ကျောင်းသား ထောင် တော်လှန်ရေးသမား (နိဂုံးပိုင်း)

အင်တာနေရှင်နယ် (The Internationale)

ထလော့ … အငတ်ဘေး ကျရောက်သူတို့တတွေ
ထလော့ … ကမ္ဘာ့တဝှမ်းက ကျေးကျွန်တွေ
တော်လှန်ကာ ထစ်ချုန်းမြည် ကြွေးကြော်လို့နေ
နောက်ဆုံးပိတ်တိုက်ပွဲ နွှဲဆင်မလေ …။

ရှေးရိုးအစဉ်အလာ အယူအဆစွဲတွေ စွန့်လေ
ကျေးကျွန်တွေ … ထလေ ထကြလေ …
အခြေအနေတွေ ဒို့တော်လှန်ကာသာ ပြောင်းမလေ
အောင်မြင်ဖို့ရာ ရှင်းပစ်စို့လေ …။

(သံပြိုင်) - ရဲဘော်တို့လာ စုရုံး နေ
အဆုံးစစ်ပွဲ နွှဲဆင်မလေ
အင်တာနေရှင်နယ် ကမ္ဘာမှာ အကုန်ညီစေ …။
ရဲဘော်တို့လာ စုရုံးနေ
အဆုံးစစ်ပွဲ နွှဲမယ်လေ
အင်တာနေရှင်နယ် စည်းရုံးစုစည်းကာနေ …။

ကယ်တင်ရှင် ဘယ်သောခါကမှ မရှိပေ
နတ်သိကြားနဲ့ မင်းဘုရား ဒို့မယုံပေ
နှောင်ကြိုးကို ဒို့လက်ရုံးဖြင့် ချိုးဖျက်မလေ
သောက ဗျာပါဒ လောဘကင်းစင်စေ …။

လုယက်ခြင်းမှ မှန်မလွဲပင် ကင်းမလေ
များပြည်သူ တူညီပျော်မြူးကြစေ
အားလုံးက တာဝန်ကိုယ်စီထမ်းမလေ
သံပူခိုက်ဝယ် အားစိုက်ထုနှက်ဟေ …။

(သံပြိုင်)
လယ်သမား လုပ်အားစိုက်ထုတ်သူ အပေါင်းတွေ
ပစ္စည်းမဲ့များနဲ့ ပေါင်းစည်းဟေ …
ညီရင်းအကိုပမာ သစ္စာအဓိဋ္ဌာန်ပြုစို့ဟေ
သွေးစုပ်ကောင်တွေ မောင်းထုတ်ဟေ …။

ဒို့ရဲ့သွေးသား သူတို့ဝါးမြိုစားသလေ
နှစ်ကာလ ရှည်ကြာခံခဲ့ရပေ …။
ကြောက်လန့်စိတ် အကုန်အစင်စွန့်လေ
အရုဏ်ကျင်းကာ အလင်းသို့ရောက်ပြီဟေ …။

(သံပြိုင်)

ကိုကိုးကျွန်းမှာ ကျဆုံးသူ၊ ထွက်ပြေးလွတ်မြောက်သူများ စာရင်း

* ရဲနီတင်ငြိမ်း
အသားဝါရောဂါဖြင့် ကွယ်လွန်။
သူသေဆုံးမှုကို အကြောင်းပြုပြီး ရက် ၄၀ တိုက်ပွဲပေါ်ရ။

* ဦးထွန်းရှိန် (မန္တလေး၊ ကျောင်းဆရာ)
ပင်လယ်ကမ်းစပ်မှာ ခရု၊ ငါး ဟင်းစားရှာရင်း မုန်တိုင်းမိ၊ လှိုင်းထဲ နစ်မြုပ်သေဆုံး။

* ရဲနီမြင့်သိန်း
အုန်းပင်ပေါ်မှ လိမ့်ကျသေဆုံး။

* မန်းအောင်ကြည် (ABKO)
လှေနဲ့ထွက်ပြေးလွတ်မြောက်။ KNU ရောက်ပြီး ရောဂါနဲ့သေဆုံး။

* မန်းငြိမ်းမောင်
လှေနဲ့ထွက်ပြေးလွတ်မြောက်။ ယခု KNU ဗဟိုကော်မတီဝင်။

* ရဲဘော်အောင်ဝေ (ဗမာပြည်ကွန်မြူနစ်ပါတီ)
လှေနဲ့ထွက်ပြေးလွတ်မြောက်။ ပဲခူးရိုးမမှာ ကျဆုံး။

* ရဲနီဗိုလ်ကြူ (မန္တလေးတက္ကသိုလ်၊ ပခုက္ကူ)
အလံနီတွေရဲ့တိုက်ပွဲ ၄၆ ရက်မြောက်မှာ ကျဆုံး။

* ရဲနီနေလင်း (တောင်တွင်းကြီး)
အလံနီတွေရဲ့ ၄၆ ရက်တိုက်ပွဲအပြီး ကျန်းမာရေးဆိုးရွားလို့ ပြည်မပြန်အပို့ သင်္ဘောပေါ်မှာ ဆုံးသွား။

* ရဲဘော်သိန်းကြည်
၅၃ ရက်တိုက်ပွဲ၊ ၃၆ ရက်မြောက်မှာ ကျဆုံး။

* ရဲဘော်အုန်းမော်
၅၃ ရက်တိုက်ပွဲ၊ ၄၆ ရက်မြောက်မှာ ကျဆုံး။

* ရဲဘော်ချစ်ဆွေ (ပြည်ခရိုင်က ဗကသ)
၅၃ ရက်တိုက်ပွဲ၊ ၄၈ ရက်မြောက်မှာ ကျဆုံး။

* ရဲဘော်ထွန်းမြင့် (အစိုးရဝန်ထမ်း၊ ရန်ကုန်)
၅၃ ရက်တိုက်ပွဲ၊ ၄၃ ရက်မြောက်မှာ ကျဆုံး။

* ရဲဘော်စိန်ချင်း (ပခုက္ကူ)
၅၃ ရက်တိုက်ပွဲ၊ ၄၃ ရက်မြောက်မှာ ကျဆုံး။

* ရဲဘော်မောင်မောင်စိုး (ခ) ကိုလတ် (ကျောက်ဆည်သား၊ မန္တလေးတက္ကသိုလ်)
၅၃ ရက်တိုက်ပွဲ၊ ၅၃ ရက်မြောက်မှာ ကျဆုံး။

* ကိုလေးမောင် (ကဗျာဆရာ)
၅၃ ရက်တိုက်ပွဲ၊ ၅၃ ရက်မြောက်မှာ ကျဆုံး။

* ရဲဘော်ထွန်းဝင်း (မြစ်ဝကျွန်းပေါ်သား၊ အစိုးရ လေတပ်က၊ ပဲခူးရိုးမ UG)
၅၃ ရက်တိုက်ပွဲ၊ ၅၃ ရက်မြောက်မှာ အဋ္ဌမမြောက်၊ နောက်ဆုံး ကျဆုံး။

ပြီးပါပြီ။

ကျောင်းသား ထောင် တော်လှန်ရေးသမား (၄၆)

ကျနော်တို့ ခြေရင်းအဆောင်မှာက ကျွန်းပြန် ဗကသ က ရဲဘော်တွေ။ တယောက်က မင်းလှက ကိုထွန်းကြည်၊ ပဲခူး ဘုရားကြီးဘက်က ကိုလှရွှေ။ သူတို့အဆောင်နဲ့ ကျနော်အဆောင်နဲ့ဆိုလို့ရှိရင် မီတာ ၅ဝ လောက်ပဲ ဝေးမယ် ထင်တယ်။

ဟိုဘက် ခပ်လှမ်းလှမ်းမှာဆိုရင် မီတာ ၇၀/၈ဝ လောက်မှာက ကိုနီအောင်မေသု၊ သူကတယောက်တည်း။ သူနဲ့တော့ တယောက်နဲ့တယောက် လက်ပြနှုတ်ဆက်လို့ ရတယ်။ ကျနော်တို့ မမြင်ရတဲ့အဆောင်မှာ ကိုဉာဏ်ဝင်းနဲ့ ကိုတင်မောင်ဝင်း ရှိသလိုလို ကြားတယ်။ သေတော့ မသေချာဘူး။ အဲဒါပဲ။ အဲဒီ ထောင်ကြီးတခုလုံးမှာ။ အရင်တုန်းကတော့ အဲဒီထောင်ထဲမှာ သူတို့ အာဏာသိမ်းခါစက လူမျိုးစုခေါင်းဆောင်တွေ အများကြီးထားတာပေါ့။ စဝ်ရွှေသိုက်တို့ ဘယ်သူတို့ ထားတာ အဲ့ဒီမှာပဲ။

အဲဒီ တွဲဖက်ထောင်မှာ ထောင်သက်တမ်းအရင့်ဆုံးက လူထုကိုစိန်ဝင်းလို့ ပြောရလိမ့်မယ်။ ဘာကြောင့်လည်းဆိုတော့ သူက သူ့ကျန်းမာရေးဆိုးတာနဲ့ ကိုကိုးကျွန်းကနေ အစောကြီးပြန်ပို့လိုက်ရတာ။ ပြန်ပို့လိုက်ကတည်းက တလျှောက်လုံး သူက အဲဒီ တွဲဖက်ထောင်မှာပဲနေတာ။ အဲ့ဒီမှာ အားလုံး အကြောင်းသိတွေ၊ ကိုယ့်အချင်းချင်းတွေဆိုတော့ နေရထိုင်ရတာ စိတ်ချမ်းသာတယ်။ သူတို့ကလည်း လွှတ်ရတော့မှာဆိုတော့ သိပ်ပြီး ကျနော်တို့အပေါ် တင်းတင်းကျပ်ကျပ် မကိုင်တော့ဘူး။ လူကလည်း နည်းတဲ့အခါကျတော့ လွှတ်ထားလိုက်တာပဲ။ အဆောင်ဝင်းကြီးထဲမှာ လွတ်လွတ်လပ်လပ်နေရတယ်။

ကျနော်တို့နေတဲ့ အဆောင်ပတ်ဝန်းကျင်မှာ လွတ်လွတ်လပ်လပ်ပဲ နေရတယ်။ သရက်ပင်တွေ ရှိတယ်။ သူတို့ ထမင်းကျွေးတဲ့အခါ၊ တံခါးပိတ်တဲ့အခါကျမှ ရောက်လာတာပဲ။ နို့မို့လို့ရှိရင် လာလည်းမလာဘူး။ ဘာမှ မပြောဘူး။ ကျနော်တို့ ကျန်းမာရေး လေ့ကျင့်ခန်းလုပ်၊ ကျားထိုး။ ဒါပဲ။ ဖတ်စရာ စာအုပ်ကတော့ များများစားစား ဘာမှမရှိဘူး။ အဲ့ဒီမှာ ကျနော် ၄/၅ လလောက် ထင်တယ်။ နေရတယ်။ နေရပြီးတဲ့နောက် တနေ့မှာ …

တနေ့ဆိုတာက ၁၉၇၂ ခုနှစ်၊ မေလ ၄ ရက် ထင်တယ်။ မနက် ၁ဝ နာရီမှာ ကျနော့်ကို လာခေါ်တယ်။ လာခေါ်ကတည်းက လွှတ်မယ်ဆိုတာ ဗြောင်ပြောခေါ်တာပဲ။ အဲ့တော့ ကျန်တဲ့သူတွေကို နှုတ်ဆက်ရတာပေါ့။ သူတို့လည်း မှာစရာရှိတာ မှာကြပေါ့။ ခေါင်းပေါ် စောင်အုပ်တာတော့ မရှိတော့ဘူး။ ကျနော်လည်း ကျနော့် ရှိသမျှပစ္စည်းလေး ထုပ်ပိုးပြီး လိုက်သွားတယ်။ ကျွန်းကပြန်ပါလာတဲ့ စာအုပ်တွေ ဘာတွေလည်း မရှိတော့ဘူး။ ထောင်အဝင်ကတည်းက သိမ်းထားတာ ဘယ်ရောက်သွားမှန်း မသိတော့ဘူး။ နည်းတဲ့စာအုပ်တွေ မဟုတ်ဘူး။ စာအုပ်ကောင်းတွေ။

ကျနော်ကိုခေါ်သွားတော့ ထောင်ဗူးဝက ရုံးခန်းထဲမှာ ခေါ်သွားတယ်။ အဲ့ဒီမှာ ကျနော်ကိုလာကြိုတဲ့ ကျနော့် အဖေရယ်၊ ကျနော့် အမေရယ်၊ ကျနော့်အမေရဲ့မောင် (ကျနော့် ဦးလေး) ဒေါက်တာခင်မောင်အေး၊ ရန်ကုန်မှာ အဖေတို့ အမေတို့တည်းတဲ့ (ကျနော်တို့နဲ့ ဆွေရင်းမျိုးရင်းလို ဖြစ်နေတဲ့) ဦးထွန်းမြတ်လမ်းက ဦးလေး ဦးအေးကြည်။ သူတို့စောင့်နေတာ တွေ့ရတယ်။ ကျနော့်ကိုမြင်တော့ အမေနဲ့ ဦးအေးကြည်က မျက်ရည်ကျတယ်။ အဖေက အိနြေ္ဒရရပဲ။ ပြုံးနေတယ်။ ကျနော့် ဦးလေး ဒေါက်တာခင်မောင်အေးကလည်း ပြုံးနေတယ်။ ဒါပေမယ့် ဦလေးမျက်လုံးထဲမှာ မျက်ရည်စတွေ မြင်နေရတယ်။

ထောင်အပြင်ရောက်တယ်ဆိုတာနဲ့ပဲ ကျနော်တို့ကားကိုမောင်းလာတဲ့ ကျနော့် ဦးလေးက ...

“ဖိုးသံရေ … မင်း ဘာစားချင်လဲ”

လို့ ကြင်ကြင်နာနာနဲ့ မေးတယ်။ သူလည်း ထောင် ၂ ခါကျဖူးတာဆိုတော့ သိပ်ကိုယ်ချင်းစာတာပေါ့။ ဒါပေမယ့် ကျနော့် ခေါင်းထဲမှာ စားချင်တာလည်း မရှိဘူး။ ရှုတ်ထွေးနေတယ်။ အပြင်မှာက အရောင်အသွေးတွေက သိပ်တောက်ပနေတယ်။ အဲဒီခေတ်က ဖော့ခရစ်ခေတ်ကိုး။ ကျနော်တို့ တလျှောက်လုံး မြင်ခဲ့ရတာက အရောင်အသွေး မွဲခြောက်နေတဲ့ အဝတ်အစားတွေနဲ့ လူတွေ၊ မဲမဲခြောက်ခြောက်၊ ဆံပင် ရှည်ရှည်၊ ညှင်းသိုးသိုး လူတွေချည်း မြင်တွေ့ခဲ့ရတာ။ ခုတော့ အကုန်လုံး တောက်ပြောင်နေပြီးတော့ နေရောင်ကလည်း လွန်လွန်ကျူးကျူးကို လင်းနေသလား အောက်မေ့ရတယ်။ နောက် အင်းစိန်ဈေးကလည်း လူတွေများလွန်းတယ်လို့ ထင်နေမိတယ်။

အဲဒီညကျတော့ ကျနော်အိပ်တဲ့ အိပ်ရာဘေးမှာ ကျနော့်အမေကလာပြီးတော့ စကားပြောတာနဲ့ ကျနော် တညလုံးနီးပါး ကျနော့် ကျွန်းကအကြောင်းတွေ အမေ့ကို ပြောပြနေမိတယ်။ ကိုစွမ်းရည်ရဲ့ ‘အမေ့ခေါ်သံ’ ကဗျာထဲကလိုပဲ ထင်တယ်။

တကယ်က ကျနော် ထောင်ထဲကိုရောက်သွားတုန်းက ကျောင်းသားအသိ၊ ကျောင်းသားအသွင်နဲ့ ဝင်သွားတဲ့ ကျောင်းသားတယောက်ပဲ။ ဒါပေမယ့် ထောင်က ထွက်လာတဲ့အခါကျတော့ ကိုယ့်ကိုယ်ကိုယ် ကွန်မြူနစ်တယောက်၊ တော်လှန်ရေးသမားတယောက်လို့ သတ်မှတ်ထားလိုက်ပြီ။

ကျနော့် ခေါင်းပေါ်မှာ တာဝန်တွေ အများကြီး ပါလာတယ်လို့ ခံစားမိတယ်။ ။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၄၅)

ဦးတင်ညွန့်ကို သူတို့ကခေါ်တွေ့ပြီးတဲ့ နောက်တနေ့ နေ့လည်မှာပဲ ကျနော်ကိုလည်း ခေါ်တွေ့တယ်။ ထောင်ထဲကလို့ပဲထင်ရတဲ့ ရုံးခန်းတခန်းဆီကို စောင်အုပ်ပြီးခေါ်သွားတာပေါ့။ အခန်းလေးက တခန်းတည်းပါ။ တထပ်အဆောက်အဦလေးထဲက အခန်းလေးတခန်းလို့ ကျနော် ထင်တယ်။

အထဲရောက်တော့ အတွင်းဘက်ရှိတဲ့ အခန်းတခန်းထဲကို တွန်းပို့လိုက်တယ်။ အဲ့ဒီမှာ စားပွဲတလုံး ချထားတယ်။ စားပွဲက လေးထောင့်ရှည်ရှည်ပေါ့။ စားပွဲထိပ်မှာက ထောက်လှမ်းရေးက ဗိုလ်မှူးတယောက် ထိုင်နေတယ်။ (သူ့နာမည်က ဗိုလ်မှူးစိုးမြင့်လို့ နောက်မှ သူ့ကိုယ်သူပြောပြလို့ သိရတယ်။)

တံခါးပေါက်နဲ့ မျက်နှာချင်းဆိုင် အတွင်းဘက်မှာက ‘သခင်သန်းထွန်း နောက်ဆုံးနေ့များ’ စတဲ့ ထောက်လှမ်းရေးရဲ့ ဝါဒဖြန့် စာအုပ်တွေကို နာမည်ခံရေးထုတ်နေတဲ့ မြရာပင်စာပေဆိုတာက (သူတို့ခေါ်တဲ့) ရဲဘော်မြ၊ ရဲဘော်ဘခက်၊ ရဲဘော် တင်ရှိန်ဆိုတဲ့ လူ ၃ ယောက် ထိုင်နေကြတယ်။ ကျွန်းကတည်းက ကျနော်တို့က အင်မတန် မုန်းတဲ့သူတွေပေါ့။ သူတို့နဲ့ မျက်နှာချင်းဆိုင်မှာ ကျနော်တယောက်တည်း ကုလားထိုင်တလုံးမှာ ထိုင်ရတယ်။

ထောက်လှမ်းရေးဗိုလ်မှူးက သူ့ကိုယ်သူ ဘယ်သူဆိုတာ ပြောပြတယ်။ ပြီးတဲ့အခါကျတော့ မျက်နှာချင်းဆိုင်က ရှိတဲ့သူတွေနဲ့ မိတ်ဆက်ပေးတယ်။ သူတို့ ကျနော်ကို စီးကရက် တည်တယ်။ ကျနော်က (နဂိုကတည်းက ဆေးလိပ်မသောက်တဲ့ သူဆိုတော့) ငြင်းလိုက်တယ်။

အဲ့တော့ သူက အင်မတန်အေးဆေးတဲ့ လေသံနဲ့ ...

“ခင်ဗျားတို့က ထောင်ထဲမှာနေတာ ကြာသွားတော့ကာ အပြင်မှာကိစ္စတွေ ဘာမှမသိဘူး။ အထူးသဖြင့် ဗကပ ဗဟိုမှာ ဘာဖြစ်နေတယ်ဆိုတာ ခင်ဗျားက မသိဘူး။ ဟောဒီ ခင်ဗျားရှေ့က ထိုင်နေတဲ့ လူ ၃ ယောက်ကတော့ အဲ့ဒီက လာတဲ့လူတွေပဲ၊ သူတို့က အသိဆုံးပဲ၊ သူတို့ထက် ပိုသိတဲ့သူ မရှိဘူး။ အဲတော့ သူတို့ပြောပြတဲ့ဟာတွေကို ခင်ဗျား နားထောင်ကြည့်စမ်းပါဗျာ၊ ခင်ဗျား ရေးထားတဲ့ဟာတွေကိုလည်း ကျနော်တို့ ဖတ်ရပါတယ်။ အဲ့တော့ ထင်ထားတဲ့ဟာတွေနဲ့ တူလား မတူလားဆိုတာ သူတို့ပြောတာကို ခင်ဗျား နားထောင်ကြည့်စမ်းပါ”

အဲ့ဒီလို ပြောတယ်။ (သူညွှန်းတာ ကျနော်တို့ကို စာမေးပွဲစစ်တုန်းက ကျနော်ရေးခဲ့တဲ့ဟာတွေကို ညွှန်းတာ။)

သူက အဲလိုပြောလိုက်တော့ ကျနော်က ...

“ဗိုလ်မှူးနဲ့ကတော့ ထောင်အာဏာပိုင်နဲ့ဆိုတော့ ကျနော်က ပြောစရာရှိတာ ပြောရမှာပေါ့၊ ဒါပေမယ့် ဒီလူ ၃ ယောက်ကတော့ သစ္စာဖောက်တွေပဲ၊ လက်နက်ချတွေပဲ။ ကျနော့်မှာ သူတို့နဲ့ ပြောစရာ ဘာစကားမှ မရှိဘူး”

လို့ ကျနော် ပြောလိုက်တယ်။ ဒါဟာ ဦးတင်ညွန့်ပြောပြတာကို ကျနော်ကြားပြီးကတည်းက စဉ်းစားထားတဲ့ စကားတွေ။

အိုး … အဲဒီအချိန်မှာ ဗိုလ်မှူးစိုးမြင့်ဆိုတဲ့သူက အကြီးအကျယ် ဒေါပွသွားတယ်ဗျို့၊ မျက်နှာ အကြီးအကျယ် ပျက်သွားတယ်။ အိနြေ္ဒကို မဆယ်နိုင်ဘူး။ စကားပြောတော့လည်း အစကတော့ ‘ခင်ဗျားနဲ့ ကျနော်’ကနေ ချက်ချင်း ‘မင်းနဲ့ ငါ’ ဖြစ်သွားတယ်။ ဟို ၃ ကတော့ သိပ်မပျက်ဘူး။ သူတို့ ၃ ယောက်က ဒီဘက်မှာ ဗိုလ်မှူးစိုးမြင့်ထက် ဝါရင့်တာ သိပ်ပြီး သေချာတယ်။

ဒါပေမယ့် ဘယ်လိုပဲပြောပြော သူတို့နဂိုက စဉ်းစားထားတဲ့ ကျနော့်ကို ကျနော့်အကို ကိစ္စပြောပြပြီးတော့ မိချောင်းမျက် ရည်ကျပြမယ်ဆိုတဲ့ အစီအစဉ် ပျက်သွားတယ်။ နောက်ဆုံး သူတို့အချင်းချင်းပဲ စကားပြောကြတယ်၊ တိုးတိုး တိုးတိုးနဲ့။ “အင်း … ရုပ်ကတော့ သူ့အကိုနဲ့ ဆင်သားပဲ” ဒီလောက်ပဲ ပြောတယ်။ အခြားတော့ သူတို့ ဘာမှမပြောကြတော့ဘူး။ တခါတည်း နှုတ်ပိတ် သွားတယ်။ ကျနော် ထိပ်ကနေ ပိတ်ပြောလိုက်လို့။

ဗိုလ်မှူးစိုးမြင့်ဆိုတဲ့လူကတော့ ပြောရင်းပြောရင်း ဒေါသထွက်ထွက်လာတယ်။ ထိန်းလို့ မရဘူး။ သူကပြောလည်း ကျနော်ကတော့ ဘာမှမပြောဘူး။ နားထောင်နေတာပဲ။ ပြောရင်းပြောရင်းနဲ့ နောက်ကျတော့ စိန်ခေါ်တဲ့သဘောတွေ၊ ပြိုင်တဲ့သဘောတွေ ပါလာတယ်။ တခါကျတော့သူက

“မင်းက ဘာမှမသိဘဲ ပြောနေတာ၊ မင်းတို့ ဗဟိုရှိတဲ့ ရိုးမကိုသွားရင် မင်းလည်းသေမှာ၊ မင်းသွားရဲသလား။ သွားမယ်ဆို ငါ အခုထုတ်သွားပြီး မင်းကို ငါတို့ကိုယ်တိုင် လိုက်ပို့ပေးမယ်”

လို့ ပြောတယ်။ ဟာ … ဒီအထိပြောလာတာတော့ လွန်လာပြီလို့ ကျနော် စဉ်းစားမိတယ်။ (ဒါပေမယ့် သူတို့ ပြောတဲ့အတိုင်း လိုက်သွားလို့ရှိရင်လည်း လမ်းမှာ သတ်ပစ်လိုက်မှာ သေချာတယ်။) အဲ့တော့ ကျနော်က ခပ်အေးအေးပဲ ...

