ကမ်းဝေးကြိုးကြာ ဂျာနယ်

ခွပ်ဒေါင်းနှင့်အတူ (၂) - ကိုစိုးသိမ်း (ပဲခူး)

ခွပ်ဒေါင်းစုံညီ ရှေ့သို့ချီပြီ 

ကျောင်းသားထု၏ သွေးစည်းညီညွှတ်မှုရေချိန်သည် အရှိန်မြင့်မားစွာ တက်ကြွလျက်ရှိနေပေသည်။ စစ်ဗိုလ်အစိုးရသည် ကြက်သေ သေ၍နေရလေသည်။ ဇောချွေးများပင် ပြန်နေပါသေး၏။ သတင်းစာများနှင့်တကွ မိဘပြည်သူတရပ်လုံးကလည်း ကျောင်းသားထု၏ မှန်ကန်၍ တရားနည်းလမ်းကျသော တောင်းဆိုချက်များကို အားပေးထောက်ခံ၍ နေလေသည်။

ကျောင်းသားထုသည် အစိုးရကို အပြုတ်တိုက်ရန်လည်း မကြံစည်၊ အကြော်ကျွေးရန်လည်း မစီစဉ်သည်မှာတော့ ထင်ရှားလှပေသည်။ ကျောင်းသားထုသည် မိမိတို့၏ငြိမ်းချမ်းစွာ ပညာသင်ကြားရေး ဒီမိုကရေစီအခွင့်အရေး ကာကွယ်ရေး၊ ဖိနှိပ်ချုပ်ချယ်မှု တွန်းလှန်ရေးတို့အတွက် ကျောင်းသားအမြင် ကျောင်းသားအသိတို့ဖြင့် တောင်းဆို တိုက်ပွဲဝင်နေသည်မှာလည်း ရှင်းလှပေသည်။

ထိုအချိန်တွင် စစ်ဗိုလ်အစိုးရ၏ တာဝန်ရှိသူများသည် ကျောင်းသားထု၏ မှန်ကန်သော တောင်းဆိုချက်များကို လုံးဝ လျစ်လျူရှုထားသည်သာမက “ဗူးဆို ဖရုံမသီးဘူးဟေ့” ဟူ၍ပင် တင်းခံနေလိုက်ချေသေး၏။

“မင်းတို့ ရှေ့ဆက်ပြီး ဆူနေရင် ဒို့နဲ့ face to face ရင်ဆိုင်ရမှာဘဲ” ဟုလည်း ဟန့်တားခဲ့သည်။ “တရာ သေလို့ အားမရရင် နှစ်ရာ သတ်ပြမယ်” ဟုလည်း ကြိမ်းဝါးခြိမ်းချောက်ခဲ့သည်။ ထိုမျှမကသေး “စစ်ဗိုလ်အစိုးရ” ၏ အာဏာရှင် ဗိုလ်နေဝင်း ကိုယ်တိုင်ကပင် “တက္ကသိုလ်လှုပ်ရှားမှုဟာ မပြောပလောက်ပါဘူးဗျာ” ဟု ယိုးဒယား သတင်းစာဆရာများအား ဂယောင်ချောက်ချား ပြောခဲ့ချေသေး၏။

ခွပ်ဒေါင်းနှင့်အတူ (၁) - ကိုစိုးသိမ်း (ပဲခူး)

မလဲကျသေးသော ခွပ်ဒေါင်းအောင်လံ 

စစ်ဗိုလ်အစိုးရသည် ဇူလိုင်ရက်စက်မှုကြီးကို ကျူးလွန်ပြီးသည့်နောက် တက္ကသိုလ်မြေတွင် ခွပ်ဒေါင်း လည်တိုင်ကျိုးပြီဟု ထင်နေကြ၏။ 

သြဂုတ်လ ၂၇-ရက်နေ့တွင် ကျောင်းပြန်ဖွင့်သည့်အခါ၌လည်း ကျောင်းသားထုသည် လူဆိုးများသဖွယ် အမျိုးမျိုးအစစ်ဆေးခံ၍ အထပ်ထပ်လက်မှတ်ထိုးလာကြရသည်ဖြစ်ရာ တက္ကသိုလ်ကြီးကိုတော့ ငါတို့ထင်သလို ချယ်လှယ်နိုင်ပြီဟုလည်း ထင်နေကြပေသည်။ မိမိတို့ကိုယ်ကိုပိုင်လှပြီဟုလည်း အထင်ကြီးနေကြလေသည်။ ဗိုလ်နေဝင်း၏ ဓားကြိမ်းကြိမ်းထားသံကြောင့်လည်း သတ္တိပြောင်လှသော သူရဲကောင်း နိုင်ငံရေးပါတီကပင် နားရွက်မျှမလှုပ်ရဲဘဲ အမြီးကုပ်၍နေကြချိန် ဖြစ်နေပေသည်။ မသာအိမ်တွင် ရဲရဲငိုဝံ့သူမရှိအောင်လည်း သူတို့တတွေက ခေတ်ကောင်းနေသည် မဟုတ်ပါလော။ 

တက္ကသိုလ်တွင်မူ ခွပ်ဒေါင်းအောင်လံကတော့ မလဲကျသေးပါချေ။ ကျောင်းသားထုသည် ဆက်လက်၍ တိုက်ပွဲအတွက် တာစူအားယူနေကြပေသည်။ သို့ရာတွင် တကသ ခေါင်းဆောင်များကား အဖမ်းခံနေရသူနှင့် ပြေးရသူများသာဖြစ်နေရာ တိုက်ပွဲအတွက် အဆက်ပြတ်နေခဲ့ပြီ ဖြစ်လေသည်။ 

ခွပ်ဒေါင်းနှင့်အတူ - ကိုစိုးသိမ်း (ပဲခူး)

ခွပ်ဒေါင်းနှင့်အတူ

(၁၉၆၂-၆၃) ခုနှစ် တက္ကသိုလ်အရေးတော်ပုံ မှတ်တမ်း

ရေးသူ-ကိုစိုးသိမ်း (ပဲခူး) 

၁၉၆၂-ခုနှစ် ဇူလိုင်လ ၇ ရက်နေ့ (ကျောင်းသား အာဇာနည်နေ့) တွင် ကျဆုံးခဲ့ရှာသော ကျောင်းသားရဲဘော်များနှင့် အရေးတော်ပုံကြီးကို သစ္စာရှိသောအားဖြင့် ဤစာအုပ်ကို ရေးသည်။ 

‘အမှာ’ 

ရဲဘော်စာဖတ်သူ ...

