ဒေါ်အောင်ဆန်းစုကြည် ရဲ့ Reith Lectures (နိဂုံးပိုင်း)

ကျွန်မတို့ဟာ အတိုက်အခံ ပါတီတစ်ခုရဲ့လုပ်ငန်းလို့ ယူဆနိုင်တဲ့ အစိုးရတစ်ဖွဲ့နေရာမှာ အခြား အစိုးရတစ်ဖွဲ့ကို အစားထိုးရုံမျှ လုပ်ငန်းကို လုပ်ကိုင်နေခဲ့တာ မဟုတ်ပါဘူး။

နိုင်ငံရေးလှုပ်ရှားသူတွေရဲ့အလုပ်ပဲလို့ မျှော်လင့်ထားမှုရှိနိုင်သလို စံနစ်ကြီးအတွင်းမှာ ဟိုအချက် ဒီအချက် ပြောင်းလဲ ပြင်ဆင်ပေးပါရယ်လို့ အရေးဆိုရုံမျှ လုပ်ကိုင်နေတာလည်း မဟုတ်ပါဘူး။ ကျွန်မတို့ရဲ့ ပြည်သူလူထုကြီးအတွက် ကျွန်မတို့ရဲ့ လိုအင်ဆန္ဒပေါင်းစုံအကျုံးဝင်တဲ့ အခြေခံမူကြီးတစ်ခုအတွက် အလုပ်လုပ်နေတာ အသက်ရှင်နေတာ ဖြစ်ပါတယ်။

တကယ်ဆိုတော့ ကျွန်မတို့ရဲ့ လိုအင်ဆန္ဒတွေဟာ အခြား အခြားသော နိုင်ငံတွေက ပြည်သူလူထုတွေရဲ့ လိုအင်ဆန္ဒတွေနဲ့ အလွန်အမင်း ခြားနားခြင်း မရှိပါဘူး။

စစ်အစိုးရက ကျွန်မတို့ကို အခြား ကမ္ဘာ့ပြည်သူတွေနဲ့ အဆက်အသွယ်ကင်းကွာအောင် အပြင်းအထန် ကြိုးစားပေမယ့် ကျွန်မတို့ဟာ ကျွန်မတို့ရဲ့တိုက်ပွဲမှာ တကိုယ်တည်း အထီးကျန်နေတဲ့ ခံစားချက်ကို တခါမျှ မခံစားခဲ့ပါဘူး။

အဲဒီလို မခံစားခဲ့ရတာက ဘာကြောင့်လဲဆိုတော့ လူထုကို ပြောရေးဆိုခွင့်ပိတ်ပင်တဲ့ အာဏာရှင် အုပ်ချုပ်ရေးစနစ်နဲ့ ဖိနှိပ်ချုပ်ချယ်မှုကို ဆန့်ကျင်တဲ့တိုက်ပွဲဟာ လူသားလောက ကမ္ဘာကြီးတစ်ခုလုံးမှာ ပျံ့နှံ့ပြီး နိုင်ငံရေး နယ်နမိတ်နဲ့ ယဉ်ကျေးမှု နယ်နိမိတ်တွေကို ဖြတ်ကျော်နေလို့ ဖြစ်ပါတယ်။

ကျွန်မ နေအိမ်အကျယ်ချုပ်နဲ့ နေရစဉ်နှစ်တွေအတွင်းတုန်းက အပြင်လောကကြီးနဲ့ ကျွန်မ အဆက်အသွယ်ဖြစ်တဲ့ ရေဒီယိုကြောင့် ကျွန်မဟာ ကျွန်မ နေထိုင်တဲ့လမ်းထိပ်ကိုရောက်ဖို့ လွယ်ကူသလောက် ကမ္ဘာကြီးရဲ့ အစွန်အဖျားကို ရောက်ဖို့ လွယ်ကူခဲ့ပါတယ်။