“ဒါဖြင့်လည်း ခင်ဗျားတို့ လွှတ်ကြည့်ပါလား၊ လိုက်ပို့ဖို့ မလိုပါဘူး”

လို့ တခွန်းပဲ ပြန်ပြောလိုက်တယ်။

အဲ့တော့ သူဘာမှ ဆက်မပြောတော့ဘူး။ နှုတ်ပိတ်သွားတယ်။ အဲ့လို လွှတ်ပေးမယ်လို့လည်း သူ အာမခံလို့ မရဘူးလေ။ ဒါပေမယ့် အကြီးအကျယ်ကို မျက်နှာပျက်သွားတယ်။ နောက်ဆုံးကျတော့ ပြောစရာကို မရှိလောက်အောင် နှစ်ဖက်ဖြစ် သွားကြတယ်။

နောင် … ကျနော် ထောင်က လွတ်လာတဲ့အခါကျတော့ ထောက်လှမ်းရေးကရော၊ ခုနက မြရာပင်အဖွဲ့က လူတွေကပါ ကျနော့်ဆွေမျိုးတွေ၊ ကျနော်တို့နဲ့ သိတဲ့သူတွေကို ကြုံတိုင်းကြုံတိုင်း ကျနော်က ‘သိပ်ခေါင်းမာတာပဲ’ လို့ လျှောက်လျှောက်ပြောကြတယ်။ အဓိပ္ပာယ်က မလွတ်တာလည်း မဆန်းဘူးလို့ ဆိုချင်သလား မသိပါဘူး။

ဒီလိုနဲ့ပဲ ကျနော်တို့စကားဝိုင်းဟာ အရည်ရရ အဖတ်ရရ ဘာမှမရှိဘဲနဲ့ ကျနော်ကို တိုက်ခန်းထဲ ပြန်ပို့လိုက်တယ်။ တိုက်ခန်းထဲ ပြန်ရောက်တော့ အင်မတန် စိုးရိမ်တကြီးနဲ့စောင့်နေတဲ့ ဦးတင်ညွန့်ကို တွေ့ရတယ်။ တပ်ထားတဲ့ မျက်မှန်ကြားထဲက မျက်လုံးလေးတွေ ဝိုင်းလို့ ကျနော့်ကိုမျှော်နေတာ။ ပြီးတော့ ကျနော်တို့ ၂ ယောက်သား အဲဒီအကြောင်းတွေ ပြန်ပြီး ပြောကြ၊ စားမြုံ့ကြတာပေါ့။

နောက် ဘာမှမကြာဘူး။ ရက်ပိုင်းအတွင်းပဲဖြစ်မယ်။ ကျနော်တို့ ၂ ယောက်ကို အင်းစိန်တွဲဖက်ထောင်ကို ပို့လိုက်တယ်။ တွဲဖက်ထောင် အဆောင် ၁ မှာ ကျနော်တို့ နေရတယ်။ (ကျနော်တို့ ကျွန်းမသွားခင်တုန်းကတော့ အဆောင် ၂ မှာ) အဲဒီတုန်းက အင်းစိန်တွဲဖက်ထောင်ကြီးထဲမှာ လူက နည်းနည်းလေးပဲရှိတယ်။ လွှတ်ကုန်ပြီကိုး။ အခုက လက်ကျန်လေးပဲ ကျန်တော့တာ။ အဲ့တော့ ထောင်ကြီးတခုလုံး ထားတဲ့သူတွေက ချောင်နေတယ်။ အဆောင် အားလုံးပေါင်း ၆ ခုလား၊ ၇ ခု လား ရှိတာ။

အဲ … လူက ၁ဝ ယောက်လောက်ပဲ ရှိတယ်ထင်တယ်။ နောက် အားလုံးကလည်း ကျွန်းက ပြန်လာကြတဲ့ သူတွေချည်းပဲ။ ကျနော်မှတ်မိသလောက် ကျနော်နဲ့ အတူနေရတာက ခုနက ဦးတင်ညွန့်၊ လူထုကိုစိန်ဝင်း၊ (မြန်မာနိုင်ငံ အလုပ်သမား ညီညွတ်ရေးပါတီဖြစ်လာတဲ့) ပြည်သူ့ရဲဘော်က ခေါင်းဆောင် ဗိုလ်မျိုးထွဋ်၊ နောက်ပြီးကတော့ ဗိုလ်ဟိန္ဒက၊ ဗမာပြည်ကွန်မြူနစ်ပါတီကို အကူအညီပေးလို့ အဖမ်းခံရတဲ့ ဦးချစ်ဆွေ၊ အဲ့ဒီလူတွေလောက်ပဲရှိတယ်။ ဒါ ကျနော်နဲ့ အတူ နေရတဲ့အဆောင်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၄၄)

ကျနော်တို့ ၂ ယောက် လမ်းလျှောက်နေတာပဲ။ တနေကုန် လမ်းပဲ လျှောက်နေတာပဲ။ ဦးတင်ညွန့်က နဂိုကတည်းက လမ်းလျှောက်တာ ဝါသနာပါတယ်။ သူ အဖမ်းမခံရခင် ရန်ကုန်မှာနေတုန်းကလည်း လမ်းလျှောက် ဝါသနာပါတယ်။ ကျွန်းပေါ်ရောက်တော့လည်း လမ်းလျှောက်နေတာပဲ။ သူက အရပ်ပုတယ်။ ဒါပေမယ့် လမ်းလျှောက်ရင် သုတ်သုတ် သုတ်သုတ်နဲ့ လျှောက်တယ်။ ကျနော်တို့ ၂ ယောက် နေ့တိုင်းပဲ တိုက်ခန်းထဲ လမ်းအတူလျှောက်ရင်း စကားတွေပြောကြတယ်။ အများအားဖြင့်တော့ ကျနော်က နားထောင်သူ။ သူ့ဆီက သိချင်စရာတွေ အများကြီး။

ဒီလိုနဲ့ တနေ့မှာ လမ်းလျှောက်ရင်း ပါးစပ်ထဲမှာပေါ်လာတဲ့ အင်တာနေရှင်နယ်သီချင်းကို ဆိုမိတယ်။ ဘာရည်ရွယ်ချက်မှရှိလို့ မဟုတ်ဘူး။ တိုးတိုးလေးဆိုတာတော့ မဟုတ်ဘူး။ အသံတော့ထွက်တာပေါ့။ အသံ နည်းနည်းကျယ်တာပေါ့။ ကျနော်ဆိုတော့ ဦးတင်ညွန့်လည်း လိုက်ဆိုတယ်။ သူလည်း သီချင်းဆိုကောင်းတယ်။ ဘာမှလည်း မစဉ်းစားမိဘဲနဲ့ လှမ်းလျှောက်ရင်း ဆိုနေတယ်။

အဲဒီမှာ ဗြုန်းဆို ဝါဒါ ၃/၄ ယောက် ပေါက်ချလာတယ်။ ဒီကောင်တွေက ဘာမပြော ညာမပြောနဲ့ သံတံခါးဖွင့်ပြီး ကျနော့်ကို ဝိုင်းရိုက်ကြ၊ ကန်ကြတာ။ ဦးတင်ညွန့်ကိုတော့ လူကြီးမို့ထင်ပါရဲ့။ ဘာမှမလုပ်ဘူး။ ဒီအချိန်မှာ ဦးလေး ဦးတင်ညွန့်က …

“ဟာ … မလုပ်ကြပါနဲ့ဗျာ”

ဆိုပြီးတော့ ကျနော့်ကို သူ့ကိုယ်လုံးနဲ့ ဝင်ပြီးကာပေးရှာတယ်။ ဒါလည်း ကျနော် တသက်လုံး မမေ့နိုင်တဲ့ ခံစားချက်တရပ်ပဲ။ ထောင်အာဏာပိုင်တွေက ကျနော့်ကို ဝိုင်းရိုက်နေတယ်။ ကျနော်တို့ရဲ့ရဲဘော်က သူ့ကိုယ်လုံးလေးနဲ့ ဝင်ပြီးကာပေးတယ်။ ဘယ်တော့မှ မမေ့နိုင်တဲ့ကိစ္စပဲ။

တကယ်တော့ ကျနော့်ကို ဖမ်းပြီးထောင်ထဲက ထုတ်စစ်တဲ့အခါမှာ(ဖမ်းကာစကပေါ့လေ) ကျနော့်ကို ကျုံးအနောက်ဘက်က MI ရုံးမှာ တညလုံး ရိုက်တယ်။ ဒါကိုရှေ့မှာ ကျနော် မပြောခဲ့ဘူး။ ကိုယ့်အကြောင်းမို့လို့ သိပ်မပြောချင်တာ။ ခုမှ ကျနော်ပြောတဲ့အကြောင်းက ကျနော့်အတွေးအခေါ်ကို ပုံသွန်းလောင်းပေးသလိုဖြစ်တဲ့ ဒီကိစ္စတွေကို တဆက်တည်း သိစေချင်လို့ပဲ။ လူတယောက်အနေနဲ့ တော်လှန်ရေးသမားတယောက် ဖြစ်လာတယ်ဆိုတာဟာ သာမန်စာအုပ်ဖတ်ပြီး ဖြစ်လာတာတင်မကဘူး။ နာစရာ ကျည်းစရာတွေ အများကြီး ဖြစ်လာတဲ့အခါမှာ ပိုပြီးတော့ စွဲမြဲတယ်ဆိုတာ ကျနော် ပြောပြချင်လို့ပါ။

အဲဒီလိုနဲ့ တနေ့လည်းကျတော့ ထောင်အာဏာပိုင်တွေက ဦးတင်ညွန့်ကို လာခေါ်သွားတယ်။ စောင်အုပ်ပြီး ခေါ်သွားတာ။ ဘာမှလည်း မပြောဘူး။ သူ့ပစ္စည်းတွေ ဘာတွေလည်း ယူမသွားဘူး။ ကျနော်တယောက်တည်းပဲ ကျန်နေခဲ့တာ။ သူ့ကို လွှတ်လိုက်တာလား။ အခန်းပြောင်းလိုက်တာလား။ ဘာလုပ်တာလဲ စဉ်းစားနေတယ်။ ပစ္စည်းတွေ ဘာတွေလည်း မယူခိုင်းတော့ လွှတ်တာတို့၊ အခန်းပြောင်းတာတို့ ဟုတ်ချင်မှဟုတ်မယ်လို့လည်း စဉ်းစားနေတယ်။ ဒါပေမယ့် အဲဒီ အချိန်မှာ လူတချို့ကို လွှတ်နေပြီ။ လွှတ်တဲ့အထဲမှာ ကျွန်းပြန်တွေလည်း ပါနေတယ်။

ကျနော်တို့နေတဲ့တိုက်ရဲ့ နောက်ကျောမှာ ‘ရင်ကွဲတိုက်’ လို့ခေါ်တဲ့ ၆ တိုက် ရှိတယ်။ အဲဒီမှာက သာမန် အကျဉ်းသမားတွေကို ထားတာ။ (အဲဒီအချိန်တုန်းကပေါ့လေ။) ညဘက်ဆိုလို့ရှိရင် အဲဒီဘက်က သတင်းစာ ဖတ်သံတွေကို ကြားရတယ်။ တခါတလေပေါ့လေ။ ကြားရတဲ့အချိန်မှာ သတင်းစာထဲမှာပါတဲ့ ထောင်ကလွှတ်တဲ့ သတင်းတွေကို အကျယ်ကြီး အော်ဖတ် ပြတာ ကြားရတယ်။ ဒါ တမင် ကျနော်တို့ ကြားအောင် လုပ်နေတယ်လို့ ထင်တယ်။ ကျနော်တို့ကို စိတ်ဓာတ်စစ်ဆင်ရေး လုပ်နေတာပဲ။ “ဘယ်သူတွေတော့ လွတ်ပြီ၊ ဘယ်သူတွေတော့ လွတ်ပြီ” ဆိုတာကို တမင်ဖတ်ပြနေတာ။

အဲဒီလိုနဲ့ ကျနော် ဦးတင်ညွန့်ရဲ့ ကံကြမ္မာကို တွေးနေတုန်း ၂ နာရီလောက်ကြာတဲ့အခါကျတော့ သူ့ကို ပြန်ခေါ်လာတယ်။ စောင်အုပ်ပြီး ပြန်ခေါ်လာတာ။ အခန်းထဲသွင်းပြီး စောင်အုပ်ကို ဖယ်၊ တံခါးကို ဂျိမ်းခနဲ ပိတ်၊ ဝါဒါတွေ ပြန်သွားတော့ သူက တံတွေးကိုမြိုချပြီး ...

“အမယ်လေး … ကိုဖိုးသံရေ”

လို့ စပြောတယ်။ ဟာ … သူတော့ ဘာပြောမလို့လဲ၊ ကျနော်က သူ့မျက်နှာကိုကြည့်ရင်း မှန်းကြည့်နေတယ်။ သူက အင်မတန်ကို ထူးဆန်းတာတခုကို တွေ့ခဲ့တဲ့ပုံပဲ။

“ဟာ … ဘယ်လိုမှကို မထင်တဲ့ကိစ္စမျိုးဗျို့”

လို့ ပြောတာပဲ။ ဖြစ်ပုံကဒီလို … သူ့ကို ပဲခူးရိုးမက လက်နက်ချလာတဲ့၊ ထောက်လှမ်းရေးနဲ့ အတူတွဲလုပ်နေတဲ့ ဦးမြ၊ ရဲဘော်တင်ရှိန်၊ ရဲဘော်ဘခက်ဆိုတဲ့ လူတွေနဲ့ ထောက်လှမ်းရေးက တွေ့ပေးတာ။ ထောက်လှမ်းရေးက ဗိုလ်မှူးတယောက်ဆိုတာလည်း ပါတယ်။ သူတို့ သိဖူးတဲ့သူတွေ အချင်းချင်းမို့လို့ နားချတဲ့သဘောပေါ့လေ။ ဗကပ အကြောင်း၊ သူတို့ကိုယ်တွေ့ဆိုတဲ့အကြောင်း မကောင်းတာတွေ လျှောက်ပြောတာပဲ။

ပြီးတော့ ဦးတင်ညွန့်ရဲ့တုန့်ပြန်မှုတွေကို အဲဒီထောက်လှမ်းရေး ဗိုလ်မှူးက စောင့်ကြည့်အကဲခတ်၊ သူတို့ချင်း ပြန်ညှိကြတဲ့ပုံစံပဲ။ ဦးတင်ညွန့်အပြောအရဆိုရင် တခြားသူတွေကို ခေါ်တွေ့ဦးမယ့်သဘောရှိတယ်။ တချို့ကိုလည်း ခေါ်တွေ့ ပြီးပြီ။ ထပ်လည်း တွေ့ဦးမယ်။ နောက်ပြီး ကျနော့်ကိုလည်း ခေါ်တွေ့မယ်ထင်တယ်လို့ သူက ကျနော့်ကို ပြောတယ်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၄၃)

နောက်ပြီးတော့မှ ဒီဘက်က ဦးမြသန်းတင့်တို့၊ ကိုအောင်မေသုတို့နဲ့ အဆက်အသွယ် ရတယ်။ အဲဒီနောက် တဖြည်းဖြည်း ဝါဒါအလစ်မှာ စကားပြော ဖြစ်ကြတယ်။ ကျနော်တို့ ထမင်းပို၊ ဟင်းပိုတွေ ရှေ့ကို ပစ်လိုက်လို့ရှိရင် ဆက်ရက်တွေက လာစားတယ်။ ကျနော်တို့ အနားမှာ ဆက်ရက်တွေရှိတဲ့ အခါကျတော့ ကောင်းတယ်။ ဘာကောင်းလည်းဆိုတော့ ဝါဒါလာရင် ဆက်ရက်တွေက ထပြန်တယ်။ ဝါဒါ လာ မလာ ကျနော်တို့ သိနိုင်တယ်။

ဒါပေမယ့် စကားအပြောများတာကတော့ ညပိုင်း ပိုပြောကြတယ်။ ခုနက ကိုထွန်း အောင်ကျော်နဲ့ ကျနော်က ကိုးကိုးကျွန်းပေါ်တုန်းက လေ့လာရေးအတူတူပဲ ဆိုတော့ ပြောစရာတွေက အများကြီး၊ နောက် ဒီဘက်က ဦးမြသန်းတင့်တို့ ကို အောင်မေသုတို့နဲ့ကလည်း စကားကပြောမယ်ဆိုရင် ပြောစရာတွေအများကြီး …။

ကျနော်မှာ မှတ်မှတ်ရရပြောချင်တာတခုက ဦးမြသန်းတင့်က ကျနော့်ကို သူခေါင်းထဲမှာ စဉ်းစားထားတဲ့ သူစာရေးမယ့် အကြောင်းအရာတွေကို ပြောပြတယ်။ ညတိုင်းမှာ တခုချင်း တခုချင်း ပြောပြတယ်။ သိပ်စိတ်ဝင်စားစရာ ကောင်းတယ်။ သူ ထောင်ထွက်လာပြီးတဲ့အခါမှာ သူ ပထမဆုံးရေးတဲ့၊ လူကြိုက်လည်းများတဲ့ ‘ကျနော်ဆက်ရေးချင်သော ဝတ္ထုများ’ အကြောင်းကို သူ အဲဒီမှာ ကျနော့်ကို ပြောပြတာ။ တခြား ဘယ်သူ့ကိုမှ မပြောပြသေးဖူးဘူး။ ဒါ ကျနော် ခုမှ ပြန်ပြောတာ ဂုဏ်လည်းယူတယ်။ သူရေးမယ့်သူတွေရဲ့ တဦးချင်းရဲ့ ဝတ္ထုတွေကို သူက အသေးစိတ်ပြောပြတာ။

နောက်ပြီးတော့ သူ ဘယ်လိုလုပ်မယ်၊ အရင်စာရေးဆရာတွေထဲက ဘယ်အချက်ကို အားမရတာ၊ ဒါကြောင့်မို့လို့ ဒီခေတ်အမြင်နဲ့ ပြန်ရေးမယ်ဆိုရင် ဘယ်လိုရေးမယ်ဆိုတာကို သူက အသေးစိတ်ပြောပြတာ။ ဟာ … ကျနော်လည်း သဘောကျလွန်းလို့ “ ဦးရယ်… ထွက်ရင် ရေးဖြစ်အောင်ရေးပါ” လို့ တိုက်တွန်းတာ။

ဦးလေးဦးမြသန်းရဲ့ ထူးခြားချက်တခုက စာတွေ အများကြီးဖတ်တာတင်မကဘူး။ အများကြီး မှတ်မိတာ။ ခုနက ပြောတဲ့ သူရေးချင်တဲ့ ‘ကျနော်ဆက်၍ရေးချင်သော ဝတ္ထုများ’ ဆိုတာ အရင် အနှစ် ၃၀ ကျော်လောက်က ဟာတွေ၊ စစ်မဖြစ်ခင် ကဟာတွေ။ အဲဒါတွေကို သူက အကုန် အသေးစိတ်မှတ်မိနေတာ။ ဇာတ်ကောင်တွေ နာမည်ကအစ အသေးစိတ်တွေ။ အတော့်ကို အံသြဖို့ ကောင်းတာ။ အဲဒါအပြင် အခြားပြည်တွင်း ပြည်ပက စာပေရေးရာ အကြောင်းတွေလည်း အများကြီး ပြောကြတယ်။ ကျနော်က နားထောင်တာပါ။ ကျနော်က ပြောစရာ သိပ်မရှိပါဘူး။

ကိုအောင်မေသုကတော့ ကျနော့်ကို အင်းစိန်ထောင် ဗဟုသုတပေါ့လေ။ ကျနော်တို့ကို တာဝန်ယူတဲ့ အာဏာပိုင်တွေ၊ ဝါဒါတွေအကြောင်း အကုန်လုံး မိတ်ဆက်ပြတယ်။ အင်းစိန်ထောင်မှာ ဆောင်ရန် ရှောင်ရန်တွေလည်း ပြောတယ်။ သူက ကျနော့်ထက် ၄/၅ နှစ်လောက် ကြီးမလား မသိဘူး။ သူက ရဲဘော်တွေကို ခေါ်ရင် ဘယ်တော့မှ တုံးတိကြီး မခေါ်ဘူး။ နာမည်ရှေ့မှာ ‘ရဲဘော်’ တပ်ပြီး ခေါ်တယ်။ စကားပြောရင်လည်း ဘယ်တော့မဆို ‘ခင်းဗျား … ကျနော်’ ပဲပြောတယ်။ ကျနော်တို့အထဲမှာ အသက်အငယ်ဆုံးဖြစ်တဲ့ ကိုလှဋ္ဌေးကိုတောင်မှ ‘မင်း … ငါ’ မပြောဘူး။

ကျနော်တို့ ရန်ကုန်ထောင်ကိုရောက်တဲ့အခါ ဆောင်းဝင်စပြုနေပြီ။ နောက်ပိုင်း ဆောင်းတွင်းကိုရောက်တဲ့အခါ မနက်ပိုင်းနဲ့ ညပိုင်းမှာ အတော်လေးအေးတယ်။ ရှေ့တံခါးက ပိတ်မထားတော့ အမြဲပဲ လေဝင်တယ်။ ကျနော်တို့ကို ပေးထားတာ ဘာဘူစောင်အစုတ်ကလေး တထည်တည်း။

ညမှာဆိုရင် အောက်က အခင်းမရှိတဲ့၊ ၄ လက်မလောက်မြင့်တဲ့ ပျဉ်ပြား ကွပ်ပျစ်ပေါ်မှာ အဲဒီ ဘာဘူစောင်လေးနဲ့ ကွေးရတာပဲ။ မနက် အိပ်ယာအစောကြီး ထရတယ်။ ထပြီး အဲဒီစောင်ကို ခေါက်၊ အဲဒီကွပ်ပျစ်ပေါ်မှာ ရှေ့ကခင်း၊ အဲဒီစောင်ခေါက်ရဲ့ နောက်မှာ တင်ပလ္လင်ခွေထိုင်ပြီး လာစစ်မယ့် ထောင်မှူးကို စောင့်ရတာ။ သူတို့ ဘယ်အချိန်မှလာမလဲ အတိအကျ မပြောဘူး။ အဲဒီလို တုပ်တုပ်မှမလှုပ်ဘဲနဲ့ ထိုင်ပြီးတော့ စောင့်ရတာ။ အေးကလည်း အေး၊ ချမ်းကလည်း ချမ်း၊ စောင်လည်း ခြုံလို့မရဘူး။ စောင်က ရှေ့မှာ ခေါက်ပြီးတော့ ထားရတာ။ တခါတလေ နာရီဝက်လောက်ကို အကြာကြီး ထိုင်စောင့်ရတာ။

တနေ့တော့ ကျနော်က ထောင်မှူးလည်းမလာသေးတော့ စောင်ကိုယူပြီး ကိုယ်မှာပတ်ထားတယ်။ ဒီလိုအချိန်မှာ ထောင်မှူးဆိုတဲ့ကောင်က ဘာသံမပေး၊ ညာသံမပေးနဲ့ ဗြုန်းဆို ပေါက်ချလာရော။ ရောက်လာတော့ ကျနော်က စောင်ကို ကမန်းကတန်း ပြန်ခေါက်တယ်။

ဒါပေမယ့် မမီတော့ဘူး။ အဲဒီကောင်က တွေ့သွားတယ်။ အဲဒီမှာ ဒီကောင်က ရှူးရှူးရှားရှားနဲ့ ပါလာတဲ့ ဝါဒါ ၂ ယောက်ကို တံခါးဖွင့်ခိုင်း၊ ဝင်လာပြီး ကျနော်ကို လက်ပိုက်ခိုင်းပြီး သူစီးထားတဲ့ ဖိနပ်ကိုချွတ်ပြီး ကျနော့်ပါးကို ရိုက်တာပဲ။ ကျနော့်ပါးကို ရိုက်တာ။ ကျနော့်တသက်မှာ ဒါမျိုး ကျနော် ဘယ်လိုမေ့လို့မလဲ။ အခဲရော ဘယ်ကျေနိုင်မလဲ။ အဲဒီ ထောင်မှူးဆိုတဲ့အကောင်ရဲ့ နာမည်က ‘သောင်းရွှေ’ တဲ့။ အရင်က အင်မတန် ဆိုးတယ်လို့ နာမည်ကြီးတဲ့သူ။ ရုပ်က သွေးမရှိတဲ့ရုပ်မျိုး။ အင်မတန် ရက်စက်တဲ့ရုပ်မျိုး။

အဲဒီလိုနဲ့ တနေ့မှာကျတော့ ကျနော်တို့ကို စာမေးပွဲ ဖြေခိုင်းတယ်။ သူတို့ မေးခွန်းတွေကို ဖြေရတာပေါ့။ အရင်တုန်းက လုပ်နေကျအတိုင်း မေးခွန်းတွေကလည်း အရင်ကအတိုင်းပဲ။ ကျွန်းမပို့ခင် မန္တလေးထောင်မှာ မေးတဲ့အတိုင်း။ နောက် ကျွန်းပို့ခါနီး အင်းစိန် တွဲဖက်ထောင်ထဲမှာ မေးတဲ့အတိုင်း ဘာမှမကွဲဘူး။ ကျနော်ကလည်း ဖြေတော့ အဲဒီအတိုင်းပဲ။ ဘာမှ မကွဲဘူး။ အဲဒီနောက် ကျနော်တို့ကို အခန်းပြောင်းတာတွေ လုပ်တယ်။ ကျနော့်ကို ၄ တိုက်ရဲ့ ဒီဘက်အဆုံးကနေ ဟိုဘက်အဆုံးကို ပို့လိုက်တယ်။

ကျနော်နဲ့အတူနေရတဲ့သူက ကျနော်တို့ ကိုကိုးကျွန်းက ပြန်လာတဲ့ ဦးတင်ညွန့်။ ဗမာပြည်ကွန်မြူနစ်ပါတီကပဲ။ ဝါရင့် တော်လှန်ရေးသမားတယောက်။ ကျနော့်ထက် အသက်အများကြီး ကြီးတယ်။ ကျနော့်အပေါ် အင်မတန်မှ ကြင်နာတယ်။ စိတ်ရင်းစေတနာ သိပ်ကောင်းတယ်။ ပါတီဗဟိုရဲ့ ဆက်သားအဖြစ် သူ့လုပ်ကိုင်ခဲ့ပုံတွေကို ပြောပြောပြတယ်။ အင်မတန် စိတ်ဝင်စရာကောင်းတယ်။

၂ ယောက်သား ကျွန်းအကြောင်းတွေ၊ အာဇာနည်အကြောင်းတွေ ပြောဖြစ် ကြတယ်။ ကျနော်ကတော့ သူ့ဆီကနေ လေ့လာစရာတွေ အများကြီးပေါ့ လေ။ သူပြောသမျှ မှတ်ထားရတာပေါ့။ ကျနော်တို့တိုက်ထဲမှာ နေရတဲ့အခါကျတော့ ဘာမှလုပ်စရာရှိတာ မဟုတ်ဘူး။ ကျန်းမာရေးလေ့ကျင့်ခန်း လုပ်ဖို့ဆိုတာလည်း ၂ ယောက်အတူနေရတဲ့အခါကျတော့ ဘာမှလုပ်လို့မဖြစ်ဘူး။ အခန်းက ကျဉ်းကျဉ်းလေး။

အထူးသဖြင့် ကိုယ့်ထက်အသက်ကြီးတဲ့ လူကြီးတယောက်နဲ့ အတူနေရတာ ဆိုတဲ့အခါကျတော့ လှုပ်ရှားမှုက ပိုပြီးတော့ သတိထားရတယ်။ ဦးတင်ညွန့်ကတော့ လူငယ်လိုပါပဲ။ ကျနော်တို့ကို ဘာမှ အားနာအောင် မလုပ်ပါဘူး။ သူက အင်မတန် နားလည်ခွင့်လွှတ်နိုင်တဲ့လူ။ သဘောထား သိပ်ကြီးတယ်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၄၂)

အဲဒီမှာ အံ့သြစရာတခုပြောချင်သေးတယ်။ အဲဒါကဘာလဲဆိုတော့ ကျနော်တို့တတွေ အဲဒီလို ထူးထူးခြားခြား အလုပ်ရှုပ်နေကြတယ်၊ ပုံပျက်ပန်းပျက်ဖြစ်နေတယ်ဆိုတာကို ကျနော်တို့ မွေးထားတဲ့ ခွေးတွေကလည်း သတိထားမိကြတယ်။ သူတို့လည်း မျက်နှာ မသာဘူး။ ကျနော်တို့က အမဲသားတွေကို သူ့တို့လည်း ကျွေးတယ်။ သူတို့လည်း မစားတော့ဘူး။

အရင်ဆို ကျနော်တို့ခွေးတွေက အသားဆို အငမ်းမရ၊ သူတို့လည်း ကျနော်တို့လိုပဲ ငတ်ပြတ်နေတဲ့ဟာတွေ။ အဲတော့ ခွေးတွေကတောင် သတိထားမိတယ်။ ကျနော်တို့ပြန်ရတာက အောက်တိုဘာလလား၊ နိုဝင်ဘာလလား ကျနော် အသေအချာ မမှတ်မိတော့ဘူး။ အခု ကျနော်ပြန်စဉ်းစားမိတာကတော့ ကျွန်းကိုလာတုန်းကကိစ္စတွေကို ကျွန်းကပြန်တဲ့ ကိစ္စတွေထက် ပိုပြီးမှတ်မိနေတယ်။ ကျွန်းကပြန်တဲ့ကိစ္စကို ခေါင်းထဲမှာ သိပ်မရှိဘူး။