၁၉၆၂၊ ၆၃ နှစ် တက္ကသိုလ်ကျောင်းသားလှုပ်ရှားမှုများကို နောင်အနာဂတ်တိုက်ပွဲများအတွက် အထောက်အကူဖြစ်စေရန် မှတ်တမ်းတစောင်တဖွဲ့ ထားရှိသင့်သည်ဟုယူဆမိ၍ ဤစာအုပ်ကို ထုတ်ဝေဖြစ်ခဲ့ပါသည်။

ဤမှတ်တမ်းစာအုပ်မတိုင်မီကပင် ဇူလိုင်အရေးတော်ပုံ၏ ဂရက်များဖြစ်သော မန္တလေးဆောင်မှာ ရဲဘော်ကိုခင်ဆွေ၏ (ရင်ပြင်နီ) သည်၎င်း၊ ဒဂုန်ဆောင်မှ ရဲဘော်ကိုလှမြင့်၏ (ဥဒါန်းမကြေ)သည်၎င်း၊ ရဲဘော်ကိုတင်အေး၊ ကိုကြည်ဝင်းနှင့် ကိုသူမွန် (ကိုသိန်းအောင်)တို့၏ (တက္ကသိုလ်ဝန်းကျင်) သည်၎င်း၊ အင်းဝဆောင်မှ ရဲဘော်အောင်မျိုး၏ (အရေးတော်ပုံ စာစောင်သစ်)သည်၎င်း၊ တက္ကသိုလ်နယ်မြေတွင် အားရဘွယ်ရာ ထွက်ပေါ်လာခဲ့ပြီးသည်သာမက၊ ယခုတဖန် ရဲဘော်ကိုခင်ဆွေနှင့် ကိုသန်းထွန်းဦး (အင်းဝ) တို့၏ (အနိုင်မခံ)သည်ပင်လျှင် မကြာမီထွက်လာလိမ့်မည်ဟု ကြားသိရပေသည်။

ဤ (အရေးတော်ပုံမှတ်တမ်း) သည် မမေ့ပျောက်သင့်သော ၁၉၆၂၊ ၆၃ အရေးတော်ပုံကြီးကို အကြမ်းဖျင်း စာပန်းချယ်ထားသည်ဖြစ်ရာ စုတ်ချက် အနုအရမ်း၊ အကြမ်းအပျော့များ ပါကောင်းပါရှိမည် ဖြစ်ပေသည်။

မှတ်တမ်းရေးသူသည် (၆၂-၆၃) ကျောင်းသားလှုပ်ရှားမှုများတွင် လေးဦးကော်မတီမှအစပြု၍ ကျောင်းသားအခွင့်အရေး ကာကွယ်မှုကော်မတီအထိ တိုက်ပွဲအစဉ်အဆက် ရှေ့တန်းမှ ပါဝင်ဆင်နွှဲခဲ့သူဖြစ်သောကြောင့်လည်း ဤမှတ်တမ်းသည် အတော်ပင် ပြည့်စုံခိုင်လုံသည်ဟု ဆိုချင်ပါသည်။

ဤစာအုပ်ထုတ်ဝေခြင်းသည် စီးပွားရေးကိုယ်ကျိုးရှာခြင်းမဟုတ်ဘဲ ယုံကြည်ချက်အတွက်သာဖြစ်ကြောင်း မှတ်တမ်းတန်ဘိုးနှင့် ဈေးနှုန်းကိုယှဉ်ကြည့်လျှင် သိနိုင်မည်ဟု မြော်လင့်ပါသည်။

ညွှန့်သောင်း 

(ထုတ်ဝေသူ) 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၁၅

အခန်း - ၁၇ 

မြေကြီးထဲမှာ 
ထိပ်တုံးခတ်ခံထားရတဲ့၊ 
သစ်စေ့လေးတွေကို 
လွတ်လပ်ရေး ကြေညာပေးလိုက်စမ်းပါ 
မိုးစက်ကလေးတို့ရယ်။ 

(ရာဘင်ဒြာ နတ်သ် တဂိုး) 

ဦးမျိုးသိန်းသည် ရှေ့နေဖြစ်သည်။ သို့သော် ရိုးရိုးရှေ့နေ မဟုတ်။ မီးခဲနှင့်တူသော ရှေ့နေဖြစ်သည်။ မြွေဟောက်နှင့်တူသော ရှေ့နေဖြစ်သည်။ သူ့ကို သွားထိလျှင် ပူတတ်သည်။ သူ့ကို သွားစလျှင် ပေါက်တတ်သည်။ သူသည် သာမန်အချိန်တွင် အေးဆေးသည်။ ပျော့ညံ့သည်။ သို့သော် သူဆုံးဖြတ်ထားသောကိစ္စတခုတွင် သွားထိမိလျှင် မြွေဟောက်လို အဆိပ်ပြင်းသူပင်ဖြစ်သည်။ ထို့ကြောင့်လည်း သူသည် စောင့်ကြည့်ခံရသူတယောက် ဖြစ်လာလေသည်။ 

သူသည် ဥပဒေဘာသာရပ်ကို အထူးပြု သင်ကြားခဲ့ရသော ရှေ့နေကျောင်းသားလည်းမဟုတ်ခဲ့။ သူသည် စင်စစ် စက်မှုတက္ကသိုလ်ကျောင်းသားတယောက်ဖြစ်သည်။ သို့သော် ဖုန်းမော် အရေးအခင်းတွင် ကျောင်းထုတ်ခံခဲ့ရသည်။ ကျောင်းထုတ်ခံခဲ့ရပြီးနောက်တွင်မှ အထက်တန်းရှေ့နေ စာမေးပွဲကို ဖြေဆိုအောင်မြင်ပြီး ရှေ့နေဖြစ်လာခဲ့ခြင်းဖြစ်သည်။ 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၁၄

အခန်း - ၁၆

ပြည်သူ့ချွေးနှဲစာ အခွန်ဘဏ္ဍာတော်ကို 
အလွဲသုံးစားလုပ်နေသူတွေက 
နည်းနည်းနဲ့ ရောင့်ရဲကြပါလို့ 
ဆုံးမနေပါလားဟေ့။ 
ဗိုက်အပြည့်စားသောက်နေရတဲ့လူတွေက 
လူငတ်တွေကို 
အနစ်နာခံကြစမ်းပါတဲ့။ 

(ဘားတော့ဗရက်၊ စည်းစိမ်ယစ်သူများ) 

ရန်ကုန်သည် မြို့တော်အဖြစ်မှ ရာထူးချခံခဲ့ရပြီး ဖြစ်သည်။ သို့သော် စည်ကားမြဲ၊ သိုက်မြိုက်မြဲ။ စီးပွားရေး လုပ်ငန်းတို့၏ ဗဟိုအချက်အချာဖြစ်မြဲ။ အခွင့်လမ်းသစ်၊ စိန်ခေါ်မှုအသစ်တို့ကို ရှာဖွေလိုသူတို့အတွက် အဓိကဆုံချက် ဖြစ်မြဲဖြစ်နေဆဲသာ။ 

