ဒီနေ့ဖတ်စရာ သတင်းများ (ဇွန်လ ၈ ရက်)

- လွတ်လပ်တဲ့ တရားစီရင်ပိုင်ခွင့်ရှိဖို့ ဒေါ်စု ပြော
- ဒေါ်အောင်ဆန်းစုကြည် ကနေဒါ လူ့အခွင့်အရေးဆု ရရှိပြန်
- လှိုင်သာယာမှာ အထည်ချုပ်စက်ရုံ အလုပ်သမားတွေ ဆန္ဒပြ
- DKBA၊ KNU ပူးပေါင်းတပ်နဲ့ အစိုးရတပ် တိုက်ပွဲဖြစ်
- မြန်မာ့အရေး ကော်မရှင်ဖွဲ့ စုံစမ်းဖို့ UPR အဆင့်တခု ဖြစ်နိုင်
- ဆီးရီးယား အစိုးရ နှိပ်ကွပ်မှုဘေး မြို့ခံတွေ စိုးရိမ်
- ကျောင်းနှင့် ဆေးခန်းအတွက် ဆိုပြီး အာဏာပိုင်များက မတရား ငွေကောက်
- ဂျာမဏီနိုင်ငံ လူအခွင့်အရေးအဖွဲ့ ဥက္ကဋ္ဌ နဲ့ ဒေါ်အောင်ဆန်းစုကြည် တွေ့ဆုံဆွေးနွေး
- ကမ္ဘာ့အခြေအနေကို အစိုးရသစ် နားလည်ပေမယ့် ပြောင်းလဲမှု မမြန်ဆန်နိုင်
- စစ်ဘက် အရာရှိနှင့် အချင်းများမှု လူငယ်တဦး ဒဏ်ရာရ
- ၇၄ မျိုးဆက်များ ရန်ကုန်တွင် တွေ့ဆုံ
- ရှေးဟောင်းဘုရား နေပြည်တော်သို့ မပင့်၍ ရခိုင်လူထု ဝမ်းမြောက်
- လုပ်ငန်းခွင်အတွင်း ဖိနှိပ်မှုများကို မကျေနပ်၍ အလုပ်သမားများဆန္ဒပြ
- လက်ဖက်လုပ်ငန်း လက်ဝါးကြီး အုပ်ခံရမှုအပေါ် တအာင်းလုပ်ငန်းအဖွဲ့ စာတမ်းထုတ်ပြန်

လွတ်လပ်တဲ့ တရားစီရင်ပိုင်ခွင့်ရှိဖို့ ဒေါ်စု ပြော

By မနန္ဒာချမ်း အင်္ဂါ, 07 ဇွန် 2011

မြန်မာနိုင်ငံမှာ လူ့အခွင့်အရေး အခြေအနေ တိုးတက် ကောင်းမွန်လာဖို့ ဆိုရင် လွတ်လပ်တဲ့ တရားစီရင်ပိုင်ခွင့်ရှိဖို့ လိုအပ်တယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဒီကနေ့ ပြောဆိုလိုက်ပါတယ်။

မြန်မာနိုင်ငံမှာ ရောက်ရှိနေတဲ့ ဂျာမန် လူ့အခွင့်အရေး မူဝါဒနဲ့ လူသားချင်း စာနာထောက်ထားမှုဆိုင်ရာ ကော်မရှင်နာ မင်းကြီးနဲ့ ဒေါ်အောင်ဆန်းစုကြည်တို့ တွေ့ဆုံချိန်မှာ အခုလို ပြောဆိုခဲ့တာ ဖြစ်ပါတယ်။ အပြည့်အစုံကို ဆက်သွယ်မေးမြန်းထားတဲ့ မနန္ဒာချမ်းက တင်ပြပေးထားပါတယ်။

ဂျာမန် လူ့အခွင့်အရေး မူဝါဒနဲ့ လူသားချင်း စာနာထောက်ထားမှုဆိုင်ရာ ကော်မရှင်နာမင်းကြီး မာကပ်စ် လွန်းနင်း (Markus Loning) ဦးဆောင်တဲ့ ကိုယ်စားလှယ်အဖွဲ့နဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် NLD ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်း၊ ဦးဟန်သာမြင့်တို့နဲ့ ဒေါ်အောင်ဆန်းစုကြည်ရဲ့ နေအိမ်မှာပဲ ဒီမနက် တွေ့ဆုံခဲ့ကြတာပါ။

အဲဒီလို တွေ့ဆုံချိန်မှာ မြန်မာနိုင်ငံရဲ့ လူ့အခွင့်အရေး အခြေအနေတွေနဲ့ ပတ်သက်လို့ မြန်မာအစိုးရ တာဝန်ရှိသူတွေနဲ့ နေပြည်တော်မှာ ဆွေးနွေးဖြစ်ခဲ့တဲ့အကြောင်း ဂျာမန် လူ့အခွင့်အရေး ကော်မရှင်နာမင်းကြီး မားကပ်စ်က ပြောပြခဲ့သလို ဒေါ်အောင်ဆန်းစုကြည်ဘက်ကလည်း မြန်မာနိုင်ငံမှာ လက်ရှိ ဖြစ်ပျက်နေတဲ့ လူ့အခွင့်အရေး အခြေအနေတွေ၊ တိုင်းရင်းသား ဒေသတွေမှာ ဖြစ်ပျက်နေတဲ့ အခြေအနေတွေနဲ့ ပတ်သက်လို့ ဆွေးနွေးခဲ့ကြတာ ဖြစ်ပါတယ်။

ဒီနေရာမှာ ဒေါ်အောင်ဆန်းစုကြည်က ဒီမိုကရေစီ ထွန်းကားတဲ့ နိုင်ငံတော်သစ်ဆီကို ဦးတည် လျှောက်လှမ်းနေတဲ့ မြန်မာနိုင်ငံမှာ ဒီလို လူ့အခွင့်အရေး အခြေအနေတွေ တိုးတက် ကောင်းမွန်လာစေဖို့ ဆိုရင် လွတ်လပ်တဲ့ တရားစီရင်ပိုင်ခွင့် ရှိဖို့ လိုအပ်တဲ့အကြောင်း၊ ဒီကိစ္စကိုလည်း သမ္မတ ဦးသိန်းစိန်ဆီကို စာပေးပို့ခဲ့ကြောင်း ရှင်းပြခဲ့တယ်လို့ တွေ့ဆုံမှုမှာ ပါဝင်တဲ့ NLD ပြောခွင့်ရပုဂ္ဂိုလ် ဦးဉာဏ်ဝင်းက ပြောဆိုခဲ့ပါတယ်။

“ဒေါ်အောင်ဆန်းစုကြည် ရှင်းပြခဲ့တယ်။ ရှင်းပြခဲ့တာ ဘာလဲဆိုတော့ လူ့အခွင့်အရေးဆိုတဲ့ နေရာမှာ အရေးအကြီးဆုံးက၊ အားလုံးကို အချုပ်အကိုင် ဖြစ်နေတာက လွတ်လပ်တဲ့ တရားစီရင်မှုပဲ။ အဲဒီလို လွတ်လပ်တဲ့ တရားစီရင်မှုတွေ ရနိုင်ဖို့နဲ့ ပတ်သက်ပြီးတော့ အဖွဲ့ချုပ်ကလည်း နိုင်ငံတော် သမ္မတဆီကို လိုအပ်တဲ့ အရေးကြီးတဲ့ အချက်ကို တင်ပြခဲ့ဖူးတယ်။ အဲဒီလို တင်ပြခဲ့ပေမဲ့ ဘာမှ အကြောင်းပြန်လာတာ မရှိသေးဘူးဆိုတဲ့ ကိစ္စ သူ့ကိုလည်း ပြောပြခဲ့ပါတယ်။”

