အမေရိကန် ဒုလက်ထောက် နိုင်ငံခြားရေးဝန်ကြီး ဂျိုးဇက်ယွန်းရဲ့ မြန်မာနိုင်ငံခရီးစဉ် ဒီကနေ့ ပြီးဆုံးသွားပါပြီ။
သူ့ရဲ့သုံးရက်ကြာခရီးမှာ ယွန်းဟာ မြန်မာနိုင်ငံထဲက အဓိက နိုင်ငံရေး အဖွဲ့အစည်းတွေရဲ့ ကိုယ်စားလှယ်တွေနဲ့ တွေ့ဆုံခဲ့ပါတယ်။
အမေရိကန် မြန်မာ ဆက်ဆံရေး တိုးတက်ကောင်းမွန်ဖို့ အမေရိကန်အစိုးရက ဆန္ဒရှိတာကို ဂျိုးဇက်ယွန်းက မြန်မာနိုင်ငံခြားရေးဝန်ကြီးနဲ့တွေ့ဆုံစဉ်မှာ ပြောခဲ့ပြီး မြောက်ကိုရီးယားနဲ့ မြန်မာ စစ်ရေးဆက်ဆံမှုတွေနဲ့ ပတ်သက်ပြီး အမေရိကန် အစိုးရရဲ့ စိုးရိမ်မကင်းဖြစ်မှုကိုလည်း အသိပေးခဲ့ပါတယ်။
တဖက်မှာ အမေရိကန်နဲ့ မြန်မာ ဆက်ဆံရေးတိုးတက်ကောင်းမွန်ဖို့ မြန်မာအစိုးရအနေနဲ့ လူ့အခွင့်အရေး လေးစားလိုက်နာမှု၊ နိုင်ငံရေး အကျဉ်းသားတွေ လွှတ်ပေးမှုနဲ့ ဒီမိုကရေစီနဲ့အညီ အုပ်ချုပ်မှုဆီသွားနေတာကို လက်ဆုပ်လက်ကိုင် ပြနိုင်မှုတွေပေါ် မူတည်တယ်လို့ ဂျိုးဇက်ယွန်း ခရီးစဉ်နဲ့ပတ်သက်ပြီး အမေရိကန်သံရုံးက ထုတ်ပြန်တဲ့ ကြေညာချက်မှာ ဖော်ပြထားပါတယ်။
ဂျိုးဇက်ယွန်းဟာ အမျိုးသားဒီမိုကရေစီအဖွဲ့ချုပ် ခေါင်းဆောင်တွေ အပါအဝင် လွှတ်တော်ထဲက ပါတီတွေရဲ့ အမတ်တွေနဲ့လည်း တွေ့ဆုံခဲ့ပါတယ်။
လွှတ်တော်တက်နေတဲ့ အမတ်တွေအနေနဲ့ လွှတ်တော်မှာ အတိုက်အခံလုပ်နိုင်ခြင်း မရှိဘူးလို့ တစည အမတ် မန်းမောင်မောင်ဉာဏ်က ဂျိုးဇက်ယွန်းနဲ့ တွေ့စဉ်မှာ ပြောပြခဲ့ပါတယ်။
သတင်း - ဘီဘီစီ
Photos : AP, Reuters, Getty Images
No comments:
Post a Comment