ဒီနေ့ဖတ်စရာ သတင်းများ (မေလ ၂၀ ရက်)

- အမေရိကန် သံတမန်နဲ့ ဒေါ်စု မြန်မာ့အရေး ဆွေးနွေး
- ဒေါ်အောင်ဆန်းစုကြည် မကြာမီ ခရီးထွက်မည်
- တပ်ရုပ်သိမ်းရန် KIO က မပခကို သတိပေး
- အမေရိကန်အဆင့်မြင့် အရာရှိနှင့် အစိုးရအဖွဲ့ဝင်များ တွေ့ဆုံ
- သမ္မတ ဦးသိန်းစိန် တရုတ်နိုင်ငံ သွားမည်
- မြဝတီ ဆက်သွယ်ရေး ဗုံးပေါက်
- NHCR မှ ရခိုင်ဒုက္ခသည်များအရေး မည်သည့်နေရာတွင်မှ ဝင်ရောက် ဖြေရှင်းပေးခြင်းမရှိ
- အစ္စရေးက ပါလက်စတိုင်းကို မျက်နှာချိုသွေးရန် အိုဘာမား မိန့်ခွန်းတွင် ထည့်သွင်းပြောကြား
- ဒေါ်စုကို တွေ့ဆုံရန် ဇေယျာသော် ကြိုးပမ်း
- ရန်ကုန်တိုင်းအစိုးရနှင့် မီဒီယာတွေ့ဆုံမှု နောက်တကြိမ် မသေချာ
- အထိန်းသိမ်းခံ မြန်မာ ၃၁ ဦး အိန္ဒိယအစိုးရ လွှတ်ပေးပြီ
- ရွာသားများ အိမ်ယာလက်လွတ်မည့်ဘေးကြုံ
- ရွှေမှော်တွင် ကချင်အမျိုးသမီးငယ်များ လိင်ကျွန်အဖြစ် စေခိုင်းခံရ

အမေရိကန် သံတမန်နဲ့ ဒေါ်စု မြန်မာ့အရေး ဆွေးနွေး

By ဒေါ်ခင်မျိုးသက် ကြာသပတေး, 19 မေ 2011

မြန်မာနိုင်ငံက နိုင်ငံရေး အကျဉ်းသားတွေကို လွှတ်ပေးဖို့နဲ့ အမျိုးသား ပြန်လည်သင့်မြတ်ရေးအတွက် အမေရိကန်နိုင်ငံက ဆက်လက် ကြိုးပမ်းသွားမယ်လို့ မြန်မာနိုင်ငံကို ၄ ရက်ကြာ ခရီးစဉ်နဲ့ ရောက်နေတဲ့ အမေရိကန် ဒု-လက်ထောက် နိုင်ငံခြားရေးဝန်ကြီး မစ္စတာ ဂျိုးဇက် ယွန်း (Joseph Yun) က ပြောပါတယ်။

မစ္စတာယွန်းဟာ ဒီနေ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံ ဆွေးနွေးခဲ့သလို အမျိုးသား ဒီမိုကရေစီ အဖွဲ့ချုပ် (NLD) ပါတီ ဗဟိုကော်မတီဝင်တွေအပြင် CRPP ပြည်သူ့လွှတ်တော် ကိုယ်စားပြု ကော်မတီနဲ့ပါ တွေ့ဆုံပြီး မြန်မာ့အရေးကို ဆွေးနွေးခဲ့ကြပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

အမေရိကန် အထူးကိုယ်စားလှယ် ဂျိုးဇက် ယွန်းဟာ ဗုဒ္ဓဟူးနေ့က နေပြည်တော်မှာ နိုင်ငံခြားရေးဝန်ကြီး ဦးဝဏ္ဏမောင်လွင် အပါအ၀င် မြန်မာအစိုးရသစ် တာဝန်ရှိသူတွေနဲ့ တွေ့ဆုံခဲ့ပါတယ်။ မြန်မာနိုင်ငံအပေါ် စီးပွားရေးပိတ်ဆို့ အရေးယူ ဒဏ်ခတ်မှုကို မကြာခင်ကမှ သက်တမ်းတနှစ် ထပ်ပြီး တိုးလိုက်တဲ့ အမေရိကန် အစိုးရက ထိတွေ့ဆက်ဆံရေး အတွက်ပါ တဘက်က ကျင့်သုံးနေတဲ့ မူဝါဒအရ မြန်မာအစိုးရသစ်အဖွဲ့ တက်လာခဲ့ပြီး ပထမဆုံး ထိပ်တန်း ကိုယ်စားလှယ် အဖြစ်နဲ့ မစ္စတာယွန်းကို စေလွှတ်ခဲ့တာ ဖြစ်ပါတယ်။
အခု သူ့ရဲ့ လာရောက်မှုဟာ ၂ နိုင်ငံအကြား ပိုမိုနားလည် သဘောပေါက်စေဖို့အတွက် အထောက်အကူဖြစ်ဖို့ မျှော်လင့်ထားတယ်လို့ မစ္စတာယွန်းက ပြောပါတယ်။

“နေပြည်တော်မှာ မြန်မာ နိုင်ငံခြားရေးဝန်ကြီးနဲ့ တွေ့ဆုံခဲ့သလို လွှတ်တော် ဒုတိယ ဥက္ကဋ္ဌနဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက ပုဂ္ဂိုလ်တွေနဲ့ တွေ့ဆုံခဲ့ပါတယ်။ ဒီလို တွေ့ဆုံတဲ့အခါ အမေရိကန် အစိုးရနဲ့ မြန်မာအစိုးရအကြား ဘုံသဘောတူညီမှုတွေ ရဖို့အတွက် ဆွေးနွေးခဲ့တာပါ။ ကျနော်တို့ အမေရိကန် အစိုးရ အနေနဲ့ မြန်မာနိုင်ငံ အပေါ်မှာ ထိတွေ့ဆက်ဆံရေး မူဝါဒ ချထားတာမို့ အခု ကျနော့်ရဲ့ ခရီးစဉ်ကနေ အထောက်အကူတွေ ရမယ်လို့ မျှော်လင့်ထားပါတယ်။”

မစ္စတာယွန်းဟာ ကြာသပတေးနေ့မှာတော့ ဒေါ်အောင်ဆန်းစုကြည်နဲ့ တကွ အမျိုးသား ဒီမိုကရေစီ အဖွဲ့ချုပ် ပါတီ ဗဟိုကော်မတီဝင်တွေနဲ့ တွေ့ဆုံခဲ့သလို CRPP အဖွဲ့နဲ့လည်း တွေ့ဆုံခဲ့တယ်လို့ NLD ပြောခွင့်ရ ဦးအုန်းကြိုင်က ပြောပါတယ်။

“အခုညနေ ၄ နာရီကနေ ၅ နာရီ ကျော်ကျော်အထိ အထွေထွေ အတွင်းရေးမှူးနဲ့ အမေရိကန် ကိုယ်စားလှယ် အဖွဲ့နဲ့ တွေ့ဆုံပါတယ်။ အဲဒီလို တွေ့ဆုံတဲ့ အချိန်မှာ ကျနော်တို့ အမျိုးသား ဒီမိုကရေစီ အဖွဲ့ချုပ်ဘက်က ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်းနဲ့ ဦးဟံသာမြင့်တို့ အထွေထွေ အတွင်းရေးမှူးနဲ့ အတူတူ ရှိကြပါတယ်။ အဲဒီဆွေးနွေးပွဲ အပြီးမှာ တဆက်တည်းပဲ ဗဟိုအလုပ်အမှုဆောင် အဖွဲ့ဝင်များ၊ CRPP အဖွဲ့ဝင်များနဲ့ ဆက်ပြီးတော့ တွေ့ပါတယ်။

“အဲဒီတွေ့ဆုံမှုမှာတော့ ဗဟိုအလုပ်အမှုဆောင် အဖွဲ့ဘက်က ဒုတိယဥက္ကဋ္ဌ ဦးတင်ဦး၊ ဗဟိုအလုပ်အမှုဆောင် အဖွဲ့ဝင် ဆရာဦးဝင်းတင်၊ ဦးသန်းထွန်း၊ ဦးဉာဏ်ဝင်း၊ ကျနော်၊ နောက် ဦးဟံသာမြင့်၊ ဦးဝင်းမြင့်၊ ဒေါ်မေ၀င်းမြင့်၊ CRPP အဖွဲ့ဝင်တွေကတော့ ဦးအေးသာအောင်နဲ့ ဦးပူကျင့်ရှင်းထန်၊ ဦးစိုးဝင်း၊ အဲဒီမှာ ဆက်လက်ပြီး ဆွေးနွေးပါတယ်။

“အစိုးရသစ် ဖြစ်ပေါ်လာပြီးတဲ့နောက် ကျနော်တို့ ဒီဘက်က အမြင်ပေါ့ဗျာ၊ နောက် မြန်မာ့ ဒီမိုကရေစီ ပြောင်းလဲရေးအတွက် အဖွဲ့ချုပ်ဘက်က ဆက်လက် ဆောင်ရွက်နေတဲ့ အခြေအနေတွေကို ဒီဘက်က တင်ပြပါတယ်။ ပြီးတော့ အပြန်အလှန် ဆွေးနွေးကြပါတယ်ခင်ဗျ။ ဆွေးနွေးပွဲက ရင်းရင်းနှီးနှီး၊ ပွင့်ပွင့်လင်းလင်း ဆွေးနွေးနိုင်တယ်လို့ ကျနော် ပြောချင်ပါတယ်။”

ဒေါ်အောင်ဆန်းစုကြည် အပါအ၀င် CRPP အဖွဲ့နဲ့ တွေ့ဆုံတဲ့ အခါမှာတော့ မြန်မာနိုင်ငံ အကျဉ်းထောင်တွေထဲက နိုင်ငံရေး အကျဉ်းသားတွေ ပြန်ပြီး လွတ်မြောက်ဖို့အပြင် အမျိုးသား ပြန်လည် သင့်မြတ်ရေးအတွက် အမေရိကန်နိုင်ငံက ဆက်ပြီး ကြိုးပမ်းသွားဖို့ ရှိကြောင်း မစ္စတာယွန်းက ပြောခဲ့တယ်လို့ CRPP အဖွဲ့က ဦးအေးသာအောင်က ပြောပါတယ်။