ရန်ကုန်မြို့ပေါ်တွင် အထပ်ပေါင်း ၂၀ ကျော် ၂၅ ထပ်ရှိသော ဆာကူရာ တာဝါလို၊ ထရိတ်ဒါးဟိုတယ်လို အဆင့်မြင့် အဆောက်အဦကြီးတွေ ပေါ်ထွက်ခဲ့ပေပြီ။ သို့သော် ထမင်းတနပ်အတွက် ခက်ခက်ခဲခဲ ရုန်းကန်ရသောသူတွေမှာလည်း တနေ့တခြား ပိုမိုများပြားလာလေသည်။ လှိုင်သာယာတွင် ထမင်းရည်ကို ပုလင်းနှင့်ထည့်ပြီး ရောင်းချသော ဈေးကွက်အသစ် ပေါ်ထွန်းလာလေသည်။ တနေ့ကို ထမင်းတနပ်သာစားပြီး အသက်ရှင်သန်နေကြသူများ အများအပြား ရှိလာသည်။ 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၁၃

အခန်း - ၁၅ 

တားမြစ်ချုပ်ချယ်သော လုပ်ရပ်တွေကြောင့်သာ လျှို့ဝှက်ဆောင်ရွက်ချက်များ ပေါ်ပေါက်လာခြင်းဖြစ်သည်။ 

ဂျယ်လို ဘီယာဖရာ (အမေရိကန် အစိမ်းရောင်ပါတီ ခေါင်းဆောင်တဦး) 

မျက်စေ့ရှေ့မှာပင် ကပ်လွတ်သွားသည်ကို ဗိုလ်ကြီးမြင့်ထူး နည်းနည်းမှ မကျေနပ်။ မန္တလေးကတည်းက သူ့ကို ခြေရာခံလိုက်ခဲ့သည်။ ရွှေကိုင်းမျက်မှန်နှင့် ထိုအမျိုးသမီးကြီးသည် ဆန့်ကျင်ဘက် မြေအောက် ကွန်ယက်၏ အရေးအကြီးဆုံးဆက်သားဖြစ်ရမည်ဟု သူ ယုံကြည်ထားသည်။ ထို့ကြောင့်လည်း အင်အား အကုန်သုံးပြီး နေရာအနှံ့ပိုက်စိပ်တိုက် လိုက်ရှာခဲ့သည်။

မန္တလေးဘူတာတွင် သုံးနာရီကျော်သည့်အထိ သူရောက်မလာသောကြောင့် ရထားကိုပင် အကြောင်းအမျိုးမျိုးပြပြီး အချိန်ဆွဲထားခဲ့သည်။ သုံးနာရီခွဲတော့မှ ရထားကို ထွက်ခွင့်ပြုလိုက်သည်။ သို့သော် ပစ်မှတ်သည် ရထားပေါ်တွင် ဘယ်လိုပါသွားမှန်းမသိလိုက်။ ပါဖြစ်အောင် ပါသွားလေသည်။ ရထားပေါ်တွင် ပစ်မှတ်ပါသွားကြောင်း အတိအကျသိလိုက်ရချိန်တွင် သူကိုယ်တိုင် သာစည်ဘူတာအထိ ကားနှင့် ရှေ့ကကြိုစောင့်ပြီး အပီအပြင်စောင့်ဖမ်းဖို့ ကြိုးစားခဲ့ပြန်သည်။ သို့တိုင်အောင် သီသီကလေး ကပ်လွတ်သွားခဲ့ပြန်သည်။ ရထားပေါ်တွင် ပစ်မှတ်နှင့်အတူထိုင်နေခဲ့သော အူကြောင်ကြောင်ဟု သူ သတ်မှတ်ထားခဲ့သည့်ကောင်လေး၏ ပြောစကားကို လွယ်လွယ်နှင့်ယုံလိုက်မိသည်။ 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၁၂

အခန်း - ၁၄ 

ဆွမ်းအုပ်နီနီ အမေရွက်တော့
နက်ဖြန်မနက် ကျောင်းတက်မယ်၊ 
ကျောင်းကြီးပေါ်မှာ မောင်ငယ်ဆော့တော့ 
ဘုန်းကြီးအော်လို့ ရိုက်လိမ့်မယ်။ 
မောင်မဆော့ပါ ဘုန်းတော်ကြီးလို 
စိတ်ပုတီးနဲ့ နေပါ့မယ်။ 
လိုက်မယ်၊ လိုက်မယ်။ 

(မင်းသုဝဏ်၊ ဥပုသ်စောင့်) 

ကျောင်းကို မမြင်ရသေးခင် သစ်ပင်ဝါးပင်တို့ကို မြင်ရသည်။ ပိန္နဲပင်နှင့် သရက်ပင်တို့က အများစုဖြစ်သည်။ ခရေပင်ကြီးတပင်နှင့် ညောင်ပင်ကြီးတပင်လည်း ရှိသည်။ ညောင်ပင်ကြီးခွဆုံတွင် နတ်စင်တစင် ရှိသည်။ ခရေပင်ကြီးအောက်တွင် အုတ်ခုံတခုံရှိသည်။ ဥသျှစ်ပင်တပင်လည်း ရှိသည်။ ပြီးတော့ သူ မသိသည့် အပင်တချို့လည်း ရှိသေးသည်။ 

ကျောင်းဆောင်ကြီးအမိုးစွန်းက ကနုတ်လက်ရာတို့က ဆန်းပြား၊ ကွန့်ညွန့်နေသည်။ အချွန်အတက် အခက်အလက်တို့သည် သူ့နေရာနှင့်သူ တန်ဆာဆင်ထားသောကြောင့် ထီးဟန်နန်းဟန်ဖြင့် ခန့်ညားလှပနေသည်။ ခေါင်မိုးကို ဘုံဆင့်ပြဿဒ်တို့ဖြင့် ဆောက်လုပ်ထားသည်။ ကျောင်းနံရံ ပျဉ်ထောင်သစ်သားတို့မှာ ရေနံချေးဝဝသုတ်ထားသောကြောင့် ညိုမှောင် ရွှန်းစိုနေသည်။ ကျောင်းသည် ခြေတံရှည်ကျောင်းဖြစ်သည်။ ကျောင်းအောက်ထပ်မှာ ဆယ်ပေလောက်မြင့်ပြီး ဆွမ်းစားဆောင်တခုသာ ခေါင်းရင်းခန်း သုံးခန်းတွင် ဖွဲ့ထားသည်။ ကျန်နေရာတို့မှာ မြေပြင်သက်သက်သာဖြစ်သည်။ ကျွန်းတိုင်လုံးကြီးများမှာ ရှားရှားပါးပါး ဧရာမ တိုင်လုံးကြီးများဖြစ်သည်။ လုံးပတ်မှာ လူကြီးလက်နှင့် အနိုင်နိုင် လက်ချင်းဆက်အောင် ဖက်ယူရသည်။ ကျောင်းအပေါ်ထပ်သို့တက်သော လှေကားလက်ရန်းတွင် ကျွန်းသား ပွတ်လုံးတိုင်များစိုက်ထူထားပြီး ပေါ်လစ်ဆီ ပြောင်အောင်သုတ်ထားသည်။ 