အခုလဆန်းပိုင်းကပဲ ဂျာမန်ဝန်ကြီးချုပ် အန်ဂျလာ မာကဲလ် (Angela Merkel) ကလည်း International Forum နိုင်ငံတကာ တွေ့ဆုံဆွေးနွေးပွဲမှာ မြန်မာအစိုးရ အနေနဲ့ အာဆီယံ ဥက္ကဋ္ဌတာဝန် ယူခွင့်မရခင်မှာ လက်ရှိ မြန်မာနိုင်ငံရဲ့ လူ့အခွင့်အရေး ပြဿနာတွေကို တိုးတက်အောင် လုပ်ဆောင်ဖို့ တိုက်တွန်းခဲ့ပါသေးတယ်။ ဒါ့အပြင် ၂၀၁၄ ခုနှစ်မှာ မြန်မာနိုင်ငံက အာဆီယံ အလှည့်ကျ ဥက္ကဋ္ဌတာဝန် ယူလိုတဲ့ကိစ္စ သူ့အနေနဲ့ အတော်လေး စိုးရိမ်မိကြောင်းနဲ့ မြန်မာအစိုးရသစ် အနေနဲ့ လူ့အခွင့်အရေး တိုးတက်ဖို့နဲ့ ဒီမိုကရေစီ ပြုပြင်ပြောင်းလဲမှုတွေကို ရှေ့ဆက် လုပ်ဆောင်ဖို့ကို အပြောရော အလုပ်နဲ့ပါ အလေးအနက်ထား သက်သေပြဖို့ လိုတယ်လို့ ဂျာမန်ဝန်ကြီးချုပ်က တောင်းဆိုခဲ့ပါတယ်။

တခါ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မြန်မာနိုင်ငံအပေါ် ချမှတ်ထားတဲ့ အရေးယူ ဒဏ်ခတ်မှုတွေနဲ့ ပတ်သက်လို့လည်း ဂျာမန် လူ့အခွင့်အရေး ကော်မရှင်နာ မင်းကြီးကို အခုလို ပြောခဲ့ပါသေးတယ်။

“Sanction တွေ မရုပ်သိမ်းသင့်သေးဘူးလို့ အဲဒီလို တည့်တည့်ကြီး အဖြေပေးတာမျိုး မရှိဘူး။ Sanction ဟာ ဘာဖြစ်လို့ ဖြစ်တယ်၊ ဘာတွေ ပြောင်းလဲမှု၊ ဘယ်လို ဆောင်ရွက်သင့်တယ်၊ ဘယ်လို စဉ်းစားသင့်တယ် ဆိုတာကိုပဲ ဆွေးနွေးတာ။ ဒါက တချက်ပေါ့။ နောက်တခုက EU အဖွဲ့ထဲမှာ တချုိ့နိုင်ငံတွေက ပျော့တယ်တို့ ဘာတို့၊ ဒီလို ပြောကြတယ်ပေါ့။ သို့သော် ဒါ ဝေဖန်တာက အရေးမကြီးဘူး။ တကယ်တမ်း ထိရောက်တဲ့ Sanction ဖြစ်ဖို့ လိုတယ်လို့ ကျနော်တို့ အဲဒီလို ပြောခဲ့ပါတယ်။”

ဒါ့အပြင် မြန်မာနိုင်ငံမှာ နှစ်ပေါင်း ၂၀ ကျော်ကြာ စစ်အုပ်ချုပ်မှု အောက်ကနေ အရပ်သား အစိုးရ အုပ်ချုပ်မှုကို ပြောင်းလဲတာဟာ ကြီးမားတဲ့ အပြောင်းအလဲဖြစ်ပြီး ဒါပေမဲ့ အမှန်တကယ် အပြောင်းအလဲဖြစ်ဖို့ လိုအပ်ကြောင်းကိုလည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဂျာမန် လူ့အခွင့်အရေး ကော်မရှင်နာ မင်းကြီးကို ရှင်းပြခဲ့ကြောင်း အခုလို ဆက်ပြောခဲ့ပါတယ်။
“အစိုးရ အပြောင်းအလဲ ဆိုတာက တကယ့် အပြောင်းအလဲ ဖြစ်သလားဆိုတာ သတိကြီးစွာနဲ့ စောင့်ကြည့်နေရတယ်။ အဲတော့ အပြောင်းအလဲ ဆိုတာကိုလည်း၊ ကြီးမားတဲ့ အပြောင်းအလဲဆိုတာ ဒီနေ့ မနက်ဖြန် မဖြစ်နိုင်ဘူး ဆိုတာကိုလည်း ကျနော်တို့ သဘောပေါက်တယ်။ သို့သော် အမှန်တကယ် အပြောင်းအလဲ ဖြစ်ဖို့တော့ လိုတယ်။ အမှန်တကယ် အပြောင်းအလဲ ဖြစ်မှသာ ရှေ့ မြန်မာနိုင်ငံရဲ့ အရေးတွေက တိုးတက်မှုရှိမယ်။ ဒါကို ဆွေးနွေးပါတယ်။”
ဒီကနေ့ တွေ့ဆုံမှုမှာ ပါဝင်တဲ့ NLD ပြောခွင့်ရပုဂ္ဂိုလ် ဦးဉာဏ်ဝင်း ပြောပြခဲ့တာ ဖြစ်ပါတယ်။

ဒေါ်အောင်ဆန်းစုကြည် ကနေဒါ လူ့အခွင့်အရေးဆု ရရှိပြန်

2011-06-07 RFA

ကနေဒါနိုင်ငံ Quebec ပြည်နယ်က The City of Saint-Luc လူ့ အခွင့်အရေး ဆုကို ဒီနှစ် အတွက် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ချီးမြှင့်ပေးအပ် လိုက်ပါတယ်။

ကမ္ဘာနဲ့ အ၀ှမ်းက လူ့အခွင့်အရေး ကိစ္စရပ်တွေမှာ စွမ်းစွမ်းတမံ ဆောင်ရွက်သူတွေကို ရွေးချယ် ပေးအပ်တဲ့ ဒီဆုကို မြန်မာ ပြည်သူတွေ အရေး အတွက် ကြိုးပမ်း ဆောင်ရွက်နေတဲ့ ဒေါ်အောင်ဆန်းစုကြည်ကို ရွေးချယ်လိုက်ကြောင်း Saint Luc မြို့ တော်ကောင်စီမှာ ဒီကနေ့  ကြေညာခဲ့တယ်လို့  ကနေဒါနိုင်ငံ မြန်မာ မိတ်ဆွေများ အဖွဲ့ CFOB ရဲ့ အမှုဆောင် ညွန်ကြားရေးမှုး ဦးတင်မောင်ထူးက ပြောပါတယ်။

ဒီဆုအတွက် ဒေါ်အောင်ဆန်းစုကြည်ကို ရွေးချယ်ဖို့  တရားရေး ၀န်ကြီးဟောင်း လက်ရှိ လစ်ဘရယ် ပါတီရဲ့ လူ့ အခွင့်အရေး ဆိုင်ရာ ပြည်နယ် လွှတ်တော် ကိုယ်စားလှယ် Irwin Cotler က အဆိုပြု တင်သွင်းခဲ့ကြောင်း သိရပါတယ်။

