် လုပ်တာကို အမှန်တရားအတွက် လုပ်တယ်လို့ ကျမယုံကြည်တယ်။ ဒါကြောင့် ကျမက လူ့အခွင့်အရေးအတွက် လုပ်တဲ့ စာနယ်ဇင်း လောကက ပုဂ္ဂိုလ်တွေကို အရမ်းကျေးဇူးတင်တယ်” ဟု ၎င်းက ဆိုသည်။

အဆိုပါ သတင်းစာ သင်တန်း တက်ရောက်ရန်အတွက် ပြည်နယ်နှင့် တိုင်းတခုစီမှ NLD အဖွဲ့ဝင် ၃ ဦးစီအား ဖိတ်ကြားခဲ့ကြောင်း သိရသည်။

“လူငယ်အားလုံး သတင်းစာ ဆရာတွေဖြစ်ရမယ်လို့ ပြောတာမဟုတ်ပါဘူး။ မီဒီယာလောကကို ဘယ်လို ချဉ်းကပ်ရမလဲဆိုတာ သိဖို့ပါ” ဟု ဒေါ်အောင်ဆန်းစုကြည်က ဆိုသည်။

ဝေးလံသော ဒေသများမှ NLD အဖွဲ့ဝင်များလည်း သတင်း အချက်အလက်ကို သိရန်၊ နားလည်စေရန်အတွက် ယင်း သတင်းစာသင်တန်းကို ဖွင့်လှစ် ပေးရခြင်းဖြစ်ကြောင်း သူက ဆက်ပြောသည်။

“ကျမတို့က ချောင်ပိတ်မိနေတဲ့ကြွက်လိုပဲ။ ဘာမှကို မသိ နားမလည်၊ ဖွံ့ဖြိုးမှုလည်းမရှိဘူး။ ပြီးတော့ ကိုယ့်နေရာမှာ ဘယ်လိုဆက်သွယ်ပြီး ပြန်ကြားရမလဲ ဆိုတာမသိဘူး” ဟု မန္တလေးတိုင်း မှ NLD လူငယ်တာဝန်ခံ ၂ မသန္တာစိုးက
ပြောသည်။

NLD သတင်းစာသင်တန်းတွင် သတင်းရေးသားနည်း၊ သတင်းစာကျင့်ဝတ်၊ နိုင်ငံရေးသမား ကျင့်ဝတ်၊ စာပေလွတ်လပ်ခွင့်၊ အယ်ဒီတာနှင့် မဂ္ဂဇင်းများအကြောင်း၊ citizen journalist များ အကြောင်းနှင့် တခြားသော သတင်းစာ ပညာနှင့် ပတ်သက်သည့် အကြောင်းအရာများကို သင်ကြားပေးမည်ဖြစ်ကြောင်း သိရှိရသည်။

NLD အဖွဲ့ချုပ်ရုံးတွင် အပတ်စဉ် ဗုဒ္ဓဟူးနေ့နှင့် သောကြာနေ့တိုင်း၌ အင်္ဂလိပ်စာ သင်တန်းနှင့် ကွန်ပျူတာ သင်တန်းများ ဖွင့်လှစ်ပေးထားသည်။

နိုင်ငံရေး အကျဉ်းသားတွေ လွတ်ဖို့ လုပ်သွားမယ် - ဇေယျာသော်

By ဦးကျော်အောင်လွင် အင်္ဂါ, 17 မေ 2011

ဒီနေ့ ပြန်လွတ်လာတဲ့ အကျဉ်းသား ၁၄,၆၀၀ ထဲမှာ နိုင်ငံရေး အကျဉ်းသား ၃၀ ကျော် ပါဝင်လာပါတယ်။ အဲဒီအထဲမှာ ၂၀၀၈ ခုနှစ်တုန်းက အဖမ်းခံခဲ့ရတဲ့ နိုင်ငံရေး အကျဉ်းသား၊ ဟစ်ပ်ဟော့ပ် (Hip Hop) အဆိုတော် ဇေယျာသော်လည်း ပါပါတယ်။

ဇေယျာသော်ဟာ ကော့သောင်းထောင်က ဒီနေ့ပဲ ပြန်လွတ်လာတာပါ။ ကော့သောင်းထောင်မှာ ကျန်းမာရေး စောင့်ရှောက်မှု သိပ်ပြီး ညံ့ဖျင်းနေတယ်လို့ ဆိုပါတယ်။

ဇေယျာသော်ဟာ Generation Wave လို့ခေါ်တဲ့ မျိုးဆက်သစ် လူငယ်များ အစည်းအရုံးက ခေါင်းဆောင်တဦးဖြစ်ပြီး သူ့ကို နိုင်ငံခြားငွေ ကိုင်ဆောင်မှု၊ တရားမ၀င် အသင်းဖွဲ့စည်းမှုတွေနဲ့ ဖမ်းဆီးခဲ့တာပါ။ အကျဉ်းထောင်အတွင်း ဘယ်လိုအခြေအနေတွေ ကြုံခဲ့ရသလဲ ဆိုတာနဲ့ အဆိုတော် ဇေယျာသော် ပြန်လွတ်လာပြီးတဲ့နောက် ဘာတွေ ဆက်လုပ်မလဲ ဆိုတာတွေကို သိနိုင်အောင် ကိုကျော်အောင်လွင်က ဆက်သွယ်မေးမြန်းထားပါတယ်။

အခု ပြန်လွတ်လာတဲ့အကြောင်း ရှင်းပြပါဦး၊ အကျဉ်းချုပ်လေး။

“ချမှတ်ထားတဲ့ ပြစ်ဒဏ်အရဆိုရင် လွတ်ရက်စေ့ဖို့အတွက် ၁၀ လကျော်လောက် လိုပါသေးတယ်။ ဒါပေမဲ့ အခု ၂၈/၂၀၁၁ အမိန့်ကြော်ငြာစာအရ တနှစ် လျှော့ရက်ခံစားပြီး လွတ်လာခဲ့တာပါ။”

ဇေယျာသော်နဲ့အတူ အမှုတွဲထဲမှာ ပါတဲ့သူတွေရော လွတ်သလား၊ ဘယ်သူတွေ ကျန်သေးလဲ။

“ကျနော်တို့ အမှုတွဲက ၆ ယောက် ရှိပါတယ်။ အဲဒီ ၆ ယောက်မှာ ၂ ယောက်က အစောကြီးကတည်းက လွတ်သွားပြီးသားပါ။ ပြီးတော့ အခု ကျနော် လွတ်လာတယ်ပေါ့။ ကျန်တဲ့အနေနဲ့ကတော့ ၃ ယောက် ကျန်ပါသေးတယ်။ ပုဒ်မတပ်ထားတာတွေလည်း မတူတဲ့အတွက်ကြောင့် သူတို့တွေ ကျန်ခဲ့တယ်လို့ ကျနော် ထင်ပါတယ်။”

ထောင်တွင်းမှာ ဆက်ဆံမှုတွေ၊ အာဏာပိုင်တွေက ဘယ်လိုရှိလဲ၊ ကျန်းမာရေး အခြေအနေ ဘယ်လိုရှိလဲ၊ အခွင့်အရေး အပြည့်အ၀ ရရဲ့လား၊ ဘယ်လိုအခက်အခဲတွေ ရှိလဲ၊ ရှင်းပြပါဦး။

