ဒီနေ့ဖတ်စရာ သတင်းများ (မေလ ၁၇ ရက်)

- သတင်းမှန်ရေးနဲ့ ဘက်မလိုက်ဖို့ ဒေါ်စု တိုက်တွန်း
- အာဏာပိုင်များနှင့် နီးစပ်သူများသာ စီးပွားရေး လက်ဝါးကြီးအုပ်ထား
- မြန်မာသမ္မတရဲ့ လွတ်ငြိမ်းခွင့် နိုင်ငံတကာဖိအား တိုးဖွယ်ရှိ
- မစ္စတာကင်တားနား မြန်မာ့အရေးလှုပ်ရှားသူများနှင့် တွေ့မည်
- နိုင်ငံတကာ ပြစ်မှုတရားရုံး ဂဒါဖီကို အလိုရှိ
- အစ္စရေး၊ ပါလက်စတိုင်းနယ်စပ် ပဋိပက္ခ ၁၀ ယောက်ထက် မနည်း သေဆုံး
- အီးယူ မြန်မာ့သမိုင်းကြောင်းက ခါးသီးစရာ သင်ခန်းစာတွေ အီးယူ မလေ့လာသေး
- ဘုရားသုံးဆူ – ချောင်းဆုံ လမ်းပိုင်း ကိုယ်ထူကိုယ်ထ ပြင်နေရ
- ဌာနေပြည်သူ့ စစ်အင်အားဖြင့် ဝမ့်ဟိုင်းဌာနချုပ်ကို တိုက်ခိုက်ဖွယ်ရှိ
- ပုဂ္ဂလိကကျောင်းများ တိုးလာသော်လည်း လူနည်းစုအတွက်သာဖြစ်နေ

သတင်းမှန်ရေးနဲ့ ဘက်မလိုက်ဖို့ ဒေါ်စု တိုက်တွန်း

By ဒေါ်ခင်မျိုးသက် တနင်္လာ, 16 မေ 2011

မြန်မာနိုင်ငံမှာ သတင်းသမားတွေ အနေနဲ့ ဘက်မလိုက်ဘဲ မှန်ကန်တဲ့ သတင်းအချက်အလက်တွေကိုပဲ ပြည်သူတွေကို တင်ပြနိုင်ဖို့ အရေးကြီးတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။ ဒီနေ့ တနင်္လာနေ့ အမျိုးသား ဒီမိုကရေစီ အဖွဲ့ချုပ် (NLD) ရုံးချုပ်မှာ ဖွင့်လှစ်တဲ့ သတင်းစာပညာသင်တန်း အပတ်စဉ် ၁ ဖွင့်ပွဲ နှုတ်ခွန်းဆက် အမှာစကားမှာ ဒေါ်အောင်ဆန်းစုကြည်က အဲဒီလို ပြောကြားခဲ့တာ ဖြစ်ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

အမျိုးသား ဒီမိုကရေစီ အဖွဲ့ချုပ်ဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ်ကနေ ပြန်ပြီး လွတ်မြောက်လာတဲ့ နောက်ပိုင်း လူငယ်တွေအတွက် အရည်အချင်း မြှင့်တင်ရေး ပို့ချမှုတွေကို အဆက်မပြတ် လုပ်ဆောင်နေပါတယ်။ တနင်္လာနေ့ကတော့ လူငယ် ပညာပေးရေး အစီအစဉ်အရ ဖွင့်လှစ်တဲ့ သတင်းစာပညာသင်တန်း အပတ်စဉ် ၁ ကို အဖွဲ့ချုပ် ဗဟိုအစည်းအဝေး ခန်းမမှာ စတင် ဖွင့်လှစ်ခဲ့ပါတယ်။

သတင်းသမားတယောက် အနေနဲ့ ကိုယ့်သတင်းတပုဒ်အတွက် သတင်းအချက်အလက်တွေကို မှန်မှန်ကန်ကန် ဖြစ်နေဖို့က အရေးကြီးတယ်လို့ သင်တန်းအဖွင့် နှုတ်ခွန်းဆက်စကား ပြောကြားခဲ့တဲ့ ဒေါ်အောင်ဆန်းစုကြည်က ပြောပါတယ်။

“လူတိုင်း လူတိုင်းမှာ မိမိရဲ့ အမြင်လေးတွေ၊ မိမိရဲ့ ကြိုက်တာလေးတွေ မကြိုက်တာလေးတွေတော့ ရှိတာပေါ့။ သတင်းစာဆရာမို့လို့၊ သတင်းလောကက လူမို့လို့၊ သူတို့အမြင်လည်း ရှိတယ်။ အဲတော့ ကျမအနေနဲ့ ဘယ်လိုမြင်ပါလဲ ဆိုတော့ အရေးကြီးတာက သတင်းအချက်အလက်က မှန်ရမယ်။ ဒါကတော့ အရေးကြီးတယ်။ ကိုယ် ဘယ်ဘက်ကိုပဲ ထောက်ခံနေ၊ ထောက်ခံနေ သတင်းအချက်အလက်က မှန်ရမယ်။ ဟိုဘက်ကို မကြိုက်လို့ ဟိုဘက်က လူတွေအကြောင်း အပုပ်ချ မပြောရဘူး။ ဒီဘက်ကို ကြိုက်လို့ ဒီဘက်လူတွေအကြောင်း မဟုတ်တဲ့ ကောင်းကြောင်းတွေလည်း မပြောဘူး။”
 
ဒီသင်တန်းအတွက် ပြည်နယ်၊ တိုင်း အသီးသီးက အဖွဲ့ချုပ် ပြန်ကြားရေးဆိုင်ရာ လုပ်ငန်းတွေမှာ တာဝန်ယူ လုပ်ကိုင်နေတဲ့ လူငယ်သင်တန်းသား ၅၂ ဦးက ပထမအသုတ် အဖြစ်နဲ့ တက်ရောက်မှာ ဖြစ်ပါတယ်။ ဒီသင်တန်းအတွက် တာဝန်ယူ ပို့ချမယ့်သူက သတင်းစာဆရာကြီး ဦးဝင်းတင်ဖြစ်ပြီး တပတ်ကြာ သင်တန်းတခု ဖြစ်တယ်လို့ သင်တန်းပို့ချမယ့်သူ တဦးဖြစ်တဲ့ ဦးအုန်းကြိုင်က ပြောပါတယ်။

“သင်တန်းပို့ချမှု အားလုံးကို ကြီးကြပ် လမ်းညွှန်သွားမှာကတော့ ဆရာ ဦးဝင်းတင်ပါပဲ၊ ဟံသာဝတီ ဦးဝင်းတင်ပါ။ ပို့ချပေးမယ့် ပုဂ္ဂိုလ်တွေကတော့ ဦးမိုးသူ စာရေးဆရာ မောင်မိုးသူပါ၊ သူက ဂျာနယ်အကြောင်း ပို့ချပါမယ်၊ နောက် ဦးသာဘန်း၊ ဦးသာဘန်းက ဘာသာပြန်ဗေဒ ပို့ချမှာ ဖြစ်ပါတယ်။

နောက် ကျနော်၊ မီဒီယာ အကြောင်းနဲ့ သတင်းရေးနည်း၊ သတင်းလိုက်နည်းပေါ့ဗျာ၊ အဲဒါတွေ ပို့ချပါမယ်။
“နောက် ဖျာပုံ နီလုံဦး၊ အယ်ဒီတာနဲ့ မဂ္ဂဇင်းလောက အကြောင်း ပို့ချမှာ ဖြစ်ပါတယ်။ မုံရွာအောင်ရှင်၊ ဦးအောင်ရှင်ကတော့ စာပေလွတ်လပ်ခွင့် ပို့ချမှာ ဖြစ်ပါတယ်။ ကျနော်ကပဲ နောက် စာနယ်ဇင်း ကျင့်ဝတ် ပို့ချပါမယ်။ နောက် လူငယ် ကိုဇော်မျိုးအောင်၊ သူကတော့ ကွန်ပျူတာ ပညာရှင်ပါ၊ သူက Citizen Journalist အရပ်သား သတင်းစာဆရာ ဆိုတဲ့ ခေါင်းစဉ်နဲ့ ပို့ချမှာ ဖြစ်ပါတယ်။ ပို့ချမှု အားလုံးက ရက်သတ္တတပတ် ကြာပါမယ်။”

အခုခေတ်ဟာ သတင်းတွေကို မျက်ခြည်မပြတ် ရှိနေဖို့ လိုအပ်နေတဲ့ ပြန်ကြားရေး ခေတ်တခေတ် ဖြစ်တာမို့ NLD လူငယ်တွေကြား သတင်းနဲ့ ပတ်သက်ပြီး ခေတ်နောက်မကျစေဖို့ အခုလို သင်တန်းတွေကို ပေးနေတယ်လို့ ဆိုပါတယ်။

“အထွေထွေ အတွင်းရေးမှူးပြောတဲ့ မိန့်ခွန်းထဲမှာလည်း ပါပါတယ်။ ကျနော်တို့ဟာ ဒီနေ့ IT ခေတ်မှာ ဒီခေတ်က Age of Information လို့ ခေါ်လောက်အောင် ပြန်ကြားရေးခေတ်၊ သတင်းတွေ သိနေဖို့၊ သတင်းတွေကို ထုတ်ဝေနေဖို့၊ ပြည်သူကြားမှာ သတင်းတွေနဲ့ ဆက်သွယ်နေဖို့ အလွန် အရေးတကြီး လိုအပ်တဲ့ ခေတ်ကို ရောက်နေပါပြီ။

“အဲဒီအခါမှာ ကျနော်တို့ နိုင်ငံရေး လုပ်နေတဲ့ လူငယ်တွေ၊ ဒီမိုကရေစီရေးအတွက် လုပ်နေတဲ့ လူငယ်တွေကိုလည်း မီဒီယာကို ကိုင်တွယ်တတ်အောင်၊ မီဒီယာနဲ့ ထိတွေ့ ဆက်ဆံတတ်အောင်၊ မီဒီယာကို ရင်ဆိုင်တတ်အောင် သတင်းစာပညာကို သင်ထားပေးဖို့ ဖြစ်ပါတယ်။ ဒီထဲကနေပြီးတော့ မီဒီယာပညာကို မှန်မှန်ကန်ကန် သုံးတတ်ခြင်းအားဖြင့် ကျနော်တို့ရဲ့ နိုင်ငံရေး ရည်ရွယ်ချက်တွေ အောင်မြင်အောင် ဆောင်ရွက်ဖို့၊ တိုင်းပြုပြည်ပြု လုပ်ငန်းတွေ လူငယ်တွေ ပိုပြီး တိုးတက်အောင် ဆောင်ရွက်သွားနိုင်ဖို့ ဆိုတဲ့ ရည်ရွယ်ချက်တွေ ပါပါတယ်။”

