ဒီနေ့ဖတ်စရာ သတင်းများ (မေလ ၂၇ ရက်)

- တရုတ်နိုင်ငံရောက် သမ္မတဦးသိန်းစိန် စီးပွားရေးနဲ့လုံခြုံရေး ဆွေးနွေး- ဆာဘီးယား စစ်ရာဇဝတ် ဝရမ်းပြေး မလာဒစ်ရှ် ဖမ်းမိပြီ
- စစ်ခွေးတိုက်ရောက် နိုင်ငံရေး အကျဉ်းသားတွေ မူလအဆောင် ပြန်ရပြီ
- ယီမင် အတိုက်အခံ ခေါင်းဆောင်ကို ဖမ်းမိန့်ထုတ်
- အမျိုးသားပြန်လည်သင့်မြတ်ရေး ဗြိတိသျှအစိုးရတိုက်တွန်း
- နှစ်ဖက် အကျိုးရှိမည့် နိုင်ငံရေးဖြေရှင်းမှု ကြိုးပမ်းမည်ဟု သမ္မတ၏ အကြံပေး ပြောကြား
- ဂျိုးဖြူရေသုံး ရန်ကုန် ရေပြတ်
- အင်တာနက်ဆိုင်များ လိုင်စင်ပြန်လျှောက်ရမည်
- မူလတန်း ကျောင်းသုံးစာအုပ် အခမဲ့
- KIA ရာဇသံအား မြန်မာအစိုးရ လစ်လျူရှု
- ကရင်ပြည်သူ ၂ ထောင်ကျော်အား စစ်တပ်က အကာအကွယ်အဖြစ် အသုံးပြုကြောင်း KNU ထုတ်ပြန်
- ဘရိ်ုက်တန်မြို့လယ်မှာ ဒေါ်အောင်ဆန်းစုကြည်အား ဂုဏ်ပြု နံရံပန်းချီများ ရေးဆွဲ
- ဆန္ဒပြအကျဉ်းသားများအရေး မှန်ကန်စွာ ဖြေရှင်းပေးဖို့ တောင်းဆို
- လူကုန်ကူးမူ တိုင်ကြားသော်လည်း အရေးယူ မခံရ
- သတင်းထောက်များ လွတ်မြောက်ရေးလှုပ်ရှားမှု ကျင်းပမည်
- ကရင် နယ်ခြားစောင့် အချင်းချင်း ပစ်ခတ်

တရုတ်နိုင်ငံရောက် သမ္မတဦးသိန်းစိန် စီးပွားရေးနဲ့လုံခြုံရေး ဆွေးနွေး

By ဗွီအိုအေ (မြန်မာဌာန) ကြာသပတေး, 26 မေ 2011

မြန်မာသမ္မတ ဦးသိန်းစိန်ဟာ ၃ ရက်တာ တရုတ်ပြည် ခရီးစဉ်ကို စတင်ပါပြီ။ ဒီခရီးစဉ် အတွင်းမှာ သိမ်မွေ့နက်နဲတဲ့ ကုန်သွယ်ရေးနဲ့ လုံခြုံရေး ကိစ္စရပ်တွေကို ဆွေးနွေးကြမယ်လို့ မျှော်လင့်ရပါတယ်။

မြန်မာအစိုးရ အဖွဲ့ဝင် ဝန်ကြီးတွေ၊ အဆင့်မြင့် စစ်ဘက်ဆိုင်ရာ အရာရှိတွေလည်း ဒီခရီးမှာ ပါလာကြတယ်လို့ တရုတ်အစိုးရ သတင်းဌာန ဆင်ဟွာက ပြောပါတယ်။ သမ္မတ ဦးသိန်းစိန်ဟာ တရုတ်သမ္မတ ဟူဂျင်တောင်း (Hu Jintao)၊ တရုတ်ဝန်ကြီးချုပ် ၀မ်ဂျားဘောင် (Wen Jiabao) တို့နဲ့ တွေ့ဆုံဖို့ ရှိတယ်လို့လည်း ဆင်ဟွာက ဖော်ပြပါတယ်။

နှစ်ဘက်ခေါင်းဆောင်တွေဟာ စီးပွားရေးနဲ့ နည်းပညာ ပူးပေါင်းဆောင်ရွက်ရေး သဘောတူညီချက်တွေ လက်မှတ်ရေးထိုးကြမယ်လို့ တရုတ် နိုင်ငံခြားရေး ၀န်ကြီးဌာန ပြောရေးဆိုခွင့်ရှိသူ ဂျန်းယု (Jiang Yu) က ပြောပါတယ်။

တရုတ်နိုင်ငံဟာ မြန်မာနဲ့ ဒုတိယအကြီးဆုံး ကုန်သွယ်ဘက်နိုင်ငံ ဖြစ်ပြီး နိုင်ငံခြား ရင်းနှီးမြှုပ်နှံမှု အများဆုံး လာလုပ်ထားတဲ့ နိုင်ငံလည်း ဖြစ်ပါတယ်။ မနှစ်က တရုတ်ရဲ့ မြန်မာနိုင်ငံမှာ ရင်းနှီးမြှုပ်နှံမှုက ဒေါ်လာ သန်း ၁၅,၀၀၀ ကျော်ပါတယ်။ သူတို့ရဲ့ ရင်းနှီးမြှုပ်နှံမှုထဲမှာ မြန်မာနိုင်ငံကနေ တရုတ်ပြည် တောင်ပိုင်းကို ရေနံနဲ့ သဘာဝဓာတ်ငွေ့ သယ်ယူဖို့ ပိုက်လိုင်း ၂ လိုင်း ဖောက်လုပ်တဲ့ နေရာမှာ အသုံးပြုတာပါ။

လက်နက်ကိုင်အဖွဲ့တွေ ပြဿနာ မသေးတဲ့ ရှမ်းပြည်နယ်ကို ဒီပိုက်လိုင်းတွေ ဖြတ်သန်းတဲ့အခါ ပိုက်လိုင်းတွေအတွက် လုံခြုံရေး ဘယ်လိုရှိသလဲ ဆိုတာနဲ့ ပတ်သက်ပြီး တရုတ်အရာရှိတွေက မြန်မာကိုယ်စားလှယ်တွေကို မေးခွန်းထုတ်ကြလိမ့်မယ်လို့ ယူဆရပါတယ်။

ဆာဘီးယား စစ်ရာဇဝတ် ဝရမ်းပြေး မလာဒစ်ရှ် ဖမ်းမိပြီ

By ဗွီအိုအေ (မြန်မာဌာန) ကြာသပတေး, 26 မေ 2011

ယူဂိုဆလားဘီးယားနိုင်ငံ နှစ်ခြမ်းကွဲသွားပြီးနောက် ဖြစ်ပွားခဲ့တဲ့ စစ်ပွဲအတွင်း တာဝန်ထမ်းခဲ့တဲ့ ဘော့စနီးယား ဆာ့ဘ် တပ်ဖွဲ့တွေရဲ့ တပ်မှူးဟောင်း စစ်ရာဇ၀တ်မှုနဲ့ အလိုရှိနေသူ ရတ်ကို မလာဒစ်ရှ် (Ratko Mladic) ကို ဖမ်းဆီးမိပြီလို့ ဆာဘီးယား သမ္မတ ဘောရစ်စ် တာဒစ်ရှ် (Boris Tadic) က ကြေညာသွားပါတယ်။

မစ္စတာ မလာဒစ်ရ်ှကို ဆာဘီးယား နိုင်ငံထဲမှာ ဖမ်းဆီးမိတယ်၊ သူ့ကို ကုလသမဂ္ဂ စစ်ရာဇ၀တ်မှု ရုံးဆီကို လွှဲပြောင်းပေးအပ်ဖို့ စတင် လုပ်ဆောင်နေပြီလို့လည်း သမ္မတက ပြောပါတယ်။

ဆာဘီးယားဟာ သူ့ရဲ့ မကြာခင်ကမှ ရှိခဲ့တဲ့ သမိုင်းထဲမှာ နောက်စာမျက်နှာတခုကို ပိတ်လိုက်နိုင်ပြီ၊ နိုင်ငံမှာ အပြည့်အ၀ ပြန်လည် ပေါင်းစည်းရေး ဖြစ်ပေါ်ဖို့ တလှမ်းပိုပြီး နီးကပ်သွားပြီလို့လည်း သမ္မတက ဆိုပါတယ်။

အသက် ၆၉ နှစ်အရွယ် စစ်ခေါင်းဆောင်ဟောင်းကို ရှာတွေ့ဖို့ ဘာကြောင့်များ ဒီလောက် အချိန်တွေ အများကြီး ကြာခဲ့ရလဲ ဆိုတာအတွက် စုံစမ်းစစ်ဆေးမှုတွေ လုပ်မယ်လို့လည်း သမ္မတက ကတိပေးပါတယ်။ သမ္မတ ဘောရစ်စ် တာဒစ်ရ်ှက …

“ဆာဘီးယားနိုင်ငံက The Hague မြို့ နိုင်ငံတကာ ရာဇ၀တ်ခုံရုံးနဲ့ အပြည့်အ၀ ပူးပေါင်း ဆောင်ရွက်နိုင်ခဲ့လို့ ၀ရမ်းပြေး မလာဒစ်ရ်ှကို အခုလို လက်ရ ဖမ်းဆီးနိုင်ခဲ့တာ ဖြစ်ပါတယ်။ ကျနော်တို့ရဲ့ မဟာဗျူဟာနဲ့ ဒီလုပ်ငန်းစဉ်မှာ ပါဝင်ခဲ့ကြသူတွေ အားလုံးက သူ့ကို အမိအရ ဖမ်းနိုင်လိမ့်မယ် ဆိုတာကို အစဉ်အမြဲ ယုံကြည်ခဲ့ကြတာပါ။”

ယူဂိုဆလားဘီးယား နိုင်ငံဟောင်းမှာ ဖြစ်ပွားတဲ့ စစ်ရာဇ၀တ်မှုတွေအတွက် ဖွဲ့စည်းထားတဲ့ ကုလသမဂ္ဂ အထူးခုံရုံးက ဘော့စနီးယားနိုင်ငံ ဆာရာယေဗို (Sarajevo) မြို့ကို ၀င်စီးထားတဲ့ ၃ နှစ်တာ ကာလအတွင်း ကျူးလွန်ခဲ့တဲ့ ဆိုးရွားတဲ့ ရာဇ၀တ်မှုတွေနဲ့ ဘော့စနီးယားနွယ်ဖွား မွတ်ဆလင် အမျိုးသားနဲ့ ကောင်လေး ၈,၀၀၀ ကို သတ်ဖြတ်ခဲ့တာအတွက် သူ့ကို တရားစွဲခဲ့တာပါ။

ဒုတိယကမ္ဘာစစ်နောက်ပိုင်း ဥရောပမှာ ဖြစ်ပွားတဲ့ ရာဇ၀တ်မှုတွေထဲမှာ အဲဒီ လူအစုလိုက် အပြုံလိုက် သတ်ဖြတ်မှုက အဆိုးရွားဆုံးပြစ်မှု ဖြစ်ပါတယ်။

ဘော့စနီးယားစစ်ပွဲ ပြီးသွားတဲ့ နောက်မှာတော့ စစ်ရာဇ၀တ်မှုနဲ့ တရားစွဲခံရပြီး လွတ်မြောက်နေတဲ့ အဓိကပုဂ္ဂိုလ် ၃ ဦး ရှိရာမှာ မစ္စတာ မလာဒစ်ရ်ှက တယောက်အပါအ၀င် ဖြစ်ပါတယ်။

