အမျိုးသားဒီမိုကရေစီအဖွဲ့ချုပ်ရဲ့ ဗဟိုဦးစီးအဖွဲ့ဝင် မဖြူဖြူသင်းစောင့်ရှောက် ထားတဲ့ HIV/AIDS ဝေဒနာသည်တွေဆီကို မကြာသေးခင်က ဒေါ်အောင်ဆန်းစုကြည် သွားရောက်ကြည့်ရှုခဲ့ပြီးတဲ့နောက်မှာ ဒဂုံတောင်ပိုင်းမြို့နယ် မဝတ က လူနာတွေကို ဧည့်စာရင်းတိုင်ကြားခွင့်မပြုဖို့ ညွှန်ကြားခဲ့ပါတယ်။ဒီနောက် လူနာတွေကို သာကေတဆေးရုံကိုပို့ဖို့လည်း ဆေးရုံက ဆက်သွယ် ပြောကြားခဲ့ပါတယ်။
ဧည့်စာရင်း တိုင်ကြားခွင့်မပြုတော့ဘူးလို့ အစိုးရက ဖိအားပေးခံနေရတဲ့ HIV ဝေဒနာသည်တွေထဲမှာ ၁၁ နှစ်သမီးအရွယ် အောင်လံက ကလေးမလေး တယောက်လည်း ပါဝင်ပါတယ်။ သူ့ရဲ့ သဘောထားကို မေးမြန်းကြည့်တော့ …
သမီး ရွှေ့ချင်စိတ်ရှိလား။
- မရှိပါဘူးရှင့်။
သမီးဘာလို့ မရွှေ့ချင်တာလဲဟင်၊ တခြားနေရာက အဆင်မပြေဘူး ထင်လို့လား။
- ဒီမှာလောက် မပျော်လို့ပါ။ ဒီမှာက စားရေးသောက်ရေးကော၊ အကုန်လုံး အဆင်ပြေပါတယ်။ အဲဒါကြောင့်မို့လို့ မပြောင်းချင်တာပါ။
ဒီနေရာမှာကျတော့ သမီးကို အဓိက ဘယ်သူကနေပြီးတော့ ဂရုစိုက်ပေးနေလဲ။
- အဘွားရှိပါတယ်၊ အဘွားနဲ့ အန်တီဖြူတို့က လာပြီးတော့ မုန့်ဖိုးတွေ ဘာတွေ ပေးပါတယ်၊ ကျန်တဲ့လူနာတွေ အားလုံးကလည်း ဂရုစိုက်ပါတယ်။
အဘွားဆိုတာက ဘယ်သူလဲဟင် သမီး။
- သမီးရဲ့အဘွားပါ၊ သမီးအမေရဲ့ အမေပါ။
သမီး ဒီနေရာကိုရောက်တာ ကြာပြီလားဟင်။
- မကြာသေးပါဘူး။ ခု ၁၅ ရက်လောက် ပဲရှိသေးတယ်။
သမီးတို့ကို တကယ်လို့များ အာဏာပိုင်တွေကနေပြီးတော့ အတင်းရွှေ့မယ်ဆိုတာမျိုး အဲဒီလိုမျိုးလုပ်လို့ရှိရင် သမီး ဘယ်လိုလုပ်မလဲ။
- အဲဒီလိုမျိုးဆိုရင်တော့ သမီးတို့ကတော့ မလိုက်ပါဘူး၊ ဒီမှာပဲနေမှာပဲ ဖမ်းရင်လည်း အဖမ်းခံမှာ။
ဒါကတော့ အောင်လံက ဝေဒနာရှင် ကလေးငယ် ဖြစ်ပါတယ်။
၂၀၁၀ ပြည့်နှစ် အောက်တိုဘာ ၂၁ ရက်နေ့ ဘီဘီစီ (မြန်မာပိုင်းအစီအစဉ်) မှ ကောက်နုတ် ဖော်ပြပါတယ်။
ပြီးခဲ့တဲ့ နိုဝင်ဘာလ ၁၇ ရက်နေ့က HIV/AIDS ဝေဒနာသည်တွေကို သွားရောက်အားပေးခဲ့တဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့ သူ့ကိုထောက်ခံသူများရဲ့ပုံရိပ်တချို့။
Photos : Getty Images, AP, Reuters
No comments:
Post a Comment