NLD အနေနဲ့ သတင်းဂျာနယ် ထုတ်ဝေဖို့အထိ ရည်ရွယ်ထားတာမို့ NLD လူငယ်တွေ သတင်းပညာတတ်အောင် သင်ထားဖို့ အခုလို သင်တန်းမျိုးကို ဖွင့်လှစ် သင်ကြားပေးတာလို့ ဆိုပါတယ်။

အာဏာပိုင်များနှင့် နီးစပ်သူများသာ စီးပွားရေး လက်ဝါးကြီးအုပ်ထား

ဧရာဝတီ Monday, 16 May 2011 13:28

အစိုးရသစ် လက်ထက် စီးပွားရေးရာဆိုင်ရာ မူဝါဒဖြေလျှော့မှုတချို့ ရှိသော်လည်း စစ်ဗိုလ်ချုပ်များနှင့် ဆက်နွှယ်သော စီးပွားရေးသမားများက လုပ်ပိုင်ခွင့်များကို ဆက်လက် လက်ဝါးကြီး အုပ်နေမှုများ ရှိနေကြောင်း သိရသည်။

ထို့အပြင် ငွေလဲနှုန်း မတည်ငြိမ်ခြင်း၊ တိကျ သေချာသော အခွန်စနစ်မရှိခြင်း အပါအ၀င် အကျပ်အတည်း များစွာ ရှိနေခြင်းကြောင့် မြန်မာ့စီးပွားရေး နာလန်ထူရန် မလွယ်ကူသေးကြောင်း ရန်ကုန်အခြေစိုက် စီးပွားရေး အသိုင်းအ၀န်းက ပြောဆိုနေ ကြသည်။

သမ္မတ ဦးသိန်းစိန်က စီးပွားရေးနှင့် ကူးသန်းရောင်းဝယ်ရေး ၀န်ကြီးအဖြစ် ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) မှ ဥက္ကဋ္ဌအဖြစ် တာဝန်ထမ်းဆောင် နေသူ ဦးဝင်းမြင့်ကို ခန့်အပ်ခဲ့ကြောင်း၊ ထိုသို့ ခန့်အပ်လိုက်ပြီးနောက် ၀န်ကြီးဦးဝင်းမြင့်က ကုန်သွယ်ရေး ကောင်စီကို ဖျက်သိမ်းပြီး ပို့ကုန်၊ သွင်းကုန် လိုင်စင်များ လျှင်မြန်စွာ ချထားပေးခြင်း၊ ယခင် မြန်မာ့စီးပွားရေး ဦးပိုင်လီမိတက်နှင့် ထူးကုမ္ပဏီတို့က လက်ဝါးကြီး အုပ်ထားသော စားအုန်းဆီ တင်သွင်းခြင်း လုပ်ငန်းများကို ပြည်တွင်း စီးပွားရေးလုပ်ငန်းရှင်များအား လုပ်ကိုင်ခွင့် ပြုလိုက်ခြင်း အပါအ၀င် သိသာထင်ရှားသော ပြောင်းလဲမှုတချို့ကို လုပ်ဆောင်လာကြောင်း၊ ထိုသို့ လုပ်ဆောင်လာသော်လည်း စီးပွားရေးလုပ်ငန်း အများစုမှာ ကျပ်တည်းစွာပင် ရုန်းကန်နေရဆဲ ဖြစ်ကြောင်း UMFCCI မှ ဗဟို အလုပ်အမှုဆောင် တဦးက ပြောသည်။

ရန်ကုန်အခြေစိုက် စီးပွားရေးသမား တဦးကလည်း “အရင်က ပို့ကုန်၊ သွင်းကုန် လိုင်စင်တွေကို ကုန်သွယ်ရေး ကောင်စီက တိုက်ရိုက် ကိုင်တွယ်တော့ လိုင်စင်တခုကျဖို့ အနည်းဆုံး ၁၀ ရက်၊ နှစ်ပတ်လောက် စောင့်ရတယ်၊ အဆင့်တွေများတယ်။ အခုက လိုင်စင်လျှောက်ရင် တပတ်အတွင်း ကျတယ်၊ မြန်လာတယ်။ ဒါက တိုးတက်မှုပေါ့။ ဒါပေမယ့် ဒီတိုးတက်မှုက ပြည်တွင်း စီးပွားရေး တခုလုံးကို ရှင်သန်ကြီးထွားအောင် မလုပ်ဆောင်နိုင်ဘူး” ဟု ဆိုသည်။

သမ္မတ ဦးသိန်းစိန် ဦးဆောင်သော အစိုးရသစ်တရပ် ပေါ်ထွန်းလာပြီ ဖြစ်သော်လည်း ယခင် စစ်အစိုးရ လက်ထက်က ကဲ့သို့ပင် စစ်တပ် ကျောထောက်နောက်ခံ စီးပွားရေး ဦးပိုင်လီမိတက်၊ ထူး၊ မက်စ်မြန်မာ၊ IGE ကုမ္ပဏီ အပါအ၀င် စစ်ဗိုလ်ချုပ် များနှင့် နီးစပ်သော ကုမ္ပဏီများက အထူး အခွင့်အရေးများ ရရှိနေဆဲဖြစ်ပြီး တခြားသော ကုမ္ပဏီများသည် အခွင့်ထူးခံ ကုမ္ပဏီ များနှင့် စီးပွားရေး အရသော်လည်းကောင်း၊ ငွေကြေး အားဖြင့် သော်လည်းကောင်း ယှဉ်ပြိုင်နိုင်စွမ်း မရှိကြောင်း သိရသည်။

“ထူးကုမ္ပဏီက လုပ်နေတဲ့ စားအုန်းဆီတင်သွင်းတဲ့ လုပ်ငန်းကို တခြား လုပ်ငန်းရှင်တွေကိုပါ ခွင့်ပြုမယ်ဆိုပြီးတော့ ဗိုလ်ချုပ်တွေနဲ့ နီးစပ်တဲ့ ကုမ္ပဏီ ၁၀ ခု ချက်ချင်း လုပ်ခွင့်ရတယ်။ ဘာကြောင့်လဲ ဆိုတော့ သတ်မှတ်ချက်နဲ့ ညီလို့ ဆိုပြီးပြောတယ်” ဟု ဘုရင့်နောင် ဆီလုပ်ငန်းရှင်ကြီး တဦးက ဆိုသည်။

သတ်မှတ်ချက်အရ အနည်းဆုံး စားအုန်းဆီ တန် ၃၀၀၀ အထက် တင်သွင်းနိုင်သူ ဖြစ်ရမည် ဆိုခြင်းကြောင့် စားအုန်းဆီ တင်သွင်းလိုသည့် ကုမ္ပဏီငယ် ၁၀၀ ကျော်မှာ တဦးတည်း အနေဖြင့် သတ်မှတ်ချက်နှင့်အညီ မတင်သွင်းနိုင်ကြောင်း၊ ထို့ကြောင့် ကုမ္ပဏီငယ်များက အုပ်စုဖွဲ့ကာ စားအုန်းဆီ တင်သွင်းခွင့်ရရန် လျှောက်ထားကြရကြောင်း ၎င်းက ပြောသည်။

“ဒါက ဘာကိုပြလဲဆိုရင် ထူး၊ မက်စ်တို့လို ကုမ္ပဏီကြီးတွေနဲ့ ဘယ်လိုမှ စီးပွားရေးအရ မယှဉ်ပြိုင်နိုင်ဘူး ဆိုတာပါပဲ” ဟု သူက ဆိုသည်။

လက်ရှိ အစိုးသစ်သည် စစ်အစိုးရ လက်ထက်က ပုံစံအတိုင်း နီးစပ်ရာ လုပ်ပိုင်ခွင့် ချထားပေးသော စီးပွားရေး စနစ်ကိုပင် ဆက်လက် ကျင့်သုံးဆဲ ဖြစ်သည်ဟု စီးပွားရေးသမားများက ပြောဆိုနေကြသည်။

“ဦးပိုင်က အခွန် ဖြတ်တောက်စရာမလိုတဲ့ ကုမ္ပဏီဖြစ်တယ်လို့ ပြည်တွင်းအခွန်ဦးစီးဌာန၊ ညွှန်ကြားရေးမှူး ဦးအောင်မိုးကြည်ကိုယ်တိုင် အစည်းအဝေးတခုမှာ ထုတ်ပြောခဲ့ဖူးတယ်။ ဦးပိုင်က ကားသွင်းတယ်၊ ဘဏ် ထောင်တယ်၊ ပြည်သူပိုင် သင်္ဘောကျင်း၊ ဆိပ်ကမ်းတွေကို သိမ်းတယ်” ဟု UMFCCI ဗဟိုအလုပ်အမှုဆောင် တဦးက ဆိုသည်။

ထို့အပြင် ထူး၊ မက်စ်၊ IGE ၊ ရွှေသံလွင်၊ အေးရှားဝေါလ်၊ ကမ္ဘောဇ အစရှိသည့် ကုမ္ပဏီကြီးများသည်လည်း အခွင့်ထူးခံ လုပ်ပိုင်ခွင့်များ ရနေဆဲဖြစ်ကြောင်း ၎င်းက ဆက်ပြောသည်။

“အဲဒီ ကုမ္ပဏီတွေ လုပ်နေတဲ့၊ ရနေတဲ့ အခွင့်အရေးမျိုးတွေ၊ လုပ်ငန်းမျိုးတွေကို သာမန်အရပ်သား လုပ်ငန်းရှင်တွေကို လုပ်ပိုင်ခွင့်ပြုမလား။ ခွင့်ပြုတဲ့နေ့က ဈေးကွက် စီးပွားရေးစနစ် တကယ် ဖြစ်လာတဲ့နေ့၊ တကယ် ဒီမိုကရေစီရတဲ့နေ့ပဲ” ဟု သူက ဆိုသည်။

ထူးကုမ္ပဏီ ပိုင်ရှင် ဦးတေဇ၊ မက်စ်မြန်မာကုမ္ပဏီပိုင်ရှင် ဦးဇော်ဇော်၊ ဧဒင်ကုမ္ပဏီပိုင်ရှင် ဦးချစ်ခိုင်နှင့် IGE ကုမ္ပဏီတို့သည် ၂၀၁၀ ပြည့်နှစ်အတွင်း ပုဂ္ဂလိက ဘဏ်များ တည်ထောင်ခွင့် ရရှိခဲ့ချိန်က ရတနာပုံ FC ဘောလုံးအသင်း ပိုင်ရှင်၊ Alpine သောက်ရေသန့် လုပ်ငန်းရှင် ဒေါက်တာ စိုင်းဆမ်ထွန်းမှာ ဘဏ်ဖွင့်ခွင့် လျှောက်ထားမှုမှ ငြင်းပယ်ခံခဲ့ရကြောင်း၊ အစိုးရသစ် လက်ထက်တွင်လည်း ခွင့်ပြုမည့် အလားအလာမရှိကြောင်း စီးပွားရေးသမားတချို့က ပြောဆိုနေကြသည်။

