ဒီနေ့ဖတ်စရာ သတင်းများ (ဧပြီလ ၂၇ ရက်)

- တောင်သူလယ်သမားကို မြှင့်တင်ပေးရန် ဒေါ်စု ပြော
- လိပ်ပြာ သန့်ရင် အာဏာမဲ့လည်း အားရှိနေတယ်
- မြန်မာ့အိမ်နီးချင်း နိုင်ငံများကို အမေရိကန် ဝေဖန်
- ကရင် နယ်ခြားစောင့် ၂၀ ကျော် KNU နှင့် ပူးပေါင်း
- အမျိုးသား ထောက်လှမ်းရေးအဖွဲ့ကို ကာချုပ် ဦးစီးမည်
- မိဘမဲ့ကလေးများ ရန်ပုံငွေ IC ရှိုးပွဲ ခွင့်ပြုချက်မရ
- သမ္မတ အကြံပေးအဖွဲ့ ဖွဲ့
- ဂျပန်ရင်းနှီးမြှုပ်နှံရေး မြန်မာသံအမတ် တိုက်တွန်း
- အကျဉ်းစံ သံဃာ့အရေး သာသနာ့နုဂ္ဂဟ ကြိုးပမ်းသင့်
- ကုန်ဈေးနှုန်းတက်လို့ ဆင်းရဲတွင်းနက်နိုင်
- ဆီးရီးယားဆန္ဒပြမှု စစ်တပ် တိုးမြှင့်နှိမ်နင်း
- မူးယစ်အပ် မကင်း မနောကွင်း

တောင်သူလယ်သမားကို မြှင့်တင်ပေးရန် ဒေါ်စု ပြော
သဲသဲ | အင်္ဂါနေ့၊ ဧပြီလ ၂၆ ရက် ၂၀၁၁ ခုနှစ် ၁၉ နာရီ ၃၂ မိနစ်

နယူးဒေလီ (မဇ္ဈိမ) ။ ။ တိုင်းပြည်၏ လူဦးရေ အများစုဖြစ်သော တောင်သူလယ်သမားများ၏ အခြေအနေ မြှင့်တင်နိုင်မှသာ နိုင်ငံတိုးတက်မည် ဖြစ်ကြောင်း အမျိုးသားဒီမိုကရေစီအဖွဲ့ချုပ်၏ ပထမဆုံးအကြိမ် တောင်သူ လယ်သမားများ ပညာပေး သင်တန်း၌ ဒေါ်အောင်ဆန်းစုကြည်က အင်္ဂါနေ့တွင် ပြောဆိုလိုက်သည်။

စိုက်ပျိုးရေးနည်းပညာ တိုးတက်စေရန်နှင့် လယ်သမားများ၏ အခက်အခဲများ ဆွေးနွေးရန် ဧပြီလ ၂၆ ရက်နေ့မှစ၍ ရန်ကုန်တိုင်း ဗဟန်းမြို့နယ်ရှိ NLD ရုံးချုပ်၌ ၃ ရက်ကြာ ပြုလုပ်မည့် တောင်သူလယ်သမားများ ပညာပေးသင်တန်း အပတ်စဉ် ၁ ဖွင့်ပွဲ ကျင်းပရာ အမှာစကားပြောကြားစဉ် ထည့်သွင်းပြောဆိုခြင်း ဖြစ်သည်။

“တိုင်းပြည်ရဲ့ အခြေအနေ တိုးတက်ဖို့ဆိုရင် လယ်သမားများရဲ့ အခြေအနေကို မမြှင့်တင်လို့မရဘူး။ အဲလိုမြှင့်တင်ရာမှာ လယ်သမားတွေရဲ့ သားသမီးတွေ ပညာရေး မြင့်လာအောင် မြှင့်တင်ကြရမယ်လို့ .. အဲသလို လမ်းညွှန်ပါတယ်” ဟု NLD ပြောခွင့်ရ ဦးအုန်းကြိုင်က မဇ္ဈိမကို ပြောသည်။

သင်တန်းသို့ ဧရာဝတီ၊ ပဲခူး၊ ရန်ကုန်တိုင်းနှင့် ရခိုင်ပြည်နယ်တို့မှ တောင်သူလယ်သမား ၄၆ ဦး တက်ရောက်ပြီး၊ NLD အဖွဲ့ဝင် စိုက်ပျိုးရေးကျောင်းဆင်း ပညာရှင်များက စိုက်ပျိုးရေးနည်းပညာများ ပို့ချသွားမည်ဖြစ်သည်။

အင်္ဂါနေ့ နေ့လည် ၂ နာရီတွင် ပြုလုပ်သည့် သင်တန်းဖွင့်ပွဲသို့ ပါတီဒုဥက္ကဋ္ဌ ဦးတင်ဦး၊ အထွေထွေအတွင်းရေးမှူး ဒေါ်အောင်ဆန်းစုကြည်နှင့် ဗဟိုအလုပ်အမှုဆောင်ဝင်များ တက်ရောက်ကာ တောင်သူလယ်သမားများနှင့် မိတ်ဆက်တွေ့ဆုံကြခြင်း ဖြစ်သည်။

စိုက်ပျိုးရေး နည်းစနစ်များအပြင် စိုက်စရိတ်ချေးငွေ၊ မြေယာသိမ်းမှုများနှင့် လွတ်လပ်စွာ စိုက်ပျိုးခွင့် ရရှိရေး စသည့် လယ်သမားများ ကြုံတွေ့နေရသည့် အခက်အခဲများကိုလည်း နှစ်ဖက်ဆွေးနွေးသွားမည်ဟု ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။

“ပိုးမွှားတွေသတ်တဲ့ ပိုးသတ်ဆေးတွေ ဘယ်လိုသုံးရမယ် ဆိုတာမျိုးတွေလည်း ပါသလို၊ မြေယာနဲ့ ပတ်သက်တဲ့ အခက်အခဲလည်း ရှိမှာပေါ့ဗျာ။ နောက်ပြီး စရိတ်စကတို့၊ စားကျက်ကိစ္စ၊ အေးအေးချမ်းချမ်း စိုက်နိုင်အောင် ဘယ်လို ကာကွယ်စောင့်ရှောက်ပေးမလဲ ဆိုတာတွေကအစ အကုန်ပါမှာပေါ့ဗျာ” ဟု သူက ပြောသည်။

ဒေသနှင့် မကိုက်ညီသည့် သီးထပ်သီးညှပ်များ အဓမ္မစိုက်ပျိုးခိုင်းသဖြင့် တောင်သူများ အရှုံးပေါ်ခြင်းနှင့် ချေးငွေ မလုံလောက်သဖြင့် စိုက်ပျိုးစရိတ် ခက်ခဲသည့် ပြဿနာများကို သင်တန်းတွင် လယ်သမားများက အများဆုံး ပြောဆိုခဲ့ကြသည်။

အမှန်တကယ် လယ်ယာလုပ်ကိုင်သူများအတွက် ၎င်းတို့လယ်မြေများ တည်ငြိမ်မှုရှိရန် ဆောင်ရွက်ပေးစေလိုသည်ဟု ဦးတင်ဦးက ဆိုသည်။

သင်တန်းတက်လာသူ လယ်သမားများအတွက် ကုန်ကျစရိတ်များကို သက်ဆိုင်ရာ တိုင်းနှင့် ပြည်နယ်ရှိ NLD မြို့နယ်အဖွဲ့က ထောက်ပံ့ကူညီသည်ဟု NLD တောင်သူများ လုပ်ငန်းကော်မတီဝင် ဦးမောင်မောင်ကြီးက ပြောသည်။

“သူတို့ ရန်ကုန်မှာနေရတဲ့ ၅ ရက်လောက် အတောအတွင်းမှာ သက်ဆိုင်ရာ မြို့နယ်ပါတီအဖွဲ့တွေက သွားလာနေထိုင်ရေး အဆင်ပြေအောင် အားလုံးကူညီပံ့ပိုးပေးထားတာပါ” ဟု သူက ဆိုသည်။

သင်တန်းတက်လာသူများမှတဆင့် ၎င်းတို့ဒေသရှိ တောင်သူလယ်သမားများကို စိုက်ပျိုးရေး အသိပညာများ ပြန့်ပွားသွားရန်ပါ လုပ်ဆောင်မည်ဖြစ်ပြီး၊ ၎င်းတို့၏ အခက်အခဲများကိုလည်း NLD က ဆက်လက်ကူညီသွားမည်ဟု သူက ဆက်ပြောသည်။

NLD သည် တောင်သူလယ်သမားအရေး ကူညီဆောင်ရွက်ရန် ရည်ရွယ်ကာ မြို့နယ် ၁၉ ခုမှ တောင်သူလယ်သမား ၃၃ ဦး ပါဝင်သော လယ်သမား ကွန်ယက်တခုကို မတ်လအတွင်း ဖွဲ့စည်းခဲ့သည်။

အဆိုပါ ကွန်ယက်မှ လယ်သမားများအတွက် ဥပဒေနည်းလမ်းအရ တရားစွဲခြင်း၊ သတင်းအချက်အလက်များကို NLD ရုံးချုပ်သို့ ပေးပို့ခြင်းများ ပြုလုပ်ဆောင်ရွက်မည်ဖြစ်သည်။

လိပ်ပြာ သန့်ရင် အာဏာမဲ့လည်း အားရှိနေတယ်

BBC New, 26-4-2011

အမှန်တရားအပေါ်မှာ ရပ်တည်ရှင်သန်ပြီး ကိုယ်လုပ်တဲ့အလုပ်အပေါ် လိပ်ပြာသန့်နိုင်တယ်ဆိုရင် အာဏာ မရှိတဲ့သူတွေမှာလည်း စွမ်းအားရှိတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဘီဘီစီ ပါရှန် ရုပ်မြင်သံကြားနဲ့ ဆက်သွယ် မေးမြန်းခန်း မှာ ပြောပါတယ်။

ဒီမိုကရေစီနဲ့ပတ်သက်ပြီး ဝေဖန်ပြောကြားမှုတွေရှိနေတာကိုလည်း သူက အခုလို အဓိပ္ပာယ် ဖွင့်ဆိုသုံးသပ် ပြောဆိုပါတယ်။

ဒီမိုကရေစီဆိုတာ အစိုးရဖွဲ့စည်းအုပ်ချုပ်တဲ့ စနစ်၊ ပုံစံတခုသာ ဖြစ်တယ်၊ ကိုယ့်နိုင်ငံရဲ့ လိုအပ်ချက်ကို လိုက်ပြီး အဲဒီပုံစံကို သင့်တော်သလို ညှိနှိုင်းယူလို့ရတယ်လို့ ဒေါ်အောင်ဆန်းစုကြည်က ပြောပါတယ်။
လွတ်လပ်မှုရှိဖို့နဲ့ တရားစီရင်ရေးဆိုင်ရာလိုမျိုး အဖွဲ့အစည်းတချို့ အမှီအခို ကင်းစွာရပ်တည်နိုင်မှုတွေဟာ ဒီမိုကရေစီရဲ့ အခြေခံလိုအပ်ချက်တွေဖြစ်တယ်လို့လည်း ထောက်ပြပါတယ်။

