NLD အပေါ် ပြည်ပအမြင်နဲ့လက်တွေ့ (အပိုင်း ၁)

ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ ရွေးကောက်ပွဲအောင်ပွဲ တနှစ်သက်တမ်းရှိလာပြီဖြစ်တဲ့ NLD ပါတီနဲ့ အစိုးရအပေါ် နိုင်ငံတကာသုံးသပ်ချက်တွေဟာ တကယ့်လက်ရှိအခြေအနေတွေနဲ့ ကိုက်ညီမှုရှိပါရဲ့လား။ ပြည်တွင်းအခြေစိုက် မီဒီယာသမားတွေဖြစ်ကြတဲ့ ရန်ကုန်သတင်းစာပညာကျောင်း ညွှန်ကြားရေးမှူး ဦးရဲနိုင်မိုး နဲ့ နိုင်ငံခြားသတင်းဌာနတခုရဲ့ ရန်ကုန်အခြေစိုက်သတင်းထောက်လည်းဖြစ် ဘလော့ဂါတဦးလည်းဖြစ်တဲ့ ဦးသီဟသွေးတို့နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။ ဒီကနေ့ထုတ်လွှင့်မယ့် ပထမပိုင်းမှာတော့ စီးပွားရေး၊ အုပ်ချုပ်ရေးကဏ္ဍ နဲ့ NLD အစိုးရအပေါ် လူထုထောက်ခံမှုအလားအလာတို့ကို ဆွေးနွေးထားပါတယ်။

ဦးကျော်ဇံသာ ။ ။ ဒီနေ့ ကိုရဲနိုင်မိုး နဲ့ ကိုသီဟသွေးတို့ကို ကျနော် ဖိတ်ခေါ်ရတဲ့ အကြောင်းရင်းကတော့ မြန်မာနိုင်ငံမှာ NLD ရွေးကောက်ပွဲနိုင်ခဲ့တာ တနှစ်ပြည့်မြောက်ခဲ့ပြီ ဖြစ်ပါတယ်။ မြန်မာနိုင်ငံရဲ့ သတင်းမီဒီယာလည်း ပွင့်လင်းမြင်သာမှု ရှိလာတယ်။ နိုင်ငံတကာကလည်း မြန်မာပြည်ထဲကို ပိုပြီးတော့ လာရောက်လေ့လာခွင့်တွေ ပိုရလာကြတယ်။ ပိုပွင့်လင်းလာကြတယ်ဆိုတော့ မြန်မာနိုင်ငံပေါ်မှာ နိုင်ငံတကာသတင်းလောက က သုံးသပ်ကြတာတွေဟာ တကယ်အဖြစ်မှန်ကို ထင်ဟပ်ရဲ့ လားဆိုတာကို ကျနော် သိချင်ပါတယ်။ ပထမဦးဆုံးကတော့ မြန်မာနိုင်ငံရဲ့  စီးပွားရေး တိုးတက်ဖွံ့ဖြိုးမှုနဲ့ ပတ်သက်ပြီးတော့ ပြောတဲ့နေရာမှာ နိုင်ငံတကာက အဓိက ထောက်ပြတာက ဘာမှပြောင်းလဲမှု မရှိသေးဘူးဆိုတဲ့သဘော တွေ့ရပါတယ်။ ဆိုတော့ မြန်မာနိုင်ငံအတွင်းမှာ NLD တက်လာပြီးနောက် စီးပွားရေး တိုးတက်ပြောင်းလဲမှု တစုံတရာ မရှိသေးဘူးဆိုတဲ့ ပြည်ပက ရေးသားချက်တွေကို ကိုရဲနိုင်မိုး စပြီးသုံးသပ်ပေးပါ။

ထာဝစဉ် မေတ္တာဓာတ်တိုးစေ ဖျန်းဆွတ်သော သင်္ကြန်ရေ ... (ဆူးငှက်)