“အဓိက ကျနော်ပြောချင်တာတော့ ကော့သောင်းထောင်မှာ ကျန်းမာရေး စောင့်ရှောက်မှု အင်မတန် ညံ့ဖျင်းနေပါတယ်။ အခုဆိုရင် ကျနော့်ကို ကျန်းမာရေး စစ်ဆေးမှု မလုပ်တာ ၆ လ ရှိပါပြီ။ ကိုပြုံးချိုဆိုရင် သွေးတိုးရောဂါ ရှိပါတယ်။ ကိုပြုံးချိုရဲ့ သွေးတိုးရောဂါ အခြေအနေ အတွက်ကြောင့်မို့ နေ့စဉ် သွေးပေါင်ချိန်ရမယ်ဆိုတဲ့ မှတ်ချက်လည်း ရှိပါတယ်။ ဒါပေမဲ့ လုံးဝ သွေးပေါင် မချိန်ခဲ့တာ ၆ လ ကျော်နေပါပြီ။ ကျန်းမာရေး စောင့်ရှောက်မှု ပေးရတဲ့ ဆရာဝန်ရဲ့ လိုအပ်ချက်တွေပေါ့ဗျာ။

“နောက်ပြီးတော့ ဘယ်ကမှန်း မသိတဲ့ အမိန့်ကြောင့်မို့ ရန်ကုန်ကနေ ကော့သောင်း အဝေးကြီးအထိ လာပြီးသွားတော့မှ ထောင်ဝင်စာ ပေးမတွေ့တဲ့ အခေါက်မျိုးတွေ၊ ဒါမျိုးတွေကို ကိုပြုံးချိုရော၊ ကျနော်ရော၊ ဦးချစ်ခင်ဆိုတဲ့ ဦးလေးတယောက်ရော ကြုံခဲ့ဖူးပါတယ်။ အကြောင်းပြချက်ကတော့ အထက်ကလာတဲ့ အမိန့်ကြောင့်လို့ ပြောတာပဲ။ ဒါပေမဲ့ အဲဒီ အထက်ကလာတဲ့ အမိန့်က ဘာကြောင့်လဲ ဆိုတာကိုတော့ ကျနော်တို့ကို ပြန်ပြီး မဖြေရှင်းပေးပါဘူး။ အခက်အခဲက အနည်းနဲ့ အများကတော့ ရှိတာပေါ့ဗျာ။ ဒါပေမဲ့ ကျနော်တို့တွေကတော့ ကိုယ့်ယုံကြည်ချက်ကို ကိုယ် မြဲမြဲ ဆုပ်ကိုင်ထားပြီး ရှိသမျှ အခက်အခဲတွေကို ကျော်လွှားသွားနိုင်ကြပါတယ်။”

ကိုဇေယျာသော်ရော အကျဉ်းထောင်ထဲရောက်မှ ကျန်းမာရေး ထိခိုက်မှုတွေ ရှိလာသလားခင်ဗျ။

“အစာအိမ် အနာရောဂါ ကျနော့်မှာ အပြင်မှာကတည်းက ရှိပါတယ်။ အဲဒီတော့ အစားအသောက်နဲ့ ပတ်သက်လို့တော့ ကျနော် တော်တော် ဆင်ခြင်ခဲ့ရပါတယ်။”

ကိုဇေယျာသော် အဖမ်းခံခဲ့ရတုန်းက မြန်မာပြည်မှာ စစ်အစိုးရ အုပ်ချုပ်နေတယ်။ အခု အရပ်သား အစိုးရသစ် တက်လာပြီ။ ဒီလို ဥပဒေနဲ့လည်း အခု လွတ်လာပြီဆိုတော့ ဒါဟာ နိုင်ငံရေး အပြောင်းအလဲကြောင့် ဒီလိုမျိုး လွတ်လပ်မှုတွေ ရှိလာတယ်လို့ ယူဆလားခင်ဗျ။

“ဒီနေ့မှပဲ အထိန်းသိမ်းခံကနေ လွတ်လာတာခင်ဗျ။ အဲဒီတော့ အပြင်က အခြေအနေ အကုန်လုံးကိုတော့ ကျနော် မမြင်သေးပါဘူး။ မမြင်သေးတော့ အတိအကျရယ်လို့ မမှန်းနိုင်ပေမဲ့ ကျနော် စဉ်းစားမိတာ တခုကတော့ မြွေတကောင် အရေခွံလဲတယ်ဆိုတာ ကြီးထွားဖို့အတွက်လို့ပဲ မြင်ပါတယ်။”

အခု ကိုဇေယျာသော် လွတ်လာပြီဆိုတော့ ဘာတွေ ဆက်လုပ်မလဲခင်ဗျ၊ ဘာတွေ စိတ်ကူးထားပါသလဲ။
“ကျနော့်အနေနဲ့ ပထမဦးဆုံး လုပ်ချင်တာကတော့ မြန်မာနိုင်ငံထဲမှာ ရှိနေတဲ့ အကျဉ်းထောင်တွေထဲမှာ ကျနော်တို့ရဲ့ ရဲဘော်ရဲဘက်၊ ယုံကြည်ချက်ကြောင့် အကျဉ်းကျခံနေရတဲ့ အကျဉ်းသူ၊ အကျဉ်းသားတွေ အများကြီး ကျန်ပါသေးတယ်။ ဒီလူတွေကို အမြန်ဆုံးလွတ်အောင် ကျနော် လုပ်ချင်ပါတယ်။”

အနုပညာကိစ္စရော မေ့လိုက်ပြီလား။

“အနုပညာနဲ့ ပတ်သက်လို့ကတော့ နဂိုကတည်းကိုက သွေးသားထဲကကို ၀ါသနာပါလို့ လုပ်ခဲ့တဲ့ အလုပ်တွေပဲ။ သီချင်းကတော့ ကိုယ်ဆိုချင်တဲ့ဟာ ဆိုနေမှာပဲပေါ့ဗျာ။ ပရိသတ်ရှေ့ကို ချပြခွင့်ရတယ်၊ မရဘူး၊ ဒီဟာပဲ ရှိမှာပါ။ ကျနော်က အနုပညာသမားတယောက် ဖြစ်နေတဲ့ အတွက်ကြောင့် ပရိသတ်က ကျွေးတဲ့ ထမင်းကို စားခဲ့တာပါ။ ပရိသတ်ဆိုတာလည်း ပြည်သူပါပဲ။ ဒါကြောင့်မို့ ပြည်သူ့ဘက်ကနေ ရပ်တည်ပြီး ပြည်သူတွေအတွက် အမှန်တကယ် အကျိုးရှိမယ့် အလုပ်တွေကို ကျနော် ကြိုးစားပြီး လုပ်သွားပါမယ်။”

ကော့သောင်းထောင်က ကိုဇေယျာသော်လိုမျိုး ဒီနေ့လွတ်လာတာ ဘယ်နှစ်ရောက် ရှိလဲခင်ဗျ။ နိုင်ငံရေး အကျဉ်းသားတွေ ဘယ်သူတွေ ပါပါလဲ။

“အားလုံး စုစုပေါင်း ၁၁၂ ယောက် လွတ်ပါတယ်။ အဲဒီအထဲမှာ သာမန် သီးသန့်လို့ခေါ်တဲ့ နိုင်ငံရေး အကျဉ်းသားဆိုလို့ ကျနော်တယောက်ပဲ ပါပါတယ်။”