“အဓိကကတော့ လက်ရှိ နိုင်ငံရေး အခြေအနေမှာ၊ တနည်းအားဖြင့် ပြောမယ်ဆိုရင် လွှတ်တော်အတွင်းက အခြေအနေ၊ ပြီးတော့ NLD အပါအ၀င် အန်ကယ်တို့လို တိုင်းရင်းသား ပါတီများရဲ့ လွှတ်တော်အပမှာ လုပ်ဆောင်နေတဲ့ နိုင်ငံရေး အခြေအနေတွေကို ဆွေးနွေးဖြစ်ပါတယ်။ ကျနော်တို့နဲ့ ရွေးကောက်ပွဲ မတိုင်ခင်ကလည်း တကြိမ် တွေ့ခဲ့တယ်ပေါ့။ အခုလည်း တွေ့တဲ့အခါမှာ ရှေ့ဆက်ပြီးတော့ သူတို့အနေနဲ့ အကျဉ်းသားတွေ အားလုံး လွှတ်ပေးဖို့၊ အမျိုးသား ပြန်လည် သင့်မြတ်ရေးတွေ ပြန်ရဖို့အတွက် ဆက်လက်ပြီးတော့ ကြိုးပမ်းသွားမယ် ဆိုတဲ့အကြောင်း ပြောပါတယ်။”

အမျိုးသား ပြန်လည်သင့်မြတ်ရေးဟာ မြန်မာနိုင်ငံအတွက် သိပ်ကို အရေးပါသလို နိုင်ငံရေး အကျဉ်းသားတွေကို ပြန်ပြီး လွှတ်ပေးဖို့ကလည်း အရေးကြီးတယ်လို့ မစ္စတာယွန်းနဲ့ တွေ့ဆုံအပြီး ဒေါ်အောင်ဆန်းစုကြည်က သတင်းထောက်တွေကို ပြောခဲ့ပါတယ်။

“နိုင်ငံရေး အကျဉ်းသားတွေကို မလွှတ်ဘဲ ထားမယ်ဆိုရင် အခု အစိုးရသစ်က တကယ်ပဲ ဒီမိုကရေစီအတွက် ဦးတည်နေပါတယ်ဆိုတဲ့ ပြောဆိုချက်တွေကို မေးခွန်းထုတ်ရတော့မှာပေါ့။”

မစ္စတာယွန်းဟာ သောကြာနေ့မှာ ပါတီ ၃ ရပ်က လွှတ်တော်ကိုယ်စားလှယ် ၃ ဦးနဲ့လည်း တွေ့ဆုံဖို့ ရှိပါတယ်။

ဒေါ်အောင်ဆန်းစုကြည် မကြာမီ ခရီးထွက်မည်

ရန်ပိုင် Thursday, 19 May 2011 19:59

ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မကြာမီ လများအတွင်း ခရီးထွက်၍ ပြည်သူများနှင့် တွေ့ဆုံမည်ဟု အမေရိကန်နိုင်ငံ အရှေ့အာရှနှင့် ပစိဖိတ် ဒေသရေးရာ ဒု လက်ထောက် နိုင်ငံခြားရေးဝန်ကြီး မစ္စတာ ဂျိုးဇက် ဝိုင် ယွန်း နှင့် တွေ့ဆုံအပြီးတွင် သတင်းထောက်များကို ပြောဆိုသည်။

ထိုသို့ ပြောဆိုသော်လည်း ဒေါ်အောင်ဆန်းစုကြည်၏ လုံခြုံရေးနှင်ပတ်သက်၍ စီစဉ်ထားခြင်း မရှိသေးကြောင်း သိရသည်။၂၀၀၃ ခုနှစ် မေလ ၃၀ ရက်က အထက်မြန်မာပြည် ခရီးစဉ်၌ ဒီပဲယင်းမြို့ အနီးတွင် ဒေါ်အောင်ဆန်းစုကြည်နှင့် ထောက်ခံသူများကို စစ်အစိုးရ ကျောထောက်နောက်ခံ ပြုထားသူများက ၀ိုင်းဝန်းရိုက်နှက်ခဲ့သည့်အပြင် ဒေါ်အောင်ဆန်းစုကြည်ကိုလည်း နေအိမ်အကျယ်ချုပ် ချခဲ့သည်။

မစ္စတာ ဂျိုးဇက် ဝိုင် ယွန်း နှင့်တွေ့ဆုံအပြီး ဒေါ်အောင်ဆန်းစုကြည်က အမေရိကန်အစိုးရအနေဖြင့် မြန်မာနိုင်ငံ အပေါ် ပိတ်ဆို့မှု သက်တမ်း တနှစ်ထပ်မံတိုးမြှင့်လိုက်ခြင်းသည် မြန်မာအစိုးရသစ်အနေဖြင့် လုံလောက်သော အပြောင်းအလဲများ မပြုလုပ်နိုင်သေးသည့်အတွက် ထပ်မံတိုးမြှင့်ခြင်းဖြစ်နိုင်သည်ဟု သတင်းထောက်များကို ပြောကြားကြောင်း ပြည်တွင်း အခြေစိုက် ဧရာဝတီ သတင်းထောက်က ပြောသည်။

ပြီးခဲ့သည့် ရက်ပိုင်းက သမ္မတ ဦးသိန်းစိန်ထုတ်ပြန်ခဲ့သည့် လွတ်ငြိမ်းချမ်းသာခွင့်ကြေညာချက်နှင့် ပတ်သက်၍ လွတ်ငြိမ်းချမ်း သာခွင့်မဟုတ်ဘဲ လျော့ပေါ့ခွင့်သာဖြစ်ကြောင်း ဒေါ်အောင်ဆန်းစုကြည်က ပြောဆိုသည်ဟုလည်း သိရသည်။

ယခု လွတ်မြောက်လာသည့် နိုင်ငံရေး အကျဉ်းသားများတွင် အမျိုးသား ဒီမိုကရေစီ အဖွဲ့ချုပ်(NLD)အဖွဲ့ဝင် ၂၇ ဦး ပါဝင်သည်။

မစ္စတာ ဂျိုးဇက် ဝိုင် ယွန်း အား ယခုခရီးစဉ်နှင့် ပတ်သက်၍ သတင်းထောက်များက မေးမြန်းရာတွင် ၎င်း အနေဖြင့် အစိုးရနှင့် ဒီမိုကရေစီ အရေးလှုပ်ရှားသူများ၏ ပြောဆိုမှုများကို လာရောက်နားထောင်ခြင်း ဖြစ်ကြောင်း ပြန်လည်ပြောဆိုသည်ဟု သိရသည်။

အမေရိကန်အစိုးရ အဆင့်မြင့်အရာရှိ မစ္စတာ ဂျိုးဇက် ၀ိုင် ယွန်းသည် မြန်မာနိုင်ငံသို့ ဒုတိယအကြိမ် လာရောက်ခြင်း ဖြစ်ပြီး မြန်မာ အစိုးရ ၏ ပြည်ထောင်စု နိုင်ငံခြားရေးဝန်ကြီး ဦးဝဏ္ဏမောင်လွင် အပါအ၀င် ပြည်သူ့လွှတ်တော် ဒု ဥက္ကဋ္ဌ ဦးနန္ဒကျော်စွာ တို့နှင့် လည်း ယမန်နေ့က တွေ့ဆုံဆွေးနွေးခဲ့သေးသည်။

ရန်ကုန်အခြေစိုက် ဧရာဝတီ သတင်းထောက်များ ပူးပေါင်းရေးသားသည်။

တပ်ရုပ်သိမ်းရန် KIO က မပခကို သတိပေး

ဖနိဒါ | ကြာသပတေးနေ့၊ မေလ ၁၉ ရက် ၂၀၁၁ ခုနှစ် ၁၄ နာရီ ၃၆ မိနစ်

ချင်းမိုင် (မဇ္စျိမ) ။ ။ ကချင်လွတ်မြောက်ရေးအဖွဲ့ ထိန်းချုပ်နယ်မြေ တပ်ရင်း ၅ ဒေသအတွင်း အစိုးရတပ်များ သွားလာလှုပ်ရှားနေသဖြင့် မေလ ၂၅ ရက်နေ့ နောက်ဆုံးထား၍ တပ်ရုပ်သိမ်းရန် မြောက်ပိုင်းတိုင်း စစ်ဌာနချုပ်သို့ ကြာသပတေးနေ့တွင် သတိပေးလိုက်ကြောင်း ကချင်အရာရှိတဦးက ပြောသည်။

ခလရ ၁၄၂ တပ်ဖွဲ့များသည် မိုးညှင်းမြို့နယ်အရှေ့ဘက်ခြမ်းရှိ KIO တပ်ရင်း ၅ တပ်ရင်းနှင့် တဖာလုံခန့်အကွာတွင် လှုပ်ရှားမှုများ ရှိနေကြောင်းနှင့် ဆိုးကျိုးများ ပေါ်ပေါက်လာနိုင်ကြောင်း စာတွင် ရေးသားထားသည်။

“ ပြန်မရုပ်ပေးဘဲနဲ့ ဖြစ်ပေါ်လာတဲ့ ဆိုးကျိုးတွေ ပေါ်ပေါက်လာမယ်ဆိုရင် ကျနော်တို့ KIO ဘက်က တာဝန်မရှိဘူးဆိုပြီးတော့ ကြိုတင်အသိပေးထားတဲ့စာ ပို့ထားတယ်” ဟု အရာရှိ ဦးလှနန်က မဇ္ဈိမကို ပြောသည်။
မေလ ၁၅ ရက်နေ့ကတည်းက ရေးသားခဲ့သည့် စာအား ကြာသပတေးမနက်ကျမှ ပေးပို့ခဲ့ကာ၊ မိတ္တူကို ကချင်ပြည်နယ် ဝန်ကြီးချုပ် ဦးလဂျွန်ငန်ဆိုင်းထံသို့ပါ ပို့ခဲ့သည်။

“ အခြေအနေတင်းမာလာတဲ့ အခြေအနေထိ ရောက်လာတယ်လို့ သတ်မှတ်လို့ ရတယ်။ အကြောင်းကြားတဲ့စာကို အပြုသဘော လက်ခံပြီး ရုပ်သိမ်းသွားမယ်ဆိုရင် အခြေအနေက အေးသွားမှာပါ” ဟု ဦးလှနန်က ဆိုသည်။