ဒီမိုကရေစီ ကျင့်သုံးဖို့အတွက် ကိုယ့်ယဉ်ကျေးမှုကို စွန့်လွှတ်စရာ မလိုဘူး။ ဒီမိုကရေစီကို တကယ် လက်ခံမယ်ဆိုရင် လူတွေရဲ့ လွတ်လပ်ခွင့်နဲ့ လုံခြုံမှုကို အာမခံနိုင်ရပမယ်။ အဲဒီလို အာမ မခံဘဲ ကိုယ့် ယဉ်ကျေးမှု နဲ့ မကိုက်ညီဘူးလို့ ပြောနေတာဟာ ဆင်ခြေပေးနေတာ သက်သက် ဖြစ်တယ်လို့ ဒေါ်အောင်ဆန်းစုကြည်က ဝေဖန်ပြောကြားလိုက်ပါတယ်။

တခါ အရှေ့အလယ်ပိုင်းဒေသက လူထု လှုပ်ရှားမှုတွေနဲ့ ပတ်သက်လို့လည်း လူသားချင်း အတူတူ ဖြစ်တဲ့အတွက် သူတို့နဲ့အတူ တစိတ်တဝမ်းထဲ ရှိတယ်လို့ ဆိုခဲ့ပါတယ်။

"ကျွန်မ ပြောချင်တာက ရိုးရိုးလေးပါ၊ ကျွန်မတို့ဟာ ကမ္ဘာတခုထဲမှာ နေကြတယ်၊ လူသားမျိုးနွယ် အချင်းချင်းဖြစ်တယ်။ ကမ္ဘာ့ ဘယ်နေရာမှာပဲဖြစ်ဖြစ် လွပ်လပ်မှုအတွက် လှုပ်ရှားနေကြသူတွေဖက်က ရပ်တည်ပါတယ်" လို့ ဒေါ်အောင်ဆန်းစုကြည်က ပါရှန် ရုပ်မြင်သံကြား နဲ့ ဆက်သွယ် မေးမြန်းခန်းမှာ ပြောခဲ့ပါတယ်။

မြန်မာ့အိမ်နီးချင်း နိုင်ငံများကို အမေရိကန် ဝေဖန်

ဧရာဝတီ Tuesday, 26 April 2011 17:39

နိုင်ငံတကာ အသိုင်းအဝိုင်း အတွက် ကိုင်တွယ်ဖြေရှင်းရန် ခက်ခဲနေသည့် မြန်မာ့ဒီမိုကရေစီ အရေးနှင့် နိုင်ငံတွင်း လူ့အခွင့်အရေး ချိုးဖောက်မှုများကို မြန်မာ့အိမ်နီးချင်းနိုင်ငံများက စိတ်ဝင်စားမှုမရှိဟု အမေရိကန်နိုင်ငံက ပြောဆိုလိုက်သည်။

အိန္ဒိယ၊ ထိုင်း၊ တရုတ် စသည့် မြန်မာ့အိမ်နီးချင်းနိုင်ငံတို့သည် အဆိုပါ ဒီမိုကရေစီအရေးနှင့် လူ့အခွင့်အရေး ချိုးဖောက်မှုများထက် စီးပွားရေးအကျိုးအမြတ်ကိုသာ မျှော်လင့်နေကြကြောင်း အမေရိကန်နိုင်ငံ၏ အာရှပစိဖိတ်ဆိုင်ရာ လက်ထောက် နိုင်ငံခြားရေးဝန်ကြီး မစ္စတာ ဂျိုးယွန် (Joe Yun) က ယမန်နေ့တွင် ပြောသည်။

“လက်ရှိအခြေအနေမှာ ထိုင်းနိုင်ငံအစိုးရက မြန်မာဒုက္ခသည်တွေကို ပြန်ပို့ဖို့ လိုလားနေတယ်။ တချိန်တည်းမှာပဲ မြန်မာနိုင်ငံမှာ ရင်းနှီးမြုပ်နှံမှုတွေကို တိုးချဲ့ဖို့လည်း ကြိုးစားနေတယ်။ တရုတ်နဲ့ အိန္ဒိယနိုင်ငံတွေကလည်း မြန်မာနိုင်ငံမှာ နေရာ ပိုပြီးရဖို့ အပြိုင်အဆိုင်ကြိုးစားနေကြတယ်”ဟု အမေရိကန်အစိုးရ၏ အကြီးတန်းအရာရှိများက ယမန်နေ့ အစည်းအဝေးအပြီးတွင် ပြောဆိုသည်။

အမေရိကန် နိုင်ငံခြားရေးဝန်ကြီးဌာနတွင် ယမန်နေ့၌ Burma Soldier အမည်ရှိ ရုပ်ရှင်ဇာတ်လမ်းကို ပြသပြီးနောက် ဌာနတွင်းအစည်းအဝေး ပြုလုပ်ခဲ့ခြင်းဖြစ်သည်။ အဆိုပါ ဇာတ်လမ်းအကြောင်းကို အမေရိကန်နိုင်ငံရောက် မြန်မာစစ်သားဟောင်း ဦးမျိုးမြင့်က ရှင်းလင်းပြောဆိုပြီး ထိုင်း-မြန်မာနယ်စပ်တွင် ရှိနေသည့် ဒုက္ခသည်များမှာ ထိုင်းအစိုးရ ပြန်ပို့မည့်အရေးကို တွေးပူနေကြကြောင်းလည်း ပြောသည်။

တရုတ်နှင့် အိန္ဒိယနိုင်ငံတို့သည် သမိုင်းကြောင်းတွင်လည်း ပြိုင်ဆိုင်မှုများရှိခဲ့ပြီး မြန်မာနိုင်ငံသည် ၎င်းတို့နှစ်နိုင်ငံ ယှဉ်ပြိုင်ရာ ကစားကွင်းဖြစ်ကြောင်း၊ ထို့ကြောင့် မဟာဗျူဟာကျကျ တွေးခေါ်မှုများလိုအပ်ပြီး နောက်မှသာ တခြားကိစ္စများဖြစ်သည့် လူ့အခွင့်အရေးကိစ္စများကို ဆက်လက် အကောင်အထည်ဖော်ကြရမည်ဟုလည်း မစ္စတာ ဂျိုးယွန်က ဆိုသည်။

လူဦးရေ၊ ဒုက္ခသည်များနှင့် ရွှေ့ပြောင်းနေထိုင်မှုဆိုင်ရာ အမေရိကန် လက်ထောက်အတွင်းရေးမှူးဖြစ်သူ မစ္စတာ အဲရစ် ရှဝါ့ဇ် (Eric Schwartz) က ထိုင်းနိုင်ငံအနေဖြင့် ဒုက္ခသည်များကို ပြန်ပို့ခဲ့ပါက အမေရိကန်နိုင်ငံက သဘောတူမည်မဟုတ်ကြောင်း၊ ၂၀၁၀ ခုနှစ် မြန်မာ့ရွေးကောက်ပွဲအပြီးတွင် နိုင်ငံအတွင်း၌ နိုင်ငံရေးအရ တိုးတက်မှုများရှိလာသည်ဟု ထိုင်းနိုင်ငံက ယုံကြည်နေသော်လည်း အမေရိကန်အစိုးရက ထိုအချက်ကို ယုံကြည်မှုမရှိကြောင်း ပြောသည်။

အိန္ဒိယနိုင်ငံနှင့် တရုတ်နိုင်ငံတို့ သတိထားရမည်မှာ မြန်မာအစိုးရသည် ဖိနှိပ်မှုများစွာဖြင့် တိုင်းပြည်ကို အုပ်ချုပ်နေကြောင်း၊ တိုင်းပြည်တွင်း မငြိမ်သက်မှုများကိုပါ သတိပြုရမည်ဖြစ်ကြောင်း မစ္စတာ ရှဝါ့ဇ်က ဆက်လက်ပြောသည်။

ကရင် နယ်ခြားစောင့် ၂၀ ကျော် KNU နှင့် ပူးပေါင်း

သန်းထိုက်ဦး Tuesday, 26 April 2011 17:35

ကရင်နယ်ခြားစောင့်တပ် အမှတ် ၁၀၁၂ မှ တပ်ခွဲမှူး ဗိုလ် စောဖားမီး အပါအ၀င် တပ်ဖွဲ့ဝင် ၂၈ ဦးက လက်နက်များနှင့် အတူ ကရင်ပြည်နယ် ဖာပွန်ခရိုင်ရှိ ကရင် အမျိုးသား အစည်းအရုံး (KNU) တပ်မဟာ ၅ ထိန်းချုပ်ဒေသသို့ ယခု ရက်ပိုင်း အတွင်း လာရောက်ပူးပေါင်းခဲ့သည်။

ဗိုလ်ဖားမီးသည် ကရင်ပြည်နယ် လှိုင်းဘွဲ့မြို့ မြိုင်ကြီးငူ အထူးဒေသတွင် လှုပ်ရှားနေသော အခြား နယ်ခြားစောင့်တပ်ဖွဲ့ တဖွဲ့ ကို ပြီးခဲ့သည့် သောကြာနေ့ မွန်းလွဲပိုင်းက ၀င်ရောက်ပစ်ခတ်ခဲ့ပြီးနောက် KNU ဘက်သို့ လာရောက်ပူးပေါင်းခဲ့ကြောင်း ကရင် အမျိုးသား လွတ်မြောက်ရေးတပ်မတော်(KNLA) တပ်မဟာ ၇ မှ ဗိုလ်မှူးချုပ် စောဂျော်နီက ဧရာဝတီသို့ ပြောသည်။

ယင်း တပ်ဖွဲ့ဝင်၂၈ ဦးတို့က လက်နက် ကိုယ်စီ အပြင် အပိုလက်နက်များကို ယူဆောင်ပြီး လာရောက် ပူးပေါင်းခဲ့ခြင်းဖြစ်သည်ဟုလည်း ၎င်းက ဆိုသည်။

ဗိုလ်စောဖားမီး အဖွဲ့က တိုက်ပွဲဖြစ်ပွားမှုကြောင့် တပ်ဖွဲ့ဝင် ၃ ဦး သေဆုံးခဲ့ကြောင်း၊ စစ်လက်နက် ပစ္စည်းများ သိုလှောင်ထား သော ဂိုဒေါင်တခုနှင့် စစ် တန်းလျား တခုကိုလည်း မီးရှို့ဖျက်ဆီးလိုက်ကြောင်း သိရသည်။

နောက်ဆုံး သတင်းအရ အလားတူပင် ကရင်ပြည်နယ် ကြာအင်းဆိပ်ကြီးမြို့နယ် ကျိုက်ဒုံမြို့နယ်ခွဲရှိ ကျေးရွာများတွင် အစိုးရ စစ်တပ်နှင့် တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA) တပ်များ တိုက်ပွဲဖြစ်ပွားမှုကြောင့် ဒေသခံများ နီးစပ်ရာ အသိမိတ်ဆွေများထံသို့ ထွက်ပြေး တိမ်းရှောင် နေရကြောင်း ကြာအင်းဆိပ်ကြီး မြို့မှ ဒေသခံ တဦးက ဧရာဝတီသို့ ပြောသည်။

“ကျိုက်ဒုံမြို့ အခြေအနေ တော်တော်လေးကို ဆိုးနေတယ်၊ လူတောင် မရှိတော့ဘူး၊ ကျိုက်ဒုံဘက်မှာ စနေနေ့ညက စပြီးဖြစ် တာ ဒီနေ့ အထိပဲ၊ ညပိုင်းဆို ပစ်နေကြပြီ၊ အဲဒီလိုမျိုး ဖြစ်နေတယ်”ဟု ၎င်းက ဆိုသည်။

“ကျိုက်ဒုံက အစိုးရ၀န်ထမ်းတွေဆိုလည်း သူတို့ နီးစပ်ရာ ကြာအင်းဆိပ်ကြီးမြို့ကို ပြန်လာကြတယ်၊ ကျိုက်ဒုံမြို့ထဲက လူတွေ ကလည်း မြို့ထဲမှာ မနေကြတော့ဘူး၊ လုံခြုံမယ်လို့ထင်တဲ့ ဘေးနားကရွာတွေမှာ လိုက်နေကြတယ်”ဟု ကြာအင်းဆိပ်ကြီး ဒေ သခံက ဆက်ပြောသည်။