တိုက်အုပ်ဘုန်းတော်ကြီး ဦးကောသလ္လသည် သက်တော် ၆၀ လောက်ရှိပေပြီ။ သို့သော် အရွယ်နှင့်မလိုက်အောင် နုပျိုသွက်လက်နေသည်။ 

နောက်ကြည်မှန် (မင်းကိုနိုင်) - နိဂုံးပိုင်း

ရန်ကုန်ကို အစည်းအဝေးတက်ဖို့ သွားကြမယ်ဆိုသော် ညို လိုက်ချင်တယ်ဟု ပြောချင်လှသည့်ဆန္ဒကို ဖေသောင်း အလိုက်တသိ ဖြည့်စွက်ပေးနိုးနိုး အနားမှာ ရစ်သီရစ်သီ လုပ်ပြခဲ့သော်လည်း ဖေသောင်းခေါ်ယူသည့် လူစာရင်း၌ ညို မပါ။ ပြန်လာဦးမှာပါ ဟူသော အပြုံးစကားဖြင့် ခြိမ့်ခြိမ့်သဲ နှုတ်ဆက်သံများကြား ထွက်သွားသည့်ရထားကို လိုက်ပို့သူများအကြား ညိုတယောက် ဘူတာရှေ့မှာပင် လက်ပြကျန်ခဲ့ရသည်။

အချိန်တို့ လျှင်မြန်စွာ ကုန်သွားသလို ဘီလူးဆိုင်းနှင့် ဘီလူးထွက်လာသည့် ဇာတ်ကွက်သို့ ရောက်၏။ ချောတိုင်ထိပ်ဖျား အောင်လံကို လက်ဖြင့်ထိပြီးကာမှ ဝေါခနဲ ပြန်ကျလာသလို အားလုံးခံစားရ၏။ မခင်အေးက “မလွယ်ဘူးဟေ့၊ အပြတ်အသတ် ပြန်ကြမ်းတော့မှာ တော်ရာရှောင်ကြရင် သက်သာမယ်ဟု သတ္တိပြသည်။

အားလုံးမျှော်နေသော ဖေသောင်းနှင့်အဖွဲ့ မောပမ်းတကြီး ပြန်ရောက်ချလာ၏။ ကိုခင်မောင်လတ်၊ ကိုမြင့်ဇော်တို့နှင့် ခေါင်းချင်းရိုက်နေကြပြန်ပြီ။ အုန်းသိန်းတို့ သားအဖကား တို့ခေတ်ပြန်ရောက်ပြီဟု လက်ရုံးဆန့်တန်းနေကြပြီ။ တနေ့တွင်းပင် စည်းဝေးမှုပြီးအောင် လက်စသပ်ရင်း သပိတ်စခန်းများ ရုပ်သိမ်းသူ သိမ်းကြသည်။ ငါတို့ မျှော်လင့်ချက်တွေကို ဖျက်ဆီးလိုက်ရတာပဲဟု မျက်ရည်ကျသူ ကျသည်။ ယုံကြည်ချက်တော့ ပျက်မသွားဘူး ဟု ကိုမြင့်ဇော်တို့ကနှစ်သိမ့်ရင်း လူစုခွဲကြမည့်အစီအစဉ်ကို မှတ်ချက်ကြသည်။ မိုးကား သည်းဆဲ။ လေက ထန်ဆဲ။

 xxxxx xxxxx xxxxx 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၁၁

အခန်း - ၁၃ 

ငါတို့ခေတ်ဟာ 
အမှောင်ခေတ်ကြီးပါ 
ရိုးရိုးမှန်မှန်ပြောလို့ မဖြစ်ဘူး။ 

မျက်မှောင်မကြုတ်တတ်တဲ့လူဟာ
ခေတ်ရဲ့ဒုက္ခတွေကို မခံစားတတ်လို့ပဲ။ 

ရယ်မောနေတဲ့လူဟာလည်း 
ကြောက်စရာကောင်းတဲ့
ခေတ်ရေစီးရဲ့ ဝါးမျိုဖို့တက်လာတဲ့အသံကို 
မကြားသေးသူသာဖြစ်လိမ့်မယ်။ 

(ဘားတော့ဗရက်၊ အနာဂတ်အတွက်ကဗျာ) 

သာစည်ဘူတာထဲသို့ ရထားဝင်လာချိန်သည် နေဝင်မိုးချုပ်အချိန်ဖြစ်သည်။ များစွာသော မီးရထားသံလမ်းတွေကြားတွင် ဝါကျင့်ကျင့် နီယွန်မီးလုံးကြီးများကို ထွန်းညှိထားလေသည်။ ထိုအရောင်ကို သူ မကြိုက်။ ထိုအရောင်မှာ စိတ်ချောက်ချားချင်စရာဖြစ်သည်။ 

ဘူတာနားနီးလာသည်နှင့် အသံတွေကလည်း တဝုန်းဝုန်းပြေးလာကြသည်။ ရထားက ဘူတာထဲဝင်ဖို့ ခြေလှမ်းပြင်ရုံသာရှိသေးသည်။ ဆိုက်ဆိုက်မြိုက်မြိုက် မရောက်သေး။ ဈေးသည်တွေ၏ အလုအယက် အော်ဟစ်သံတွေကို ကြားနေရသည်။ ခရီးများများ မထွက်ဖူးသော နီမင်းထွန်းအတွက် မြင်ကွင်းသည် ဆန်းသစ်နေသည်။ ဘူတာထဲတွင် ယူနီဖောင်းဝတ်ထားသော ရဲတွေ အများအပြားရှိနေသည်မှာလည်း သူ့အမြင်မှာ ထူးခြားနေသည်။ မန္တလေးဘူတာထဲမှာပင် ရဲတွေ ဒီလောက်များများ မမြင်ခဲ့ရ။ သာစည်ဘူတာသည် လမ်းဆုံဘူတာကြီးဖြစ်သောကြောင့် အစောင့်အကြပ် ပိုများလေသလားဟု သူ အတွေးပွားမိသည်။ 