“သူတို့အချင်းချင်း ကြားမှာတောင် သူက ဗိုလ်ချုပ်မှူးကြီးနဲ့ ပိုင်လို့၊ ဟိုလူက သီဟသူရ ဦးတင်အောင်မြင့်ဦးနဲ့ အကျိုးတူမို့လို့ ဆိုပြီး လုပ်ပိုင်ခွင့်တွေ လုကြ၊ ပြိုင်ကြဖြစ်နေတာ။ ဘယ်လိုလုပ်ပြီး သာမန်အရပ်သား လုပ်ငန်းရှင်တွေအတွက် အခွင့်အလမ်း၊ အခွင့်အရေးဆိုတာ ရှိလာနိုင်မလဲ” ဟု ဆောက်လုပ်ရေး လုပ်ငန်းရှင် တဦးက ပြောသည်။

အခွန်အခဆိုင်ရာ ကိစ္စများတွင်လည်း တိကျသေချာရေရာသော အခွန်စနစ်တရပ် ပေါ်ထွန်းလာခြင်း မရှိသေးဘဲ စစ်အစိုးရ လက်ထက်က ရှိခဲ့သော လာဘ်ပေးလာဘ်ယူ စနစ်ကို အခြေခံသည့် ဖြေရှင်းနည်းကိုသာ လုပ်ငန်းရှင်များက အသုံးပြုပြီး စီးပွားရေး လုပ်ငန်းများ လည်ပတ်နေရသည်ဟု သိရသည်။

နိုင်ငံခြားသို့ မြန်မာ့ ထွက်ကုန်ပို့လျှင် ၁၀ ရာခိုင်နှုန်း အခွန်ဆောင်ရပြီး ထို ပို့ကုန်မှရသည့် ငွေနှင့် နိုင်ငံခြားက ကုန်ပစ္စည်း ပြန်သွင်းပါက ပင်းရင်း နုတ်ယူပေးသွင်းခွန် (Withholding Tax) ထပ်ဆောင်ရကြောင်း၊ နိုင်ငံခြားက သွင်းလာသော သွင်းကုန်ပစ္စည်းများ ရန်ကုန်ဆိပ်ကမ်း ရောက်လာသည့်အခါ အကောက်ခွန် အမည်တပ်၍ အခွန် ထပ်မံ ပေးရကြောင်း၊ အကောက်ခွန် ပေးပြီးသော သွင်းကုန်ပစ္စည်းကို ဈေးကွက်ထဲ၌ ရောင်းချသည့်အခါ ကုန်သွယ်ခွန်၊ အမြတ်ခွန်ဟူ၍ ထပ်ပေးရကြောင်း၊ ကုမ္ပဏီဖွင့်ထားသည့်အတွက် နှစ်စဉ် လိုင်စင်ကြေး၊ ကုမ္ပဏီ အခွန်ကြေးများလည်း သွင်းရကြောင်း၊ ထိုသို့ များပြားလှသည့် အခွန်များ ရှိနေသဖြင့် စီးပွားရေးသမားများက အစိုးရ အခွန်ဝန်ထမ်းနှင့် ညှိနှိုင်း လုပ်ဆောင်၍ လာဘ်ပေးလာဘ်ယူ ကိစ္စများမှာ အလေ့ အကျင့်သဖွယ် ဖြစ်ခဲ့ကြောင်း ဘဏ်လုပ်ငန်းတခု၏ အတိုင်ပင်ခံ စီးပွားရေးပညာရှင် တဦးက ရှင်းပြသည်။

ဆက်လက်၍ ၎င်းက “အဲဒီလိုမှ မလုပ်ရင်လည်း စီးပွားရေး လုပ်ရတာက နိုင်ငံတော်ကို လုပ်ကျွေးရသလိုပဲ။ အဲဒီတော့ တိကျ သေချာရေရာတဲ့၊ အားလုံးမျှမျှတတရှိမယ့် အခွန်စနစ်မျိုး ရှိသင့်နေပြီဆိုတာပဲ။ အဲဒီလို အခွန်စနစ်မရှိရင်တော့ နောင် အနှစ် ၂၀ လည်း ဒုံရင်းက ဒုံရင်းပဲဖြစ်မယ်” ဟု ဆိုသည်။

အဆိုပါပညာရှင်ကပင် ဦးသိန်းစိန် အစိုးရသည် ငွေလဲလှယ်နှုန်းနှင့် ဘဏ်စနစ်ကို ချက်ချင်းပြင်ဆင် လုပ်ဆောင်ရန် လိုအပ်ကြောင်း၊ ငွေလဲနှုန်းနှင့် ဘဏ်စနစ် ပြောင်းလဲခြင်းမရှိလျှင် မြန်မာ့စီးပွားရေး ဖွံ့ဖြိုးရန် မလွယ်ကူကြောင်း ထောက်ပြသည်။

“တဒေါ်လာ ၆ ကျပ်ဆိုတဲ့ ငွေလဲနှုန်းကို ခေတ်ကာလနဲ့ ကိုက်ညီတဲ့နှုန်း ပြင်ဆင်သင့်ပြီ။ ဘဏ်စနစ် တွေလည်း ပြင်ဖို့ လိုနေပြီ။ နိုင်ငံခြားနဲ့ ကုန်သွယ်ဖို့ဆိုရင် အစိုးရရဲ့ မြန်မာ့ ရင်းနှီးမြှုပ်နှံမှုနဲ့ ကူးသန်းရောင်းဝယ်ရေးဘဏ် (MICB) နဲ့ မြန်မာ့နိုင်ငံခြား ကုန်သွယ်မှုဘဏ် (MFTB) နှစ်ခုတည်းနဲ့ လုပ်လို့ မရဘူး။ ပုဂ္ဂလိကကို နိုင်ငံခြားငွေနဲ့ ဘဏ်စာရင်းတွေ ဖွင့်ခွင့်ပြုရမယ်။ နိုင်ငံခြားဘဏ်တွေကိုလည်း ဒီနိုင်ငံမှာ ဖွင့်ခွင့် ပေးကိုပေးရမယ်” ဟု သူက ဆိုသည်။

ဆန်စပါး၊ ငါးပုစွန်ရေထွက်ပစ္စည်း၊ မြန်မာ့ပဲမျိုးစုံ အပါအ၀င် မြန်မာ့ထွက်ကုန်များ ပြည်ပသို့ တင်ပို့ရောင်းချရာတွင် ငွေလဲနှုန်း မတည်ငြိမ်မှုကြောင့် လုပ်ငန်းရှင်များ အခက်အခဲကြုံတွေ့ရပြီး ဒေါ်လာ တန်ဖိုးကျကာ မြန်မာငွေ တန်ဖိုး တက်လာ ချိန်တွင် လုပ်ငန်းရှင်များ အရှုံးပေါ်မှု ဖြစ်ရကြောင်း၊ ငွေလဲနှုန်း တည်ငြိမ်ရေးသည် အလွန် အရေးကြီးဆုံးသော အချက်တခုဖြစ်ကြောင်း ပို့ကုန် လုပ်ငန်းရှင်များက ပြောကြသည်။

“ဒေါ်လာ တန်ဖိုးကျပြီး ကျပ်ငွေ တန်ဖိုးတက်လာနဲ့အမျှ ငါး၊ ပုစွန်သမားတွေ နာလန်မထူဘူး။ ထုတ်လုပ်မှု စရိတ်ကြီးပြီး ပြန်ရတဲ့ငွေက အရင်းရဖို့ အနိုင်နိုင် ဖြစ်လာတယ်။

ပို့ကုန်သမားတိုင်း ဒီပြဿနာကို ကြုံရတယ်။ အခုဆို ငါးလုပ်ငန်းဦးစီး ဌာနက ငါးပုစွန်ပို့ဖို့ ဈေးနှုန်းကို မသတ်မှတ်ပေးတော့ဘူး။ ဈေးကွက်ပေါက်ဈေး အတိုင်းပဲ ဈေးနှုန်းကို ထားမယ်လို့ပြောတယ်။ ဒါပေမယ့် ဒီက ငွေလဲနှုန်း မငြိမ်ရင်ဘယ်လိုမှ အဆင်မပြေဘူး။ ပြည်ပ ပို့တယ်ဆိုတာက နိုင်ငံတကာ ပေါက်ဈေးအတိုင်းပဲ လုပ်ရတာ၊ ငွေလဲနှုန်း ငြိမ်အောင် မလုပ်ပေးနိုင်ရင်တော့ ပို့ကုန်သမားတွေ အတွက် အခြေအနေ မကောင်းဘူးလို့ဘဲ ပြောရမယ်” ဟု မြန်မာနိုင်ငံ ငါးလုပ်ငန်းအဖွဲ့ချုပ်မှ စီးပွားရေးသမား တဦးက ပြောသည်။

ယခုအခါ ဈေးကွက်တွင်း၌ အမေရိကန် တဒေါ်လာလျှင် ၈၂၅ ကျပ်ခန့် ဈေးနှုန်း ဖြစ်ပေါ်နေသည်။

ပြည်တွင်းတွင် တတိယ အင်အားစုဟု ခေါ်ဆိုသော အစုအဖွဲ့များနှင့် နိုင်ငံရေးသမား တချို့က မြန်မာနိုင်ငံ စီးပွားရေး တိုးတက်မှု မရှိခြင်းသည် အမေရိကန်နှင့် ဥရောပနိုင်ငံများ၏ စီးပွားရေး ပိတ်ဆို့မှုကြောင့်ဖြစ်ကြောင်း ပြောဆိုခြင်းမှာ အစိုးရ ပြောသည်ကို သံယောင်လိုက်ခြင်းဖြစ်ပြီး မြန်မာနိုင်ငံတွင် စီးပွားရေးဖွံ့ဖြိုးနိုင်ရန် ရေခံမြေခံ အုတ်မြစ်ကောင်းများ တခုမှ မရှိသေးကြောင်း စီးပွားရေးပညာရှင်တဦးက ဆိုသည်။

“ပြင်စရာတွေ အများကြီးပဲ။ ဒါတွေက စီးပွားရေးပိတ်ဆို့မှုနဲ့ ဘာမှ မပတ်သက်ဘူး။ စီးပွားရေးဖွံ့ဖြိုးဖို့ ကိုယ်မှာ ဘာမှ ပြင်ဆင်ထားတာမရှိဘူး။ အခြေခံအကျဆုံး ဓာတ်ဆီပြသနာကို မရှင်းနိုင်သေးဘူး။ မော်တော်ကားကိစ္စ မရှင်းနိုင်သေးဘူး။ ငွေလဲနှုန်း၊ ဘဏ်၊ အခွန် ဒါတွေအားလုံးက မူဝါဒချမှတ်သူတဦး အပေါ်မှာ ပဲမူတည်နေတယ်။ စီမံခန့်ခွဲမှု ညံ့ဖျင်းတာက အဓိက ပြဿနာ” ဟု သူက ဆက်ပြောသည်။