မြန်မာ ကောဇာသက္ကရာဇ် ၁၃၁၃ ခုနှစ်အကူး မြန်မာသင်္ကြန်သည် ခရစ်နှစ် ၁၉၅၁ ခုနှစ်၊ ဧပြီလဖြစ်သည်။ ၁၃၁၃ ခုနှစ်၊ တန်ခူးလဆန်း ပထမပတ်သည် အတာသင်္ကြန်ကာလ ဖြစ်၏။ ထိုနှစ်သင်္ကြန်တွင်လည်း မန္တလေးမြို့၌ပင် နိုင်ငံတော် သမ္မတကြီးနှင့်အတူ (ထိုစဉ်က) နိုင်ငံတော်ဝန်ကြီးချုပ် ဦးနုနှင့် မိသားစုပါ၊ ပါဝင်ဆင်နွှဲကြသည်။ တိုင်းရင်းသားမျိုးနွယ်များပါ တပျော်တပါး ပါဝင်ဆင်နွှဲသဖြင့် မန္တလေးသင်္ကြန်သမိုင်း၌ 'ပြည်ထောင်စုသင်္ကြန်' အဖြစ် ထင်ရှားခဲ့သည်။

ထို့ကြောင့် ယခင်နှစ် ၁၃၁၂ ခုနှစ်(၁၉၅ဝ) သင်္ကြန်က ငြိမ်းချမ်းရေးသင်္ကြန်။ ယခုနှစ် ၁၃၁၃ (၁၉၅၁) သင်္ကြန်က ပြည်ထောင်စုသင်္ကြန်အဖြစ် (၂)နှစ်ဆက်တိုက် ဆင်နွှဲခဲ့ခြင်းဖြစ်သည်။ မန္တလေးမြို့၏ ယခုထက်တိုင် လူကြီးသူများ ပြောစမှတ်ပြုခဲ့သော အလွန်စည်ကားလှသည့် သင်္ကြန်များဖြစ်သည်။ `ပြည်ထောင်စုသင်္ကြန်' နှင့်ပတ်သက်၍ တခြား ပြောစမှတ်တခုမှာ ... မန္တလေး သင်္ကြန်၏ အထင်ကရ ပညာရှင်ကြီးများဖြစ်သော မြို့မငြိမ်း၊ ပန်းချီဦးဘသက်၊ ဦးကိုရင် (ဦးလေးရင်)၊ ဦးကိုလေး၊ တယောကိုကံ၊ တာပလာကိုထွန်းရင်၊ မီးပညာရှင် ဦးဘရှင်တို့သည် ပင်မမူလလက်ဟောင်း မြို့မအသင်း ဦးစီးဦးကိုင် မြို့မအသင်းသားဟောင်းများဖြစ်သော်လည်း ထိုနှစ်က မြို့မအသင်းနှင့် အဆင်မသင့် ခွဲခွာကာ ဦးကိုလေး၏ တောင်မြို့ AMBA မော်တော်ယာဉ်အသင်းကို ဦးစီးပြီး စောင်းကောက်ပုံ အလှပြယာဉ်ကြီးဖြင့် ဆန်းသစ်ထူးခြားစွာ ရေသဘင်ပွဲ ဆင်နွှဲခဲ့သည်။

စစ်တပ်သည် ဒီမိုကရေစီအတွက် အဟန့်အတားလော ...

ဒီတပတ် မြန်မာ့မျက်မှောက်ရေးရာ သုံးသပ်ချက်အစီအစဉ်မှာ မြန်မာနိုင်ငံမှာ NLD အစိုးရနဲ့ စစ်တပ် အကြားဆက်ဆံရေး ခနော်ခနဲ့ဖြစ်နေတဲ့အတွက် ဒေါ်အောင်ဆန်းစုကြည်အဖို့ အထူးသတိထား လျှောက်လှမ်းနေရတယ်လို့ မြန်မာ့အရေးကျွမ်းကျင်သူ အမေရိကန်ပါမောက္ခ David Steinberg က သုံးသပ်ပါတယ်။ ဒါဆိုရင် မြန်မာစစ်တပ်သည် ဒီမိုကရေစီဖော်ဆောင်ရေးအတွက် အဟန့်အတားကြီး ဖြစ်နေပါသလား။ ပါမောက္ခ Steinberg နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ မြန်မာနိုင်ငံ ဒီမိုကရေစီဖော်ဆောင်ရေးအတွက် စစ်တပ်ဟာ အမှန်တကယ် ပူးပေါင်းဆောင်ရွက်နေတယ်လို့ ထင်ပါသလား။