နောက်ကြည့်မှန် (မင်းကိုနိုင်) - ၂၅

သမိုင်းဝင် အလှည့်အပြောင်းတခုတွင် ညိုတို့မြို့ကလေး အခြားမြို့နည်းတူ ဂုဏ်မငယ်တမ်း ဝါကျတကြောင်း ရေးနိုင်ခဲ့ပြီဖြစ်သည်။ ထိုဝါကျတွင် ညိုတို့အနေဖြင့် မှင်စက်ကလေးတစက်အဖြစ် ပါဝင်ခွင့်လည်း ရခဲ့ပြီ။ ဝါးခမောက်ကိုယ်စီဖြင့် တက်လာသူတို့လက်မှ ဒေါင်းအလံ တလူလူအောက် ညိုတယောက်လည်း လိုက်ခွင့်ရခဲ့ပြီ။ 

ထိုတညကဖြစ်စဉ်တွင် ဖေသောင်းတို့ စကားမပြတ်ကြသေးသော်လည်း အရေးကြီးသည့် ညှိနှိုင်းမှုပြီးချိန်ဖြစ်၍ အောင်မြင်ခဲ့သည်ဟုပင် ဆိုရမည်။ ပွဲဖျက်ရုံတင်မက သားကောင်ကိုပါ ဖမ်းစားမည့်မုဆိုးအဖွဲ့ကို တားဆီးနိုင်ခဲ့သည်မှာ ဘယ်သူဘယ်ဝါဖြစ်ကြောင်း ညို မပြောခဲ့။ သို့သော် မခင်အေးက ဖော်ကောင်လုပ်၍ ညိုနှင့် အဘမောင်အား အားလုံးက လှိုက်လှဲသောစကားတို့ဖြင့် အသိအမှတ်ပြုပေးသည်။ 

ဟန်မဆောင်နိုင်သောညိုက ကျေနပ်စွာပြုံးနေသလောက် အဘမောင်ကား သူ ဘာမှမသိလိုက်သလို ကုပ်ကုပ်နေမြဲ။ ထိုညနောက်ပိုင်း ဒလကြမ်းမောင်း၍ ကျားနာခဲခဲချင်နေသော အုန်းသိန်းတို့သားအဖနှင့် အဖွဲ့၏ရန်ကို လွတ်အောင်ရှောင်ရင်း ... အခြားမြို့များနှင့်ချိန်ကိုက် သူတို့ သပိတ်တိုက်ပွဲဆင်နိုင်ခဲ့ပြီ။ 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၁၀

အပိုင်း (၂) 

ခရစ်နှစ် ၂၀၀၇ ခုနှစ်။ 

အခန်း - ၁၂ 

ငါရပ်ဖို့ တနေရာသာ ပေးစမ်းပါ။ 
ကမ္ဘာကြီးကို ရွှေ့ပြမယ်။ 

(အာခိမိဒိ) 

ခရစ်နှစ် ၂၀၀၇ ဇွန်လ။ 

သုံးနာရီ ခွဲတော့မည်။ ညနေ သုံးနာရီထွက်ရမည့်ရထားသည် အခုထက်တိုင် မထွက်သေး။ ဘာကြောင့် မထွက်သေးသည်ကို မသိရ။ ဘယ်သူကမှလည်း အရေးတယူ ကြေညာခြင်းမပြု။ ခရီးသည်တွေကလည်း နောက်ကျနေကျမို့သာ နောက်ကျသည်ဟု မှတ်ယူထားကြလေသလား မသိ။ ဘယ်အာဏာပိုင် ဘယ်တာဝန်ရှိသူကိုမှ သွားရောက်စောဒက တက်သူမရှိကြ။ ဗမာလူမျိုးတို့သည် သည်းခံတတ်လွန်းကြသည်။ မိမိအခွင့်အရေးကို ဆူဆူပူပူလုပ်ပြီး အရေးဆိုတတ်သော အလေ့အထ သိပ်မရှိကြ။ 

သို့သော် ညည်းတော့ ညည်းညူကြသည်။ မညည်းညူပဲလည်း နေနိုင်စရာမရှိ။ လူဆိုတာ သွေးနဲ့ကိုယ် သားနဲ့ကိုယ် မဟုတ်ပါလား။ ဒီလောက်ပြင်းသည့် အပူဒဏ်ကို မညည်းမညူခံနိုင်ဖို့ဆိုတာ တော်ရုံတန်ရုံ ပါရမီမျိုးနှင့်တော့ လွယ်အံ့မထင်။ 

သံမဏိဖြင့်ပြုလုပ်ထားသော ရထားတွဲဝါဝါကြီးသည် မီးလို ခြစ်ခြစ်တောက်ပူလောင်သော နေရောင် ကျဲတောက်တောက်အောက်တွင် ကိုယ်လုံးတီး စင်းစင်းကြီး ရပ်နေလေသည်။ သည်ရထားတွဲထဲမှာ နာရီဝက်ကြာအောင် ငုတ်တုတ်ထိုင်စောင့်ဆိုင်းနေရသော ခရီးသည်တို့အဖြစ်မှာ ရေနွေးအိုးထဲ ထည့်ပြုတ်ခံထားရသည့်ပမာ ရှိလေသည်။ 

နောက်ကြည့်မှန် (မင်းကိုနိုင်) - ၂၄

မနက်မိုးမလင်းခင် မိုးသည်းသည်းကြားမှာ ညို ထ၍ ဖေသောင်းကို နှိုးရသည်။ 

ကိုမြင့်ဇော်တို့နှင့်ချိန်းဆိုရာ တောရကျောင်းသွားရာလမ်းဆုံသို့ ဖေသောင်းထွက်သွားမှ သက်ပြင်းချကာ အိပ်ရာသိမ်းရ၏။ ဒန့်သလွန်ရွက်ဟင်းခါး သောက်ချင်လို့ ဟုအော်ကာ နေ့လည်ဘက်တွင် မခင်အေး ရောက်လာသည်။ ညိုနှင့်အတူ ဒန့်သလွန်ရွက်ခူးကြရင်း ဝဲထူဖေသောင်းအား ကိုမြင့်ဇော်တို့က လယ်သမားတယောက်၏ လယ်စောင့်တဲတွင်ပင် နေရာချပေးလိုက်ပြီဖြစ်ကြောင်း မခင်အေး သတင်းပေး၏။ ဝဲဆေးလိမ်းပေးရသည့်တာဝန်ကို မစွန့်ချင်ဘဲ ညို စွန့်လိုက်ရတော့သည်။ 

“သူ ထမင်းစားဖို့ကော” 

ညို၏ပူပန်ချက်ကို မခင်အေး စိတ်မရှည် ။ “ဟာ ... ဟိုက လုပ်ပေးရမှာပေါ့၊ နင် အသာနေစမ်းပါ။ ငါတို့ မသူဇာနဲ့ပဲ ဆက်သွယ်ကြရမယ် အဲဒါပဲ နည်းနည်းပိရိတယ်” ဟု ပြန်ပြော၏။ 