ကချင်တပ်ကို မြန်မာစစ်တပ် ကာကွယ်ရေး ဦးစီးချုပ်လက်အောက် သွတ်သွင်းမည့် နယ်ခြားစောင့်တပ် အသွင်ပြောင်းရေးကြောင့် တင်းမာမှုများက ယခုတကျော့ပြန် ဖြစ်ထွန်းနေသည်။

မြစ်ကြီးနားမြို့ KIO တပ်ရင်း ၁၁ နယ်မြေအတွင်း၌ မပခ လက်အောက်ခံ ခလရ ၁၂၁ တပ်ဖွဲ့သည် KIO ချထားသည့် မိုင်းကို နင်းမိရာက သေနတ်ပစ်ခတ်မှု ဖြစ်ပွားသည်။

“ ကျနော်တို့က တပ်လုံခြုံရေးအတွက် နေရာတကာမှာ မိုင်းလုပ်ထားတာ။ မိုင်းနင်းမိပြီး သူတို့က လန့်ဖြန့်ပြီး လက်နက်ငယ်နဲ့ မိုးပေါ် ထောင်ပစ်ခဲ့တာပါ” ဟု ဦးလနန်က ပြောသည်။

မြောက်ပိုင်းတိုင်းစစ်ဌာနချုပ်က နောက်နောင် ထိုသို့မဖြစ်ရေးအတွက် ထိန်းသိမ်းရန် ဗုဒ္ဓဟူး ည ၁၁ နာရီခန့်တွင် KIO ၏ မြစ်ကြီးနားမြို့ရှိ ဆက်ဆံရေးရုံးသို့ တယ်လီဖုန်းဖြင့် အကြောင်းကြားသည်။

အခြား KIO အရာရှိ တဦးက မိုင်းနင်းမိသဖြင့် လူ ၄ ဦး ဒဏ်ရာရခဲ့သည်ဟု မဇ္စျိမကို ပြောပြသည်။ သို့သော် ထိခိုက်ဒဏ်ရာ ရရှိမှုနှင့် ပတ်သက်၍ သီးခြား အတည်ပြုနိုင်ခြင်း မရှိသေးပါ။

အလားတူပင် ဗုဒ္ဓဟူးမနက်ပိုင်းတွင် စစ်အစိုးရ၏ ဒေါ့ဖွန်းယန်မြို့နယ်ခွဲ မြို့သစ်အခြေစိုက် ခမရ ၃၂ဝ ဘက်မှ တာခေါ်မြစ် (တာပိန်မြစ်) အနောက်ဘက်ရှိ KIO တပ်မဟာ ၅ လက်အောက်ခံ တပ်ရင်း ၂၅ ရှိရာသို့ ၇၅ မမ လောင်ချာဖြင့် ၃ ကြိမ် ပစ်ခတ်မှု ပြုလုပ်ခဲ့သည်ဟု ဆိုသည်။

“တာပိန်မြစ်မှာ တရုတ်ကုမ္ပဏီက ရေကာတာ ဆောက်နေတယ်။ အဲဒီမှာ ကျနော်တပ်နဲ့ သူတို့ဘက်ကလည်း လုံခြုံရေး ယူထားတာ ရှိတယ်။ အဲဒါ ကျနော်တို့ တပ်ရင်းဘက်ကို ခြောက်တာနေမှာပေါ့။ သူတို့ ထိုးစစ်စဉ်ဖို့ ခြောက်လာတာ
နေမှာပေါ့။ ကျနော်တို့ တပ်ရင်းဘက် ၃ ခါ ပစ်တာ မထိဘူးလို့ ပြောတယ်” ဟု အဆိုပါအရာရှိက ပြောသည်။

KIO တပ်ရင်း ၅ နယ်မြေတွင်ရှိနေသော ကသာ-ဗန်းမော် ကားလမ်းဖောက်လုပ်သည့် စီမံကိန်းအတွက် အစိုးရတပ်က လုံခြုံရေးယူခဲ့သော်လည်း ထိုစီမံကိန်းမှာ ရပ်ဆိုင်းသွားပြီ ဖြစ်သည်။

KIO ၏ တပ်မဟာ ၃ လက်အောက်ခံ မန်စီမြို့နယ်ရှိ KIO တပ်ရင်း ၁ အနီး မြန်မာစစ်တပ်များ လှုပ်ရှားလာသဖြင့် တပ်လှန့်ထားသည်ဟု ထိုင်းနိုင်ငံအခြေစိုက် ကချင်သတင်းဌာနတွင် ဖော်ပြထားသည်။

ပြီးခဲ့သည့် ဖေဖော်ဝါရီလအတွင်း ကချင်ပြည်နယ် ဗန်းမော်မြို့ အနောက်မြောက်ဘက် မန်စီမြို့နယ်အတွင်း ခလရ ၁၅ နှင့် KIO တပ်ရင်း ၂၇ အကြား ပစ်ခတ်မှု ဖြစ်ပွားခဲ့ရာ အစိုးရတပ်မှ တပ်ရင်းမှူး ဒုဗိုလ်မှူးကြီးယဉ်ထွေး သေဆုံးခဲ့သည်။

တန်းတူရေးနှင့် ကိုယ်ပိုင်ပြဌာန်းခွင့် ရရှိရေးအတွက် ခုခံတိုက်ပွဲဝင်နေသည့် KIO သည် ဖေဖော်ဝါရီလအတွင်း ဖွဲ့စည်းခဲ့သည့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC တွင် အဖွဲ့ဝင်ဖြစ်သည်။

လွန်ခဲ့သည့် ရက်သတ္တပတ်က တရုတ်နိုင်ငံ ဗဟိုစစ်ကော်မရှင် ဒုဥက္ကဋ္ဌ General Xu Caihou သည် မြန်မာနိုင်ငံသို့ ရောက်ရှိလာပြီးနောက် မြန်မာ- တရုတ်နယ်စပ်မှ KIO တပ်များနှင့် အစိုးရတပ်ဖွဲ့များအကြား တင်းမာမှုများတိုးလာခြင်းလည်းဖြစ်သည်။

အမေရိကန်အဆင့်မြင့် အရာရှိနှင့် အစိုးရအဖွဲ့ဝင်များ တွေ့ဆုံ

ရန်ပိုင် Thursday, 19 May 2011 12:04

အမေရိကန်နိုင်ငံ အရှေ့အာရှနှင့် ပစိဖိတ် ဒေသရေးရာ လက်ထောက် နိုင်ငံခြားရေးဝန်ကြီး မစ္စတာ ဂျိုးဇက် ဝိုင်ယွန်းသည် မြန်မာ အစိုးရ၏ ပြည်ထောင်စု နိုင်ငံခြားရေးရာ ၀န်ကြီး ဦးဝဏ္ဏမောင်လွင်၊ ပြည်ထောင်စု လွှတ်တော် ဒု ဥက္ကဋ္ဌ ဦးနန္ဒကျော်စွာ တို့နှင့် ယမန်နေ့က နေပြည်တော်တွင် တွေ့ဆုံဆွေးနွေးကြောင်း သိရသည်။

ယင်းသို့ မစ္စတာ ဂျိုးဇက် ဝိုင်ယွန်းနှင့် အစိုးရအဖွဲ့ဝင်များတွေ့ဆုံမှုအား “မြန်မာ- အမေရိကန် နှစ်နိုင်ငံ ဆက်ဆံရေးမြှင့်တင်ရေးနှင့် အကျိူးတူ ကိစ္စရပ်များကို ဆွေးနွေးသည်”ဟု ယနေ့ထုတ် အစိုးရသတင်းစာများ၌ ရေးသားထားပြီး မည်သည့် အကြောင်းအရာများ ဆွေးနွေးသည်ကိုမူ ဖော်ပြထားခြင်းမရှိပေ။

ရန်ကုန် သံတမန် အသိုင်းအ၀ိုင်း ၏ အဆိုအရ မြန်မာအစိုးရ ၀န်ကြီးများနှင့် မစ္စတာ ဂျိုးဇက် ဝိုင် ယွန်းသည် နိုင်ငံရေးအကျဉ်းသား လွတ်မြောက်ရေးကိစ္စများနှင့် ၂၀၁၄ ခုနှစ်၌ မြန်မာနိုင်ငံ က အာဆီယံ အလှည့်ကျ ဥက္ကဋ္ဌ တာဝန်ယူမည့် ကိစ္စများကိုလည်း ဆွေး
နွေး လိမ့်မည်ဟု သိရသည်။

မကြာသေးမီက အင်ဒိုနီးရှားနိုင်ငံ ဂျကာတာမြို့တွင် ကျင်းပသည့် ၁၈ ကြိမ်မြောက် အာဆီယံ အစည်းအဝေး၌ လာမည် ၂၀၁၄ ခုနှစ် အတွက် အာဆီယံ အလှည့်ကျ ဥက္ကဋ္ဌ တာဝန်နှင့် အိမ်ရှင်အဖြစ် လက်ခံကျင်းပရန် မြန်မာအစိုးရသစ်၏ လျှောက်ထားမှုကို အာဆီယံ ၏ မိတ်ဖက်နိုင်ငံဖြစ်သည့် အမေရိကန်အစိုးရ က ကန့်ကွက်ခဲ့သည်။

ထိုကြောင့် အာဆီယံ အလှည့်ကျ ဥက္ကဋ္ဌ တာဝန်အား လာမည့် ၂၀၁၄ ခုနှစ်တွင် မြန်မာနိုင်ငံကို လွှဲပြောင်းပေရေးအတွက် ဆုံးဖြတ် ချက်ကို ယခုနှစ်နှောင်းပိုင်းအထိ ရွှေ့ဆိုင်းထားမည်ဟု ဆုံးဖြတ်ချခဲ့သည်။

ယခု အမေရိကန်အစိုးရ၏ အဆင်မြင့်အရာရှိတဦးနှင့် မြန်မာဝန်ကြီးများတွေ့ဆုံခြင်းသည် သမ္မတ ဦးသိန်းစိန် အစိုးရ လက်ထက် တွင် ပထမဆုံး အကြိမ် ဖြစ်သည်။

မစ္စတာ ဂျိုးဇက် ၀ိုင်ယွန်းသည် ယနေ့တွင် ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် အမျိုးသားဒီမိုကရေစီ အဖွဲ့ချုပ်(NLD) ဗဟိုအလုပ်အမှူဆောင်များနှင့်ဆွေးနွေးမည်ဟု NLD ပြောခွင့်ရပုဂ္ဂိုလ် ဦးအုန်းကြိုင်ကပြောသည်။