အဲဒါ ပြန်ကြတယ်ပေါ့ဗျာ။ ပြန်ကြတော့ ကျနော်တို့ကို လာကြိုတာက အလာတုန်းက ‘ပြည်တော်ညွန့်’ သင်္ဘောပဲ။ ပြန်မယ့်နေ့ မနက်အစောကြီးမှာ ကျနော်တို့ မိုးတောင် မလင်းသေးဘူး။ အာဇာနည်တွေကိုသွားပြီး အသုတ်လိုက် အလေးပြုကြတယ်။ ဘာနဲမှမတူတဲ့ ခံစားမှုပဲလေ၊ ကျနော်တဦးချင်းမှာတော့ အဲဒီနားမှာတင် ကျနော့်ဘဝအတွက် ဆုံးဖြတ်ချက်ကျသွားတယ်လို့ ထင်တယ်။ ငါရှေ့မှာ ဘာဆက်လုပ်မယ်ဆိုတာ အဲဒီမှာ ဆုံးဖြတ်လိုက်တဲ့သဘောပဲ။

အဲဒီလိုပဲ ကျနော်တို့ လာတဲ့နေရာဘက်ကပဲ ပြည်တော်ညွန့် သင်္ဘောပေါ် ပြန်တက်ကြတယ်။ ဒါပေမယ့် ကျနော်တို့အလာတုန်းက သင်္ဘောကြီးက အဖြူရောင်ကြီး၊ အခုတော့ သူတို့ ဆေးပြောင်းသုတ်ထားတယ်။ အနက်ရောင်ကြီး၊ ဒါပဲကွာတယ်။ သင်္ဘောဝမ်းထဲမှာ ကျနော်တို့အလာတုန်းက ဘာမှမရှိဘူး။ ဒီ အောက်ခံ ရိုးရိုးသံကြမ်းပြင်ပေါ်မှာ ဖင်ချထိုင်ရတာ။ အခု အပြန်ကြ သင်္ဘောဝမ်းထဲမှာ နှစ်ထပ်အိပ်စင် အပြည့်လုပ်ထားတာ။ ကြည့်ရတာသူတို့ ခရီးသည်တွေဆွဲတဲ့ သဘောပဲ။ နောက်ပြီး အိပ်စင်တိုင်းမှာလည်း အသက်ကယ်ဘော အင်္ကျီလေးတွေ ချိတ်ထားတာ တွေ့ရတယ်။

ကျနော်တို့ကို သင်္ဘောဆိပ်ကဆင်း ရန်ကုန်ဆိပ်ကမ်းတက်တော့ ညပိုင်း ၈ နာရီ၊ ၉ နာရီလောက်ရှိပြီ ထင်တယ်။ အလာတုန်းကလိုပဲ ကျနော်တို့ကို ကားကြီးတွေပေါ်တင်ပြီး အင်းစိန်ထောင်ကို တန်းမောင်းသွားတယ်။

မှန်ပြူတင်းပေါက်မှာတော့ အလာတုန်းကလို စက္ကူအဖြူတွေ ကပ်မထားတော့ဘူး။ ကျနော်တို့ကို အင်းစိန်ထောင်မကြီးထဲကို အကုန်လုံး သွင်းလိုက်တယ်။ ထောင်ဘူးထဲရောက်တော့ နာမည်နဲ့လူစစ်ပြီး ခေါင်းပေါ်စောင်အုပ်ပြီး ခေါ်သွားတာပဲ။ အသုတ်လိုက် အသုတ်လိုက် ခေါ်သွားတာ။

ဘူးခန်းထဲကနေပြီး ကျနော်တို့ ကြက်တူရွေး လှောင်အိမ်ကိုဖြတ်၊ ဟိုဘက်ရောက်တာနဲ့ ကျနော်တို့ကို ပုံစံထိုင်ခိုင်းတာပဲ။ ကျနော်တို့က မထိုင်တက်တော့ မထိုင်ကြဘူး။ မထိုင်တော့ အသင့်စောင့်နေတဲ့ ကောင်တွေက ဝိုင်းရိုက်တာပဲ။ ခေါင်းကိုအုပ်ထားတော့ ဘာမှမမြင်ရဘူး။ လဲကျသွားပြီးနောက်ကျတော့ ထိုင်လိုက်ရတာပဲ။

အဲဒီနောက်မှာ ကျနော့်ကိုကျတော့ ၄ တိုက်ကို ခေါ်သွားတယ်။ ကျနော်တို့ ကျွန်းပြန်တွေအားလုံးကို တခြား ဘယ်အကျဉ်းသားနဲ့မှ မရောဘူး။ ကျနော်တို့ ကျွန်းပြန်တွေချည်းပဲ သပ်သပ်ထားတယ်။ ကျနော်နေတဲ့ ၄ တိုက်မှာလည်း အားလုံး ကျွန်းပြန်တွေချည်းပဲ။

ကျနော်နဲ့ တခန်းထဲနေရတာက မန္တလေးဘက်ကလာတဲ့လူ။ လူငယ့်တပ်ဦးက ကိုအောင်မြင့် တဲ့၊ သူက ရွှေဘိုသား။ အရင်က မန္တလေးပန်တျာကျောင်းက ပန်းချီကျောင်းသား။ မန္တလေးထောင်မှာလည်း နေဖူးတယ်။ ကျနော်ရဲ့ညာဘက်အခန်းမှာက စာရေးဆရာ ဦးလေး ဦးမြသန်းတင့်။ ဦးလေး ဦးမြသန်းတင့်နဲ့ အတူနေတာက (တလောက NLD က ကျသွားတဲ့ အုတ်ဖိုက ကိုနီအောင်မေသုပေါ့။ မျက်နှာက ပြုံးပြုံး ပြုံးပြုံးနဲ့၊ အင်းစိန်ထောင် အာဏာပိုင်တွေကြားမှာ အလွန်ခေါင်းမာတယ်လို့ နာမည်ကြီးတဲ့လူ။)

ကျနော့်ဘယ်ဘက်အခန်းမှာက ရန်ကုန်ခရိုင် ကျောင်းသားသမဂ္ဂက ကိုထွန်းအောင်ကျော်၊ ကျနော်တို့က ကိုထွန်းအောင်ကျော်(အဖြူ) လို့ ခေါ်တယ်။ ကိုထွန်းအောင်ကျော် ၂ ယောက်ရှိတာမိုလို့ သူက ရန်ကုန် ရေကျော်က။ သူနဲ့အတူနေရတာက ခုနက ကိုအောင်မြင့်နဲ့ အမှုတွဲတခုတည်းဖြစ်တဲ့ လူငယ့်တပ်ဦးက ကိုခင်မောင်သန်း၊ သူလည်းပဲ ရွှေဘိုကပဲ။

ထောင်ထဲသွင်းလိုက်ပြီဆိုကတည်းက အားလုံးစောင်အုပ်ပြီး ခေါ်သွင်းလာတာ။ ဘေးခန်းတွေနဲ့ မဆက်သွယ်ရဘူး။ စကားမပြောရဘူး။ ပြောရင်အသေပဲ ဆိုတာမျိုးပြောပြီး အထဲကို ကန်ထည့်လိုက်တာ။ ကျနော်တို့လည်း ရောက်ရောက်ချင်းဆိုတော့ အရိပ်အခြေ ကြည့်နေရတာ။ နောက်ကျမှ ဘေးခန်းနံရံကို ခေါက်ပြီးဆက်သွယ်ရတယ်။ ‘ဒေါက်ဒေါက် ဒေါက်ဒေါက်’ ပေါ့လေ။

ပထမဆုံး အဲဒီဘက်အခန်းမှာ ဘယ်သူရှိလည်းဆိုတာပဲ မေးကြရတာ။ ဒါ အလွယ်ဆုံးနည်းပဲ။ အဲဒါကတော့ … A B C D စကားလုံးတွေကို A ဆိုရင် ၁ ချက်၊ B ဆိုရင် ၂ ချက်၊ C ဆိုရင် ၃ ချက်၊ Z ဆိုရင် ၂၆ ချက်။ အဲဒီလိုခေါက်ပြီး ဆက်ကြရတာ။ အတော်လက်ဝင်တဲ့ ကိစ္စ။ ထောင်ထဲမှာကတော့ အချိန်ကလည်း ပေါတာကိုး။ အဲဒီတော့ လက်ဝင်ပေမယ့်လည်း ကြာကြာကြီး အလုပ်လုပ်လို့ ရတယ်။ ဒါပေမယ့် နားထောင်တဲ့လူကလည်း နားဝင်တယ်။ သိပ်လွယ်တာ မဟုတ်ဘူး။

စရိုက်တာကတော့ ထုံးစံအတိုင်း Who ဘယ်သူလဲပေါ့ ဗျာ။ ဒီတော့မှ တဖက်က နာမည်ကို ပြန်ရိုက်ပြတယ်။ ကိုထွန်းအောင်ကျော်ကလည်း သူ့နာမည် ကျနော့်ကို အတို TAK လို့ ရိုက်ပြတယ်။ ပြဿနာက ကျနော်တို့အထဲမှာက ကိုထွန်းအောင်ကျော်ဆိုတာ နှစ်ယောက်ရှိတယ်။ ဒီ ကိုထွန်းအောင်ကျော်ကို ကျနော်တို့က လိပ်ကလေးလို့ ခေါ်တယ်။

အဲဒီတော့ ကျနော်က ‘လိပ်ကလေးလား’ လို့ မေးချင်တာနဲ့ ကျနော်က အင်္ဂလိပ်စာလုံး လိပ်(tortoise) ဆိုတဲ့ စကားလုံးကို ရိုက်ပြတယ်။ ဒါပေမယ့် အဲ့ဒီစာလုံးက t o r t o i s e ရှစ်လုံးတောင်၊ ရိုက်ရတာ အရှည်ကြီး။ အဲဒီတော့ သူက စိတ်မရှည်ဘူး၊ နံရံကို ဂျစ်ဂျစ် ဂျစ်ဂျစ် ဆိုပြီး ဆွဲခြစ်ပစ်လိုက်တယ်။ ပြီးတော့မှ သူက ရိုက်တယ်။ l a k e လိပ် တဲ့။ အဲဒီလိုဆိုတော့ ပွဲက ပြတ်သွားရော။ ရယ်လည်း ရယ်ရတယ်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၄၁)

ဒီလိုနဲ့ ‘ပြည်သူ့သူရဲကောင်းများရဲ့ဈာပန’ ကို ကျနော်တို့ ၁၉၇၁ ခုနှစ်၊ သြဂုတ်လ ၁၅ ရက်နေ့မှာ ကျင်းပတယ်။ ခေါင်းတလုံးကို လူ ၈ ယောက်စီ ထမ်းကြတယ်။ ကျနော်တို့ ရဲဘော်တွေတင်မကဘူး။ မဟာမိတ် ပါတီအဖွဲ့တွေက ရဲဘော်တွေလည်း ဝင်ထမ်းကြတယ်။ အဲ့ဒီနေ့က ရာသီဥတုဟာ သာယာကောင်းမွန်ပါတယ်။ မုန်တိုင်းလည်း စဲသွားပြီ။

အာဇာနည်တွေကိုမြှုပ်ဖို့ ကျနော်တို့ရွေးလိုက်တဲ့နေရာကတော့ ကင်းစခန်းရဲ့အရှေ့ဘက်ထောင့်၊ ပင်လယ်ကမ်းကနေ တက်လာမယ်ဆိုရင် မီတာ ၇ဝ-၈ဝ လောက် တက်ရမယ်ထင်တယ်။ အဲ့ဒီမှာ အုန်းပင် ၃ ပင် ဖိုခနောက်ဆိုင် ပေါက်နေတဲ့နေရာရှိတယ်။ အဲဒီ အုန်းပင် ၃ ပင်ရဲ့အလယ်မှာပဲ ဆိုကြပါစို့။ အဲ့ဒီမှာပဲ ကျနော်တို့ သူတို့ကို မြှုပ်ပါတယ်။

အဲ … ခပ်လှမ်းလှမ်းမှာကတော့ အိုနာဆစ်သင်္ဘောပျက်ကြီးကို လှမ်းမြင်နေရတယ်။ သင်္ဘောပျက်ကြီးကတော့ လှိုင်းတွေထဲမှာ ယိမ်းထိုးနေတယ်။ ကျနော်တို့ ခေါင်းတွေထမ်းသွားတဲ့အခါမှာ လေပြေလေးက တသုန်သုန် ဖြူးနေတယ်။ အုန်းပင် ၃ ပင်ရဲ့အလယ်မှာ ကျင်းအကျယ်ကြီး၊ အနက်ကြီးတခု ကျနော်တို့ တူးထားတယ်။ အာဇာနည်တွေရဲ့ခေါင်းတွေကိုမပိတ်မီမှာ သူတို့ရဲ့နာမည်နှင့်တကွ အသက်၊ သူတို့ရဲ့ဆောင်ပုဒ်၊ စတာတွေကို ရေးထားတဲ့ ကြေးပြားလေးတွေကို အထဲမှာထည့်ပြီးမှ ခေါင်းပိတ်ပါတယ်။

အာဇာနည် သုသာန်နေရာမှာ ခေါင်း ၈ လုံးစုံပြီဆိုတဲ့အခါကျတော့ ကျနော်တို့ရဲ့တူရိယာဝိုင်းကနေပြီးတော့ ‘အင်တာနေရှင်နယ်’ လို့ ခေါ်တဲ့ နိုင်ငံတကာသီချင်းကို တယော ၈ လက်နဲ့ အခြားတူရိယာအစုံနဲ့ တီးမှုတ် ဂုဏ်ပြုကြတယ်။

ပြီးတော့ ရဲဘော်တယောက်စီကို သူတို့အတွက် ဂုဏ်ပြုတဲ့သီချင်းတွေသီဆိုပြီး ခေါင်းတခေါင်းစီ မြေချပါတယ်။ သူတို့ ကျဆုံးတဲ့အစဉ်အတိုင်း တယောက်ပြီးတယောက် ဂုဏ်ပြုပြီးတော့ မြေချတာပါ။ ခေါင်း ၈ လုံး မြေကျပြီးပြီဆိုတော့ သူတို့ ၈ ယောက်စလုံးအတွက် ဂုဏ်ပြုစပ်ထားတဲ့ ‘ပြည်သူ့သူရဲကောင်းများသို့’ ဆိုတဲ့ ဂုဏ်ပြုသီချင်းကို တီးမှုတ်သီဆိုပါတယ်။ အဲဒီနောက် မြေဖို့ကြတာပါပဲ။

မြေဖို့ပြီးပြီဆိုတဲ့အခါမှာ လွမ်းသူ့ပန်းခွေတွေ ချကြပါတယ်။ ပထမဆုံးချတာက ဗမာပြည်ကွန်မြူနစ်ပါတီရဲ့ ပန်းခွေပါ။ ပန်းခွေချပြီးတော့ အဲ့ဒီအဖွဲ့အစည်းရဲ့ သက်ဆိုင်ရာရဲဘော်တွေက ဦးညွတ်အလေးပြုကြပါတယ်။ ဗမာပြည်ကွန်မြူနစ်ပါတီက ပန်းခွေချပြီးတဲ့အခါမှာ ကျန် ပါတီအဖွဲ့အစည်းတွေက ပန်းခွေတွေ အသီးသီးချကြပါတယ်။

ထူးထူးခြားခြားပြောရမှာက မန္တလေးက နိုင်ငံရေးသမားဟောင်းကြီး သခင် ရန်ချွေ။ သူက သူ့ပုဂ္ဂိုလ်တဦးချင်းအနေနဲ့ကို ပန်းခွေချ သီးသန့်အလေးပြုပါတယ်။

ကျနော်တို့နဲ့ အတူတိုက်ပွဲဝင်လာကြတဲ့ ရဲဘော်တွေရဲ့ခန္ဓာကိုယ်များဟာ ပထဝီမြေကြီးအောက်ကို ရောက်သွားပါပြီ။ ဒါပေမယ့် သူတို့ရဲ့စိတ်ဓာတ်ဝိဉာဉ်ကတော့ ကျနော်တို့နဲ့ အခုအထိအတူ ဆက်ချီတက်နေပါတယ်။ ကျနော် တဦးချင်းအနေနဲ့ပြောရမယ်ဆိုရင် ကိုယ့်ဘဝရဲ့ အရေးကြီးတဲ့ အကွေ့အချိုးတိုင်း၊ ဆုံးဖြတ်မှုတိုင်းမှာ သူတို့ကို သတိရပါတယ်။ သူတို့ကို ပြန်စဉ်းစားပြီးတော့ ကိုယ့်ကိုယ်ကိုယ် မောင်းတင်ရ၊ သံပတ်တင်းရတာမျိုးတွေလည်း မကြာခဏ ကြုံရဖူးပါတယ်။

အာဇာနည် သူရဲကောင်းတွေသာမရှိရင် တော်လှန်ရေးအောင်ဖို့ မပြောနဲ့။ တော်လှန်ရေးတခုလုံးကို သယ်ဆောင်ဖို့တောင်မှ မဖြစ်နိုင်ပါဘူး။ အခု ကိုကိုးကျွန်းသမိုင်းဟာ အနှစ် ၃ဝ ကျော်သွားပါပြီ။ ဘယ်သူတွေ ဘယ်လိုပဲပြောနေနေ။ ကိုကိုးကျွန်းသမိုင်းကြောင်း အာဇာနည်များရဲ့စိတ်ဓာတ်နဲ့ သူတို့ရဲ့စွန်လွှတ်မှု၊ သူတို့ကြောင့်ရရှိတဲ့ အောင်ပွဲကိုတော့ အသိအမှတ်မပြုလို့ မနေနိုင်ပါဘူး။

အမေ့ခေါ်သံ

ကျနော်တို့အနေနဲ့ ကိုယ်ထူကိုယ်ထလုပ်ဖို့ မလိုတော့ဘူးဆိုတဲ့အခါကျတော့ အချိန်တွေက အများကြီးရတယ်။ အချိန်တွေ ပိုလာတယ်။ စာဖတ်လို့ရတာပေါ့လေ။ ဒါပေမယ့် ကျနော်တို့ အားကစားတွေ ဘာတွေ လုပ်ချင်စိတ်လည်း မရှိတော့ဘူး။ အဲ့ဒီ ရဲဘော်တွေမရှိတော့တဲ့အခါမှာ သူတို့ကိုပဲ သတိရနေတယ်။

အဲ့တော့ ကျနော်တို့လူစုမိတိုင်း သူတို့အကြောင်းတွေကိုပဲ ပြောကြတယ်။ တခါတခါ သူတို့ကိုဂုဏ်ပြုတဲ့ တေးတွေ စုပြီး သီချင်း ဆိုကြ၊ တီးကြ၊ မှုတ်ကြတယ်။ ရေကြည်သောက်တိုင်း ရေတွင်းတူးတဲ့သူတွေကို မမေ့ကြတာပေါ့လေ။ အဲ့လို ဈာပနပြီးတဲ့နောက် တလအကြာမှာ သူတို့ကိုဂုဏ်ပြုတဲ့ ကဗျာစာအုပ်တအုပ် ထုတ်ခဲ့ကြတယ်။

ဒီလိုနဲ့ မုတ်သုန်လွန်တဲ့အခါမှာ ထောင်အာဏာပိုင်တွေက ကျနော်တို့ကို ပြည်မ ပြန်ပို့တယ်။ သူတို့က လာကြိုတဲ့သင်္ဘော ရောက်လာတဲ့အခါမှာ ကျနော်တို့ကိုလာပြီးတော့ အကြောင်းကြားတယ်။

“နောက် ၂ ရက်နေရင် ထွက်ခွာရမယ်။ ခင်ဗျားတို့ ပြင်ဆင်ကြပါ”

လို့ လာပြီးပြောတယ်။

ဒါနဲ့ ကျနော်တို့ ပြင်ဆင်ကြပါတယ်။ ပြည်မ ပြန်ရမယ်ဆိုပေမယ့် ကျနော်တို့ စိတ်ထဲမှာ ပျော်လှတယ်လို့ မရှိပါဘူး။ ပြည်မကထောင်တွေ (အထူးသဖြင့် အင်းစိန်ထောင်)အကြောင်းကို ကောင်းကောင်း သိထားတော့ ကျွန်းကပြန်ရတယ်ဆိုတာဟာ ဒယ်အိုးထဲကနေ မီးတောက်ထဲကို ခုန်ချရတာဖြစ်နိုင်တယ်လို့ တွက်ထားကြတယ်။ ဟိုရောက်ရင် ကျွန်းမှာလို လွတ်လွတ်လပ်လပ် အားလုံးအတူတူ မနေရမှာကလည်း သေချာနေတယ်။ ဘာပဲပြောပြော ကျနော်တို့ ပြင်ကြတယ်။

ပြင်ကြတယ်ဆိုတာ ဘာပြင်လဲဆိုတော့ အဓိကအားဖြင့် ကျနော်တို့ရှိတဲ့ စာရွက်စာတမ်းတွေ အကုန်လုံး ဖျက်ဆီးကြ၊ မြေမြှုပ်တန်တာ မြှုပ်ကြပေါ့လေ။ ပြီးတော့မှ ကိုယ်ပိုင်ပစ္စည်းလေးတွေ ထုပ်ကြပိုးကြတာ။ ကိုယ်ပိုင်ပစ္စည်းကတော့ များများ မရှိပါဘူး။ ကျနော်လို လူသာ အိမ်ကပို့တဲ့ စာအုပ်တွေ များနေတာ။ (အဲဒီစာအုပ်တွေလည်း အင်းစိန်ထောင် ရောက်ပြီးတဲ့နောက် ဘယ်ရောက်သွားမှန်းကို မသိတော့ဘူး၊ ပြန်မတွေ့တော့ဘူး။)

နောက်တခုက ကျနော်တို့မှာ စုထားတဲ့ စားစရာ၊ သောက်စရာတွေရှိတယ်။ ဥပမာ … အမဲသားဘူးတို့၊ လိပ်သားခြောက်တို့၊ နို့ဆီဗူး အပါအဝင်ပေါ့လေ၊ ကျနော်တို့ ရိက္ခာတွေ ပိုနေတဲ့ဟာတွေ ရှိတယ်။ တမင်စုထားတာ၊ ကျနော်တို့ အခမ်းအနားတွေ၊ ပွဲတွေလမ်းတွေကြရင် စားရ သောက်ရအောင်ဆိုပြီးတော့။ အခုတော့ အဲဒါတွေ ကျနော်တို့ အပြတ်ရှင်းကြတယ်။

ကျနော်တို့ရိက္ခာရုံမှာရှိတဲ့ နို့ဆီတွေ၊ လိပ်သား ခြောက်တွေ၊ အမဲဗူးတွေကို အနပ်တိုင်း စားကြတာပဲ။ အမဲဗူးထဲက အမဲသားတွေဆိုရင် အခြောက်ကြော်ပြီး ဗန်းကြီးတွေနဲ့ စားပွဲပေါ်မှာ တင်ထားတယ်။ စားလို့လည်း မကုန်တော့ဘူး။ ကျနော်တို့လည်း စားချင် သောက်ချင်စိတ် မရှိတော့ဘူး။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၄၀)

အဲ့လို သီချင်းဆိုပြီးလို့ ကိုဖေအောင်ကနေ “သက်သာ” လို့ အမိန့်မပေးခင် တိုက်ပွဲဝင်ရဲဘော်တယောက် ရပ်နေရာကနေ ယိုင်ကျသွားတာ တွေ့လိုက်ရတယ်။ ရဲဘော် ထွန်းဝင်း။ သူအဲ့လို့ ယိုင်ကျသွားတော့ သူ့ဘေးမှာရှိနေတဲ့ ရဲဘော်တေဇက သူ့ကို လက်မောင်းကနေဖေးပြီးတော့ ထိန်းထားလိုက်တယ်။

ဒါပေမယ့် … သူ ကျဆုံးသွားတယ်။ သူဟာ နံပါတ် ၈၊ အဌမမြောက် နောက်ဆုံး အာဇာနည်ပေါ့။ အင်မတန် ဝမ်းနည်းစရာ၊ အသည်းနာစရာ ကောင်းပါတယ်။ တိုက်ပွဲအောင်ပွဲရပြီးမှ ကျသွားရှာတယ်။ အဲ့တော့ ကျနော်တို့အားလုံး ခုနက ထောင်မှူးကြီးနဲ့အဖွဲ့ကို ပြန်ထွက်ခွင့်မပေးသေးဘဲနဲ့ ကျနော်တို့ သူတို့ကို ဝိုင်းလိုက်တယ်။ ဝိုင်းပြီးတော့ …

“ရဲဘော်ထွန်းဝင်းကို သတ်တာ … စစ်အစိုးရ၊ စစ်အစိုးရ”

“ရဲဘော် ၈ ယောက်ကို သတ်တာ … စစ်အစိုးရ၊ စစ်အစိုးရ”

“ဖိနှိပ်ချုပ်ချယ်မှု … အလိုမရှိ၊ အလိုမရှိ”

“ကိုယ်ထူကိုယ်ထစနစ် … ဖျက်သိမ်းပစ်၊ ဖျက်သိမ်းပစ်”

လို့ ဝိုင်းကြွေးကြော်ကြတယ်။ ဒါဟာ ကိုကိုးကျွန်းပေါ်မှာကြားရတဲ့ နောက်ဆုံးကြွေးကြော်သံပဲ။

ရဲဘော် ထွန်းဝင်းဆိုတာက ကျွန်းပေါ်မှာ ကျနော်နဲ့ အဆောင်တဆောင်တည်းနေတာ။ သူဟာ မြစ်ဝကျွန်းပေါ်သား၊ အစိုးရလေတပ်က။ ပဲခူးရိုးမ UG အဖြစ်နဲ့ အလုပ်လုပ်ရင်း အဖမ်းခံရတာ။ (သူတို့လေတပ်က အဲဒီတုန်းကဖမ်းတာ လူတွေ အများကြီးပဲ)

သူက လေတပ်သားဆိုပေမယ့် အင်မတန် အနုပညာဘက်မှာလည်း ထူးချွန်၊ အားကစားဘက်မှာလည်း ထူးချွန်၊ လက်မှုပညာမှာလည်း ထူးချွန်၊ ပေါင်းသင်းဆက်ဆံရေးမှာလည်း ထူးချွန်တဲ့သူဖြစ်တယ်။ ဒုံမင်းတွေ၊ ဂစ်တာတွေ သူလုပ်တာ အများကြီး။ တယောလည်း သူ လုပ်တတ်တယ်။ ဆေးလည်း ထိုးတတ်တယ်။ အားကစားမှာ ဘောလုံးကန်၊ ဘောလီဘော ရတယ်။ အပြေး ရတယ်။ အလေးမ ရတယ်၊ ခြင်းခတ် ရတယ်။ အင်မတန် ချစ်စရာကောင်းတဲ့ လူတယောက်။

ကျနော်တို့က လွတ်တဲ့ငါး ကြီးတာမဟုတ်ဘူး။ ဒီအာဇာနည် ၈ ယောက်ဟာ တဦးချင်းအရကော အင်မတန် တန်ဖိုးရှိတဲ့သူတွေ။ အာဇာနည်ဖြစ်မှ တန်ဖိုးရှိတာ မဟုတ်ဘူး။ ရှင်နေရင်လည်း အင်မတန် တန်ဖိုးကြီးတဲ့ ပုဂ္ဂိုလ်တွေပဲလို့ ကျနော် အာမခံရဲတယ်။