အစိုးရတပ်နှင့် DKBA တပ်ဖွဲ့ဝင်များ ဖြစ်ပွားခဲ့သော တိုက်ပွဲများတွင် အစိုးရဘက်မှ ၁၉ ဦး သေဆုံးပြီး ၁၇ ဦး ထိခိုက် ဒဏ်ရာ ရရှိခဲ့ကြောင်း KNU တပ်မဟာ ၇ မှ ဗိုလ်မှူးချုပ် စောဂျော်နီက ပြောသည်။

တိုက်ပွဲကြောင့် သေဆုံးသူများထဲတွင် စစ်အစိုးရတပ်မှ ဒု ဗိုလ်အဆင့်ရှိသူ တဦးနှင့် တပ်ကြပ်ကြီးတို့ ပါဝင်ကြောင်း ၎င်းက ဆို သည်။ DKBA တပ်ဖွဲ့ဝင်များက အစိုးရတပ် စစ်ဆင်ရေးကွပ်ကဲမှုဌာနချုပ်(စကခ) ၅ လက်အောက်ခံ ခြေမြန်တပ်ရင်း (ခမရ) ၅၄၃ တပ်ဖွဲ့ဝင်များကို ၀င်ရောက်တိုက်ခိုက်ခြင်း ဖြစ်ကြောင်း သိရသည်။

ကရင်ပြည်နယ် ဖာပွန်မြို့နယ်ရှိ ကမမောင်းမြို့တွင်လည်း ပြီးခဲ့သည့် စနေနေ့ကပင် DKBA တပ်မဟာ ၅ မှ တပ်မဟာမှူး ဗိုလ် မှူးကြီး နှုတ်ခမ်းမွေး (စောလားပွယ်) ဦးဆောင်သောတပ်ဖွဲ့ဝင် တချို့က အစိုးရတပ်များကို သွားရောက်တိုက်ခိုက်ခဲ့သေးသည်။

ယင်းတိုက်ပွဲတွင် အစိုးရတပ် ခြေမြန်တပ်ရင်း(ခမရ) ၂၁၂ တပ်ရင်းမှ စပါးကျီတလုံးနှင့် လက်နက်ခဲယမ်းများ သိုလှောင် ထား သော အဆောက်အအုံတခုကို မီးရှို့လိုက်ကြောင်း သိရသည်။

ပြီးခဲ့သည့် နှစ်က DKBA တပ်ဖွဲ့ဝင်များက မြို့ပေါ်၌ ပြောက်ကျား စနစ်ဖြင့် ပြန်လည်တိုက်ခိုက်သွားမည်ဟု ထုတ်ပြန်ကြေညာ ခဲ့ပြီးနောက် မြို့ပေါ်တိုက်ပွဲများ ပိုစိတ်လာသည်။ ယင်း DKBAတပ်ဖွဲ့ဝင်များကိုလည်း နားလည်မှုဖြင့် KNLA တပ်ဖွဲ့ များက ကူ တိုက်ပေးကြောင်း သိရသည်။

အမျိုးသား ထောက်လှမ်းရေးအဖွဲ့ကို ကာချုပ် ဦးစီးမည်

ဧရာဝတီ Tuesday, 26 April 2011 10:40

တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်က အမျိုးသား ထောက်လှမ်းရေး အဖွဲ့ (NIB) ဖွဲ့စည်းရန် ဆောင်ရွက်လျက် ရှိကြောင်း နေပြည်တော် အခြေစိုက် စစ်ဘက်အသိုင်းအ၀န်းမှ သတင်းရရှိသည်။

ဗိုလ်ချုပ်မှူးကြီးသန်းရွှေသည် တပ်မတော်ကာကွယ်ရေး ဦးစီးချုပ် ရာထူးတာဝန်ကို ဗိုလ်ချုပ်ကြီး မင်းအောင်လှိုင် ထံသို့ လွှဲပြောင်းမပေးခင်ကပင် အမျိုးသားထောက်လှမ်းရေး အဖွဲ့ဖွဲ့စည်းရန် တရားဝင် ညွှန်ကြားခဲ့ခြင်း ဖြစ်ပြီး ယခုအခါ အဆိုပါ ညွှန်ကြားချက်အတိုင်း ဗိုလ်ချုပ်ကြီးမင်းအောင်လှိုင်က အကောင်အထည်ဖော်လျက် ရှိကြောင်း သိရှိရသည်။

အမျိုးသား ထောက်လှမ်းရေးအဖွဲ့ဖွဲ့စည်းရန် သမ္မတဦးသိန်းစိန် ဦးဆောင်သော အမျိုးသား လုံခြုံရေးကောင်စီက တရားဝင် ခွင့်ပြုထားကြောင်း၊ အဓိကအားဖြင့် ကာကွယ်ရေးဝန်ကြီးဌာန၊ နယ်စပ်ရေးရာ လုံခြုံရေးဝန်ကြီးဌာန၊ ပြည်ထဲရေး ၀န်ကြီးဌာန စသည့် ဌာန ၃ ခုကို ပူးပေါင်းဖွဲ့စည်းမည်ဖြစ်ကြောင်း၊ လိုအပ်ချက် အရ တခြားသော အရပ်ဘက်ဆိုင်ရာ ၀န်ကြီးဌာန များသည်လည်း အမျိုးသားထောက်လှမ်းရေး အဖွဲ့နှင့် ပူးပေါင်းဆောင်ရွက်ရမည် ဖြစ်ကြောင်း နေပြည်တော် စစ်ဘက်ဆိုင်ရာ အရာရှိတဦးက ပြောသည်။

“အဲဒီအဖွဲ့က အမျိုးသားလုံခြုံရေးကောင်စီရဲ့ အုပ်ချုပ်မှုအောက်မှာ ထားမယ်လို့ သိရပါတယ်” ဟု နေပြည်တော် စစ်ဘက်အသိုင်းအ၀န်းနှင့် နီးစပ်သူတဦးက ပြောသည်။

အမျိုးသား ထောက်လှမ်းရေးအဖွဲ့သည် ပြည်တွင်းနိုင်ငံရေးပါတီများနှင့် တိုင်းရင်းသား နိုင်ငံရေးပါတီများ၏ နိုင်ငံရေး လှုပ်ရှားမှုများ၊ လက်နက်ကိုင် တိုင်းရင်းသားအဖွဲ့များနှင့် ငြိမ်းချမ်းရေး ရယူထားသော တိုင်းရင်းသားအဖွဲ့အစည်းများ၏ လှုပ်ရှားမှုများ၊ ပြည်တွင်းအကြမ်းဖက် ဖောက်ခွဲမှုလုပ်ရပ်များ၊ တပ်မတော်တွင်း သွေးခွဲမည့်လုပ်ရပ်များ အပါအ၀င် နိုင်ငံတော် လုံခြုံရေးနှင့် တည်ငြိမ်ရေးကို ပျက်ပြားစေနိုင်သော အရေးကိစ္စအားလုံးကို စုံစမ်းထောက်လှမ်း အရေးယူ သွားမည်ဟု သိရသည်။

ကာကွယ်ရေး ဦးစီးချုပ် ဗိုလ်ချုပ်ကြီးမင်းအောင်လှိုင်သည် ဗိုလ်ချုပ်မှူးကြီး သန်းရွှေထံသို့ စစ်ဘက်နှင့် လုံခြုံရေးဆိုင်ရာ လျှို့ဝှက် အစီရင်ခံစာ ပေးပို့ခြင်း၊ လူကိုယ်တိုင် သွားရောက် သတင်းပို့ခြင်းများ လုပ်ဆောင်လျက် ရှိသည်ဟု နေပြည်တော် စစ်ဘက် အသိုင်းအ၀န်းက ဆိုသည်။

သမ္မတ ဦးသိန်းစိန် ဦးဆောင်သော အစိုးရသည် မတ်လ ၃၀ ရက်နေ့မှ စတင်ပြီး နိုင်ငံတော် အာဏာကို တရားဝင် ရယူခဲ့သည်။

မိဘမဲ့ကလေးများ ရန်ပုံငွေ IC ရှိုးပွဲ ခွင့်ပြုချက်မရ

စည်သူ Tuesday, 26 April 2011 12:24

နေပြည်တော် ပျဉ်းမနား၌ ဧပြီ ၂၆ ရက် ယနေ့တွင် မိဘမဲ့ကလေးများ ရန်ပုံငွေပွဲအဖြစ် ကျင်းပမည့် နာမည်ကြီး အဆိုတော်များနှင့် IC တေးဂီတ၀ိုင်း၏ စင်တင်ဖျော်ဖြေပွဲကို အာဏာပိုင်များက ခွင့်ပြုချက်မပေးသောကြောင့် ပွဲပျက်သွားခဲ့သည်။

အစိုးရနှင့် နီးစပ်သည့် စီးပွားရေးလုပ်ငန်းရှင် တဦးဖြစ်သူ ဦးတေဇ ၏ ပုဂံဖျော်ဖြေရေးအဖွဲ့မှ စီစဉ်ကာ ပျဉ်းမနားမြို့ရှိ စမ တောင်မှ မိဘမဲ့ကလေးများ ရန်ပုံငွေပွဲအဖြစ် ကျင်းပမည့် IC ရှိုးပွဲကို အာဏာပိုင်များက လုံခြုံရေး အကြောင်းပြချက်ဖြင့် ပွဲမိန့် မပေးသောကြောင့် ပွဲပျက်ခဲ့ရခြင်းဖြစ်သည်ဟု ဒေသခံများက ပြောသည်။

အမည်မဖော်လိုသူပျဉ်းမနားမြို့နယ် အထွေထွေအုပ်ချုပ်ရေး ဦးစီးဌာန တာဝန်ရှိသူတဦးက“အစက ပွဲမိန့်ကို မြန်မာနိုင်ငံ ရဲတပ်ဖွဲ့ကကော ပြည်ထဲရေးဝန်ကြီးဌာနကပါ ပေးတယ်။ နောက် သတင်းတပ်ဖွဲ့နဲ့ တပ်မတော် စစ်ဘက်ရေးရာလုံခြုံရေးအဖွဲ့(စရဖ) က လုံခြုံရေးကြောင့် ပွဲမိန့်မပေးသင့်တဲ့အကြောင်း ကန့်ကွက်ရာက ပွဲပျက်သွားတယ်လို့ သိရပါတယ်”ဟု ပြောပြသည်။

“ကျနော်တို့ဆို လက်မှတ်ဝယ်ပြီး ကြည့်ဖို့ အားခဲထားတာ။ ၂၅ ရက်နေ့ ညနေမှ အကြောင်းအမျိုးမျိုးကြောင့် ပွဲပျက်သွားတယ် ဆို တာ ကြော်ငြာလိုက်ကပ်မှ ပွဲ မဖြစ်တော့ဘူးဆိုတာ သိရတယ်”ဟု ပျဉ်းမနားမြို့ခံလူငယ်တဦးကလည်း ပြောသည်။

ယင်း ရှိုးပွဲ လက်မှတ်ခများကို ကျပ် ၂၀၀၀၀၊ ၁၅၀၀၀ နှင့် ၇၀၀၀ သတ်မှတ်ထားပြီး လေးဖြူ၊ အငဲ၊ မျိုးကြီး၊ ၀ိုင်ဝိုင်း၊ လင်းလင်းနှင့် ချမ်းချမ်းတို့ ဖျော်ဖြေသွားမည်ဟု ကြော်ငြာတွင် ပါရှိသည်။

