ဒီလိုဈေးကျတာကြောင့် ပို့ကုန်လုပ်ငန်းရှင်တွေ၊ ဒေါ်လာနဲ့လစာရသူတွေ၊ ပြည်ပမှာ စီးပွားရှာပြီး ပြည်တွင်းက မိသားစုကို ငွေပြန်ပို့နေသူတွေကတော့ ထိခိုက်နေပြီး ဒီ ဒေါ်လာဈေး ပြန်တက်ဖို့တော့ လောလောဆယ် မဖြစ်နိုင်သေးဘူးလို့ ပြည်တွင်းက စီးပွားရေးလုပ်ငန်းရှင်တဦးဖြစ်တဲ့ ဦးနှင်းဦးက ပြောပါတယ်။
သူအကြောင်းပြတာကတော့ ပြည်တွင်းမှာရှိနေတဲ့ ဒေါ်လာတွေက လိုတာထက် များနေလို့လို့ ဆိုပါတယ်၊ ဒေါ်လာဈေး ကျနေတာဟာ စိုးရိမ်စရာကောင်းပြီး အနုတ်လက္ခဏာဆောင်နေတယ်လို့ သုံးသပ်ရတဲ့အကြောင်း ဦးနှင်းဦးက ပြောပါတယ်။
၁၀၀၀ တန် မြန်မာကျပ်ငွေများ
အခုလို ဈေးတွေကျတော့ ပို့ကုန်လုပ်ငန်းရှင်တွေ၊ ပို့ကုန်ကို အခြေခံတဲ့ ထုတ်လုပ်သူတွေ၊ လယ်ယာကို အခြေခံတဲ့ လယ်သမားတွေ၊ ခြံသမားတွေ အကုန်ထိခိုက်မှာပဲလို့ သူက ဆိုပါတယ်။
မြန်မာ့စီးပွားရေးတည်ဆောက်ပုံကိုက ကသောင်းကနင်း ဖြစ်နေတယ်၊ သဘာဝ သယံဇာတ ထုတ်ရောင်းတာတွေနဲ့ ချေးငွေရယူတာတွေကများနေပြီး ကုန်ထုတ်လုပ်ငန်း ဦးစီးတဲ့ စီးပွားရေး ပြုပြင်ပြောင်းလဲမှုမရှိသေးသရွေ့တော့ ဒီလိုပဲ ငွေကြေးနဲ့ စီးပွားရေး ပြဿနာတွေဖြစ်နေဦးမှာပဲလို့ ဦးဇော်ဦးက သုံးသပ်ပါတယ်။
သတင်း - ဘီဘီစီ၊ ဓာတ်ပုံ - အေပီ
No comments:
Post a Comment