ဒီလိုလွတ်မယ် ဆိုတာဟာ ကြိုပြီးတော့ ပြောတာလား၊ ကပ်ပြီးမှ ပြောတာလား။

“ကျနော့်ကို မနေ့က ညသန်းခေါင်လောက်မှာ လာပြီး အကြောင်းကြားပါတယ်။ အဲဒီမတိုင်ခင်ကတော့ မသိပါဘူးခင်ဗျ။”

ကော့သောင်းထောင်က ဒီနေ့ လွတ်မြောက်လာတဲ့ နိုင်ငံရေး အကျဉ်းသား၊ အဆိုတော် ကိုဇေယျာသော် ပြောပြသွားတာ ဖြစ်ပါတယ်။

လွတ်ငြိမ်းချမ်းသာခွင့်ပြုခြင်းအမိန့်အပေါ် နိုင်ငံရေးအကျဉ်းသားမိသားစုနှင့် ပြည်သူလူထုမကျေနပ်ကြ

မိုးယံမခ၊ ရန်ကုန်

အရပ်ဝတ်လဲထားတဲ့ စစ်ဗိုလ်ချုပ်ကြီးတွေနဲ့ ဖွဲ့စည်းထားတဲ့ လက်ရှိအစိုးရရဲ့ နိုင်ငံတော်သမ္မတရုံးက အမိန့်အမှတ် (၂၈/၂၀၁၁) ကို ၂၀၁၁ ခုနှစ်၊ မေလ ၁၆ ရက်နေ့ ရက်စွဲနဲ့ ထုတ်ပြန်ခဲ့ပါတယ်။ အဲဒီအမိန့်ကို လွတ်ငြိမ်းချမ်းသာခွင့်ပြုခြင်းလို့ ခေါင်းစဉ်တပ်ထားပါတယ်။

အဲ့ဒီအမိန့်ကို ညနေ ၆ နာရီက MRTV 4 ရုပ်သံအစီအစဉ်က ထုတ်လွှင့်ခဲ့တယ်လို့ သိရပါတယ်။ ညနေ ၈ နာရီသတင်းမှာတော့ MRTY, MRTV 4, မြ၀တီစတဲ့ ရုပ်သံအစီအစဉ်တွေက နေထုတ်လွှင့်ခဲ့တာဖြစ်ပါတယ်။

‘‘မနေ့ညနေ ၆ နာရီမှာ MRTV 4 ကနေ လွတ်ငြိမ်းချမ်းသာခွင့်အမိန့်ဆိုပြီး ကြေညာတာတွေ့လိုက်ရတယ်။ အမိန့်မှာပါတာက သေဒဏ်ကျ တဲ့သူတွေကို ကျွန်းဒဏ်နဲ့ ထောင်ဒဏ်ကျနေတဲ့သူတွေကို ၁ နှစ်လျှော့ပေး တာပါပဲ။ နောက်ထပ်များကျန်သေးလားလို့ ၈ နာရီသတင်းမှာ ထပ်ကြည့်တော့လဲ ဒါပဲပါတာတွေ့ရတယ်။’’

နိုင်ငံရေးအကျဉ်းသူဟောင်းတဦးက အမိန့်ကို စတင်ကြေညာစဉ် ကြည်ခဲ့ရပုံကို ပြောပြတာပါ။ ဒီအမိန့်ဟာ ခံစားခွင့်ပြုထားတဲ့အချက်တွေအရ ခေါင်းစဉ်မှားနေကြောင်း သူက အခုလို ဆက်ပြောပြပါတယ်။

‘‘အမိန့်မှာပါတဲ့ အချက် ၂ ချက်အရ ခံစားခွင့်ရှိတဲ့သူတွေအတွက် ၀မ်းသာပါတယ်။ ဒါပေမယ့် ဒီအမိန့်ကို လွတ်ငြိမ်းချမ်းသာခွင့်လို့ ခေါ်လို့ မရပါဘူး။ ပြင်ဆင်ချက်၊ ဒါမှမဟုတ် လျှော့ပေါ့သက်သာခွင့် လို့ပဲ ခေါ် လို့ရ မယ်။ ခေါင်းစဉ်က မှားနေတယ်။ လွတ်ငြိမ်းချမ်းသာခွင့်ဆိုရင် အနှောင်အဖွဲ့မရှိ လွှတ်ရမယ်။ အခုဟာက ပုဒ်မ ၂၀၄ (ခ) အရ လွှတ်တာလို့ ဆိုတယ်။ လွတ်မယ့်သူတွေကို နောက် နိုင်ငံရေးမလုပ်တော့ပါဘူး ဆိုတဲ့ ခံဝန်နဲ့ လက်မှတ်ရေးထိုးခိုင်းပြီါ် လွှတ်မယ့်သဘောလား မသိဘူး’’ ဟု ပြောပြခဲ့ပါတယ်။

မြောက်ဥက္ကလာမှနေထိုင်းပြီး လက်ရှိအကျဉ်းကျခံနေရတဲ့ ၈၈ မျိုးဆက်ခေါင်းဆောင် တစ်ဦးရဲ့ မိခင်ဖြစ် သူကတော့ ... ‘‘ကျမသားတွေကို ချထားတာ နှစ် ၆၀ ကျော် ချထားတာပါ။ ဦးခွန်ထွန်းဦးတို့ ရှမ်းအဖွဲ့ဆိုရင် နှစ် ၁၀၀ ကျော်တောင်ပါတယ်။ အခုအမိန့်မှာ ထပ်ဆုံးက သူတို့ ပြောထားတာပဲ။ ပြည်သူလူလို တခဲနက်ေ ထာက်ခံ ထားတဲ့အခြေခံဥပဒေနဲ့ စည်းကမ်းပြည့်ဝတဲ့ ဒီမိုကရေစီနိုင်ငံတော်ပေါ်လာပြီတဲ့။ ဒီမိုကရေစီနိုင်ငံဆို ရင် နိုင်ငံေ ရး အကျဉ်းသားမရှိဘူးလေ။ အခုဟာက နိုင်ငံရေးအကျဉ်းသားတွေကို လွတ်ငြိမ်းချမ်းသာခွင့်ဆိုရင် အကုန် လွှတ်ပေးရမှာပေါ့။ သူတို့က ထောင်ချတော့ နှစ် ၆၀၊ ၇၀၊ ၁၀၀ တွေချတယ်။ ပေးတော့ ၁ နှစ်ပဲ ခံစားခွင့်ပြုတယ်။ ဒါက ဘယ်လိုမှ ကျေနပ်စ ရာကောင်းတဲ့ အမိန့်မဟုတ်ပါဘူး’’ လို့ ဆိုပါတယ်။