စစ်ခွေးတိုက်ရောက် နိုင်ငံရေး အကျဉ်းသားတွေ မူလအဆောင် ပြန်ရပြီ

By မအေးအေးမာ ကြာသပတေး, 26 မေ 2011

ရန်ကုန် အင်းစိန်ထောင် အတွင်းမှာ အကျဉ်းသား ရပိုင်ခွင့် အခွင့်အရေးတွေကို တောင်းဆိုတဲ့ အနေနဲ့ တနင်္ဂနွေနေ့ မေလ ၂၂ ရက်နေ့ကစလို့ အစာငတ်ခံ ဆန္ဒပြနေကြတဲ့ နိုင်ငံရေး အကျဉ်းသားတွေကို အာဏာပိုင်တွေက ဗုဒ္ဓဟူးနေ့က လာရောက်တွေ့ဆုံ ဆွေးနွေးခဲ့ပြီးနောက် ပြေလည်မှု တစုံတရာ ရရှိခဲ့တယ်လို့ နိုင်ငံရေး အကျဉ်းသားတွေရဲ့အကျိုး ဆောင်ရွက်သူတွေက ပြောပါတယ်။

ဒါ့အပြင် စစ်ခွေးတိုက် ပို့ဆောင်ခံခဲ့ရတဲ့ နိုင်ငံရေး အကျဉ်းသားတွေကိုလည်း သူတို့နေထိုင်ရာ အဆောင်ကို ပြန်ပို့ခဲ့သလို မိသားစုတွေနဲ့လည်း ဒီနေ့မှာ ထောင်ဝင်စာတွေ့ခွင့် ပေးခဲ့တယ်လို့ ဆိုပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။

အကျဉ်းထောင်တွင်း စာဖတ်ခွင့်၊ မိသားစုတွေနဲ့ လွတ်လပ်စွာ တွေ့ဆုံခွင့်၊ ကျန်းမာရေး စောင့်ရှောက်မှု ရရှိခွင့်တွေပါတဲ့ အချက် ၆ ချက်ကို တောင်းဆိုပြီး အစာငတ်ခံ ဆန္ဒပြခဲ့တဲ့ အင်းစိန်ထောင်က နိုင်ငံရေး အကျဉ်းသားတွေကို အကျဉ်းဦးစီးဌာနနဲ့ ထောင်အာဏာပိုင်တွေက ညှိနှိုင်းမှုတွေ လုပ်ပေးပြီး အစာငတ်ခံ ဆန္ဒပြနေတဲ့ နိုင်ငံရေး အကျဉ်းသားတွေက သူတို့ အဆင်ပြေပြီဖြစ်ကြောင်း မိသားစုတွေကို ပြောဆိုလိုက်တယ်လို့ ဆိုပါတယ်။ နိုင်ငံရေး အကျဉ်းသား အကျိုးဆောင်ကွန်ရက်က ကိုအောင်ထွန်းဇော်က အခုလို ပြောပြပါတယ်။

“၂၆ ရက်နေ့ ဒီနေ့ ၁ နာရီလောက်မှာ အစာငတ်ခံ ဆန္ဒပြနေတဲ့ မိသားစုဝင်ထဲက တယောက် ထောင်ဝင်စာ သွားတွေ့တယ်။ ၂ ယောက်က အဲဒီ အစာငတ်ခံ ဆန္ဒပြနေတဲ့ မိသားစုဝင်က ပါဆယ် သွားပို့တယ်။ အဲဒီအခါမှာ ပါဆယ်ပို့ခွင့်လည်း ရခဲ့တယ်၊ ထောင်ဝင်စာ တွေ့ခွင့်လည်း ရခဲ့တယ်။ ဒီနေ့မနက် ထောင်ဝင်စာ သွားတွေ့တော့ စစ်ခွေးတိုက်က ၁၄ ယောက်လုံး အဆောင်ကို ပြန်ရောက်လာတယ်၊ အခြေအနေတွေ ပြေလည်သွားတယ်လို့ အကြမ်းဖျင်း သိရှိထားရတယ်။”

ဒီလို အဆင်ပြေပြီဆိုတဲ့ သတင်းမထွက်ခင် မေလ ၂၅ ရက်နေ့ကတော့ အကျဉ်းဦးစီးဌာနက တာဝန်ရှိသူတွေနဲ့ ထောင်အာဏာပိုင်တွေ အစာငတ်ခံ ဆန္ဒပြနေတဲ့ နိုင်ငံရေး အကျဉ်းသားတွေနဲ့ လာရောက်ညှိနှိုင်းမှုတွေ လုပ်ခဲ့တယ်လို့လည်း အခုလို ပြောပြပါတယ်။

“နေ့ခင်းပိုင်းလောက်မှာ ညွှန်ကြားရေးမှူးချုပ် ဦးဇော်ဝင်းရယ်၊ ထောင်ပိုင် ဦးသက်ရှည်တို့က ထောင်ရဲ့ အုပ်ချုပ်ရေးရုံးက မိန်းဂျေးကို ဆင်းလာပြီးတော့ အစာငတ်ခံ ဆန္ဒပြနေတဲ့ နိုင်ငံရေး အကျဉ်းသား ၁၀ ယောက်နဲ့ တွေ့ဆုံဆွေးနွေးမှု လုပ်သွားတယ်လို့ မနေ့ညနေက ကျနော်တို့ သတင်းရရှိထားတယ်။ အဲဒီအချိန်ထိကို စစ်ခွေးတိုက်ကို ရောက်ရှိနေတာ နိုင်ငံရေး အကျဉ်းသား ၁၄ ယောက်၊ အဆောင်မှာ ကျန်ခဲ့တဲ့ သူကလည်း သူတို့ဘာသာသူတို့ ဆက်လုပ်နေတယ်လို့ နောက်ဆုံးမှာ သိရတယ်။”

ဒီလို အဆင်ပြေပြီလို့ အထဲက နိုင်ငံရေး အကျဉ်းသားတွေက ပြောပေမဲ့ ဘယ်အချက်တွေကို လိုက်လျောလိုက်တယ် ဆိုတာကိုတော့ တိတိကျကျ သိရှိခြင်း မရှိသေးတာကြောင့် စောင့်ကြည့် အကဲခတ်နေဆဲပဲလို့ ဆိုပါတယ်။

“ဘယ်အချက်တွေကို လိုက်လျောလိုက်တယ်၊ ဘယ်လိုသဘောတူညီချက်တွေ ရလဲဆိုတာ ကျနော်တို့ အသေးစိတ် မသိရသေးဘူး။ ဒါပေမဲ့ အထဲက ပြန်ကြားလိုက်တဲ့ဟာက အဆင်ပြေသွားတယ်ဆိုတဲ့ အခြေအနေကိုပဲ သိရသေးတယ်။ ကျနော်တို့က အခု အပြင်မှာရှိနေတဲ့ အင်အားစုတွေနဲ့ ဘယ်လိုအခြေအနေ၊ ဘာဆက်လုပ်ရမယ်ဆိုတာ ဆက်လက်ပြီး စောင့်ကြည့်လေ့လာနေကြတယ်။”

မေလ ၂၅ ရက်နေ့ကတော့ လူ့အခွင့်အရေး စောင့်ကြည့်ရေး အဖွဲ့ဖြစ်တဲ့ Human Rights Watch အဖွဲ့ကြီးက အစာငတ်ခံ ဆန္ဒပြနေကြတဲ့ နိုင်ငံရေး အကျဉ်းသားတွေနဲ့ ပတ်သက်ပြီး မြန်မာအစိုးရက ဘယ်လိုတုံ့ပြန်မလဲ ဆိုတာကို အနီးကပ် သေချာ စောင့်ကြည့်သွားမယ်ဆိုပြီး ပြောဆိုထားသလို ကုလသမဂ္ဂ အနေနဲ့ အနီးကပ် စောင့်ကြည့်နေတယ်လို့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ ကင်တားနား (Mr. Tomas Ojea Quintana) ကလည်း ဒီရက်ပိုင်းမှာပဲ ပြောဆိုခဲ့ပါတယ်။

အစာငတ်ခံ ဆန္ဒပြနေသူတွေရဲ့ အကျဉ်းသား ရပိုင်ခွင့် တောင်းဆိုနေတာတွေနဲ့ ပတ်သက်ပြီး နိုင်ငံတကာက အာရုံစိုက်ပြီး စောင့်ကြည့်ဖို့ လိုအပ်ကြောင်း အမေရိကန် အခြေစိုက် မြန်မာ့အရေး လှုပ်ရှားနေတဲ့ US Campaign အဖွဲ့ကလည်း ကြေညာချက် ထုတ်ပြန်ထားပါတယ်။

နိုင်ငံရေး အကျဉ်းသားတွေကို ကူညီနိုင်ဖို့အတွက် နိုင်ငံရေး အကျဉ်းသား လွတ်မြောက်ရေး ကြိုးပမ်းနေသူတွေနဲ့ ရန်ကုန်အခြေစိုက် ICRC အဖွဲ့တို့ တွေ့ဆုံဆွေးနွေးစဉ် နိုင်ငံရေး အကျဉ်းသားတွေရဲ့ အခြေအနေကို စိုးရိမ်ပူပန်တယ်လို့ ရန်ကုန်အခြေစိုက် ICRC နိုင်ငံတကာ ကြက်ခြေနီအဖွဲ့က ပြောဆိုထားပါတယ်။

အခုလို နိုင်ငံတကာရဲ့ အာရုံစိုက်မှုတွေ ဖြစ်လာအပြီးမှာတော့ မြန်မာအစိုးရက နိုင်ငံရေး အကျဉ်းသားတွေနဲ့ ညှိနှိုင်းမှုတွေ လုပ်အပြီး လိုက်လျောမှုတွေ ပေးခဲ့တာ ဖြစ်နိုင်တယ်လို့လည်း အကျဉ်းသားတွေအရေး ဆောင်ရွက်ပေးနေတဲ့ အဖွဲ့တွေက ယူဆနေကြပါတယ်။

ယီမင် အတိုက်အခံ ခေါင်းဆောင်ကို ဖမ်းမိန့်ထုတ်

By ဗွီအိုအေ (မြန်မာဌာန) ကြာသပတေး, 26 မေ 2011

ယီမင်နိုင်ငံမှာ တနင်္လာနေ့ကတည်းက အစိုးရတပ်တွေနဲ့ တိုက်ပွဲတွေ ဖြစ်နေတဲ့ အတိုက်အခံ လူမျိုးစု တိုင်းရင်းသားတွေရဲ့ ခေါင်းဆောင်ကို ဖမ်းဆီးဖို့ ယီမင်သမ္မတ အလီ အဗ္ဗဒူလာ ဆာလေး (Ali Abdullah Saleh) က အမိန့်ပေးထားပါတယ်။

ဟာရှစ်ဒ် (Hashid) လူမျိုးစု တိုင်းရင်းသားတွေရဲ့ ခေါင်းဆောင် ရှိတ်ခ် ဆာဒစ်က် အယ်လ် အာမာ (Sheikh Sadiq al-Ahmar) ကို သစ္စာခံသူတွေဟာ ဆာနာ (Sana'a) မြို့တော်မှာ ယီမင် အစိုးရတပ်တွေနဲ့ တိုက်ပွဲတွေ ဆက်ဖြစ်နေတဲ့အလျောက် မစ္စတာ အယ်လ် အာမာကို ဖမ်းဆီးဖို့ ကာကွယ်ရေး ဝန်ကြီးဌာနက ကြေညာသွားတာပါ။