Prof. Steinberg ။ ။ ဒီမိုကရေစီ ဖော်ဆောင်ရေးဆိုတာ အင်မတန် ရှုပ်ထွေးတဲ့စကားလုံးပါ။ စစ်တပ်ဟာ ဒီမိုကရေစီ ဖော်ဆောင်ရေးကို ဘယ်တော့မှ သဘောမတူပါဘူး။ ဒီမိုကရေစီ ပေါက်မြောက်အောင်မြင်ရေးကို စည်းကမ်းနဲ့ ထိန်းချုပ်ဖို့ လိုလားပါတယ်။ ဒါက ထူးခြားပါတယ်။ တနည်းပြောရရင် ပြုပြင်ထားတဲ့ ဒီမိုကရေစီပုံစံမျိုးပါ။ လူအများကို ကိုယ်စားပြုတဲ့ စနစ်ပါ။ အလုပ်ဖြစ်နေတယ်။ ဒါပေမဲ့ ပြည့်စုံတဲ့ ဒီမိုကရေစီ မဟုတ်ပါဘူး။ စစ်တပ်က အရေးကြီးတဲ့ ဝန်ကြီးဌာနတွေနဲ့ အောက်ခြေအုပ်ချုပ်ရေးကို ချုပ်ကိုင်ထားလို့ ဖြစ်ပါတယ်။ ဆိုတော့ အရပ်သားတပိုင်း၊ စစ်သားတပိုင်း အုပ်ချုပ်ရေး ဖြစ်နေပါတယ်။

လင်းခါး (မောင်လွမ်းဏီ)

ဘီယာနဲ့ ကွမ်းနံ့
သင်းပျံ့တဲ့ လမ်းမတွေကို
ဆည်းဆာညို နီစိုစိုဖြန်းတိုင်း
လွမ်းရတုတွေ ထုဆစ်ဖြစ်တတ်တယ်
ယဉ်ကျေးခြင်းသီဝရီ။

စာအုပ် ဖုန် ကြက်မွှေး
သွေးသား မိတ်ဆွေ ရဲဘော် အိမ်နားနီးချင်း
အင်ဖော်မေးရှင်းခေတ်
ဒီခေတ်က မတူးဆွလည်း
ဝတ်မှုံကူးခွင့်
ကြုံလင့်ရတာကိုက ကံအကြောင်းတရားလှတယ်
အမေတူးက ပိုလှတယ်
တော်လှန်ရေးသီဝရီ။

ကျနော့်မြို့ကို မပြန်ရဲဘူး (မောင်လွမ်းဏီ)

ကျနော်က 
ဒီမြို့ဟာ နေဖို့မကောင်းတော့ဘူးလို့ ရေးတယ်။ 
သူကတော့ 
သူတို့မြို့ဟာ ပျော်စရာကောင်းတယ်တဲ့။
ယောဟန်အောင်

ငါတို့မြို့က
ပျော်စရာကောင်းတယ်
စောနဒီ (မြစ်ကြီးနား)

နေဖို့ မကောင်းဘူး ကဗျာဆရာတွေနဲ့
ပျော်တဲ့ကဗျာဆရာတွေ ဖွဲ့သီတာ
ခံစားရတာကြောင့်လည်းပါ။

အောင်ဆန်းတံတားတော့ မဟုတ်ပါဘူး
(ဗိုလ်အောင်ဆန်းက အာဇာနည်သူရဲကောင်းကြီးပါ)
နတ်မောက်ကလည်း မင်းဘူး - မကွေး - နတ်မောက်
ဝန်ရိုးစွန်းမတည့်တတည့်လောက်ကျမယ့် မြေလတ်မြို့တွေပါ။ ထား။