‘‘လွတ်ငြိမ်းချမ်းသာခွင့်ဆိုတာ မဆလခေတ်က ၂/၈၀ အမိန့်လိုပေးတဲ့ အခြေအနေမျိုးမှ အထွေထွေလွတ်ငြိမ်း ချမ်းသာခွင့်လို့ ပြောလို့ရတာ ပါ။ အကျဉ်းသားတွေကို ချွင်းခြက်မရှိလွှတ် တယ်။ ပြည်ပရောက်နေတဲ့ သူတွေ နဲ့ တောထဲက လက်နက်ကိုင်အဖွဲ့အစည်းအသီးသီးက သူတွေ၊ နှောင်ကြိုးမဲ့ပြန်လာလို့ရအောင် အဲ့ဒီတုန်း က ကြေညာပေးတာ။ တကယ်တော့ လွတ်ငြိမ်းချမ်းသာခွင့်ဆိုတာ လက်ရှိအနေအထား အရ နိုင်ငံရေး တင်းမာမှုတွေကို လျော့ပေါ့သွားအောင် အတိုက်အခံတွေကို အာဏာရအစိုးရက သဘောထားကြီးေ ကြာင်း ပြသတဲ့အနေနဲ့ နိုင်ငံ အနာဂတ်အကျိုးအတွက် အလားအလာကောင်းကို စတင်ခြေလှမ်းတဲ့ အစီအစဉ် တ ရပ်လို့ ဆိုရမှာပေါ့။ ဒါပေမယ့် ခုဟာက လွတ်ငြိမ်းချမ်း သာခွင့်ဆိုပြီး နဲနဲဘဲခံစားခွင့်ပြုတာဆိုတော့ လက်ရှိအစိုးရက သဘောထားသိပ်မကြီးဘူးဆိုတာ ပြသရာရောက်တာပေါ့’’ ဆိုပြီး ပြောခဲ့သူက ၂/၈၀ ကိုကြုံတွေ့ဖြတ်သန်းခဲ့ရတဲ့ နိုင်ငံရေးအကျဉ်းသားဟောင်းတဦးပါ။

လှိုင်သာယာက အကျဉ်းကျခံနေရတဲ့ အမျိုးသားဒီမိုကရေစီအဖွဲ့ချုပ် အဖွဲ့ဝင်တဦးရဲ့ ဇနီးကတော့ ‘‘ကျမယောက်ျားက ၂၀၀၈ ရွှေဝါရောင် တော်လှန်ရေးမှာ ၇ နှစ် ကျခဲ့တာပါ။ အခုအမိန့်က ၁ နှစ်ပဲ ခံစားခွင့်ရ တာ ဆိုတော့ မလွတ်နိုင်ပါဘူး။ သူတို့ကလည်း မလွတ်အောင် အသေ အချာချိန်ပြီး ကြေညာတယ်လို့ထင်တယ်။ ၂၀၀၈ တုန်းက ၄ နှစ်လောက်ကျခဲ့တဲ့သူတွေတော့ လွတ်နိုင်တာပေါ့။ လွတ်မယ့်သူတွေအတွက် ၀မ်းသာပါ တယ်။ ကိုယ်ချင်းစာပါတယ်။ ဒါပေမယ့် လွတ်ငြိမ်းချမ်းသာခွင့်က အားရစရာ မရှိပါဘူး’’ ဟု ပြောခဲ့ပါတယ်။

ယမန်နေ့ညက လွတ်ငြိမ်းချမ်းသာခွင့်အမိန့်နဲ့ ပတ်သက်ပြီး ဒီနေ့မနက် ဆင်ခြေဖုံးရပ်ကွက်ကဈေးတွေထဲမှာ၊ လက်ဖက်ရည်ဆိုင်တွေမှာ ပြောသံဆိုသံတွေ အနည်းငယ်ကြားရပါ တယ်။ တောင်ဥက္ကလာ မှာ နေထိုင် တဲ့ ကျောင်းသားလူငယ်တဦးကတော့ ဒီအမိန့်ပတ်သက်ပြီး

‘‘ကျနော်ကတော့ လွတ်ငြိမ်းချမ်းသာခွင့်ကြေညာ တယ်ဆိုတော့ ၂၀၀၈ သံဃာ့အရေးအခင်းတုန်းက အထဲရောက်သွားတဲ့ ကျနော့်သူငယ်ချင်း တွေ ပြန်လွတ်တော့မယ် ထင်နေတာ။ သူတို့အိမ်တွေသွားမေးတော့ ၅ နှစ်ကျလို့ အခုအမိန့်မလွတ်နိုင်သေးဘူးတဲ့။ တကယ်ဆို အကုန် လွှတ်ပေးရမှာ မဟုတ်လား။ တကယ့် လွတ်ငြိမ်းချမ်းသာခွင့်ဆိုရင် ထောင်ရှေ့မှာ အိုးစည်ဗုံမောင်းတွေနဲ့ သွားကြိုကြမလို့။ အခုတော့ နိုင်ငံရေးအကျဉ်းသားတွေ လွှတ်ပေးရေးဆိုပြီး ဆန္ဒပြရမလိုဖြစ်နေပြီ’’ ဟု အားမလိုအားမရနဲ့ ပြောပါတယ်။

‘‘ဘောင်းဘီချွတ်အစိုးရရဲ့ လွတ်ငြိမ်းချမ်းသာခွင့်နဲ့ အကျုံးဝင်ပြီး လွတ်နိုင်တဲ့ နိုင်ငံရေးအကျဉ်းသားက ၁၀၀ တောင် ပြည့်မယ်မထင်ပါဘူး။ သူတို့က အမျိုးမျိုးချိန်ထိုးပြီး လွှတ်ရမယ့်အနည်းဆုံးရလဒ်ရဲ့ အများဆုံးအ ကျိုးအမြတ်ရအောင်လုပ်တာပါ။ အာဆီယံ ဥက္ကဌဖြစ်ဖို့ကိစ္စတွေ၊ ကုလသမဂ္ဂ အထူးအကြံပေးပုဂ္ဂိုလ်လာတဲ့ ကိစ္စတွေနဲ့ နိုင်ငံတကာမှာ သိက္ခာဆယ်ဖို့ လုပ်တာဖြစ်တယ်။ နိုင်ငံရေးအကျဉ်းသားတွေကို ဖမ်း ထားပြီး ပြန်ပေး ဆွဲထားသလို နိုင်ငံတကာက အခွင့်အရေးတခုခုရမှ နည်းနည်းစီ လွှတ်ပေးတာ စစ်အစိုးရထုံးစံပဲ။ စစ်ဗိုလ် ချုပ်တွေလုပ်တတ် တဲ့နိုင်ငံရေးက ဒါမျိုးပဲ။ ဒါကို ကျနော်တို့က ဘာကိုဆက်ပြီး စောင့်ကြည့်ေ နရဦးမှာလဲ’’ ဟု နိုင်ငံရေးအကျဉ်းသားဟောင်းတဦးက သုံးသပ်ပါတယ်။

အခုအချိန်ထိ ဒီအမိန့်နဲ့အကျူံးဝင်ပြီး လွတ်မယ်လို့ သတင်းကြားရသူတွေကတော့ ကိုထွန်းထွန်းနိုင် (၈၈ မျိုးဆက်ကျောင်းသား၊ ၄ နှစ်၊ ဗန်း မော်ထောင်)၊ ဦးဘစိုး (ရွှေဝါရောင်တော်လှန်ရေး၊ ၄ နှစ်၊ ပျဉ်းမနားထောင်၊ ဦးဝါးကြီး ၁၇ (၁) ပုဒ်မ၊ (၄) နှစ်၊ ဘားအံထောင်၊ ဖားဒဘာ ၁၇ (၁) ပုဒ်မ ၄ နှစ်၊ ဖားအံထောင်၊ ကိုကိုလတ် (ရွှေဝါရောင်တော်လှန်ရေး၊ ၄ နှစ်၊ အင်းစိန်ထောင်နဲ့ စစ်တွေထောင်တွေမှာ ကျနေ တဲ့ ရွှေဝါရောင် တော်လှန်ေ ရးမှ သံဃာတော် (၃) ပါးတို့ ပါဝင်ကြပါတယ်။