ရက်ပိုင်းတွင်းမှာပင် ညိုတို့ တောမြို့ကလေး လှုပ်လှုပ်ရွရွဖြစ်လာသည်။ 

ဈေးကြီးအနီး ကုက္ကိုပင်တွင်ကပ်ထားသော လှုံ့ဆော်ပိုစတာတချပ်ကြောင့်ပင်ဖြစ်၏။ အုန်းသိန်း၏ဖခင်မှာ ငါ့ခွင်ထဲတော့ လာမလုပ်နဲ့ မျိုးကန်းကုန်မယ်ဟု ကြိမ်းဝါးရင်း လူစုစုတွေ့တိုင်း မသင်္ကာမျက်လုံးများဖြင့် ခြိမ်းခြောက်နေသည်။ မကြာမီပင် သူတို့ကောင်စီရုံးရှေ့ ပိုစတာတချပ် အခန့်သားရောက်လာ၏။ 

လူတွေ ဝိုင်းအုံကြည့်နေစဉ်ပင် အုန်းသိန်းဖခင်မှာ ကတုံးပေါ် ဒက်ပေါက်သည့် မျက်နှာဖြင့် အော်ဟစ်မောင်းထုတ်ပြီး ဖြုတ်ယူသွား၏။ မခင်အေး ပါးစပ်ပိတ်၍ တခွိခွိ ရယ်သည်။ အုန်းသိန်း မကျေမချမ်းကြည့်နေ၍ အိမ်ထဲဝင်ပြီး ပုနေရ၏။ 

xxxxx xxxxx xxxxxx 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၉

အခန်း - ၁၁ 

တခြားသူတို့၏ လွတ်လပ်ခွင့်ကို ငြင်းပယ်သောသူများသည် သူတို့ကိုယ်တိုင် လွတ်လပ်မှုနှင့် မထိုက်တန်သောသူများ ဖြစ်သည်။

အေဘရာဟင် လင်ကင်း 

၁၉၈၈ ခု သြဂုတ်လ။ ဧရာဝတီမြစ်ကမ်းဘေးရှိ နယ်မြို့လေးတမြို့။ 

စိုးအောင်နှင့် ယဉ်ပါးနေသော လူထုလှုပ်ရှားမှုမှာ သူ့နောက်သို့ လိုက်လာပြန်လေသည်။ 

သြဂုတ်လ ၈ ရက်နေ့တွင် သူတို့နယ်မြို့ကလေးသည် လှုပ်လှုပ်ရွရွဖြစ်နေသည်။ သို့သော် ဘယ်သူက စမည်ကို မသိသေး။ သူ့အရိပ်အခြေအနေ ကိုယ်ကကြည့်၊ ကိုယ့်အရိပ်အခြေအနေ သူကကြည့်နှင့် သြဂုတ်လ ၈ ရက်နေ့မှာ ဘာမှဖြစ်မလာဘဲ ကုန်လွန်သွားသည်။ သို့သော် မြို့တချို့တွင်မတော့ အရေးအခင်းတွေ စတင်ပေါ်ပေါက်လာပေပြီ။ သည်နယ်မြို့ကလေးတွင် လှုပ်ရှားဆန္ဒပြမှု ဖြစ်မလာသေးသည့်အတွက် သူ အားမလိုအားမရ ဖြစ်နေမိသည်။ ပေါ်လာနိုး၊ ပေါ်လာနိုးနှင့်လည်း ရင်ခုန်လှုပ်ရှားနေမိသည်။ သူကိုယ်တိုင်ပင် အစပျိုးလှုပ်ရှားလိုက်ချင်စိတ်မျိုး ဖြစ်ပေါ်မိသည်။ သို့သော် သည်မြို့မှာ သူသည် သူစိမ်းဖြစ်သည်။ သည်မြို့က ခေါင်းဆောင်တွေကို သူ အကျွမ်းမဝင်။ သည်မြို့က လူထုသဘောကို သူ နားမလည်။ သို့နှင့် အရိပ်အခြေကိုသာ ကြည့်နေရသည်။ 

တကယ်တန်း စမည့်စတော့ အထက်တန်းကျောင်းသားတွေက စတင်ဖောက်ခွဲလိုက်ကြသည်။ ကျောင်းသား အနည်းငယ် လမ်းပေါ်ထွက် ဆန္ဒပြရာကနေ မြို့နေလူထုအားလုံး နောက်ကနေ စုရုံးလိုက်ပါလာကြလေသည်။ ဘယ်အာဏာပိုင်မှ တားဆီးကန့်ကွက် မလုပ်ရဲကြချေ။

နောက်နေ့တွေတွင် ရွာကလူတွေပါ အိုးစည်ဗုံမောင်းတွေနှင့် မြို့ပေါ်သို့ချီတက်လာကြသည်။ 

နောက်ကြည့်မှန် (မင်းကိုနိုင်) - ၂၃

ဒီတခါ အဖေပေးသော တာဝန်ကို အုန်းသိန်း လိုလားစွာထမ်းဆောင်ရန် ကတိပြုလိုက်၏။ ရပ်ထဲရွာထဲမှာ သတိထားကြည့် ဟိုအဖွဲ့တွေ လှုပ်ရှားတာတွေ့ရင် ချက်ချင်းသတင်းပို့စမ်း၊ ဆူချင်ပူချင်တဲ့ကောင်တွေကို ဆုံးမရဖို့ ငါ့မှာတာဝန်ရှိတယ်ဟူသော အဖေ့စကားကို အုန်းသိန်း မနောခွေ့လှသည်။ 

အုန်းသိန်းတို့ ဘယ်လောက်အရာရောက်တယ်ဆိုတာ သိရမှာပေါ့၊ မခင်အေးနဲ့ပေါင်းပြီး အုန်းသိန်းကို အရေးမလုပ်ချင်တဲ့ ညို၊ ဘယ်သူတွေက ပိုစွမ်းသလဲဆိုတာ သိရစေ့မယ် ငါထင်တဲ့အတိုင်း ဖြစ်နေလို့ကတော့ ခြေသလုံး လာဖက်ရပြီသာမှတ်ဟု ကြိမ်းဝါးလိုက်တော့၏။ 

xxxxx xxxxx xxxxx 

အိမ်ပြန်ရောက်ပြီး ရက်ပိုင်းမျှ ကုပ်နေရသည်ကိုပင် စိတ်မရှည်ချင်။ ဟိုက သည်က သတင်းလာမေးသမျှ အမေနှင့် မရီနွယ်က စိတ်တပူပူဖြင့် ကြောင့်ကျမဆုံး။ သူရနှင့် ထွန်းသက်တို့ အိမ်သို့လာခွင့်မရ၍ အဝေးမှ ကိုယ်ဟန်တပြပြ။ ဖေသောင်းကလည်း ပြတင်းဝက ပြူတစ်တစ်။ 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၈