ယီမင်သမ္မတ ဆာလေးဟာ နိုင်ငံကို ပြည်တွင်းစစ်ဖြစ်အောင် ဖန်တီးတယ်လို့ မစ္စတာ အယ်လ် အာမာက အယ်လ်ဂျာဇီးယား (Al Jazeera) ရုပ်မြင်သံကြားနဲ့ မေးမြန်းခန်းမှာ စွပ်စွဲသွားပါတယ်။ သမ္မတ ဆာလေး ရာထူးကနေ နှုတ်ထွက်ပေးဖို့ တခြား အာရပ်နိုင်ငံတွေ ဖိအားပေးကြပါလို့ သူက တိုက်တွန်းသွားခဲ့ပါတယ်။

ဗုဒ္ဓဟူးနေ့ ညပိုင်းနဲ့ ကြာသပတေးနေ့ အစောပိုင်းတွေက တိုက်ပွဲတွေကြောင့် လူအနည်းဆုံး ၂၄ ဦး သေဆုံးသွားရတယ်လို့ အစိုးရ သတင်းရပ်ကွက်နဲ့ မျက်မြင်သက်သေတွေကို ကိုးကားပြီး အနောက်တိုင်းက သတင်းတွေမှာ ဖော်ပြထားပါတယ်။

ဒီသီတင်းပတ် အစောပိုင်းက တိုက်ခိုက်မှုတွေကြောင့်လည်း စစ်သားတွေနဲ့ တိုင်းရင်းသားတွေ အများကြီး သေဆုံးသွားရပါသေးတယ်။

နောက်သီးခြားဖြစ်ရပ်မှာတော့ မြို့တော်က လက်နက်သိုလှောင်ရုံမှာ ပေါက်ကွဲမှု ဖြစ်ပွားပြီး လူ ၂၈ ဦး သေဆုံးသွားရတယ်လို့ ကာကွယ်ရေး ဝန်ကြီးဌာနက ပြောပါတယ်။ ဒါပေမဲ့ အတိုက်အခံတွေကတော့ အစိုးရက လူနေရပ်ကွက်ထဲကို အပြင်းအထန် ပစ်ခတ်လို့ လူတွေ သေဆုံးရတာဆိုပြီး ငြင်းနေတယ်လို့ AP သတင်းတရပ်မှာ ဖော်ပြထားပါတယ်။

ကြာသပတေးနေ့ အစောပိုင်းကတော့ ဆာနာမြို့တော်မှာ လက်နက်ကြီးတွေနဲ့ ပစ်ခတ်သံတွေ၊ ပေါက်ကွဲသံ အကျယ်ကြီးတွေ ကြားနေရတယ်လို့ မျက်မြင်သက်သေတွေက ပြောပါတယ်။

လျှပ်စစ်မီးက ပျက်တခါ လာတလှည့် ဖြစ်နေပြီး အတိုက်အခံ တိုက်ခိုက်ရေး သမားတွေက အစိုးရ သတင်းဌာန ဆာဘာ (Saba) ရဲ့ ရုံးခန်းတွေ အပါအဝင် အစိုးရ အဆောက်အဦး အများအပြားကို ထိန်းချုပ်ထားတယ်လို့လည်း ဆိုပါတယ်။ မြို့ခံတွေကတော့ ဗုဒ္ဓဟူးနေ့တည်းက ကားတွေနဲ့ ထွက်ပြေးသွားခဲ့ကြပါတယ်။

အမျိုးသားပြန်လည်သင့်မြတ်ရေး ဗြိတိသျှအစိုးရတိုက်တွန်း

2011-05-26 RFA

မြန်မာအစိုးရက ရှမ်းပြည်မြောက်ပိုင်း တပ်မတော်နဲ့ အပစ်အခတ် ရပ်စဲရေး ကတိကဝတ်ကို ချိုးဖောက်ပြီး ထိုးစစ်ဆင်မှုတွေနဲ့ ပတ်သက်ပြီး အလွန်အမင်း စိုးရိမ်ပူပန်ကြောင်းနဲ့ အမျိုးသား ပြန်လည်သင့်မြတ်ရေးကသာ မြန်မာနိုင်ငံရဲ့ နိုင်ငံရေးပြသနာတွေကို ဖြေရှင်းနိင်မှာ ဖြစ်ပြီး ဒေသတွင်း လုံခြုံရေး ရရှိလာစေမှာ ဖြစ်တဲ့အတွက် တွေ့ဆုံဆွေးနွေးရေး ပြုလုပ်ဖို့ ဗြိတိသျှ အစိုးရက တိုက်တွန်း ပြောကြားလိုက်ပါတယ်။

ဗြိတိသျှ ပါလီမန်လွှတ်တော်မှာ မေလ ၂၃ ရက်နဲ့ ၂၄ ရက်နေ့တွေက ပြုလုပ်တဲ့ ဝန်ကြီးများ ဆွေးနွေးပွဲမှာ မြန်မာအရေးနဲ့ ပတ်သက်ပြီး ဗြိတိသျှ လွှတ်တော်အမတ်တွေရဲ့ မေးခွန်းတွေအပေါ် ဗြိတိသျှ နိုင်ငံခြားရေးဝန်ကြီးရုံး ဝန်ကြီးက အခုလို ပြောဆိုခဲ့တာ ဖြစ်ကြောင်း လန်ဒန်မြို့ အခြေစိုက် Burma Campaign UK ရဲ့ ပြောခွင့်ရသူ မမေရီလှက ပြောပါတယ်။

“ဒီစစ်အစိုးရရဲ့ အပစ်အခတ် ရပ်စဲရေး သဘောတူညီချက်ကို ချိုးဖောက်မှုနဲ့ ပတ်သက်ပြီးတော့ သူတို့ အခု ဗမာပြည်ရဲ့ ပြည်သူတွေအတွက်ကို တိုင်းရင်းသားတွေ အတွက်ကိုပေါ့နော်၊ အခု ရှမ်းပြည် မြောက်ပိုင်းမှာ ဖြစ်နေတဲ့ ကိစ္စတွေ အတွက်ကို စိုးရိမ်တယ်လို့ သူတို့ရဲ့ ပါလီမန် မေးခွန်းမှာ ဗြိတိန် အစိုးရက ပြောပါတယ်။ နောက် အပစ်အခတ် ရပ်စဲထားတဲ့ဟာကို ချိုးဖောက်တာဟာလည်း တကဲ့တကယ်တော့ပေါ့နော် နိုင်ငံတကာ ဥပဒေတခုကို ချိုးဖောက်တာ ဖြစ်တယ်လို့လည်း ပြောပါတယ်ရှင့်။”

မြန်မာစစ်အစိုးရက ရှမ်းပြည်မြောက်ပိုင်း တပ်မတော်နဲ့ ၂၂ နှစ်ကြာ အပစ်အခတ်ရပ်စဲရေး သဘောတူညီချက် ပျက်ပြယ်သွားပြီး နောက်ပိုင်း မြန်မာစစ်တပ်က ရှမ်းတိုင်းရင်းသူတွေအပေါ် အဓမ္မပြုကျင့်မှု၊ အရပ်သားတွေကို ပစ်မှတ်ထားပြီး လက်နက်ကြီးတွေနဲ့ ပစ်ခတ်တိုက်ခိုက်မှု၊ မတရားသဖြင့် ဖမ်းဆီးနှိပ်စက်မှု၊ လုယက်မှု အခြေအနေတွေကို အထူး စိုးရိမ်ပူပန်မိကြောင်း နဲ့ ဒီပဋိပက္ခတွေကနေ အခြား တိုင်းရင်းသားဒေသတွေဆီ ကူးစက်သွားမှာ စိုးရိမ်ကြောင်း နိုင်ငံတကာ အစိုးရအနေနဲ့ မြန်မာတိုင်းရင်းသား ပြည်သူတွေရဲ့ အရေးအတွက် မြန်မာအစိုးရကို ဖိအားပေး တိုက်တွန်းစေချင်ကြောင်းလည်း ပြောကြားပါတယ်။

နှစ်ဖက် အကျိုးရှိမည့် နိုင်ငံရေးဖြေရှင်းမှု ကြိုးပမ်းမည်ဟု သမ္မတ၏ အကြံပေး ပြောကြား

2011-05-26 RFA

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ဦးဆောင်တဲ့ NLD အမျိုးသား ဒီမိုကရေစီအဖွဲ့ချုပ်နဲ့ ဦးသိန်းစိန်ခေါင်းဆောင်တဲ့ လက်ရှိအစိုးရအဖွဲ့တို့အကြား နှစ်ဖက်စလုံး အကျိုးဖြစ်ထွန်းစေမဲ့ အမျိုးသား ပြန်လည် သင့်မြတ်ရေး ဖြစ်မြောက်အောင် ကြိုးပမ်း ဆောင်ရွက်သွားမယ်လို့ သမ္မတဦးသိန်းစိန်ရဲ့ နိုင်ငံရေး အကြံပေးအဖွဲ့ဝင် ဒေါက်တာ နေဇင်လတ်က RFA ကို ပြောပါတယ်။

“အကြမ်းဖျဉ်းပြောလို့ရှိရင်တော့ ရှိတယ်ဗျ။ ကျွန်တော်တို့ အဖွဲ့က အကုန်လုံးက နှစ်ဖက်လုံးပေါ့ဗျာ၊ win-win situation ကို ရအောင် လုပ်သွားမှာပါ။ ဒါ ကျွန်တော်တို့ရဲ့ တာဝန်ပေါ့။”

မကြာသေးခင်က ထုတ်ပြန်ခဲ့တဲ့ လွတ်ငြိမ်းချမ်းသာခွင့် အမိန့်အရ နိုင်ငံရေးအကျဉ်းသား ၅၀ လောက်ပဲ လွတ်မြောက်ခဲ့ပေမဲ့ ဦးသိန်းစိန်ရဲ့ လက်ရှိ သမ္မတသက်တမ်း ဖြစ်တဲ့ ၂၀၁၅ ခုနှစ်မတိုင်ခင် ကာလအတွင်း နိုင်ငံရေး အကျဉ်းသားတွေကို နောက်ထပ် လွတ်ငြိမ်းချမ်းသာခွင့်ပေးဖို့ အစီအစဉ် ရှိကြောင်း ဒေါက်တာ နေဇင်လတ်က ပြောပါတယ်။

“မျှော်မှန်းနိုင်ပါတယ်ဗျာ။ မျှော်မှန်းနိုင်ပါတယ်။ အစပိုင်းကတော့ ကျွန်တော်တို့က တည်ငြိမ်မှုလည်း တချက်ကို ကြည့်ပေးရသေးတာကိုး။ တည်ငြိမ်မှုလည်း ကြည့်ပေးရတဲ့အခါကျတော့ ပထမပိုင်းမှာတော့ ကျွန်တော်တို့က အပြောင်းအလဲ ကာလတခုမှာတော့ တည်ငြိမ်မှု နည်းတတ်တာတော့ သဘာဝပဲခင်ဗျ။”

သမ္မတရဲ့ အကြံပေးအဖွဲ့ဝင်တွေဟာ အစိုးရရဲ့ ပြောရေးဆိုခွင့်ရ ပုဂ္ဂိုလ်တွေအဖြစ် ဝါဒဖြန့်နေကြတယ်ဆိုတဲ့ စွပ်စွဲချက်တွေဟာ မဟုတ်မှန်ကြောင်း သူက ငြင်းဆိုပါတယ်။ သမ္မတဦးသိန်းစိန်ရဲ့ နိုင်ငံရေး အကြံပေးအဖွဲ့ဝင် ဒေါက်တာ နေဇင်လတ်ကို RFA အဖွဲ့သား ကိုကျော်ကျော်အောင် ဆက်သွယ် မေးမြန်းထားပါတယ်။