Saint Luc မြို့ တော်ဝန်က မြန်မာနိုင်ငံ ဒီမိုကရေစီရေးနဲ့ လူ့ အခွင့်အရေးတွေ အတွက် ဒေါ်အောင်ဆန်းစုကြည်ရဲ့ နှစ်ပေါင်း ၂၀ ကျော်မက ကြိုးစား ရုန်းကန်မှုတွေ ၊ စစ်အစိုးရက ဒေါ်အောင်ဆန်းစုကြည်ကို ၁၉၈၉ ခုနှစ်မှာ နေအိမ် အကျယ်ချုပ် ချထားခဲ့တာတွေ ၊ တိုင်းပြည်က ထွက်ခွာသွားမယ် ဆိုရင် အကျယ်ချုပ်က လွှတ်ပေးမယ်လို့့ ကမ်းလှမ်းခဲ့ပေမဲ့ ဒေါ်အောင်ဆန်းစုကြည်က ငြင်းပယ်ပြီး မြန်မာ ပြည်သူတွေ အရေး အတွက် ကြံ့ကြံ့ခံ ရပ်တည် ရင်ဆိုင် ခဲ့တာတွေ ကြောင့် အခုလို ချီးမြှင့် ပေးအပ်တာ ဖြစ်ကြောင်း ပြောကြားခဲ့တယ်လို့ သိရပါတယ်။

အခုလို လူ့ အခွင့်အရေး ကိစ္စကို နှစ်ပေါင်း များစွာ အားပေးတဲ့ မြို့ တမြို့ ကနေ ဒေါ်အောင်ဆန်းစုကြည်ကို ဂုဏ်ပြု ချီးမြင့်တဲ့အတွက် ကနေဒါ နိုင်ငံရောက် မြန်မာနိုင်ငံသားများ အနေနဲ့ အားတက် ဂုဏ်ယူရပါကြောင်းလည်း ဦးတင်မောင်ထူးက ပြောပါတယ်။

ဒီဆုကို ၂၀၀၀ ခုနှစ်က စတင်ချီးမြှင့် ပေးအပ်ခဲ့တာ ဖြစ်ပြီး ဆုအတွက် ဂုဏ်ပြုပွဲကို ကနေဒါနိုင်ငံ ထူထောင်တဲ့နေ့ ဖြစ်တဲ့ ဇူလိုင်လ ၁ ရက်နေ့ မှာ ပေးအပ် ချီးမြင့်မှာ ဖြစ်ကြောင်း သိရပါတယ်။ အရင်က ဆုချီးမြင့်ခံခဲ့ရသူ အတော်များများဟာ အမျိုးသမီးရေးတွေနဲ့  ကနေဒါ နိုင်ငံတွင်းက လူ့ အခွင့်အရေး ကိစ္စတွေ အတွက် ကြိုးပမ်းခဲ့သူတွေ ဖြစ်ကြပြီး ဒုတိယ ကမ္ဘာစစ် အတွင်း ဂျာမဏီနိုင်ငံမှာ ဂျူးလူမျိုးတွေ အသတ်ခံရစဉ်က လူ ၁ သိန်းခန့် ကို ကယ်ထုတ်ခဲ့တဲ့ ဆွီဒင်သံတမန် တစ်ဦး လည်း ဒီဆုချီးမြင့် ခံခဲ့ရပါတယ်။

လှိုင်သာယာမှာ အထည်ချုပ်စက်ရုံ အလုပ်သမားတွေ ဆန္ဒပြ

BBC News ၊ ။ 7-6-2011

အလုပ်သမား ၃၀ဝ ရှိတဲ့ ရန်ကုန်တိုင်း လှိုင်သာယာ စက်မှုဇုံ Tailor Garment အထည်ချုပ် စက်ရုံမှာ တနင်္လ࿿ာနေ့က စပြီး ဆန္ဒပြနေတာ အခုဆို ၂ရက်ကြာ ရှိသွား ပါပြီ။

ရတဲ့ လစာနဲ့ အလုပ်လုပ်ရတာ မတန်တဲ့အတွက် မကျေနပ်ကြ ရာကနေ အလုပ်သမား တစ်ရာ့ တစ်ဦး အလုပ်ချိန်မှာ အလုပ်မဆင်းပဲ စက်ရုံရှေ့ မှာ ရပ်ပြီး ဆန္ဒပြ ခဲ့ကြတာပါ။

လုပ်ခလစာ နည်းလွန်းတာအပြင် ၂လ တိတိ တနဂင်္နွေ ပိတ်ရက် လုံးဝ မရတာမျိုး၊ တနေ့ကို အချိန်ပိုကြေး သုံးနာရီ လုပ်ရပြီး အချိန်ပို တစ်နာရီကို ၄၅ ကျပ်နှုန်းနဲ့ပဲ ရှင်းပေးတာမျိုးတွေ ရှိနေပြီး အဆိုးဝါးဆုံးနဲ့ မကျေနပ်မှုတွေကို ဖြစ်ပေါ်လာစေတဲ့ အဓိက အချက်ကတော့ တစ်ရက်ကို မိုးကာဖျင် အထည် လေးရာ မချုပ်နိုင်ရင် လစာဖြတ်တာမျိုး ဖြစ်ကြောင်း အလုပ်သမားအရေး ဆောင်ရွက်ပေးနေတဲ့ ရှေ့နေ ဦးဖိုးဖြူက ဘီဘီစီ ကို ပြောပါတယ်။

အလုပ်သင်တွေကို ရတဲ့ လစာနဲနဲထဲက ကျပ် ၅၀ဝ၀ လစဉ် ဖြတ်တာမျိုးလည်း လုပ်လေ့ ရှိသလို ကျွမ်းကျင် လုပ်သားတွေကိုလည်း ဖိအားပေး ခိုင်းစေနေတဲ့ အတွက် အလုပ်သမား တွေ ပို မကျေမနပ် ဖြစ်ခဲ့ကြပါတယ်။

ဒီကိစ္စနဲ့ ပတ်သက်လို့ သက်ဆိုင်ရာက တစုံတရာ ဖြေရှင်းမှု မရှိသေးဘူးလို့ သိရပါတယ်။

အခြေခံ လစာက ကျပ်၂သောင်းကနေ ၃သောင်း ကြား ဖြစ်ပြီး ကျွမ်းကျင် လုပ်သားကိုတော့ ကျပ် ၇သောင်း ပေးပါတယ်။

တကယ်တော့ ဒီပြဿနာဟာ အလုပ်သမား ဥပဒေရဲ့ စီရင်ပိုင်ခွင့်ထဲမှာ မရှိတဲ့ စီမံ ခန့်ခွဲမှု ဆိုင်ရာ ဖြစ်တဲ့အတွက် စုပေါင်း ငြင်းဆိုပိုင်ခွင့်နဲ့ စုပေါင်း ဆုံးဖြတ်ခွင့် ရရေးကို အသိအမှတ် ပြုဖို့ အလုပ်သမား ညွန်ကြားရေးမှူး ဦးစီးဌာနကိုလည်း ဆက်တင်ပြမယ်လို့ ဆိုပါတယ်။

DKBA၊ KNU ပူးပေါင်းတပ်နဲ့ အစိုးရတပ် တိုက်ပွဲဖြစ်

BBC News ။ 7-6-2011

DKBA၊ KNU ပူးပေါင်းတပ်တွေက ကော့ကရိတ် မြို့ကို မကြာခဏ ဝင်တိုက်လေ့ရှိကရင်ပြည်နယ် ကော့ကရိတ်မြို့ အရှေ့တောင်ဖက်က ဒေါနတောင် အနောက်တောင် ဖက်ခြမ်းမှာ DKBA၊ KNU ပူးပေါင်းတပ်တွေနဲ့ အစိုးရတပ်တွေ အပြင်းအထန် တိုက်ပွဲ ဖြစ်ခဲ့ပါတယ်။တပ်မ ၂၂ လက်အောက်ခံ တပ်ရင်း ၃ရင်း နယ်မြေ ရှင်းလင်းရေး လုပ်ရာမှာ DKBA ၊ KNU ပူးပေါင်းတပ်တွေ နဲ့ ၄ကြိမ် တိုက်ပွဲ ဖြစ်ခဲ့ပြီး အစိုးရဖက်က အထိအခိုက်တွေ ရှိခဲ့တယ်လို့ DKBA က ဗိုလ်ကျော်သက်က ဘီဘီစီကို ပြောပါတယ်။