ထိုသို့ ပွဲပျက်သွားသည့်အတွက် ကြိုတင်လက်မှတ် ၀ယ်ယူထားသူများကို လက်မှတ်ဖိုးငွေများ ပြန်လည်ထုတ်ပေးမည်ဖြစ်ကြောင်း သိရသည်။

သမ္မတ အကြံပေးအဖွဲ့ ဖွဲ့

By ကျော်ကျော်သိန်း အင်္ဂါ, 26 ဧပြီ 2011

နိုင်ငံတော်သမ္မတအတွက် အကြံပေးအဖွဲ့ကို အဖွဲ့ဝင် ၉ ယောက်နဲ့ ဖွဲ့စည်းလိုက်ပြီ ဖြစ်ပါတယ်။ သမ္မတက အကြံပေးအဖွဲ့ ဖွဲ့တယ်ဆိုတာဟာ နိုင်ငံတကာမှာ လုပ်နေကြတဲ့ နည်းလမ်းနဲ့ ကိုက်ညီပြီး သင့်တော်တဲ့ အကြံဉာဏ်တွေကို ပေးသွားမှာ ဖြစ်တယ်လို့ အကြံပေးအဖွဲ့မှာပါတဲ့ ပညာရှင်တဦးက ဗွီအိုအေကို ပြောပါတယ်။

အကြံဉာဏ်တောင်းပြီးရင် တကယ် အကောင်အထည်ဖော်ဖို့တော့ လိုတယ်လို့ အမျိုးသား ဒီမိုကရေစီ အဖွဲ့ချုပ် (NLD) က ပြောပါတယ်။ အပြည့်အစုံကို ဘန်ကောက်ကနေ စုံစမ်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။

ပြည်ထောင်စု အစိုးရအဖွဲ့ ဥပဒေမှာ ပြဋ္ဌာန်းချက်နဲ့အညီ နိုင်ငံတော်သမ္မတက အကြံပေးအဖွဲ့ကို ဖွဲ့စည်းလိုက်တဲ့အကြောင်း ဧပြီလ ၁၉ ရက် နေ့စွဲနဲ့ အမိန့်ကြော်ငြာစာ ထုတ်ပြန်ခဲ့တာပါ။ အကြံပေးအဖွဲ့ကို နိုင်ငံရေး၊ စီးပွားရေးနဲ့ ဥပဒေရေးရာလို့ သုံးဖွဲ့ခွဲထားပြီး တဖွဲ့ဆီမှာ အဖွဲ့ခေါင်းဆောင် ၁ ယောက်၊ အဖွဲ့ဝင် ၂ ယောက်၊ ပေါင်း ၃ ယောက်နဲ့ စုစုပေါင်း ၉ ယောက် ပါဝင်ပါတယ်။ အကြံပေးပုဂ္ဂိုလ်စာရင်း အပြည့်အစုံကို အဖွဲ့ထဲမှာ ပါဝင်တဲ့ စီးပွားရေး ပညာရှင် ဒေါက်တာ ဦးမြင့်က ဗွီအိုအေကို ပြောပြပါတယ်။

“စီးပွားရေး အကြံပေးအဖွဲ့မှာ နံပါတ် ၁ - ဒေါက်တာ ဦးမြင့် ကျနော်ပေါ့ဗျာ၊ အဖွဲ့ခေါင်းဆောင်၊ နံပါတ် ၂ - ဦးဆက်အောင် အဖွဲ့ဝင်၊ နံပါတ် ၃ - ဒေါက်တာ တင်လှဗိုလ်၊ နိုင်ငံရေး အကြံပေးအဖွဲ့ နံပါတ် ၁ - ဦးကိုကိုလှိုင် အဖွဲ့ခေါင်းဆောင်၊ နံပါတ် ၂ - ဒေါက်တာ နေဇင်လတ် အဖွဲ့ဝင်၊ ဦးရဲတင့် အဖွဲ့ဝင်၊ နောက် ဥပဒေ အကြံပေးအဖွဲ့ နံပါတ် ၁ - ရဲမှူးကြီး စစ်အေး(ငြိမ်း) အဖွဲ့ခေါင်းဆောင်၊ နံပါတ် ၂ - ဒေါ်ခင်မျိုးမြင့် အဖွဲ့ဝင်၊ နံပါတ် ၃ - ဦးသန်းကျော် အဖွဲ့ဝင်။”

ဒေါက်တာ ဦးမြင့်ဟာ ရန်ကုန် စီးပွားရေးတက္ကသိုလ်၊ ရန်ကုန် ပညာရေးတက္ကသိုလ်၊ နိုင်ငံခြားရေး ဝန်ကြီးဌာန၊ ထိုင်းနိုင်ငံ ဘန်ကောက်မြို့ အခြေစိုက် ကုလသမဂ္ဂ စီးပွားရေးနဲ့ လူမှုရေး ကော်မရှင်၊ အာရှနဲ့ ပစိဖိတ်ဒေသရုံးမှာ ဖွံ့ဖြိုးမှု အနည်းဆုံးသော နိုင်ငံတွေရဲ့ သုတေသနနဲ့ ဖွံ့ဖြိုးရေး မူဝါဒများ လေ့လာဆန်းစစ်ရေး ဌာနခွဲမှူး၊ အထက်တန်း စီးပွားရေး ပညာရှင် စသည်ဖြင့် တာဝန်ထမ်းဆောင်ခဲ့ဖူးပါတယ်။

စီးပွားရေး သုတေသန စာတမ်းတွေ၊ ဆွေးနွေးပွဲတွေအတွက် အထောက်အကူပြု စာတမ်းတွေ၊ အာရှနဲ့ ပစိဖိတ်ဒေသရဲ့ စီးပွားရေးနဲ့ လူမှုရေးစစ်တမ်း စာစောင်တွေ ပြုစုရေးသားခဲ့သလို မြန်မာနိုင်ငံ ဝိဇ္ဇာနဲ့သိပ္ပံ ပညာရှင် အဖွဲ့မှာ အဖွဲ့ဝင်တဦးဖြစ်ပြီး ပြည်တွင်း စီးပွားရေးကဏ္ဍနဲ့ ပတ်သက်လို့ ဟောပြော ဆွေးနွေး ပို့ချတာတွေ၊ အကြံဉာဏ်ပေးတာတွေ လုပ်နေသူ ဖြစ်တယ်လို့ ၂၀၀၉ ခုနှစ်၊ မတ်လထုတ် Living Color မဂ္ဂဇင်းကို ကိုးကားပြီး ၀ီကီမြန်မာ အင်တာနက် စာမျက်နှာမှာ ဖော်ပြထားပါတယ်။

သူ့အနေနဲ့ ဖြစ်သင့်တဲ့ အကြံဉာဏ်တွေကို ပေးသွားမှာ ဖြစ်တယ်လို့ ဒေါက်တာ ဦးမြင့်က ပြောပါတယ်။
“ဘယ်နိုင်ငံမှာမဆို သမ္မတ အနေနဲ့ကတော့ အကြံပေးအရာရှိတွေ ဖွဲ့တာပေါ့ဗျာ။ ဒါ အပြည်ပြည်ဆိုင်ရာ International Practice နဲ့ ညီတယ်ပေါ့။ ဒီဟာတော့ တခါမှ မကြုံခဲ့ရဘူးပေါ့။ အခြေအနေက မတူတဲ့ဟာလေး ဖြစ်နေတာပေါ့။ နိုင်ငံတော် အကြီးအကဲက တခါမှ ဆရာ့ကို ခေါ်တွေ့တာလည်း မရှိဘူး။ ၁၆ နှစ်ရှိပြီ။ တခါမှ မရှိဘူး။ ဒါလေးက နည်းနည်း ထူးခြားတာပေါ့။ ဆရာလည်း ပေးမှာပဲ၊ ကြိုက်တာ မကြိုက်တာတော့ ဆရာ မသိဘူး။ သူတို့ကလည်း ဆရာ့ကို ပေးပါလို့ ပြောထားတယ်။ ဖြစ်တာ မဖြစ်တာတော့ ဆရာ မသိဘူး။ ပေးမှာတော့ သေချာတယ်၊ မပူနဲ့။”

၁၉၈၈ ခုနှစ်မှာ စစ်တပ်က အာဏာသိမ်းယူပြီးတဲ့နောက် ကာကွယ်ရေးဦးစီးချုပ် ဖြစ်သူက တိုင်းပြည်အာဏာ အရပ်ရပ်ကို ချုပ်ကိုင်ပြီး စစ်အာဏာရှင်ပုံစံ အုပ်ချုပ်ခဲ့တာပါ။ အခု သမ္မတ ဗိုလ်ချုပ်ကြီးဟောင်း ဦးသိန်းစိန် ဦးဆောင်တဲ့ အစိုးရအဖွဲ့ မပေါ်ခင်ထိ အုပ်ချုပ်ခဲ့တဲ့ စစ်ကောင်စီခေါင်းဆောင် ဗိုလ်ချုပ်မှူးကြီး သန်းရွှေမှာ အကြံပေးအဖွဲ့ရှိတယ် ဆိုတာမျိုး၊ သက်ဆိုင်ရာ ကျွမ်းကျင်သူတွေဆီက အကြံဉာဏ်တောင်းတယ် ဆိုတာမျိုး တခါမှ မကြားခဲ့ရဖူးပါဘူး။
အကြံပေးအဖွဲ့ဆီကနေ လိုအပ်တဲ့ အကြံဉာဏ်တွေကို တောင်းယူပြီး အကောင်အထည်ဖော်ဖို့လည်း လိုမယ်လို့ NLD ပြောရေးဆိုခွင့်ရှိသူ ဦးဉာဏ်ဝင်းက ပြောပါတယ်။

“အကြံပေးတဲ့ဟာကို လိုက်နာရင်တော့ ကောင်းမှာပေါ့။ အကြံပေးတာကို အကြံပဲ ယူပြီးတော့ မလိုက်နာရင်တော့လည်း အကျိုးမရှိဘူးပေါ့။ ကျနော် အကြံပေးချင်တာက တကယ် လိုအပ်တာကို အကြံဉာဏ် တောင်းဖို့ပါ။ တောင်းပြီးရင်လည်း လေးလေးစားစား ထည့်သွင်း စဉ်းစားဖို့ လိုမယ်လေ။ ဒါ အဓိကပါပဲ။”

သမ္မတဟာ အကြံပေးအဖွဲ့ကို သင့်လျော်တဲ့ ဦးရေနဲ့ ဖွဲ့စည်းနိုင်တယ်၊ အကြံပေးအဖွဲ့ဝင်တွေ ခံစားခွင့်ရှိတဲ့ ချီးမြှင့်ငွေ၊ စရိတ်နဲ့ အဆောင်အယောင်တွေကို ပြည်ထောင်စုအစိုးရ အဖွဲ့က သတ်မှတ်ပြီး အစိုးရအဖွဲ့ရဲ့ ဘဏ္ဍာရန်ပုံငွေကနေ ကျခံရမယ်လို့ ပြည်ထောင်စုအစိုးရအဖွဲ့ ဥပဒေမှာ ပြဋ္ဌာန်းထားပါတယ်။