ကျနော်တို့ တိုက်ပွဲပြီးသွားပြီဆိုတော့ တိုက်ပွဲနောက်ပိုင်းအလုပ်တွေ ဆက်လုပ်ရသေးတယ်။ ဒီတိုက်ပွဲမှာ အရင်တိုက်ပွဲတွေနဲ့ မတူတဲ့ကိစ္စတခုက ဒီ အာဇာနည်တွေရဲ့ကိစ္စပဲ။ အရင်တိုက်ပွဲတွေတုန်းက တိုက်ပွဲပြီးတယ်ဆိုလိုရှိရင် တိုက်ပွဲဝင် ရဲဘော်တွေရဲ့ ကျန်းမာရေးပြန်ပြီး နာလန်ထူအောင် လုပ်ရကိုင်ရတယ်။ အဲဒီအလုပ်ပဲ ရှိတယ်။ ခုကျတော့ ကျသွားတဲ့ ရဲဘော်တွေရဲ့ ရုပ်အလောင်းတွေ ရှိသေးတယ်။ သူတို့ကို ဂုဏ်ပြုဖို့ ထိုက်ထိုက်တန်တန် အသိအမှတ်ပြုဖို့၊ သင်္ဂြိုလ်ဖို့ကိစ္စတွေ ဆက်ပြီး စဉ်းစားဖြေရှင်းကြရတယ်။

ပထမဆုံးအနေနဲ့ ကိုကိုးကျွန်း ပါတီကော်မတီကနေပြီးတော့ ဇူလိုင် ၃၁ ရက်နေ့ကို ‘ပြည်သူ့သူရဲကောင်းများနေ့’ လို့ သတ်မှတ်လိုက်တယ်။ ကျနော်တို့ ပထမဆုံးပြင်ဆင်ကြတာကတော့ သူတို့ကို ဂုဏ်ပြုရေး၊ အမှတ်တရ ကျောက်တိုင်တတိုင် စိုက်ထူရေးဖြစ်တယ်။

ကျဆုံးသွားတဲ့သူတွေကို တဦးချင်းကို ဂုဏ်ပြုတဲ့သီချင်းတွေ စပ်ကြတယ်။ သီချင်းစပ်တဲ့ အဖွဲ့တွေဖွဲ့ပြီး အဖွဲ့လိုက်၊ အဖွဲ့လိုက် စပ်ကြတယ်။ တီးလုံးတွေလည်း တိုက်ကြတယ်။ နောက်တခါ ၈ ယောက်စလုံးကို ဂုဏ်ပြုတဲ့ သီချင်းလည်း တပုဒ်ပါတယ်။ ဒါပေမယ့် အားလုံးထဲမှာ (ကျနော့် အထင်) အဓိကအကျဆုံးကတော့ အထိမ်းအမှတ် ကျောက်တိုင်စိုက်ထူရေးပဲလို့ ထင်တယ်လေ။

အဲ့ဒီအချိန်မှာ ကျနော်တို့အနေနဲ့ ကိုယ်ထူကိုယ်ထ လုပ်ဖို့မလိုတော့ဘူး။ ထောင်အာဏာပိုင်တွေက ဆန်တို့၊ ထင်းတို့၊ ဆီ၊ ဆား၊ ငါးပိ၊ ငရုပ်သီး အဲဒါတွေကို ကျနော်တို့ဆီကိုအရောက် သူတို့က လာပို့ပေးနေရပြီ။ အရင်တုန်းကတော့ ကျနော်တို့ ကိုယ်တိုင် သွားပြီးတော့ သယ်ရတယ်။ ထမ်းရတယ်။ ထင်းလည်း ရှာရတယ်။ ရေလည်း ထမ်းရတယ်။ အခုတော့ သူတို့ကုန်လုံး လာပို့ပေးတယ်။ ကျနော်တို့ဘာသာလုပ်တာဆိုလို့ ထမင်း၊ ဟင်းချက်တာပဲ ရှိတော့တယ်။ ဒါကတော့ ကျနော်တို့ ကိုယ့်ဟာကိုယ်ပဲ ချက်စားကြတယ်။

ဒီတော့ အထိမ်းအမှတ်ကျောက်တိုင်ကို ကျနော်ဘာသာပဲ ဆွဲကြတော့တယ်။ ကျောက်တိုင်အတွက် လိုအပ်တဲ့ ဘိလပ်မြေ၊ အုတ် စတာတွေကို ထောင်အာဏာပိုင်တွေဆီက တောင်းယူတယ်။ လုပ်တဲ့အခါကြတော့ ကျနော်တို့ ရဲဘော်တွေပဲ ကိုယ်ဟာကိုယ် လုပ်ကြတယ်။ ကျောက်တိုင်ရဲ့တည်နေရာဟာ အာဇာနည်ဗိမာန်ရဲ့ အရှေ့တည့်တည့်။ တိုက်ပွဲဝင်အဓိက အဆောင်ဖြစ်တဲ့ အဆောင် ၉ ရဲ့အရှေ့တည့်တည့်။

တိုက်ပွဲဝင်အာဇာနည်တွေရဲ့ဗိမာန်နဲ့ဆိုရင် ၃/၄ ကိုက်ပဲ ကွာမယ် ထင်တယ်။ သဏ္ဍာန်က ၈ မြှောင့်သဏ္ဍာန်။ အောက်ခြေကနေ ကျောက်တိုင်ထိပ် ကြယ်နီရဲ့ ထိပ်ဖျားကနေဆိုလို့ရှိရင် ၈ ပေ၊ ၈ လက်မ တိတိမြင့်တယ်။ အဲ့ဒီကျောက်တိုင်ရဲ့အခြေမှာ အုတ်ခုံအသေးလေးတွေ ရှိတယ်။ အဲဒီ အုတ်ခုံလေးတွေရဲ့ပေါ်မှာ ကျဆုံးသူတွေရဲ့ တဦးချင်းနာမည်။ အသက် စတာတွေ ရေးထားတယ်။

သူ့အထက်က ကျောက်တိုင်မျက်နှာပြင်ပေါ်မှာကြတော့ သူ့ရဲ့ဆောင်ပုဒ်ကို ရေးထားတယ်။ ဥပမာ … ရဲဘော် ထွန်းဝင်းဆိုလို့ရှိရင် အုတ်ခုံပေါ်မှာ ‘ရဲဘော် ထွန်းဝင်း၊ အသက် ၂၈ နှစ်’ ကျောက်တိုင်မျက်နှာပြင်ပေါ်မှာက မျက်တောင်အဖွင့်အပိတ်နဲ့ ...

“ကွန်မြူနစ်တယောက်ဟာ
ကိုယ့်ကိုကိုယ် လေထီးတပ်သားလိုသဘောထားပြီး
ရောက်ရာအရပ်မှာ တော်လှန်ရေးတာဝန်ကို ထမ်းဆောင်ရမယ်”

အဲဒါကို ဘိလပ်မြေထဲမှာ ထွင်းပြီး ကျနော်တို့ ရေးထားတယ်။

အဲ့တော့ အရှေ့ဘက်ဆုံးမျက်နှာ ပထမဆုံးကျဆုံးသွားတဲ့ ရဲဘော် သိန်းကြည်ကို အထိမ်းအမှတ်ပြုတယ်။ ကျန်တဲ့ရဲဘော်တွေကို သူတို့ကျတဲ့ အစီအစဉ်အတိုင်း တယောက်ပြီးတယောက် မျက်နှာစာ တခုစီ တခုစီ အထိမ်းအမှတ်ပြုသွားတယ်။ အဲဒီကျောက်တိုင်ကို ‘ပါတီနေ့’ ဖြစ်တဲ့ ၁၉၇၁ ခုနှစ်၊ သြဂုတ်လ ၁၅ ရက်နေ့အထိ ပြီးအောင်လုပ်ကြတယ်။ ဈာပနအခမ်းအနားကို အဲ့ဒီနေ့မှာကျင်းပဖို့ သတ်မှတ်ထားလိုက်တယ်။

ကျဆုံးသွားတဲ့ ရဲဘော်တွေရဲ့ အခေါင်းတွေရှေ့မှာ သူတို့ရဲ့ရုပ်ပုံတွေကို ပုံတူပန်းချီကားကြီးတွေ ထောင်ထားတယ်။ ခုနက ကျနော်ပြောတဲ့ ရဲဘော်မြအောင်က ပန်းချီဆွဲကောင်းတယ်။ အထူးသဖြင့် ပုံတူဆွဲ ကောင်းတယ်။ တိုက်ပွဲစလို့ ရက် အတော်လေးရလာတော့ သူဆန္ဒနဲ့ သူပဲ တိုက်ပွဲဝင်ရဲဘော်တွေရဲ့ပုံတွေကို Sketch ခေါ်တဲ့ ပုံကြမ်းလေးတွေ လိုက်ဆွဲတယ်။

ရဲဘော်တွေကျဆုံးသွားတဲ့အခါကြတော့ သူက အဲဒီပုံကြမ်းလေးတွေကို ပုံချောအဖြစ် Sepia အရောင် ဆွဲတယ်။ ပန်းချီကားတွေက အလျား ၁ ပေခွဲ၊ အမြင့် ၂ ပေလောက် ရှိမယ်ထင်တယ်။ အောက်ခံက မျက်နှာကျက်လုပ်တဲ့ ကွန်ကရစ်ပြား။ တချို့ရဲဘော်တွေရဲ့ပုံက ကျဆုံးပြီးမှ အလောင်းကိုကြည့်ဆွဲရတဲ့ ပုံတွေပါ။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၉)

ကိုလေးမောင်က ကျနော့်ထက် အသက် ၆ နှစ်လောက် ကြီးပါတယ်။ တက္ကသိုလ်ရောက်တာလည်း အများကြီး စောတယ်။ ကျနော် တက္ကသိုလ်ရောက်လို့ ကျောင်းသားလှုပ်ရှားမှုတွေထဲမှာ စပြီးပါတော့ အခြေအနေတွေဟာ အရင်ကာလတွေနဲ့ မတူတော့ဘူး။

အထူးအဖြင့် ၁၉၆၂ ခုနှစ် ဇူလိုင်၇ ရက်နောက်ပိုင်းမှာ ကျောင်းသားလှုပ်ရှားမှု လှုပ်ရှားရတဲ့ပုံသဏ္ဍာန်ဟာ လုံးဝပြောင်းသွားပြီ။ အဲ့ဒီအချိန်မှာ သမဂ္ဂကို အဓိက တာဝန်ယူနေတဲ့ ခေါင်းဆောင်တွေဟာ အဖမ်းခံသူ ခံရ၊ တိမ်းရှောင်သူ ရှောင်ရ အဲဒီလိုဖြစ်နေတဲ့ အချိန်။

အဲ့တော့ ကျောင်းထဲမှာရှိနေတဲ့ ကျန်ရစ်တဲ့ အစိုးရက မဖမ်းသေးတဲ့အထဲက အားလုံးရှိသမျှ အင်အားစုပြီးတော့ လုပ်ငန်းကို ပြန်ဆက်ထူထောင်နေကြတဲ့အချိန်၊ အဲ့ဒီမတိုင်ခင်အချိန် ကိုလေးမောင်ဟာ ကဗျာဆရာအဖြစ်နဲ့ပဲ အဓိက ရပ်တည်နေတာ။ သူဟာ နာမည်ကြီးတဲ့ ကဗျာဆရာတယောက် ဖြစ်နေပြီ။ အဲ့တော့ အခုလို လူနည်းလာတဲ့အခါကျတော့ သူလည်း ပြန်ပါဝင်လာတယ်။

အဲ့ဒီအချိန် သမဂ္ဂအဆောက်အဦဟာ မန္တလေးမှာ မရှိတော့ဘူး။ အဖျက်ခံလိုက်ရပြီ။ နောက် ကျနော်တို့စုနေကြ ဗောဓိကုန်းက ‘သပြေ’ ဆိုတဲ့ အိမ်လေးမှာ ကိုအောင်သူတို့က မရှိတော့ဘူး။ ဒါကြောင့် လူမစုနိုင်တော့ဘူး။ ဒါကြောင့် အဲ့ဒီတုန်းက အများအားဖြင့် လူစုကြတယ်ဆိုလို့ရှိရင် လဘက်ရည်ဆိုင်ထိုင်ရင် ရေနီမြောင်းထိပ်က ကိုကံရဲ့ လက်ဘက်ရည်ဆိုင်။ စကားပြောစရာရှိရင် အဲ့ဒီဗောဓိကုန်းထဲက ကိုလေးမောင်တို့အိမ်မှာ ပြောတယ်။ သူနေတဲ့အိမ်က ထုံးဖြူသုတ်ထားတဲ့ ဝါးကပ်တဲ။

ဒါကြောင့် ကျနော်တို့ အားလုံးက အဲ့ဒီ ဝါးကပ်တဲကြီးကို ‘အိမ်ဖြူတော်’လို့ ရယ်စရာ မောစရာ ပြောကြတယ်။ တကယ်တော့က အိမ်တအိမ်လုံးမှ ဝါရှင်တန်က အိမ်ဖြူတော်ရဲ့ စားပွဲတလုံးလောက်တောင် တန်ဖိုးရှိမှာ မဟုတ်ပါဘူး။

အဲ့ဒီနောက် ၆၃ ခုနှစ်၊ ငြိမ်းချမ်းရေး ဆွေးနွေးပွဲအပျက် ဖိနှိပ်မှုတွေ ပြင်းပြင်းထန်ထန်လုပ်လာတဲ့ နောက်ပိုင်းမှာ ကျနော်တို့ ကျောင်းသားသမဂ္ဂလုပ်ရှားမှုကို မြေအောက်လုပ်ရတယ်။ အဲ့ဒီတုန်းကလည်း ကိုလေးမောင်နဲ့ ကျနော်နဲ့ အတူတူ လှုပ်ရှားရတာပဲ။ ဒီအချိန်မှာ သူနေတာက မန္တလေး၊ မလွန်ရပ်က ၈၅ လမ်းပေါ့။ အဲ့ဒီမှာ ကွယ်လွန်သွားတဲ့ စာရေးဆရာ ကိုတောလူ (ကိုစောလွင်)ရဲ့ တိုက်ကလေးတလုံး ရှိတယ်။ ကိုစောလွင်က မန်းတက္ကသိုလ်သမဂ္ဂမှာ ဥက္ကဋ္ဌ လုပ်ဖူးတယ်။

အဲ့ဒီတိုက်ဝန်းနောက်က တိုက်ခန်းထဲမှာ ကိုလေးမောင် နေတယ်။ ကိုလေးမောင်နဲ့ ကိုသာနိုးနဲ့ အတူတူနေကြတယ်။ အဲ့ဒီတုန်းက ကျနော်တို့ရဲ့လှုပ်ရှားမှုဟာ အဲ့ဒီနေရာမှာ အတော်များများ အခြေခံတာ။ (ကိုသာနိုးကတော့ မပါတော့ပါဘူး) ကိုလေးမောင်ရှိတဲ့ဆီမှာပဲ ကျနော်တို့က အခြေခံလုပ်ကြတာများတယ်။

မအေးစန်း ခေါ် မစိမ်းပင်တို့နဲ့အတူ ခွပ်ဒေါင်းစာစောင် ထုတ်ကြတော့လည်း အဲဒီနေရာမှာပဲ။ ကျနော်တို့ အတူတူ စာအုပ်ထုတ်ကြ။ စာအုပ်အဖုံး ဖုံးကြ။ နောက် ဖြန့်ဝေကြ။ ကိုလေးမောင်နေတဲ့နေရာမှာပဲ ကျနော်တို့ လုပ်ခဲ့ကြတယ်။ ကိုလေးမောင်တို့နေတဲ့နေရာမှာပဲ ကျနော်တို့လုပ်ခဲ့ကြတယ်။ အဲ့ဒီက ဆက်ပြီးတော့ ၆၆ ခုနှစ်မှာ အဖမ်းခံရတော့လည်း အတူတူ။ မန္တလေးထောင်ထဲမှာ ၁ တိုက်၊ ၄ တိုက်၊ ၂ တိုက်၊ စစ်ထောင်တွေကို သူနဲ့ကျနော်နဲ့ တနေ့တည်း အမြဲအတူပြောင်းရတာချည်းပဲ။

မန္တလေးထောင်ထဲမှာ ကျနော်တို့ လှုပ်ရှားမှုရဲ့အဓိက တာဝန်ခံလို့ဆိုရမယ့် ကိုဌေးလှ ကျဆုံးပြီးတဲ့နောက်ပိုင်းမှာ ကျနော်အဖို့ အစစအရာရာ ကိုလေးမောင်ကိုပဲ အဓိက တိုင်ပင်ခဲ့ရတယ်။ လူဆိုတာ ထောင်ထဲမှာ ဖြတ်သန်းတဲ့အခါမှာ (အထူးသဖြင့် ကျနော်တို့လို အဲ့ဒီတုန်းက အသက်ငယ်ငယ်နဲ့ လူတွေအဖို့မှာ ဆိုလို့ရှိရင်) အတွေးအခေါ် အတက်အကျ၊ ခေါင်းထဲမှာ ရှုပ်ထွေးမှုတွေအမျိုးမျိုး ကြုံတွေ့ရတယ်။

အဲ့တော့ ကိုယ့်တယောက်တည်း ဖြေရှင်းလို့မရဘူး။ တိုင်ပင်စရာ အမြဲလိုတယ်။ အဲဒီအခါမှာ ကိုလေးမောင်ဟာ ကျနော့်အတွက် အင်မတန် အဖိုးတန်တဲ့ အကူအညီတွေ ပေးနိုင်ခဲ့တယ်။

ပြောရမယ်ဆိုရင် ကျနော့်ဘဝမှာ သာမန် ကျောင်းသားလှုပ်ရှားမှုလုပ်နေရာကနေ တော်လှန်ရေးသမား ဖြစ်လာအောင် အတွေးခေါ်အရ၊ နိုင်ငံရေးအရ အပြောင်းလဲကြီးပြောင်းလဲတဲ့နေရာမှာ ကိုလေးမောင်ရဲ့ သြဇာတွေ အများကြီးပါနိုင်တယ်လို့ ပြောနိုင်တယ်။

အဲတော့ သူနဲ့ကျနော်နဲ့ ခုနကပြောသလို တိုက်တွေမှာလည်း အတူတူ။ တလျှောက်လုံး အတူတူပေါ့လေ။ ကျွန်းရောက်လာတော့လည်း အတူတူပေါ့လေ။ ကျွန်းရောက်တော့ သူဟာ အများရဲ့ ချစ်ခင်လေးစားမှုလည်း ခံရတယ်။ လူက စကားနည်းတယ်။ ပြောရင် တိတိကျကျနဲ့ စကားကိုတန်ဖိုးထားပြီး ပြောတယ်။ နောက် ရိုးသားတယ်။ ပွင့်လင်းတယ်။ နှိမ့်ချတယ်။ အနစ်နာခံတယ်။ ဒါကြောင့် လူချစ်လူခင်သိပ်များတယ်။

ခုပြောခဲ့တဲ့ အကြောင်းရင်းတွေကြောင့် သူ ကျဆုံးတယ်ဆိုတဲ့အခါကျတော့ ကျနော်ဟာ မျက်ရည်ကျရုံတင် မကဘူး။ ကျနော်နဲ့ ကုတင်ချင်းကပ်လျက်အိပ်တဲ့ ရဲဘော်အောင်ဘော်ရဲ့ပုခုံးပေါ်မှာ ကျနော် ရှိုက်ကြီးတငင် ငိုခဲ့မိတယ်။ ဒါ ကျနော့်ဘဝမှာ ပထဆုံးအကြိမ် ဒီလိုငိုတာပဲ။

ဒီမှာစပ်မိလို့ ကိုအောင်ဘော်ဆိုတာက ကျနော်တို့နဲ့ အမှုတွဲအတူတူ၊ တလျှောက်လုံး မန္တလေးထောင်မှာလည်း အတူတူ၊ နောက် ကျွန်းမှာလည်း အတူတူ။ သူက ကျောက်ပန်းတောင်းသား၊ မန္တလေးတက္ကသိုလ်က။ သူက ကျွန်းကပြန်လာ၊ ထောင်ကလွတ်လာပြီးတဲ့နောက် ၁၉၇၅ ခုနှစ်လောက်မှာ အခြားကျွန်းပြန်တွေဖြစ်တဲ့ ရန်ကုန်ခရိုင် ကျောင်းသားသမဂ္ဂခေါင်းဆောင် ကိုဉာဏ်ဝင်း၊ ကိုဉာဏ်ဝင်းရဲ့ညီ ကိုတင်မောင်ဝင်းတို့နဲ့အတူတူ လက်နက်ကိုင်တော်လှန်ရေးလုပ်ဖို့ ပဲခူးရိုးမကို ရောက်သွားခဲ့တယ်။ နောက်တော့ ပဲခူးရိုးမမှာပဲ ကျဆုံးသွားခဲ့တယ်။

ကိုလေးမောင်ကျဆုံးတာက နေ့လည် ၂ နာရီလောက် ထင်တယ်။ သူရဲ့တိုက်ပွဲဝင်ဆောင်ပုဒ်အဖြစ်ကတော့ သူ့ကဗျာ တပုဒ်ထဲက သူလုပ်ခဲ့တဲ့ UG လုပ်ငန်းရဲ့ နိမိတ်ပုံဖြစ်တဲ့ …

‘ရန်သူ့နှလုံးအိမ်တွင်း စိုက်သွင်းထားတဲ့ ဓားမြှောင်နီ’

ဆိုတာကို ရွေးထားခဲ့တယ်။

အဲ့ဒီလို သူကျဆုံးပြီးတဲ့နောက် ၂ နာရီ ၃ နာရီလောက်ကြာတော့ ထောင်မှူးကြီးနဲ့ ထောင်မှူးတွေ စာရွက်လေးတရွက်ကိုင်ပြီး ကျနော်တို့ စခန်းထဲကို ရောက်လာကြတယ်။ သူတို့က တိုက်ပွဲဆောင်တွေထဲဆီ ရောက်လာပြီး ကျနော်တို့ တောင်းဆိုတဲ့အတိုင်း ‘ကိုယ်ထူကိုယ်ထစနစ်ကို ဖျက်သိမ်းပါပြီ’ ဆိုတဲ့အကြောင်း ဝန်ခံကတိ လက်မှတ်ရေးထိုးပေးတယ်။

အဲ့ဒီတော့မှ ကျနော်တို့လည်း အောင်ပွဲခံပြီဆိုတဲ့ အထိမ်းအမှတ်နဲ့ တိုက်ပွဲသိမ်းပြီဆိုတဲ့ အထိမ်းအမှတ်နဲ့ အင်တာနေရှင်နယ် (နိုင်ငံတကာသီချင်း)ကို အားလုံးသံပြိုင်ဝိုင်းဆိုကြတယ်။ သီချင်းဆိုရင်း ကျဆုံးသွားတဲ့ ရဲဘော်တွေကို မြင်ယောင်နေတယ်။ ဒါကြောင့်မို့ သီချင်းဆိုတဲ့နေရာမှာ နာနာကျည်းကျည်းဆိုနေကြတာ။ ရင်ပွင့်မတတ်ပဲ။ ဝမ်းသာတယ်ဆိုတဲ့ ခံစားမှုမရှိဘူးဆိုတာ အဲဒီတုန်းက အမှန်ပဲ။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၈)

ကိုဖေအောင်ဆိုတာကလည်း ၅၈ ခုနှစ်ကတည်းက ကိုကိုးကျွန်းကို တခေါက်ရောက်ပြီးသား။ ၂ ကျွန်းပြန်။ သူတို့အကြောင်း နောကျေနေလှပြီ။ ကိုဖေအောင်က တိုက်ပွဲဝင်ရဲဘော်တွေရဲ့ ခြင်ထောင်တွေကို လှပ်ပြီး ...

“ဟောဒီမှာ ကြည့် … ခင်ဗျားတို့ ကြည့်သွား၊ နောက်ထပ် အသေခံဖို့ တန်းစီနေတဲ့ ရဲဘော်တွေ။ ကျနော်တို့ တောင်းထားတာမရရင် အသေခံမယ်”

လို့ မာမာပြတ်ပြတ် ပြောပစ်လိုက်တယ်။

အဲ့ဒီတော့မှ ထောင်အာဏာပိုင်တွေဟာ သူတို့မှာ ပါလာတဲ့ ဝှက်ဖဲကို ချပြကြတယ်။ သေချာပြန် စဉ်းစားလိုက်ရင်တော့ ဒီလူတွေဟာ အတော်တော့ ယုတ်မာတာ။ နောက်ဆုံး အချိန်အထိ၊ သူတို့ အလျှော့ပေးရတော့မယ့် အချိန်အထိ ဈေးဆစ် အကျပ်ကိုင်နေတာ။ ကျနော်တို့ ရဲဘော်တွေရဲ့ အသက်ကို သူတို့ အကျပ်ကိုင်နေကြတာ။ ဒါ … ရန်ကုန်က ခိုင်းလို့လည်း ဖြစ်ချင်ဖြစ်မှာပေါ့လေ။ တကယ်တမ်းတော့ ဒီထောင်အာဏာပိုင်တွေဟာ တိုက်ပွဲဝင်ရဲဘော်တွေရဲ့မျက်နှာတွေကို မကြည့်ရဲဘူး။ စိတ်မလုံတဲ့သဘောပဲ။

သူတို့ ဒီတခါဝင်လာတာ ထူးခြားတဲ့အတွက် တိုက်ပွဲဆောင်ပတ်ဝန်းကျင်မှာလည်း ကျနော်တို့ ရဲဘော်တော်တော်များများ ကျနော် အပါအဝင် သူတို့ကို စိုက်ကြည့်နေကြတယ်။ အဲ့ဒီလို သူတို့ကို ဝိုင်းပြီး သတိထားနေကြမှန်းသိတဲ့အခါကျတော့ သူတို့လည်း သိပ်ပြီးတော့ ရေရှည် အချိန်မဆွဲနိုင်တော့ဘူး။ ဒါနဲ့သူတို့လည်း မျက်လွှာချပြီး

“ကဲ … သပိတ်လှန်လိုက်ကြပါ ဗျာ၊ ကိုယ်ထူ ကိုယ်ထစနစ်ကို ဖျက်သိမ်းပေးပါ့မယ်”

လို့ ပြောထွက်လာတယ်။

အဲဒီတော့ ကျနော်တို့ဘက်က

“ဒါဖြင့်ရင် ခင်ဗျားတို့ စာရွက်စာတမ်းနဲ့ လက်မှတ်ထိုးပေး”

အဲဒီလို တောင်းဆိုလိုက်တယ်။ ထောင်အာဏာပိုင်တွေဆိုတာက လက်ဝါးလှန်လိုက် မှောက်လိုက်ဆိုတာမျိုး၊ ခုတမျိုး ခုတမျိုးလုပ်တတ်တယ်လေ။ အဲ့ဒီတော့ အပိုင်ချည်မှ တုတ်မှဖြစ်မှာ။

ဒါကြောင့်မို့လို့ ကျနော်တို့က ဒီလိုချည်တုတ်ပြီးပြောတဲ့အခါကြတော့ သူတို့က ဘယ်လိုတုန့်ပြန်သလဲဆိုတော့ ...