ဒါပေမဲ့ ထိခိုက် ဒဏ်ရာရမှုတွေနဲ့ ပတ်သက်လို့ သီးခြား အတည်ပြုချက်တော့ မရသေးပါဘူး။တိုက်ပွဲ ဖြစ်နေတဲ့ ပစ်ခတ်သံတွေကို ကော့ကရိတ်မြို့ကပါ လှမ်းကြားနေရသလို တိုက်ပွဲ ဖြစ်နေရာ ဒေသက လူတွေကလည်း ဘေးကင်းရာကို ထွက်ပြေး တိမ်းရှောင် နေရတယ် လို့ ကော့ကရိတ် မြို့ခံတွေက ပြောပါတယ်။

နယ်မြေ ရှင်းလင်းရေး ဆိုပြီး အစိုးရတပ်တွေက DKBA ၊KNU ပူးပေါင်းတပ်တွေကို လိုက်လံ ရှာဖွေ တိုက်ခတ်နေတဲ့အတွက် ကျေးရွာ လူထု ဒုက္ခ ရောက်ကြရကြောင်း၊ ကျောင်းတွေ၊ စီးပွားရေး လုပ်ငန်းတွေ ရပ်ထားရတာကြောင့် ပညာရေး၊ စီးပွားရေးတွေ ထိခိုက်နေရတယ်လို့ ကော့ကရိတ် မြို့ခံတဦးက ဘီဘီစီကို ပြောပါတယ်။

DKBA ၊KNU ပူးပေါင်းတပ်တွေဟာ ပြီးခဲ့တဲ့ လပိုင်းတွေတုန်းက ကော့ကရိတ်မြို့ကို မကြာ ခဏ ဝင်ရောက် တိုက်ခိုက်တာတွေ ရှိခဲ့ပြီး မြဝတီ၊ ကော့ကရိတ် အဝေးပြေး လမ်းပေါ် မှာ ကုန်တင်ကားနဲ့ ခရီးသည်တင်ကားတွေဆီကနေ အဖွဲ့ ရံပုံငွေ ဆိုပြီး ငွေကောက်ခံတာတွေ လည်း ရှိပါတယ်။ဒါ့ကြောင့် အစိုးရတပ်တွေက နယ်မြေ ရှင်းလင်းရေးအတွက် စစ်ဆင်ရေး လုပ်တာလို့ ဒေသခံတွေက ပြောပါတယ်။

မြန်မာ့အရေး ကော်မရှင်ဖွဲ့ စုံစမ်းဖို့ UPR အဆင့်တခု ဖြစ်နိုင်

By ဦးသားညွန့်ဦး အင်္ဂါ, 07 ဇွန် 2011

ကုလသမဂ္ဂ လူ့အခွင့်အရေး ကောင်စီရဲ့ UPR ပုံမှန်သုံးသပ်မှု အစည်းအဝေးမှာ မြန်မာနိုင်ငံနဲ့ ပတ်သက်လို့ အကြံပြုချက်တွေကို အစိုးရက ဘယ်လောက်အထိ လိုက်နာဆောင်ရွက်သလဲ ဆိုတဲ့ သုံးသပ်မှုကို မနက်ဖြန် ဂျီနီဗာ ကုလသမဂ္ဂ ဌာနချုပ်မှာ ကျင်းပပြုလုပ်မှာ ဖြစ်ပါတယ်။ လူ့အခွင့်အရေး လှုပ်ရှားသူတွေ၊ ကျွမ်းကျင်သူတွေကတော့ မြန်မာအစိုးရ အနေနဲ့ လူ့အခွင့်အရေးကောင်စီ အပါအ၀င် ကုလသမဂ္ဂရဲ့ မြန်မာ့အရေး အကြံပြုချက်တွေကို အကောင်အထည်ဖော် လိုက်နာဖို့ ပျက်ကွက်နေဆဲ ဖြစ်တယ်လို့ မြင်ကြပါတယ်။ ဒါကြောင့်လည်း အခုသုံးသပ်မှုက တဆင့် မြန်မာအာဏာပိုင်တွေကို လူ့အခွင့်အရေး ကိစ္စနဲ့ ပတ်သက်လို့ နိုင်ငံတကာက လက်တွေ့ အရေးယူနိုင်မယ့် အခြေအနေ ဖြစ်လာဖို့ အဆင့်တဆင့် ဖြစ်လာနိုင်တယ်လို့ သုံးသပ်ကြပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။
လေးနှစ်တကြိမ် ကျင်းပတဲ့ UPR လူ့အခွင့်အရေး အခြေအနေ ပုံမှန်သုံးသပ်မှုဟာ ကုလသမဂ္ဂ လူ့အခွင့်အရေး ကောင်စီရဲ့ ခေါင်းစဉ်အောက်မှာ ပြုလုပ်တာဖြစ်ပြီး အဖွဲ့ဝင်နိုင်ငံ ကိုယ်စားလှယ်တွေ၊ လူ့အခွင့်အရေး ကျွမ်းကျင်သူတွေနဲ့ အစိုးရမဟုတ်တဲ့ အဖွဲ့အစည်းတွေကိုပါ ပါဝင်ဆွေးနွေး အစီရင်ခံစာ တင်ခွင့်ပြုထားပါတယ်။ အခုတကြိမ် ကျင်းပမယ့် မြန်မာနိုင်ငံ ကိစ္စကတော့ ပြီးခဲ့တဲ့ UPR အကြံပြုချက်တွေကို မြန်မာအစိုးရဘက်က ဘယ်လောက် လိုက်နာသလဲ ဆိုတာကို အနှစ်ချုပ် သုံးသပ်မှာ ဖြစ်ပါတယ်။

ဒါပေမဲ့ ဒီလုပ်ငန်းစဉ်ကနေ အစိုးရကို မဖြစ်မနေ လိုက်နာရမယ့် ဆုံးဖြတ်ချက်မျိုး ပေးနိုင်တာတော့ မဟုတ်ပါဘူး။ သုံးသပ်ချက် ဆိုတာနဲ့ မှတ်တမ်းထုတ်မှာပါ။ ဒါပေမဲ့လည်း ဒီလုပ်ငန်းစဉ်ဟာ မြန်မာနိုင်ငံ လူ့အခွင့်အရေးကို နိုင်ငံတကာ အာရုံစိုက်လာဖို့ အခြေအနေတရပ် ဖြစ်စေတယ်လို့ အခု အစည်းအဝေးကို တက်ရောက်ဖို့ ဂျီနီဗာမြို့ကို ရောက်ရှိနေတဲ့ ဒေါက်တာသောင်းထွန်းက ယူဆပါတယ်။