အခန်း - ၁၀ 

မြင်းခွာတချက်ပေါက်ရင် 
ဗမာတပြည်လုံး မီးဟုန်းဟုန်းတောက်စေရမယ်။ 

ဗကသ ခေါင်းဆောင် ကိုဗဟိန်း 

၁၉၈၈ ခု သြဂုတ်လ၊ နိုင်ငံတဝန်း အခြေအနေ။ 

သြဂုတ်လ ၉ ရက်တွင် တနိုင်ငံလုံးရှိ မြို့ကြီး ၄၀ ကျော်တွင် ဆန္ဒပြမှုတွေ ဖြစ်ပွားခဲ့သည်။ ထို့နောက် တဖြည်းဖြည်းဖြင့် တိုးပွားလာသည်။ 

ပဲခူး၊ သနပ္ပင်၊ ရေနံချောင်းတို့တွင် အရေးအခင်းအစပိုင်း၌ ပစ်ခတ်မှု ဖြစ်ပွားခဲ့သည်။ ချောက်မြို့၊ ဘိတ်မြို့၊ အထက်မင်းလှမြို့တို့တွင်လည်း ဆန္ဒပြသူတွေကို ပစ်ခတ်သတ်ဖြတ်ခဲ့သည်။ မော်လမြိုင်မြို့တွင်တော့ သြဂုတ်လ တတိယပတ်လောက်ကျမှ ပစ်ခတ်မှုဖြစ်ပွားခဲ့သည်။ သို့သော် ဆုံးရှုံးမှုက ကြီးသည်။ လူအများအပြား သေဆုံးခဲ့သည်။ 

မန္တလေးတွင်လည်း ဆန္ဒပြပွဲအစောပိုင်း၌ ပစ်ခတ်မှုကြောင့် လူနှစ်ယောက် သေဆုံးခဲ့သည်။ နေရာအနှံ့၊ မြို့အနှံ့တွင် ပစ်ခတ်နှိမ်နင်းခဲ့သော်လည်း ဘယ်နေရာတွင်မှ ပစ်ခတ်ဖြိုခွင်းသောကြောင့် ငြိမ်သက်မသွား။ ဆန္ဒပြပွဲတွေ ဆက်လက် ဖြစ်ပွားခဲ့လေသည်။ မန္တလေးတွင်လည်း ဆန္ဒပြပွဲသည် တန့်မသွား။ တန့်မသွားသည့်အပြင် သမဂ္ဂတွေ အစုံအလင် ထွက်ပေါ်လာသည်။ 

မြင်းလှည်းအစီးပေါင်း တစ်ထောင်ကျော် မောင်းနှင်ဆန္ဒပြသော မြင်းလှည်းသမဂ္ဂ ဆန္ဒပြပွဲမှာ မန္တလေး တမြို့တည်းတွင်သာမြင်ရသည့် မြင်ကွင်းဖြစ်သည်။ မြင်းလှည်းသမဂ္ဂ ဆန္ဒပြပွဲကြီးမှာ လှပင်လှနေသေးတော့သည်။ ရှင်ပြု အလှူပွဲကြီး ကျင်းပနေသလားဟု ထင်မှတ်မှားရသည်။ 

နောက်ကြည့်မှန် (မင်းကိုနိုင်) - ၂၂

“ငပိစားလို့ ဖြစ်တာကွ လူဆီက ကူးတာလည်း ပါတယ်။ ဟာ ... ငပိမစားလို့ ဘာသွားစားမလဲ။ ပေါက်ချင်လည်း ပေါက်ကွာ ပေါက်ရင် ကုတ်မယ် ဖဲ့မယ်” စသဖြင့် ဝဲရောဂါသည်များ တစတစ များလာပြီဖြစ်သည်။

ဖေသောင်းမှာ အတွေ့အကြုံရင့်နေသော ကျောင်းသားတယောက်၏စကားကြောင့် ရင်ခုန်စရာတခုရလာ၏။ 

“တို့တွေ မကြာတော့ပါဘူးကွာ ပြန်ရမှာပါ ... သူတို့ဘက်က အလှည့်အပတ်တခုခု လုပ်ကိုလုပ်ပြရမယ်။ အဲဒီမှာ တို့ပါသွားမှာပဲ ဒါပေမယ့် တိုက်ပွဲမပြီးသေးဘူး၊ ပွဲကြီးပွဲကောင်း ပြန်တွေ့ရဦးမယ်” ဟူသောစကားကို ကျေနပ်စွာနားထောင်ရင်း ရှဥ့်ကလေးများပုံကို မီးသွေးဖြင့် ခိုးကာ ရေးဆွဲနေမိသည်။ 

“ဒါ ဘာပုံလဲကွ” 

“ရှဥ့်လေကွာ” 

“ဘာလုပ်ရမှာလဲ ချက်စားလို့လည်း မရ” 

“ဟာ … ငါ သတိရတဲ့ ကောင်မလေးက ဆံပင်ရှည်ကြီး တဖားဖားနဲ့ကွ၊ ရှဥ့်နဲ့ ရှဥ့်အမြီး လိုက်ဖက်သလို သိပ်ကြည့်ကောင်းတယ်” 

“ဒါဆိုလည်း အဲဒီကောင်မလေးပုံ ဆွဲပါတော့လား ... လိုရင်းမရောက်ဘူး” 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၇

အခန်း - ၈ 

အမောင်ပြောက်ကျား၊ ချစ်သူအားကို 
ဘာများမှာခဲ့လိုသနည်း၊ 
ငယ်ကကြင်မြတ်၊ မိသက်မှတ်ကို 
ခွင့်လွှတ်ခဲ့ကြောင်း ပြောပါလေ။ 

(မင်းသုဝဏ်၊ သူ့မှာတမ်း) 

စစ်ကိုင်းမြို့ပေါ်မှ လူပေါင်းများစွာ ပျောက်ကွယ်သွားခဲ့သည်။ ထိုသို့ ပျောက်ကွယ်သွားကြသူတွေထဲတွင် မှိုင်းရာပြည့် ကျောင်းသားခေါင်းဆောင်ဟောင်း ဇော်မြင့်လည်း ပါသည်။ ထို့အပြင် ပြုံးလဲ့ယဉ်လည်း ပါလေသည်။ ပြုံးလဲ့ယဉ်သည် စစ်ကိုင်းမြို့မှ ပျောက်ခြင်းမလှ ပျောက်ကွယ်သွားလေသည်။ သူဘယ်ရောက်သွားသည်ကို ဘယ်သူမှ မသိကြတော့။ 

******** 

အခန်း - ၉ 

ညစ်ဆိုးအဖြစ်သနစ် 
လှစ်ခါပြရရင်တော့ 
တစ်ကိုးရှစ်ရှစ် ခေတ်အခါသမယမှာဖြင့်
မေတ္တာအလှတို့ ပျောက်ပျက်မှိန်
အော်.... သစ္စာဓမ္မတို့ ဖောက်ဖျက်ချိန်။ 