ထ - ထမနဲ၊ တပို့တွဲ (ဆူးငှက်)

တပို့တွဲ တဲ့။

ငယ်ငယ်ကတော့ နှာရည်ယိုရွဲ တပို့တွဲဟု အော်ဟစ်သီဆိုခဲ့ရ၏။ ကျောင်းရောက်တော့ ထ-ထမနဲ၊ တပို့တွဲ ဟု သင်အံခဲ့ရသေးသည်။ ဟုတ်သည်။ တပို့တွဲလက အေးမြနေသည်။ နှင်းတို့တဖွဲဖွဲကျ၏။ မနက်စောစော ဖလန်နယ်အနွေးထည် အထပ်ထပ်ဝတ်ပြီး၊ လက်ကလေးနှစ်ဖက်ပိုက်၍ တုန်ခိုက်ကာ ချမ်းလိုက်တာဟု ပြောလျှင် ဦးကြီးက ချမ်းတာမဟုတ်ဘူး၊ အေးတာကွဟု ဆိုလျှင် ဦးကြီးနှယ် ကပ်သီးကပ်သပ်နိုင်ရန်ကော ချမ်းတာနဲ့ အေးတာ အတူတူပဲ မဟုတ်ဘူးလားဟု စောဒကတက်မိသည်။ အခုမှပဲ ချမ်းတာနှင့် အေးတာကွဲပြားသည်ကို သိရတော့၏။ ချမ်းတာက ကိုယ်ရေးကိုယ်တာ၊ အေးတာက ဥတုရာသီဆိုင်ရာ။ သည်လိုပဲ အကြမ်းသဘော မှတ်ထားပါ၏။

မည်သို့ဆိုစေ ... တပို့တွဲလက အေးမြလှချည့်။ ထို့ကြောင့် ခိုက်ခိုက်တုန်မျှ ချမ်းသည်။ နတ်တော်၊ ပြာသို၊ တပို့တွဲဟူသော ဆောင်းရာသီ၏ ဇာတ်လိုက်သုံးလထဲတွင် တပို့တွဲကိုဖြင့် စွဲမြဲမှတ်ထင် သတိရနေသည်။ သို့မဟုတ် လွမ်းဆွတ်နေသည်။ 

မယ်လ မှာ ယုံကြည်မှု ပျောက်ဆုံးခြင်း

ထိုင်းနယ်စပ် မြန်မာဒုက္ခသည်စခန်းတွေမှာ လူ တသိန်းကျော် နေနေကြပါတယ်။ ဒီမှာ ပြည်တွင်းစစ် ပဋိပက္ခတွေက လွတ်အောင် ထွက်ပြေးလာကြတဲ့ လူမျိုးစုတွေ နေထိုင်ကြပါတယ်။ 

ဆယ်စုနှစ်တွေနဲ့ချီ နေကြတာမို့ သူတို့သားသမီးတွေပါ ဒီမှာ ကြီးပြင်းကြပါတယ်။ အမျိုးသမီးတွေ ကိုယ်ဝန်ဆောင်နဲ့ မီးဖွားပြီး စိတ်ဓာတ်ကျတာကို လေ့လာဖို့ Gracia Fellmeth ဒီစခန်းတွေကို မနှစ်က ရောက်လာခဲ့ပါတယ်။ 

မဲဆောက်က တနာရီလောက် ဘတ်စ်ကားစီးလိုက်ရင် တောထဲက မယ်လစခန်းကို ရောက်ပါတယ်။ မနက်ခင်း မြူတွေ မှိုင်းတွေနဲ့ ထောင်နဲ့ချီတဲ့ ဝါးတဲလေးတွေကို ထုံးကျောက်တောင်စွန်းတွေမှာ အစီအရီ တွေ့ရပါတယ်။

ဒီမြို့ဟာ နေဖို့မကောင်းတော့ဘူး (ယောဟန်အောင်)