ဒီကနေပြီးတော့ မြန်မာ့ လူ့အခွင့်အရေး အခြေအနေ နိုင်ငံတကာက စုံစမ်းရေး ကော်မရှင်ဖွဲ့ဖို့ ကြိုးပမ်းနေမှု အပေါ်မှာ အထောက်အကူ ဖြစ်စေနိုင်တယ်လို့ သူက ယူဆပါတယ်။
“လာမယ့် စက်တင်ဘာ လူ့အခွင့်အရေးကောင်စီ ရှိတယ်။ အထွေထွေ ညီလာခံရှိတယ်။ အစည်းအဝေးတွေမှာ စုံစမ်းစစ်ဆေးရေး ကော်မရှင် ဖွဲ့ရေးကိစ္စဟာ တဖြည်းဖြည်းနဲ့တော့ အရှိန်မြင့်လာတယ်။ ဒီ UPR Process ကလည်း အဲဒီ အရှိန်မြှင့်တဲ့ နေရာမှာ အဆင့်တခု ဖြစ်တယ်လို့ မြင်ပါတယ်။”

မြန်မာနိုင်ငံတွင်းက အခြေအနေဟာ နိုင်ငံတကာ လူ့အခွင့်အရေး ဥပဒေသတွေကို ချိုးဖောက်မှု ရှိမရှိ စစ်ဆေးရေး ကုလသမဂ္ဂ စုံစမ်းရေး ကော်မရှင်တရပ် ဖွဲ့ဖို့ အဆိုကိုတော့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) က ကုလသမဂ္ဂနဲ့ နိုင်ငံတကာကို အဆိုပြုထားတာပါ။ အခု UPR လုပ်ငန်းစဉ်ကတော့ သူ့ရဲ့ လုပ်ပိုင်ခွင့်နဲ့မတူ သီးခြား မြန်မာ့အရေးကိစ္စ ကိုင်တွယ်မှု ဖြစ်တယ်လို့ မစ္စတာ ကင်တားနားက ပြောပါတယ်။

ဒါပေမဲ့ UPR လုပ်ငန်းစဉ်နဲ့ သူ့လုပ်ငန်းအကြားမှာ မြန်မာ့အရေးနဲ့ ပတ်သက်လို့ တူညီတဲ့ အကြံပြုချက်တွေ ရှိတယ်လို့ ပြောပါတယ်။ အထူးသဖြင့်တော့ နိုင်ငံရေး အကျဉ်းသားတွေကို ခြွင်းချက်မရှိ လွှတ်ပေးရေး ကိစ္စကို ထောက်ပြပါတယ်။ ဒါပေမဲ့လည်း UPR လုပ်ငန်းစဉ်ဟာ အသစ်ဖြစ်လေတော့ အကောင်အထည် ဖော်ရေးပိုင်းမှာ အားနည်းမှုတွေတော့ ရှိနိုင်တယ်လို့ မစ္စတာ ကင်တားနားက ယူဆပါတယ်။

“UPR လုပ်ငန်းစဉ် ဆိုတာဟာ လူ့အခွင့်အရေး ကောင်စီရဲ့ လုပ်ငန်းဖော်ဆောင်မှုအသစ် ဖြစ်ပါတယ်။ လူ့အခွင့်အရေး အခြေအနေတွေ တိုးတက် ကောင်းမွန်လာဖို့ ဒီလုပ်ငန်းဟာ တစုံတရာ အထောက်အကူ ဖြစ်မယ်လို့ မျှော်လင့်ရပါတယ်။ UPR မှာ လုံခြုံရေးကောင်စီ အဖွဲ့ဝင်တွေ အနေနဲ့ နိုင်ငံအလိုက် နိုင်ငံတွင်း ဖြစ်နေတဲ့ လူ့အခွင့်အရေး အခြေအနေတွေ အားလုံးကို ကိုင်တွယ်စစ်ဆေးခွင့် ရလို့ပါပဲ။

“ဒါပေမဲ့ ဒီလုပ်ငန်းစဉ် တွေ့ရှိချက်တွေကို အကောင်အထည်ဖော်ရေး အပိုင်းမှာတော့ မေးခွန်းထုတ်စရာတွေ ရှိပါတယ်။ ဒါကြောင့် UPR လုပ်ငန်းစဉ်က တွေ့ရှိ အကြံပြုချက်တွေကို မြန်မာအစိုးရပိုင်းက ဘယ်လောက် အကောင်အထည်ဖော် လိုက်နာမလဲ ဆိုတာကို အနီးကပ် စောင့်ကြည့်ရမှာ ဖြစ်ပါတယ်။”
မနက်ဖြန်လုပ်မယ့် UPR အစည်းအဝေးမှာတော့ ကုလသမဂ္ဂ လူ့အခွင့်အရေး ကောင်စီနဲ့ UPR ရဲ့ အကြံပြုချက်တွေကို ဘယ်လောက် အကောင်အထည်ဖော် လိုက်နာသလဲ ဆိုတာကိုတော့ မြန်မာအစိုးရ ကိုယ်စားလှယ်က တုံ့ပြန်သွားဖို့ ရှိပါတယ်။ လူ့အခွင့်အရေး လှုပ်ရှားသူတွေကတော့ မြန်မာအစိုးရဟာ ကုလသမဂ္ဂရဲ့ အကြံပြုချက်၊ တိုက်တွန်းချက်တွေကို လျစ်လျူပြုခဲ့တယ်လို့ ပြောပါတယ်။ မစ္စတာ ကင်တားနားကတော့ မြန်မာအစိုးရ အနေနဲ့ တကယ်တမ်း အသေးစိတ် လုပ်ဆောင်စရာတွေ အများကြီး ရှိနေတယ်လို့ မြင်ပါတယ်။

“မြန်မာနိုင်ငံတွင်း လူ့အခွင့်အရေး တိုးတက်လာဖို့၊ လူ့အခွင့်အရေး ခံစားခွင့်တွေ ရလာစေဖို့ မြန်မာအစိုးရ အနေနဲ့ အသေးစိတ် အခိုင်အမာ လုပ်ဆောင်စရာတွေ ရှိနေပါတယ်။ ဒါပေမဲ့လည်း လူ့အခွင့်အရေးနဲ့ အမျိုးသား ရင်ကြားစေ့ရေး ကိစ္စတွေကို ရည်ညွှန်း ပြောဆိုသွားတဲ့ သမ္မတသစ်ရဲ့ ပထမဆုံး မိန့်ခွန်းပြောပြီး နောက်ပိုင်းမှာတော့ အစိုးရ အာဏာပိုင်တွေ အနေနဲ့ ဒီအပြောအတိုင်း လိုက်ပါ ဆောင်ရွက်လာမယ်လို့တော့ မျှော်လင့်ထားပါတယ်။”

မြန်မာနိုင်ငံမှာ အစိုးရသစ် ဖွဲ့ပြီးတဲ့နောက် နိုင်ငံရေး အကျဉ်းသားတွေ လွှတ်ရေး အပါအ၀င် လူ့အခွင့်အရေး အခြေအနေတွေ ပိုပြီး တိုးတက် ကောင်းမွန်လာလိမ့်မယ်လို့ နိုင်ငံတကာရော၊ ကျွမ်းကျင်သူတွေကပါ မျှော်လင့်ထားကြတာပါ။

ဒါပေမဲ့ လူ့အခွင့်အရေး လှုပ်ရှားသူတွေကတော့ မြန်မာအစိုးရကို လူ့အခွင့်အရေးနဲ့ ပတ်သက်လာရင် နိုင်ငံတကာနဲ့ ပူးပေါင်းဆောင်ရွက်မှု အလွန်အားနည်းတယ်လို့ ပြောပါတယ်။ အထူးသဖြင့်တော့ အခု လူ့အခွင့်အရေး ကိုယ်စားလှယ် မစ္စတာ ကင်တားနားကို မြန်မာနိုင်ငံကို လာခွင့်မပေးတဲ့ ကိစ္စကို ထောက်ပြပါတယ်။