(အသင့်ပြင်ကြလော့၊ ၈ လေးလုံးကာလအတွင်းထွက်ပေါ်ခဲ့သော ကဗျာ။ ရေးသူ - အမည်မသိ) 

၁၉၈၈ ဇူလိုင်လ - သြဂုတ်လ၊ ရန်ကုန်။ 

ဖွဲမီးသည် တငွေ့ငွေ့တောက်လောင်နေသည်။ မီးအများဆုံးနှင့် လောင်စာ အများဆုံးနေရာမှာ ရန်ကုန်ဖြစ်သည်။ ကျောင်းတွေ ပိတ်သွားပြီဖြစ်သောကြောင့် မျိုးသိန်းလည်း အဆောင်မှ ထွက်ပေးလိုက်ရသည်။ သို့သော် သူသည် ရန်ကုန်မှ မထွက်ခွာသေး။ တိုက်ပွဲကို သူ မစွန့်ခွာနိုင်သေး။ တောင်ဥက္ကလာရှိ အဒေါ့်အိမ်တွင် ဆက်လက်တည်းခိုရင်း လှုပ်ရှားမှုအားလုံးနှင့် အဆက်မပြတ် ထိတွေ့နေသည်။ 

ဇွန်လ မြေနီကုန်းလှုပ်ရှားမှုတွင်လည်း သူ ပါဝင်ခဲ့သေးသည်။ ဇွန်လကုန်ပိုင်းတွင် ပဲခူးမြို့၌ လူထုလှုပ်ရှားမှု ပေါ်ပေါက်လာသောအခါတွင်လည်း သူသွားဖို့ ကြိုးစားလိုက်သေးသည်။ သို့သော် အစိုးရက ပုဒ်မ ၁၄၄ ထုတ်ပြန်လိုက်သောအခါ သူ မသွားဖြစ်တော့။ ရွှေတိဂုံဘုရားပေါ်က တရားပွဲတွေဆီကိုတော့ သူ မှန်မှန်ရောက်လေသည်။ ကျောင်းသားများသည် ရွှေတိဂုံဘုရားပေါ်တွင် သပိတ်စခန်း ဖွင့်လှစ်လိုက်လေပြီ။ 

နောက်ကြည့်မှန် (မင်းကိုနိုင်) - ၂၁

အမေ၏ စိုးရိမ်မှု မီးတောက်ကြီးကို ထင်းများထပ်မထိုးတော့သော်လည်း အပူရှိန်မကုန်သေးဘဲ တဝုန်းဝုန်းလောင်နေဆဲ။ “ငါ့မှာ အိပ်လို့တောင် မရဘူး၊ လွှတ်တဲ့လူကလည်း လွှတ်တယ်၊ သွားတဲ့သူကလည်း တကယ့်ပွဲကြီးမှ ရောက်အောင် သွားတယ်။ ငါမှာ ရသမျှဘုရားရှိခိုးတွေ ကုန်ပြီ” ဟု ပြောသည်။ 

အဖေ့ကို သတင်းစုံ မြင်ကွင်းစုံ သူမ ဖောက်သည်ချပြီး အိပ်ခန်းထဲဝင်နားတော့မယ် ဟုဆိုကာ အရင်ဆုံးလုပ်မိသော အလုပ်မှာ အိတ်ထဲမှ ဦးထုပ်ကိုထုတ်၍ ဆောင်းကြည့်ပြီး မှန်ထဲပြန်ကြည့်သည့် အလုပ်ပင်ဖြစ်တော့သည်။ သူမ မျက်နှာအစား ဦးထုပ်ပိုင်ရှင်၏ ကံကြမ္မာကို မှန်ထဲမြင်ရလျှင် ကောင်းပေစွ ဟု တမ်းတမိသော်လည်း သောကခိုးရိုက်၍ ညှိုးနေသော သူမ မျက်နှာကိုပင် ညို မြင်ရသည်သာ။ 

xxxxx xxxxxx xxxxxx 

ငှက်ပစ်ယောင်ဆောင်၍ အုန်းသိန်း ညိုတို့ခြံနောက် စည်းရိုးနား ကပ်ချောင်းသည်။ ရေကပြင်တွင် ခြေချထိုင်ရင်း ညို့လက်ထဲ လှည့်ပတ်ကြည့်နေသည်မှာ ဖေသောင်းဦးထုပ်မှန်း အုန်းသိန်း ချက်ချင်းမှတ်မိသွားပြီး စိတ်ထဲ ဖျဉ်းခနဲဖြစ်ကာ ဖေသောင်းပုံကို ပြန်မြင်ယောင်လာ၏။ 

ကံ့ကော်ပွင့်၏ သံမဏိဝတ်ဆံ (ဆက်နိုင်မင်း) - ၆

အခန်း - ၇ 

ကြည်နူးမှုရဲ့ အရိပ်ဝယ်၊
နှစ်သိမ့်စရာစကားတွေနဲ့ ဖောင်ဖွဲ့ကာပဲ 
အလွမ်းတွေ မပြေပါဘူးကွယ်၊ 
ကမ်းခြေဇေယျာဦးဝယ်။ 

(တေးရေး ကိုလှမိုး။ ကမ်းခြေဇေယျာဦး) 

၁၉၈၈ ခု သြဂုတ်လဆန်း၊ စစ်ကိုင်းမြို့။ 

 အေးစိမ့်သော ကျောက်စက်ရေတွေ မကြာခင်ကပင် ထည့်ထားခဲ့သည့် ဖလ်ခွက်တခွက်ထဲသို့ ကျိုက်ကျိုက်ဆူ လောင်မြိုက်သော ရေနွေးပူတွေ လောင်းချလိုက်သောအခါ ပို၍ ပြင်းထန်စွာ ပေါက်ကွဲဖို့ ဖြစ်လာလေသည်။ ပြုံးလဲ့ယဉ်၏အဖြစ်မှာ ထိုသို့နှင်နှင်သာတည်း။ 

******** 

ထိုနေ့သည် သူ့ဘဝတလျှောက်လုံးတွင် အမျှော်လင့်ကြီး မျှော်လင့်ပြင်ဆင်ခဲ့ရသော နေ့တနေ့ဖြစ်သည်။ သူ့ဘဝ၏ အချိန်တော်တော်များများကို ထိုနေ့အတွက်သာ ရည်စူးပြင်ဆင်ခဲ့လေသည်။ ထိုနေ့ကို အကောင်းဆုံးဖြတ်သန်းနိုင်ဖို့ အတွက် ရည်မှန်းကြိုးစားခဲ့လေသည်။ ထိုနေ့သည် ပြုံးလဲ့ယဉ်နှင့် ဇော်မြင့်တို့၏ မင်္ဂလာဦးနေ့ဖြစ်သည်။