ဘာလင် တံတိုင်းကြီးဖြိုချလိုက်တဲ့အကြောင်း၊ ဆိုဗီယက်အုပ်စု ပြိုကွဲသွားတဲ့အကြောင်း၊ ချီလီနိုင်ငံမှာ အခြေခံဥပဒေပြောင်းလဲရေး ဆောင်ရွက်ပုံအကြောင်း၊ တောင်ကိုရီးယားနိုင်ငံမှာ ဒီမိုကရေစီစံနစ်ထူထောင်မှု တိုးတက်နေပုံအကြောင်း၊ တောင်အာဖရိကနိုင်ငံမှာ လူမျိုး အသားရောင်ခွဲခြားမှုစံနစ် ဖျက်သိမ်းခဲ့ပုံအကြောင်းတွေကို ကျွန်မ သိခဲ့ရတာ ရေဒီယိုကတဆင့် ဖြစ်လို့ပါပဲ။

ကျွန်မရဲ့အိမ်နဲ့ကပ်နေတဲ့ အနီးပတ်ဝန်းကျင်မှာ (NLD) အဖွဲ့ချုပ်ကဆောင်ရွက်နေတဲ့ လုပ်ငန်းတွေအကြောင်းကို ကျွန်မ ကြားခဲ့ရတာဟာ ရေဒီယိုကတဆင့် ဖြစ်ပါတယ်။

ကျွန်မရဲ့မိသားစုဆီကပို့လို့ ပြတ်တောင်း ပြတ်တောင်း ကျွန်မ ရခဲ့တဲ့စာအုပ်တွေအထဲမှာ Vaclav Havel ရေးတဲ့ကျမ်းတွေ၊ Zakharov ရဲ့ ဘဝမှတ်တမ်းတွေ၊ Nelson Mandela နဲ့ Rinnie Mandela တို့ရဲ့အတ္ထုပ္ပတ္တိတွေ၊ Timothy Garton Ash ရဲ့ အရေးအသားတွေ ပါဝင်ခဲ့ပါတယ်။ ဥရောပမှာဖြစ်ဖြစ်၊ တောင်အာဖရိကမှာဖြစ်ဖြစ်၊ တောင်အမေရိကမှာဖြစ်ဖြစ်၊ အာရှမှာဖြစ်ဖြစ် တရားမျှတမှုနဲ့ လွတ်လပ်မှုကိုတောင်းဆိုနေကြတဲ့ ပြည်သူလူထုတွေရှိကြတဲ့နေရာတိုင်းမှာ ကျွန်မတို့ရဲ့ မိတ်ဆွေတွေနဲ့ မဟာမိတ်တွေ ရှိကြပါတယ်။

ကျွန်မ နေအိမ်အကျယ်ချုပ်ကလွတ်လာတဲ့အခါမှာ တောင်အာဖရိကနိုင်ငံက လူမဲပြည်သူတွေရဲ့ သတ္တိ ဗျတ္တိနဲ့ ဒုက္ခ သုက္ခများအကြောင်း အမှန်တရားနဲ့အညီ နေထိုင်ခြင်းအကြောင်း၊ အင်အားမဲ့သူတို့ရဲ့ အင်အားအကြောင်း၊ ကျွန်မတို့ရဲ့တိုက်ပွဲဟာ ကျွန်မတို့ရဲ့ဘဝဖြစ်သလို သူတို့ရဲ့တိုက်ပွဲဟာ သူတို့ရဲ့ဘဝဖြစ်တယ်လို့ ယုံကြည်ကြသူတွေဆီက ကျွန်မတို့ယူနိုင်တဲ့ သင်ခန်းစာများအကြောင်းတွေကို အခါအခွင့်သင့်တိုင်း ကျွန်မတို့ရဲ့အဖွဲ့တွေကို ကျွန်မ ပြောခဲ့ပါတယ်။

ကျွန်မဟာ အရှေ့ဥရောပနိုင်ငံများက ဒီမိုကရေစီရေးလှုပ်ရှားမှုအကြောင်းကို မကြာခဏ ပြောခဲ့လို့ ဖြစ်ကောင်းဖြစ်နိုင်ပါတယ်။ ကျွန်မကို Dissident (အစိုးရဝါဒ ဝေဖန်သူ) တစ်ယောက်ရယ်လို့ ခေါ်ဝေါ် သုံးနှုန်းလာကြပါတယ်။