လွတ်ငြိမ်းချမ်းသာခွင့်လို့ခေါ်တဲ့ အခု ကြေညာချက်အရ နိုင်ငံရေးအကျဉ်းသား အနည်းငယ်သာ လွတ်မြောက်နိုင်ပြီး ရာဇ၀တ်မှုအကျဉ်းသား အများအပြား လွတ်မြောက်လာမှာဖြစ်ကြောင်း ပြည်သူအများစုက ပြောဆိုသုံးသပ်နေကြပါတယ်။

ပါကစ္စတန်နဲ့ နေတိုး ရဟတ်ယာဉ်တွေ အပြန်အလှန် ပစ်ခတ်

By ဗွီအိုအေ (မြန်မာဌာန) အင်္ဂါ, 17 မေ 2011

ပါကစ္စတန် ခြေလျင်တပ်ဖွဲ့တွေနဲ့ နေတိုး ရဟတ်ယာဉ်တို့အကြား အာဖဂန်နယ်စပ်မှာ အပြန်အလှန် ပစ်ခတ်မှုတွေ ဖြစ်ပွားခဲ့တဲ့အပေါ် ပါကစ္စတန်စစ်တပ်က အပြင်းအထန် ကန့်ကွက်ကြောင်း ပြောကြားလိုက်ပါတယ်။

အင်္ဂါနေ့ အစောပိုင်းတုန်းက နေတိုးတပ်ဖွဲ့ရဲ့ ရဟတ်ယာဉ်တွေ ပါကစ္စတန် နယ်မြေထဲ ကျူးကျော် ၀င်ရောက်ပြီး ပစ်ခတ်ခဲ့တာလို့ ဆိုပါတယ်။ အဲဒီ တိုက်ခိုက်မှုတွေကြောင့် ပါကစ္စတန် စစ်သား ၂ ယောက် ထိခိုက်ဒဏ်ရာ ရသွားတယ်လို့ ဆိုပါတယ်။

ပါကစ္စတန်နယ်စပ် အနီးကို သူတို့ ရဟတ်ယာဉ်တွေ ပျံသန်းခဲ့တယ် ဆိုတာကို နေတိုးဘက်က အတည်ပြု ပြောကြားလိုက်ပြီး ဒီကိစ္စကို စုံစမ်း စစ်ဆေးနေတယ်လို့ ဆိုပါတယ်။

ပါကစ္စတန်နိုင်ငံ အဘော့တာဘတ် (Abbottabad) မြို့မှာ ပုန်းအောင်းနေတဲ့ အိုစမာ ဘင်လာဒင် (Osama Bin Laden) ကို အမေရိကန် အထူးတပ်ဖွဲ့တွေ ၀င်ရောက် သုတ်သင်ပြီးနောက် နှစ်နိုင်ငံကြား ဆက်ဆံရေးတွေ တင်းမာနေတဲ့အချိန် မြောက် ၀ါရီရစ်စ်တန် (Wariristan) က ဒတ္တာခဲလ် (Datta Khel) ဒေသကို အင်္ဂါနေ့မှာ ၀င်ရောက် တိုက်ခိုက်လိုက်တာ ဖြစ်ပါတယ်။

နေတိုး ရဟတ်ယာဉ်တွေဟာ အာဖဂန်နိုင်ငံဘက် အခြမ်းမှာပဲ ရှိနေပြီး ပါကစ္စတန် တပ်ဖွဲ့တွေက စတင် ပစ်ခတ်ခဲ့တာလို့ ကဘူးလ်မြို့ (Kabul) အခြေစိုက် အနောက်တိုင်း သံတမန်တဦးက ပြောပါတယ်။ သူတို့ ၂ ကြိမ် ပစ်ခတ်ခံရပြီးမှ နေတိုး ရဟတ်ယာဉ် တစင်းက ပြန်ပစ်ခဲ့တာလို့ ဆိုပါတယ်။

ဒီအတောအတွင်း ယီမင်နိုင်ငံသား အယ်လ်ခိုင်းဒါး (al Quida) အဆင့်မြင့် ခေါင်းဆောင်တယောက်ကို ပါကစ္စတန်နိုင်ငံ တောင်ပိုင်း ကရာချိမြို့မှာ ဖမ်းဆီး ရမိလိုက်တယ်လို့ ပါကစ္စတန် လုံခြုံရေး တပ်ဖွဲ့တွေက ပြောပါတယ်။ အခု ဖမ်းဆီးရမိလိုက်သူဟာ မူဟမ်မက် အလီ ကာဆင်မ် ယာကွတ်ဘ် (Muhammad Ali Qasim Yaqub) ခေါ် အဘူ ဆိုဟစ်ဘ် အယ်လ် မာကီ (Abu Sohaib Al Makki) ဆိုသူ ဖြစ်တယ်လို့ ပါက္စတန် စစ်တပ်က အင်္ဂါနေ့မှာ ထုတ်ပြန်တဲ့ ကြေညာချက်မှာ ဖော်ပြထားပါတယ်။

အစောပိုင်း စုံစမ်း စစ်ဆေးမှုတွေအရ အဲဒီ အယ်လ် မာကီ ဆိုသူဟာ အယ်လ်ခိုင်းဒါး ခေါင်းဆောင်တွေရဲ့ တိုက်ရိုက် ညွှန်ကြားမှုနဲ့ ပါကစ္စတန်နဲ့ အာဖဂန် နယ်စပ်တလျှောက် လှုပ်ရှားနေသူ ဖြစ်တယ်လို့ ဆိုပါတယ်။
ဒေသတွင်းမှာ လှုပ်ရှားနေတဲ့ အယ်လ်ခိုင်းဒါးအဖွဲ့ကို တဖြည်းဖြည်း ဖော်ထုတ်လာနိုင်ပြီဆိုတာ ပြသလိုက်တာပဲလို့ ပါကစ္စတန်နိုင်ငံက ထုတ်ပြန်တဲ့ ကြေညာချက်မှာ ဖော်ပြထားပါတယ်။ အယ်လ် မာကီနဲ့ ပတ်သက်တဲ့ တခြား သတင်းအချက်အလက်တွေတော့ ချက်ချင်း စုံစမ်းလို့ မရနိုင်သေးပါဘူး။

မြန်မာအစိုးရ၏လွတ်ငြိမ်းခွင့် ကုလ အထူးကိုယ်စားလှယ် စိတ်ပျက်

2011-05-17 RFA

ထိုင်းနိုင်ငံကို ရောက်ရှိနေတဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တာနားက သမ္မတ ဦးသိန်းစိန်အစိုးရရဲ့ လွတ်ငြိမ်းချမ်းသာခွင့် အမိန့်ကို သူ့အနေနဲ့ စိတ်ပျက်မိတယ်လို့ ပြောပါတယ်။