“ဟာ … ဒါကတော့ ကျနော်တို့မှာ လုပ်ပိုင်ခွင့် မရှိဘူး” တဲ့။ “မနက်ဖန်မှ Navy စခန်းဘက်သွားပြီး ကျနော်တို့ ယူပေးမယ်။ ခင်ဗျားတို့ သပိတ်အရင်လှန်နှင့်ပေါ့”

လို့ ထပ်ပြီးတော့ ဈေးဆစ်ပြန်တယ်။ ကျနော်တို့ဘက်က သံသယရှိတာ မလွန်ဘူးဗျ။ အတော်ကို မတရားတဲ့ လူတွေ၊ ကျနော်တို့ဘက်က ခေါင်းဆောင်တွေကတော့ ...

“ခင်ဗျားတို့ဘက်က လက်မှတ်ထိုးပေးပြီးမှ ကျနော်တို့ သပိတ်ကို လှန်မယ်။ အဲဒီဘက်က လက်မှတ်ထိုးပြီးတော့ စာနဲ့ပေနဲ့ ကတိစကား မရမချင်း ဆက်တိုက်မယ်”

လို့ မတုန်မလှုပ် တည်တည်ငြိမ်ငြိမ်နဲ့ ပြန်ပြောလိုက်တာ၊ အဲဒီလိုနဲ့ပဲ အဲဒီနေ့က ပွဲပျက်မသွားဘူး။ သူတို့ ပြန်ထွက်သွားကြတယ်။

အဲဒီနေ့ညနဲ့ နောက်တနေ့ကဖြင့် ကျနော့်တသက်မှာ အချိန်တွေကုန်လွန်တာ အနှေးဆုံး နေ့နဲ့ညလို့ ပြောချင်တာပဲ။ တဖက်မှာ သေတွင်းနှုတ်ခမ်းမှာ တိုက်ပွဲအလံကိုကိုင်ပြီး တိုက်ပွဲဝင်နေတဲ့ ရဲဘော်တွေ၊ တဖက်မှာက အထက်အမိန့် သွားပြီးတော့ ခံယူပါမယ်ဆိုပြီး ပြန်ထွက်သွားတဲ့ အာဏာပိုင်တွေ။

ဒီနှစ်ဖက် ပြန်ဆုံကြမယ့်အချိန်ကို စောင့်ရတဲ့ဟာက အင်မတန် ရှည်ကြာတာပဲ။ အောင်ပွဲနဲ့ ကျဆုံးခြင်း အကြားမှာ ဘယ်လောက်မှ မကွာခြားဘူးဆိုတာလည်း တနုတ်နုတ်ခံစားမိတယ်။

ဒီလိုနဲ့ နောက်တနေ့ ရောက်လာတယ်။ တိုက်ပွဲဝင် ၅၃ ရက် မြောက်နေ့ပေါ့။ နောက်ဆုံးနေ့ပဲ။ မနက်စောစောမှာ ထောင်မှူးကြီးရယ်၊ နောက် ထောင်မှူးတယောက်ရယ်၊ ဝါဒါ ၂ ယောက် ၃ ယောက်ရယ် မော်တော်ကားလမ်းအတိုင်း Navy စခန်းဘက်ကို လမ်းလျှောက်ထွက်သွားကြတယ်။ မိုးက မပြတ်အောင် ရွာထားတာမို့လို့ မူလက ထွန်စက်သွားနေကြ မော်တော်ကားလမ်းဟာ သွားမရတော့ဘူး။

ဒါကြောင့်မို့လို့ သူတို့ဟာ ကားလမ်းပေါ်မှာ လမ်းလျှောက်ပဲ သွားကြရတယ်။ ရွှံ့တွေကလည်း များပါဘိ၊ တချို့နေရာမှာ ရေတောင်ကျော်နေတယ်လို့ ပြောတယ်။ အဲဒီတော့ ဒီ ထောင်အာဏာပိုင်တွေက ကုန်းကြောင်းသွားကြတာ။ မြန်ချင်ပါတယ်ဆိုမှ ဒီလိုဖြစ်နေရတယ်။

လမ်းခရီးက ၇ မိုင် ၈မိုင်လောက် ရှိမယ်ထင်တယ်။ အဲဒါကို သူတို့ ခြေလျှင်သွားကြ၊ ဟိုကနေ ပြန်လာရဦးမှာ။ ဘယ်လောက်စောင့်ရဦးမလဲဆိုတာကို စဉ်းစားသာကြည့်ပေတော့။ အဲဒီလို ကျနော်တို့က စိတ်လောနေ၊ စိတ်ထဲမှာ မချင့်မရဲဖြစ်နေချိန်မှာ တိုက်ပွဲဆောင်ထဲက ရဲဘော်တွေကတော့ ဘာမှ ထူးခြားမှု မပြဘူး။ သူတို့က ခါတိုင်းလို ပုံမှန်ပဲ။ တည်တည်ငြိမ်ငြိမ်နဲ့ နားနားနေနေပဲ သူတို့ စောင့်ဆိုင်းနေကြတယ်။

ကျနော်ကတော့ အမှန်အတိုင်ပြောရရင် ထောင်အာဏာပိုင်တွေ လာမယ့်ဘက်ကို လည်ပင်းတမျှော်မျှော်၊ နားတစွင့်စွင့် စောင့်ဆိုင်းနေတာ။ အဲဒီလို စောင့်ဆိုင်းနေတုန်းမှာပဲ မနက် ၁၀ နာရီ ၁၁ နာရီလောက် ဖြစ်မယ် ထင်တယ်။ ကျနော်တို့ တိုက်ပွဲဝင် အဆောင်တဆောင်မှာ (ကျနော်က ၁၀ ဆောင်မှာ၊ ၉ ဆောင်ဘက်ကနေ) ကိုလတ် ကျဆုံးသွားပြီဆိုတဲ့ သတင်းကို ကြားလိုက်ရတယ်။

ဒါကြောင့် ကျနော်လည်း အဲဒီအဆောင်ထဲကို ကမန်းကတန်း စဝင်လိုက်တယ်။ ကျနော်ရောက်တော့ နိုင်ငံတကာ သီချင်းကို စဆိုနေကြပြီ။ ဒါပေမယ့် ကျနော်လည်း ကိုလတ်ရဲ့ခြေရင်းမှာပဲ ညာလက်ရုန်းကို ကွေးမြှောက်ပြီး အဲ့ဒီ အင်တာနယ် ‘နိုင်ငံတကာသီချင်း’ကို လိုက်ဆိုမိတယ်။ ဆိုရင်း မျက်ရည်တွေလည်း ကျနေတယ်။

ကိုလတ်ဟာ ကျနော်နဲ့အတူတူ မန္တလေးထောင်က လာကြတာ။ ကျနော်နဲ့အတူ ၂ တိုက်မှာ နေခဲ့ကြတာ။ သူ့နာမည်ရင်းက မောင်မောင်စိုး၊ သူ့အသက်က ကျနော့်ထက်လတချို့တောင် ငယ်သေးတယ်။ လူကောင် ထွားတယ်။

ဒါပေမယ့် သူက ရိုးလွန်းလို့ လူချစ်လူခင် သိပ်များတယ်။ ကျောက်ဆည်သား၊ မန္တလေးတက္ကသိုလ်က၊ ကျောင်းသားလှုပ်ရှားမှုနဲ့ အဖမ်းခံရတာ။ သူက စာပေအနုပညာလည်း သိပ်ဝါသနာပါတယ်။ ဒီတိုက်ပွဲအတိုင်ခင် ၄-၅-၆ လကပဲ ကျနော်နဲ့အတူ သီချင်းတပုဒ် စပ်ခဲ့ကြသေးတယ်။ သူ့ရဲ့ အံ့မခန်းစိတ်ဓာတ်ကို မှတ်တမ်းတင် ပြောစမှတ်ဖြစ်လောက်အောင် သူဟာ ချန်ထားနိုင်ခဲ့တယ်။ အဲဒါက ဒီလို။

သူက ဒီနောက်ပိုင်း ရောက်လာတဲ့အခါ အကျအဆုံးတွေ များလာတဲ့ နောက်ပိုင်းမှာ သူဟာသူ့ဘေးမှာရှိတဲ့ သူ့ကိုပြုစုတဲ့ ရဲဘော်တွေကို ...

“တကယ်လို့များ ကျနော့် ခြေတွေလက်တွေ အေးလာရင် ကျနော့်ကို သတိပေးစမ်းပါဗျာ”

လို့ မှာထားတယ်။ သူ ဘာလို့ ဒီလိုမှာတယ်ဆိုတာ အဲဒီ ရဲဘော်တွေက နားမလည်ဘူး။ သိပ်လည်း အလေးထား မစဉ်းစားတတ်ကြဘူး။ သာမန်လိုပဲ သဘောထားခဲ့ကြတာ။

ကိုလတ်ကတော့ သူ့အခြေအနေ သူ အမြဲ သတိထားနေတာ။ သူ့ ခြေတွေ လက်တွေ အေးလာပြီဆိုတာဟာ သူသေတော့မယ့် လက္ခဏာဆိုတာကို သူက သူ့အရင် အာဇာနည်တွေကျဆုံးတုန်းက အတွေ့အကြုံအရ သိထားတယ်။

ဒါကြောင့် အခု သူ မကျဆုံးခင်လေးမှာပဲ သူ့ ခြေတွေလက်တွေ အေးလာပြီဆိုတာနဲ့ သူဟာ အားယူမာန်တင်းလိုက်ပြီး အံကြိတ်ပြီး ညာလက်ရုံးကို မြှောက်တယ်။ အလေးနီပြုတယ်။ အဲဒီလို အလေးနီပြုနေတုန်းမှာပဲ သူ့မျက်နှာလည်း တဖြည်းဖြည်း ပြေလျော့သွား၊ လက်တွေလည်း ပြေလျော့သွား၊ ကျဆုံးသွားတယ်။ သူ့ရဲ့ ဒီသတင်းဟာ ချက်ခြင်းပဲ အကျဉ်းစခန်းတခုလုံးကို ပြန့်သွားပြီး ကြားရသူ အားလုံးဟာ စုတ်တသပ်သပ်နဲ့ ဝမ်းပမ်းတနည်း ဖြစ်ကြရတယ်။

ကိုလတ်ဟာ သူတိုက်ပွဲဝင်တဲ့ နေ့မှာပဲ သူအိပ်မယ့် ကွပ်ပစ်ခြေရင်းမှာ (ခြေရင်းက ခါးပန်းမှာပေါ့လေ) ကားမတ်စ် ငယ်စဉ်က ဆောင်ပုဒ်တခုဖြစ်တဲ့ …

‘ငါ့ဘဝမှာ တိုက်ပွဲတွေနဲ့ ပြည့်လျှမ်းနေပါစေ’

ဆိုတဲ့ စာတန်းကို မြေဖြူနဲ့ရေးခဲ့တယ်။ သူ့ဆန္ဒကတော့ ပြည့်စုံသွားတာပေါ့ဗျာ။ သူ့နောက်မှာ ကျဆုံးတာက ကိုလေးမောင် (ကဗျာဆရာ ကိုလေးမောင်)။ ကျနော် တဦးချင်းအရပြောရရင် စိတ်အထိခိုက်ဆုံး ကျဆုံးမှုပဲ။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၇)

ပြည်သူ့သူရဲကောင်းများရဲ့ ဈာပန

ကျနော်တို့တတွေ တိုက်ပွဲတိုက်ကြတော့မယ်ဆိုကတည်းက ကျနော်တို့အနေနဲ့ အကျအဆုံးတော့ ရှိမှာပဲ။ စွန့်လွှတ်ရတာတွေရှိမှာပဲဆိုတာ တွက်ပြီးသားပဲ။ ဒါပေမယ့် တန်ဖိုးဘယ်လောက်များများပေးရမလဲ ဆိုတာကျတော့ တယောက်နဲ့ တယောက် တွက်ချက်မှုတွေ နည်းနည်းကွဲပြားတာပေါ့ဗျာ။

တချို့ကလည်း ၂ ယောက်၊ တချို့ကလည်း ၃ ယောက်၊ ၄ ယောက်လား၊ ၅ ယောက်လား။ အဲ့လိုတွက်ကြတာ၊ အမျိုးမျိုးပဲ။ သေချာတာတခုကတော့ ရှေ့က အလံနီတွေတိုက်တုန်းက တယောက်ကျခဲ့တယ်ဆိုတော့ အဲ့ဒီ တယောက်ထက်တော့ မနည်းဘူးဆိုတာတော့ သေချာတယ်။

အဲဒီလိုနဲ့ တိုက်ပွဲက ၅ ယောက် ကျဆုံးသွားပြီ။ အရေအတွက်ဟာ အတော်များတယ်။ ထောင်သမိုင်းမှာ အများဆုံးပဲလို့ ပြောနိုင်တယ်။ ကျနော်တို့ ရဲဘော်တွေထဲမှာ ဒီကိစ္စ အတော်လေး အလေးအနက်မထားလို့မဖြစ်၊ မစဉ်းစားလို့မဖြစ် အခြေအနေ။

ဘာကြောင့်လည်းဆိုတော့ ကိုးကိုးကျွန်းမှာ ကျနော်တို့ရဲဘော်တွေနေကြတဲ့ အဆောင် ၅ ဆောင်။ အဲဒါကြောင့်မို့လို့ အခုကျဆုံးတဲ့ အရေအတွက်နဲ့ တွက်လိုက်မယ်ဆိုလို့ရှိရင် ဟာ … တဆောင်ကို တယောက်နှုန်းလောက် ရှိနေပြီ။

ဒီအချိန်မှာ ကျနော်တို့ထဲမှာလည်း အမျိုးမျိုးစဉ်းစားကြတာတွေ ရှိတယ်။ ထောင်အာဏာပိုင်တွေဘက်ကပဲ ဖြစ်ဖြစ်၊ ကျနော်တို့ဘက်ကပဲ ဖြစ်ဖြစ်၊ အခုအချိန်ဟာ ပြင်းထန်ပြီးတော့ တယောက်ကိုတယောက် အကဲစမ်းကြတဲ့အချိန်။ တိုက်ပွဲရဲ့ အထွဋ်အထိပ်လို့ပြောရင်လည်း ရတယ်။ ကျနော်တို့ထဲက တချို့က တိုက်ပွဲအရှိန်မြှင့်ဖို့၊ နောက်အာဏာပိုင်တွေကို ဖိအားပေးဖို့ အမျိုးမျိုးစဉ်းစားကြတယ်။

တချို့က နောက်ထပ် အသုတ်လိုက် ထပ်ဝင်မလား။ တချို့က ရေဖြတ်ကြမလား။ ဒါမှမဟုတ် အခြားတိုက်ပွဲသဏ္ဍာန်တွေ ဖော်ကြမလား။ အမျိုးမျိုး စဉ်းစားကြတယ်။ တချို့ကတော့ ခေါင်းဆောင်တွေကို သွားပြီး တင်ပြကြတယ်။ ဒါပေမယ့် ကျနော်တို့ ခေါင်းဆောင်တွေက တိုက်ပွဲကို တည်တည်ငြိမ်ငြိမ်နဲ့ ဆက်ပြီး သယ်ဆောင်လာခဲ့ကြတယ်။ ဒီအချိန်ဟာ ခေါင်းဆောင်မှုရဲ့ အရည်အချင်းကို စမ်းသပ်တာလို့ ကျနော်တို့ ပြောလို့ရတယ်။

ဒါနဲ့တဆက်တည်းမှာ ကျနော် ပြောချင်တာတခုက ကျနော်တို့တိုက်ပွဲ အဲဒီအချိန်အထိ ဒီထောင်စခန်းအတွင်းမှာရှိတဲ့ အခြားအဖွဲ့အစည်းတွေနဲ့ ပုဂ္ဂိုလ်တဦးချင်းတွေဟာ ကျနော်တို့ကို ဘာမှ ဝေဖန်ပြောဆိုတာ မရှိဘူး။ အားပေးစကားပဲ ပြောကြတယ်။ ထောက်ခံကြတယ်။ အဲ့ဒါကတော့ ကျနော်တို့ မှတ်တမ်းတင်၊ ကျေးဇူးတင်ရမယ့်ကိစ္စပဲ။

ကျနော်တို့သိရတဲ့ သတင်းအရဆိုလို့ရှိရင် ထောင်အာဏာပိုင်တွေဘက်ကလည်း သူတို့တတွေ သိတ်အနေရခက်နေတယ်။ သူတို့လည်း ခြောက်ခြားနေကြတယ်။ ဘယ်ဗျာ … အကျဉ်းစခန်း အလယ်တည့်တည့်မှာ ယာယီစခန်းထိုးပြီး ခေါင်းတလားကြီး ၅ ခု တင်ထားတာ။ အဲ့ဒီလိုတိုက်ပွဲမျိုးဟာ ဘယ်သူ မတုန်လှုပ်ပဲရှိပါ့မလဲ။ ကျနော်လို့ လေ့လာလို့သိရတဲ့ သတင်းအရဆိုလို့ရှိရင် ထောင်အာဏာပိုင်တွေကြားမှာ ဒီလိုတိုက်ပွဲမျိုး တခါမှမကြုံဘူးလို့ အံ့သြတုန်လှုပ်နေကြတယ်ဆိုတာကို။

တိုက်ပွဲပြီးတဲ့နောက်ပိုင်းကျတော့ အဲ့ဒီထောင်ဝါဒါတွေနဲ့ စကားစပ်မိလို့ ပြောကြတဲ့အခါမှာ သူတို့က ...

“ဟာ … ခင်ဗျားတို့ ဘယ်လိုနေလဲ မသိဘူးဗျာ။ ကျုပ်တို့တော့ ကိုယ့်ဟာကိုယ် ရူးကုန်မလားတောင် အောက်မေ့တယ်။ စားမဝင် အိပ်မပျော်ပဲ။ အင်တာနေရှင်နယ် သီချင်းသံကြားပြီဆိုရင် ထိတ်သွားတာပဲ။ ကိုယ့်နားကိုယ်တောင် အတင်းပိတ်ထားတယ်”

လို့ ပြောကြတယ်။ အမှန်ပဲ။

ကျနော်တို့ အဲ့ဒီကိုကိုးကျွန်းစခန်းပေါ်မှာ သင်္ကြန်ပွဲတော်ဆိုရင် နှစ်စဉ်ပဲ ရိုးရာဓလေ့ထုံးစံနဲ့အညီ ကျနော်တို့ ပျော်ပျော်ရွှင်ရွှင် ကျင်းပခဲ့ကြတယ်။ ကပွဲ ခုန်ပွဲတွေလုပ်တယ်။ စင်တင်တဲ့ ကပွဲလုပ်တယ်။ အိုးစည် ဒိုးပတ်တွေနဲ့ အကျွေးအမွေးတွေ လုပ်ကြတယ်။ အားကစားပွဲတွေတောင် ပါသေးတယ်။ ဒါပေမယ့် ဒီနှစ်မှာကျတော့ ကျနော်တို့ အကျဉ်းစခန်းတခုလုံးမှာ သင်္ကြန်တေးဆိုလို့ ဘာသံမျှ မရှိဘူး။ ကြွေးကြော်သံတွေပဲ ရှိတယ်။

ဒီလိုနဲ့ မေလရောက်လာတယ်။ မေလဆိုတော့လည်း မုတ်သုန်ရောက်ပြီ။ မုန်တိုင်းနဲ့ မုတ်သုန်ဟာ ပြတ်တယ် မရှိတော့ဘူး။ ပင်လယ်ပြင်ဘက် လှမ်းပြီးကြည့်လိုက်ရင်လည်း လှိုင်းတွေက တဝုန်းဝုန်းနဲ့။ အိုနာဆစ် သင်္ဘောကြီးက လှိုင်းတွေပေါ်မှာ ယိမ်းထိုးနေတယ်။ လှိုင်းတွေက ဖွားခနဲ ဖွားခနဲ သင်္ဘော ခေါင်းတိုင်ပေါ်တောင် ကျော်ပြီးတော့ တက်လာတယ်။

အဲ့ဒီလိုနဲ့ ကျနော်တို့ တိုက်ပွဲစလို့ ၅၂ ရက်မြောက်တဲ့နေ့။ မပြီးခင် တရက်ပေါ့လေ။ အဲ့ဒီနေ့မနက်မှာ ထောင်တာဝန်ခံတွေ အကျဉ်းစခန်းထဲဝင်လာပြီး တိုက်ပွဲဆောင်ထဲအထိ ရောက်လာတယ်။ သူတို့ ဒီတခါ လာတာဟာ ခါတိုင်းလို တိုက်ပွဲကို ဂရုမစိုက်တဲ့ ပုံသဏ္ဍာန် မဟုတ်တော့ဘူး။ သူတို့ပုံကို ကြည့်ရတာ ဟန်မဆောင်နိုင်ဘူး။ တကယ်ကျတော့ သူတို့လည်း စိတ်ချောက်ခြားနေပြီ။ စိတ်တွေလည်း ပင်ပန်းလှပြီကိုး။

အမှန်က ဒီတိုက်ပွဲတွေကို အဆုံးအဖြတ်ပေးနိုင်တာက ဒီထောင်အာဏာပိုင်တွေ မဟုတ်ဘူး။ ရန်ကုန်ကနေ အဆုံးအဖြတ်ပေးနေတာ။ ဒီမှာရှိတဲ့ ထောင်တာဝန်ခံတွေ၊ ထောင်အာဏာပိုင်တွေဆိုတာက ဟိုက ပြောခိုင်းတာပဲ လာပြီးပြောနေရတာ။ အဲ့ဒီတော့ သူတို့လည်း စိတ်မချမ်းသာဘူး။ ဒါ သေချာတယ်။

ဒါပေမယ့် ထောင်တာဝန်ခံတွေထဲမှာလည်း အမျိုးမျိုးတော့ ရှိတာပေါ့လေ။ တယောက်နဲ့တယောက် သဘောထားချင်းတော့ တူချင်မှတူကြတာပေါ့။ တချို့ကတော့ သခင်အားရ ကျွန်ပါးဝ ဒါမျိုးလည်း ရှိတတ်ပါတယ်။

ဒီတခါဝင်လာတဲ့အခါကျတော့ သူတို့မျက်နှာပေးတွေကို ကြည့်လိုက်ရင်ပဲ သူတို့မှာ ပြောစရာ တခုတခု ပါလာတယ်ဆိုတာ သေချာတယ်။ သူတို့က တိုက်ပွဲဆောင်ထဲကို လျှောက်လာကြတယ်။ ဟန်ကိုယ့်ဖို့တော့ အတတ်နိုင်ဆုံး လုပ်ထားကြတယ်။ ဒါပေမယ့် သူတို့လှုပ်ရှားမှုကို ဘေးကအကဲခတ်နေတဲ့ ကျနော်တို့ ရဲဘော်တွေကတော့ အခြေအနေကို မှန်းဆလို့ ရနေတယ်။

အဲ့ဒီမှာ ထောင်အာဏာပိုင်တွေက တာဝန်ရှိတဲ့ ရဲဘော်တယောက်ဖြစ်တဲ့ ကိုဖေအောင် (ကွယ်လွန်သူ ဝါရင့် နိုင်ငံရေးသမားကြီး သခင်ထင်အောင်ရဲ့ တူတော်တယ်။ ပြည်သူ့တိုးတက်ရေးပါတီကပဲ)ကို သူတို့က ...

“သပိတ်မလှန်သေးဘူးလား”

လို့ မေးတယ်။

ဒီမေးခွန်းမျိုးက တိုက်ပွဲစကတည်းက သူတို့တခါမှ မမေးဖူးဘူး။ ဒါ ပထမဆုံး မေးတာ။ အရင်တုန်းကဆိုရင် သူတို့မေးလည်း မမေးရဲဘူး။ မေးလိုက်လို့ရှိရင် တခါတည်း နေရာတင် အရိုက်ခံရမှာ။ ကိုဖေအောင်ကတော့ တည်တည်ငြိမ်ငြိမ်ပဲ။

“ကျုပ်တို့ တောင်းဆိုတာ ပေးလေ။ မပေးရင် မလှန်ဘူး”

လို့ ပြောလိုက်တယ်။

တိုတိုပြတ်ပြတ် ပြောလိုက်တော့ အာဏာပိုင်တွေက ...

“ဟာ … အခု ၅ ယောက်ရှိသွားပြီ။ ထပ်သေကုန်ပါဦးမယ်ဗျာ”

လို့ စာနာသလိုလို၊ ခြောက်လှန့်သလိုလို ပြောတယ်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၆)

တတိယကျဆုံးတဲ့ ရဲဘော်စိန်ချင်း ကျဆုံးတဲ့အချိန်မှာ ကျနော်တို့က ထောင်ဘူးဝနားမှာ ကင်းစောင့်နေတာ၊ ကင်းကျနေတာ။ နေ့ခင်းကြီးပဲ။ အဲဒီအချိန်တုန်းက တိုက်ပွဲဝင်အဆောင် ၂ ထဲမှာ ရဲဘော်ထွန်းမြင့်နဲ့ ရဲဘော်စိန်ချင်းတို့ဟာ မျောနေကြပြီ။ အခြေအနေမကောင်းဘူး။ သိပ်မခံတော့ဘူးလို့ အားလုံးက တွက်ထားကြပြီ၊ ကျနော်လည်း သိနေတာ။

အဲဒီလိုနဲ့ ကျနော် ကင်းစောင့်နေတုန်းမှာပဲ ‘အင်တာနေရှင်နယ်’ သီချင်းသံ သံပြိုင်ဆိုလိုက်တဲ့အသံကို ကြားရတာ။ ကျနော်လည်း ရဲဘော်တယောက်တော့ ကျပြန်ပြီဆိုပြီးတော့ ကင်းစောင့်နေရာကနေ မတ်တပ်ရပ် တိုက်ပွဲဆောင်ရှိရာဘက် မျက်နှာမူ သတိဆွဲ ရပ်နေလိုက်တယ်။ သီချင်းသံပြီးဆုံးသွားတော့ ကျနော့်ခေါင်းထဲမှာ ခုနက ရဲဘော်ထွန်းမြင့်နဲ့ ရဲဘော်စိန်ချင်းတို့အထဲက ဘယ်သူအရင်ကျပါလိမ့်လို့ ကျနော်တို့ ထင်နေ၊ တွေးနေတာ။

ပြီးတဲ့အခါမှာ ကျနော် စုံစမ်းကြည့်လိုက်တဲ့အခါကြတော့ ...