“လက်ရှိ ဖြစ်ပေါ်နေတဲ့ နိုင်ငံရေး အခြေအနေကို ဆွေးနွေးမယ်၊ အမေရိကန်အစိုးရက မြန်မာဒီမိုကရေစီ အတွက် ထိတွေ့ ဆက်ဆံ တာရော အရေးယူပိတ်ဆို့ မှုကိုပါ နှစ်လမ်းသွားကျင့်သုံးနေတယ်”ဟု ၎င်းကပြောပြသည်။

ထို့အပြင် ပြည်သူ့လွှတ်တော် ကိုယ်စားပြုကော်မတီ(CRPP)အဖွဲ့ဝင်များနှင့် တွေ့ဆုံဆွေးနွေးမည်ဟုလည်း သိရသည်။

သမ္မတ ဦးသိန်းစိန် တရုတ်နိုင်ငံ သွားမည်

By ဗွီအိုအေ (မြန်မာဌာန) ကြာသပတေး, 19 မေ 2011

မြန်မာအစိုးရသစ်ရဲ့ အကြီးအကဲ ရှေ့တပတ်ထဲ တရုတ်နိုင်ငံကို သွားရောက်ဖို့ ရှိနေပြီး ခရီးစဉ်အတွင်း ၂ နိုင်ငံကြား သံတမန်ရေးနဲ့ စီးပွားရေး ဆက်ဆံမှုတွေကို တိုးမြှင့်သွားနိုင်ရေး ဆွေးနွေးကြလိမ့်မယ်လို့လည်း မျှော်လင့်ရပါတယ်။

အိမ်နီးချင်း တရုတ်နိုင်ငံကို ဒီလ ၂၆ ရက်နေ့မှာ သမ္မတ ဦးသိန်းစိန် သွားရောက်ဖို့ ရှိနေတဲ့အကြောင်း အမည်မဖော်လိုသူ အစိုးရ တာဝန်ရှိသူ တဦးကို ကိုးကားပြီး AFP သတင်းက ဖော်ပြခဲ့တာပါ။

သမ္မတတာဝန် ရယူပြီးတဲ့နောက် ပထမဆုံး ပြည်ပခရီးစဉ် အဖြစ်နဲ့ကတော့ ဒီလထဲ အင်ဒိုနီးရှားနိုင်ငံ ဂျကာတာမြို့တော်က အာရှ၊ ပစိဖိတ်ဒေသ ထိပ်သီး အစည်းအဝေးပွဲတွေကို တက်ရောက်ခဲ့တာ ဖြစ်ပါတယ်။
ရှေ့တပတ် ခရီးစဉ် အတွင်းမှာတော့ မြန်မာအစိုးရကို နိုင်ငံတကာ အသိုင်းအ၀န်းမှာ အကာအကွယ် ပေးနေတယ်လို့ အများက ကျယ်ကျယ်ပြန့်ပြန့် လက်ခံထားတဲ့ တရုတ်နိုင်ငံနဲ့ နိုင်ငံရေး၊ စီးပွားရေး ဆက်ဆံမှုတွေ တိုးမြှင့်ရေး ဆွေးနွေးမယ်လို့လည်း မျှော်လင့်ထားကြတာပါ။

ဒီမတိုင်ခင်မှာတော့ ချစ်ကြည်ရေး ခရီးစဉ်အဖြစ် တရုတ်နိုင်ငံ ဗဟိုစစ်ကော်မရှင်ရဲ့ ဒု-ဥက္ကဋ္ဌ ရွှီ ခိုက်ဟောက် (Xu Caihou) လည်း အရင်တပတ်ထဲ မြန်မာနိုင်ငံကို ရောက်လာပြီး သမ္မတ ဦးသိန်းစိန်နဲ့ တွေ့ဆုံခဲ့ပါတယ်။ မြန်မာအာဏာပိုင်တွေနဲ့ တွေ့ဆုံမှုတွေအတွင်း ၂ နိုင်ငံ အပြန်အလှန် ဆက်ဆံရေးတွေ တိုးမြှင့်သွားဖို့နဲ့ ဖွံ့ဖြိုးရေး လုပ်ငန်းတွေကို ပူးပေါင်း ဆောင်ရွက်သွားဖို့ ဆွေးနွေးခဲ့ကြကြောင်း တရုတ်နိုင်ငံပိုင် ဆင်ဟွာ သတင်းက ဖော်ပြခဲ့တာပါ။

တရုတ်နိုင်ငံ ဗဟိုစစ်ကော်မရှင် ဒု-ဥက္ကဋ္ဌကတော့ အိမ်နီးချင်းကောင်းအဖြစ် နိုင်ငံတကာ အသိုင်းအ၀န်းမှာ မြန်မာနိုင်ငံရဲ့ အခွင့်အရေးကို အကာအကွယ် ပေးသွားမယ့်အကြောင်း ပြောဆိုခဲ့တာကိုလည်း သတင်းက ဖော်ပြခဲ့တာ ဖြစ်ပါတယ်။

မြဝတီ ဆက်သွယ်ရေး ဗုံးပေါက်

ကျော်ခ | ကြာသပတေးနေ့၊ မေလ ၁၉ ရက် ၂၀၁၁ ခုနှစ် ၁၅ နာရီ ၁၅ မိနစ်

ချင်းမိုင် (မဇ္ဈိမ) ။ ။ ကရင်ပြည်နယ် မြဝတီမြို့ရှိ ဆက်သွယ်ရေးရုံးအတွင်း ကြာသပတေးနေ့ မနက် ၈ နာရီခန့်တွင် ဗုံးပေါက်ကွဲမှု ဖြစ်ပွားခဲ့သည်။

မြန်မာနှင့် ထိုင်းနယ်စပ်မြို့၏ အမှတ် ၄ ရက်ကွက်ရှိ မြို့နယ် ရဲစခန်းနှင့် ပေ ၁ဝဝ ခန့်အကွာရှိ ဆက်သွယ်ရေးရုံး အဝင်၌ ပေါက်ကွဲခဲ့ခြင်း ဖြစ်သည်။

“အုံးကနဲ ပေါက်ကွဲသံကြားတော့။ အဲဒီဝင်းထဲမှာ နေတဲ့လူတွေ ဟိုပြေးဒီပြေး ပြေးကြတယ်။ လူကိုတော့ မထိဘူး” ဟု ဆက်သွယ်ရေးရုံးအနီး နေထိုင်သူတဦးက မဇ္ဈိမကို
ပြောသည်။

ပေါက်ကွဲသံကြောင့် ၅ မိနစ်အတွင်း ရဲများ ရောက်ရှိလာကြပြီး ရုံးကိုလည်း ယာယီပိတ်ထားလိုက်သည်။

ဗုံးပေါက်ကွဲမှုကြောင့် လူအသေအပျောက် မရှိသလို၊ ဆက်သွယ်ရေးလိုင်းများ ပြတ်တောက်မှု မရှိသော်လည်း မြို့ခံများက နောက်ထပ် ဗုံးများ ပေါက်ကွဲမှာကို ကြောက်ရွံ့စိုးရိမ်နေခဲ့သည်။

“သားကို ကျောင်းသွားအပ်တာ စောင့်နေတုန်းမှာပဲ၊ ဟိုဘက်က ပေါက်ကွဲသံကြားတော့ ကျနော်တို့လည်း လန့်ပြီး အိမ်ကို ချက်ချင်းပြန်ကြတာ။ တခြားလူတွေလည်း ပြန်ပြေးကြတာပဲ” ဟု ကျောင်းသား မိဘတဦးက မဇ္ဈိမကို ပြောသည်။

ဗုဒ္ဓဟူးနေ့တွင် နေပြည်တော်အနီး ရန်ကုန်-မန္တလေး လူစီးရထားပေါ်၌ ချိန်ကိုက်ဗုံးတလုံး ပေါက်ကွဲရာ လူ ၂ ဦး သေဆုံးပြီး၊ ၉ ဦး ဒဏ်ရာရသွားကြောင်း ကြာသပတေးနေ့ထုတ် နိုင်ငံပိုင် မြန်မာ့အလင်းသတင်းစာတွင် ပါရှိသည်။

စက်ခေါင်း၏ နောက်သုံးတွဲမြောက် ရိုးရိုးတန်း လူစီးတွဲ၌ ညနေ ၃ နာရီ ၅၅ မိနစ်တွင် ပေါက်ကွဲကာ ရထားတွဲအမိုး ပွင့်သွားခဲ့သည်ဟု ပါရှိသည်။

ဗုံးကွဲမှု မကြာခဏ ဖြစ်လေ့ရှိသော မြဝတီတွင်တော့ ယခုဗုံးမှာ ဦးသိန်းစိန်အစိုးရ တက်လာပြီးနောက်ပိုင်း ပထမဆုံး ပေါက်ကွဲမှု ဖြစ်သည်။

ရဲစခန်းအနီး ခရစ်ယာန်ဘုရားကျောင်းအနီးတွင် မတ်လအတွင်း ဗုံးတလုံး ပေါက်ခဲ့သေးသည်။ သို့သော် ထိခိုက် သေဆုံးမှု မရှိပေ။ ဖေဖော်ဝါရီလ ၉ ရက်နေ့တွင် လက်ဖက်ရည်ဆိုင်တခု၌ ပေါက်ကွဲသည့် ဗုံးကြောင့် လူ ၂ ဦး ပွဲချင်းပြီး သေဆုံးခဲ့သည်။

၂ဝ၁ဝ ခုနှစ် ရွေးကောက်ပွဲအပြီး နောက်တရက်တွင် ငြိမ်းချမ်းရေး သဘောတူညီချက် ပျက်ပြားသွားသော တိုးတက်သော ဗုဒ္ဓဘာသာ ကရင်အမျိုးသားတပ်မတော် DKBA နှင့် အစိုးရတပ်များအကြား မြို့တွင်းတိုက်ပွဲများ ပြင်းထန်စွာ ဖြစ်ပွားခဲ့သည်။