ဒီမြို့ဟာ နေဖို့မကောင်းတော့ဘူး
ငါတို့ကြားထဲ ဆူးခံ
သူစိမ်းဆန်ဆန် ဖြစ်လာကတည်းကပေါ့။

ဒီမြို့ဟာ တတိယကမ္ဘာဆန်ဆန် မွမ်းမံထားတဲ့မြို့ပါ။
ဆင်းရဲသားနဲ့ ကျူးကျော် ထူပြောတယ်၊
ရောဂါဘယနဲ့ တပွဲထိုး ကုထုံး reform တွေပေါတယ်
ကားလမ်းချိုင့်ခွက်ပေါတယ်
အပြော ညာမီးပြပြီး၊ အလုပ်ဘယ်ဖက် ကွေ့ချသွားတဲ့ ကားတွေများတယ်
လာဘ်ခေါ်ပါးစပ်တွေ ပေါတယ်
အိပ်ကပ်ဖောင်းရေး ပိုက်ဆံထည့်ဖို့လောက်ပဲ ကြည့်နေတဲ့သူတွေများတယ်
မုဆိုးတွေ တောလည်တယ်
လက်ညှိုးတကွေးမှာ မနက်ဖြန်တွေ ထွေးကနဲ ပုံကျသွားနိုင်တယ်။

မီး (နေဇော်နိုင်)

ရှေးလူတွေက
ကျောက်ခဲချင်း မီးပွင့်စေတယ်
နှောင်းလူတွေကျတော့
သေနတ်ပြောင်းမှာ မီးပွင့်တယ်
လူချင်းအတူတူမှာ
သမိုင်းဟာ ဘာကြောင့်ယိုင်နဲ့ သွားရတာလဲ။

နေဇော်နိုင် 
၃ စက်တင်ဘာ ၂၀၁၆ 

ကွန်မြူနစ်ဆိုတာ (ဒဂုန်တာရာ)

လူငယ်လည်း ဖြစ်ရမည်၊ အဝတ်အစား ခပ်စုတ်စုတ် ခပ်နွမ်းနွမ်းနှင့်၊ (ဒါမှပစ္စည်းမဲ့ သရုပ်ပေါ်ပေမည်ကိုး) မော်တော်ကားခန့်ခန့်၊ ဆိုဖာ၊ အိုက်စကရင်နှင့် ကိတ်မုန့်၊ စန္ဒယား စသည်တို့နှင့် မနီးစပ်ရ။ (တောအောင်းနေနိုင်က ပိုကောင်းမည်) အကြမ်းပတမ်း လက်နက်ကိုင်ထကြွမှုကို လိုလားသူ။ ယေဘူယျ လူအများက ကွန်မြူနစ်ဆိုလျှင် ဤသို့ဘဲဟု အောက်မေ့လျက်ရှိကြသည်။

ကွန်မြူနစ်ဆိုသူမှာလည်း စင်စစ်၊ သွေးနှင့်သားနှင့် ပြုလုပ်ထားသော သတ္တဗေဒ အကောင်အထည် လူပင်ဖြစ်ပါသည်။ လူဆိုသည်မှာ တဏှာပေမကို မပယ်နိုင်သူ၊ ဆန့်ကျင်ဘက်လိင်ကို တောင့်တသော သွေးစိတ်သားစိတ်၊ မိမိသာလျှင် တွင်ကျယ်ချင်သော အတ္တစိတ်၊ တခါတရံ အမှောင်ကဲ့သို့ မိုက်မဲတတ်သော မောဟစိတ် စသည်တို့နှင့် ပြည့်စုံသော လူပင် ဖြစ်သည်။ အဘိဓမ္မာဆရာကြီး ဒေါက်တာဂျုတ် ပြောသကဲ့သို့ 'လူသည် မိမိသာ လူတွင်ကျယ်ဖြစ်ကြောင်း ပြလိုသည်' ဆိုသော လူပင်ဖြစ်သည်။ လူဆိုသည်မှာ ဘယ်သူပဲဖြစ်ဖြစ်၊ အတူတူချည်းပဲ ဖြစ်သည်။