ကျနော့်အမြင်အရဆိုရင် လွတ်ငြိမ်းချမ်းသာခွင့်ဟာ ပြည့်စုံမှုမရှိဘူးလို့ ပြောရမှာပါ။ ပြီးတော့ စိတ်လည်း ပျက်မိပါတယ်။ နိုင်ငံရေးအကျဉ်းသား နှစ်ထောင်ကျော် ရှိနေတဲ့အထဲက ကျနော်ရတဲ့ သတင်းအရဆိုရင် ၂၇ ယောက်ပဲ လွတ်လာတာဟာ အချိုးအဆအရ ဆိုရင် အတော်ကို နည်းပါတယ်။ ပြီးတော့ စိတ်ပျက်မိတယ်ဆိုတာက အမျိုးသား ပြန်လည် ရင်ကြားစေ့ရေးကိစ္စ၊ နိုင်ငံရေး အကျဉ်းသားတွေအပေါ် လူ့အခွင့်အရေး ချိုးဖောက်နေတဲ့ ကိစ္စတွေကို ကိုင်တွယ် ဖြေရှင်းပေးလိုတဲ့ ဆန္ဒအမှန်ကို အစိုးရသစ်ဆီမှာ မတွေ့ရဘူးလို့ မစ္စတာ ကင်တားနားက ပြောသွားပါတယ်။

မိမိအနေနဲ့ သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့် အမိန့်မှာ နိုင်ငံရေး အကျဉ်းသားအားလုံး ပါဝင်ဖို့ တောင်းဆိုပါတယ်လို့လည်း မစ္စတာ ကင်တာနားက ပြောဆိုခဲ့ပါတယ်။

လျှော့ပေါ့ထောင်ဒဏ်တွင် ဦးခင်ညွန့် အကျုံးမဝင်

မဇ္ဈိမသတင်းဌာန | အင်္ဂါနေ့၊ မေလ ၁၇ ရက် ၂၀၁၁ ခုနှစ် ၁၅ နာရီ ၁၈ မိနစ်

ရန်ကုန် (မဇ္ဈိမ) ။ ။ သမ္မတဦးသိန်းစိန်က နိုင်ငံတဝှန်း အကျဉ်းထောင်များရှိ ထောင်ဒဏ်ကျနေသူများကို ပြစ်ဒဏ်တနှစ် လျှော့ပေးသော်လည်း စစ်ထောက်လှမ်းရေး အကြီးအကဲဟောင်းနှင့် ဝန်ကြီးချုပ်ဟောင်း ဦးခင်ညွန့် အကျုံးမဝင်ကြောင်း အကျဉ်းဦးစီးဌာန ညွှန်ကြားရေးမှူးချုပ် ဦးဇော်ဝင်းက အင်္ဂါနေ့တွင် ပြောသည်။

အစိုးရအပြောင်းအလဲ ပြုလုပ်ရာတွင် ပြုမူမှုတခုဖြစ်သည့် ပြစ်ဒဏ်လျှော့ချမှုကြောင့် ပြန်လွတ်တော့မည့် အကျဉ်းသားများကို အင်းစိန်ထောင်တွင်း အားကစားခန်းမ၌ ဦးဇော်ဝင်းက သြဝါဒပေးအပြီး၊ သတင်းထောက်များ၏ မေးမြန်းချက်ကို ဖြေကြားရာတွင် ထည်းသွင်းပြောဆိုသွားခြင်း ဖြစ်သည်။

‘‘ဦးခင်ညွန့်က ကျနော်တို့ အကျဉ်းထောင်မှာ မနေပါဘူး။ သူ့နေအိမ်မှာပဲ နေတာဆိုတော့ အခုကိစ္စနဲ့ အကျုံးမဝင်ဘူးဘဲ ပြောရမှာပါ’’ ဟု ဦးဇော်ဝင်းက ပြောသည်။

ဗိုလ်ချုပ်ကြီးဟောင်း ဦးခင်ညွန့်သည် ၂ဝဝ၄ ခုနှစ် အောက်တိုဘာ ၁၈ ရက်တွင် အဂတိလိုက်စားမှု စွပ်စွဲချက်ဖြင့် အစိုးရအဖွဲ့မှ ထုတ်ပယ်ခံရကာ ဆိုင်းငံ့ပြစ်ဒဏ်ဖြင့် နေအိမ်၌ အကျယ်ချုပ် ၄၄ နှစ် ပြစ်ဒဏ်ကျခံနေရသည်။

၁၉၈၈ ဒီမိုကရေစီတောင်းဆိုသော နိုင်ငံအဝှမ်း လူထုအုံကြွမှုအတွင်း ဆန္ဒပြပွဲများပျက်ပြားစေရေးနှင့် စစ်တပ်အာဏာသိမ်းပြီးနောက် အတိုက်အခံများကို ဖမ်းဆီးနှိပ်စက်ရာတွင် စစ်ထောက်လှမ်းရေးတပ်ဖွဲ့မှာ နာမည်ဆိုးဖြင့် ကျော်ကြားခဲ့သည်။

ဦးသိန်းစိန်အစိုးရ၏ လွှတ်ပေးမှုအစီအစဉ်အရ နိုင်ငံတဝှန်း အကျဉ်းထောင်များမှ အကျဉ်းသား ၁၄၆ဝဝ လွတ်မြောက်မည်ဟု ဦးဇော်ဝင်းက ပြောသည်။

အင်းစိန်ထောင်မှ စုစုပေါင်း ၂၅ဝဝ ကျော် လွတ်မှာဖြစ်ပြီး၊ ပထမဆုံးနေ့ဖြစ်သော အင်္ဂါနေ့တွင် အကျဉ်းသား ၈ဝဝ ကျော် လွှတ်ပေးလိုက်သည်။

လွတ်မြောက်သူ အများစုမှာ လောင်းကစားမှု၊ မုဒိန်းမှု၊ ခိုးမှု၊ ပြည့်တန်ဆာမှုနှင့် လူကုန်ကူးမှုများ ဖြစ်သည်ဟု ဦးဇော်ဝင်းက ပြောသည်။

ထို့အပြင် သေဒဏ်မှ တသက်တကျွန်းအဖြစ် ပြောင်းလဲခံရသူ အကျဉ်းသား အရေအတွက်မှာ တနိုင်ငံလုံးတွင် ၃၄၈ ဦး ရှိသည်ဟု ဆိုသည်။ အာဏာရှင်ဟောင်း ဗိုလ်ချုပ်မှူးကြီးသန်းရွှေလက်ထက်မှစ၍ သေဒဏ်ကျသူများကို တကျွန်းအဖြစ် ပြောင်းလဲပေးခဲ့ခြင်းကို ဆက်လက်ကျင့်သုံးခြင်းလည်း ဖြစ်သည်။

အင်းစိန်ထောင်သို့ သတင်းသွားယူခဲ့သူ သတင်းထောက်တဦးက ‘‘ကျနော်တို့ လိုက်မေးသလောက်ကတော့
ပြည့်တန်ဆာမှုတွေ၊ ၂ လုံးထီကိစ္စတွေ၊ ခိုးမှုနဲ့ ဖောက်ထွင်းမှုတွေကို ကျူးလွန်တဲ့သူတွေ၊ နှစ်အားဖြင့် အလွန်ဆုံး ၄ နှစ်၊ ၃ နှစ်၊ ၂ နှစ် ၃ လ - ၂ လ အဲလိုကျတဲ့ သူတွေ လွတ်တာကို တွေ့ရတယ်’’ ဟု မဇ္ဈိမကို ပြောသည်။