ဂျိုးဖြူရေသုံး ရန်ကုန် ရေပြတ်

ကိုပေါက် | ကြာသပတေးနေ့၊ မေလ ၂၆ ရက် ၂၀၁၁ ခုနှစ် ၂၀ နာရီ ၀၄ မိနစ်

နယူးဒေလီ (မဇ္ဈိမ) ။ ။ ဂျိုးဖြူရေလှောင်ကန်မှ ရေပေးဝေနေသည့် ပိုက်ပေါက်သဖြင့် ရန်ကုန်တိုင်း မြို့နယ်အများအပြား ဗုဒ္ဓဟူးမနက်မှစ၍ သောက်သုံးရေ ပြတ်လပ်နေသည်။

“ပိုက်တခုက ပေါက်နေတယ်။ မနေ့က အပြီးလုပ်ပေးမယ်လို့တော့ ပြောတယ်။ ဒါပေမဲ့ ဒီနေ့တော့ အဆင်ပြေဦးမှာ မဟုတ်သေးဘူး။ မနက်ဖြန်ကျမှ အဆင်ပြေပါ့မယ်။ အကုန်လုံး အကုန်လုံး။ အကုန်လုံးပါတာ” ဟု လမ်းမတော်မြို့နယ် စည်ပင်ဝန်ထမ်းတဦးက မဇ္ဈိမကို ပြောသည်။

ဗိုလ်တထောင်မြို့နယ်မှ ကုန်တိုက်ဝန်ထမ်းတဦးကလည်း “ကျမတို့ ဗိုလ်အောင်ကျော်လမ်းက ပြတ်တယ်။ ဟိုဘက် ၄၁ လမ်းက အဝီစိရှိတော့ မပြတ်ဘူး။ အဝီစိက မီးလာရင် ရေရတယ်။ စည်ပင်ရေက ဂျိုးဖြူက လွှတ်ပေးမှ ရတာ။ ဂျိုးဖြူပိုက်က ကျိုးသွားလို့လို့ ကြားတယ်။ သူတို့ အရေးပေါ် ပြန်ဆက်နေကြတယ်တဲ့။ မနေ့ကရော၊ ဒီကနေ့ရောပဲ” ဟု မဇ္ဈိမကို ပြောဆိုသည်။

ဂျိုးဖြူရေပိုက် အသုံးပြုသူများမှာ ရေလှည်းများကို တစီးလျှင် ကျပ် ၃ဝဝဝ ဖြင့် ဝယ်ယူအသုံးပြုနေကာ၊ ရေပြတ်သဖြင့် ရန်ကုန်မြို့လယ်ရှိ ရှော့ပင်စင်တာအချို့၌ သန့်စင်ခန်း သုံးစွဲသူများ အခက်တွေ့နေသည်။

ရန်ကုန်သို့ ဂျိုးဖြူသာမက ဖူးကြီး၊ လှော်ကားနှင့် ငမိုးရိပ် ရေလှောင်ကန်ကြီးများက တနေ့လျှင် ရေဂါလံ သန်းပေါင်း ၁၄ဝ ကျော်ဖြင့် မြို့နယ်ဒေသ ခွဲတမ်းချကာ ရေပေးနေသည်။ ထိုအထဲတွင် လှော်ကားက ဂါလံ ၁၄ သန်း၊ ဂျိုးဖြူက ဂါလံ ၂၇ သန်း၊ ငမိုးရိပ်မှာ ၄၅ သန်းနှင့် ဖူးကြီးကမူ ၅၄ သန်းဖြင့် ပေးနေကြောင်း ရန်ကုန်စည်ပင်ကော်မတီ (ရေနှင့် သန့်ရှင်းမှုဌာန) ထံမှ သိရကြောင်း Yangon Media Group အင်တာနက် စာမျက်နှာတွင် ဖော်ပြထားသည်။

ထို့ပြင် ဂါလံတသန်းနှုန်းဖြင့် တောင်ဒဂုံ ရေပေးဝေရေးစခန်း အမှတ် (၁)(၂)၊ လှိုင်သာယာ (သဲဖြူ)နှင့် စိမ့်ဖြာရေစု တွင်းကျယ်မှ ဖြည့်စွက်ပေးဝေနေပြီး၊ အဝီစိတွင်းများမှလည်း ၁၆ သန်းခန့် ရရှိနေသည်ဟု ဆိုထားသည်။ ထို့ကြောင့် ရေရှိမှု စုစုပေါင်းမှာ တနေ့လျှင် ရေဂါလံ သန်းပေါင်း ၁၆ဝ ဖြစ်သည်။

အမှန်တကယ် လိုအပ်သည့် ရေဂါလံပေါင်းမှာ တနေ့လျှင် သန်း ၁၈ဝ ခန့် ဖြစ်ပြီး၊ ရန်ကုန်တွင် လူဦးရေ ၆ သန်းကျော် နေထိုင်လျက်ရှိသည်ဟု Yangon Media Group တွင် ဖော်ပြထားသည်။

အင်တာနက်ဆိုင်များ လိုင်စင်ပြန်လျှောက်ရမည်

ထွန်းထွန်း | ကြာသပတေးနေ့၊ မေလ ၂၆ ရက် ၂၀၁၁ ခုနှစ် ၂၀ နာရီ ၂၆ မိနစ်

နယူးဒေလီ (မဇ္ဈိမ) ။ ။ နိုင်ငံတဝှမ်း အများပြည်သူသုံး အင်တာနက်ဆိုင် PAC လိုင်စင်အားလုံး မြန်မာ့ဆက်သွယ်ရေးလုပ်ငန်း MPT သို့ အသစ်ပြန်လျှောက်ရတော့မည်ဟု MPT တာဝန်ရှိသူ တဦးနှင့် ရန်ကုန် အင်တာနက်ဆိုင်များ အဆိုအရ သိရသည်။

ယခင်က PAC လိုင်စင်များကို မြန်မာအင်ဖိုတက်ခ်နှင့် ရတနာပုံ တယ်လီပို့တွင် အသစ်လဲလှယ်၊ လျှောက်ခဲ့ရာမှ ၂ဝ၁၁ ခုနှစ် ဧပြီလအတွင်း မြန်မာ့ဆက်သွယ်ရေးလုပ်ငန်း MPT က လွှဲပြောင်းရယူခဲ့ပြီးနောက် ဧပြီ ၂၅ ရက်နေ့မှစ၍ ရက် ၃ဝ အတွင်း ပြုလုပ်ရန် အကြောင်းကြားခဲ့ခြင်း ဖြစ်သည်။ သို့သော် PAC ဆိုင်အချို့မှာ အဆိုပါ အကြောင်းကြားစာအား ယခုထိတိုင် မရကြသေးပေ။

သတ်မှတ်ရက် ကျော်လွန်ပါက တလလျှင် ကျပ် ၃ သောင်းနှင့် ရက်ပေါင်း ၉ဝ ကျော်အထိ လိုင်စင်ကြေးနှင့် နှစ်စဉ်ကြေးမပေးသွင်းပါက လုပ်ငန်းလိုင်စင် ပျယ်ပြယ်မည့်အပြင် လိုင်စင်ပျောက်ဆုံး၊ ပျက်စီးပါက မူရင်းခွဲ (Duplicate) လိုင်စင်အတွက် ကျပ် ၃ သောင်း ကျသင့်မည်ဟု ရေးသားဖော်ပြထားသည်။

ထို့ပြင် MPT ချမှတ်ထားသည့် စည်းမျဉ်းစည်းကမ်းများကို ချိုးဖောက်ပါက လိုင်စင်ပိတ်သိမ်းသည်အထိ အရေးယူမည်ဖြစ်ပြီး၊ တည်ဆဲဥပဒေများအရ အရေးယူခံရနိုင်ကြောင်း ဆိုထားသည်။

“လိုင်စင် လဲရမယ်ဗျ။ အကုန်လုံး လဲရမယ်။ မြန်မာအင်ဖိုတက်ခ်ကနေ ဆက်သွယ်ရေးက ပြန်ယူတဲ့အတွက် ပြန်လဲတဲ့ သဘောပါ” ဟု နေပြည်တော် MPT မှ အမည်မဖော်လိုသူ တာဝန်ရှိသူတဦးက မဇ္ဈိမကို ပြောသည်။

လိုင်စင်ကြေးများကို နေပြည်တော်နှင့် ရန်ကုန်တိုင်း ဆက်သွယ်ရေးညွှန်ကြားမှု ဦးစီးဌာနတွင် ပေးသွင်းနိုင်ပြီး၊ ကျန်ပြည်နယ်နှင့် တိုင်းဒေသကြီးများအတွက်မူ သက်ဆိုင်ရာ မြန်မာ့ဆက်သွယ်ရေးလုပ်ငန်း အခြေစိုက်စခန်း (စာတိုက်) များက ဆောင်ရွက်ပေးနေသည်။

ရန်ကုန်မြို့ ပန်းဘဲတန်းမြို့နယ်ရှိ အင်တာနက်ပိုင်ရှင်တဦးက “ လိုင်စင်အသစ်တွေကို သတ်မှတ်ထားတဲ့ ရက် ၃ဝ အတွင်း လာလဲဖို့ဆိုတာပဲ ပြောထားတယ်။ ၄ လပိုင်း ၂၅ ရက်နေ့ကစပြီးတော့ ..” ဟု မဇ္ဈိမကို ပြောသည်။

သို့သော် လိုင်စင်သက်တမ်း ကုန်သွားပြီဖြစ်သော်လည်း MPT ၏ အကြောင်းကြားစာ မရသေးသည့်အတွက် လိုင်စင် သက်တမ်းမတိုးဘဲ ဆက်လက်လုပ်ကိုင်နေသည့် ကွန်ပြူတာဆိုင်များလည်း ရန်ကုန်တွင် ရှိနေသေးသည်။

ယခုလို ပြောင်းလဲလုပ်ကိုင်လာပြီးနောက် ပေးသွင်းရသည့် လိုင်စင်ကြေးများမှာလည်း အပြောင်းအလဲ ရှိသည်။

ယခင်က ကနဦးတပ်ဆင်ခ ကျပ် ၅ သိန်း၊ နှစ်စဉ်ကြေး တလလျှင် ၅ သောင်းနှုန်းဖြင့် တနှစ်စာ ၆ သိန်း
ပေးဆောင်ခဲ့ရသော်လည်း ယခု MPT လက်ထက်တွင်မူ တပ်ဆင်ခ ၅ သိန်း၊ နှစ်စဉ်ကြေး တလလျှင် ၃ သောင်းဖြင့် တနှစ်စာ ၃ သိန်း ၆ သောင်းသာ ပေးဆောင်ရတော့မည်။

၂ဝ၁၁ ဖေဖော်ဝါရီလကုန် စာရင်းများအရ မြန်မာအင်ဖိုတက်ခ်၌ မှတ်ပုံတင်ထားသော PAC ပေါင်း ၈ဝ၂ ခုရှိပြီး၊ ရန်ကုန်စည်ပင်သာယာ နယ်နိမိတ်နှင့် ပြင်ပ၌ ၅၈၄၊ မန္တလေး၌ ၂၁ ခုနှင့် အခြားမြို့များတွင် ၁၉၇ ခု ရှိသည်။