အဲဒီနှစ်ချက်ကလွဲပြီး အကြံပေးအဖွဲ့နဲ့ ပတ်သက်တဲ့ အကျယ်တ၀င့် ပြဋ္ဌာန်းချက်တွေ မရှိပါဘူး။ အကြံပေးအဖွဲ့တွေနဲ့ အကြံပေး ပုဂ္ဂိုလ်တွေကို ဧပြီလ ၁၁ ရက်နေ့ နံနက်ပိုင်းကနေစပြီး ဖွဲ့စည်း ခန့်အပ်လိုက်တဲ့အကြောင်း ဧပြီလ ၁၉ ရက် နေ့စွဲတပ် အမိန့်ကြော်ငြာစာနဲ့ ပြည်ထောင်စုအစိုးရအဖွဲ့၊ အတွင်းရေးမှူး လက်မှတ်ထိုးပြီး ထုတ်ပြန်ခဲ့တာ ဖြစ်ပေမဲ့ ခုချိန်ထိတော့ နိုင်ငံပိုင် သတင်းမီဒီယာတွေမှာ ထုတ်ပြန်ကြေညာတာ မရှိသေးပါဘူး။

ဂျပန်ရင်းနှီးမြှုပ်နှံရေး မြန်မာသံအမတ် တိုက်တွန်း

By ဦးကျော်ထင် အင်္ဂါ, 26 ဧပြီ 2011

မြန်မာနိုင်ငံမှာ အစိုးရသစ် ပြောင်းသွားပြီဖြစ်လို့ မြန်မာပြည်ထဲ လာပြီး ရင်းနှီးမြှုပ်နှံမှုတွေ လုပ်ကြဖို့ ဂျပန်ကုန်သည်ကြီးတွေကို ဂျပန်နိုင်ငံဆိုင်ရာ မြန်မာသံအမတ်ကြီးက ဒီကနေ့ တိုက်တွန်းလိုက်ပါတယ်။ အဲဒီလို တိုက်တွန်းလိုက်ပေမဲ့ ဂျပန်အစိုးရရဲ့ မြန်မာနိုင်ငံဆိုင်ရာ မူဝါဒနဲ့ မြန်မာနိုင်ငံရဲ့ ရင်းနှီးမြှုပ်နှံမှုဆိုင်ရာ အခြေအနေတွေကြောင့် အကြီးစား ကုန်ထုတ်လုပ်ငန်း ကဏ္ဍတွေမှာ ရင်းနှီးမြှုပ်နှံမှုတွေ လုပ်ကြမှာ မဟုတ်ဘူးလို့ လေ့လာ သုံးသပ်သူတွေက ပြောကြပါတယ်။ အပြည့်အစုံကို စုံစမ်းထားတဲ့ ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြပေးထားပါတယ်။

မြန်မာသံအမတ်သစ် ဦးခင်မောင်တင့်က အစိုးရသစ် ပြောင်းသွားပြီဖြစ်လို့ စီးပွားရေး လုပ်ငန်းရှင်တွေ လာရောက် ရင်းနှီးမြှုပ်နှံကြဖို့ တိုကျို ကုန်သည်ကြီးများ အသင်းမှာ ဒီကနေ့မနက်ပိုင်း ဟောပြောခဲ့တာပါ။ အခုပြောဆိုမှုဟာ ရင်းနှီးမြှုပ်နှံမှုနဲ့ ပတ်သက်ပြီး ဂျပန်မှာ တာဝန်ယူရတဲ့ မြန်မာသံအမတ် တယောက်ရဲ့ ပထမဆုံးအကြိမ် ပြောဆိုမှုလည်း ဖြစ်ပါတယ်။

မြန်မာ့အရေး သုံးသပ်သူ ဂျပန်လူမျိုး ဦးရွှေဘကတော့ အခုလို ဆွဲဆောင်တယ် ဆိုပေမဲ့ ထင်သလောက် မလွယ်ဘူးလို့ ဆိုပါတယ်။

“တချို့ စီးပွားရေးသမား ဆိုရင်တော့ အခွင့်ကောင်းကိုရှာပြီး စူးစမ်းတဲ့သဘော အနေနဲ့ မြန်မာပြည်မှာ အန္တရာယ် ရှိပေမဲ့ အမြတ်ရဖို့ အလားလာရှိတယ် ဆိုပြီး ရင်နှီးမြှုပ်နှံဖို့ အလားအလာရှိမယ် ထင်ပါရဲ့။ ဒါပေမဲ့ အစိုးရအနေနဲ့ ဗမာအစိုးရက တကယ့်တကယ် ဒီမိုကရေစီဘက်ကို ဦးတည်တာ မဟုတ်ဘူးဆိုတဲ့ အမြင်ရှိတယ်ဆိုတော့ အစိုးရအနေနဲ့တော့ ဗမာပြည်မှာ အကြီးအကျယ် ရင်းနှီးမြှုပ်နှံဖို့ ဆိုတာမျိုး သိပ်မရှိဘူးလို့ ထင်ပါတယ်။ လုပ်ငန်းရှင်တွေက မြန်မာပြည်ကို တခုခုလုပ်ဖို့ သိပ်မရှိဘူးလို့ ကျနော်ထင်တယ်။ အသေးစားပေါ့နော်၊ အ၀တ်အထည်တို့၊ အသေးစား လုပ်ငန်းတွေပဲ မြန်မာပြည်မှာ လုပ်နိုင်မယ် ထင်ပါတယ်။”

အမေရိကန်နဲ့ EU နိုင်ငံတွေကတော့ မြန်မာနိုင်ငံမှာ အစိုးရသစ် ပြောင်းသွားတယ် ဆိုပေမဲ့ ဒီမိုကရေစီ အပြောင်းအလဲတခု မဟုတ်တာကြောင့် ဒဏ်ခတ်ပိတ်ဆို့ အရေးယူမှုတွေ ဆက်ရှိနေဆဲ ဖြစ်ပါတယ်။ ဒါကြောင့်ပဲ မြန်မာအစိုးရသစ်ဟာ သူတို့ကို လက်ခံနိုင်မယ်လို့ ယူဆရတဲ့ စီးပွားရေး အင်အားကြီး နိုင်ငံတွေကို ချဉ်းကပ်လာတယ်လို့လည်း သုံးသပ်မှုတွေ ရှိနေပါတယ်။

တိုကျိုအခြေစိုက် မြန်မာ့ရေးရာရုံး ညွှန်ကြားရေးမှူး ဒေါက်တာမင်းညိုကတော့ ဂျပန်အစိုးရ အနေနဲ့ မြန်မာ့ဒီမိုကရေစီရေးအတွက် မူဝါဒ ချမှတ်ပြီးသားဖြစ်လို့ အစိုးရသစ် တက်လာတယ် ဆိုပေမဲ့ မူဝါဒဆိုင်ရာ ပြောင်းလဲမှုရှိမယ် မထင်ဘူးလို့ သုံးသပ်ပါတယ်။

“ကျနော်ကတော့ မရှိဘူးလို့ ထင်တယ်လေ။ ဂျပန်အစိုးရရဲ့ ပေါ်လစီက မြန်မာပြည်မှာ ဒီမိုကရေစီရအောင် လုပ်တဲ့အချိန်မှာ အတိုက်အခံတွေ အားလုံး ပါရမယ်ဆိုတဲ့ အချက်အလက် ရှိပါတယ်။ ဒေါ်အောင်ဆန်းစုကြည်တို့၊ NLD တို့၊ တိုင်းရင်းသား ခေါင်းဆောင်တို့၊ နောက်တခါ နိုင်ငံရေး အကျဉ်းသားတွေကို လွှတ်ပေးရမယ်ဆိုတဲ့ အချက် ၂ ချက် ရှိပါတယ်။ အဲဒီ ၂ ချက်က သူတို့ လျှော့ရခက်မယ် ထင်တယ်။ အဲဒီ ၂ ချက် မရှိဘဲ လတ်တလော ရင်းနှီးမြှုပ်နှံမှုကို ဂျပန်အစိုးရ အနေနဲ့ အကြီးအကျယ် လုပ်ဖို့ကတော့ ခဲယဉ်းလိမ့်မယ်လို့ ထင်တယ်။”

အခြားတဘက်မှာလည်း ဂျပန်အနေနဲ့ ရင်းနှီးမြှုပ်နှံမှုတွေ လုပ်မယ်ဆိုရင် အခွင့်အလမ်းတွေ၊ လုပ်သာကိုင်သာရှိတဲ့ ရင်းနှီးမြှုပ်နှံမှုဆိုင်ရာ ဥပဒေတွေနဲ့ နိုင်ငံရေး တည်ငြိမ်မှုကိုလည်း ထည့်သွင်း စဉ်းစားတာကြောင့် ဒါတွေကို ပြောင်းလဲဖို့ လိုတယ်လို့လည်း သုံးသပ်မှုတွေ ရှိနေပါတယ်။
ဒါကြောင့်ပဲ ဒီအချိန်မှာ ဂျပန်က ရင်းနှီးမြှုပ်နှံမှုရှိမယ် ဆိုရင်တောင်မှ ကြီးကြီးမားမားရှိမယ် မထင်ဘူးလို့ ဒေါက်တာမင်းညိုက ဆိုပါတယ်။

“သူတို့ လာလုပ်ရင်လည်း လူအင်အား အားကိုးရတဲ့အဆင့် အလုပ်မျိုးပဲ လာမယ်လေ။ ပညာပိုင်းနဲ့ဆိုင်ရာ လုပ်တဲ့ အလုပ်တွေကျတော့ ရင်းနှီးမြှုပ်နှံမှုက ပိုကြီးတာပေါ့။ အဲလိုလုပ်ငန်းတွေလည်း လာမှာမဟုတ်ဘူး။ အခုလို အခြေအနေမျိုးနဲ့ ဗမာပြည်မှာ လာလုပ်လည်း ပြောရရင် ရှုံးဖို့ရာပဲ ရှိတယ်လေ။”

ဂျပန်ဟာ မြန်မာနိုင်ငံမှာ အမေရိကန်ဒေါ်လာ ၂၀၅ သန်းနီးပါး ရင်းနှီးမြှုပ်နှံထားပြီး ဒါဟာ မြန်မာနိုင်ငံမှာ ရင်းနှီးမြှုပ်နှံတဲ့ နိုင်ငံတွေထဲ အဆင့် ၁၂ ရှိတဲ့နိုင်ငံ ဖြစ်ပါတယ်။ မြန်မာနိုင်ငံရဲ့ နိုင်ငံခြား ရင်းနှီးမြှုပ်နှံမှုကဏ္ဍ အားလုံးနီးပါးဟာ လူအများအပြားကို အလုပ်အကိုင်၊ အခွင့်အလမ်း ပေးနိုင်တဲ့ ထုတ်ကုန်လုပ်ငန်းတွေမှာ မဟုတ်ဘဲ ရေနံ၊ သဘာဝဓာတ်ငွေ့၊ ဓာတ်သတ္တုတို့လို သဘာဝ သယံဇာတ ထုတ်ယူတဲ့ လုပ်ငန်းတွေ ဖြစ်ပါတယ်။

အကျဉ်းစံ သံဃာ့အရေး သာသနာ့နုဂ္ဂဟ ကြိုးပမ်းသင့်

မျိုးသန့် | အင်္ဂါနေ့၊ ဧပြီလ ၂၆ ရက် ၂၀၁၁ ခုနှစ် ၁၉ နာရီ ၀၄ မိနစ်

ချင်းမိုင် (မဇ္ဈိမ) ။ ။ ဝန်ကြီးနှစ်ဦး ဦးဆောင်သည့် သာသနာ့နုဂ္ဂဟ အသင်းအနေဖြင့် ဗုဒ္ဓသာသနာကို အမှန်တကယ် ချီးမြှောက်လိုပါက အကျဉ်းကျခံ သံဃာတော်များ ပြန်လွှတ်ရေး ကြိုးပမ်းသင့်ကြောင်း မြန်မာနိုင်ငံလုံးဆိုင်ရာ သံဃာ့တပ်ပေါင်းစု၏ ပြောရေးဆိုခွင့်ရှိသူ ဦဓမ္မသီရိက အင်္ဂါနေ့တွင် အမိန့်ရှိသည်။