မြန်မာနိုင်ငံတွင် နိုင်ငံခြားရင်းနှီးမြှုပ်နှံမှုစုစုပေါင်း အမေရိကန်ဒေါ်လာ ၃၆ ဘီလီယံကျော်ရှိပြီး တရုတ်နိုင်ငံက
စွမ်းအင်နှင့် သဘာဝဓာတ်ငွေ့ကဏ္ဍတွင် အများဆုံး ရင်းနှီးမြှုပ်နှံထားကြောင်း အစိုးရတရားဝင် ကိန်းဂဏန်းအချက် အလက်များအရ သိရသည်။

မြန်မာသမ္မတရဲ့ လွတ်ငြိမ်းခွင့် နိုင်ငံတကာဖိအား တိုးဖွယ်ရှိ

By ဒေါ်ခင်မျိုးသက် တနင်္လာ, 16 မေ 2011

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဗီဂျေး နမ်ဘီးယား (Mr. Vijay Nambiar) မြန်မာနိုင်ငံက ပြန်သွားခဲ့ပြီးတဲ့ နောက် ၂ ရက်အကြာ ဒီကနေ့မှာပဲ သမ္မတ ဦးသိန်းစိန်က လွတ်ငြိမ်းချမ်းသာခွင့် အမိန့် ထုတ်ပြန်ပြီး သေဒဏ်ကနေ တသက်တကျွန်းဒဏ်ကို ပြောင်းလဲတာ၊ ကျန်တဲ့ ထောင်ဒဏ်ကျသူတွေကို ထောင်ဒဏ် တနှစ်စီ လျှော့ပေါ့ပေးလိုက်တာတွေကို ဒီနေ့ ညနေနဲ့ ညပိုင်း မြန်မာအစိုးရ ရေဒီယိုနဲ့ ရုပ်မြင်သံကြားတွေကနေ ကြေညာသွားခဲ့ပါတယ်။

ဒါပေမဲ့ ဒါဟာ နိုင်ငံတကာ အသိုင်းအ၀န်းက တိုက်တွန်းထားသလို၊ အများက မျှော်လင့်ထားသလို နိုင်ငံရေး အကျဉ်းသားတွေ အမြောက်အမြားကို ပြန်လွှတ်ပေးတာ မဟုတ်တဲ့အတွက် နိုင်ငံတကာရဲ့ ဖိအားကတော့ အခုထက်ပိုပြီး ကြီးမားလာနိုင်တယ်လို့ ဝေဖန်မှုတွေ ရှိနေပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

မစ္စတာ ဗီဂျေး နမ်ဘီးယား မြန်မာနိုင်ငံကို လာရောက်ခဲ့တဲ့ ၃ ရက် ခရီးစဉ်အတွင်း သမ္မတရဲ့ အကြံပေး ဦးကိုကိုလှိုင်က သမ္မတအနေနဲ့ သင့်တော်တဲ့ အချိန်မှာ အထွေထွေ လွတ်ငြိမ်းချမ်းသာခွင့်တွေ ပေးဖို့ရှိကြောင်း ပြောဆိုခဲ့ပါတယ်။ တနင်္လာနေ့ ညနေမှာတော့ သမ္မတရဲ့ အမိန့်အမှတ် ၂၈ လွတ်ငြိမ်းချမ်းသာခွင့်ကို သတင်းတွေမှာ ကြေညာခဲ့ပါတယ်။

“မေလ ၁၇ ရက် မတိုင်မီ ကျူးလွန်ခဲ့သော ပြစ်မှု တခုခုနှင့် စပ်လျဉ်း၍ ပြစ်ဒဏ်ချမှတ်ခြင်း ခံရပြီးပါက ယင်းကဲ့သို့ ကျခံနေရသော ပြစ်ဒဏ် အသီးသီးကို အောက်ပါအတိုင်း လွတ်ငြိမ်းချမ်းသာခွင့် ပြုလိုက်သည်။
(က) သေဒဏ်ချမှတ်စေခြင်း ခံရသူများအတွက် ထောင်ဒဏ် တသက်သို့ လည်းကောင်း၊
(ခ) ထောင်ဒဏ် ကျခံနေရသူများသည် ယင်းတို့အပေါ် သတ်မှတ်ထားသော ထောင်ဒဏ်ကို သာမန်ရရှိပြီးသော လျှော့ပေါ့ရက်များအပြင် ၁ နှစ် ထပ်မံ လျှော့ပေါ့ ရရှိစေရန်လည်းကောင်း လွတ်ငြိမ်းချမ်းသာခွင့် ပြုလိုက်သည်။

ပုံ
သိန်းစိန်
နိုင်ငံတော်သမ္မတ
ပြည်ထောင်စု သမ္မတ မြန်မာနိုင်ငံတော်

သေဒဏ်ကျနေသူတွေကို တသက်တကျွန်းဒဏ် ပြောင်းပေးပြီး ကျန်အကျဉ်းသားအားလုံးကို တနှစ် လျှော့ပေးမယ်ဆိုတဲ့ သမ္မတရဲ့ လွတ်ငြိမ်းချမ်းသာခွင့်ဟာ ကုလသမဂ္ဂနဲ့ နိုင်ငံတကာကပါ ၀ိုင်းဝန်း ပြောဆိုနေတဲ့ ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေး အကျဉ်းသား ၂,၀၀၀ ကျော်အတွက် ရည်ရွယ်ပြီး ထုတ်ပြန်တာမျိုး မဟုတ်ဘူးလို့ အမျိုးသား ဒီမိုကရေစီ အဖွဲ့ချုပ် ပြောခွင့်ရ ဦးဉာဏ်ဝင်းက သုံးသပ်ပါတယ်။

“အခုထုတ်တယ်ဆိုတဲ့ လွတ်ငြိမ်းချမ်းသာခွင့်က နိုင်ငံရေးသမား၊ ယုံကြည်ချက်ကြောင့် အကျဉ်းကျနေတဲ့ ပုဂ္ဂိုလ်တွေအတွက် ရည်ရွယ်ထုတ်တာ မဟုတ်ဘူးလို့ အဲဒါပဲ ပြောနိုင်တာ။”
ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ်နဲ့ တွေ့ဆုံချိန်မှာ သမ္မတရဲ့ အကြံပေး ဦးကိုကိုလှိုင်က မြန်မာနိုင်ငံမှာ နိုင်ငံရေး အကျဉ်းသား မရှိဘူးလို့ ပြောဆိုခဲ့တာမို့ ဒါဟာ မျက်စိမှိတ် ငြင်းတာမျိုးလို့ ဆိုပါတယ်။

“ကျနော်တို့အမြင်ကတော့ နိုင်ငံရေး အကျဉ်းသား မရှိဘူးလို့ ပြောတာ မျက်စိမှိတ် ပြောတာပဲ။ နိုင်ငံရေး ယုံကြည်ချက်ကြောင့် ရှာဖွေပြီး ပြစ်ဒဏ်ပေးထားတာက နိုင်ငံရေး အကျဉ်းသားတွေပဲ။ သူတို့ ထောင်ချခြင်တဲ့ လူတွေကို အပြစ် ပုဒ်မတွေနဲ့ စွဲပြီးတော့ တင်တယ်၊ အဲဒီပုဒ်မတွေနဲ့ ငြိသည်ဖြစ်စေ၊ မငြိသည်ဖြစ်စေ၊ အပြစ်ပေးတယ်။ ကျနော်တို့ ဒါတွေ တောက်လျှောက်တွေ့နေတာ။ တခုချင်းအလိုက် ပြောလို့လည်း ရတယ်။ အားလုံးခြုံပြီး ပြောလို့ရှိရင် သူတို့ဟာ အပြစ်ကျူးလွန်ခြင်း မရှိဘဲနဲ့ နိုင်ငံရေးအရသာ တာဝန်ရှိတယ်၊ အပြစ်ပေးတယ်လို့ ကျနော် အဲဒီလိုပဲ မြင်ပါတယ်။ ဒါ မရှိဘူးလို့ ပြောတာက မျက်စိမှိတ်ပြောတဲ့ သဘောပဲ။ ကျိုးကြောင်းဆီလျော်မှု မရှိဘူးလို့ပဲ ပြောချင်တယ်။”

နိုင်ငံရေး အကျဉ်းသားတွေအတွက် ရည်ရွယ် ထုတ်ပြန်တဲ့ လွတ်ငြိမ်းချမ်းသာခွင့် မဟုတ်တဲ့အတွက် အမျိုးသား ပြန်လည်သင့်မြတ်ရေးအတွက် စဉ်းစားတာမျိုး မဟုတ်ဘဲ နိုင်ငံတကာက မြင်ချင်တဲ့ ကြေညာချက်မျိုး မဟုတ်ဘူးလို့ နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) က ဦးတိတ်နိုင်က ပြောပါတယ်။

“ဒါ တော်တော့်ကို ဆိုးတဲ့ လွတ်ငြိမ်းချမ်းသာလို့ ပြောလို့ရပါတယ်။ သာမန် အကျဉ်းသားတွေထက် နိုင်ငံရေး အကျဉ်းသားတွေအတွက် ဆိုရင် ပိုပြီးတော့ ခံစားခွင့်က ပိုဆိုးတယ်။ အခုလို ပုံစံမျိုး အတည်ဖြစ်သွားပြီ၊ နောက်ထပ် ဆက်လက်ပြီး ထုတ်ဖို့ အစီအစဉ် မရှိတော့ဘူး ဆိုရင်တော့ နိုင်ငံတကာရဲ့ ဖိအားက ပိုတောင် ကြီးမားလာနိုင်တဲ့ အနေအထားမျိုး ဖြစ်ပါတယ်။

“ဆိုတော့ သူတို့ ချမှတ်ထားတဲ့ နိုင်ငံရေး ပြစ်မှုတွေက အနိမ့်ဆုံး ၁၀ နှစ်၊ နောက်ပိုင်းမှာ အနှစ် ၃၀ တို့၊ အနှစ် ၂၀ တို့၊ ၈၈ မျိုးဆက် ကျောင်းသားတွေဆိုရင် အကုန်လုံး ၆၅ နှစ်စီ ချမှတ်ခံထားရတယ်။ ပြီးတော့ မတရားသဖြင့် ၆၅ နှစ် ချမှတ်ထားပြီးတော့မှ တနှစ်လျှော့တယ် ဆိုတဲ့ ကိစ္စမျိုးကတော့ နိုင်ငံတကာ ဖိအားတွေက ပိုပြီးတော့သာ ကြီးဖို့ ရှိပါတယ်။”

