ဂျပန် နိုင်ငံခြားရေးဝန်ကြီး ကိုအိချီရို ဂမ်ဘာ မြန်မာနိုင်ငံကိုရောက်ရှိနေပြီး မြန်မာနိုင်ငံကို အကူအညီတွေပြန်ပေးရေးနဲ့ ရင်းနှီးမြှုပ်နှံမှု သဘောတူစာချုပ် ချုပ်ဆိုရေးအတွက် ဆွေးနွေးခဲ့ပါတယ်။
ဂျပန် နိုင်ငံခြားရေး ဝန်ကြီးဟာ မြန်မာအစိုးရ သမ္မတ ဦးသိန်းစိန်၊ မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်တို့နဲ့ တွေ့ဆုံခဲ့ပြီး မြန်မာနိုင်ငံမှာ ပြုပြင်ပြောင်းလဲမှုတွေ ပိုမိုဆောင်ရွက်ဖို့ တိုက်တွန်းခဲ့ပါတယ်။
မြန်မာ အစိုးရဘက်က နိုင်ငံရေး အကျဉ်းသား တချို့လွှတ်ပေးခဲ့တာ၊ မီဒီယာတွေကို ချုပ်ချယ်ကန့်သတ်မှုတချို့ လျော့ပေါ့ပေးခဲ့တာ၊ ဒေါ်အောင်ဆန်းစုကြည်နဲ့ တွေ့ဆုံဆွေးနွေးမှုတွေလုပ်တာကို ဂျပန်နိုင်ငံက တိုးတက်မှုလို့ မှတ်ယူပြီး အခုလို အကူအညီတွေ ပြန်လည်ပေးဖို့ ရင်းနှီးမြှုပ်နှံမှုစာချုပ်တွေ ချုပ်ဆိုဖို့ စီစဉ်ခဲ့တာ ဖြစ်ပါတယ်။
ဒေါ်အောင်ဆန်းစုကြည်နဲ့ မစ္စတာ ဂမ်ဘာ တွေ့ဆုံကြချိန်မှာတော့ မြန်မာနိုင်ငံကို အကူအညီတွေပေးသလို ဒီမိုကရေစီ အဆောက်အအုံတွေ အားကောင်းကြံ့ခိုင်လာအောင်လည်း အကူအညီတွေပေးမယ်လို့ ယုံကြည်ကြောင်း ဒေါ်အောင်ဆန်းစုကြည်က ဂျပန်နိုင်ငံခြားရေး ဝန်ကြီးကို တိုက်တွန်းခဲ့ပါတယ်။
သတင်း - ဘီဘီစီ
Photos : AP, Reuters, Getty Images
No comments:
Post a Comment