ဟောသည် ကမ္ဘာပေါ်မှာဖက်တွယ်စရာတွေ သိပ်မရှိတော့တဲ့အခါ
ငါတို့ဟာ …
အချင်းချင်းကိုသာ ဖက်တွယ်ထားရလေတော့တယ် …
ရင်ဘတ်ကို ရင်ဘတ်ချင်း
လက်ကို လက်ချင်း …
နှလုံးသားကို နှလုံးသားချင်း …
ယုံကြည်ချက်ကို ယုံကြည်ချက်ချင်း …
သေနတ်မောင်းကို ဖြုတ်တတ်သောလက်များ အချင်းချင်း …
သူငယ်ချင်း …
မင်းကို … ညီလေး လို့ … ငါက ခေါ် …
င့ါကို … အကိုကြီး လို့ … မင်းက ခေါ် …
တကယ်တော့
ညီအကိုဆိုတာထက်တောင် ပိုနေသေးတယ် …
မင်းအသက်ကို ငါ့ ပေးထားတာ …
ငါ့အသက်ကို မင့် ပေးထားတာ …
ငါ့တို့ဟာ ကျောချင်းကပ်လျက် …
နှလုံးသားချင်းကတော့ …
ရင်ချင်းအပ်လျက် …
ချစ်တတ်သူတွေလိုမျိုး …
ဆေးအိတ်ကလေး လွယ်ပြီး ပြုံးပြုံးနေတတ်တဲ့ မင်း …
ရဲဘော် သန်းလွင် …
သင် ယုံကြည်ခဲ့သော မနက်ခင်းများ …
ငါတို့အားလုံး ယုံကြည်ခဲ့ …
တပ်မဟာ ၆ ရဲ့နေ့ရက်များ
သင့်အား သတိရနေကြလိမ့် …
င့ါစာမျက်နှာ တခုမှာ
သင့်အမည်အား ရေးထိုးထားပါမည် …
ထာဝရ ဘုရား …
သင့်အား ကောင်းချီးပေးပါ့ …
အာမင် …
No comments:
Post a Comment