“သာသနာကို တကယ်ချီးမြှောက်ချင်လို့ သာသနာ တိုးတက်ထွန်းကားတာကို မြင်ချင်တယ်ဆိုရင် ဒီအသင်းအနေနဲ့ ဖမ်းဆီးထားတဲ့ သံဃာတွေကို ပြန်လွှတ်ပေးဖို့ တောင်းဆိုပေးရမယ်” ဟု ဦးဓမ္မသီရိက မဇ္ဈိမကို မိန့်သည်။ ရခိုင်ပြည်နယ် စစ်တွေမြို့တွင် ရထားလမ်းဖောက်ရန် မလွတ်ကင်းဟု ဆိုကာ ဖျက်ဆီးရမည့် သမိုင်းဝင်ဘုရားများကို မဖျက်ရေးအတွက်ပါ ဟန့်တားပြောဆိုပေးသင့်သည်ဟု ဆိုသည်။

မြန်မာနိုင်ငံတွင် အကျဉ်းကျခံ ရဟန်းသံဃာတော် ၂၂၅ ဦးရှိသည်ဟု ထိုင်းနိုင်ငံအခြေစိုက် နိုင်ငံရေးအကျဉ်းသားများ စောင့်ရှောက်ရေးအသင်း (မြန်မာနိုင်ငံ) AAPP-B ၏ ယခုလထုတ် စာရင်းများအရ သိရသည်။ ထိုသံဃာတော်များတွင် ၂ဝဝ၇ ခုနှစ် ရွှေဝါရောင် သံဃာ့လှုပ်ရှားမှု၌ ဦးဆောင်ခဲ့သူ အရှင်ဂမ္ဘီရမှာ ထောင်ဒဏ် ၆၈ နှစ် ကျခံရကာ ယခုအခါ ကလေးမြို့ အကျဉ်းထောင်တွင် ရှိနေသည်။

ထိုအကျဉ်းကျခံ သံဃာတော်များ ပြန်လွှတ်ပေးရန် အကြိမ်ကြိမ် တောင်းဆိုခဲ့သော်လည်း ယခုထိ လွှတ်မပေးသည်မှာ သာသနာ ညှိုးနွမ်းအောင် လုပ်ဆောင်နေခြင်း ဖြစ်ကြောင်းလည်း ဦးဓမ္မသီရိက ဦးသိန်းစိန် ဦးဆောင်သည့် အစိုးရကို ဝေဖန်လိုက်သည်။

“လက်ရှိထောင်ထဲမှာ ဖမ်းဆီးခံနေရတဲ့ ရဟန်းသံဃာတွေလည်း ရှိနေတာပဲ။ ဒါတွေကိုလည်း ဦးဇင်းတို့ ပြန်လွှတ်ပါ၊ ပြန်လွှတ်ပါလို့ အကြိမ်ကြိမ် ပြောနေပေမယ့် တကယ် သာသနာကို ချီးမြှောက်ချင်တယ်၊ ထောက်ပံ့ချင်တယ်ဆိုရင် ဒီသံဃာတွေကို လွှတ်ပေးရမှာပေါ့။ တကယ်တမ်းကျတော့ ဒီသံဃာတွေဟာ သူတို့ ပုဒ်မအမျိုးမျိုးနဲ့ ဖမ်းတယ်ဆိုတာ ဒီဟာတွေဟာ သာသနာကို ညှိုးနွမ်းအောင် လုပ်နေတဲ့ ကိစ္စတွေပဲ” ဟု ဆရာတော်က မိန့်ဆိုသည်။

သာသနာ့ နုဂ္ဂဟအသင်းကို ဇေကမ္ဘာ ကုမ္ပဏီပိုင်ရှင် ဦးခင်ရွှေက ဥက္ကဋ္ဌအဖြစ် တာဝန်ယူပြီး ဦးစီးအဖွဲ့ဝင်များအဖြစ် ဦးသိန်းစိန် အစိုးရ၏ ဝန်ကြီးများဖြစ်သည့် စီးပွားရေးနှင့် ကူးသန်းရောင်းဝယ်ရေးဝန်ကြီး ဦးဝင်းမြင့်၊ ဟိုတယ်နှင့် ခရီးသွားလာရေး ဝန်ကြီးဌာနှင့် အားကစားဝန်ကြီး ဦးတင့်ဆန်း၊ ယုဇန ကုမ္ပဏီပိုင်ရှင် ဦးဋ္ဌေးမြင့်၊ ဧဒင် ကုမ္ပဏီပိုင်ရှင် ဦးချစ်ခိုင်တို့က တာဝန်ယူဆောင်ရွက်နေသည်။

ယခုအခါ အသင်းဝင်ပေါင်း ၇ သန်းခန့် ရှိနေကြောင်းနှင့် အသင်းရည်ရွယ်ချက်မှာ ဗုဒ္ဓသာသနာပြန့်ပွားရန် ဖြစ်ပြီး၊ နိုင်ငံတဝှန်းရှိ ဘုန်းတော်ကြီးသင် ပညာရေး ကျောင်းများကို ထောက်ပံ့ပေးခြင်း၊ ဘာသာခြားများ၏ စည်းရုံးသိမ်းသွင်းမှုကို ခံနိုင်ရည်ရှိရန်ပါ ရည်ရွယ်ကြောင်း ဦးခင်ရွှေက မဇ္ဈိမကို ပြောသည်။

“အဓိက ရည်ရွယ်ချက်က အခြားဘာသာတွေက ပိုက်ဆံပေးပြီး စည်းရုံးလာတယ်၊ စားဝတ်နေရေး ကျပ်တည်းတာကို အကြောင်းပြပြီးတော့ တဖြည်းဖြည်းနဲ့ အခြား ဘာသာတွေကို ကူးပြောင်းသွားတာ ရှိတယ်။ အဲဒီတော့ ကိုယ်လည်း ပြန်ထိန်းကျောင်းရမှာပေါ့” ဟု သူက ဆိုသည်။

သို့သော် ဘာသာတခုမှ အခြားဘာသာတခုသို့ ကူးပြောင်းခြင်းသည် မိမိတို့ဘာသာမှာ နိမ့်ကျခြင်းကြောင့်ဖြစ်ပြီး၊ ထိုသို့ဖြစ်အောင် ဖန်တီးသူမှာ အုပ်ချုပ်သူ အစိုးရဟု ဦးဓမ္မသီရိကမူ ဝေဖန်သည်။

“ကိုယ့်ဘာသာထဲကလူတွေ တခြားဘာသာကို မပြောင်းစေချင်ဘူးဆိုရင် ကိုယ့်ဘာသာ တိုးတက်အောင်၊ ထွန်းကားအောင်၊ အခြေအနေမြင့်အောင် လုပ်ပေးရမယ်လေ။ ဒီနေ့ သာသနာကို မြေတောင်မြှောက်ပေးခဲ့မယ်ဆိုရင် ဒီသာသနာဟာ တိုးတက်ကြီးပွားမှာပေါ့။ အခုတော့ ဒီလိုမဟုတ်ဘဲနဲ့ ကိုယ့်နိုင်ငံ ကိုယ့်အစိုးရကနေပြီးတော့ ကိုယ့်ဘာသာကို နှိပ်ကွပ်တယ်ဆိုတာ အင်မတန်မှ နာကြည်းဖွယ်ကောင်းပါတယ်” ဟု ဆရာတော်က မဇ္ဈိမကို မိန့်သည်။

မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကို ၂ဝဝ၇ စက်တင်ဘာအတွင်း မန္တလေးမြို့၌ စတင်ဖွဲ့စည်းခဲ့သည်။

သံဃာ့တပ်ပေါင်းစုအဖွဲ့က မြန်မာနိုင်ငံ အမျိုးသား ပြန်လည်သင့်မြတ်ရေးအတွက် အရှိန်မြှင့် လုပ်ဆောင်နိုင်ရန် ယခုလ ၂၃ ရက်နေ့တွင် ဦးသိန်းစိန်အစိုးရကို တိုက်တွန်းသည့် အချက်များ၌ နိုင်ငံရေးအကျဉ်းသား ပြန်လွှတ်ပေးရေးကိုလည်း တိုက်တွန်းခဲ့သည်။

နိုင်ငံရေးအကျဉ်းသားများနှင့် ပတ်သက်၍ မတ်လ လွှတ်တော်တွင်း ဆွေးနွေးမှုများ၌ အမတ်များ တင်ပြခဲ့သော်လည်း ထိုတင်ပြချက်များသည် လွှတ်တော်တွင်း မဆွေးနွေးမီ မီဒီယာများသို့ ပေါက်ကြားခဲ့ခြင်းအတွက် ပယ်ဖျက်ခံခဲ့ရသည်။

အကျဉ်းကျခံ သံဃာ ၂၂၅ ပါး အပါအဝင် နိုင်ငံရေးအကျဉ်းသားပေါင်း ၂ဝ၇၆ ဦး ရှိကြောင်း AAPP-B ၏ ယခုလထုတ် စာရင်းတွင် ပါရှိသည်။

ကုန်ဈေးနှုန်းတက်လို့ ဆင်းရဲတွင်းနက်နိုင်

By ဗွီအိုအေ (မြန်မာဌာန) အင်္ဂါ, 26 ဧပြီ 2011

အာရှ ဖွံ့ဖြိုးရေးဘဏ် (ADB) က အစားအသောက် ဈေးနှုန်းတွေ ရုတ်တရက် မြင့်တက်ကုန်တာကြောင့် ဖွံ့ဖြိုးဆဲ အာရှနိုင်ငံတွေက သန်းနဲ့ချီတဲ့ ပြည်သူတွေဟာ နက်ရှိုင်းတဲ့ ဆင်းရဲတွင်းထဲကို ကျရောက်သွားနိုင်တယ်လို့ ဆိုလိုက်ပါတယ်။

မနီလာအခြေစိုက် ငွေထုတ်ချေးတဲ့ အဖွဲ့ကြီးက ကမ္ဘာ့အစားအစာဈေး ဖောင်းပွမှုနဲ့ ဖွံ့ဖြိုးဆဲအာရှလို့ ခေါင်းစဉ်တပ်ထားတဲ့ အစီရင်ခံစာ တစောင်ကို ဒီနေ့ ထုတ်ပြန်ရာမှာ ဒီနှစ် အစပိုင်းတွေထဲမှာ ဒေသတွင်း စီးပွားရေး အတော်များများမှာ ပြည်တွင်း အစားအစာဈေး ဖောင်းပွမှုနှုန်းဟာ ပျမ်းမျှခြင်းအားဖြင့် ၁၀% ရှိခဲ့တယ်လို့ ဆိုပါတယ်။

ဒီနှုန်းထားအတိုင်း ဆက်တက်နေမယ် ဆိုရင်တော့ နောက်ထပ် လူသန်းပေါင်း ၆၄ သန်းရဲ့ ၀င်ငွေတွေဟာ ပြင်းထန်တဲ့ ဆင်းရဲမှု သတ်မှတ်ချက်ဖြစ်တဲ့ တနေ့ကို ၁.၂၅ ဒေါ်လာအောက် ကျသွားမယ်လို့ ဒီဘဏ်ကြီးက ဆိုလိုက်ပါတယ်။