အခု UPR အစည်းအဝေး အတွင်းကို မစ္စတာ ကင်တားနား အနေနဲ့ ကိုယ်တိုင်တက်ရောက်မှာ မဟုတ်ပေမဲ့ ကုလသမဂ္ဂ လူ့အခွင့်အရေးကောင်စီကို သူတင်ပြခဲ့တဲ့ အစီရင်ခံစာ အကြံပြုချက်ကို UPR ဆွေးနွေးပွဲမှာ ထည့်သွင်းသုံးသပ်ဖို့ ရှိမယ်လို့ သိရပါတယ်။ ဒါကြောင့် ကုလသမဂ္ဂ လူ့အခွင့်အရေး ကိုယ်စားလှယ် မြန်မာနိုင်ငံကို သွားရောက် စစ်ဆေးနိုင်ရေး ကိစ္စကိုလည်း UPR ရဲ့ သုံးသပ် အကြံပြုချက်မှာ ထည့်သွင်းလိမ့်မယ်လို့ မစ္စတာ ကင်တားနားကတော့ မျှော်လင့်ထားပါတယ်။

ဆီးရီးယား အစိုးရ နှိပ်ကွပ်မှုဘေး မြို့ခံတွေ စိုးရိမ်

By ဗွီအိုအေ (မြန်မာဌာန) အင်္ဂါ, 07 ဇွန် 2011

ဆီးရီးယား လုံခြုံရေး တပ်ဖွဲ့ဝင် ၁၂၀ သေဆုံးခဲ့ရတာကို အင်အားအပြည့်နဲ့ တုံ့ပြန်မယ်လို့ အစိုးရက သတိပေးလိုက်ပြီးနောက် တူရကီနယ်စပ် အနီးမှာရှိတဲ့ ဂျီအာ အယ်လ် ရှူဂါ (Jir al-Shughour) မြို့က မြို့ခံတွေ အကြမ်းဖက် ဖိနှိပ်မှုနဲ့ ရင်ဆိုင်ရဖို့ အလားအလာ ရှိနေပါတယ်။

ဂျီအာ အယ်လ် ရှူဂါမြို့မှာ ပြီးခဲ့တဲ့ ရက်အနည်းငယ်အတွင်း ရုန်းရင်းဆန်ခတ်မှုတွေ ဖြစ်ခဲ့ပြီး လက်နက်ကိုင် ဂိုဏ်းတွေရဲ့ လက်ချက်နဲ့ တရားဥပဒေ စိုးမိုးရေး အရာရှိ ၁၂၀ သေဆုံးခဲ့ရတယ်လို့ အစိုးရက မနေ့က ပြောဆိုလိုက်ပါတယ်။

ဆီးရီးယားနိုင်ငံမှာ နိုင်ငံခြား သတင်းထောက်တွေ သတင်းရယူခွင့် မရှိတာကြောင့် ဒီဖြစ်ရပ် မှန်မမှန် အတည်ပြုလို့တော့ မရပါဘူး။

ဆီးရီးယား အတိုက်အခံတွေကတော့ သေဆုံးသူဦးရေနဲ့ ပတ်သက်ပြီး အငြင်းပွားစရာ ရှိတဲ့အကြောင်း၊ ဒီလို သတင်းဝါဒဖြန့်ပြီး အစိုးရက ဆန္ဒပြသူတွေကို ပိုပြီး နှိပ်ကွပ်ဖို့ အကြောင်းပြချက်ရှိအောင် လုပ်နေတာလို့ ပြောဆိုပါတယ်။

ဒီကိစ္စနဲ့ ပတ်သက်ပြီး ဘယ်လိုတုံ့ပြန်မှုမျိုးကိုမဆို တရားဥပဒေနဲ့အညီ ပြင်းပြင်းထန်ထန် အရေးယူသွားမယ်လို့ ဆီးရီးယား ပြည်ထဲရေးဝန်ကြီး အီဘရာဟင်မ် အယ်လ်ရှား (Ibrahim al-Shaar) က ပြောဆိုထားပါတယ်။

ကျောင်းနှင့် ဆေးခန်းအတွက် ဆိုပြီး အာဏာပိုင်များက မတရား ငွေကောက်

2011-06-07 RFA

ဧရာဝတီတိုင်း ကျုံပျော်မြို့ရဲ့ ၅ မိုင်လောက် အကွာမှာရှိတဲ့ ဇရစ်ရိုး ကျေးရွာ အုပ်စုမှာ ဆေးပေးခန်း တခု ဆောက်လုပ်ဖို့နဲ့ အလယ်တန်း ကျောင်းရံပုံငွေ အတွက်ဆိုပြီး ကျေးရွာ အုပ်စု အုပ်ချူပ်ရေးမှုးကနေ ပြီးခဲ့တဲ့နှစ် မိုးရာသီ စပါးစိုက်ပျိုးချိန် ကာလမှာ တောင်သူ လယ်သမားတွေကို ထုတ်ချေးပေးတဲ့ စိုက်ပျိုး စားရိတ် ချေးငွေတွေထဲကနေ အသီးသီး ဖြတ်ယူခဲ့တယ်လို့ ဇရစ်ရိုး ကျေးရွာမှာ နေထိုင်တဲ့ တောင်သူ တစ်ဦးက အာအက်ဖ်အေ ကို ပြောပါတယ်။

"တစ်ဧကကို နှစ်သောင်းနှုန်းနဲ့ လယ်သမားက ချေးတာကို ကျေးရွာ အုပ်ချူပ်ရေးမှူးက တစ်ဧက တစ်ထောင်နှုန်း ကောက်ခံတယ်။ ဆေးခန်းဆောက်ဖို့ဆိုပြီးတော့ အကြောင်းပြတယ်။ လယ်သမားတွေက ဧက ၅၀၀ အတွက်ကို တစ်ဧက တစ်ထောင်နှုန်းနဲ့ ပေးလိုက်ကြရတယ်။ နောက်ပြီး ဆေးခန်းဆောက်ဖို့ ဆိုပြီးတော့ပဲ ကံစမ်းမဲ လက်မှတ် စောင်ရေ ငါးထောင်ကို တစ်စောင် ငါးရာနှုန်းနဲ့ မော်တော်ဆိုင်ကယ် ကံစမ်းမဲ ဖောက်မယ် ဆိုပြီးတော့ လုပ်တာ အခုအချိန်အထိကို ကံစမ်းမဲလည်း မဖွင့်ဖူး။ အဲ့ဒီ ပိုက်ဆံတွေ ရတဲ့ဟာတွေလည်း မသိရဘူး။

နောက်တခုကလည်း မူလွန်ကျောင်းက ရံပုံငွေ ဆိုပြီးတော့ လယ်မြေ ဧကတွေပေါ်မှာ ကျူးကျော်ပြီးတော့ စိုက်ပျိုးထားတဲ့ လယ်သမား အယောက် ၃၀၀ ဆီကနေပြီးတော့ တစ်ယောက်ကို နှစ်ထောင်နှုန်းနဲ့ တခါ ထပ်ပြီးတော့ ကောက်ခံတယ်။" ဆေးခန်း ဆောက်လုပ်ဖို့နဲ့ စာသင်ကျောင်းမှာ အသုံးပြုဖို့ဆိုပြီး ငွေကောက်ခံခဲ့တာကတော့ ဇရစ်ရိုး ကျေးရွာအုပ်စု အတွင်းက လေဆွဲကျေးရွာ၊ ဒေါင့်အိုင်ကျေးရွာ၊ ဇရစ်ရိုးလေး ကျေးရွာ၊ ဇရစ်ရိုးကြီး ကျေးရွာနဲ့ ကမ်းနား ဇရစ်ရိုး ကျေးရွာ ငါးရွာမှာ လယ်ယာ လုပ်ကိုင် စားသောက်နေကြတဲ့ ဒေသခံ တောင်သူ လယ်သမားတွေထံကနေ ကောက်ခံခဲ့တာ ဖြစ်တယ်လို့လည်း သိရပါတယ်။