NHCR မှ ရခိုင်ဒုက္ခသည်များအရေး မည်သည့်နေရာတွင်မှ ဝင်ရောက် ဖြေရှင်းပေးခြင်းမရှိ

ထွန်းထွန်း / 19 / 05 / 2011 နိရဉ္စရာ သတင်းဌာန

ဘင်္ဂလားဒေ့ခ်ျနိုင်ငံတွင် ဒုက္ခသည်များ အဖြစ် အသိအမှတ်ပြုခံထားရသော ရခိုင် ဒုက္ခသည်များ၏ အရေးကို UNHCR မှ မည်သည့် နေရာတွင်မှ တာဝန်ယူ ၀င်ရောက် ဖြေရှင်းပေးခြင်း မရှိဘဲ အကြောင်း အမျိုးမျိုးပြကာ ခေါင်းခါ ငြင်းပယ်နေကြောင်း သတင်း ရရှိသည်။

UNHCR သည် ထိုသို့ တာဝန်ပျက်ကွက်နေမူ အပေါ် ဒုက္ခသည် အမျိုးသမီး တစ်ဦးဖြစ်သူ မချိုချိုမိုးက ယခုကဲ့သို့ ထောက်ပြ ပြောဆိုသည်။

" အခု ဘင်္ဂလာဒေခ်ျ့မှာ ရှိနေတဲ့ ရခိုင် ဒုက္ခသည်တွေ အနေနဲ့ ဘဏ်မှာ ယူအန်ကဒ်နဲ့ ငွေစာရင်း (အကောင့်) ဖွင့်လို့လည်း မရဘူး။ ဒါကြောင့် နိုင်ငံခြားက ကူတဲ့ ငွေတချို့ကို Western Union နဲ့ ပို့ခ စရိတ်ငွေ အများကြီး သုံးပီး ပို့ပေးရပါတယ်။ ဒါပေမယ့် တခြား ရွေးစရာ လမ်းမရှိတော့ ဒီလို Western Union ကိုဘဲ အသုံးပြုနေကြရတယ်။ အရင်က ခုလို ပို့ပေးရင် ယူအန် ကဒ်နဲ့ ဘဏ်တွေမှာ ထုတ်လို့ရတယ်။ ဒါပေမယ့် အခုအခါ ထုတ်လို့ မရတော့ဘူး။ ဒါကို ယူအန်က တာဝန်ရှိတဲ့သူကို အကြောင်းကြားတော့ ဒီပြဿာ ဘာကြောင့် ဖြစ်တယ်။ ဘယ်လို ကူညီရမလဲဆိုပြီး စဉ်းစားတာ မရှိဘူး။ ဒါဟာ ဘင်္ဂလာဒေခ်ျ့ အစိုးရနဲ့ သက်ဆိုင်တယ်။ သူတို့နဲ့ မဆိုင်ဘူးဆိုပြီး ငြင်းလွှတ်ပါတယ်" ဟု သူမက ပြောသည်။

မချိုချိုမိုးတွင် အမေရိကန်မှ မောင်တော်သူ တစ်ဦးထံမှ သူမစားသောက်ရန် ငွေအနည်းငယ် ပို့ပေးသည်ကို ကော့စ်ဘဇားမှ ဘဏ်များတွင် သွားရောက် ထုတ်ယူရာ ဘဏ်များက ထုတ်မပေးဘဲ ယူအန်ကဒ်နှင့် ထုတ်ယူ၍ မရတော့ကြောင်း ဘဏ်တာဝန်ရှိသူများက ပြောဆိုသည်ဟု သူမက ပြောသည်။

" ဘဏ်မန်နေဂျာ ပြောတာကတော့ ဒုက္ခသည်တွေ ကိုင်ဆောင်ထားတဲ့ ကဒ်နဲ့ အရင်တုန်းက ငွေထုတ် လို့ရပေမဲ့ ခုထုတ်မပေးနိုင်ဘူး။ ပိုက်ဆံ ထုတ်မယ်ဆိုလို့ရှိရင် ဒီနိုင်ငံက အထောက် အထား တွေပါမှရမယ်။ ဘဏ်က တာဝန်ရှိသူတဦးရဲ့ အကြံပြုချက် အရ တခြားဘဏ်တွေ ၄ ခုလောက် ပြောင်းပြီး ထုတ်ကြည့်တယ်။ မရဘူး။ အားလုံးက ငြင်းတယ်။ ဒီပိုက်ဆံ မရတော့ ခုကျမမှာ စားစရာ နေစရာ မရှိ ဖြစ်နေပါတယ်" ဟု နိရဉ္စရာ သို့ ငိုယိုပြီး ပြောသည်။

ဘင်္ဂလာဒေခ်ျ့ နိုင်ငံတွင် ရခိုင်ဒုက္ခသည်များ အနေဖြင့် UNHCR မှ မြို့ပေါ် ဒုက္ခသည်များ အဖြစ် အသိအမှတ် ပြုထားသော်လည်း အဆိုပါ ဒုက္ခသည် ကဒ်ပြားဖြင့် အိမ်းဌား မရခြင်း၊ ဘဏ်အကောင့် ဖွင့်၍ မရခြင်း၊ လုပ်ငန်း တည်ထောင်၍ မရခြင်းနှင့် တည်ခိုခန်းတွင် တည်းခို၍ မရခြင်း စသည့် အခွင့်အရေးများ ဆုံးရှုံးနေကြရသည်။

ထိုသို့ အခက်အခဲများနှင့် ကြုံတွေ့နေကြရသော်လည်း ရခိုင်ဒုက္ခသည်များ အရေးကို UNHCR မှ မည်သည့် နေရာတွင်မှ တာဝန်ယူ ၀င်ရောက် ဖြေရှင်း ပေးခြင်း မရှိကြောင်း သိရသည်။

တခြားဒုက္ခသည်တဦးဖြစ်သည့် ကိုဦးသိန်းအောင်ကလည်း သူ၏ အခက်ခဲများကို ယခုကဲ့သို့ ပြောသည်။

"ကျနော်ဆိုလို့ရှိရင် ၂၀၀၈-ခုဒီဇင်ဘာလက UNHCR မှာ ဒုက္ခသည်အဖြစ် အသိအမှတ် ပြုခံထားရသူ ဖြစ်တယ်။ ကတ်ရတဲ့နေ့ကစပြီး ဒီနေ့ထိ ဘာအထောက်ပံ့မှ မရဖူးသေးဘူး။ ဒီနိုင်ငံက ဘာသာ စာပေ လည်း မတတ်တော့ အလုပ်အကိုင်ကလည်းမရနိုင်ဘူးလေ။ ခုဆိုလို့ရှိရင် ဘုန်းကြီးကျောင်း မှာပဲ ကပ်ခို ပြီးတော့ ထမင်းတောင်း စားနေရတဲ့ ဘ၀ ရောက်နေပါတယ်။ ကျနော့်လို အဖြစ်မျိုး တခြား လူတွေလည်း အများကြီးပါပဲ" ဟု သူက ပြောသည်။

ဘင်္ဂလာဒေခ်ျ့ နိုင်ငံတွင် မြန်မာနိုင်ငံမှ ရောက်ရှိလာသော ဒုက္ခသည်များကို UNHCR မှ အပြင်တွင် အလုပ် လုပ်ခိုင်းသော်လည်း လူဦးရေ အလွန် ထူထပ်ပြီး အလုပ်လက်မဲ့နုန်း အလွန်များသော ဘင်္ဂလာဒေခ်ျ့တွင် မည်သူ တစ်ဦးမှ အလုပ်ရရှိရန် မလွယ်ကူဘဲ ဖြစ်နေရကာ၊ ရရှိသော အလုပ်များကိုလည်း ဘင်္ဂလီ အလုပ်သမားများနှင့် ယှဉ်ပြိုင်၍ မလုပ်နိုင်ကြကြောင်း သိရသည်။

သို့ သော်လည်း စားဝတ်နေရေး အကျပ်အတည်းကြောင့် ၀င်ရောက်လုပ်ကိုင်ခဲ့ရသူ မစောစန္ဒာတို့ မိသားစုမှာလည်း ဒေသခံ လူဆိုးများ၏ အနိုင်ကျင့်ရန် ကြိုးစားမူကြောင့် ဘင်္ဂလာဒေခ်ျ့မှ ထွက်ပြေးသွားခဲ့ရကာ ယခုတိုင် အဆိုပါ မိသားစုမှာ ပျောက်ဆုံးနေသည်။

ယခုကဲ့သို့ ပြဿနာမျိုးစုံ အခက်ခဲမျိုးစုံနှင့် ကြုံတွေ့နေရသော်လည်း UNHCR မှ တစ်စုံတရာ ၀င်ရောက် ဖြေရှင်း ပေးခြင်း မရှိသဖြင့် ယူအန် အသိအမှတ်ပြု ရခိုင်ဒုက္ခသည် ၃၀၀ ကျော် နီးပါးထဲမှ အများစု ဒုက္ခသည်များမှာ စားစရာ မရှိ နေစရာ မရှိ ဘ၀ဖြင့် ဘင်္ဂလာဒေခ်ျ့ တွင် အခက်အခဲများဖြင့် ရင်ဆိုင်နေကြရကြောင်း သတင်း ရရှိသည်။

အစ္စရေးက ပါလက်စတိုင်းကို မျက်နှာချိုသွေးရန် အိုဘာမား မိန့်ခွန်းတွင် ထည့်သွင်းပြောကြား

by FNG on May 20, 2011

အမေရိကန် သမ္မတ အိုဘားမား က ဒီနေ့ ဝါရှင်တန် က သမ္မတ အိမ်ဖြူတော် မှာ ပြောကြားတဲ့ မိန့် ခွန်းရှည် ကြီး မှာ အာရပ် နဲ့  အာဖရိက နိုင်ငံ တွေ ရဲ့  ဒီမိုကရေစီ ပြောင်းလဲမှု ကို ထောက်ခံပြီး ဒီနိုင်ငံ တွေ ရဲ့  ဒီမိုကရေစီ ရေး အတွက် အဘက်ဘက် က ကူညီဖို့ ဆုံးဖြတ် ထား တယ် လို့  ပြောကြား ခဲ့ပါတယ်။