PAC များအနေဖြင့် သုံးစွဲသူများ၏ အမည်၊ နိုင်ငံသားစိစစ်ရေးကတ်ပြား၊ နိုင်ငံခြားသားဖြစ်ပါက နိုင်ငံကူး လက်မှတ်နံပါတ်များ၊ ဆက်သွယ်ရန် လိပ်စာနှင့် ဖုန်းနံပါတ်များကို မှတ်ပုံတင် ထားရှိရမည်ဖြစ်ပြီး မှတ်တမ်းများကို တလ တကြိမ် ဆက်သွယ်ရေး ညွှန်ကြားမှုဦးစီးဌာနသို့ ပေးပို့ရမည်ဖြစ်သည်။

ထို့ပြင် MPT မှ တားမြစ်ထားသည့် ဆော့ဖ်ဝဲလ်များ၊ ပရိုဂရမ်များကို အသုံးမပြုနိုင်ရန် စီမံဆောင်ရွက် ထားရမည်ဖြစ်ပြီး ဆိုင်အတွင်း လိုအပ်သလို ဝင်ရောက်စစ်ဆေးမှုပြုခြင်းများကို လိုက်နာဆောင်ရွက်ရမည် ဖြစ်သည်။

MPT က PAC လိုင်စင်လုပ်ငန်းများကို ပြောင်းလဲတာဝန်ယူလုပ်ကိုင်ပြီး မေလဆန်းအတွင်းကလည်း အင်တာနက် ဆိုင်များ၌ Floppy Drive, CD Drive, USB Port နှင့် အခြား External Drive များ တပ်ဆင်ထားခြင်း၊ အသုံးပြုခြင်း မပြုရန် တားမြစ်ခဲ့သေးသည်။

PAC များအနေဖြင့် နိုင်ငံတော်လုံခြုံရေးနှင့် အကျိုးစီးပွားကို ထိခိုက်စေမည့် သတင်းအချက်အလက်များကို
ပေါက်ကြားမှု မရှိစေရန် ဆောင်ရွက်ရမည်ဖြစ်ပြီး၊ ချိုးဖောက်ပါက မြန်မာနိုင်ငံအစိုးရ လျှို့ဝှက်ချက် အက်ဥပဒေအရ အရေးယူခံရမည် ဖြစ်သည်။ အဆိုပါ ဥပဒေအရ ထောင်ဒဏ် ၅ နှစ်အထိ ကျခံရနိုင်သည်။

မြန်မာနိုင်ငံတွင် ကွန်ပြူတာသုံးစွဲသူများကို အီလက်ထရောနစ်အက်ဥပဒေ ၃၃ (က) ဖြင့် တရားစွဲဆို ထောင်ချလေ့ရှိပြီး အမြင့်ဆုံး ၁၅ နှစ်အထိ ထောင်ဒဏ် ချမှတ်နိုင်သည်။ ယင်းဥပဒေဖြင့် အကျဉ်းကျခံရသူများတွင် ဘလော့ဂ်ဂါနေဘုန်းလတ်၊ လူရွှင်တော်ဇာဂနာတို့ ပါဝင်ပြီး စုစုပေါင်း ၄ဝ ဦးကျော်ရှိသည်ဟု ထိုင်းနိုင်ငံအခြေစိုက်နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) AAPP-B အဆိုအရ သိရသည်။

အစိုးရသစ်တက်လာပြီး ရက်ပိုင်းအတွင်းကလည်း တောင်ဒဂုံ သွေးအကူအညီပေးရေးအဖွဲ့ကို ကူညီနေသည့် ဗိုလ်ကြီးဟောင်း နေမျိုးဇင်ကို ဖမ်းဆီးခဲ့ပြီး ယင်းဥပဒေဖြင့်ပင် တရားစွဲဆိုထားသည်။

မူလတန်း ကျောင်းသုံးစာအုပ် အခမဲ့

သဲသဲ | ကြာသပတေးနေ့၊ မေလ ၂၆ ရက် ၂၀၁၁ ခုနှစ် ၁၉ နာရီ ၄၆ မိနစ်

နယူးဒေလီ (မဇ္ဈိမ) ။ ။ မူလတန်းကျောင်းသားများအတွက် ကျောင်းသုံးဖတ်စာအုပ်ကြေး ကောက်ခံထားပါက
ငွေပြန်အမ်းရန် ပညာရေးဝန်ကြီးဌာနက ညွှန်ကြားချက်ထုတ်ထားကြောင်း ရန်ကုန်တိုင်း စမ်းချောင်းမြို့နယ် ပညာရေးမှူးရုံးက ပြောသည်။ ။

ယခင်က မူလတန်း ဖတ်စာအုပ်ကြေးကို သူငယ်တန်း ၂၃ဝ ကျပ်၊ ပထမတန်း ၃ဝဝ ကျပ်၊ ဒုတိယတန်း ၃၇ဝ ကျပ်၊ တတိယတန်း ၅၂ဝ ကျပ်၊ စတုတ္တတန်း ၆၃ဝ ကျပ် သတ်မှတ်ထားခဲ့ပြီး၊ ယခုအခါ အစိုးရက အခမဲ့
ပေးအပ်တော့မည် ဖြစ်သောကြောင့် ယခုတပတ်အတွင်း ညွှန်ကြားချက် ထုတ်ပြန်လိုက်ခြင်း ဖြစ်သည်။

“သူငယ်တန်းကနေ ၄ တန်းအထိ ပြဋ္ဌာန်းစာအုပ်တွေကို နိုင်ငံတော်က အခမဲ့ပေးလို့ ပုံနှိပ်စာအုပ်ဖိုး
ကောက်ထားတဲ့ ကျောင်းတွေကို ငွေပြန်ပေးဖို့ ကျောင်းအုပ်ကြီးတွေဆီ ညွှန်ကြားချက် ပို့ထားပြီးပါပြီ်” ဟု စမ်းချောင်းမြို့နယ် ပညာရေးမှူးရုံး တာဝန်ခံတဦးက မဇ္ဈိမကို ပြောသည်။

ကျောင်းရန်ပုံငွေအဖြစ် ကောက်ခံမည်ဆိုပါကလည်း ကျောင်းဖွင့်ပြီး နှစ်လကြာမှသာ ကောက်ခံရမည်ဟု ညွှန်ကြားချက်ထဲတွင် ပါရှိသည်။

ပညာရေးဝန်ကြီး ဒေါက်တာမြဦးက ၂ဝ၁ဝ - ၂ဝ၁၁ ပညာသင်နှစ်မှစပြီး မူလတန်း ကျောင်းသား ၅ သန်းကျော်အတွက် ကျပ်ငွေ သန်း ၂၄ဝဝ တန်ဖိုးရှိ ဖတ်စာအုပ်များ အခမဲ့ ပေးဝေမည်ဖြစ်ကြောင်း နေပြည်တော်၌ ကျင်းပသည့် မေလ ၂၅ ရက် ကျောင်းအပ်နှံရေးနေ့ အခမ်းအနားတွင် ပြောဆိုကြောင်း ကြာသပတေးနေ့ထုတ် မြန်မာ့အလင်းတွင်
ဖော်ပြထားသည်။

ယခုညွှန်ကြားချက် မထွက်ခင်က ကျောင်းများ၌ မူလတန်းကို ကျောင်းသုံး ဖတ်စာအုပ်ကြေးများ ကောက်ခံခဲ့ပြီး၊ သတ်မှတ်နှုန်းထားထက် ပိုမိုကောက်ခံမှုများလည်း ရှိသည်။

“ကျောင်းအပ်ခက ၆၅ဝဝ၊ အလှူငွေက တသောင်း။ သူတို့က ဘာကြေးလို့ မပြောဘူး၊ အလှူငွေဆိုပြီး ထည့်ရတာပဲ။ ကျောင်းအပ်ခရော၊ အလှူငွေရော၊ ဘာဖြတ်ပိုင်းမှ မပေးဘူး” ဟု ပုဇွန်တောင် အ.မ.က ၆ ၌ တတိယတန်း ကလေးငယ်အတွက် ကျောင်းအပ်ခဲ့သည့် မိဘတဦးက မဇ္ဈိမကို ပြောသည်။

ရန်ကုန်တိုင်းအစိုးရက မေလ ၁၇ ရက်နေ့တွင် ပြုလုပ်သည့် သတင်းစာရှင်းလင်းပွဲ၌ ရန်ကုန်ရှိ လာဘ်စားမှုအမြင့်ဆုံး
ကျောင်း ၁၉ ကျောင်းစာရင်းကို ထုတ်ဖော်ခဲ့ပြီး၊ ကျောင်းဝင်ကြေးနှင့် စာအုပ်ဖိုးများကို တရားဝင် ထုတ်ပြန်ခဲ့သေးသည်။

ထို့အပြင် ကျောင်းများ၌ တရားဝင်သတ်မှတ်ကြေးထက် ပိုမိုကောက်ခံပါကလည်း တိုင်ကြားနိုင်ပြီး အမည်၊ လိပ်စာနှင့်အကွ ရပ်ကွက်အုပ်ချုပ်ရေး ထောက်ခံစာ လိုအပ်ကြောင်း၊ ကျောင်းများတွင်လည်း တိုင်ကြားနိုင်မည့် ဖုန်းနံပါတ်နှင့် ဖက်စ်နံပါတ်များကို ထားရှိသွားမည်ဟု ဆိုခဲ့သည်။

ဖတ်စာအုပ်ကြေး ကောက်ခံထားမှုများကိုစာရင်းနှင့်တကွ ပြန်လည်ပြုစုနေကာ၊ ကျောင်းဖွင့်ပြီး နောက်ပိုင်းမှသာလျှင်
ပြန်လည်ထုတ်ပေးရန် စီစဉ်နိုင်မည်ဖြစ်ကြောင်း ပုဇွန်တောင်မြို့နယ် ပညာရေးမှူးရုံး ဝန်ထမ်းတဦးကလည်း မဇ္ဈိမကို ပြောသည်။

ထိုသို့ထုတ်ပေးရာတွင် ဖတ်စာအုပ်ကြေးများကိုသာ ပြန်လည်ထုတ်ပေးမည်ဖြစ်ပြီး၊ ကျောင်းမှ ရောင်းချသည့် ဗလာစာအုပ်ကဲ့သို့ ကျောင်းသုံးပစ္စည်းများအတွက်မူ ပြန်လည်ပေးအပ်မဟုတ်ပေ။

ယခင်နှစ်များက ကျောင်းတွင် အစိုးရသတ်မှတ်ဈေးနှုန်းဖြင့် ရောင်းချပေးသော မူလတန်း ဖတ်စာအုပ်များ ခွဲတမ်းပြည့် မရရှိသဖြင့် အချို့ကျောင်းသားများက ၃ ဆခန့် ပိုပေးရသော ပြင်ပဆိုင်များမှ ဝယ်ယူခဲ့ရကြောင်း ဧရာဝတီတိုင်း အတွင်းရှိ မူလတန်း ကျောင်းအုပ် ဆရာမတဦးက မဇ္ဈိမကို ပြောသည်။

“ဒီနှစ်တော့ အလကားပေးမယ်ဆိုတော့ ခွဲတမ်းပြည့် ရမရ မသိသေးဘူး။ ခါတိုင်းနှစ်တွေဆိုရင် သုံးပုံ နှစ်ပုံပဲရတော့ မဲနှိုက်ပြီး ပေးရတယ်။ မရတဲ့ ကလေးဆိုရင် အပြင်မှာ ဝယ်ရတယ်။ မတတ်နိုင်တဲ့ မိဘတွေအတွက် ဝန်ပိတာပေါ့” ဟု သူက ပြောသည်။

