မြန်မာနိုင်ငံမှာ ပြီးခဲ့တဲ့ ကြာသပတေးညက လှုပ်ခဲ့တဲ့ မြေငလျင်ဒဏ်ကို အဆိုးဆုံးခံခဲ့ရတဲ့ ရှမ်းပြည်အရှေ့ပိုင်း တာချီလိတ်မြို့နယ်က တာလေ၊ မိုင်းလင်းဒေသတွေမှာ ငလျင်ဒဏ်ခံရသူတွေကို စစ်အစိုးရရဲ့ ကယ်ဆယ်ရေးနဲ့ ပြည်လည် နေရာချထားရေး ဦးစီးဌာန၊ ကုလသမဂ္ဂ လက်အောက်ခံ အဖွဲ့အစည်းတွေ၊ မြန်မာနိုင်ငံ ကြက်ခြေနီအသင်း၊ World Vision အပါအဝင် အစိုးရအဖွဲ့မဟုတ်တဲ့ ကယ်ဆယ်ရေးအဖွဲ့တွေနဲ့ ပုဂ္ဂလိက အလှူရှင်တွေက ကယ်ဆယ်ရေးပစ္စည်းနဲ့ ကူညီပံ့ပိုးမှုတွေ လုပ်နေပေမယ့် အခုအချိန်ထိ အကူအညီတွေ လုံလုံလောက်လောက် မရရှိသေးဘူးလို့ သိရပါတယ်။
မတ်လ ၂၇၊ ၂၈ ရက်နေ့များက တွေ့ရတဲ့ မိုင်းလား နှင့်
တာလေ က အခြေအနေတချို့
အာဏာပိုင်တွေဆီသွားတောင်းတော့လည်း အထက်က အမိန့်မရလို့ မပေးနိုင်သေးဘူးလို့ ပြောဆိုခဲ့တာကြောင့် ဘာမှမရဘဲ လက်ဗလာနဲ့ပြန်လာခဲ့ရကြောင်း ဒေသခံက ပြောပြပါတယ်။
အဓိက စားဖို့ သောက်ဖို့ကိုတော့ တခြားဒေသက ဒေသခံတွေက ဆိုင်ကယ်နဲ့ ကားနဲ့ တချို့ဆိုရင်လည်း လမ်းလျှောက်ပြီး ချိုင့်နဲ့ဖြစ်ဖြစ်၊ ပလပ်စတစ်ဗူးနဲ့ဖြစ်ဖြစ် လာပေးကြတယ်လို့ ဆိုပါတယ်။
အခုအခါ ကယ်ဆယ်ရေးနဲ့ ပြန်လည်နေရာချထားရေး ဦးစီးဌာနက ကယ်ဆယ်ရေးပစ္စည်းတွေကို ရန်ကုန်ကနေ လေယာဉ်နဲ့ ပေးပို့နေတယ်လို့ မြန်မာနိုင်ငံကြက်ခြေနီအသင်း တာဝန်ရှိသူတဦးက ပြောပါတယ်။
သတင်း - ဘီဘီစီ
Photos : Getty Images, Reuters, AP
No comments:
Post a Comment