အကျဉ်းသား ၁၄၆ဝဝ လွှတ်မပေးခင်က နိုင်ငံတဝှန်းတွင် အကျဉ်းကျဦးရေမှာ ၂ သိန်းခန့် ရှိခဲ့ကြောင်း ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) AAPP-B အဆိုအရ သိရသည်။

နိုင်ငံရေးဆိုတာ လုပ်သင့်တယ် ဆိုတဲ့ ဇေယျာသော်

မဇ္ဈိမသတင်းဌာန | အင်္ဂါနေ့၊ မေလ ၁၇ ရက် ၂၀၁၁ ခုနှစ် ၂၀ နာရီ ၂၃ မိနစ်

မျိုးဆက်သစ် လူငယ်များ အစည်းအရုံး (GW) ခေါင်းဆောင်လည်းဖြစ် ဟစ်ပ်ဟော့ပ် အဆိုတော်လည်းဖြစ်သူ အသက် ၃၁ နှစ်ရှိ ဇေယျာသော် အင်္ဂါနေ့က ကော့သောင်းထောင်မှ လွတ်မြောက်လာသည်။

၂ဝဝ၈ ခုနှစ် နိုဝင်ဘာလ၂ဝရက်နေ့က ကိုဇေယျာသော်အား နိုင်ငံခြားငွေကိုင်ဆောင်မှု ပုဒ်မ ၂၄/၁ အရ ထောင် ဒဏ် ၁ နှစ်၊ တရားမဝင်အသင်းဖွဲ့စည်းမှုပုဒ်မ ၆/၈၈ ဖြင့် ၅နှစ် စုစုပေါင်းထောင်ဒဏ်၆နှစ် ချမှတ်ခဲ့သည်။ ထို့နောက်
မြန်မာပြည် တောင်ဘက်စွန်း တနင်္သာရီတိုင်းရှိ ကော့သောင်းထောင် သို့ပြောင်း ရွှေ့လိုက်သည်။

တရားမဝင်အသင်းဖွဲ့စည်းမှု ပုဒ်မ ဆိုင်ရာ ၅ နှစ်ချခံထားရာမှ အယူခံဝင်ရာတွင် ၂ နှစ် လျှော့ပေါ့ခွင့်ရရာ ကျန် ၄ နှစ်တွင် သုံးနှစ်ထောင်ဒဏ်ကျခံပြီးဖြစ်၍ ကျန် ၁ နှစ် လျှော့ပေါ့ဖြင့် လွတ်မြောက်လာခြင်းဖြစ်သည်။

Generation Wave (GW) အဖွဲ့သည် အဆိုတော် ဇေယျာသော် ဦးဆောင်မှုဖြင့် ၂ဝဝ၇ ရွှေဝါရောင် တော်လှန်ရေး ကာလတွင် ပေါ်ပေါက်လာသည်။

အဆိုတော် အနဂ္ဂ၊ ဟိန်းဇော်၊ ရန်ရန်ချန်း တို့နှင့်အတူ ၂ဝဝဝ နှစ်ကုန်ပိုင်းက မြန်မာနိုင်ငံတွင် ပထမဆုံး ဟစ်ပ်ဟော့ပ်အဖွဲ့ဖြစ်သည့် အက်ဆစ်အဖွဲ့ကို စတင်တည်ထောင်ခဲ့သည်။

မေး ။ ။ ကော့သောင်းကနေ ရန်ကုန် လေယာဉ်နဲ့ ပြန်ရောက်မယ်ဆိုပြီး မိသားစုတွေ ရန်ကုန်
လေဆိပ်မှာ စောင့်နေကြပါတယ်။ အာဏာပိုင်တွေက ကိုဇေယျာသော် လွှတ်မယ်ဆိုတာ ဘယ်လို အကြောင်းကြားပါသလဲ။

ဒီနေ့ နေ့လယ် ၁ နာရီ ခွဲမှာ ကျနော် ကော့သောင်း အကျဉ်းထောင်ထဲကနေ စထွက်လာခဲ့ပါတယ်။ အကျဉ်းထောင် အာဏာပိုင်တွေကတော့ အကျဉ်းသား အားလုံးကို ၁ နှစ်လျှော့ပေါ့ ခံစားခွင့်ဖို့ ဆိုပြီး အမိန့်ကြေညာစာ ထုတ်လိုက်တယ်လို့ ပြောပါတယ်၊ ကျနော်က သတ်မှတ်ထားတဲ့ ကာလ ၁ နှစ်မလိုတော့လို့ ဒီနေ့ လွှတ်မယ်ဆိုပြီးတော့ မနေ့ညက ကျနော့်ကို အကြောင်းကြားပါတယ်။

မိသားစုတွေက ကြိုပြီးသိထားကြတယ်၊ ညက သတင်းကြေညာတဲ့အချိန်မှာ ထောင်ကို လှမ်းပြီးတော့ ဆက်သွယ်ကြတော့ လွှတ်တဲ့စာရင်းထဲမှာ ပါမပါ သူတို့စုံစမ်းလိုက်တော့ ကြိုသိပါတယ်။

မေး ။ ။ ခုလို လွတ်မြောက်လာတဲ့အတွက် ဘယ်လို ခံစားရပါသလဲ။

ယုံကြည်ချက်ကြောင့် အကျဉ်းသားတွေ အကျဉ်းကျခံနေရတာ အများကြီးရှိပါသေးတယ်၊ ကျနော် တယောက်ထဲလွတ်လို့လည်း ကျနော့အတွက် ကျနော်တော့ ဝမ်းမသာနိုင်ပါဘူး။ ဘာဖြစ်လို့လဲဆိုတော့ မြန်မာနိုင်ငံ အရပ်ရပ်တိုင်းမှာ ရှိနေတဲ့ ထောင်တွေထဲမှာ ကျနော်တို့ရဲ့ အစ်ကိုတွေ၊ အစ်မတွေ၊ ကျနော်တို့ရဲ့ ရဲဘော်ရဲဘက် ရောင်းရင်းတွေ ကျတော်တို့ရဲ့ ညီတွေ၊ နှမတွေ အများကြီးကျန်ပါသေးတယ်၊ ဒီလူတွေ အားလုံးကိုလည်း လွတ်မြောက်စေချင်ပါတယ်။ အဲဒီတော့မှ အပြည့်အဝ ဝမ်းသာနိုင်မှာပါ။

မေး ။ ။ ကိုဇေယျာသော ဟစ်ဟော့ပ် အဆိုတော့ကနေ နိုင်ငံရေးထဲ ရောက်လာခဲ့ပုံကို ပြောပြပေးပါ။

ကျနော် နိုင်ငံရေးထဲကို စပြီး ရောက်လာခဲ့ရတာကတော့ မဟုတ်တာ မမှန်တာ မတရားတာကို ခေါင်းငုံ့မခံချင်တဲ့ လူငယ်စိတ်နဲ့ပဲ ကျနော်ရောက်လာခဲ့တာပါ။ ဘာဖြစ်ရမယ် ဘယ်လိုဖြစ်ရမယ်ဆိုတဲ့ ခံယူချက် တိတိကျကျတော့ အရင်တုန်းက မရှိခဲ့ပါဘူး။ ဒါပေမဲ့ အခု ထောင်ထဲမှာ သုံး နှစ် ကျော်ကျော် ကိုယ့်ကိုယ်ပြန်ပြီး သုံးသပ်ခွင့်ရလာတယ်၊ အဲလို ဖြစ်လာတဲ့အတွက်ကြောင့် နိုင်ငံရေးဆိုတာ လုပ်သင့်တယ် ဆိုတဲ့ အမြင်ကို ပို မြင်လာပါတယ်။