ကျောင်းသုံး ပြဋ္ဌာန်းစာအုပ်များအား ပြင်ပဆိုင်များတွင် ဝယ်ယူမည်ဆိုပါက စတုတ္ထတန်းအတွက် တစုံလျှင် ၂ဝဝဝ ကျပ်နှင့် သူငယ်တန်းအတွက် ၁၅ဝဝ ကျပ် ဈေးရှိသည်။

“ကလေး ၄ တန်းသာ ရောက်လာတယ်။ ကျောင်းက ထုတ်ပေးတဲ့ စာအုပ် တနှစ်လားပဲ ရဖူးတယ်။ ကျောင်းကနေ ထုတ်ပေးတာလည်း နောက်ကျတော့ ကိုယ့်သားသမီး ဖတ်စရာမရှိမှာစိုးလို့ အပြင်မှာပဲ နှစ်တိုင်း ကြိုဝယ်နေရတာ” ဟု စတုတ္ထတန်း ကျောင်းသား၏ မိခင်တဦးက ဆိုသည်။

မြန်မာနိုင်ငံတွင် မေလ နောက်ဆုံးပတ်ကို ကျောင်းအပ်နှံရေး သီတင်းပတ်အဖြစ် သတ်မှတ်ပြီး ဇွန်လ ၁ ရက်နေ့တွင် တနိုင်ငံလုံးရှိ အခြေခံပညာကျောင်းများ ဖွင့်လှစ်လေ့ရှိသည်။

မြန်မာနိုင်ငံ၌ အခြေခံပညာကျောင်းပေါင်း ၁၉၈၈ ခုနှစ်တွင် ၃၃၇၄၇ ကျောင်းရှိခဲ့ရာမှ ၂ဝ၁ဝ ခုနှစ်တွင် ၄ဝ၈၇၆ ကျောင်း ရှိလာသည်ဟု ၂ဝ၁၁ ဇန်နဝါရီလ ၃ ရက်နေ့ထုတ် မြန်မာ့အလင်းသတင်းစာ၌ ဖော်ပြထားသည်။

KIA ရာဇသံအား မြန်မာအစိုးရ လစ်လျူရှု

Thursday, 26 May 2011 16:40 KNG

စစ်တပ်ကြိုးကိုင်သည့် သမ္မတ သိန်းစိန် ဦးဆောင်သော မြန်မာအစိုးရသည် ကချင်လွတ်မြောက်ရေးအဖွဲ့ (KIO) ၏ ရာဇသံကို လစ်လျူရှုကာ ယနေ့အထိ ၎င်းတို့တပ်များ KIA တပ်အနီးမှ ဆုတ်ခွာပေးခြင်း မ ရှိဟု KIA အရာရှိများဆိုသည်။

မေ ၂၅ ရက်အား ဆုတ်ခွာရန်နောက်ဆုံးရက်အဖြစ် သတ်မှတ်ခဲ့ခြင်းဖြစ်သည်။

မိုးညှင်းမြို့နယ်၊ ဆင်ဘိုမြို့နယ်ခွဲ၊ ပန်ခေါန်အခြေစိုက် KIA တပ်ရင်း ၅ အနီး နေရာယူထားသည့် မြန်မာတပ်စခန်း ၃ ခုနှင့် အခြား KIAတပ်စခန်းများအနီး ရောက်ရှိနေသည့် မြန်မာစစ်သားများအားလုံး မေ ၂၅ တွင် နောက်ဆုံးထားပြီး ဆုတ်ခွာပေးရန် KIA က မေလ ၁၉ ရက်နေ့တွင် စာဖြင့် အကြောင်းကြားခဲ့သည်။

“အစိုးရတပ်များဆုတ်ခွာခြင်းမရှိသည့်အတွက် ရှေ့တွင်ဖြစ်လာမည့် အကျိုးဆက်အားလုံးသည် မြန်မာအစိုးရ၌သာ တာဝန်ရှိမည် ဖြစ်သည်” ဟု KIA ရာဇသံတွင် သတိပေးထားသည်။

ကရင်ပြည်သူ ၂ ထောင်ကျော်အား စစ်တပ်က အကာအကွယ်အဖြစ် အသုံးပြုကြောင်း KNU ထုတ်ပြန်

မေလ ၂၆ ရက်။ စောခါးစူးညား (ကေအိုင်စီ)

ကရင်အမျိုးသားအစည်းအရုံး(KNU)ထိန်းချုပ်နယ်မြေ ၅ခုအတွင်းရှိ လှုပ်ရှားနေသည့် မြန်မာစစ်တပ်များက လေးလတာ ကာလအတွင်း ကရင်ပြည်သူ ၂ထောင်ကျော်အား အကာအကွယ်အဖြစ် အသုံးပြုကြောင်း KNU က ယနေ့ မေလ ၂၆ရက် နေ့စွဲဖြင့် ကြေညာချက်တစ်စောင် ထုတ်ပြန်လိုက်သည်။

၂၀၁၁ခုနှစ် ဇန်န၀ါရီလမှစ၍ ဧပြီလကုန်အထိ အဆိုပါ ခရိုင် ၅ခုမှ မြန်မာစစ်တပ်၏ အတင်းအဓမ္မဖမ်းဆီးခေါ်ဆောင်ခြင်းကို ခံနေရသူများသည် စစ်တပ်အတွက် အကာအကွယ်အဖြစ်သော်လည်းကောင်း၊ မိုင်းရှင်းပေးသူ အဖြစ်သော်လည်းကောင်း အသုံးပြုခံရကာ ထိုအထဲ၌ ရွာသားပေါင်း ၂,၀၅၁ဦး ပါဝင်ပြီး ၁,၂၂၀ဦးသည် အမျိုးသမီးများဖြစ်သည်ဟု ကြေညာချက်ထဲ တွင် ဖော်ပြထားသည်။

KNU အတွင်းရေးမှူး(၁) ဗိုလ်မှူးစောလှငွေက “အခုအစိုးရကတော့ ဒီမိုကရေစီဘက်ကို ဦးတည်သွားမယ်လို့ ပြောပေမဲ့ နိုင်ငံရေးအကျဉ်းသားတွေကို မလွတ်ပေးသေးသလို တိုင်းရင်းသားဒေသမှာလည်း ထိုးစစ်တွေ ရပ်သွားတာ မရှိဘဲ ဥပဒေမဲ့ သတ်ဖြတ်မှု၊ အမျိုးသမီးတွေကို အကြမ်းဖက်မှု၊ ကလေးပါမကျန် တပ်ရိက္ခာ ထမ်းခိုင်းမှု၊ ခိုင်းလို့ မတတ်နိုင်ဘူးဆိုရင် အကြပ်ကိုင်ပြီး ရွာသားတွေရဲ့ ပစ္စည်းတွေကို ဖျက်ဆီး၊ ယာခင်းမီးရှို့ စတာတွေ လုပ်လာတဲ့အပေါ်မှာ အများက အဖြစ်မှန် တွေကို သိဖို့ဆိုပြီး ကျနော်တို့ ဒီကြေညာချက်ကို ထုတ်ရတာပါ။”ဟု ကေအိုင်စီကို ပြောသည်။

ဆက်လက်၍ သူက ယခုအချိန်၌ မြန်မာပြည်အခြေအနေသည် မြန်မာအစိုးရပြောသလို ကုလသမဂ္ဂအထူးသံတမန်ရေးက တိုးတက်မှုရှိကြောင်း မြင်သော်လည်း ကုလသမဂ္ဂလူ့အခွင့်အရေးဆိုင်ရာ ပုဂ္ဂိုလ်က ၎င်းရရှိသည့်အချက်အလက်များအရ မပြောင်းလဲသေးကြောင်း ပြောသည်။

ထို့အပြင် နိုင်ငံတကာရှိ နိုင်ငံဆယ်နိုင်ငံကျော်က တောင်းဆိုထားသည့် လူသားမျိုး နွယ်ပေါ်မှာပြုသည့် ပြုမူမှုနှင့် ပတ် သက်ပြီး စုံစမ်းစစ်ဆေးရန် KNUအနေဖြင့် လုပ်သင့်ကြောင်းကို ကမ္ဘာက သိအောင် တင်ပြရခြင်းနှင့် အမေရိကန်၊ အီးယူ ဥရောပနိုင်ငံတို့မှ ပုဂ္ဂိုလ်များ သတိထားနိုင်အောင် သတင်းအမှန်ပေးခြင်းဖြစ်သည်ဟု ရှင်းပြသည်။

ပြီးခဲ့သည့် ဧပြီလ ၂၄ရက်၌ ကရင်ပြည်နယ်၊ ဖာပွန်ခရိုင်အတွင်း လှုပ်ရှားနေသည့် မြန်မာစစ်တပ် ခလရ(၉၆)သည် နေရာ အပြောင်းအလဲပြုလုပ်နေစဉ် အထိုဒေသရှိ မယ်ဝေကျေးရွာမှ အမျိုးသမီး ၇ဦးနှင့် အမျိုးသား ၁ဦးကို အတင်းအဓမ္မခေါ် ဆောင်သွားပြီး ၎င်းအမျိုးသမီးထဲတွင် အသက်(၃)နှစ်နှင့် အသက်(၂)နှစ်အရွယ် ကလေးနှစ်ဦးလည်း ပါဝင်သည်ဟု ထုတ်ပြန်ကြေညာချက်တွင် ထောက်ပြထားသည်။

ထို့အပြင် ထိုတနေ့တည်း၌ပင် မြန်မာစစ်တပ် တပ်မ(၁၁)လက်အောက်ခံ ခမရ(၂၁၄)တပ်ရင်းမှူး မောင်မင်းလှသည် ဖာပွန်ခရိုင် ထိုဖိုးဒိုးရွာမှ ရွာသားများအား ခေါပူမှ ၁၆မိုင်အထိ တအိမ်လျှင် ဆန်(၅)အိတ် ထမ်းပေးရမည်ဟု အဓမ္မတောင်း သည့်အခါ ရွာသားများက ငြင်းဆန်သည့်အတွက် ရွာသားများ၏ ယာခင်း(၂၉)ခင်းကို မီးရှို့ဖျက်ဆီးခဲ့သည်ဟုလည်း ထည့် သွင်းပါရှိသည်။

အရပ်သားပြည်သူများအား မြန်မာစစ်တပ်၏ အလားတူ ခိုင်းစေအသုံးပြုမှုကြောင့် ကော့ကရိတ်မြို့နယ်တွင် ရွာသား ၇ဦးအသတ်ခံရပြီး အသက်(၃၅)နှစ်အရွယ် အမျိုးသမီးတဦး မြေမြှုပ်မိုင်း နင်းမိခဲ့သည်ဟု KNU ကြေညာချက်က ဆိုသည်။

စစ်မြေပြင်အတွင်း အပြစ်မဲ့ သတ်ဖြတ်ခြင်း၊ အမျိုးသမီးနှင့် ကလေးများကိုပါ အဓမ္မခိုင်းစေခြင်း၊ ခြိမ်းခြောက်ခြင်း၊ စစ်တပ် အကာအကွယ်အဖြစ် အသုံးပြုခြင်းနှင့် မိုင်းရှင်းလင်းပေးခြင်းတို့ကြောင့် မြန်မာအစိုးရသည် ရာဇ၀တ်မှုကျူးလွန်နေသည်ဟု သတ်မှတ်ကြောင်းနှင့် ကုလသမဂ္ဂအဖွဲ့ဝင်နိုင်ငံများနှင့် ဒီမိုကရေစီနိုင်ငံအနေဖြင့်လည်း လူမဆန်သော အစိုးရ၏ လုပ်ရပ် များကို ရပ်တန့်စေရန်၊ ပြင်းထန်သော အရေးယူမှုများပြုလုပ်ပြီး စုံစမ်းစစ်ဆေးရေးကော်မရှင်တစ်ရပ် ဖွဲ့စည်းပေးရန် KNU က တောင်းဆိုထားသည်။