ဒီအစီရင်ခံစာကပဲ မြင့်မားလာနေတဲ့ အစားအစာဈေးတွေအပြင် ရေနံစိမ်းဈေး ရုတ်တရက် မြင့်တက်ကုန်တာပါ တွဲလိုက်ရင်တော့ အာရှစီးပွားရေး တခုလုံးကိုပါ ပြင်းပြင်းထန်ထန် ထိခိုက်စေမယ့် အန္တရာယ် ရှိနေပြီလို့ သတိပေးလိုက်ပါတယ်။

ဆီးရီးယားဆန္ဒပြမှု စစ်တပ် တိုးမြှင့်နှိမ်နင်း

By ဗွီအိုအေ (မြန်မာဌာန) အင်္ဂါ, 26 ဧပြီ 2011

ဆီးရီးယားတောင်ပိုင်းက ဒါရာ (Daraa) မြို့ကို ထိန်းချုပ်ထားတဲ့ ဆီးရီးယား စစ်တပ်က ဆက်ပြီး ဖြစ်ပွားနေတဲ့ ဆန္ဒပြပွဲတွေ ရပ်ဆိုင်းသွားဖို့ စစ်အင်အားတွေ တိုးမြှင့်ချထား ကြိုးပမ်းနေကြပါတယ်။ မြို့ထဲက နာရီသစ်လို့ အမည်ပေးထားတဲ့ Flashpoint မျှော်စင်အနီးမှာလည်း သေနတ်သံတွေ ကြားနေရတယ်လို့ မျက်မြင်သက်သေတွေက ပြောပါတယ်။

ဒါရာမြို့ထဲကို ဆီးရီးယား လုံခြုံရေးတပ်ဖွဲ့တွေ မနေ့က တင့်ကားတွေနဲ့ ၀င်ရောက်လာပြီး ပစ်ခတ်မှုတွေကြောင့် အနည်းဆုံး လူ ၂၀ သေဆုံးသွားပြီး လူတွေ ကြောက်လန့်နေကြတဲ့ ရုပ်မြင်သံကြား သတင်းတွေကြောင့် နိုင်ငံတကာက ဆီးရီးယား အစိုးရကို ပြစ်တင် ရှုတ်ချနေကြပါတယ်။
ဒီနေ့မှာတော့ ကမ်းရိုးတန်း မြို့တမြို့ဖြစ်တဲ့ ဘာနီးယပ်စ် (Banias) မြို့မှာလည်း စစ်အင်အားတွေ တိုးချဲ့ချထားတယ်လို့ မျက်မြင်သက်သေတွေက ပြောပါတယ်။

မနေ့က ဒီလို အကြမ်းဖက် နှိမ်နင်းခဲ့ပေမဲ့ ဆန္ဒပြပွဲတွေ ဆက်ပြီး ဖြစ်ပွားနေတာကြောင့် ဗြိတိန် နိုင်ငံခြားရေးဝန်ကြီး ၀ီလီယမ် ဟိဂ် (William Hague) က အကြမ်းဖက် ဖြိုခွင်းတာတွေ ရပ်ဆိုင်းဖို့ ဆီးရီးယား အစိုးရကို တောင်းဆိုလိုက်ပါတယ်။

ပြင်သစ်နဲ့ အီတလီ နှစ်နိုင်ငံ ပူးတွဲကြေညာချက်တစောင် ဒီနေ့ ထုတ်ပြန်ခဲ့ရာမှာ ဆီးရီးယား အစိုးရရဲ့ အကြမ်းဖက်မှုတွေ ရပ်ဆိုင်းရေး ဆီးရီးယား အစိုးရကို ဖိအားပေးမှုတွေ လုပ်ဆောင်ကြဖို့ ဥရောပသမဂ္ဂနဲ့ ကုလသမဂ္ဂတို့ကို တိုက်တွန်းထားပါတယ်။

အမေရိကန် အစိုးရက ဆီးရီးယား အစိုးရကို ပစ်မှတ်ထား အရေးယူ ပိတ်ဆို့ ဒဏ်ခတ်တာတွေ ချမှတ်ဖို့ စီစဉ်နေတယ်လို့ အမေရိကန် အမျိုးသား လုံခြုံရေးကောင်စီ ပြောရေးဆိုခွင့်ရှိသူက ဆိုပါတယ်။
စစ်အင်အားသုံးပြီး ဆန္ဒပြသူတွေကို ဖြိုခွင်းနေတာ ရပ်တန့်ဖို့ လူ့အခွင့်အရေးဆိုင်ရာ ကုလသမဂ္ဂ မဟာမင်းကြီး မစ်စ် နာဗီ ပီလေး (Navi Pillay) က ဆီးရီးယား အစိုးရကို ပြောဆိုလိုက်ပြီး ဆန္ဒပြသူတွေကို ပစ်ခတ် သတ်ဖြတ်နေမှုတွေအပေါ် စုံစမ်း စစ်ဆေးပေးဖို့ တောင်းဆိုလိုက်ပါတယ်။

ဆီးရီးယားမှာရှိတဲ့ အမေရိကန် နိုင်ငံသားတွေ ထွက်ခွာသွားကြဖို့ သတိပေး ကြေညာချက်ကို အမေရိကန် နိုင်ငံခြားရေး ၀န်ကြီးဌာနက ဧပြီ ၂၅ ရက်နေ့က ထုတ်ပြန်လိုက်ပြီး ဒမတ်စကတ်မြို့တော်က အမေရိကန် သံရုံးကလည်း မရှိမဖြစ် လိုအပ်တဲ့ ၀န်ထမ်းတွေသာ ထားရှိပြီး ကျန်တဲ့ ၀န်ထမ်းတွေလည်း ဆီးရီးယားကနေ ထွက်ခွာသွားတော့မယ်လို့ ဆိုပါတယ်။

အခုအချိန်ထိ ဆီးရီးယားနိုင်ငံမှာ လူပေါင်း ၃၅၀ ကျော်ဟာ မငြိမ်မသက်မှုတွေကြောင့် သေဆုံးခဲ့ရပြီး ဖြစ်ပါတယ်။

မူးယစ်အပ် မကင်း မနောကွင်း

ဖနိဒါ | အင်္ဂါနေ့၊ ဧပြီလ ၂၆ ရက် ၂၀၁၁ ခုနှစ် ၁၈ နာရီ ၂၃ မိနစ်

ချင်းမိုင် (မဇ္စျိမ) ။ ။ ကချင်ပြည်နယ် မြစ်ကြီးနားမြို့ရှိ ကချင်လူငယ်တွေကြား မူးယစ်ဆေးဝါး သုံးစွဲမှု ပိုမိုများပြားနေပုံများ မြို့ရဲ့ မနောကွင်းမှာတောင် ဆေးသုံးစွဲထားတဲ့ ဆေးထိုးအပ်တွေ ပျံ့နှံ့နေတာက သက်သေပါဆိုရင် မမှားပါဘူး။

မနောကွင်း အနောက်ဘက်ကပ်လျက် ဧရာဝတီမြစ်ကမ်းဘေးမှာ ဆေးထိုးအပ်တွေ ခြေချစရာ နေရာမရှိလောက်အောင် ပြန့်ကျဲနေတာဖြင့် မြင်မကောင်း ရှုမကောင်းပါဘဲလို့ ဒေသခံ တယောက်က ပြောပြပါတယ်။

မြို့တော်မြစ်ကြီးနား စီတာပူရပ်ကွက်ရှိ မနောကွင်းမှာ လူအဝင်အထွက် မရှိတာကြောင့် မူးယစ်ဆေး သုံးစွဲသူတွေက အခွင့်ကောင်းယူပြီး၊ ဘိန်းဖြူလာထိုးလို့ ဆေးစွဲသူတွေအတွက်တော့ နိဗာန်ဘုံအလားပါပဲ။

“မနောကွင်းထဲမှာဆို ဘယ်သူမှ မရှိဘူးလေ။ သွားရလာရလည်း အဆင်ပြေတယ်။ ဆေးထိုးအပ်လည်း မနောကွင်းအနီးမှာ ထုတ်ပေးတဲ့ နေရာရှိတော့ အရမ်းအဆင်ပြေတယ်” လို့ ဆေးစွဲသူ ၂၁ နှစ်အရွယ် ကချင်လူငယ် တယောက်က ပြောလာပါတယ်။

မြစ်ကြီးနားမှာ ဆေးထိုးအပ်တွေကို NGO အဖွဲ့အစည်းတချို့က အခမဲ့ ဝေပေးပါတယ်။ ဒါကလည်း အပ်ကို တယောက်တလှည့် တွဲသုံးရင် ဖြစ်လာမယ့် ကူးစက်ရောဂါ ကာကွယ်ရာ ကာကွယ်ကြောင်းအတွက်ပါ။ ဒါပေမဲ့လည်း အဆင်ခြင်မဲ့ သုံးစွဲလွှင့်ပစ်လို့ ပြန်ကောက်သိမ်းရတာကလည်း အလုပ်တလုပ်။

“ကျနော်တို့က ဆေးထိုးအပ်ကို ဝေပြီးရင် လူငှားပြီးတော့၊ တယောက်ကို နှစ်ထောင်ကျပ်ပေးပြီး ပြန်လိုက်သိမ်းခိုင်းပါတယ်’’ လို့ NGO တခုမှာ လုပ်ကိုင်နေတဲ့ အမည်မဖော်လိုသူ ဝန်ထမ်းက ပြောပြပါသေးတယ်။

HIV/AIDS ပပျောက်ရေးဆိုပြီး အဲလို အပ်ဝေရတဲ့ ရည်ရွယ်ချက်ဟာ ဘယ်အထိ ပြီးမြောက်တယ်တော့ မသိပါဘူး။ ဒါပေမဲ့ မူးယစ်ဆေးသုံးသူတွေ ပိုများလာတာတော့ အမှန်ပဲလို့ မျက်ဝါးထင်ထင် မြင်တွေ့သူ မြို့ခံတချို့က ဆိုပါတယ်။ အပ်တွေက လမ်းဘေးတွေမှာလည်း အဖွေးသား။

လွန်ခဲ့တဲ့ ၂ နှစ်လောက်ကစပြီး Sara နဲ့ Harm အဖွဲ့တွေက တရက်ကို အနည်းဆုံး တချောင်းနှုန်း၊ လိုသလောက် လာထုတ်ခိုင်းတယ်လို့ သိရပါတယ်။ ကချင်ပြည်နယ်မှာ AZG ၊ World Concern ၊ WHO စတဲ့ ကျန်းမာရေးဆိုင်ရာ အဖွဲ့အစည်းတွေ ရှိပေမယ့် ဆေးထိုးအပ်တွေကို ဒီနှစ်ဖွဲ့ကနေ HIV တိုက်ဖျက်ရေးအတွက် စေတနာနဲ့ ဝေနေတာပါ။

မနောကွင်းမှာ နှစ်စဉ် ဇန်နဝါရီလ ၁ဝ ရက်၊ ကချင်ပြည်နယ်နေ့ရောက်တိုင်း ရိုးရာအကတွေနဲ့ စည်စည်ကားကား မနောပွဲ ကျင်းပနေတာပါ။ ဒီကွင်းထဲမှာမှ ဆေးထိုးအပ်တွေ မြင်မကောင်းလောက်အောင် ဖြစ်နေတာကိုတော့ ရင်နာစရာအဖြစ် ဒေသခံတွေ ခံစားကြပါတယ်။