“ဟာ … မဟုတ်ဘူး ကျသွားတာ ရဲဘော်ချစ်ဆွေ” လို့ ပြောပြန်ရော။ ဟာ … ကျနော် ကိုယ့်နားကိုယ် မယုံနိုင်လောက်အောင်ကို အံ့သြသွားတယ်။

ရဲဘော်ချစ်ဆွေဆိုတာ ပြည်ခရိုင်က ဗကသကျောင်းသား။ ကျဆုံးချိန်က သူ့အသက်က ၂၄/၂၅ လောက်ရှိမယ်။ ကျနော်ထက် ကြီးလှ ၃/၄ နှစ်ပဲဖြစ်မယ် မကွာဘူး။ ကျန်းမာရေး အင်မတန်ကောင်းတာ၊ အကြမ်းပတမ်းလည်း အင်မတန်မှကို ခံနိုင်တာ။ လူက ထွားလည်း ထွားတယ်၊ မဲမဲကြီး။ လူချစ်လူခင် အင်မတန်များ၊ လုပ်ရည်ကိုင်ရည်လည်း ရှိတယ်။

သူတိုက်ပွဲဝင် ဒုတိယအသုတ်က။ သူကျဆုံးတဲ့အချိန်မှာ ကျနော်တို့ တိုက်ပွဲတိုက်တာ ၄၈ ရက် ရှိသွားပြီ။ သူ တဦးချင်းတိုက်တာတော့ ၄၁ ရက်ပေါ့။ ရဲဘော်အုန်းမော်ကျပြီးနောက် တရက်ခြားပဲ။ ဒီ တိုက်ပွဲမှာကျတဲ့ ပထမဆုံး ကျောင်းသားပေါ့။ သူ့ရဲ့ဆောင်ပုဒ်အနေနဲ့ သူ့မှတ်တမ်းတွေထဲက ကျနော်တို့ ရွေးထုတ်လိုက်တယ်။ ရွေးထုတ်ပြီး သူ့ရဲ့အခေါင်းရှေ့မှာပဲ ရေးပြီးထားလိုက်တယ်။ အဲဒါကတော့ …

‘ခိုင်မာတဲ့သံန္နိဋ္ဌာန်သာရှိရင် မိုးအောက်မြေပြင်မှာ မလုပ်နိုင်တာမရှိဘူး’

သူကျပြီး နောက်တနေ့မှာပဲ စောစောကတည်းက အခြေအနေဆိုးနေပြီဖြစ်တဲ့ ရဲဘော်ထွန်းမြင့် ကျဆုံးသွားတယ်။ ရဲဘော်ထွန်းမြင့်က ရန်ကုန်က အစိုးရဝန်ထမ်း၊ ကလေး ၂ ယောက် ဖခင်။ အင်မတန်မှ စကားနည်းပြီး အင်မတန် သိမ်မွေ့တဲ့လူ။ သူ့ခန္ဓာကိုယ်က သေးသေးလေး။ ဒါပေမယ့် သူ့မျက်နှာပေါ်မှာက အမြဲတမ်း အင်မတန် ချစ်ခင်စရာကောင်းတဲ့ အပြုံးလေး အမြဲရှိတယ်။ ကျနော်တို့ထက် အသက်ကြီးပါတယ်။ အသက်ကြီးသလို ပိုလည်း ရင့်ကျက်၊ ပိုလည်း တည်ငြိမ်တယ်လို့ ကျနော့်ခေါင်းထဲမှာ စွဲနေတယ်။

သူ့အခြေအနေ မကောင်းတော့ဘူး။ ခြေတွေ လက်တွေ အေးလာပြီဆိုတော့ ဘေးကရဲဘော်တွေက ဝိုင်းပြီး ခြေဆုပ်လက်နယ် ပြုကတယ်။ သူ့လက်ကလေးတွေ ဖျစ်ညှစ်ပေး၊ သူ့ခြေသလုံးလေးတွေ ဖျစ်ညှစ်ပေး။ အဲလို ဝိုင်းလုပ်ကြတယ်ပေါ့။

အဲဒီမှာ ကျနော်တို့ခေါင်းဆောင် ဆရာ ရာဂျမ်လည်း ပါတယ်။ အဲဒါ သူက ဆရာရာဂျမ်ကို သိပ်အားနာတာကို လူကြီးဖြစ်နေတော့၊ အားနာတော့ လေသံသဲ့သဲ့လေးနဲ့ သူက ...

“ဆရာရယ် … ကျနော့် ခြေတွေလက်တွေ အေးနေပေမယ့် ကျနော့်ရဲ့နှလုံးသားဟာ မော်စီတုန်းအတွေးအခေါ်နဲ့ နွေးထွေးနေပါတယ်”

လို့ ပြောပါတယ်။ ဆရာ့ကို ဒီလို ပြုစုတဲ့အလုပ်မျိုးမလုပ်ဖို့ သူက တောင်းပန်တာပါ။ သူ ကျတဲ့အချိန်မှာ မိုးတွေလေတွေ အင်မတန် သဲသဲမဲမဲ ရွာနေ၊ ထန်နေတယ်။ ကျနော်တို့က အဲဒီ မိုးတွေလေတွေကြားထဲမှာပဲ ‘အင်တာနေရှင်နယ်’သီချင်းကိုဆိုပြီး ထောင်ဘူးဝကို သွားကြတယ်။ ကြွေးကြော်သံတွေ တိုင်ကြတယ်။

ကျနော်တို့ အဲလိုသွားပြီးတော့ ကြွေးကြော်သံတိုင် ထောင်အာဏာပိုင်တွေကို လက်ညှိုး ငေါက်ငေါက်ထိုးခဲ့တာ ၄ ကြိမ်ရှိသွားပြီ။ အဲလို ၄ ကြိမ်မြောက် ကြွေးကြော်သံတွေတိုင်ပြီး ပြန်အလှည့်နောက်ကို ပြန်အလှည့်ဆိုရင်ပဲ တိုက်ပွဲဆောင်ရှေ့က ‘အင်တာနေရှင်နယ်’သီချင်းသံ ထပ်ထွက်လာတယ်။

အသံဟာ မကျယ်တော့ဘူး။ ဘာလို့ဆိုတော့ လူတော်တော်များများဟာ ဒီ ဘူးဝကိုရောက်နေကြတာ။ ပြုစုတဲ့ ရဲဘော်လောက်ပဲ ရှိတော့တယ်။ နောက်ပြီးကျတော့ အခြေအနေမကောင်းတာက စောင့်ကြည့်နေတဲ့ ဆေးတာဝန်ခံ ရဲဘော် အေးမြင့်တို့တတွေပဲ ရှိတော့တယ်။

အဲ … သူတို့ဆိုလိုက်တဲ့ အသံ။ ရဲဘော်စိန်ချင်းလည်း ကျသွားပြီဆိုတဲ့ အဓိပ္ပာယ်။ သူတို့နှစ်ယောက်ဟာ တိုက်ပွဲဆောင်ထဲမှာလည်း အိပ်ယာချင်းကပ်ရက် အိပ်ကြတဲ့လူ။ သူတို့အခြေအနေ ဆိုးနေပြီဆိုတော့ နှစ်ယောက်ယှဉ်ရက် မိန်းမောနေတာ။

နောက် သူတို့ ၂ ယောက် ကျဆုံးသွားတာ ရှေ့ဆင့်နောက်ဆင့်၊ နာရီဝက်လောက်ပဲ ခြားတယ်။ သူတို့ ကျဆုံးတဲ့အချိန်မှာ သူတို့တိုက်ပွဲဝင်တဲ့ရက်ဟာ ၄၃ ရက် ရှိသွားပြီ။ တရက်တည်း ၂ ဦးဆက်တိုက် ကျဆုံးတာပဲ။

ဒီမှာ ပြောစရာရှိတာက သူတို့ မကျဆုံးခင် တရက်လောက်မှာပဲ ဒုတိယအသုတ်ထဲ တိုက်ပွဲဝင်သူတွေက တယောက်က လက်မြောက်အရှုံးပေးသွားတာ ပေါ်ခဲ့တယ်။ သူက မနက်တိုင်း ထောင်အာဏာပိုင်တွေ လာပြီးတော့ ဆေးစစ်တဲ့အခါမှာ သူက သူတိုက်ပွဲဆက် မတိုက်တော့ဘူး။ သူအရှုံးပေးပါပြီလို့ သူ ကြေညာလိုက်တယ်။

ကျနော်တို့လည်း ဘာမှမလုပ်ပါဘူး။ ထောင်အာဏာပိုင်တွေက သူ့ကို လက်ခံလိုက်တယ်။ လက်ခံလိုက်ပြီး အပြင်ကိုခေါ်ထုတ်သွားတယ်။ ဒီထဲမှာ ဆက်ထားရင် မဖြစ်ဘူးဆိုတာ သူတို့လည်း သိတယ်။ သူ့ကိုကပ်နဲ့ ထမ်းပြီးထုတ်သွားတာ။ စောင်အုပ်ပြီး ခေါ်သွားတယ်။ သူကလည်း ရှက်တော့ သူ့မျက်နှာကို သူ့ဟာသူ စောင်နဲ့ ဆွဲအုပ်ထားတယ်။

ဒီလို တိုက်ပွဲအပြင်းအထန် သည်းသန်နေတဲ့အချိန်မှာ သူက လက်နက်ချသွားတယ်ဆိုတော့ ထောင်အာဏာပိုင်တွေဘက်က အတော်ကို အားတက်သွားတာ။ ကျန်တဲ့လူတွေကလည်း ကျန်းမာရေး သိပ်ကျဆင်းနေတဲ့အချိန်မှာ ဒီလိုဖြစ်တော့ အမှန်ပဲ အားလုံး ဒေါပွကြတယ်။ ဒါကို တိုက်ပွဲဝင် ရဲဘော်တွေကိုလည်း ကျနော်တို့ အသိပေးတယ်။

သူတို့လည်း သူတို့ဘေးတင် ဖြစ်နေတော့ သိတာပဲ။ တခြားအဆောင် တိုက်ပွဲဝင်ရဲဘော်တွေကိုလည်း အသိပေးတယ်။ အခုတယောက်က အခုနောက်ဆုံးကျသွားတဲ့ ရဲဘော်စိန်ချင်းက ...

‘ကျနော်ကတော့ အလုပ်သမား လူတန်းစားရဲ့ဂုဏ်သိက္ခာကို
ဘယ်တော့မှ ညှိုးနွမ်းအောင် မလုပ်ဘူး’

လို့ တင်းတင်းမာမာနဲ့ ပြတ်ပြတ်သားသား သူ ပြောခဲ့တယ်။ တကယ်ပဲသူက သူ့ ဆောင်ပုဒ်ကို သူ တကယ် ထိန်းသိမ်းသွားတာ။ နောက် သူ့ အခေါင်းရဲ့ရှေ့မှာ သူ့ဆောင်ပုဒ်ရေးတဲ့အခါကျတော့ ဒီစကားကိုပဲ ကျနော်တို့ ရေးထားခဲ့တယ်။ အလုပ်သမား လူတန်းစားရဲ့ဂုဏ်သိက္ခာကို ဘယ်တော့မှ ညှိုးနွမ်းအောင် မလုပ်ဘူးဆိုတဲ့ သူ့ စကား။

ရဲဘော်စိန်ချင်းက ပခုက္ကူဘက်က အိမ်ထောင်သည်။ အသက်ဟာ ၄၀ လောက်ရှိနေပြီ ၄၀ တဝိုက်ပဲ။ သားသမီးတွေနဲ့။ သူ့ဘဝတလျှောက်လုံး အင်မတန် ကြမ်းတမ်းတဲ့ခရီးရှည်ကြီး ဖြတ်သန်းခဲ့ရတာ။ ကျဘမ်း အလုပ်သမား၊ အလုပ်ကြမ်း အလုပ်သမား အကုန်လုပ်ဖူးရှာတယ်။ သူ့မျက်နှာ သူ့ခြေလက် အားလုံးဟာ အလုပ်ကြမ်းဒဏ်တွေကို အတိုင်းသား မြင်နေရတဲ့ လူမျိုး။ အဲ … ထူးခြားတာတခုကတော့ တယောထိုး အင်မတန် ညက်တယ်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၅)

ဒီလိုနဲ့ သူတို့ တဆောင်ပြီးတဆောင် ဝင်တာ။ ကျနော်တို့ရဲဘော်တွေနေတဲ့ အဆောင်ကိုရောက်တော့ အဲဒီရောက်တဲ့အခါကျတော့ ကျနော်တို့ရဲဘော်တွေက ...

“ကျနော်တို့ ခေါင်းဆောင်တွေ ရှိတယ်။ ဒီ တိုက်ပွဲကို ခေါင်းဆောင်နေကြတာ သူတို့ပဲ၊ ခင်ဗျားတို့ သူတို့နဲ့ ပြော၊ ကျုပ်တို့ကို လာမပြောနဲ့”

လို့ ပြောလွှတ်လိုက်တယ်။

ဒီလိုနဲ့ တဖြည်းတဖြည်း သူတို့ ဝင်ရင်း ဝင်းရင်းနဲ့ ခုန ကျနော်တို့ ခေါင်းဆောင်တွေဖြစ်တဲ့ ဗိုလ်အုန်းမောင်၊ ဆရာ ရာဂျမ်တို့နဲ့ တွေ့ကြရတော့တယ်။ အမှန်ကတော့ သူတို့လည်း ဒါနဲ့တွေ့ဖို့ လာတာပါ။ ဒါပေမယ့် ဟန်ကိုယ့်ဖို့ လုပ်ကြရတာ။ ကျနော်တို့ခေါင်းဆောင်တွေက ထိုင်စောင့်နေတာ သူတို့လာမယ်ဆိုတာသိလို့။ အဲဒါ ရောက်လာတာပဲ။

ရောက်တော့မှ သူတို့က သူတို့ပြောစရာရှိတဲ့ဟာကို ပြောတယ်။ ခုနကပြောတဲ့အတိုင်း ကျွန်းစခန်းကို ဖျက်သိမ်းပေးမယ်။ ဒါပေမယ့် ယာယီအားဖြင့်တော့ ကိုယ်ထူကိုယ်ထ ဆက်လုပ်ပေးပါလို့ ပြောတယ်။ သူတို့ပြောတဲ့ အဓိပ္ပာယ်က ဒီတိုက်ပွဲကို အသိအမှတ် မပြုဘူးဆိုတဲ့ဟာပဲ။

ဒါပေမယ့် လိုက်တော့ လိုက်လျောတယ်။ နိုင်ငံရေး နာမည်မပျက်အောင် ဂုဏ်သိက္ခာ ထိန်းချင်တဲ့သဘောပဲ။ အဲဒီတော့ ကျနော်တို့ဘက်က ဒါကို လက်မခံဘူး။ ကျနော်တို့ရဲ့ အဓိက တိုက်ပွဲတောင်းဆိုချက် ဖြစ်တဲ့ ‘ကိုယ်ထူကိုယ်ထ အရင်ဖျက်သိမ်း’ ဒါပဲ ကျနော်တို့ ပြောလိုက်တယ်။

အဲဒီတော့ ဗိုလ်မှူးဟန်သွဲ့ဆိုတဲ့လူကလည်း သူကလည်း အထက်ညွှန်ကြားချက်ကို လိုက်လုပ်နေရတဲ့လူ။ သူမှာ ဘာမှ အပေးအယူလုပ်ဖို့၊ ညှိနှိုင်းဖို့ ဘာအာဏာမှရှိတာ မဟုတ်ဘူး။ သူလည်း ဘာမှမတတ်နိုင်ဘူး။ ဒါနဲ့ပဲ နှစ်ဖက် ဘာသဘောတူညီချက်မှမရဘဲ သူတို့ တပ်ခေါက်ပြန်သွားတယ်။

အဲဒါ ကျနော်တို့ပြောနိုင်တာတခုက ရဲဘော်တယောက် ကျဆုံးပြီးပြီဆိုရင် အာဏာပိုင်တွေဘက်မှာလည်း ဂယက်ရိုက်မှု ရှိတာပဲ။ သူတို့အထဲမှာလည်းပဲ အမျိုးမျိုး စဉ်းစားတွေးခေါ်လာတာပဲလို့ ပြောလို့ရတယ်။ ဒါပေမယ့် တဖက်ကကြည့်ရင်တော့ အဲဒီအချိန်မှာ ကျနော်တို့ တိုက်ပွဲဝင် ရဲဘော်တွေရဲ့ ကျန်းမာရေးဟာလည်း ပိုပိုပြီး ချိလာနေပြီ။

ဒုတိယ ကျဆုံးသွားတဲ့ ရဲဘော်ကတော့ ရဲဘော်အုန်းမော် လို့ ခေါ်တယ်။ သူ ကျဆုံးတဲ့အချိန်မှာ သူ့အသက် ၂၄/၂၅ လောက်ပဲ ရှိဦးမယ်။ သူက အစိုးရရဲ့ မရိန်းတပ်လို့ခေါ်တဲ့ ကမ်းတက်တပ်ရဲ့ ရဲဘော်ဖြစ်တယ်။ နဂိုကတည်းက ဆက်သွယ်ရေးလုပ်ငန်း လုပ်တယ်။

သူနဲ့ အမှုတွဲတတွဲတည်း အဖမ်းခံရတဲ့ ရဲဘော်အောင်ထီဆိုတာ ရှိသေးတယ်။ ရဲဘော်အောင်ထီကတော့ သူနဲ့ မတူဘူး။ သူက ထွားထွားကြီး၊ ရဲဘော် အောင်ထီက ခပ်ပုပု။ ဒါပေမယ့် ၂ ယောက်စလုံး တောင့်တယ်။ အဲဒီ ရဲဘော် အောင်ထီလည်း ကိုကိုးကျွန်းကို ပါလာတယ်။

ကိုကိုးကျွန်းပြန်လွတ်တဲ့အခါမှာ ရဲဘော်အောင်ထီက ထောင်ကလွတ်တယ်ဆိုတာနဲ့ ရခိုင်ပြည်နယ်ဘက် သွားပြီးတော့ လက်နက်ကိုင် တော်လှန်ရေးထဲ ဝင်ပါတယ်။ လက်နက်ကိုင် တော်လှန်ရေးလုပ်ရင်း ကျဆုံးသွားတယ်။

အဲဒါ သူတို့ ၂ ယောက်ကို သူတို့တပ်ထဲမှာ ဗကပယူဂျီအဖြစ် ဖမ်းမိတယ်ဆိုတော့ အိုး … သူတို့စစ်တပ်ဟာ အင်မတန်မှ အံ့သြတုန်လှုပ်ပြီး အကြီးအကျယ် ဒေါပွတယ်။ ဒါကြောင့် သူတို့ ၂ ယောက်ကို နှိပ်စက်လိုက်၊ ရိုက်လိုက်တယ်ဆိုတာ ပြောစရာကိုမရှိဘူး။ သူ့ခန္ဓာကိုယ်ကြီးကလည်း ကြီးတဲ့အခါကျတော့ ထောင်တလျှောက်လုံးမှာ အာဏာပိုင်တွေက သူ့ကိုပဲ အမျိုးမျိုးနှိပ်စက် ရိုက်နှက်နေကြတာ။

လက်တည့်စမ်းနေတယ်လို့တောင် ပြောလို့ရသေးတယ်။ အဲဒါ သူ့ကလည်း အစိုးရအပေါ်မှာ (ရန်သူ့အပေါ်မှာ) အင်မတန် နာကြည်းတယ်။ အင်မတန် ပြတ်သားတယ်။ ကိုကိုးကျွန်းမှာပေါ့၊ သူ တခါ အဖမ်းခံရတာ ဖြစ်ပြီးပြီပဲ။ ဒါကြောင့်မို့ သူ့ခေါင်းထဲမှာ တိုက်ပွဲစဝင်ကတည်းက တိုက်ပွဲမှာ ကျစရာရှိရင်၊ အသေခံ စရာရှိရင် ငါ အရင်သေမယ်၊ ငါ အရင်အကျခံမယ်လို့ ဆုံးဖြတ်ကြတာ။

ဒါ ကျနော်က ပါးစပ်နဲ့ အလွတ်ပြောတာ မဟုတ်ဘူး။ သူ ကျဆုံးသွားတဲ့အခါ (တိုက်ပွဲဝင်ရဲဘော် အတော်များများဟာ လူတိုင်းတော့ မဟုတ်ဘူး။ အတော်များများဟာ နေ့စဉ်မှတ်တမ်းလေးတွေ ရေးကြတယ်။ သူလည်း ရေးထားတယ်။) အဲဒီ သူရေးထားတဲ့ မှတ်တမ်းထဲကနေပြီး ကျနော်တို့တွေ့တာ။

အဲဒီတော့ သူဟာ အခုလို သူ့အရင် ရဲဘော်သိန်းကြည် ကျဆုံးသွားတယ်ဆိုတော့ အတော့်ကို ခံစားရတယ်။ ဘယ်သူ့ကိုမှ အသိမပေးဘူး၊ ဘယ်သူ့ကိုမှမပြောဘဲ သူ့တယောက်တည်း တိတ်တိတ်ကလေး အဲဒါ ရေဖြတ်လိုက်တယ်။ ရေပါ မသောက်ဘဲနေလိုက်တာ။

ရေအသက် တမနက်လို့တောင် ကျနော်တို့ ပြောကြသေးတာပဲ။ သူ့ရဲ့ ဒီ ၅ ပေ ၁ဝ လက္မလောက် အရပ်ကြီး၊ နောက် အလေးမထားတဲ့ အားကစားသမားဆို ရင်အုပ်က အင်မတန် ကားနေတယ်။ ဝလည်း ဝသေးတယ်။ လက်မောင်းကြီးတွေမှ နည်းတဲ့လက်မောင်းကြီးတွေ မဟုတ်ဘူး။ ဧရာမ ခန္ဓာကိုယ်ကြီး။ အဲဒီ ခန္ဓာကိုယ်ကြီးက တခါတည်း ပုံကျသွားတာ။

ကျနော်တို့ရဲ့အတွေ့အကြုံအရဆိုလို့ရှိရင် ဒီလို ခန္ဓာကိုယ်ကြီးမျိုးကို၊ ဒီလို ကျန်းမာရေးမျိုးဟာ အစာငတ်ခံ တိုက်ပွဲမှာ အများကြီး ခံနိုင်တယ်။ ကျနော် မုချ ပြောနိုင်တယ်။ သူသာ ရေကို မဖြတ်ဘူးဆိုလို့ရှိရင် ၅၃ ရက် တိုက်ပွဲမှာ ကျမှာမဟုတ်ဘူး။

အဲဒီတော့ သူ့ ကိုယ်အလေးချိန်ရော၊ သူ့ခန္ဓာကိုယ် အခြေအနေရော ဒလဟော ကျဆင်းလာတာ။ အဲဒီတော့ သူ ဒီလို ယိုယွင်းလာတာကို သူ့ကိုပြုစုနေတဲ့ ရဲဘော်တွေက သတိထားမိတယ်။ ရိပ်မိသွားတယ်။ ဒါနဲ့ ကျနော်တို့ ခေါင်းဆောင်တွေဆီကို သတင်းပို့တယ်။ အဲဒီတော့ ခေါင်းဆောင်တွေကလည်း သူ့ကို ...

“ဟာ … ခင်ဗျား ရေတော့ ပုံမှန်သောက်ရမှာပေါ့”

လို့ သဘောထားပေးတယ်။ အဲဒီတော့ အထက်ခေါင်းဆောင်တွေရဲ့ အမိန့်ဆိုတော့ သူလည်း ဘာမှမတတ်နိုင်ဘူး။ လိုက်နာပြီး “ရေပြန်သောက်ပါ့မယ်” လို့ ပြောပြီး ပြန်သောက်တယ်။

ဒါပေမယ့် နောက်ကျသွားပြီ။ သူ ရေသောက်ပေမယ့် မရတော့ဘူး။ သူ့ကျန်းမာရေးဟာ ဒီလိုနဲ့ တိုက်ပွဲဝင် ၄၆ ရက်မှာပဲ ကျဆုံးသွားတယ်။ သူ့ဆန္ဒတော့ ပြည့်သွားတာပေါ့ဗျာ။

ဒါပေမယ့် ကျနော်တို့အဖို့တော့ ဝမ်းနည်းပက်လက်နဲ့ပဲ သူ့ကို ခုနက ရဲဘော်သိန်းကြည် အလောင်းဘေး အလောင်းစင်ပေါ်မှာပဲ တင်လိုက်ရတယ်။

အဲဒီတော့ အဲဒီ အာဇာနည်ဗိမာန်ထဲက သူ့ခေါင်းရှေ့မှာ ထောင်ထားတဲ့ ပို့စတာမှာတော့ သူ့နေ့စဉ် မှတ်တမ်းထဲက စာကြောင်းတကြောင်းကို ကျနော်တို့က ကူးပြီးရေးထားလိုက်တယ်။ အဲဒီ စာကြောင်းက …

‘လယ်သမားဟာ ထယ်ထိုးတဲ့အခါ အငုတ်အမြစ်ပါမကျန်အောင် ထိုးရသလို ရန်သူကို တိုက်ရာမှာလည်း အငုတ်အမြစ်မကျန်အောင် တိုက်ရမယ်’

ဒါ သူ့ရဲ့ ဆောင်ပုဒ်ပဲ။ ရဲဘော်အုန်းမော်ဟာ လယ်သမားသားသမီးကိုးဗျ။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၄)

ရဲဘော်တယောက် ကျတယ်ဆိုတော့ သူ့အလောင်းကိစ္စ ရှိလာတယ်။ ဒီအလောင်းကို ကျနော်တို့ ဘယ်လို ဖြေရှင်းမလဲ၊ ဘယ်လိုလုပ်ကြမလဲဆိုတာပေါ့။ နောက်မှာလည်း ကျချင် ကျဆုံးဦးမယ်ဆိုတော့ ကျနော်တို့ သေချာစဉ်းစားရပါတယ်။

နောက် အရင်တခါ ရဲနီတင်ငြိမ်း အလောင်းကိစ္စတို့ ဖြစ်ခဲ့တာကိုလည်း ကျနော်တို့ သတိထားနေကြတယ်။ အဲဒီတော့ အဘက်ဘက် စဉ်းစားပြီးတဲ့အခါမှာ ကျနော်တို့ခေါင်းဆောင်တွေက သူ့အလောင်းကို တိုက်ပွဲပြီးမှ တိုက်ပွဲအောင်မှ ဖြေရှင်းမယ်လို့ ဆုံးဖြတ်လိုက်တယ်။

အဲဒါ ဘယ်လိုလုပ်မယ်ဆိုတာ ကျနော်တို့ ဒီတိုက်ပွဲဆောင်တွေနဲ့ မလှမ်းမကမ်း ကိုကိုးကျွန်းစခန်းရဲ့ အလယ်အူကြောင်းထဲမှာ အာဇာနည်ဗိမာန်တခု ဆောက်ကြတာ။ အဲဒီတော့ အာဇာနည်ဗိမာန်စခန်းအတွက် လိုအပ်တဲ့ ပျဉ်တွေ၊ သွပ်တွေကို ကျနော်တို့ဘေးမှာရှိတဲ့ အဆောင်ဝင်း (ဘယ်သူမှမရှိတဲ့ အဆောင်ဝင်း) အဲဒီက သွားပြီး ခွာဖြုတ်လာကြတာ။ ထောင်အာဏာပိုင်တွေလည်း ဘာမှမပြောရဲကြဘူး။

ကိုယ့်ဟာကိုယ်သွားပြီး ခွာဖြုတ်ယူလိုက်ကြတာ။ ပြီးတော့ကျမှ ခုနကပြောတဲ့ အဲဒီ အလယ်အူချောင်းထဲမှာ ဇရပ်ဆန်ဆန် အာဇာနည်ဗိမာန်လေးတခု ကျနော်တို့ ဆောက်လိုက်ကြတယ်။ အဲဒီမှာ ကွန်မြူနစ်ပါတီရဲ့ တူ တံစဉ် အလံရှိတယ်။ ကျသွားတဲ့ ရဲဘော်ရဲ့ ပုံတူရုပ်ပုံကား (ကျနော်တို့ဆီမှာ ရဲဘော်မြအောင်ဆိုတဲ့ ပန်းချီဆွဲကောင်းတဲ့ ရဲဘော်တယောက် ရှိတယ်။ သူက တိုက်ပွဲဝင်ရဲဘော်တွေကို အကုန်လုံးလိုက်ပြီး ရုပ်ပုံတွေ ဆွဲထားတာ။) အဲဒီပုံ ရှိတယ်။