ဒေသတွင်း လယ်ယာ လုပ်ကိုင်နေကြတဲ့ တောင်သူ လယ်သမား အများစုဟာ ၂၀၀၈ ခုနှစ် မေလက တိုက်ခိုက်ခဲ့တဲ့ နာဂစ် လေမုန်တိုင်းဒဏ် ခံခဲ့ရပြီး နောက်ပိုင်း အပြည့်အ၀ ထွန်ယက် စိုက်ပျိုးနိုင်ခဲ့ခြင်း မရှိသလို လယ်ယာမြေတွေထဲ ကြွက်တွေဝင်ရောက် ဖျက်ဆီးခံခဲ့ရမှုတွေကြောင့် စိုက်ပျိုးထားတဲ့စပါးပင်တွေ အတော်များများ ပျက်စီး ဆုံးရှုံးခဲ့ရမှုတွေ ရှိခဲ့တယ်လို့လည်း ဒေသခံ တောင်သူတွေက ပြောပါတယ်။

လယ်တစ်ဧက စိုက်ပျိုး ကုန်ကျ စာရိတ်ဟာလည်း မျိုးစပါး ၀ယ်ယူရတာ မြေသြဇာ၊ ထွန်ယက်ခတွေနဲ့ ရိတ်သိမ်းခတွေ အပါအ၀င် ကျပ်တစ်သိန်းလောက် အနည်းဆုံးရှိပြီး စိုက်ပျိုးဘဏ်က ချေးငွေနဲ့ မလုံလောက်ကြတဲ့ထဲက ဆေးခန်းနဲ့စာသင်ကျောင်း အတွက် ကောက်ခံတဲ့ငွေတွေ ပေးလိုက်ရပြီး အခုအချိန်ထိ တစ်စုံတစ်ရာ ထူးခြားမှု မရှိပဲ ဖြစ်နေတာကြောင့် မကျေမနပ် ဖြစ်နေကြတယ်လို့ နောက် ရွာသားတစ်ဦးက ပြောပြပါတယ်။

ဂျာမဏီနိုင်ငံ လူအခွင့်အရေးအဖွဲ့ ဥက္ကဋ္ဌ နဲ့ ဒေါ်အောင်ဆန်းစုကြည် တွေ့ဆုံဆွေးနွေး

2011-06-07 RFA

ဒေါ်အောင်ဆန်းစုကြည်က မြန်မာနိုင်ငံအပေါ် အနောက်နိုင်ငံတွေရဲ့ တားဆီး ပိတ်ဆို့မှု အပေါ် NLD ပါတီရဲ့ သဘောထားကို ဂျာမဏီနိုင်ငံက လူ့အခွင့်အရေး၊ မူဝါဒနဲ့လူသားခြင်းစာနာ ထောက်ထားမှု ဆိုင်ရာ ကော်မရှင်နာ ကို ဆွေးနွေး ပြောဆိုခဲ့တယ်လို့ သိရပါတယ်။

မြန်မာနိုင်ငံကို ရောက်ရှိနေတဲ့ ဂျာမဏီ နိုင်ငံ လူ့ အခွင့်အရေး ကော်မရှင်နာ Mr. Markus Loning ဟာ ဒီကနေ့ မနက် ၁၀ နာရီက ဒေါ်အောင်ဆန်းစုကြည်ကို နေအိမ်မှာ လာရောက်တွေ့ဆုံခဲ့တာပါ။

လူ့အခွင့်အရေး ကော်မရှင်နာနဲ့ အတူ မြန်မာ နိုင်ငံ ဆိုင်ရာ ဂျာမဏီ သံအမတ်ကြီး နဲ့ အဖွဲ့ ၀င် လေးဦး ပါဝင်ပါတယ်။ NLD ပါတီဘက်က ဒေါ်အောင်ဆန်းစုကြည်နဲ့ အတူ ပါတီ ပြောခွင့်ရ ဦးဥာဏ်ဝင်းနဲ့ ပါတီ ဗဟိုကော်မတီဝင် ဦးဟံသာမြင့်တို့ က လက်ခံတွေ့ဆုံခဲ့တယ်လို့ သိရပါတယ်။ တွေ့ဆုံပွဲနဲ့ ပတ်သက်ပြီး ပါတီ ပြောခွင့်ရ ဦးဥာဏ်ဝင်းက-

"သူကတော့ သူရဲ့ လူ့အခွင့်အရေးဆိုင်ရာ ကိစ္စတွေရယ်၊ နေပြည်တော်မှာ သူ့အတွေ့အကြုံတွေရယ်၊ အဲဒါတွေကို ပြောပါတယ်။ ဒေါ်စုဘက်ကလည်း သူ့ကို ပြန်ရှင်းပြတာတွေ ရှိတာပေါ့။ ဥပမာ sanction နဲ့ ပတ်သက်ပြီးတော့ ကျတော်တို့ ထုတ်ပြန်ခဲ့တဲ့ဟာရယ်၊ tourism ကိစ္စ ဒါတွေကို ဆွေးနွေး ပြောပြပါတယ်။"

ဂျာမဏီနိုင်ငံ အနေနဲ့ မြန်မာ နိုင်ငံအပေါ် ဥရောပ သမဂ္ဂက ကထားရှိတဲ့ စီးပွားရေးအရ ပိတ်ဆို့ အရေးယူထားတာတွေနဲ့ ပတ်သက်ပြီး ဖယ်ရှားပစ်ရေး စိတ်ဝင်စားမှု ရှိတယ်ဆိုတဲ့ ထင်မြင်ချက်တွေ ထွက်ပေါ်နေချိန်မှာ ခုလို ဂျာမဏီ လူ့ အခွင့်အရေး ကော်မရှင်နာက ဒေါ်အောင်ဆန်းစုကြည်ကို လာရောက်တွေ့ဆုံတာ ဖြစ်ပါတယ်။

ဂျာမန်လူ့အခွင့်အရေး ကော်မရှင်နာဟာ မနေ့ကလည်း နေပြည်တော်မှာ ပြည်ထောင်စု လွှတ်တော် နာယက ဦးခင်အောင်မြင့်နဲ့ တိုင်းရင်းသား ပေါင်းစုံ ပါဝင်တဲ့ လွှတ်တော် ကော်မတီဝင်တွေနဲ့ တွေ့ဆုံခဲ့တယ်လို့ ဒီကနေ့ထုတ် အစိုးရ သတင်းစာတွေမှာ ဖေါ်ပြထားပါတယ်။

ကမ္ဘာ့အခြေအနေကို အစိုးရသစ် နားလည်ပေမယ့် ပြောင်းလဲမှု မမြန်ဆန်နိုင်

2011-06-07 RFA

သမ္မတ ဦးသိန်းစိန် အစိုးရအနေနဲ့ အရှေ့ အလယ်ပိုင်းနဲ့ အာဖရိက နိုင်ငံ တချို့က ဒီမိုကရေစီ တောင်းဆိုတဲ့ လူထု လှုပ်ရှား အုံကြွမှု အခြေအနေတွေကို နားလည် သိရှိပြီး ကဏ္ဍ အလိုက် ပြုပြင် ပြောင်းလဲမှုတွေ လုပ်ဆောင်ဖို့ စီစဉ်နေတယ်လို့ သမ္မတ ဦးသိန်းစိန်ရဲ့ နိုင်ငံရေး အကြံပေး အဖွဲ့ဝင်တစ်ဦးဖြစ်သူ ဒေါက်တာနေဇင်လတ်က ပြောပါတယ်။