KNU သည် ၁၉၄၉ခုနှစ်မှစ၍ အာဏာရမြန်မာအစိုးရအဆက်ဆက်ကို တော်လှန်နေသည့် တိုင်းရင်းသားလက်နက်ကိုင် တော်လှန်ရေးအဖွဲ့အစည်းတစ်ခုဖြစ်ပြီး အစိုးရဘက်မှ ကျူးလွန်သည့် လူ့အခွင့်အရေး ချိုးဖောက်မှုများကို အမြဲတမ်းဝေဖန် ထောက်ပြပြောဆိုလျှက်ရှိသည်။

ဘရိ်ုက်တန်မြို့လယ်မှာ ဒေါ်အောင်ဆန်းစုကြည်အား ဂုဏ်ပြု နံရံပန်းချီများ ရေးဆွဲ

2011-05-26 RFA

ဗြိတိန်နိုင်ငံ ဘရိုက်တန်မြို့က တလကြာ ကျင်းပနေတဲ့ အနုပညာပွဲတော်မှာ ဒေါ်အောင်ဆန်းစုကြည်ရဲ့ ပုံတူများကို ဘရိုက်တန် မြို့လယ်မှာရှိတဲ့ အဆောက်အအုံတွေရဲ့ နံရံများပေါ်မှာ ရေးဆွဲထားပါတယ်။

ဒီလိုရေးဆွဲရာမှာ Graffiti လို့ခေါ်တဲ့ နံရံပေါ်မှာ ခေတ်ပေါ် မှုတ်ဆေးနဲ့ ရေးဆွဲတဲ့ ပန်းချီကားတွေ ဖြစ်ပါတယ်။ မေလ ၂၅ ရက် မနေ့က ဗြိတိန်နိုင်ငံသား အနုပညာရှင် ၃ ဦးက ရေးဆွဲခဲ့တာပါ။

ဆန္ဒပြအကျဉ်းသားများအရေး မှန်ကန်စွာ ဖြေရှင်းပေးဖို့ တောင်းဆို

2011-05-26 RFA

အစာငတ်ခံ ဆန္ဒပြနေတဲ့ နိုင်ငံရေး အကျဉ်းသားတွေရဲ့ တောင်းဆိုချက်တွေနဲ့ ပတ်သက်ပြီး အာဏာပိုင်တွေအနေနဲ့ မှန်ကန်တဲ့ သဘောထားနဲ့ ဖြေရှင်းပေးဖို့ လိုတယ်လို့ ဒီကနေ့ မေလ ၂၆ ရက်မှာ အကျဉ်းသား မိသားစုဝင်တွေက တောင်းဆိုလိုက်ပါတယ်။

ဒီကနေ့ ရရှိတဲ့ သတင်းတွေအရ အစာငတ်ခံ ဆန္ဒပြတာကြောင့် အင်းစိန်ထောင် စစ်ခွေးတိုက်ကို အပို့ခံရတဲ့ နိုင်ငံရေးအကျဉ်းသား ၇ ဦးကို သူတို့နေထိုင်တဲ့ မူလ အဆောင်တွေကို ထောင် အာဏာပိုင်တွေက ပြန်ပို့လိုက်ပါတယ်။ ဒါအပြင် အခြား ဆန္ဒပြနေသူ တချို့ရဲ့ မိသားစုတွေကို ထောင်ဝင်စာနဲ့ ပါဆယ်ပို့ခွင့် ပေးလိုက်တယ်လို့ သိရပါတယ်။

ဒီအခြေအနေတွေ အရ အာဏာပိုင်တွေအနေနဲ့ နိုင်ငံရေးအကျဉ်းသားတွေ တောင်းဆိုဆန္ဒပြတာကို ဖြေရှင်းလိုက်နိ်ုင်ပြီလို့ ယူဆနိုင်ပါတယ်။ ဒါပေမဲ့ နိုင်ငံရေး အကျဉ်းသားတွေ တောင်းဆိုထားတဲ့ အချက်တွေကို အာဏာပိုင်တွေက ဘယ်လိုပုံစံ လိုက်လျောလိုက်သလဲ၊ ဘယ်လို ညှိနှိုင်းကြသလဲဆိုတာ အတိအကျ မသိရသေးဘူးလို့ နိုင်ငံရေးအကျဉ်းသားများ မိသားစု အကျိုးဆောင် ကွန်ရက်အဖွဲ့ရဲ့တာဝန်ခံက ပြောပါတယ်။

“ပြေလည်သွားတယ်ဆိုတဲ့ ဟာက ယာယီ ပြေလည်မှုတွေပဲ ဖြစ်နိုင်တယ်။ ၂၈/၂၀၁၁ အခြေခံ အကျဆုံးသော အချက်ဖြစ်တဲ့ပေါ့နော် သာမန် လျှော့ပေါ့ရက်များ ခံစားခွင့်အပြင် တနှစ်ဆိုတဲ့ဟာ ပါတယ်။ အဲဒီမှာ နိုင်ငံရေး အကျဉ်းသားတွေက သာမန် လျှော့ပေါ့ရက်ကို မရသေးဘူး။ သမ္မတရဲ့ ကြေညာချက်မှာတော့ ပေးတယ်ဆိုတဲ့ ပုံစံမျိုး ဖြစ်နေတယ်ပေါ့။”

“ဒီဟာကို သူတို့ ဘယ်လို ဆောင်ရွက်ပေးမလဲ မဆောင်ရွက်ပေးဘူး ဆိုရင်တော့ ဒီတခုတည်းတင် မဟုတ်ဖူး၊ တခြားနေရာတွေမှာ အကြီးအကျယ် လှုပ်ရှားမှုတွေ ဖြစ်ပေါ်လာနိုင်တယ်။ နောက်တခုကတော့ ထောင်ပိုင်းနဲ့ ဆိုင်တဲ့ အပိုင်းပေါ့။ ထောင်လက်စွဲ ဥပဒေအရ ပေးသင့် ပေးထိုက်တဲ့ အချက်အလက်တွေ ရှိတယ်။ အဲဒီ အချက်အလက်တွေကို တကယ် အပြည့်အဝ ဖော်ဆောင်ပေးဖို့ လိုတယ်။ ဒါတွေကို မပေးသေးပဲနဲ့ အခြေခံ အကျဆုံးဟာတွေတောင်မှ ချို့တဲ့အောင် ထားမယ်၊ ပိတ်ပင်ထားမယ် ဆိုင်တော့ ဆက်ဖြစ်သွားနေမှာပဲ။”

အကျဉ်းထောင်တွေမှာ အခုလို ဆန္ဒပြမှုတွေနဲ့ ပတ်သက်လို့ နိုင်ငံတကာ အသိုင်းအဝိုင်းက စောင့်ကြည့် ဖိအားပေးလာတဲ့ အခါမျိုးဆိုရင် ထောင်အာဏာပိုင်တွေဖက်က အပေါ်ယံ ဆောင်ရွက်ပေးလေ့ ရှိတယ်လို့လည်း သူက ဆက်ပြောပြပါတယ်။

“တိုက်ပွဲအခြေအနေ အေးသွားတဲ့အခါမျိုးမှာမှ သူတို့က ထောင်ပြောင်း ထည့်တာတို့၊ အခါအခွင့် ကြုံတဲ့အခါမှာ အကြီးစား ပြစ်ဒဏ်ကြီးတွေ ပေးတာတို့နဲ့ နောက်ဆက်တွဲတွေ အရေးယူတတ်တယ်ပေါ့။ အခု ပြေလည်မှု ဆိုတဲ့ဟာကိုလည်း ကျွန်တော်တို့ အနေနဲ့ သံသယ အများကြီး ရှိတယ်။ နောက်ဆက်တွဲ ဘယ်လိုတွေ ဖြစ်ပေါ်လာနိုင်သလဲ ဆိုတဲ့ဟာကိုလည်း သတိကြီးစွာနဲ့ စောင့်ကြည့်နေကြပါတယ်။”

အစာငတ်ခံ ဆန္ဒပြခဲ့တဲ့ နိုင်ငံရေး အကျဉ်းသား အများစုမှာ ထောင်တွင်း ကျန်းမာရေး စောင့်ရှောက်မှု ညံ့ဖျင်းတာကြောင့် တီဘီရောဂါ၊ အကြောရောဂါ၊ မျက်စိရောဂါ၊ အစာအိမ်ရောဂါ စတာတွေ အသီးသီး ခံစားနေရပါတယ်။

လူကုန်ကူးမူ တိုင်ကြားသော်လည်း အရေးယူ မခံရ

News Date:5/26/2011 နိရဉ္ဖရာ သတင်းဌာန

တောင်ကုတ်မြို့မှ လူကုန်ကုးသူများအား အရေးယူပေးရန် စာရေးသားပြီး နိုင်ငံတော် သမ္မတထိ တိုင်ကြား သော်လည်း ယနေ့ထက်ထိ တစုံတရာ အရေးယူခြင်း မရှိကြောင်း လူ့အခွင့်အရေး လူပ်ရှားသူ လူငယ် တစ်ဦးက ပြောသည်။

သူတို့တိုင်တာက သမ္မတ ဦးသိန်းစိန်ထိ တိုင်ကြားပါတယ်။ ရခိုင်ပြည်နယ် ၀န်ကြီးချုပ်၊ လ၀ကမှူးနဲ့ စကခ (၅) မှူးထိ စာရေးတိုင်ကြားပါတယ်။ ဒါပေမယ့် အခုအချိန်ထိ အရေးယူမှု တစုံတရာ မရှိသေးပါဘူး ဟု သူက ပြောသည်။

တိုင်ကြားသူမှာ တောင်ကုတ်မြို့က ဒေါ်မခင်ဝင်း ဖြစ်ပြီး သူမ ယောင်္ကျား ဖြစ်သူနှင့် သူမ၏ သားသမက် ဖြစ်သူတို့အား လူကုန်ကူးသူများက ထိုင်းနိုင်ငံတွင် ရောင်းစားခံရပြီးနောက် ထိုသို့ တိုင်ကြားခြင်း ဖြစ်သည်။

“ သူမက အစပထမ တောင်ကုတ်ရဲကို တိုင်ကြားပါတယ်။ ရဲက ဘယ်လိုမှ အရေးမယူတဲ့ အတွက် နောက်ပိုင်းမှာ သမ္မတ စာရေးတိုင်ကြားတာ ဖြစ်ပါတယ်။ မိတ္တူတွေကိုတော့ လူ့အခွင့်အရေး လူပ်ရှားနေတဲ့ ရှေ့နေတွေဆီလည်း ပို့ပေးထားပါတယ်†ဟု အဆိုပါ လူငယ်မှ ပြောသည်။

လူကုန်ကူးသူ အမျိုးသားနှင့် အမျိုးသမီးမှာ ရဲအဖွဲ့နှင့် နီးစပ်သူ ဖြစ်ပြီး ရဲအဖွဲ့အား ငွေပေးထားနိုင်သဖြင့် ယခုကဲ့သို့ အဖမ်းမခံရခြင်း ဖြစ်ကြောင်း သူက ပြောသည်။