နောက်ပြီးကျတော့ အလယ်မှာ အလောင်းစင်မြင့်တခု ဆောက်ထားတယ်။ အဲဒီ စင်မြင့်ပေါ်မှာ ခုနက ရဲဘော်သိန်းကြည်ရဲ့အလောင်းကို ကျနော်တို့ ထားတယ်။

သူ့အလောင်းကို ပထမဆုံး သွပ်နဲ့လုပ်ထားတဲ့ သွပ်ခေါင်းထဲမှာ ထည့်ထားတယ်။ ထည့်ပြီးတော့ ပြာတွေ ဖြည့်တယ်၊ ပိတ်။ တခါ အဲဒီသွပ်ခေါင်းကိုမှ ပျဉ်ခေါင်းထဲမှာ တခါ ပြန်ထည့်တယ်။ ပြီးတော့ အဲဒီ ခုနက အလောင်းစင်ပေါ်မှာ တင်။ တင်ပြီးတော့ သူ့ရှေ့မှာ ဒီတိုက်ပွဲကာလအတွင်း သူပြောခဲ့တဲ့စကား ဒါမှမဟုတ်ရင် သူရေးထားခဲ့တဲ့ နေ့စဉ်မှတ်တမ်းရှိရင် အဲဒီမှတ်တမ်းထဲကစာ အဲဒါ တခုကိုသူ့ဆောင်ပုဒ်အနေနဲ့ ကျန်တဲ့လူတွေ အားဖြစ်အောင်၊ ကျန်တဲ့လူတွေ အတုယူ လေ့လာရအောင် ပိုစတာတခုလို ရေးပြီးတော့ ထောင်ထားလိုက်တယ်။ အဲဒါ ရဲဘော်သိန်းကြည်ရှေ့မှာ ထောင်ထားတဲ့ သူ့စကားကတော့ တိုက်ပွဲတွင်းတုန်းက သူ ပြောခဲ့တဲ့ …

‘ဆံခြည်တမျှင်တောင်မှ နောက်မဆုတ်နဲ့။ ဆက်တိုက်’

အဲဒါကို ကျနော်တို့ ကျောင်းသားစာလုံးလို့ ခေါ်လေ့ရှိတဲ့ လက်ရေးစောင်းနဲ့ ရေးထားတယ်။

အဲဒီတော့ အစာငတ်ခံတိုက်ပွဲမှာလည်း စစ်ရေးတိုက်ပွဲလိုပဲ။ ရဲဘော်တယောက် ကျသွားတယ်ဆိုလို့ရှိရင် သွေးထွက်တယ်ဆိုလို့ရှိရင် အမျိုးမျိုးဂယက်ရိုက်တာပဲ။ ကိုယ့်ဘက်မှာလည်း ရိုက်တယ်၊ သူ့ဘက်မှာလည်း ရိုက်တယ်။ နောက် ကိုယ့်ဘက်မှာ စိတ်လိုက်မာန်ပါ လုပ်လိုသူတွေ၊ ရမ်းလိုသူတွေတချို့ ပေါ်လာတယ်။ ဒါပေမယ့် ကျနော် အာမခံပြောရဲတာတခုကတော့ ကျနော်တို့ထဲမှာ စိတ်ဓာတ်ကျ အလျှော့ပေးချင်တဲ့ စိတ်ကတော့ လုံးဝ မပေါ်ဘူး။ တိုက်ပွဲတလျှောက်လုံး အဲဒါ ကျနော်တို့ ပြောနိုင်တယ်။

အဲဒီတော့ ကျနော်တို့က တည်တည်ငြိမ်ငြိမ်နဲ့ ဆက်ပြီး ချီတက်နိုင်တဲ့ အဓိက အကြောင်းရင်းတခုက ကျနော်တို့ကို ခေါင်းဆောင်တဲ့ လေထီးဗိုလ်အုန်းမောင်၊ နောက် ဆရာရာဂျမ်ဆိုတဲ့ တပ်မှူးကောင်းကြီး ၂ ဦး ရှိတာလည်း ပါတယ်။ သူတို့က အင်မတန် ခေါင်းအေးတယ်၊ တည်ငြိမ်တယ်၊ အတွေ့အကြုံရှိတယ်။

အဲဒီတော့ သူတို့ရဲ့ ခေါင်းဆောင်မှုကို ကျနော်တို့အားလုံးပဲ အသိအမှတ်ပြုပြီးတော့ လိုက်နာခဲ့ကြတာ။ အခုလို အသက်နဲ့ရင်းပြီးတော့ တိုက်ပွဲဝင်တဲ့အချိန်မှာ နိုင်ငံရေးစကားတွေ မီးရှူးမီးပန်းဖောက်သလို ကြီးကြီးကျယ်ကျယ်တွေ ပြောနေဖို့လည်း မလိုဘူး။ တယောက်တယောက် လက်ညှိုးထိုးနေဖို့လည်း မလိုဘူး။ ‘ငါကွ ငါကွ’ လို့ ဆိုပြီး လက်မထောင်နေဖို့လည်း မလိုဘူး။ ခုနကပြောတဲ့ ခေါင်းဆောင်မှုရဲ့နောက်မှာ တည်တည်ငြိမ်ငြိမ်နဲ့ အမိန့်နာခံတတ်ဖို့ အရေးကြီးဆုံးပဲလို့ ကျနော်တို့ ထင်တယ်။

ဒီလိုနဲ့ ရဲဘော်သိန်းကြည် ကျဆုံးပြီးတဲ့နောက်ကျတော့ နောက်တနေ့ပဲ ကျနော်တို့ ကိုကိုးကျွန်း အာဏာပိုင်အဖွဲ့က ရောက်လာတယ်။ သူတို့က လက်ကိုင်အသံချဲ့စက်လေးတလုံးကိုင်ပြီးတော့ (ဘက်ထရီ အသံချက်စက်ကလေးနဲ့) ကျနော်တို့ စခန်းထဲ ဝင်လာတယ်။

အဲဒီတုန်းက ကိုကိုးကျွန်းဟာ မဟာရန်ကုန်ရဲ့ အမှတ် ၁၃ မြို့နယ်ကိုး။ အဲဒီတော့ ဒီ မြို့နယ်တာဝန်ခံ မယက ဥက္ကဋ္ဌဆိုတာက အဲဒီ ကိုကိုးကျွန်းရေတပ်စခန်းက တာဝန်ခံ ဗိုလ်မှူးဟန်သွဲ့။ (သူက နောက်တော့ မဆလ ပါတီ ဗဟိုကော်မတီတောင်ဖြစ်တယ် ထင်တယ်။) သူက ခုနက သူယူလာတဲ့ အသံခပ်အက်အက်ထွက်တဲ့ စပီကာ တလုံးနဲ့ …

“အထိန်းသိမ်းခံအားလုံး ထောင်ဗူးဝမှာ လာပြီး စုပေးကြပါ။ ကျနော်တို့မှာ ပြောစရာရှိပါတယ်”

ဆိုပြီး ခေါ်တယ်။ အကြိမ်ကြိမ် အော်တယ်။ နောက် ထောင်ဝါဒတွေကလည်း မြင်တဲ့လူကို လှမ်းပြီးတော့ လက်ယပ်ခေါ်တယ်။ ဒါပေမယ့် သူတို့ ဘယ်လိုပဲခေါ်ခေါ် ကျနော်တို့အဖွဲ့အစည်းကရော၊ ကျန်တဲ့ အဖွဲ့အစည်းကရော ဘယ်သူကမှ သူတို့ဟာကို မတုံ့ပြန်ဘူး။ ဘယ်သူမှ အဲဒီကို မသွားကြဘူး။

အကြောင်းကတော့ ရှင်းတယ်။ အဲဒီတုန်းက ဒီလို တိုက်ပွဲဝင်တဲ့အချိန်မျိုးမှာ အာဏာပိုင်ဟာ စကားပြောစရာရှိတယ်ဆိုရင် တိုက်ပွဲဝင်နေတဲ့ လူတွေ၊ ဒါမှမဟုတ် တိုက်ပွဲဝင်နေတဲ့လူတွေရဲ့ ခေါင်းဆောင်နဲ့ တိုက်ရိုက်ပြောရမှာ။

ဒါကို သူတို့လည်း သိတယ်။ သူတို့ တမင် အဲဒါကိုရှောင်ပြီးတော့ တိုက်ပွဲကို အသိအမှတ် မပြုသလိုလို၊ မထီမဲ့မြင်ထားသလိုလို အဲလိုနည်းနဲ့ တုံ့ပြန်တဲ့အခါကျတော့ ကျနော်တို့ဘက်ကလည်း ဘယ်သူကမှ လက်မခံဘူး။ ကျန်တဲ့အဖွဲ့အစည်းတွေကလည်း ကျနော်တို့ တိုက်ပွဲဝင်နေတဲ့ ရဲဘော်တွေ၊ တိုက်ပွဲဝင်နေတဲ့ အဖွဲ့အစည်း၊ တိုက်ပွဲဝင်တဲ့ ခေါင်းဆောင်မှုကို လေးစားအသိအမှတ်ပြုတဲ့အနေနဲ့ ထောင်အာဏာပိုင်တွေကို သွားမတွေ့ဘူး။

ဒီလိုနဲ့ပဲ သူတို့ အော်လို့ညောင်းသွားတော့ အချိန်အတော်လေးကြာတော့ သူတို့ဟာသူတို့ ထောင်တံခါးတွန်းပြီး ဝင်လာကြတာ။ ခုန ဗိုလ်မှူးဟန်သွဲ့၊ ထောင်မှူးကြီး၊ နောက်ပြီးတော့ သေနတ်ကိုင်ထားတဲ့ ရေတပ်သား ၂ ယောက် ၃ ယောက်၊ ဝါဒါလည်း အနည်းငယ်ပါတယ်။ တဆောင်ဝင် တဆောင်ထွက် လိုက်ပြောကြတယ်။ တကယ့်ကို ကြောင်စီစီကြီးပဲ။

ဒါပေမယ့် သူတို့ကတော့ အင်မတန်ကို ရင်းရင်းနှီးနှီး ဆွေမျိုးသားချင်းများတောင် ခေါ်ချင်သလိုပဲ။ သူတို့ပြောတဲ့ပုံက သေချာကို အရောဝင်၊ အတင်းကို အရောဝင်ပြီး လိုက်ပြောနေတာ။ ကျနော်တို့ထဲမှာရှိတဲ့ မကြာခင်ကမှ ကွယ်လွန်သွားတဲ့ သခင် ခင်အောင် (ကျနော်တို့က အန်ကယ်ကြီးလို့ ခေါ်တယ်။ ကျနော်တို့ထဲမှာ အသက် အင်မတန် ကြီးမြင့်တယ်။ နောက် နိုင်ငံရေးအစဉ်လာလည်း ကြီးတဲ့ပုဂ္ဂိုလ်ကြီး။)

အဲဒီ သခင် ခင်အောင်နဲ့ ဗိုလ်မှူး ဟန်သွဲ့က အင်မတန်ကို ရင်းတယ် အရင်တုန်းက။ အဲဒါ သူက သခင် ခင်အောင်ကို သွားပြီးတော့ ရောတယ်။ သခင် ခင်အောင်ကတော့ ဝတ်ကျေတမ်းကျေ အပြုံးလေးလောက်နဲ့ပဲ တုံ့ပြန်တာ။

အဲဒါ သူကပြောတာက ဗိုလ်မှူးဟန်သွဲ့ပြောတာက တိုက်ပွဲတိုက်ဖို့ မလိုတော့ဘူး။ မကြာခင်မှာ ဒီ ကိုကိုးကျွန်း အကျဉ်းစခန်း ဖျက်သိမ်းတော့မယ်။ တခုပဲ မဖျက်သိမ်းခင်ကာလအတွင်းမှာတော့ ခင်ဗျားတို့ ကိုယ်ထူကိုယ်ထ ဆက်လုပ်ပေးကြပါ။

သူက တဆောင်ဝင် တဆောင်ထွက် လော်စပီကာနဲ့ အဆောင်ထိပ်ကနေ ပြော၊ အဆောင်အလယ်ခေါင်ကနေ ပြော အဲလိုပြောတာပဲ။ အဲဒီလိုပြောတဲ့ဟာကို ဘယ် အထိန်းသိမ်းခံ အကျဉ်းသားကမှ ဟက်ဟက်ပက်ပက် မတုံ့ပြန်ဘူး။ စိတ်ဝင်စားဟန်လည်း မပြဘူး။ မသိကျိုးနွံဘဲ နေကြတယ်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၃)

ဒီလိုနဲ့ဗျာ … တိုက်ပွဲက တရက်ပြီးတရက် ဖြတ်သန်းလာခဲ့တယ်။ တိုက်ပွဲဝင်ရဲဘော်တွေရဲ့ ကျန်းမာရေးဟာလည်း အချိန်ရွေ့တာနဲ့အမျှ တဖြည်းဖြည်း ကျဆင်းလာတယ်။ ကိုကိုးကျွန်းမှာ အစာငတ်ခံတယ် ဆိုတာက တချို့နိုင်ငံတွေမှာလို စတိသဘော အစာငတ်ခံတာ မဟုတ်ဘူးလေ။ ရေကလွဲပြီး ဘာဆိုဘာမှ ပါးစပ်ထဲကို မသွင်းဘူး။ အစာကို အပြတ်ကို ဖြတ်တာ။ နောက်ပြီး ဆေးဝါးလည်း ဘာမှမသွင်းရဘူး။ ဖျားတယ်ဆိုလျှင် ပေခံပဲ။

အဲဒါကြောင့်ပဲ ကျနော်တို့က ထောင်အာဏာပိုင်တွေကို နေ့တိုင်းလာပြီးတော့ စစ်ဖို့၊ ဆရာဝန်ကိုခေါ်လာဖို့ အမြဲတမ်း ကျနော်တို့က တောင်းဆိုတယ်။ အဲဒါ သူတို့ဘက်ကလည်း လာပါတယ်။ နေ့တိုင်း ဝင်လာတယ်။ ဝင်လာပြီးတော့ ကျနော်တို့ကို စစ်တယ်။ ကျနော်တို့ဘက် ဒီလူတွေရဲ့ အသက်နဲ့ကိုင်ပြီး အကျပ်ကိုင်နေရတယ် ဆိုတဲ့အခါကျတော့ ဒီအသက်ရဲ့ အခြေအနေကို ဒီအာဏာပိုင်တွေကို အမြဲသိနေစေချင်တယ်ဗျ။

အဲဒါနဲ့ သူတို့ကလည်း နေ့စဉ် မနက်ပိုင်းမှာ လာပြီးတော့ ကိုယ်အလေးချိန် တိုင်းတယ်၊ သွေးတိုးနှုန်းတိုင်းတယ်၊ အပူချိန်တိုင်းတယ်၊ လာစစ်ဆေးတယ်။ ကျနော်တို့ဘက်ကလည်း သူတို့ရဲ့ကျန်းမာရေး ကျဆင်းလာနေပြီ ဆိုတာပဲ ပြတယ်။ တိုက်ပွဲဝင်ရဲဘော်တွေဟာ ဘာဆိုဘာမှ မစားဘူးဆိုတာကို ပြတယ်။ တကယ်လို့ ဆေးစားမိတယ်၊ အစားတခုခု စားမိတယ်ဆိုရင် ကိုယ်အလေးချိန်က တန့်ခံနေတာ။ တခါတလေ ပြန်တောင် တက်လာသေးတယ်။ ဆားလေးလောက် စားလိုက်ရင်ကိုပဲ သိသာတယ်။

အဲလိုနဲ့ပဲ ထောင်အာဏာပိုင်တွေကလည်း နေ့တိုင်းလာကြည့်၊ ကျနော်တို့ကလည်း မနက်တခါ ညနေတခါ ထောင်ဗူးဝသွားပြီးတော့ တနေ့ ၂ ခါ ကြွေးကြော် ဆန္ဒပြနေကြတယ်။ ကျွန်းပေါ်မှာ ဆန္ဒပြတယ်ဆိုတာက အစာငတ်ခံ တိုက်ပွဲဝင်တယ်ဆိုရင် အဲဒီ တိုက်ပွဲဝင်တဲ့လူတွေက တိုက်ပွဲဝင်တဲ့ အဆောင်တွေထဲမှာ များသောအားဖြင့်တော့ လှဲနေကြတာပေါ့လေ။ လှဲလိုက် ထိုင်လိုက်ပေါ့။

အဲဒီတော့ တိုက်ပွဲအတွင်းမှာ မပါတဲ့လူတွေက အဲဒီလူတွေကို ပြုစုရတယ်။ နောက် ကင်းစောင့်ရတယ်။ လုံခြုံရေးကင်း အမြဲစောင့်ရတယ်။ အလှည့်နဲ့ ၂၄ နာရီ ကျနော်တို့ ကင်းစောင့်တာလည်း လုပ်ရတယ်၊ ပြုစုတာလည်း လုပ်ရတယ်။ ကျနော်တို့နဲ့အတူအဖမ်းခံရတဲ့ အမှုတွဲလည်း အတူတူ၊ မန္တလေးထောင်ကပါလာတဲ့ မန္တလေး ဆေးတက္ကသိုလ် နောက်ဆုံးနှစ်က ကိုအေးမြင့်။ သူကတော့ အပင်ပန်းဆုံးပေါ့ဗျာ။ သူက လူနာတွေ ပြုစုရတယ်။ သူကတော့ အလှည့်မရှိဘူး၊ သူ့တယောက်တည်းပဲ ၂၄ နာရီ စောင့်ပြီးတော့ အိပ်တော့လည်း အဲဒီ တိုက်ပွဲဝင်ရဲဘော်တွေ အနားမှာပဲ အိပ်ပြီးတော့ သူက စောင့်နေရတာပဲ။

အဲဒီတော့ ဒီလိုကာလအတွင်းမှာ ထောင်အာဏာပိုင်တွေနဲ့ ကျနော်တို့က နေ့တိုင်းကို မျက်နှာချင်းဆိုင် တွေ့နေရတာ။ သူတို့လည်း ဝင်လာတယ်၊ ကျနော်တို့ကလည်း သူတို့ဝင်လာရင် နောက်ကနေပြီးတော့ လိုက်သွားတာ။ သူတို့ကို လွှတ်မထားဘူး။ အဲဒီတော့ တယောက်နဲ့ တယောက်က နေ့တိုင်းတွေ့နေကြတာ။

ဒါပေမယ့် ဘယ်သူ့ ဘယ်သူမှ စကား မပြောဘူး။ သူတို့ပြောချင်ရင် သူတို့အချင်းချင်း ပြောတယ်။ ကျနော်တို့လည်း ကျနော်တို့အချင်းချင်း ပြောတယ်။ သူတို့နဲ့တော့ ဘာမှမပြောဘူး။ ကျနော်တို့ကလည်း ဣနြေ္ဒအပျက်ခံပြီး ခင်ဗျားတို့အထက်က ဘာမှအကြောင်းမပြန်သေးဘူးလား ဆိုတာမျိုး မမေးဘူး။ တခွန်းမှ မမေးဘူး။ အဲဒါ သူတို့ဘက်ကလည်း အလျှော့ပေးချင်တယ်၊ စေ့စပ်ချင်တယ်လို့ ထင်သွားစေမယ့် အပြောအဆို အမူအယာမျိုး ဘာမှမပြဘူး။ အဲလိုနဲ့နေလာတာ တလတောင်ကျော်လာခဲ့ပြီ။

ဒါပေမယ့် တခုတော့ရှိတာပေါ့လေ၊ ကျနော်တို့ကလည်း သူတို့ အတွင်းရေး သတင်းတွေရအောင် မေးတာမျိုးဆို ကြိုးစားတယ်။ သူတို့လည်း ကြိုးစားမှာ သေချာပါတယ်။ ကျနော်တို့မှာလည်း ကျနော်တို့နည်းတွေ ရှိတယ်။ ဒါပေမယ့် ကျနော်တို့ ရတဲ့သတင်းတွေကိုတော့ ကျနော်တို့က ထိပ်တန်းလျှို့ဝှက်ထားတယ်။ ကျနော်တို့ ထိပ်ဆုံးခေါင်းဆောင်တွေပဲ သိတယ်။ တိုက်ပွဲဝင်ရဲဘော်တွေလည်း မသိဘူး။ သူတို့အတွင်းရေး အတော် နက်နက်ရှိုင်းရှိုင်းကို ကျနော်တို့က သိနေရတယ်။

အဲလိုနဲ့ မိုးတွေကလည်း တဖွဲဖွဲ၊ မုန်တိုင်းကလည်း မစဲ၊ တသဲသဲနဲ့ တိုက်ပွဲဝင်လာလိုက်ကြတာ တလလည်းကျော်သွားရော ရာသီဥတုဆိုးဝါးတဲ့ဒဏ်ကို စပြီး ခံစားကြရတော့တာပဲ။ အဲဒါ ဘာလဲဆိုတော့ တိုက်ပွဲဝင်အဆောင်တွေရဲ့ အဝင်အထွက်မှာက တံခါးက ဖွင့်လိုက်ပိတ်လိုက် လုပ်ကြရတာကိုး။

အဲလို ဖွင့်လိုက်ပိတ် လိုက်လုပ်ရတော့ ခုနက မုန်တိုင်းတွေက ဝေါခနဲ ဝေါခနဲ လေက ဝင်ဝင်လာတယ်။ အဲဒီတော့ အဝင်အထွက် အပေါက်နားရှိတဲ့ ရဲဘော်တွေ မသက်သာဘူး။ ကျနော်တို့က အဲဒီအခြေအနေကို သတိရမိတော့ အဲဒီတံခါးပေါက်တွေမှာ ကျနော်တို့ ဂုန်နီအိတ်တွေနဲ့ ကာပြီးတော့ ကန့်လန့်ကာလို ကာတယ်။ ဒါပေမယ့် နောက်ကျသွားပြီ။

အဲဒီ ပထမ အဓိကအဆောင်၊ တံခါးပေါက်နားမှာအိပ်တဲ့ ရဲဘော်သိန်းကြည်ဟာ အအေးမိပြီးဖျားရော။ ဖျားတယ်ဆိုတော့ ကိုသိန်းကြည်ရဲ့ အခြေအနေဟာ ချက်ချင်းယိုင်ကျလာတာ။ နဂိုက လူက ခပ်ဝဝပဲ။ တိုက်ပွဲထဲမှာလည်း အင်မတန် တည်တည်ငြိမ်ငြိမ် ဣနြေ္ဒရရနဲ့ နေတာ။

ဒါပေမယ့် ဖျားတယ်ဆိုတာနဲ့ တခါတည်း ယိုင်ကျလာတာ။ နဂိုကမှ ဘာမှမစားဘဲ တလကျော်နေလာတဲ့ ခန္ဓာကိုယ်ဟာ ဒီရောဂါကို ဘယ်လိုမှ ခုခံနိုင်စွမ်း မရှိတော့ဘူး။ အဲဒီတော့ ကျနော်တို့ နဂိုကတည်းကိုကလည်း အစာငတ်ခံတိုက်ပွဲတိုက်တယ်ဆိုကတည်းက ဘာဆေးမှ မစားဘူး၊ ဘာဆေးကုသမှုမျိုးမှ မခံဘူးဆိုတဲ့ ဆုံးဖြတ်ချက်ကလည်းရှိနေတော့ အတော်ကို သနားစရာကောင်းတဲ့ အခြေအနေပဲ။

သူကတော့ ဣနြေ္ဒ မပျက်ဘူး။ တချက်မှ ဣနြေ္ဒ မပျက်ဘူး။ ဒါပေမယ့် အပြင်က သူ့အခြေအနေကို စောင့်ကြည့်နေရတဲ့ ကျနော်တို့တတွေကတော့ ဟာ … အင်မတန် နာကြည်း၊ အင်မတန် ဝမ်းနည်း၊ သိပ်ကို ခံစားရခက်တဲ့ဟာမျိုးတမျိုးပဲ။

တကယ်က သူက စတာက သာမန် အအေးမိတာလေးပဲ။ ကိုယ်လည်း မပူသေးဘူး။ အဲလိုအချိန်မှာ သာမန် ဆေးလေး APC လိုဟာမျိုးလေး ပေးလိုက်ရင်ကိုပဲ ပျောက်သွားမယ့်ဟာမျိုး။ ဒါပေမယ့် ကျနော်တို့က ဒီအတိုင်းပစ်ထားရတဲ့အခါကျတော့ နဂိုကတည်းကမှလည်း ကိုယ်ခံဓာတ်က မရှိတဲ့အခါကျတော့ ချက်ချင်းလိုလိုပဲ ကိုယ်ကပူလာပြီးတော့ အခြေအနေဆိုးတော့တာပဲ။

သူ့အခြေအနေက တဖြည်းတဖြည်း ဆိုးလာလိုက်တာ သတိမရှိတော့ဘူး။ သူ့ဟာသူလည်း ရေမသောက်နိုင်တော့ဘူး။ ကျနော်တို့ သူ့ပါးစပ်ထဲကို ဂွမ်းစလေးနဲ့ ရေစက်လေးတွေ ချပေးနေရတာ။ အဲဒီတော့ သူ့အခြေအနေက မဟန်တော့ဘူးဆိုတာ ရှင်းသွားတယ်။ အသက်ရှူလည်း တခါတခါ ဖောက်လာတယ်။ သူ့ရဲ့ ဒီအခြေအနေကို ကျနော်တို့ စခန်းတခုလုံးက သိနေကြ။ အားလုံးပဲ တိတ်ဆိတ်ငြိမ်နေကြတယ်။ မမျှော်လင့်ချင်တဲ့ သတင်းဆိုးတခုကို စောင့်နေတဲ့သဘောပဲ။

ဒီမှာ ပြောစရာတခုက ကိုကိုးကျွန်းတိုက်ပွဲတွေမှာ၊ စခန်းထဲမှာ တိုက်ပွဲတပွဲ တိုက်တယ်ဆိုလို့ရှိရင် အားလုံးက လိုက်နာကြတဲ့ အချက်တချက် ရှိတယ်။ အဲဒါ စည်းကမ်းလိုတောင် ဖြစ်နေတယ်။

အဲဒါဘာလဲဆိုတော့ ဘယ်အဖွဲ့အစည်းကပဲ ဖြစ်ဖြစ်၊ ဘယ်သူပဲဖြစ်ဖြစ် ရန်သူကို တိုက်ပွဲဝင်တယ်ဆိုရင် ကျန်တဲ့လူတွေက အဲဒီတိုက်ပွဲကို လေးစား အသိအမှတ်ပြုတဲ့အနေနဲ့ စခန်းအပြင်ကို မထွက်ကြဘူး။ ထင်းခွေ၊ ရေခပ် မလုပ်ကြဘူး။ အပြင်မှာသွားပြီး ရေချိုးတာလည်း မလုပ်ကြဘူး။ ကိုယ့် တောင်ယာတွေ ဘာတွေရှိလည်း တောင်ယာကို မသွားတော့ဘူး။ တောင်ယာက အသီးတွေ ဘယ်သူ ဆွတ်စားစား၊ ကြက်တူရွေးတွေပဲ စားစား ဒီတိုင်းပဲ ပစ်ထားလိုက်တာ။