သူ့ ရဲ့  မိန့် ခွန်းမှာ နှစ်ပေါင်းများ စွာ လက်နက် ကိုင် ပဋိပက္ခ နဲ့  အငြင်းပွားမှု ပြဿနာ မဆုံးနိုင် သေတဲ့ အစ္စရေး – ပါလက် စတိုင်း ပြဿနာ ကို ထည့်သွင်း ပြောကြား ရာမှာ လည်း အစ္စရေး အနေနဲ့  ခြောက်ရက် စစ်ပွဲ မတိုင် ခင် အရှေ့ ဂျေရူဆလင် ၊ အနောက် ဘက်ကမ်းခြေ နဲ့  ဂါဇာ ကမ်း မြှောင် ဒေသ တွေ ကို မသိမ်း ပိုက် ခင် အချိန် ထိ ပြန်ဆုတ် ပေးဖို့ ပြောကြား ခဲ့ပြီး ပါလက်စတိုင်းဒေ သ တွေ မှာ လူ့ အခွင့်အရေး မချိုးဖောက် ဖို့  ကို လည်း သတိပေး ပြောကြား ခဲ့ပါတယ်။

လက်ရှိ လူထု အုံကြွမှု တွေ ဖြစ်ပွား နေတဲ့ ဆီးရီးယား၊ ယီမင်နဲ့  လစ်ဗျား နိုင်ငံ တွေ နဲ့ ပတ်သက် ပြီး ပြောကြား ရာမှာ ဆန္ဒပြမှု တွေ အတွင်း လူ ၈၅၀ ကျော် ကို သတ်ပြစ်ခဲ့ တဲ့ ဆီးရီးယား သမ္မတအာဆတ် ရဲ့  လုပ်ရပ် တွေ ကို လက်မခံ နိုင် ဘူး လို့  သတိပေး ပြော ကြား ခဲ့ပါတယ်။

အီရန် နဲ့  ယီမင် နိုင်ငံ တွေ ရဲ့  လူထု အုံကြွမှု တွေ မှာ နိုင်ငံ ခေါင်းဆောင် တွေ အနေ နဲ့  ပြည်သူတွေ ရဲ့  ဆန္ဒ ကို လေးစား ဖို့ ဒီမိုကရေစီရေး အတွက် ပြုပြင် ပြောင်း လဲ ဖို့  ပြော ဆို ခဲ့ ပါတယ်။

ယမန် နေ့ က အယ်(လ)ကာယီးဒါ အကြမ်းဖက် အဖွဲ့ အစည်း ရဲ့  သတင်းဌာန ဖြစ်တဲ့ As – Sahab သတင်း ဌာန က နေ ထုတ်လွှင့် ခဲ့တဲ့ အိုစမာ ဘင်လာဒင် မသေ ခင် က အသံသွင်း ထား တဲ့ အခွေထဲ မှာ သေဆုံး သွား ပြီ ဖြစ်တဲ့ အကြမ်းဖက် ခေါင်းဆောင် က သူမသေ ခင်မှာ အာရပ် လူထု အုံ ကြွမှု နဲ့  ဒီမို ကရေစီ ရေးနိုးထ မှု များ ထောက် ခံ ကြောင်း ပြောကြား ခဲ့ပါတယ်။

အမေရိကန် သမ္မတ အိုဘာမား ဟာ အာရပ် ကမ္ဘာ နဲ့  ပတ်သက်ပြီး အမေရိကန် အစိုးရ ရဲ့  မူဝါဒ သစ် ကို ယနေ့ မိတ် ဆက် လိုက် တာ လို့  လဲ အာရပ် ကမ္ဘာ က မှတ်ချက် ပေးကြပါတယ်။

ဒေါ်စုကို တွေ့ဆုံရန် ဇေယျာသော် ကြိုးပမ်း

မဇ္ဈိမသတင်းဌာန | ကြာသပတေးနေ့၊ မေလ ၁၉ ရက် ၂၀၁၁ ခုနှစ် ၁၅ နာရီ ၁၇ မိနစ်

ရန်ကုန် (မဇ္ဈိမ) ။ ။ ထောင်မှ လွတ်လာပြီးနောက် ဟစ်ပ်ဟော့ပ်အဆိုတော် ဇေယျာသော်က အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံခွင့်ရရန် ကြိုးပမ်းနေသည်။

“ကျနော် သူ့ (ဒေါ်အောင်ဆန်းစုကြည်) ကို လေးလည်း လေးစားတယ်၊ အားလည်း ကိုးတယ်၊ သူ့ရဲ့ လုပ်ရပ်တွေ ရပ်တည်ချက်တွေဟာ ပြည်သူတွေအပေါ် အကျိုးရှိစေမယ်ဆိုတာ ယုံတယ်။ ဒါကြောင့် အန်တီစုနဲ့ တွေ့ချင်တာ” ဟု ဇေယျာသော်က ပြောသည်။

အတိုက်အခံ အဖွဲ့အစည်းတခုဖြစ်သော မျိုးဆက်သစ် လူငယ်များ အစည်းအရုံး Generation Wave ခေါင်းဆောင်တဦးဖြစ်သော ၃၁ နှစ်အရွယ် အဆိုတော်သည် မေလ ၁၇ ရက်နေ့တွင် ကော့သောင်း အကျဉ်းထောင်မှ ပြန်လွတ်လာခဲ့သည်။

သူ့ကို ၂ဝဝ၈ ခုနှစ်ထဲတွင် တရားမဝင် အသင်းဖွဲ့စည်းမှု ပုဒ်မ ၆/၈၈ နှင့် နိုင်ငံခြားငွေ ကိုင်ဆောင်မှု ပုဒ်မ ၂၄/၁ တို့ဖြင့် ထောင်ဒဏ် ၆ နှစ် ချမှတ်ခဲ့ရာ အထူးအယူခံရသည့်အတွက် ၄ နှစ် ချခံရသည်။ လွတ်မြောက်လာစဉ်တွင်
ထောင်ဒဏ် ၃ နှစ် ကျော်ကျခံပြီး ဖြစ်သည်။

ဇေယျာသော်သည် အဆိုတော် အနဂ္ဂ၊ ဟိန်းဇော်၊ ရန်ရန်ချန်းတို့နှင့်အတူ ၂ဝဝဝ နှစ်ကုန်ပိုင်းတွင် မြန်မာနိုင်ငံ၏ ပထမဆုံး ဟစ်ပ်ဟော့ပ် အဖွဲ့ဖြစ်သော အက်ဆစ်အဖွဲ့ကို စတင်တည်ထောင်ခဲ့သူလည်း ဖြစ်သည်။

ရန်ကုန်တိုင်းအစိုးရနှင့် မီဒီယာတွေ့ဆုံမှု နောက်တကြိမ် မသေချာ

ခင်ဦးသာ Thursday, 19 May 2011 16:32

ရန်ကုန်တိုင်း အစိုးရသစ်သည် ပြည်တွင်း မီဒီယာများနှင့် တွေ့ဆုံမှုကို ရက်အကန့် အသတ်မရှိ ရွှေ့ဆိုင်းလိုက်ပြီ ဖြစ်ကြောင်း ရန်ကုန် သတင်း အသိုင်းအ၀န်းကြားတွင် သတင်းများထွက်ပေါ်နေသည်။

မေလ ၁၀ ရက်နေ့တွင်ပြုလုပ်ခဲ့သော သတင်းစာရှင်းလင်းပွဲ ရုပ်သံကို ပြည်ပအခြေစိုက် ဒီမိုကရက်တစ် မြန်မာ့အသံ (DVB) ၌ ထုတ်လွှင့်ပြသခဲ့ပြီးနောက် မေလ ၁၇ ရက်နေ့က ဒုတိယ အကြိမ်ပြုလုပ်သော သတင်းစာရှင်းလင်းပွဲ အကြောင်းအရာများကို ပြည်ပ မီဒီယာများ၌ ဖော်ပြရေးသားခဲ့ခြင်းကြောင့် ယခုကဲ့သို့ မီဒီယာနှင့်တွေ့ဆုံမှု ရွှေ့ဆိုင်းလိုက်ခြင်းဖြစ်ကြောင်း သိရသည်။

ရန်ကုန်တိုင်း အစိုးရသည် မီဒီယာတချို့နှင့် တွေ့ဆုံမှုကို မေလ ၁၀ ရက်နေ့က စတင်ပြုလုပ်ခဲ့ပြီး အပတ်စဉ် အင်္ဂါနေ့တိုင်းတွင် တွေ့ဆုံသွားမည်ဟု ၀န်ကြီး ဦးဉာဏ်ထွန်းဦးက သတင်းစာရှင်းလင်းပွဲ၌ ပြောဆိုခဲ့သည်။

DVB ရုပ်သံတွင် ထုတ်လွှင့်ပြသခဲ့ပြီးနောက် မေလ ၁၇ ရက်နေ့က ပြုလုပ်ခဲ့သော ဒုတိယအကြိမ်မြောက် သတင်းစာ ရှင်းလင်းပွဲ၌ အစိုးရပိုင် ရုပ်သံ တခုဖြစ်သော MRTV-4 ၏ ရိုက်ကူးမှုကို တားမြစ်ခဲ့ကြောင်းလည်း သိရသည်။

သတင်းစာရှင်းလင်းပွဲ ထပ်မံပြုလုပ်မည် ဆိုလျှင်လည်း တက်ရောက်မည့် သတင်းထောက်အမည်၊ ယူဆောင်လာမည့် ကင်မရာအမျိုးအစားနှင့် အသံဖမ်းစက် စသည်တို့ကို ကြိုတင် စာရင်းပေးရမည်ဟု သတင်းထောက်တချို့က ပြောသည်။

အစိုးရ သတင်းစာ ရှင်းလင်းပွဲဟု ဆိုသော်လည်း မေးခွန်းများ လွတ်လပ်စွာ မေးမြန်းခွင့်မရကြောင်း ပထမအကြိမ် သတင်းစာ ရှင်းလင်းပွဲသို့ တက်ရောက် သတင်းယူခဲ့သူ တဦးက ဆိုသည်။

ပြုလုပ်ပြီးခဲ့သည့် အဆိုပါ သတင်းစာရှင်းလင်းပွဲများတွင် ပြည်တွင်းအခြေစိုက် နိုင်ငံခြား သတင်းဌာနများကို လုံးဝ ဖိတ်ကြားခြင်း မရှိကြောင်း၊ ပွင့်လင်းမြင်သာသော သတင်းစာရှင်းပွဲမျိုး မဟုတ်ကြောင်း ပြည်တွင်းအခြေစိုက် နိုင်ငံခြားသတင်းဌာန၏ သတင်းထောက် တဦးက ဆိုသည်။