အစိုးရ အဖွဲ့သစ် ပေါ်ပေါက်လာအောင် ပုံသွင်းခဲ့တဲ့ စစ်အစိုးရ ဗိုလ်ချုပ်မှူးကြီး သန်းရွှေ လက်ထက်ကလည်း အခုလို သေဒဏ်ကျခံနေရသူတွေကို တသက်တကျွန်းဒဏ် ပြောင်းပေးခဲ့တာမျိုး လုပ်ခဲ့ပါတယ်။ ဒါပေမဲ့ နိုင်ငံရေး အကျဉ်းသားတွေနဲ့ ပတ်သက်ပြီး သက်ညှာမှုတော့ မရှိပါဘူး။ လက်ရှိအစိုးရသစ်ဟာလည်း စစ်အစိုးရရဲ့ မူဝါဒတွေအတိုင်း ဆက်ပြီး လုပ်ကိုင်နေတာ ထင်ရှားတာမို့ နိုင်ငံတကာရဲ့ ၀ိုင်းဝန်း ဖိအားပေးမှုတွေ ပိုပြီး တိုးလာနိုင်တယ်လို့ ဆိုပါတယ်။

မစ္စတာကင်တားနား မြန်မာ့အရေးလှုပ်ရှားသူများနှင့် တွေ့မည်

လင်းသန့် Monday, 16 May 2011 15:20

ကမ္ဘာ့ ကုလသမဂ္ဂ လူ့အခွင့်အရေး အထူးစုံစမ်းစစ်ဆေးရေးမှူး မစ္စတာ သောမတ်စ် အိုဟေး ကင်တားနားသည် ထိုင်းနိုင်ငံ အခြေစိုက် မြန်မာ့အရေးလှုပ်ရှားသူများနှင့် တွေ့ရန် ယနေ့ ရောက်လာမည်ဟု သတင်းရရှိသည်။

မစ္စတာကင်တားနား အနေဖြင့် မြန်မာ နိုင်ငံရေးအကျဉ်းသားဟောင်းများ အပါအ၀င် ထိုင်းနိုင်ငံ အခြေစိုက် လူ့အခွင့်အရေး အဖွဲ့အစည်းများနှင့် တွေ့ဆုံရန်ရှိပြီး လာမည့် မေလ ၁၉ ရက်နေ့တွင် ထိုင်းနိုင်ငံ ချင်းမိုင်မြို့၌ အလုပ်ရုံဆွေးနွေးပွဲ တရပ် ပြုလုပ်ရန်အစီအစဉ်ရှိကြောင်း သိရသည်။

“ထိုင်းနိုင်ငံကို ဒီနေ့ ရောက်လာမှာပါ။ မစ္စတာကင်တားနားနဲ့ အလုပ်ရုံ ဆွေးနွေးပွဲပုံစံမျိုး အဖွဲ့လိုက်ခွဲပြီး ဆွေးနွေး ကြမယ်” ဟု လူ့အခွင့်အရေး ပညာပေးရေး ဌာန - မြန်မာနိုင်ငံ (HREIB) ၏ ညွှန်ကြားရေးမှူး ဦးအောင်မျိုးမင်းက ဧရာဝတီ ကိုပြောသည်။

မြန်မာနိုင်ငံတွင် လူ့အခွင့်အရေးချိုးဖောက်မှုများ ဖြစ်ပေါ်နေသည်ကို မည်ကဲ့သို့ တာဝန်ခံမှုရှိစေရန် လုပ်ဆောင် သင့်ကြောင်း၊ နိုင်ငံရေး အကျဉ်းသားများ ကိစ္စ၊ သဘာဝ ပတ်ဝန်းကျင်ဆိုင်ရာ ကိစ္စ၊ ပညာရေးဆိုင်ရာ အခွင့်အရေး၊ဒီမိုကရေစီ အသွင်ကူးပြောင်းရေးကိစ္စ စသည့် ခေါင်းစဉ် များနှင့်ဆွေးနွေး သွားကြမည် ဖြစ်ကြောင်း ၎င်းကဆိုသည်။

မစ္စတာကင်တားနားသည် ၂၀၁၀ ပြည့်နှစ် ဖေဖော်ဝါရီလက မြန်မာနိုင်ငံသို့ သွားခဲ့သောခရီးစဉ်နောက်ပိုင်း စစ်အစိုးရက ပြည်ဝင်ခွင့် ဗီဇာမပေးခဲ့ပေ။

မြန်မာအစိုးရသစ် တက်လာပြီးနောက်ပိုင်း ပြည်ဝင်ခွင့် ဗီဇာတောင်းခံ ထားခဲ့သော်လည်း ယနေ့အချိန်ထိ တိကျရှင်းလင်းသော အကြောင်းပြန်ကြားမှု မရသေးဟုသိရသည်။

“မစ္စတာကင်တားနားဟာ သမာသမတ် အတော်ရှိတဲ့လူဖြစ်တယ်။ သူ့အရင် လူတွေတောင် ရေငုံနှုတ်ပိတ်နေတဲ့ လူ့အခွင့်အရေးချိုးဖောက်မှုကိစ္စတွေကို သူကပြောတော့ အရင်အစိုးရတုန်းကလည်းဗီဇာမပေးခဲ့ဘူး။ အခုအစိုးရ ကလည်း အရင်လူတွေပဲဆိုတော့ ဗီဇာ ရဖို့တောင်သိပ်မထင်ဘူး။ ဖြစ်သင့်တာက အစိုးရသစ်က ဗီဇာပေးပြီး အခြေ အနေအမှန်က ဘာဆိုတာ သူ့ကိုသိစေသင့်တယ်” ဟု အမျိုးသားဒီမိုကရေစီ အဖွဲ့ချုပ် ခေါင်းဆောင်တဦး ဖြစ်သူ ဦးဝင်းတင်က ပြောသည်။

မတ်လက ကျင်းပခဲ့သော ၁၆ ကြိမ်မြောက် လူ့အခွင့်အရေး ညီလာခံတွင် မစ္စတာကင်တားနားက မြန်မာနိုင်ငံအတွင်း လူ့အခွင့်အရေး ချိုးဖောက်မှုများနှင့် ပတ်သက်ပြီး ယခင်ထက် ပိုမိုကျယ်ပြန့်သည့် အစီရင်ခံစာ တစောင်ကို တင် သွင်းခဲ့သည်။

ထို့အပြင် မြန်မာနိုင်ငံတွင် ဖြစ်နိုင်ချေရှိသည့် စစ်ရာဇ၀တ်မှုများနှင့် လူသားမျိုးနွယ်အပေါ်ကျူးလွန်သည့် ရာဇ၀တ်မှုများ ဆိုင်ရာ စုံစမ်းစစ်ဆေးရေး ကော်မရှင် (CoI) ဖွဲ့ရန်လည်း တိုက်တွန်းနှိုးဆော် ထားသည်။

မြန်မာနိုင်ငံအတွင်း လူ့အခွင့်အရေးချိုးဖောက်မှုများနှင့် စပ်လျဉ်းပြီး အစိုးရသစ်အနေဖြင့် လွတ်လပ်ပြီးတရားမျှတသော စုံစမ်းမှုများကို လုပ်ဆောင်သင့်ကြောင်း၊ နိုင်ငံရေး အကျဉ်းသားများ လွှတ်ပေးခြင်းအပါအ၀င် ထင်သာမြင်သာရှိသည့် ပြုပြင်ပြောင်းလဲရေး လုပ်ဆောင်ဖို့လိုကြောင်း မြန်မာအစိုးရသစ်ကို တိုက်တွန်းပြောဆိုခဲ့သည်။

မြန်မာအစိုးရသစ်အနေဖြင့် အထက်ဖော်ပြပါတာဝန်များကိုပျက်ကွက်ခဲ့ပါက စုံစမ်းစစ်ဆေးရေးနှင့်ပတ်သက်ပြီး နိုင်ငံတကာမှ တာဝန်ယူရမည်ဖြစ်ကြောင်းလည်း သတိပေးပြောကြားခဲ့သည်။

မြန်မာနိုင်ငံသည် လူ့အခွင့်အရေးချိုးဖောက်ခံရမှုမှတ်တမ်းများတွင်အဆိုးရွားဆုံးနိုင်ငံစာရင်းတွင် ယခုထိရှိနေသည့် အပေါ် အစိုးရသစ်အနေဖြင့် မှတ်တမ်းကောင်းများဖြစ်ထွန်းလာစေရေး လူ့အခွင့်အရေးလှုပ်ရှားသူများက အစဉ်အမြဲ ထောက်ပြနေကြသည်။

မေလ ၂၀ ရက်နေ့တွင်လည်း ကုလသမဂ္ဂ၏ ကလေးသူငယ်များအခွင့်အရေးဆိုင်ရာ ကော်မတီအဖွဲ့ဝင် တဦးဖြစ်သူ ထိုင်းနိုင်ငံသား မစ္စတာ စန်ဖရာဆစ် ခွန်ဖရာဖန့်( Mr Sanphasit Koompraphant )နှင့်လည်း မြန်မာလူ့အခွင့်အရေး လှုပ်ရှားသူများ နှင့်တွေ့ဆုံဆွေးနွေးရန်ရှိကြောင်းသိရသည်။

နိုင်ငံတကာ ပြစ်မှုတရားရုံး ဂဒါဖီကို အလိုရှိ

By ဗွီအိုအေ (မြန်မာဌာန) တနင်္လာ, 16 မေ 2011

လူသားမျိုးနွယ်အပေါ် စော်ကားတဲ့ ရာဇ၀တ်မှုအတွက် လစ်ဗျားခေါင်းဆောင် မိုမာ ဂဒါဖီ (Moammar Gadhafi)၊ သူ့သားတယောက်နဲ့ သူ့ရဲ့ ထောက်လှမ်းရေးမှူးချုပ်တို့ကို ဖမ်းဆီးမိန့် ထုတ်ပေးဖို့ နိုင်ငံတကာ ရာဇ၀တ်မှု တရားရုံး ရှေ့နေတွေက တရားသူကြီးကို လျှောက်ထားလိုက်ကြပါတယ်။

မစ္စတာ ဂဒါဖီ၊ ဆာအိဖ် အယ်လ် အစ်စ်လမ် ဂဒါဖီ (Saif al-Islam Gadhafi) နဲ့ လစ်ဗျား ထောက်လှမ်းရေး အကြီးအကဲ အဗ္ဗဒူလာ အယ်လ် ဆာနူဆီ (Abdullah al-Sanousi) တို့ဟာ လစ်ဗျားခေါင်းဆောင်ရဲ့ အာဏာကို ထိန်းသိမ်းဖို့ ရည်မှန်းချက်နဲ့ ရာဇ၀တ်မှုတွေကို ကျူးလွန်ခဲ့ကြတဲ့ အထောက်အထားတွေ ရှိနေတယ်လို့ လူဝီ မိုရီနို အိုကမ်ပို (Luis Moreno-Ocampo) က The Hague မြို့မှာ တနင်္လာနေ့က ပြောပါတယ်။