ဒီစခန်းထဲမှာလည်း တူရိယာပစ္စည်း မတီးဘူး။ ဘော်လီဘော၊ ခြင်းလုံးစတဲ့ အားကစားလည်း ဘာမှမလုပ်ဘူး။ အဲဒီတော့ ကျနော်တို့ ရဲဘော်သိန်းကြည်အခြေအနေကို သိနေတော့ သူ့ရဲ့ အဆောင်ပတ်ဝန်းကျင်မှာပဲ ကျနော်တို့ စောင့်နေကြတာ။

သူ ကျဆုံးမယ့်နေ့မှာ မနက်အစောကြီးကတည်းက ကျနော်တို့ အဲဒီနား ပတ်ဝန်းကျင်မှာပဲ နားတစွင့်စွင့်နဲ့ စောင့်နေကြတာပဲ။ ကင်းစောင့်ဖို့ တာဝန်ကျတဲ့လူကတော့ အဲဒီ သူ ကင်းစောင့်ရမယ့်နေရာမှာ သွားစောင့်တယ်။ ကျန်တဲ့လူတွေကတော့ ဒီအနီးအနားတဝိုက် တဝဲလည်လည်နဲ့ပဲ စောင့်နေကြတာ။

အဲလိုနဲ့ အဲဒီနေ့ခင်း ၂ နာရီကျော်လောက်မှာ တိုက်ပွဲဝင်ရက် ၃၈ ရက်ပေါ့လေ။ (ကျနော်ကလည်း အပြင်မှာ)။ သူ့ ကုတင်လောက်ဆီကနေပြီးမှ “သတိ” ဆိုတဲ့ စစ်မိန့်ပေးသံကြီး ကြားလာတာ။ သူ့ကုတင် ခြေရင်းဘက်ဆီက ဆိုတာ သိတယ်။ ပြီးတော့မှ … “စစ်အစိုးရရဲ့ ဖိနှိပ်ညှဉ်းပန်းမှုကို ရဲရင့်ဂုဏ်ပြောင်စွာ တိုက်ပွဲဝင်ရင်း ကျဆုံးသွားတဲ့ အာဇာနည် ရဲဘော်သိန်းကြည်ကို အလေးပြု” ဆိုတဲ့ အမိန့်ပေးသံ ဆက်တိုက်ပေါ်လာတာ။

ကျနော်တို့လည်း နေရာကနေ အလေးပြုလိုက်ကြတယ်။ အဲဒါပြီးတဲ့နောက် နဂိုကတည်းက စီစဉ်တိုင်ပင်ထားတဲ့အတိုင်း “အင်တာနေရှင်နယ် သီချင်း … စ … ဆို” ဆိုတဲ့ စစ်မိန့်ပေးသံတခု ပေါ်လာတယ်။

အဲလို အမိန့်ပေးသံလည်းပေါ်ပြီးရော နိုင်ငံတကာသီချင်းကို ဖြည်းဖြည်းညင်းညင်း လေးလေးနက်နက် ညီညီညာညာနဲ့ ဝိုင်းဆိုကြတယ်။ အပြင်မှာရှိတဲ့ ကျနော်တို့လည်း လိုက်ဆိုကြတယ်။ တိုက်ပွဲဝင်တဲ့ ရဲဘော်တွေလည်းပဲ ကိုယ့်အိပ်ယာကနေကိုယ် အသံလေးမျှဉ်းမျှဉ်းနဲ့ လိုက်ပြီးဆိုကြတာ။ မျက်ရည်တွေနဲ့ပေါ့ဗျာ။

အဲလိုဆိုပြီးတဲ့နောက်မှာ ကျနော်တို့အားလုံး ထောင်ဗူးဝကို သွားကြတာ။ ထောင်ဗူးဝမှာ စုရုံးပြီးတော့ ထောင်အာဏာပိုင်တွေကို လှမ်းခေါ်တယ်။ ထောင်အာဏာပိုင်တွေ လာတဲ့အခါမှာ ကျနော်တို့က ရဲဘော် သိန်းကြည် ကျဆုံးသွားပြီဖြစ်တဲ့အကြောင်း သူတို့ကို ပြောပြတယ်။

ပြောပြပြီးတော့မှ သူတို့ဘက်ကို လက်ညှိုး ငေါက်ငေါက်ထိုးပြီးတော့ “ရဲဘော်သိန်းကြည်ကို သတ်တာ၊ စစ်အစိုးရ စစ်အစိုးရ။ ဖိနှိပ်ချုပ်ချယ်မှု၊ အလိုမရှိ အလိုမရှိ။ ကိုယ်ထူကိုယ်ထစနစ် ဖျက်သိမ်းပစ် ဖျက်သိမ်းပစ်” ဆိုပြီးတော့ နာနာကြည်းကြည်းနဲ့ အသံကုန်အော်ကြတာ။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၂)

တကယ်လည်း ဟုတ်တယ်။ အဲဒီတော့ ကျနော်တို့အနေနဲ့ အရေးကြီးတဲ့ အစည်းအဝေးတွေ၊ အခမ်းအနားတွေ၊ လျှို့ဝှက်လုပ်ချင်တာတွေ မှန်သမျှ ဒီအဆောင်မှာပဲ လုပ်တယ်။ နောက် တိုက်ပွဲဖော်တယ်ဆိုလို့ရှိရင်လည်း ဒီအဆောင်ဟာ ပထမအသုတ် တိုက်ပွဲဝင်သူတွေအနေနဲ့ အဓိကအဆောင်ပဲ။ အဲဒီတော့ တိုက်ပွဲထဲမှာ မပါတဲ့လူတွေက တခြား အဆောင်မှာပြောင်းပြီး နေပေးရတယ်။ အဲဒီတော့ ဒီ ၅၃ ရက် အဓိက တိုက်ပွဲကြီးမှာလည်း ဒီအဆောင် ၉ ဟာ အဓိကအဆောင် ဖြစ်လာတယ်။

ဒါကြောင့်မို့ အဲဒီ အဆောင် ၉ ရဲ့အရှေ့အဝင်ပေါက် ထိပ်တည့်တည့်မှာ နဖူးစည်းစာတမ်းကြီးတခုကို တိုက်ပွဲစတာနဲ့ ရေးတင်လိုက်တယ်။ အဲဒါကတော့ …

‘ရန်သူတကာ ကြောက်ဒူးတုန်ကြပါစေ။
ပြည်သူလူထုအပေါင်း ရွှင်လန်းအားတက်ကြပါစေ’

အဲဒီတော့ တိုက်ပွဲစတဲ့ ဇူလိုင်လ ၉ ရက်နေ့ မနက် ၇ နာရီမှာ ကျနော်တို့အားလုံး ထောင်ဗူးဝကိုသွားပြီး စုဝေးကြတယ်။ ထောင်ဗူးဝကိုရောက်တော့ ကျနော်တို့ ခေါင်းဆောင်တွေက အဲဒီမှာ တာဝန်ကျတဲ့ ဝါဒါကို ပြောတယ် …။

“ခင်ဗျားတို့ ထောင်အာဏာပိုင်တွေထဲက တာဝန်ရှိတဲ့သူကို ပြောစရာရှိတယ် အမြန်ခေါ်ပေးပါ” လို့ ပြောတယ်။

တာဝန်ရှိတဲ့လူ (အဲဒီမှာ တာဝန်ယူနေတဲ့ ဝါဒါ)ကလည်း ချက်ချင်းသွားပြီး အစီရင်ခံတယ်။ ဟိုဘက်က ထောင်မှူးကြီးတို့၊ ထောင်ပိုင်တို့ ချက်ချင်း ထွက်လာတယ်။ အဲဒါ ကျနော်တို့က ကျနော်တို့ဆီက တာဝန်ရှိတဲ့ လူကလည်း ပထမဆုံး ဒီ စစ်အစိုးရရဲ့ အကျဉ်းစခန်း ပေါ်လစီနဲ့တကွ သူတို့ရဲ့ ဖိနှိပ်ရေး ပေါ်လစီအားလုံး၊ သူတို့ရဲ့လုပ်ရပ်အားလုံး ရှုတ်ချတယ်ဆိုတဲ့အကြောင်း ပြောပြတယ်။

ပြီးတော့မှ ကျနော်တို့ ကိုယ်ထူကိုယ်ထစနစ် ဖျက်သိမ်းပေးဖို့နဲ့ ပြည်မအခွင့်အရေးတွေ အမြန်ဆုံးပေးဖို့ အလေးအနက် တောင်းဆိုတဲ့အကြောင်း သူတို့ကိုပြောပြတယ်။ ထောင်တာဝန်ခံတွေကလည်း သူတို့ထုံးစံအတိုင်း … “ကျနော်တို့ အထက်ကို တင်ပြပေးပါ့မယ်” ဒီလိုပဲပြောတယ်။

ကျနော်တို့ကလည်း ဒီအချိန်ကစပြီး ဒီတောင်းဆိုချက် ၂ ချက်ကို ကျနော်တို့ မရမချင်း အသေခံ၊ အစာငတ်ခံ တိုက်တော့မယ်ဆိုပြီး တိုက်ပွဲစတဲ့အကြောင်း အသိပေးကြေညာလိုက်တာ။ အဲဒါပြီးတော့မှ …

ကိုယ်ထူ ကိုယ်ထစနစ် … ဖျက်သိမ်းပစ် ဖျက်သိမ်းပစ်၊
ပြည်မထောင် အခွင့်အရေး … ချက်ချင်းပေး ချက်ချင်းပေး၊
ဖိနှိပ်ချုပ်ချယ်မှု … အလိုမရှိ အလိုမရှိ

ဆိုတဲ့ ကြွေးကြော်သံတွေကို ကျနော်တို့ အဲဒီမှာရှိတဲ့ လူတွေအားလုံး အားရပါးရ ကြွေးကြော်ကြတာ။ အဲဒါ ကျနော်တို့ ၅၃ ရက်လုံးလုံး မနက်တခါ ညနေတခါ နိစ္စဓူဝသွားပြီးတော့ အော်နေကြတဲ့၊ ကြွေးကြော်သံ တိုင်နေကြတဲ့ လုပ်ငန်းတခုပဲ။

အဲဒီတော့ တိုက်ပွဲဝင်ဖို့ ကျနော်တို့ ရိက္ခာရုံကနေပြီး လူ ၃ဝ ရွေးလိုက်တယ်။ လူ ၃ဝ ဆိုတဲ့အထဲမှာ ၁ဝ ဦးစီ ၃ သုတ် ဖြစ်တယ်။ အဲလို ၁ဝ ဦးစီ ၃ သုတ် တိုက်ပွဲဝင်၊ တတိယအသုတ်ဝင်ပြီးလို့ နောက်တပတ်အကြာမှာ အလံနီအဖွဲ့၊ မလညပ မြန်မာနိုင်ငံ အလုပ်သမားညီညွတ်ရေးပါတီက၊ နောက် တော်လှန်တဲ့မဟာမိတ်များ ဆိုတဲ့အထဲက တဖွဲ့တဦးစီ ကျနော်တို့တိုက်ပွဲကို ထောက်ခံတဲ့အနေနဲ့ သူတို့ကလည်း အစာငတ်ခံ ဝင်ပါကြတယ်။

အဲဒီတော့ ဒီတခါတိုက်ပွဲမှာလည်း ကျနော် ကိုယ်တိုင်က ပါခွင့်မရဘူး။ ကျနော်က သူ့အရင် ရက် ၄ဝ တိုက်ပွဲတုန်းက ဒုတိယအသုတ်မှာ ၃၃ ရက် အစာငတ်ခံပြီး ပါခဲ့တယ်။ ဒီတိုက်ပွဲမှာတော့ ကျနော်တို့ကဘေးက ကင်းစောင့်တာတို့၊ အဲဒီ တိုက်ပွဲဝင်တဲ့လူတွေကို ပြုစုတာတို့၊ ထမင်းချက် ရေခပ်ကအစပေါ့လေ။ အဲဒီလို တာဝန်တွေပဲ လုပ်ရတယ်။

ဒီတိုက်ပွဲကို ထောင်အာဏာပိုင်တွေကလည်း အင်မတန် အလေးထားတယ်ဆိုတာ ကျနော်တို့ သတိထားမိတယ်။ ဘာလို့လဲဆိုတော့ ကျနော်တို့ကလည်း ကင်းထောက်တယ် ဆိုတဲ့ဟာ၊ သတင်းစုံစမ်းတယ် ဆိုတာ မပြတ်လုပ်နေတာ။

အဲဒီတော့ ကြားနေ သိနေရတာတွေ ရှိတယ်။ ကျနော်တို့ ကြားသလောက်ဆိုလို့ရှိရင် အဲဒီတုန်းက ထောက်လှမ်းရေး တာဝန်ခံ မျက်မှန်တင်ဦး (ခေါ်) လန်ဘားတင်ဦးလို့ခေါ်တဲ့ ဗိုလ်မှူးချုပ်တင်ဦး ကိုယ်တိုင် ကိုကိုးကျွန်းကို ရောက်လာတယ်။ ရေတပ်စခန်းမှာနေပြီးတော့ လာရုံးထိုင်တယ်လို့တောင် သတင်းကြားတယ်။

တိုက်ပွဲက ဇွန်လကြီး စတိုက်တာဗျ။ ဇွန်လဆိုတော့ အားလုံးသိကြတဲ့အတိုင်းပဲ ဗမာပြည်မှာ မုတ်သုံလေ အားအကောင်းဆုံး အချိန်။ အိန္ဒိယသမုဒ္ဒရာထဲမှာ မုတ်သုံလေ အင်မတန် အားကောင်းတဲ့ အချိန်ပေါ့။

ဒါကြောင့်မို့လို့ ကျနော်တို့တိုက်ပွဲတလျှောက်လုံး မုန်တိုင်းနဲ့ မိုးနဲ့ အဆက်ပြတ်တယ်ကို မရှိဘူး။ တလျှောက်လုံး ကျနော်တို့ကို ဒုက္ခပေးတာပဲ။ ဒါကြောင့်မို့ ဒီတိုက်ပွဲမှာ ကျနော်တို့ဟာ သဘာဝရန်သူရော၊ ဖိနှိပ်သူရန်သူကိုပါ တပြိုင်နက်တည်း ရင်ဆိုင်တိုက်ရတဲ့တိုက်ပွဲလို့ သတ်မှတ်ထားတယ်။

ဆက်လက်ဖော်ပြပါမယ်။

ကျောင်းသား ထောင် တော်လှန်ရေးသမား (၃၁)

သန္နိဋ္ဌာန်

၅၃ ရက်တိုက်ပွဲ

အဲဒီတော့ ကျနော်တို့ နဂိုခေါင်းထဲမှာရှိနေတဲ့ တိုက်ပွဲဆီကိုပဲ ကျနော်တို့ အာရုံတွေပြန်ရောက်လာတာ။ အဲဒီကနေ ကျနော်တို့ ကိုကိုးကျွန်းမှာ တိုက်ပွဲတကာတို့ရဲ့မိခင် (Mother of all demonstration and strikes) လို့ ပြောရမယ့် ၅၃ ရက် တိုက်ပွဲကြီးကို ၁၉၇၁ ခုနှစ် ဇွန်လ ၉ ရက်နေ့က နေပြီးတော့ ဇူလိုင်လ ၃၁ ရက်နေ့အထိ တိုက်ပွဲကို စလိုက်ခဲ့ကြတယ်။

အဲဒီတော့ ဒီတိုက်ပွဲ စတဲ့အကြောင်းမပြောခင် ဒီတိုက်ပွဲမတိုင်ခင်မှာ ကျနော်တို့ စောစောကပြောခဲ့သလိုပဲ အင်မတန်ကြီးမားတဲ့ အခက်အခဲတွေနဲ့ ကြုံရတာကို ထပ်ပြောပြပါမယ်။

ပြဿနာတွေက ကျနော်တို့ အကျဉ်းစခန်းထဲမှာ၊ အဖွဲ့အစည်းတွေအတွင်းမှာ သွေးစည်းညီညွတ်ရေးက သိပ် မကောင်းဘူး။ အဖွဲ့အစည်းတခုနဲ့ တခုအကြားမှာ၊ အဖွဲ့စည်းတခုချင်းရဲ့အတွင်းမှာ ပြဿနာလေးတွေ ရှိ ရှိနေတယ်။ ပြောပြော ဆိုဆို၊ သွားသွား လာလာ အဲဒီလိုကတော့ ရှိပါတယ်။ ဒါပေမယ့် တကယ့် တကယ် နိုင်ငံရေးလှုပ်ရှားမှုတခုလုပ်ဖို့ နိုင်ငံရေး စကားပြောကြပြီဆိုလို့ရှိရင်တော့ ကွဲလွဲမှုလေးတွေ ရှိနေကြတယ်။

နောက်ပြီး မကြာခင်ကမှပြီးသွားတဲ့ ရဲနီတွေရဲ့ တိုက်ပွဲကလည်း ရှုံးသလိုဖြစ်ထားတာကိုး။ အဲဒီတော့ ရန်သူက အင်မတန် အားတက်နေပြီးတော့ ဘာမဆို အထက်စီးကချည်း ပြောနေလုပ်နေတဲ့ အနေအထားနဲ့။ ဒါပေမယ့် ဒီတိုက်ပွဲ ခက်ခဲရတဲ့ အဓိကအကျဆုံးအချက်က ကျနော်တို့ရဲ့တောင်းဆိုချက်ပဲ။ ဒီတိုက်ပွဲအတွက် တောင်းဆိုတဲ့ အချက် သိပ်ကို အခရာကျလွန်းတယ်။ တောင်းတာ ၂ ချက်တည်း။

ပထမတချက်က … ကိုယ်ထူကိုယ်ထစနစ် ဖျက်သိမ်းပေး။

ဒုတိယအချက်က … ပြည်မထောင် အခွင့်အရေးတွေ ကျနော်တို့ဆီမှာလည်း ရရှိရေး။

ဒါကို ကျနော် နည်းနည်း ထပ်ပြီး ရှင်းပြမယ်။ ကိုယ်ထူကိုယ်ထစနစ်ဆိုတာ ကျနော်ပြောခဲ့သလိုပဲ နိုင်ငံရေး အကျဉ်းသားတွေကို ထင်းခွေ၊ ရေခပ်၊ တောင်ယာစိုက်၊ ထမင်းချက်အလုပ်တွေ လုပ်ခိုင်းတဲ့အပြင် ဗမာပြည်ထောင်သမိုင်းမှာ ဘယ်တုန်းကမှ မရှိဘူးတဲ့ ဖိနှိပ်ရေးစနစ်တခု ဖြစ်တယ်။ ဒီအလုပ်တွေလုပ်ပေးဖို့ ထောင်အာဏာပိုင်တွေအနေနဲ့ ဝန်ထမ်းရှာတာ (ဒါမှမဟုတ်) နောက်ထပ် သာမန် ရာဇဝတ်သား အကျဉ်းသားတွေ ခေါ်လာတာ စတဲ့ စရိတ်တွေကို ကာမိအောင်ခိုင်းတာ မဟုတ်ဘူး။ သူတို့ အဲဒီငွေ အကုန်မခံနိုင်လို့ နိုင်ငံရေးအကျဉ်းသားတွေ ကိုယ့်ဟာကိုယ် အလုပ် လုပ်ခိုင်းနေတာ မဟုတ်ဘူး။

အဓိကဟာ နိုင်ငံရေးအကျဉ်းသားတွေကို နံနှိမ်တာ။ နိုင်ငံရေးဂုဏ်သိက္ခာကို ချပစ်တာ၊ စော်ကားတာ။ အဲဒါအပြင် နောက်ထပ် နိုင်ငံရေးအကျဉ်းသားတွေ ထပ်ခေါ်လာပြီးတော့ ဒီကျွန်းပေါ်မှာ တသက်လုံး ပို့ထားဖို့ဆိုတဲ့ အစီအစဉ်နဲ့ အကုန်လုံးက ဆက်နေတဲ့ဟာတွေ။ ဒါကြောင့်မို့လို့ ကိုယ်ထူကိုယ်ထ ဖျက်သိမ်းရေး ဆိုတာဟာ ဒီထောင်ရဲ့ အခရာအကျဆုံး ပေါ်လစီကို တိုက်တာဖြစ်တယ်။

နောက်တခုက ပြည်မထောင် အခွင့်အရေး ရရှိရေး။ ဆိုလိုတာ ကျနော်တို့ ဒီမှာက ဆက်သွယ်ရေး ခက်တယ်၊ မိုးတွင်းဆိုလို့ရှိရင် သင်္ဘော သွားလို့ လာလို့ မရဘူး၊ အစရှိတဲ့ အကြောင်းပြချက်အမျိုးမျိုးနဲ့ ချုပ်ချယ်မှုတွေ အမျိုးမျိုးခံနေရတာ။

အဲဒီတော့ ကျနော်တို့ တောင်းတဲ့ဟာက ရိက္ခာကအစ ထောင်ဝန်ထမ်း အပါအဝင် အိမ်ကပစ္စည်းပို့တာအဆုံး တခြား ပုံမှန်ထောင်တွေမှာ ရခွင့်ရှိတဲ့ အခွင့်အရေးတွေအားလုံးရရှိရေး။ ဒါက ဖြစ်နိုင်လျှင် ကြိုက်သလောက် ချဲ့လို့ရတယ်ဗျာ။ နောက်ဆုံးပြောလို့ရှိရင် သာရေး နာရေးမှာ သက်ဆိုင်ရာ ဘာသာအလျှောက် ပြုလုပ်ဆောင်ရွက်ခွင့် အဲဒါမျိုးတွေ ကျနော်တို့ ချဲ့လို့ရတယ်။ အဲဒီတော့ ဒါကလည်း သိပ်ကို အခရာကျတာ။

ထောင်အာဏာပိုင်တွေအဖို့က ငွေရေးကြေးရေး၊ အချိန်၊ လုပ်အား အဲဒီဘက်က ကြည့်လိုက်လို့ရှိရင် ပြည်မထောင်တွေအတိုင်း အခွင့်အရေးတွေပေးဖို့ဆိုတာ လုံးလုံးကို မဖြစ်နိုင်ဘူး။ အဲဒီတော့ အဲလို လိုက်လျောလိုက်လို့ရှိရင် အစစအရာရာ ကျနော်တို့ကို အလျော့ပေးရပြီ။ သူတို့မှာ သွားပြီး သူတို့ ဦးကျိုးပြီ။ သူတို့ ခေါင်းဖော်နိုင်စရာ မရှိတော့ဘူး၊ နောင် ဘာပဲဖြစ်ဖြစ် ကျနော်တို့တောင်းသမျှ သူတို့ လိုက်လျောရမယ့် အခြေအနေဖြစ်တော့မှာ။ အဲဒီတော့ ဒီဟာက အသည်းချင်းပေါက်ကြတယ်ဆိုတဲ့ တိုက်ပွဲမျိုး ဖြစ်ရတယ်။

အဲဒီတော့ တိုက်ပွဲတိုက်တော့မယ်ဆိုတော့ ဒီတောင်းဆိုချက် ၂ ချက်ဟာ ဘယ်သူမှငြင်းမရတဲ့ အချက်တွေ၊ ဒါ တထောင်လုံးနဲ့လည်း ဆိုင်တယ်။ ကျနော်တို့ အကျဉ်းထောင်ထဲမှာ ဘယ်သူကမှ မဆန့်ကျင်ကြဘူး။ ဒီတိုက်ပွဲကို အားလုံးက ထောက်ခံကြတယ်။ ဒါပေမယ့် ထောက်ခံတယ်ဆိုတာတော့ ဟုတ်တယ်၊ ဒါပေမယ့် တကယ် တိုက်ပွဲဝင်တဲ့အခါကျတော့ သက်ဆိုင်ရာ ကျနော်တို့အဖွဲ့အစည်း (ကျနော်တို့ရိက္ခာရုံ) အဲဒီကလူတွေကပဲ သီးခြား တိုက်ရသလိုဖြစ်တယ်။ ကျန်တဲ့လူတွေက စာနာတဲ့အဓိပ္ပာယ်ပဲ ဖော်ပြကြတယ်။

အဲဒီတော့ ကျနော်တို့ ဒီ ကိုကိုးကျွန်းအကျဉ်းစခန်းမှာ တိုက်ပွဲရဲ့အဓိကအဆောင်ဟာ ကျနော်နေတဲ့ နံပါတ် ၉ အဆောင်ပဲ။ အဲဒီတော့ ပြန်ပြောပြပါဦးမယ်။ ဒီ အကျဉ်းစခန်းမှာက စခန်းပေါင်း ၃ ခု ရှိတယ်။ ဒါပေမယ့် ကျနော်တို့က စခန်းတခု။ အဲဒီ စခန်းထဲမှာဆိုလို့ရှိရင် အဆောင် ၁၂ ဆောင် ရှိတယ်။ အဲဒီ အဆောင်၁၂ ဆောင်ကို ဟိုဘက် ၆ ဆောင်၊ ဒီဘက် ၆ ဆောင် ကြားမှာသံဆူးကြိုး ၂ ထပ်နဲ့ ခွဲထားတယ်။ ဒါပေမယ့် သွားလို့ လာလို့ရတဲ့ အပေါက်တော့ ရှိတာပေါ့။

နောင်ကျတော့ ကျနော်တို့တတွေ ချိုးဖောက်လိုက်တော့လည်း သံဆူးကြိုးတွေက ဘာမှကို အဓိပ္ပာယ် မရှိတော့ပါဘူး။ အဲဒီတော့ အဲဒီ အဆောင် ၁၂ ဆောင်မှာ တဆောင်ကို လူ ၂ဝ ပတ်ဝန်းကျင်လောက် နေရတယ်။ အဲဒီတော့ အဆောင် ၁ က ဆန်ဂိုဒေါင်၊ အဆောင် ၂ က ဆေးခန်း၊ အဲဒီ ကျန်တဲ့ တဆောင်က လူနေဆောင်တွေ။

အဲဒီတော့ ကျနော်တို့ရိက္ခာရုံက လူများတဲ့အခါကျတော့ ကျန်တဲ့ အဆောင် ၁ဝ ဆောင်ထဲမှာ ကျနော်တို့ ရိက္ခာရုံကချည်း အဆောင် ၄၊ အဆောင် ၈၊ အဆောင် ၉၊ အဆောင် ၁ဝ၊ အဆောင် ၁၁ ဆိုပြီးတော့ အဆောင် ၅ ဆောင် ယူထားတယ်။ အဲဒီမှာ မျှနေတယ်။

အဲဒီတော့ အဲဒီ အဆောင် ၅ ဆောင်ထဲမှာ ကျနော်တို့အဆောင် ၉ ဟာ တဘက်က အဆောင် ၁ဝ ရယ်၊ အဆောင် ၈ ရယ်ကလည်း ကျနော်တို့ရဲဘော်တွေပဲ နေကြတာ။ အဲဒီကြားထဲမှာဆိုတော့ လျှို့ဝှက်ရေးအရ၊ လုံခြုံရေးအရ ကောင်းတဲ့အဆောင်လို့ ကျနော်တို့ သတ်မှတ်တယ်လေ။

ဆက်လက်ဖော်ပြပါမယ်။