“ သူတို့ လင်မယား ဖြစ်ပါတယ်။ လူတစ်ဦးဆီက ကျပ် (၆) သိန်းစီ ယူပါတယ်။ ထိုင်းကို ရောက်ရင် အလုပ်ပါရမယ်ဆိုတော့ လူတွေက လိုက်သွားကြပါတယ်။ ထိုင်းကိုရောက်ရင် လူတွေကို ရောင်းစားပါတယ်။ အခု ရောင်းစား ခံထားရတာက တောင်ကုတ် တမြို့နယ် တစ်ခုတည်းက လူပေါင်း (၆၀)ကျော်ရှိနေပြီ ဖြစ်တယ်လို့ သိရပါတယ်။ ရမ်းဗြဲဘက်က လူတွေနဲ့ ဆိုရင် ၁၀၀ ကျော်နေပါပြီ။â€

ယခုကဲ့သို့ လူကုန်ကူးမူကို သက်သေ အထောက်အထားများနှင့် တကွ တိုင်ကြားသော်လည်း အရေးယူမူ တစုံတရာ မရှိသဖြင့် ယခုအခါ လူကုန်ကူးခံရသူများ၏ ဆွေမျိုးများက ရန်ကုန်ရှိ ရှေ့နေ ဦးအောင်သိန်း အပါအ၀င် တခြား လူမူ အဖွဲ့အစည်းများကိုပါ အဆိုပါ ကိစ္စ ဖြေရှင်း ပေးရန် အကူအညီတောင်းထားကြောင်း သိရသည်။

သတင်းထောက်များ လွတ်မြောက်ရေးလှုပ်ရှားမှု ကျင်းပမည်

ယုယမိုး Thursday, 26 May 2011 15:16

အကျဉ်းကျခံ မြန်မာသတင်းထောက်များ လွတ်မြောက်ရေး လှုပ်ရှားမှုကို ထိုင်းနိုင်ငံ ချင်းမိုင်မြို့တွင် ယနေ့ည၌ Free Burma VJ အဖွဲ့နှင့် ပြင်သစ်နိုင်ငံပါရီမြို့ အခြေစိုက် နယ်စည်မခြား သတင်းထောက်များ အဖွဲ့ (RSF) တို့ ပူးပေါင်း ကျင်းပမည် ဖြစ်သည်။

ယနေ့သည် နာဂစ်မုန်တိုင်းအပြီး မိဘမဲ့ ဖြစ်သွားသော ကလေးငယ် များအကြောင်း (Orphans of Burma's Cyclone) မှတ်တမ်း ဗီဒီယို ရိုက်ကူးမှုဖြင့် အစိုးရက ဖမ်းဆီး ထောင်ချခဲ့သည့် ဒီမိုကရက်တစ် မြန်မာ့အသံ (DVB) ၏ ရုပ်သံ သတင်းထောက် တဦးဖြစ်သူ ကိုငွေစိုးလင်း၏ မွေးနေ့လည်း ဖြစ်သောကြောင့် ၎င်းအတွက် မွေးနေ့ဆုတောင်းပွဲကိုပါ တပါတည်း ကျင်းပမည်ဟု သိရသည်။

ကိုငွေစိုးလင်း ပါဝင်ရိုက်ကူးခဲ့သော အဆိုပါမှတ်တမ်း ရုပ်ရှင်သည် လန်ဒန်အခြေစိုက် Rory Peck Trust ၏ ဆု ချီးမြှင့်ခြင်းကို ခံခဲ့ရသည်။

မြန်မာနိုင်ငံတွင် စာနယ်ဇင်း လွတ်လပ်ခွင့် အခြေအနေများ ဆိုးရွားနေဆဲဖြစ်ကြောင်း နိုင်ငံတကာက သတိပြုမိစေရန် ယခုကဲ့သို့ အကျဉ်းကျခံ စာနယ်ဇင်းသမားများ လွတ်မြောက်ရေး လှုပ်ရှားမှု ကျင်းပရခြင်းဖြစ်ကြောင်း Free Burma VJ အဖွဲ့မှ Geraldine May က ဧရာဝတီကို ပြောသည်။

Free Burma VJ သည် သတင်းထောက်များ လွတ်မြောက်ရေး လှုပ်ရှားမှု ဆောင်ရွက် နေသည့် အဖွဲ့အစည်းတခု ဖြစ်ပြီး ရုပ်သံ သတင်းထောက် ၁၇ ဦးကို မြန်မာအစိုးရက ဖမ်းဆီးထိန်းသိမ်းထားသည် ဟု ၎င်းအဖွဲ့၏ Facebook စာမျက်နှာတွင် ဖော်ပြ ထားသည်။

“ကိုငွေစိုးလင်းရဲ့ လုပ်ဆောင်ချက်တွေအပေါ် ဂုဏ်ယူပါတယ်။ သူနဲ့အတူ တခြား ဖမ်းဆီး ထိန်းသိမ်း ခံထားရတဲ့ သတင်းထောက်တွေ လွတ်မြောက်ဖို့ ကျမတို့ လုပ်ဆောင်သွားမယ်လို့ ရည်ရွယ်ပြီး သူ့မွေးနေ့မှာ အခုလို လှုပ်ရှားမှု တခု ပြုလုပ်ရခြင်း ဖြစ်ပါတယ်” ဟု Geraldine May က ဆိုသည်။

ကိုငွေစိုးလင်းအား အမှတ်ရ ဂုဏ်ပြုသည့် အနေဖြင့် ယနေ့ ကျင်းပမည့် လှုပ်ရှားမှုပွဲတွင် Orphans of Burma's Cyclone မှတ်တမ်းရုပ်ရှင်ကို ပြန်လည် ပြသမည်ဖြစ်ကြောင်း၊ တခြား အကျဉ်းကျ ခံနေရသည့် သတင်းထောက်များ လွတ်မြောက်ရေး လှုပ်ရှားမှု များကိုလည်း DVB ၏ Free Burma VJ Campaign ကော်မတီက ဆောင်ရွက်သွားမည်ဖြစ်ကြောင်း ထိုင်းနိုင်ငံ DVB သတင်းဌာနခွဲ၏ တာဝန်ရှိသူ ဦးတိုးဇော်လတ်က ပြောသည်။

“ကိုငွေစိုးလင်းရဲ့ အသက် ၃၀ ပြည့် မွေးနေ့ပွဲကို ထောင်ထဲမှာ မကျင်းပနိုင်တဲ့ အတွက် ကျနော်တို့က ဂုဏ်ပြုကျင်းပ ပေးတာ ဖြစ်ပါတယ်” ဟု သူက ဆိုသည်။

၂၀၀၇ ရွှေဝါရောင် တော်လှန်ရေးအတွင်း DVB ရုပ်သံ သတင်းထောက်များ အကြောင်း ရိုက်ကူးထားသည့် Burma VJ ရုပ်သံ မှတ်တမ်းသည်လည်း ၂၀၀၉ ခုနှစ်အတွက် အော်စကာဆုပေးပွဲတွင် ဆန်ခါတင် အဆင့်အထိ ရောက်ရှိခဲ့သည်။

မြန်မာနိုင်ငံသည် ဘီလာရုစ်၊ ကျူးဘား၊ အီရစ်ထရီးယား၊ လစ်ဗျား၊ မြောက်ကိုရီးယား၊ တာမင်နစ္စတန် နိုင်ငံများကဲ့သို့ပင် သတင်း လွတ်လပ်ခွင့်နှင့် ပတ်သက်၍ ဖိနှိပ်ချုပ်ချယ်သည့် နာမည်ပျက် စာရင်းဝင်ဖြစ်ကြောင်း မေလ ၃ ရက်နေ့က ကျရောက်သည့် ကမ္ဘာ့သတင်း လွတ်လပ်ခွင့်နေ့တွင် အမေရိကန်သမ္မတ အိုဘားမားက ပြောကြားခဲ့သည့်။

မြန်မာနိုင်ငံတွင် ကိုငွေစိုးလင်း အပါအ၀င် သတင်းသမား ၂၆ ဦးနှင့် နိုင်ငံရေး အကျဉ်းသား ၂၀၆၁ ဦးကို အစိုးရက ဖမ်းဆီးထားသည်ဟု လူ့အခွင့်အရေး အဖွဲ့တဖွဲ့ဖြစ်သည့် နိုင်ငံရေးအကျဉ်းသားများ ကူညီ စောင့်ရှောက်ရေး အသင်း (AAPP) က ထုတ်ပြန်ထားသည်။

အကျဉ်းကျ ခံနေရသည့် သတင်းထောက်များအား လွတ်မြောက် စေချင်သကဲ့သို့ မီဒီယာလောကရှိ သတင်းသမားများ အားလုံး အဖမ်းအဆီး မခံရစေရန် ကာကွယ် စောင့်ရှောက်ပေးသည့် အဖွဲ့အစည်းများ၊ လှုပ်ရှားမှုများ မဖြစ်မနေ လိုအပ်နေသည်ဟု ကိုငွေစိုးလင်း၏ လုပ်ဖော်ကိုင်ဘက် တဦးဖြစ်သူ ဗီဒီယို သတင်းထောက် ကိုဇက်က ပြောသည်။

“ကျနော်တို့ မီဒီယာသမားတွေဆိုတာ အကြမ်းဖက်သမားတွေ၊ နိုင်ငံရေး လှုပ်ရှားသူတွေလည်း မဟုတ်ပါဘူး။ ပြည်သူတွေ ရင်ဆိုင်နေရတဲ့ ဒုက္ခတွေ အဖြစ်အပျက်တွေကို သတင်းပေး တင်ပြသူတွေ ဖြစ်ပေမယ့် အခုလို ဖမ်းဆီး ထောင်ချ ခံနေရတဲ့ အပြင် မကြာသေးခင်က လျှော့ပေါ့ပြစ်ဒဏ် ပေးတဲ့အခါမှာလည်း သတင်းထောက်တွေက အမေ့ခံ ဖြစ်နေရပါတယ်” ဟု သူကဆိုသည်။

ဆက်လက်၍ ၎င်းက ပြည်တွင်းပြည်ပမှ အဖွဲ့အစည်းများ အနေနှင့် သတင်းသမားများအား ကာကွယ်စောင့်ရှောက် ပေးနိုင်သည့် အဖွဲ့အစည်းများ ဖွဲ့စည်းနိုင်ရန် လုပ်ဆောင်သင့်သည်ဟု ပြောသည်။

ကရင် နယ်ခြားစောင့် အချင်းချင်း ပစ်ခတ်

ဧရာဝတီ Thursday, 26 May 2011 18:16 သတင်းတိုများ

ကရင်ပြည်နယ် လှိုင်းဘွဲ့မြို့နယ် ထီလုံကျေးရွာတွင် နယ်ခြားစောင့်တပ် လက်ခံထားသည့် DKBAတပ်ဖွဲ့ဝင်များ အချင်းချင်း ပြီးခဲ့ သည့် အင်္ဂါနေ့ညပိုင်းက ပစ်ခတ်မှု ဖြစ်ပွားခဲ့သည်။

ပစ်ခတ်မှု ဖြစ်ပွားသူများသည် နယ်ခြားစောင့်တပ်ရင်း အမှတ် ၁၀၁၂ မှ ဗိုလ်ဘိ ဦးဆောင်သော တပ်ဖွဲ့ဝင်များ ဖြစ်ကြောင်း၊ ထိုပစ်ခတ်မှုများကြောင့် ယင်းတပ်ဖွဲ့မှ တပ်ဖွဲ့ဝင်၂ ဦး ထိခိုက်ဒဏ်ရာ ရရှိသွားကြောင်း KNU ဘား အံခရိုင် ဥက္ကဋ္ဌ ဖဒို စောအောင်မော်အေးက ပြောသည်။