ဖေဖော်ဝါရီလမှာ လစ်ဗျားသူပုန်တွေကို ရက်ရက်စက်စက် ချေမှုန်းရာမှာ အရပ်သားတွေအပေါ် တိုက်ခိုက်ဖို့ မစ္စတာ ဂဒါဖီက သူ့သဘောနဲ့သူ အမိန့်ပေးခဲ့တာကို အထောက်အထားတွေက ပြသနေပါတယ်လို့ သူက ပြောပါတယ်။

လူတွေအပေါ် စစ်တပ်က စနစ်တကျ တိုက်ခိုက်ခဲ့တယ်လို့ စွပ်စွဲထားတဲ့ ၇၄ မျက်နှာရှိ စာရွက်စာတမ်းတွေကို တင်ပြမယ်လို့ ICC ရဲ့ ရှေ့နေချုပ်က ပြောပါတယ်။

အထောက်အထားတွေကို တရားသူကြီးတွေက လေ့လာပြီး ၀ရမ်းထုတ်ပေးသင့် မသင့်ကို ဆုံးဖြတ်မှာ ဖြစ်ပါတယ်။ ဒါမှမဟုတ် နောက်ထပ် အထောက်အထားတွေ ထပ်တောင်းကောင်းလည်း တောင်းမှာပါ။ ဒီဖြစ်စဉ်က ရက်သတ္တပတ်ပေါင်းများစွာ ကြာစရာ ရှိပါတယ်။

ICC ရဲ့ ဒီ အားထုတ်မှုတွေကို လစ်ဗျား ဒုတိယ နိုင်ငံခြားရေး ၀န်ကြီးက ပယ်ချလိုက်ပြီး ဒီလိုလုပ်နေတာတွေက မေးခွန်းထုတ်စရာတွေ ရှိတယ်လို့ ပြောလိုက်ပါတယ်။

ဒီအချိန်မှာပဲ ရုရှားက လစ်ဗျားအစိုးရနဲ့ သူပုန်တွေ မော်စကိုမှာ အင်္ဂါနေ့ တွေ့ဆုံဆွေးနွေးဖို့ စီစဉ်ထားကြောင်း ရုရှား နိုင်ငံခြားရေးဝန်ကြီး ဆာဂျေ လာ့ဗ်ရော့ဗ် (Sergei Lavrov) က တနင်္လာနေ့မှာ ပြောပါတယ်။

အစ္စရေး၊ ပါလက်စတိုင်းနယ်စပ် ပဋိပက္ခ ၁၀ ယောက်ထက် မနည်း သေဆုံး

By ဗွီအိုအေ (မြန်မာဌာန) တနင်္ဂနွေ, 15 မေ 2011

အရှေ့အလယ်ပိုင်းဒေသက လက်ဘနွန်နဲ့ အစ္စရေး နယ်စပ်မှာ ပါလက်စတိုင်းကို ထောက်ခံတဲ့ ဆန့်ကျင် ဆန္ဒပြပွဲ အများအပြားကနေ နောက်ပိုင်းမှာ တိုက်ခိုက်မှုတွေ ဖြစ်ပွားပြီး လူ အနည်းဆုံး ၁၀ ဦး သေဆုံးကာ လူပေါင်း ရာနဲ့ချီ ဒဏ်ရာရသွားကြပါတယ်။

ဆန္ဒပြသူတွေ လက်ဘနွန် နိုင်ငံထဲကနေ အစ္စရေး နိုင်ငံထဲကို ကူးမလာအောင် တားဆီးတဲ့ အနေနဲ့ အစ္စရေး တပ်ဖွဲ့တွေက ဆန္ဒပြသူတွေထဲကို ပစ်ခတ်ခဲ့လို့ လူအနည်းဆုံး ၅ ဦး သေဆုံးကာ ၅၀ ကျော် ဒဏ်ရာရသွားကြတယ်လို့ လက်ဘနွန် မျက်မြင်သက်သေတွေနဲ့ အရာရှိတွေက ပြောပါတယ်။

ဆီးရီးယား နိုင်ငံထဲမှာလည်း ဆန္ဒပြသူတွေက အစ္စရေးတို့ နေရာယူထားတဲ့ ဂိုလန် (Golan) ကုန်းမြင့်ကို ကာရံထားတဲ့ ခြံစည်းရိုးကို ဖောက်ပြီး ဝင်ရောက်နိုင်ဖို့ ကြိုးစားခဲ့ကြပါတယ်။ အဲဒီမှာလည်း အစ္စရေး တပ်ဖွဲ့တွေက ပစ်ခတ်လို့ လူ ၄ ဦး သေဆုံးပြီး အနည်းဆုံး ၄၅ ဦး ကျော် ဒဏ်ရာရသွားကြတယ်လို့ ဆီးရီးယား အရာရှိတဦးနဲ့ မျက်မြင်သက်သေတွေက ပြောပါတယ်။

ဟားမာ့စ် (Hamas) ထိန်းချုပ်တဲ့ ဂါဇာ (Gaza) ကမ်းမြောင်ဒေသနဲ့ ကပ်လျက် နယ်စပ်တလျှောက်က ဆန္ဒပြပွဲတွေမှာ ၂ ဘက် တိုက်ခိုက်မှုတွေဖြစ်ပြီး လူ ၁ ဦးမက သေဆုံးပြီး အနည်းဆုံး လူ ၆၀ ဒဏ်ရာ ရသွားကြတယ်လို့ ပါလက်စတိုင်း ကျန်းမာရေး ဝန်ထမ်းတွေနဲ့ အရာရှိတွေက ပြောပါတယ်။
ဂျေရုစလမ် (Jerusalem) မြို့ပြင်မှာတော့ ခဲတွေနဲ့ ပစ်ပေါက်နေကြတဲ့ ဆန္ဒပြသူတွေကို လူစုခွဲဖို့ စစ်သားတွေက မျက်ရည်ယိုဗုံးတွေနဲ့ပစ်၊ ရာဘာကျည်ဆံတွေနဲ့ ပစ်ခတ်ခဲ့လို့ လူပေါင်း ၁၀၀ ကျော် ဒဏ်ရာရရှိသွားတာပါ။

၁၉၄၈ ခုနှစ်မှာ အစ္စရေးနိုင်ငံ ထူထောင်လိုက်ပြီး ပါလက်စတိုင်း မိသားစုတွေ နှင်ထုတ်ခံရတဲ့ အယ်လ်-နပ်က်ဘာ (al-Naqba) လို့ခေါ်တဲ့ ဖြစ်ရပ် နှစ်ပတ်လည် အထိမ်းအမှတ် အဖြစ်နဲ့ ပါလက်စတိုင်းတွေ ဆန္ဒပြကြတာ ဖြစ်ပါတယ်။

ဆန္ဒပြသူတွေကို အစ္စရေးတို့ ပစ်ခတ်နေတာကို ဆီးရီးယားက ရှုတ်ချပြီး အဲဒီလုပ်ရပ်ဟာ ပြစ်မှုမြောက်တဲ့လုပ်ရပ် ဖြစ်တယ်လို့ ပြောပါတယ်။

အစ္စရေး ဝန်ကြီးချုပ် ဘန်ဂျမင် နေတန်ယာဟု (Benjamin Netanyahu) ကတော့ အစ္စရေးတို့ အနေနဲ့ သူ့နယ်စပ်တွေကို ကာကွယ်ဖို့ ဆုံးဖြတ်ချက် ချထားတယ်လို့ တနင်္ဂနွေနေ့က ရုပ်မြင်သံကြားက ထုတ်လွှင့်တဲ့ မိန့်ခွန်းမှာ ပြောကြားသွားပါတယ်။

အီးယူ မြန်မာ့သမိုင်းကြောင်းက ခါးသီးစရာ သင်ခန်းစာတွေ အီးယူ မလေ့လာသေး

2011-05-16 RFA

မြန်မာနိုင်ငံမှာ ခေါင်းဆောင် အပြောင်းအလဲကြောင့် နိုင်ငံမှာ ဘာအပြောင်းအလဲမှ ဖြစ်လာမှာ မဟုတ်ဘူးလို့ ဘာတီး လစ်တနာက အာရှ ဝေါစထရိ ဂျာနယ်မှာ မေလ ၁၆ နေ့စွဲနဲ့ ဆောင်းပါး တပုဒ် ရေးသားလိုက်ပါတယ်။

စစ်အစိုးရရဲ့ မျိုးဆက်သစ် ခေါင်းဆောင်တွေဟာ အရင်မျိုးဆက်ဟောင်းတွေနဲ့ အတူတူ ဖြစ်တာကြောင့် နိုင်ငံမှာ ဘာအပြောင်းအလဲမှ ဖြစ်လာမှာ မဟုတ် သလို မြန်မာနိုင်ငံရဲ့ နောက်ခံ သမိုင်းကြောင်း အခြေအနေ၊ အရှေ့အလယ်ပိုင်းမှာ ဒီကနေ့ ပေါ်ပေါက်နေတဲ့ အာဏာရှင် ဆန့်ကျင်ရေး လူထု ဆန္ဒပြ လှုပ်ရှားမှု အခြေအနေတွေကို ဥပမာပေးပြီး ထိုင်းနိုင်ငံ အခြေစိုက် မြန်မာ့ အရေး ကျွမ်းကျင်သူ ဆွီဒင်လူမျိုး သတင်းထောက် ဘာတီး လစ်တနာက အာရှ ဝေါစထရိ ဂျာနယ်မှာ မေလ ၁၆ ရက်၊ ဒီကနေ့ ရက်စွဲနဲ့ ဆောင်းပါး တပုဒ် ရေးသားလိုက်ပါတယ်။