သတင်း စာရှင်းလင်းပွဲတွင် ရန်ကုန်တိုင်းအစိုးရအဖွဲ့၏ ပညာရေး၊ ကျန်းမာရေး၊ လူဝင်မှုကြီးကြပ်ရေးနှင့် နိုင်ငံခြားရေးဝန်ကြီး တာဝန်များအား ပူးတွဲယူထားသူ ဦးဉာဏ်ထွန်းဦးနှင့် ရန်ကုန်တိုင်း အုပ်ချုပ်ရေးမှူး ဦးခင်မောင်ထွန်းတို့က သတင်းထောက် များ၏ မေးခွန်းများကို ဖြေဆိုခဲ့သည်။

အထိန်းသိမ်းခံ မြန်မာ ၃၁ ဦး အိန္ဒိယအစိုးရ လွှတ်ပေးပြီ

ဇာနည်မာန် Thursday, 19 May 2011 17:47

အိန္ဒိယနိုင်ငံ ကာလကတ္တားမြို့ ပရက်စီဒင်စီ အကျဉ်းထောင်တွင် ၁၂ နှစ်ကျော်ကြာ ထိန်းသိမ်းခံထားရသော ကရင်နှင့် ရခိုင် တော်လှန်ရေးသမား ၃၄ ဦးအနက် ၃၁ ဦးတို့ ယနေ့ နေ့လယ်က အမှုမှ ကွင်းလုံးကျွတ် ပြန်လည် လွတ်မြောက်လာပြီ ဖြစ်သည်။

လွတ်မြောက်လာသူ ၃၁ ဦးထဲတွင် အပါအဝင်ဖြစ်သော ရခိုင်အမျိုးသား ကိုဓညလင်းက “နေ့လည် ၁ နာရီ ၅၅ က လွတ်ပါတယ်။ ရခိုင် ၂၂ ယောက်၊ ကရင် ၉ ယောက် လွတ်ပါတယ်။ ကျန်တဲ့ ရခိုင် ၂ ယောက်နဲ့ ကရင် ၁ ယောက် ကတော့ ပေါ့ဘလဲကို ပြန်သွားရပါဦးမယ်။ ကျနော်တို့ အခု လေယာဉ်ကွင်းသွားတဲ့ လမ်းမှာ ရောက်နေပါပြီ။ ဒေလီကိုတော့ ည ၁၁ နာရီလောက် ရောက်မယ်ထင်ပါတယ်” ဟု ပြောပြသည်။

ဆက်လက်၍ ၎င်းက ယခုကဲ့သို့ အမှုမှ ကွင်းလုံးကျွတ် လွှတ်ပေးခဲ့သည့်အတွက် အိန္ဒိယအစိုးရအပါအဝင်၊ ကူညီပေးသူများ၊ အဖွဲ့အစည်းများကို ကျေးဇူးတင်သည်ဟု ဆိုသည်။

“သူတို့ ဒီလို မကူညီပေးရင် ကျနော်တို့ လွတ်လာမှ မဟုတ်ပါဘူး။ ထောင်ထဲမှာ နေရတာကြာတော့ ပင်ပန်းလွန်းလှပါပြီ အပြင်မှာ ဘာတွေဖြစ်နေတယ်ဆိုတာလည်း ကျနော်တို့ မသိတော့ဘူး။ ဒေလီရောက်မှပဲ အပြင်က အခြေအနေတွေ လေ့လာပြီး ဘာဆက်လုပ်ရမလဲ စဉ်းစားမယ်” ဟု သူက ပြောသည်။

မြန်မာ ၃၄ ဦး၏ ကိုယ်စားလှယ်အဖြစ် ဆောင်ရွက်ပေးနေသော ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရ (NCGUB) ၀န်ကြီး ဒေါက်တာတင့်ဆွေကလည်း မလွတ်မြောက်သေးသည့် ၃ ဦးမှာ ပေါ့ဘလဲကျွန်းတွင် တခြား အမှုအနည်းငယ် ကျန်ရှိနေသေးကြောင်း ဧရာဝတီကို ရှင်းပြသည်။

အဆိုပါ ၃ ဦးသည်လည်း ဒုက္ခသည်အဖြစ် အသိအမှတ်ပြု လက်မှတ်ရရှိပြီးသား ဖြစ်သောကြောင့် မကြာမီ ပြန်လည် လွတ်မြောက် လာနိုင်သည်ဟု သိရသည်။

လွတ်မြောက်လာသည့် ၃၁ ဦးသည် ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) မှ ဒုက္ခသည်အဖြစ် အသိအမှတ် ပြုကြောင်း လက်မှတ်များ ရထားပြီးဖြစ်၍ အိန္ဒိယနိုင်ငံတွင် နေထိုင်ခွင့်အဆင့်အထိ ရမည်ဟု မျှော်လင့်ကြောင်း ဒေါက်တာတင့်ဆွေက ပြောသည်။

“သူတို့လွတ်လာရင် သူတို့ကို ဘယ်သူက ကူညီစောင့်ရှောက်မလဲဆိုတာ အိန္ဒိယအစိုးရက စိုးရိမ်တော့ ဒေလီမှာရှိတဲ့ မြန်မာ အသိုင်းအ၀န်းကနေ ကျနော်တို့ တာဝန်ယူပါတယ်လို့ ကာလကတ္တား တရားရုံးအထိကို တင်ထားတာရှိတယ်။ အဲဒါကြောင့် ဒီက ဗမာအဖွဲ့အစည်းတွေဆီကို ရောက်လာမယ့် သဘောပါ” ဟု သူက ဆိုသည်။

နယူးဒေလီရှိ ဘားမားစင်တာ ဒေလီက လွတ်မြောက်လာသူတို့၏ စားဝတ်နေရေး၊ ကာလကတ္တားမှ နယူးဒေလီ သွားရန်အတွက် ခရီးစရိတ် စသည်တို့ကို အာမခံ ကူညီပေးမည်ဖြစ်ကြောင်း တရားရုံးသို့ တင်ပြထားခဲ့သည်ဟု ဘားမားစင်တာဒေလီမှ ကိုကင်မ်က ပြောသည်။

တတိယနိုင်ငံများတွင် ၎င်းတို့ အခြေချနေထိုင်နိုင်မည့် လုပ်ငန်းစဉ်များအတွက်ကိုမူ အဆင့်ဆင့် ဆောင်ရွက်ရဦးမည် ဖြစ်ကြောင်း၊ ထိုသူတို့ လွတ်မြောက်လာချိန်တွင် အခြေချ နေထိုင်ခွင့်ပေးရန် ချက်သမ္မတ နိုင်ငံက ကမ်းလှမ်းခဲ့ဖူးကြောင်း သိရသည်။

ဒေါက်တာတင့်ဆွေက “ဒါကတော့ ကာယကံရှင်တွေရဲ့ သဘောလည်းပါမယ်။ သူတို့ ဆန္ဒအပေါ် မူတည်ပြီးတော့ ဒီက အသိုင်းအ၀န်းက အကုန်လုံး ၀ိုင်းလုပ်ပေးကြရမှာပါ” ဟု ဆိုသည်။

ဆက်လက်၍ သူက “အိန္ဒိယအစိုးရက ဒုက္ခသည်တွေနဲ့ ပတ်သက်ရင် စာနာမှုအပြည့်နဲ့ ကူညီထားတာ အင်မတန်မှ ကျေးဇူး တင်ပါတယ်။ နှစ်နိုင်ငံရဲ့ အစိုးရချင်း ဆက်ဆံရေးက တပိုင်းပေါ့လေ။ သက်ရောက်မှု ရှိတဲ့ အပိုင်းလည်း ရှိပေမယ့် အခုလို စာနာမှု ထားတဲ့အတွက် အင်မတန် ကျေးဇူးတင်ပါတယ်” ဟု ပြောသည်။

၁၉၉၈ ခုနှစ်က အိန္ဒိယရေပိုင်နက်အတွင်းရှိ လန်းဖောလ်ကျွန်းသို့ အိန္ဒိယထောက်လှမ်းရေးအဖွဲ့၏ သဘောတူညီချက်အရ ရောက်လာသော ရခိုင်အမျိုးသား ညီညွတ်ရေးပါတီ (NUPA) နှင့် ကရင်အမျိုးသား အစည်းအရုံး (KNU) တို့မှ ရခိုင်နှင့် ကရင်တိုင်းရင်းသားများ ပါဝင်သည့် အဆိုပါ ၃၄ ဦးကို ၁၉၉၈ ဖေဖော်ဝါရီလ ၁၁ ရက်နေ့တွင် အိန္ဒိယရေတပ်က ဖမ်းဆီးခဲ့သည်။

ထို့နောက် လက်နက်ခဲယမ်းများ လက်ဝယ်တွေ့ရှိမှုဖြင့် အက်ဒမန်ကျွန်းစု ပေါ့ပ်ဘလဲမြို့တွင် ၈ နှစ်ကျော်ကြာ အကျယ်ချုပ်ဖြင့် ထားရှိခဲ့သည်။ ထိုအတောအတွင်း ၎င်းအဖွဲ့မှ ခေါင်းဆောင် ၆ ဦးတို့မှာ ကွပ်မျက်ခံခဲ့ရပြီး ကျန်သူများကိုမူ ကာလကတ္တား အကျဉ်းထောင်သို့ ပို့ဆောင်၍ လက်နက်ခဲယမ်းနှင့် ဖောက်ခွဲရေးပစ္စည်းများ ကိုင်ဆောင်မှု၊ နိုင်ငံပိုင်နက်အတွင်း တရားမ၀င် ခိုးဝင်မှုတို့ဖြင့် အိန္ဒိယဗဟို ထောက်လှမ်းရေးအဖွဲ့ (CBI) က ၂၀၀၆ အောက်တိုဘာလတွင် တရားလိုပြု တရားစွဲဆိုခဲ့ခြင်းဖြစ်သည်။

အမှုများကို စီရင်ချက်ချချိန်က သူတို့အား နိုင်ငံခြားသားမူ (ပုဒ်မ -၁၄) ဖြင့် ထောင်ဒဏ် ၁ နှစ် ၃ လ နှင့် ဒဏ်ငွေ ရူပီး ၂၀ဝ၀၊ ပေါက်ကွဲ စေတတ်သော လက်နက် ခဲယမ်းမီးကျောက်များ ပိုင်ဆိုင်မူ ပုဒ်မ ၅ (ဘီ) ဖြင့် ထောင် ၁ နှစ် ၃ လနှင့် ဒဏ်ငွေ ရူပီး ၂၀ဝ၀၊ လက်နက်မှုပုဒ်မ ၂၅ (ဘီ) ဖြင့် ထောင်ဒဏ် ၆ လနှင့် ဒဏ်ငွေရူပီး ၂၀ဝ၀ ချမှတ်ခဲ့ရာ ထိန်းသိမ်းခံ ရက်များကို လျှော့ရက် ခံစားခွင့်ဖြင့် လွတ်မြောက်ရမည် ဖြစ်သော်လည်း အိန္ဒိယနိုင်ငံအတွင်း နေထိုင်ခွင့် မရှိသောကြောင့် လွတ်မြောက်ရန် ကြန့်ကြာ နေခဲ့ရသည်။