မေး ။ ။ နိုင်ငံရေးယုံကြည်ချက်ကြောင့် သူငယ်ချင်းအသိုင်းအဝိုင်းတွေက ကျောခိုင်းသွားကြလား။

ကျောခိုင်းသွားတာမျိုး မရှိပါဘူး ခင်ဗျ၊ ဒီနေ့ ပြန်လာတဲ့အချိန်မှာ ကျနော်ရဲ့ သူငယ်ချင်း ရဲဘော်ရဲဘက် ရန်ရန်ချန်းက စလို့ နောက်ဆုံး ကိုမျိုးကျော့မြိုင်တို့အဆုံး အားလုံး ကျနော့်ကို လာကြိုကြပါတယ်။ ဖက်လှဲတကင်းကို လာကြိုကြပါတယ်။ ကျနော်တို့ အနုပညာ အသိုင်းအဝိုင်းက လာကြိုကြပါတယ်။

အရင်တုန်းက နိုင်ငံရေးလုပ်လိုက်တဲ့ လူတယောက်ဆိုရင် မကြည့်ရဲ၊ ဘယ်သူမှ မဆက်ဆံရဲတဲ့ ပုဂ္ဂိုလ်မျိုး ပတ်ဝန်းကျင်က ထင်ကြတာမျိုး ကြားဖူးတယ်။ ဒါပေမဲ့ အခု လူငယ်တွေမှာကတော့ နိုင်ငံရေးဆိုတာ
နိုင်ငံသားအားလုံးနဲ့ သက်ဆိုင်တယ်၊ ဒါကြောင့် ဒီအရေးကို လုပ်တာ အပြစ်တခု ကျူးလွန်တာ မဟုတ်ဘူးဆိုတဲ့ အမြင်နဲ့ ကျနော်ကို ဖက်လှဲတကင်း ကြိုဆိုတဲ့အတွက် ကျနော်အရမ်း ဝမ်းသာပါတယ်။

မေး ။ ။ နိုင်ငံရေးကြောင့် ထောင်ကျသွားတော့ နောင်တရမိသလိုများ ခံစားရသလား။

ကျနော့ဘဝ ပိုပြီး အဓိပ္ပာယ် ရှိသွားတယ်လို့ ခံယူတယ်၊ ကျနော့် အသက် ၃၁ နှစ် ရှိပြီဗျ၊ ကျန်ခဲ့တဲ့ အသက် ၂၆ နှစ် လောက်ကို ဒီလို တန်ဖိုး ရှိတဲ့ဘဝ ဘာလို့မဖြစ်လာရတာလဲဆို ကျနော်နှမြောမိတယ်။ နိုင်ငံရေးလုပ်တယ် ဆိုတာ အင်မတန်မှကို မွန်မြတ်ပြီး အင်မတန်မှ ကောင်းတဲ့အလုပ်ပါ။ ဒီအလုပ်ကို လူငယ်တွေအားလုံးကို လုပ်စေချင်ပါတယ်၊ ကျနော်ကိုယ်တိုင်လည်း လုပ်အုံးမှာပါ။ အားလုံး လုပ်အောင်လည်း ကျနော်တိုက်တွန်းပါတယ်။

မေး ။ ။ မိဘတွေကကော ပြန်ထွက်လာရင် ဘာတွေလုပ်စေချင်လဲ။

ကျနော့်ရဲ့ မိဘတွေကတော့ ကျနော် ဘာပဲလုပ်လုပ် နောက်ကွယ်ကနေ အမြဲတမ်း ကူညီပေးနေတာပါ၊ သူတို့ကလည်း ခေတ်မီတဲ့ မိဘတွေဖြစ်တဲ့အတွက်ကြောင့် အမြင်ကျယ်ပါတယ်။ နိုင်ငံရေး လုပ်တယ်ဆိုတာကို တားမြစ်မယ့် မိဘ အမျိုးအစားမဟုတ်ဘူးလို့ ကျနော်ထင်ပါတယ်။ အခု ထောင်က လွတ်ကထဲကိုက ကျနော် မိဘတွေနဲ့ စကားကို မပြောရသေးဘူးဗျ၊ ဝိုင်းပြီး နှုတ်ဆက်ကြတဲ့ သူငယ်ချင်းတွေရယ် မေးကြတဲ့ အင်တာဗျူးတွေ ဒါတွေကိုပဲ ကျနော် ထိုင်ဖြေနေတာပါပဲ၊ ဒါကိုလည်း သူတို့ နားလည် ခွင့်လွှတ်ထားပေးပါတယ်။

မေး ။ ။ ကိုဇေယျာသော် ထောင်ထဲမှာကဗျာတွေ စပ်မိသေးလား။

ထောင်ထဲမှာ စာရွက်နဲ့ ဘောပင် ကိုင်ဆောင်ခွင့်မရှိဘူး ခင်ဗျ၊ အဲတော့ ကျနော် စိတ်ကူးထဲမှာပဲရေးထား တာမျိုးတွေတော့ ရှိပါတယ်။ ဒါပေမဲ့ သေသေချာချာ ချရေးထားတာ မဟုတ်တော့ နောင်ချပြီးရေးပြီးရင် ကျနော် ထုတ်ပြပါ့မယ်။

မေး ။ ။ ကိုဇေယျာသော်တို့ တည်ထောင်ထားခဲ့တဲ့ GW နဲ့ ပတ်သက်ပြီး ဘာများပြောချင်ပါသလဲ။

GW ( မျိုးဆက်သစ် လူငယ်များ အစည်းအရုံး) ဆိုတဲ့ နာမည်နဲ့ နိုင်ငံရေးရာကိစ္စ လုပ်ခဲ့ကြတယ်ပေါ့ဗျ၊ ဝါသနာပါတဲ့ သူငယ်ချင်းတွေ လုပ်ခဲ့ကြတာပါ၊ ကျနော်တို့ နိုင်ငံဒီပုံစံအတိုင်း သွားနေလို့မဖြစ်တော့ဘူး၊ အပြောင်းအလဲ တခုတော့ ဖြစ်မှ ဖြစ်တော့မယ် ဆိုပြီး နိုင်ငံရဲ့ အပြောင်းအလဲဖြစ်လာအောင် တွန်းအားပေးတဲ့အနေနဲ့ ကျနော်တို့ စပြီးလုပ်ခဲ့ကြတာပါ။

GW အဖွဲ့နဲ့ ကျနော်ကိုယ်တိုင် သုံးနှစ်လောက် အဆက်အသွယ်ပြတ်သွားတယ်ဆိုတော့ သူတို့ ဘာတွေ လက်ရှိဆက်လုပ်နေတယ် ဆိုတာ ကျနော်မသိသေးဘူး၊ ဒါပေမဲ့ သူတို့တွေလည်း နိုင်ငံအတွက် တကယ် အကျိုးရှိမယ့် အလုပ်တွေ လုပ်နေကြတယ်လို့ ကျနော်ထင်ပါတယ်၊ ကျနော် အားလည်း ပေးပါတယ်။