မြန်မာစစ်အစိုးရဟာ နိုင်ငံကို ဆက်လက် ဦးဆောင်ဖို့ မျိုးဆက်သစ် ခေါင်းဆောင်ကို လက်လွှဲပြောင်းခဲ့ကြောင်း၊ နှစ်ပေါင်း များစွာ အုပ်ချုပ်လာတဲ့ အသက် ၇၈ နှစ်အရွယ် ဗိုလ်ချုပ်မှူးကြီး သန်းရွှေက အသက် ၆၆ နှစ်အရွယ် ဦးသိန်းစိန်နဲ့ သူ့ထက်နုပျိုတဲ့ ခေါင်းဆောင်နဲ့ အစားထိုးလိုက်ပြီး ဦးသိန်းစိန်ကလည်း လွတ်လပ်ခွင့်တွေ ပေးတော့မယ့် သဘောမျိုး မိန့်ခွန်းတွေ ခြွေခဲ့တဲ့ အတွက် အထူးသဖြင့် အီးယူလို နိုင်ငံတွေက သတိနဲ့ ကြိုဆိုပြီး ပြစ်ဒဏ် ခတ်ထားတာတွေကိုတောင် နဲနဲပါးပါး လျှော့ပေးခဲ့ကြကြောင်း၊ ပြစ်ဒဏ်ခတ်မှုတွေကို လျှော့ပေးတာဟာ အတုအယောင် အပြောင်းအလဲတွေကို အသိအမှတ် ပြုရာ ရောက်သွားနိုင်ကြောင်း၊ နိုင်ငံတကာ အသိုင်းအ၀ိုင်း၊ အထူးသဖြင့် အီးယူနိုင်ငံတွေ အနေနဲ့ မြန်မာ့ သမိုင်းကြောင်းက ခါးသီးစရာ သင်ခန်းစာတွေကို မလေ့လာသေး သရွေ့ စစ်အစိုးရရဲ့ သွားမြဲ လမ်းကြောင်း အတိုင်း အားပေးမိသလိုဘဲ ဖြစ်နေကြောင်း၊ အဲဒိ အတိုင်းဆိုရင် မြန်မာပြည်သူတွေ ဆက်ပြီး ဖိနှိပ်ခံနေရဖို့ဘဲ ရှိကြောင်း ဆောင်းပါးရှင်က သုံးသပ်ပါတယ်။

ဒါ့ပြင် နိုင်ငံတကာအနေနဲ့ လက်ရှိ အခြေအနေသစ်တခုကို အကောင်း မြင်နေတာ သမိုင်းနောက်ကို ပြန်ကြည့်ဖို့ လိုအပ်ကြောင်း၊ အာဏာရှင် ဦးနေ၀င်း ၁၉၆၂ ကနေ ၁၉၈၁ ခုနှစ် အထိ အုပ်ချုပ်ခဲ့စဉ်က ဦးနေ၀င်း မရှိတော့ရင်တော့ အပြောင်းအလဲတွေ ဖြစ်တော့မှာဘဲလို့ မြန်မာ့ အရေး လေ့လာသူတွေက သုံးသပ် ပြောဆိုခဲ့ကြဖူးပေမယ့်၊ နောက်မျိုးဆက်သစ်တွေ အလှည့်ရောက်တဲ့အခါမှာ ဦးနေ၀င်းထက်တောင် ပိုပြီး ဖိနှိပ်ခဲ့ကြတဲ့ အတွက် ဦးသိန်းစိန်တော့ဖြင့် ဗိုလ်ချုပ်မှူးကြီး သန်းရွှေလို မဖိနှိပ်နိုင်ဘူး၊ သူ့ထက် မဆိုးနိုင်ဘူးလို့ တပ်အပ် မပြောနိုင်ကြောင်း ဆောင်းပါးရှင် ဘာတီး လစ်တနာက သုံးသပ် ထားပါတယ်။

ဘုရားသုံးဆူ – ချောင်းဆုံ လမ်းပိုင်း ကိုယ်ထူကိုယ်ထ ပြင်နေရ

တနင်္လာနေ့၊ မေလ 16 ရက် 2011

ဂျူရီချိုင်း - ပြုပြင်ခြင်း မရှိသည့် ထိုင်း – မြန်မာ နယ်စပ် ဘုရားသုံးဆူ – သံဖြူဇရပ်လမ်းမှ အလွန်ပျက်စီးနေသည့် ၉ မိုင်အရှည်ရှိ ဘုရားသုံးဆူ – ချောင်းဆုံ လမ်းပိုင်းကို ဒေသခံများက ကိုယ်ထူကိုယ်ထ ပြင်ဆင်နေကြကြောင်း ဦးဆောင်သူတဦး၏ အဆိုအရ သိရသည်။

လမ်းပြုပြင်ရေး ကော်မတီအဖြစ် ဥက္ကဌ ဦးဖိုးထောင်၊ အတွင်းရေးမှူး ဦးဥာဏ်လင်းအောင်၊ စာရင်းကိုင် ဦးအောင်စိုး အပါအဝင် ရပ်မိရပ်ဖများဖြင့် ဖွဲ့စည်းခဲ့သည်။

မေလ ၅ ရက်နေ့မှ စ၍ ကျောက်ချခြင်းများကို စတင်ပြုလုပ်နေပြီး ပွင့်လင်းရာသီတွင် ကတ္တရာလမ်း ခင်းမည်ဟု ကော်မတီ၏ ပြောကြားချက်အရ သိရသည်။

“အစီး ၁၀၀ ကျော် ချပြီးပြီ။ လမ်းပြင်တာတော့ မလုပ်ရသေးဘူး။ ပြည်နယ် အင်ဂျင်နီယာချူပ် ရောက်မှ လုပ်လို့ စည်ပင်က ပြောထားတော့ စောင့်နေတုန်းပဲ” ဟု ဦးအောင်စိုးက ပြောသည်။

လမ်းခင်းကျောက်တစီးလျှင် ထိုင်းဘတ်ငွေ ၂၀၀ ဖြင့် ဝယ်ယူရပြီး မိုးဆက်တိုက် ရွာသွန်းနေခြင်းကြောင့် ကျောက်ချခြင်းကို ခေတ္တရပ်နားထားရကြောင်း သူက ပြောသည်။

လမ်းပိုင်းအတွင်းရှိ ကျေးရွာများမှ ကျောင်းသူ ကျောင်းသားများနှင့် လူနာများ မိုးရာသီတွင် သွားလာရေး လွယ်ကူ ချောမွေ့စေရန်အတွက် ယခုကဲ့သို့ ပြုပြင်ရခြင်း ဖြစ်ကြောင်း သူက ဆက်ပြောသည်။

လမ်းပြုပြင်ရန်အတွက် ၎င်းလမ်းတွင် ပြေးဆွဲနေသည့် မော်တော်ဆိုင်ကယ်များနှင့် မော်တော်ကားများထံမှ အလှူငွေများ ကောက်ခံလျက် ရှိပြီး အလှူငွေ ၂၄၇ ၀၀ ဘတ်ကို ကောက်ခံရရှိပြီး ဖြစ်ကြောင်းနှင့် လမ်းအားလုံး ပြီးစီးရန်အတွက် ထိုင်းဘတ်ငွေ သိန်း ၁၈၀ ခန့် ကုန်ကျလိမ့်မည် ဖြစ်ကြောင်းလည်း သူက ပြောသည်။

မြို့နယ်စည်ပင်သာယာရေး ကော်မတီမှ လမ်းပြုပြင်ရန်အတွက် ပံ့ပိုးပေးမည်ဟု ပြောထားသော်လည်း ယခုချိန်ထိ တစုံတရာ အကြောင်းပြန်ခြင်း မရှိသေးကြောင်း လမ်းပြုပြင်ရေး ကော်မတီနှင့် နီးစပ်သူတဦးက ပြောသည်။

ယခင်က မြေနီလမ်းအဖြစ် ရှိခဲ့သည့် အဆိုပါလမ်းကို ၁၉၉၀ ခုနှစ်က ပြည်သူ့ ဆောက်လုပ်ရေး လုပ်ငန်းမှ ကျောက်ခင်းခဲ့ပြီး ၂၀၀၆ ခုနှစ်တွင် တကြိမ်သာ ပြုပြင်ခဲ့သည်။

နှစ်စဉ် နိုင်ငံတော်မှ လမ်းပြင်စရိတ်များ လုံလောက်စွာ ချပေးသော်လည်း မြို့နယ်အာဏာပိုင်များနှင့် ဆောက်လုပ်ရေး အင်ဂျင်နီယာတို့က မိမိတို့၏ ကိုယ်ကျိုးအတွက် အလွဲသုံးစား လုပ်ခြင်းကြောင့် ပြင်ဆင်ခြင်း မရှိကြောင်း အာဏာပိုင်နှင့် နီးစပ်သူများထံမှ သိရသည်။

လမ်းပိုင်းတလျှောက်တွင် ရွာသစ်၊ ကျုံကွီး၊ ကျော့ဟပလု နှင့် ချောင်းဆုံရွာများ ရှိသည်။
ဌာနေပြည်သူ့ စစ်အင်အားဖြင့် ဝမ့်ဟိုင်းဌာနချုပ်ကို တိုက်ခိုက်ဖွယ်ရှိ
တနင်္လာနေ့၊ မေလ 16 ရက် 2011

သျှမ်းပြည်မြောက်ပိုင်း တန့်ယန်းမြို့နယ် ဗိုလ်မွန်း ဦးဆောင် မန့်ပန်ပြည်သူ့စစ်၊ မိုင်းရယ်မြို့နယ် လောမား ဦးဆောင် သော မိုင်းဟ ပြည်သူ့စစ်များ အား ဌာနချုပ်အစောင့်အနည်းငယ်သာထားစေပြီး တန့်ယန်း ဗျူဟာရုံးသို့ ဗျူဟာမှူး ဆင့်ခေါ် ကြောင်း တန့်ယန်း ဒေသခံသတင်းမှသိရပါ သည်။

“ဗျူဟာမှူး ဗိုလ်မှူးကြီးခိုင်ဇော်က ၁၀ ရက်နေ့က ဆင့်ခေါ်တာ။ဗိုလ်မွန်းဦးဆောင်တဲ့မန့်ပန်ဌာနေ ပြည်သူ့ စစ်နဲ့လော မားဦးဆောင်တဲ့ မိုင်းဟ ဌာနေ ပြည်သူ့စစ် အားလုံးတန့်ယန်း ကိုသွားခိုင်းတယ်။ ဘာကြောင့် ခေါ်လဲတော့ မသိဘူး။ဝမ့်ဟိုင်းဌာနချုပ် ကိုဘဲ သူတို့နဲ့အတူ ပွိုင့်ထိုးခိုင်းမယ်၊တက်တိုက် တော့မယ်လို့ အားလုံးက ထင်ကြေးပေးနေကြ တယ်” - ဟု တန့်ယန်း ဒေသခံ လူလတ်ပိုင်း အမျိုးသား တဦးကပြောသည်။