နောက်ပိုင်းတွင် UNHCR နှင့် အိန္ဒိယပြည်ထဲရေး ၀န်ကြီးဌာနအပါအ၀င် တခြားသော ကူညီဆောင်ရွက်သူ များကြောင့် ဒုက္ခသည်အဖြစ် အသိအမှတ်ပြု လက်မှတ်ရရှိခဲ့ပြီး ယခုကဲ့သို့ လွတ်မြောက်လာရခြင်း ဖြစ်သည်။

ရွာသားများ အိမ်ယာလက်လွတ်မည့်ဘေးကြုံ

ဖနိဒါ | ကြာသပတေးနေ့၊ မေလ ၁၉ ရက် ၂၀၁၁ ခုနှစ် ၁၈ နာရီ ၁၂ မိနစ်

ချင်းမိုင်(မဇ္စျိမ) ။ ။ မြစ်ကြီးနား တပ်ကုန်း ရပ်ကွက်တွင် ပါဝင်သော ငေါ့ချမ်းကျေးရွာ လယ်ကွက်အတွင်း
ဆောက်လုပ်ထားသော အိမ် ၁ဝ လုံးကို လာမည့် ၂၉ ရက်နေ့ နောက်ဆုံးထား ပြောင်းရွှေ့ပေးရန် ရပ်ကွက် အာဏာပိုင်များက ပြောဆိုကြောင်း ဒေသခံများက ပြောသည်။

လယ်ကွက်များပေါ် ဆောက်ထားသဖြင့် ရပ်ကွက် ဥက္ကဋ္ဌ နှင့် မြေတိုင်းစာရင်း ဦးစီးဌာန အရာရှိတဦးက မြစ်ကြီးနားမြို့၏ မြောက်ဘက် ၁ဝ မိုင်ခန့်အကွာရှိ ပလန ကျေးရွာ ပြန်လည် နေရာချထားရေးသို့
ပြောင်းရွှေ့ခိုင်းခြင်း ဖြစ်သည်။

“ မြေတိုင်းစာရင်းက လက်မှတ်ထိုးဆိုပြီး စာရွက်မှာလက်မှတ်ထိုးခိုင်းတာ ကျနော်က ကျနော့် မိန်းမ နာမည်ပါတယ်ဆိုပြီး လက်မှတ် ထိုးလိုက်တာ အိမ်ဖျက်သိမ်းကြောင်း သဘောတူစာရွက်ဖြစ်နေတာ ကျနော်တို့ ရွာသားတွေက စာမတတ်ကြလို့ပါ”ဟု ရွာသားတဦးက ပြောသည်။

လက်ရှိ ကျေးရွာ ဥက္ကဋ္ဌ မိဘများက လွန်ခဲ့သည့် နှစ် ၂ဝ ခန့်က လယ်ကွက် အကျယ် ၅ဝ ပေနှင့် အနံ ၄ဝ တို့ကို အိမ်မြေကွက်များအဖြစ် ရောင်းသဖြင့် ဝယ်ယူ နေထိုင်ခဲ့ကြခြင်း ဖြစ်သည်။

ပလန ပြန်လည် နေရာချထားရေးမှာ စစ်အစိုးရက အိမ်ခြေမရှိသူများကို ချပေးသည့် နေရာဖြစ်ပြီး မိုးတွင်း ရေ ဒူးထိတက်လာသောနေရာဖြစ်သဖြင့် ရွာသားများ မပြောင်းရွှေ့ကြလိုကြောင်း ဒေသခံ တဦးက ပြောသည်။

လယ်ယာမြေကို အိမ်ယာမြေအဖြစ် ပြောင်းလဲရန် ပြည်နယ်ရုံးတွင် လန ၃၉ လျှောက်လဲရသော်လည်း ရွာသားများက လန ၃၉ လျှောက်ရမည်ကို မသိဘဲ စည်ပင်ခွန်များသာ ပေးဆောင်နေကြောင်း သိရသည်။

“ကျမတို့ ကိုယ်တိုင် လန ၃၉ လျှောက်ယူရမယ်ဆိုတာ မသိခဲ့ဘူး။ ခုမှ ရပ်ကွက် ဥက္ကဋ္ဌနဲ့ စည်ပင်မြေစာရင်းရုံးကလူက သူတို့ လျှောက်ပေးမယ်ဆိုပြီး ငွေ၂ သိန်းစီ ထုတ်ခိုင်းနေတယ်”ဟု ရွာသားတစ်ဦးက ပြောသည်။

ယမန်နေ့ ညနေပိုင်းက ရွာသားများကို အစည်းအဝေး ခေါ်ယူ၍ ရပ်ကွက် ဥက္ကဋ္ဌက ရွာသားများကို မပြောင်းရွှေ့လိုပါက တအိမ်လျှင် ကျပ် ၂ သိန်းပေးရန် ပြောလာသည်ဟု အဆိုပါ ရွာသားက ပြောသည်။

ရွှေမှော်တွင် ကချင်အမျိုးသမီးငယ်များ လိင်ကျွန်အဖြစ် စေခိုင်းခံရ

Tuesday, 17 May 2011 09:22 KNG

ကချင်ပြည်နယ် မြစ်ကြီးနားမြို့ မြောက်ဖက် မလိခ-အင်မိုင်ခ မြစ်ဆုံဒေသ အထက်ရှိ တယန်ဇွပ်ရွှေမှော်တွင် အမျိုးသမီးတစ်ဦးမှ ကချင်မျိုးနွယ် ရ၀မ်၊ ဂျိမ်းဖေါ၊ လီဆူး အမျိုးသမီးငယ်များ ကို ခေါ်ယူမွေးစားသယောင်ပြု၍ လိင်ကျွန်အဖြစ် စေခိုင်းနေကြောင်း သိရှိရသည်။

မြစ်ကြီးနားမြို့ မှ အသက် ၄၀ ကျော် အရွယ်ရှိ မအိ ဆိုသူသည် ဧရာဝတီမြစ် မြစ်ဖျား မလိခမြစ် တယန်ဇွပ်ရွှေမော်သို့  လွန်ခဲ့သည့် ၇ နှစ်ခန့်မှ စတင်၍ လာရောက်အခြေချကာ စီးပွားရေးလုပ်နေသူဖြစ်သည်။

သူမသည် လွန်ခဲ့သော နှစ်အနည်းငယ်ခန့်မှ စတင်၍ အသက် ၁၅ နှစ် ၁၆ နှစ် အရွယ်ရှိ ပူတာအို၊ မချမ်းဘောနှင့် ရွှေမော်တ၀ိုက်မှ အမျိုးသမီးငယ်များကို မွေးစားသယောင်ပြု ၍ ဒေသခံ မြန်အစိုးရ အာဏာပိုင်များနှင့် ရဲအရာရှိများထံသို့  အခကြေးငွေယူ၍ လိင်အဖျော်ဖြေခံစေလွှတ်ခဲ့ကြောင်း ဒေသခံများမှ သိရသည်။

အလုပ်ရှာဖွေသွားလာနေသည့် အမျိုးသမီးငယ်များအား အလုပ်ပေးမည်ဟု ခေါ်ယူကာ လိင်ဖျော်ဖြေမှုတွင် အတင်းအဓ္ဓမစေခိုင်းနေသည်ဟု မချမ်းဘောမြို့မှ လိင်ကျွန်အဖြစ် စေခိုင်းခံခဲ့ရသူ အမျိုးသမီးငယ်တစ်ဦးပြောသည်။

အမျိုးသမီးငယ်များအား ခိုင်းစေသော်လည်း လုပ်အားခမပေးပဲ ပတ်ဝန်းကျင်တွင် သမီးအဖြစ်မွေးစားသယောင် သတင်းလွှင့်၍ သိမ်းသွင်းခဲ့သည်ဟု ထိုအမျိုးသမီးငယ်၏ မိသားစုက ပြောသည်။

အမျိုးသမီးငယ်များကို မိဘဆွေမျိုးများရှာဖွေလျင်လည်း ၀ှက်ထား၍ သွားလာခွင့်မပြုပဲ ပိတ်ပင်ထားသည်ဟု ပြောသည်။

မအိသည် ရွှေမော်တွင် ရွှေကျင်ခြင်း၊ စားသောက်ဆိုင်နှင့် ကုန်စုံဆိုင်ဖွင့်ခြင်းနှင့် တယန်ဇွပ်တည်းခိုခန်း ပိုင်ရှင်ဖြစ်ပြီး နယ်မြေခံ စစ်ထောက်လှမ်းရေးအရာရှိများ၊ ရဲအရာရှိများနှင့်လည်း ရင်းနှီးကျွမ်းဝင် နီးစပ်သူဖြစ်သောကြောင့် လွပ်လွပ်လပ်လပ် သွားလာ လုပ်ဆောင်နေကြောင်း ဒေသခံများက ပြောသည်။

ပြီးခဲ့သည့် ၂၀၁၀မှ ယခုချိန်ထိ မအိ က မွေးစားခဲ့သည် ဆိုသော ဂျိမ်းဖေါ၊ ရ၀မ်၊ လီဆူး အမျိုးသမီးငယ် အနည်းဆုံး လေးဦးခန့် မှာ ပျောက်ဆုံးနေကြောင်း စုံစမ်းသိရသည်။

ရွှေမှော်နှင့် ပတ်ဝန်းကျင်ဒေသများတွင် အာဏာပိုင်များနှင့် ရင်းနှီးကျွမ်းဝင်သူများသည် ယခုလို လုပ်ဆောင်ခြင်းကြောင့် ဒေသခံအမျိုးသမီးငယ်များ၏လုံခြုံရေး တစ်နေ့ထက်တစ်နေ့ ပိုမိုစိုးရိမ်နေရကြောင်း သိရသည်။