မနောကွင်းအနီးနေ အသက် ၅ဝ ကျော် အမျိုးသမီးကြီးက မြစ်ကြီးနားမှာ ဘိန်းဖြူ၊ ဘိန်းမည်း အလွယ်ရနိုင်လို့ လူငယ်တွေကြား သုံးစွဲသူ တိုးလာတာ ကြောက်ခမန်းလိလိ ဖြစ်ရပုံကိုတော့ “ကျမတသက်မှာ ဘိန်းထိုးတယ်ဆိုတာပဲ ကြားဖူးတာ။ အခုတော့ ကျမအိမ်ဘေးမှာကို ထိုးနေကြတာတွေ အများကြီးတွေ့ရတော့ လန့်စရာကြီးပါပဲ” လို့ တုန်ရင်လှိုက်မောစွာ ပြောပါတယ်။

“အိမ်က ကလေးတယောက် မနောကွင်းမှာ ဘောလုံးသွားကန်မယ်ဆိုပြီး သွားတာ၊ ဆေးထိုးအပ် ခြေထောက်မှာ စိုက်မိလို့ ချက်ချင်း ဆေးခန်းသွားပြလိုက်ရတယ်”

အဲဒီဆေးထိုးအပ်နဲ့ ထိခိုက်စူးရှမိပြန်ရင် HIV ပိုး ကူးစက်မှု နည်းပါးပေမယ့် ဘီပိုး၊ စီပိုးနဲ့ မေးခိုင်ပိုး အလွယ်တကူ ကူးစက်ခံရနိုင်တယ်လို့ WHO (ကမ္ဘာ့ကျန်းမာရေးအဖွဲ့) မှ ဒေါက်တာ တဦးက ပြောပါတယ်။ မြန်မာနိုင်ငံမှာ HIV/AIDS ကူးစက်ခံရသူ ၇ သောင်းကျော်တယ်လို့ နယ်စည်းမခြား ဆရာဝန်များအဖွဲ့ AZG အရာရှိ တဦးကတော့ ဆိုခဲ့ပါတယ်။

ဆေးထိုးသူတွေထဲမှာ အညွန့်တလူလူ တက်နေရမယ့် ဆယ်ကျော်သက် အရွယ်တွေက အများစုပါ။

ဒေသအာဏာပိုင်တွေက ဘိန်းသုံးစွဲသူ မဖြစ်စလောက်ကိုပဲ ဖမ်းဆီးပြပေမယ့် ရောင်းဝယ်သူတွေကိုတော့ လက်ဖျားနဲ့တောင် မထိပါဘူး။ ဒါတွေကြောင့်လည်း မူးယစ်ဆေးတွေ အလွယ်အကူ ရနေတာလို့ ၁၉ နှစ်အရွယ် ဆေးစွဲလူငယ် တယောက်က ဆိုပါတယ်။

“မူးယစ်ဆေးဝါးကို ဝယ်ရတာတော့ လွယ်ပါတယ်။ ဒါပေမဲ့ နည်းနည်းပါးပါး သုံးစွဲသူတွေကိုပဲ ရဲတွေက ဖမ်းတာ။ ရောင်းတဲ့သူတွေကို မဖမ်းဘူး”

မြောက်ပိုင်းတိုင်း စစ်ဌာနချုပ် - မပခ တိုင်းမှူး ဗိုလ်ချုပ်ဇေယျအောင်က ဆေးထိုးအပ်တွေ အတားအဆီးမဲ့ ပျံ့နှံ့နေတာကို နယ်မြေတခွင် လိုက်ကြည့်ခဲ့ပါသေးတယ်။ ဒီ့နောက်မှာတော့ ကျန်းမာရေးဝန်ကြီးဌာနက ဒေသတွင်းရှိ NGO တွေကို ပြီးခဲ့တဲ့ လကုန်ပိုင်းမှာ ခေါ်ဆွေးနွေးခဲ့ပါတယ်။ နောက်ဆက်တွဲ ဘာတွေဖြစ်လာလဲတော့ မသိပါဘူး။

နယ်ခြားစောင့်တပ် အသွင်ပြောင်းရေးမှာ ငြင်းဆန်ဆဲ ကချင်လွတ်မြောက်ရေးအဖွဲ့ KIO ရဲ့ မူးယစ်ဆေးဝါး တိုက်ဖျက်ရေး ကော်မတီက မနှစ် အောက်တိုဘာမှာစပြီး လှုပ်ရှားခဲ့ပေမယ့် သူတို့ရဲ့ ဌာနချုပ် လိုင်ဇာမြို့နားမှာပဲ အောင်မြင်တယ်လို့ ကော်မတီ တာဝန်ရှိသူက မဇ္ဈိမကိုပြောပြပါတယ်။ အစိုးရထိန်းချုပ်ရာ မြစ်ကြီးနား၊ ဗန်းမော် စတဲ့ မြို့ကြီးတွေမှာတော့ မတိုက်ဖျက်နိုင်တဲ့အတွက် ဒီဒေသတွေမှာ မူးယစ်ဆေးသုံးစွဲမှုက ပိုရှိနေမယ်လို့ ကော်မတီပြောခွင့်ရ ဗိုလ်ကြီး နော်ဘူက ပြောခဲ့ပါသေးတယ်။

မနှစ် စက်တင်ဘာ ၁ ရက်နေ့ကနေ ဒီနှစ် ဖေဖော်ဝါရီအထိ ဘိန်းခင်းဧက တသောင်းခွဲကျော် ဖျက်ဆီးနိုင်ခဲ့ရာ ကချင်ပြည်နယ် ဝိုင်းမော်၊ ဖားကန့်နဲ့ တနိုင်းမြို့နယ်တွေက ဧက ၄ဝဝ ကျော်နဲ့ ရှမ်းပြည်နယ် မိုင်းတုံ၊ မိုင်းဆတ်၊ ကွတ်ခိုင်၊ မိုးမိတ် စတဲ့ မြို့နယ်တွေမှာ ဧက ၃ဝဝ ကျော် ဖျက်ဆီးနိုင်ခဲ့တယ်လို့ ပြီးခဲ့တဲ့ မတ်လ ၇ ရက်နေ့ထုတ် မြန်မာအလင်း သတင်းစာမှာ ဖော်ပြခဲ့ပါတယ်။

မြန်မာနိုင်ငံမှာ တနှစ်အတွင်း ဘိန်းစိုက်ဧက ၂ဝ ရာခိုင်နှုန်း တိုးလာကာ ဘိန်းတန်ချိန် ၅၈ဝ ကျော် ထွက်ရှိခဲ့ပြီး မနှစ်ကထက် တန်ချိန် ၂၅ဝ ကျော် ပိုထွက်ခဲ့တယ်လို့ ၂ဝ၁ဝ ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး UNODC ရဲ့ ကမ္ဘာ့မူးယစ်ဆေးဝါး အစီရင်ခံစာမှာ ဖော်ပြပါတယ်။

ဒီလောက်တောင် ဘိန်းထုတ်လုပ်မှုနဲ့ မူးယစ်ဆေး သုံးစွဲမှု မြင့်တက်နေချိန်မှာ KIO အနေနဲ့ကလည်း တပိုင်တနိုင်ပဲ တိုက်ဖျက်နိုင်တာပါ။

သုံးစွဲသူတွေကြားမှာ ဘိန်းဖြူဈေးက တိုက် ၅ တိုက်ဆန့် ဗူးတလုံးမှာ ကျပ်တသောင်း ပေါက်ပါတယ်။ တိုက် ၅ တိုက် တဗူးမှာ ထွန်းရွှေဝါ လိမ်းဈေးပုလင်း တဗူးစာ ရှိပါတယ်။ တတိုက်ဆိုတာက ဘိန်းဖြူတခါထိုးစာကို ဆိုလိုတာပါ။ တခါထိုးဈေးကတော့ ကျပ် ၅ဝဝ ပါ။

လက်ရှိ ကချင်ပြည်နယ်အနောက်ဘက် တနိုင်းမြို့နယ်နဲ့ အရှေ့ဘက် ဝိုင်းမော်မြို့နယ် ဆံဒုန်းဒေသဘက်မှာ ဘိန်းမည်းတွေ ဝင်လာပြီး၊ ဘိန်းဖြူက တရုတ်ဘက်ကနေ ဝင်တာပါလို့ မြစ်ကြီးနား ဒေသခံတွေက ဆိုပါတယ်။

ရှမ်းပြည်နယ်တောင်ပိုင်း မုန်ခေါမ်း၊ ဘန်ဖစ်၊ မုန်းရာ၊ မန်ဖ၊ မန်ကျောက်၊ မန်အော် စတဲ့ ရွာငယ်တွေမှာလည်း ကချင်လူငယ် ၁ဝဝ ကျော် မူးယစ်ဆေးသုံးတယ်လို့ အဲဒီဒေသနေ ကချင်လူငယ်တဦးက စာနဲ့ ရေးပြောပါတယ်။

အဲဒီဒေသဘက်မှာ ဆိုင်ရာ အာဏာပိုင်တွေရဲ့ မူးယစ်ဆေးတိုက်ဖျက်ရေးဟာ မထိရောက်တာကြောင့် စိုးရိမ်စရာပါလို့ သူ့စာမှာ ဆိုထားပါတယ်။

ဒီဒေသတွေဟာ KIO ကနေ ခွဲထွက်ခဲ့တဲ့ ဦးမထုနော်ရဲ့ ကချင်အမျိုးသား ကာကွယ်ရေးတပ်မတော် KDA ထိန်းချုပ်တဲ့ နေရာပါ။ ဒီအဖွဲ့ဟာ မနှစ်တုန်းက စစ်အစိုးရရဲ့ ပြည်သူ့စစ်အဖြစ် အသွင်ပြောင်းခဲ့ပါတယ်။

“ပြည်သူ့စစ် ပြောင်းလဲလိုက်တဲ့နောက် ကချင်လူငယ်တွေ ပိုပြီးတော့ မူးယစ်ဆေးနဲ့ ပျက်စီးတာတွေ ရှိလာတယ်။ ကလေးတွေကို အသိပညာပေးဖို့လည်း ဘယ်သူမှ မရှိတော့ဘူး။ အခုဖြစ်နေတာ လူငယ် ၁ဝဝ ကျော်သွားပြီ။ ဒါကြောင့် ဒီနေရာကို မူးယစ်ဆေးဝါး အမြန်ဆုံး တိုက်ဖျက်ပေးဖို့ အကူအညီတောင်းချင်ပါတယ်” လို့ ကချင်လူငယ့် စာထဲမှာတော့ ပါရှိပါတယ်။

ကချင်ဘာသာနဲ့ ရေးထားတဲ့ သူ့စာထဲမှာ ’’ဒီမှာက လိုင်ဇာဘက်က မူးယစ်ဆေးတိုက်ဖျက်တဲ့ အဖွဲ့မရှိဘူး။ အစိုးရကို ပြောရင်လည်း အရေးမယူပေးဘူး။ အရမ်းကို ဆိုးဝါးနေတယ်။ အများအားဖြင့် ကချင်တွေ ဆုံးရှုံးနေရပါတယ်။ ရင်ထဲမှာ မခံစားနိုင်တော့ဘူး’’ လို့ ဆိုထားပြန်ပါတယ်။

ဒါကတော့ ကချင်ပြည်နယ်နဲ့ နယ်ချင်းကပ် ရှမ်းမြောက်ပိုင်းထဲက ကချင်လူငယ်တချို့ရဲ့ မူးယစ်ဆေးနဲ့ လုံးထွေးရစ်ပတ်နေတဲ့ အခြေအနေ တစိတ်တဒေသပါ။

 ဗမာ့သွေး ပေးပို့သည်။