မေ ၁၄ နှင့် ၁၅ ရက်နေ့ကလည်း တန့်ယန်း တောင်ဖက် မိုင်းကောင်တိုက်နယ် အရှေ့ဖက် ၅ မိုင်ခန့် အကွာ နမ့်ပန် ချောင်းအနောက်ဖက်ခြမ်း၊ အရှေ့ခြမ်းတို့၌ ပြည်သူ့စစ်နှင့် မြန်မာစစ်တပ်ပူးပေါင်းတပ်ဖွဲ့တို့နယ်မြေ ရှင်းလင်း မွှေနှောက်ခဲ့ကြသော်လည်း သျှမ်းပြည်သားအချင်းချင်း ပစ်ခတ်သတ်ဖြတ်မှုမဖြစ်စေလိုသဖြင့် သျှမ်းပြည်တပ်မတော်ဖက် မှ သတိထားရှောင်တိမ်းနေရကြောင်း သျှမ်းတပ်ဖွဲ့မှအရာရှိတဦးကပြောသည်။

“ဗိုလ်မွန်းပြည်သူ့စစ်မှာအင်အား ၄၀၀ နဲ့ ၅၀၀ ကြားမှာရှိတယ်။ မိုင်းဟပြည်သူ့စစ်ကတော့ အင်အား ၁၀၀ လောက် ရှိတယ်။ သူတို့က ဗမာစစ်တပ်နဲ့ပေါင်းပြီး လှုပ်ရှားကြပေမယ့် ကျနော်တို့က သူတို့ကို မပစ်ချင်ဘူး။ ဘာလို့လဲဆို တော့ ဗမာစစ်တပ်ရဲ့ ငါးကြင်းဆီနဲ့ ငါးကြင်းကြော်ထောင်ချောက်ထဲဖြစ်နေလို့ဘဲ။ ဒါတောင် မလွဲနိုင် မရှောင်နိုင်ကြရင် ပစ်ခတ်မိသေးတယ်လေ။

ဒါကိုပြည်သူ့စစ်ဖက်ကမသိတာလား။လုံးဝမလွန်ဆန်နိုင် တာလား။ ဘာအကျိုးအမြတ်ရလို့ ခိုင်းတာကို လုပ်ပေးနေရတာလဲမသိဘူး” ဟု တန့်ယန်းဇာတိသျှမ်းပြည် တပ်မတော် SSPP/ SSA အရာရှိတဦးက သျှမ်းသံတော်ဆင့်သို့ပြောပြသည်။

ဗိုလ်မွန်းကိုယ်တိုယ်မှာမူယခုလ ၁၂ ရက်ကတည်းက တရုတ်ပြည်သို့ထွက်သွားပြီဖြစ်ပြီး ၁၃ ရက်နေ့တွင်မူ စင်္ကာပူ သို့ ထွက်သွားပြီဖြစ်ကြောင်း၊ ၎င်း၏ ပြည်သူ့စစ်တပ်တွင်းသတင်းအရ ဆေးကုရန်သွားခြင်းဖြစ်သည်ဟု ဆိုသော် လည်း၊ မိသားစုအသိုင်းအဝိုင်းကမူ အလည်အပတ်သက်သက်သာဖြစ်သည်ဟု သိရ၏။

မန့်ပန်ပြည်သူ့စစ်တပ်ဖွဲ့ကိုမူ မြန်မာစစ်တပ်နှင့်ပုလဲနံပသင့်သည့် ၎င်း၏လက်ထောက် ဗိုလ်လောတွမ်က တာဝန် ယူထားကြောင်း သိရသည်။

ဗိုလ်လောတွမ်သည် ခွန်ဆာ၏ MTA တပ်ပြိုကွဲပြီးနောက် ဝ တပ်ဖွဲ့နှင့် သွားရောက်ပူးပေါင်းခဲ့သော်လည်း ၎င်းအား လက်မခံတော့သည့်နောက်ပိုင်း ဗိုလ်မွန်းတပ်ဖွဲ့ထဲ ဝင်ရောက်ခဲ့သည်မှာ ယခုတိုင်ဖြစ်သည်ဟု သိရ၏။ ဗိုလ်လောတွမ် သည်မြန်မာစစ်တပ်ဆင့်ဆိုညွှန်ကြားသည့်အတိုင်းတသဝေမသိမ်းလိုက်နာဆောင်ရွက်တတ်သူ ဖြစ်ကြောင်း လည်း ဗိုလ်မွန်းနှင့်နီး စပ်သည့်အသိုင်းအဝိုင်းကလည်းပြောပြသည်။

ပုဂ္ဂလိကကျောင်းများ တိုးလာသော်လည်း လူနည်းစုအတွက်သာဖြစ်နေ

2011-05-16 RFA

ပြီးခဲ့တဲ့ ၂၀၀၉ ခုနှစ် နိုဝင်ဘာလက စပြီး မြန်မာနိုင်ငံမှာ ပုဂ္ဂလိက ကျောင်းတွေ တရားဝင် ခွင့်ပြုဖို့ အာဏာပိုင်တွေက စဉ်းစားနေကြောင်း၊ ပုဂ္ဂလိက ပညာရေးဆိုင်ရာ ဥပဒေတွေလည်း ထွက်ပေါ်လာတော့မှာ ဖြစ်ကြောင်း ဆိုတဲ့ သတင်းတွေ ပေါ်ထွက်ခဲ့ပေမဲ့ အခုထိ ဥပဒေအဖြစ် ထွက်မလာသေးပဲ ညွှန်ကြားချက်တွေပဲ ထွက်ပေါ်ခဲ့ပါတယ်။

အဲဒီနောက် ညွှန်ကြားချက်တွေအောက်မှာ ၅ တန်းကနေ ၉ တန်းအထိ ဖွင့်ခွင့်ရခဲ့တဲ့ ပုဂ္ဂလိက ကျောင်း ၉ ကျောင်း ရှိခဲ့ရာက အခုအခါ အရေအတွက် တိုးလာဖွယ် ရှိတယ်လို့ သိရပါတယ်။
လာမယ့်ဇွန်လ ၁၅ ရက်နေ့မှာ ဖွင့်လှစ်မယ်လို့ ကြေညာထားတဲ့ Myanmar Nobel College ကတော့ ၁၀ တန်း အောင်ပြီးသူတွေအတွက် အင်ဂျင်နီယာနဲ့ တခြား ဘာသာရပ်တွေ သင်ကြားပေးမယ်လို့ တာဝန်ရှိသူ တဦးက ပြောပါတယ်။

“၁၀ တန်း အောင်ပြီးသား ကလေးတွေအတွက်က engineering ဆိုလည်း civil တို့၊ mechanical တို့ပေါ့နော်။ business ဆိုလည်း business ။ Information Technology အဲလိုမျိုး ဘာသာရပ်တွေထဲက ဝါသနာပါတဲ့ ဘာသာရပ်တခုကို ရွေးချယ်ပြီးတော့ foundation year 1, year 2 ဆိုပြီး နှစ်နှစ်တက်ရပါမယ်ရှင်။ ဘယ်ဘာသာရပ်ပဲ ဖြစ်ဖြစ်ပေါ့နော်၊ တလကို ၃ သိန်း ရှိပါတယ်။ ဖောင်ဒေးရှင်း တက်မဲ့ ကလေးတွေအတွက်က ၅ လကို ၁၅ သိန်း ရှိပါမယ်။ အဲဒီအတွက် ပထမအရစ်အနေနဲ့ ၇ သိန်းခွဲ သွင်းပြီးတော့ ကျောင်းအပ်လို့ ရပါတယ်။ ပြည်ပမှာ ထွက်ပြီးတော့ သင်နေတဲ့ ကလေးတွေအတွက်သည် ဥပမာ ပြည်ပမှာ တနှစ်ကို သိန်း ၁၅၀ ကုန်သော်လည်း ဒီမှာ ကိုယ့်နိုင်ငံမှာ နေပြီးတော့ ဒီပညာရပ်ကို သင်ခြင်းအားဖြင့် ငွေကြေးကုန်ကျမှု သက်သာသွားတယ်ပေါ့နော်။”

အခုလို ပုဂ္ဂလိက ကျောင်းတွေ ပေါ်ပေါက်လာတာဟာ အပြောင်းအလဲတခုလို့ ဆိုနိုင်ပေမဲ့ မြန်မာ့ပညာရေး စနစ်ကြီး တခုလုံး ပြောင်းလဲနိုင်တဲ့ မူဝါဒမျိုး ချမှတ်ဆောင်ရွက်နိုင်မှ တကယ့် အပြောင်းအလဲ ဖြစ်နိုင်မယ်လို့ ထိုင်းနိုင်ငံအခြေစိုက် ပညာရေးပါရဂူ ဒေါက်တာသိန်းလွင်က ပြောပါတယ်။

“ပုဂ္ဂလိကကျောင်းတွေ ခွင့်ပြုတာ ဒါ အပြောင်းအလဲတွေထဲက တခုပေါ့။ ဒီ ပုဂ္ဂလိက လွတ်လပ်ခွင့် ရှိလာတာ ကြိုဆိုတယ်။ ဒါပေမဲ့ ပုဂ္ဂလိကကျောင်း ဖြစ်တယ်ဆိုတာ ဒါ အနည်းစု ကျောင်းကလည်း နည်းနည်းပဲ၊ တတ်နိုင်တဲ့လူကလည်း နည်းနည်းပဲ။ မိဘဝင်ငွေ ကောင်းတဲ့ ကျောင်းသားတချို့ပဲ တက်နိုင်တယ်။ အများစုကြီးက ပုဂ္ဂလိကကျောင်း မတက်နိုင်ဘူး။”

“မြန်မာနိုင်ငံ ပညာရေး အပြောင်းအလဲဆိုရင် ကျောင်းသားအများစုကြီး ပညာကောင်းကောင်းရအောင် အပြောင်းအလဲ လုပ်ဖို့လိုတယ်။ ပထမအဆင့်က ကလေးတိုင်း ပညာသင်နိုင်ဖို့ လိုတယ်။ နောက်တဆင့်က သင်တဲ့ပညာက အရည်အချင်းရှိတဲ့ ပညာရအောင် သင်ဖို့ လိုတယ်။ ဆိုတော့ ပုဂ္ဂလိကကျောင်း တခုတည်း ခွင့်ပြုရုံနဲ့ မြန်မာနိုင်ငံ ပညာရေး ပြောင်းသွားပြီလို့ ကျွန်တော်တို့ မခေါ်နိုင်သေးဘူး။ ဒါက ကဏ္ဍတခုပဲ ရှိတယ်။”

မြန်မာနိုင်ငံမှာ ပုဂ္ဂလိကကျောင်းတွေ တိုးလာပေမဲ့ လူငယ်အများစု လက်လှမ်းမမီနိုင်သေးပဲ ဖြစ်နေပါတယ်။ ဒါပေမဲ့ ဒီမိုကရေစီရေး လှုပ်ရှားသူတွေ တည်ထောင်ထားတဲ့ ဗေဒါကျေင်းလို ပညာရေးဒါန ကျောင်းမျိုးကိုတော့ အာဏာပိုင်တွေက ခြိမ်းခြောက် နှောင့်ယှက်နေကြဆဲ ဖြစ်ပါတယ်။