မူလက Vaclav Havel ဟာ Dissident (အစိုးရဝါဒ) ဝေဖန်သူဆိုတဲ့ ဝေါဟာရကို ကျေနပ်အားရရှိခဲ့ဟန် မတူပါဘူး။ ဘာကြောင့်လဲဆိုတော့ ဒီဝေါဟာရဟာ (Czechoslovakia) နိုင်ငံက လူ့အခွင့်အရေး လှုပ်ရှားမှုမှာပါဝင်တဲ့ သူနဲ့ အခြားသူတွေကို အနောက်တိုင်း သတင်းသမားတွေက ခတ်နှိပ်ခဲ့တဲ့တံဆိပ် ဖြစ်လို့ပါပဲ။

အဲဒီနောက်မှာ သူက သူ့တိုင်းပြည်မှာ ဖြစ်ပျက်နေတာတွေနဲ့ အဆက်အစပ်ပြုပြီး အစိုးရဝါဒ ဝေဖန်သူတွေနဲ့ အစိုးရဝါဒ ဝေဖန်ရေးလှုပ်ရှားမှုကို ဘယ်လို အဓိပ္ပာယ်ဖွင့်ဆိုသင့်ကြောင်း အသေးစိတ် ရှင်းလင်းခဲ့ပါတယ်။ သူရဲ့ ယုံကြည်ချက်က အစိုးရဝါဒ ဝေဖန်ရေး လှုပ်ရှားမှုတစ်ခုရဲ့ အခြေခံလုပ်ငန်းဟာ အမှန်တရားရဲ့အကျိုးအတွက် ရွက်ဆောင်ဖို့ ဖြစ်တယ်။

ဆိုလိုတာက လူ့ဘဝ ရည်ရွယ်ချက် အစစ်အမှန်တွေရဲ့အကျိုးအတွက် ရွက်ဆောင်ဖို့ ဖြစ်တယ်။ အဲဒီလို ရွက်ဆောင်ကြိုးပမ်းမှုဟာ လူပုဂ္ဂိုလ်အသီးသီးနဲ့ သူတို့ရဲ့ လွတ်လပ်ပြီး အမှန်တရားနဲ့ညီတဲ့ ဘဝနေထိုင်ပိုင်ခွင့်ကို ကာကွယ်မှုအဆင့်ရောက်အောင် တိုးတက်သွားသင့်တယ်။ ဆိုလိုတာက လူ့အခွင့်အရေး ကာကွယ်မှုနဲ့ တရားဥပဒေ လေးစားရေးအတွက် တိုက်ပွဲဝင်မှုတို့ဖြစ်တယ်ဆိုတဲ့ ယုံကြည်ချက်ပါပဲ။

ဒီလိုဖွင့်ဆိုပုံဟာ လွန်ခဲ့တဲ့ နှစ်တွေမှာ (NLD) အဖွဲ့ချုပ်က ဆောင်ရွက်နေခဲ့တာဖြစ်တဲ့ လုပ်ငန်းတွေကို အင်မတန် အားရဖွယ်ကောင်းလောက်အောင် ဖော်ပြနေသလားမှတ်ခဲ့ရလို့ ကျွန်မတို့ဟာ အစိုးရဝါဒ ဝေဖန်သူတွေဖြစ်တယ်ဆိုတာကို ကျွန်မ ကျေကျေနပ်နပ် လက်ခံခဲ့ပါတယ်။

အာဏာပိုင်တွေရဲ့ မျက်လုံးနဲ့ ကြည့်ပြီးမြင်တဲ့ ကျွန်မတို့ပါတီရဲ့ တရားဝင်အနေအထားဟာ အရေးမကြီးလှပါဘူး။

ဘာကြောင့်လဲဆိုတော့ အစိုးရဝါဒ ဝေဖန်သူတွေအနေနဲ့ ကျွန်မတို့ရဲ့ အခြေခံလုပ်ငန်းဟာ လွန်ခဲ့တဲ့ နှစ်တွေမှာရှိခဲ့တဲ့ အနှစ်သာရအတိုင်း တည်မြဲနေပြီး ကျွန်မတို့ရဲ့ အစိုးရဝါဒဝေဖန်ရေး ရည်ရွယ်ချက်တွေဟာလည်း လွန်ခဲ့တဲ့နှစ်တွေမှာရှိခဲ့တဲ့ အနှစ်သာရအတိုင်း တည်မြဲနေလို့ ဖြစ်ပါတယ်ရှင်။

သရုပ်ဖော် ကောက်ကြောင်းပန်းချီ - မင်းကျော်ခိုင်