ကမ္ဘာ့နိုင်ငံ ၂ ရာကျော်ထဲက တနိုင်ငံ ဖြစ်တဲ့အတွက်ကြောင့်မို့ လိုက်ပါ ပြောင်းလဲရမယ်ဆိုတာ ကောင်းကောင်း နားလည်တဲ့အကြောင်း၊ ဘာသာရပ်ဆိုင်ရာကျွမ်းကျင်သူတွေကို ခေါ်ယူဖို့ လုပ်ဆောင်နေကြောင်း၊ ကဏ္ဍတိုင်းမှာ ကျယ်ကျယ်ပြန့်ပြန့် ပြုပြင်ပြောင်းလဲသွားဖို့ လုပ်ဆောင်နေကြောင်း ဒေါက်တာနေဇင်လတ်က RFA ကို ပြောပါတယ်။

ပြီးခဲ့တဲ့ သီတင်းပတ် အတွင်း မြန်မာနိုင်ငံကို (၃) ရက်ကြာ လာရောက်ခဲ့တဲ့ အမေရိကန် ဆီးနိတ် အထက် လွှတ်တော်အမတ် ဂျွန်မက်ကိန်းက ဒီမိုကရေစီ ပြုပြင် ပြောင်းလဲရေးတွေ အချိန်မီ မလုပ်ဆောင်ဘူး ဆိုရင် အာရပ် ကမ္ဘာမှာ ဖြစ်ပွားနေတဲ့ လူထု အုံကြွမှုမျိုး မြန်မာနိုင်ငံမှာလည်း ပေါ်ပေါက် လာနိုင်တယ်လို့ မြန်မာ အစိုးရ ခေါင်းဆောင်တွေကို သတိပေး ပြောကြားခဲ့ပါတယ်။

သမ္မတရဲ့ နိုင်ငံရေး အကြံပေး ဒေါက်တာနေဇင်လတ် ကတော့ မြန်မာ အစိုးရ အနေနဲ့ ပြုပြင် ပြောင်းလဲရေး လုပ်ဆောင်ရာမှာ အချိန်ယူ ဆောင်ရွက်ရမှာ ဖြစ်တဲ့ အတွက် နှေးကွေးမှု ရှိနိုင်တယ်လို့ ပြောပါတယ်။ ဒါ့ပြင် မြန်မာ့ နိုင်ငံရေး၊ ဒီမိုကရေစီ ဖော်ဆောင်ရေးမှာ ဒေါ်အောင်ဆန်းစုကြည်ရဲ့ အခန်းကဏ္ဍ ရှိကြောင်းလည်း ပြောဆိုခဲ့ပါတယ်။

သမ္မတ ဦးသိန်းစိန် အစိုးရအဖွဲ့ ဖော်ဆောင်မယ်ဆိုတဲ့ ဒီမိုကရေစီ ဖော်ဆောင်ရေး လုပ်ငန်းစဉ်၊ ဒေါ်အောင်ဆန်းစုကြည် အပေါ် ထားရှိတဲ့ သဘောထားနဲ့ အမျိုးသား ပြန်လည် သင့်မြတ်ရေးမှာ ဒေါ်အောင်ဆန်းစုကြည်ရဲ့ ပါဝင်နိုင်မှု အခန်းကဏ္ဍ၊ အမေရိကန် ဆီးနိတ် အထက်လွှတ်တော် အမတ် ဂျွန်မက်ကိန်းရဲ့ မြန်မာနိုင်ငံ ခရီးစဉ် အတွင်း ပြောကြားခဲ့တဲ့ သဘောထား မှတ်ချက် စတဲ့ မြန်မာ့ နိုင်ငံရေး နောက်ဆုံး အခြေအနေတွေနဲ့ ပတ်သက်လို့ သမ္မတ ဦးသိန်းစိန်ရဲ့ နိုင်ငံရေး အကြံပေးပုဂ္ဂိုလ် ဒေါက်တာ နေဇင်လတ်ကို RFA အဖွဲ့သား ကိုကျော်ကျော်အောင်က ဆက်သွယ် မေးမြန်းပါတယ်။

စစ်ဘက် အရာရှိနှင့် အချင်းများမှု လူငယ်တဦး ဒဏ်ရာရ

ဖနိဒါ | အင်္ဂါနေ့၊ ဇွန်လ ၀၇ ရက် ၂၀၁၁ ခုနှစ် ၁၇ နာရီ ၄၈ မိနစ်

ချင်းမိုင် (မဇ္စျိမ) ။ ။ ရန်ကုန်တိုင်း မင်္ဂလာတောင်ညွန့်မြို့နယ်ရှိ စားသောက်ဆိုင်တဆိုင်၌ စစ်ဘက်အရာရှိတဦး ပါဝင် ပတ်သက်သော အချင်းများမှု တခုတွင် အမျိုးသား ဒီမိုကရေစီ အဖွဲ့ချုပ်ဝင်တဦး ဒဏ်ရာရသွားသည်။

တာမွေမြို့နယ်နေ အသက် ၂၈ နှစ်အရွယ်ရှိ အန်အယ်ဒီ ဗဟိုပြန်ကြားရေးအဖွဲ့ဝင် ကိုစိုးမြတ်သူနှင့် သူ၏ သူငယ်ချင်း နှစ်ဦးသည် ဇွန်လ ၄ ရက် ည ၈ နာရီခန့်၌ မင်္ဂလာတောင်ညွန့်မြို့နယ်ရှိ အေးရှားလိုက် စားသောက်ဆိုင်၌ စားသောက်စဉ် အခြားဝိုင်းတဝိုင်းတွင် ဗိုလ်ကြီးအဆင့် ရှိသူတဦးနှင့် အငြိမ်းစား ဗိုလ်ကြီးတဦး၊ အမျိုးသားနှစ်ဦးနှင့် အမျိုးသမီးတဦးတို့ စားသောက်နေခဲ့သည်။

“ ဗိုလ်ကြီးတယောက် ထပြီးတော့ တဆိုင်လုံးကို စိန်ခေါ်တယ်လို့ ပြောတယ်။ အဲဒီမှာ ရုန်းရင်းဆန်ခတ်ဖြစ်သွားတော့ ကျနော်တို့လူငယ်က အပြင်ကို ထွက်ဖို့ ကြိုးစားတဲ့အချိန်မှာ သူ့ကို လူမှားထိုးတာပဲ” ဟု အခြားသော အန်အယ်ဒီ ဗဟိုပြန်ကြားရေး အဖွဲ့ဝင်တဦးဖြစ်သူ ဦးကြည်တိုးက မဇ္ဈိမကို ပြောသည်။

ဓားထိုးသူဟု စွပ်စွဲခံရသူ ကိုဝင်းကိုလှိုင် ဆိုသူမှာ မင်္ဂလာတောင်ညွန့် ရဲစခန်းတွင် အဖမ်းခံနေရသဖြင့် အသေးစိတ် သိရှိရန် ရဲစခန်းသို့ ဆက်သွယ်မေးမြန်းရာ ဖြေဆိုရန် ငြင်းဆန်သည်။

ကိုစိုးမြတ်သူ ကိုယ်တိုင် ရဲစခန်းသို့ သွားရောက်ကာ အမှုဖွင့် တိုင်ကြားခဲ့ပြီးမှ ရန်ကုန် ဆေးရုံကြီးသို့ ကုသမှု ခံယူခဲ့သည်။ ကိုဝင်းကိုလှိုင်မှာ တောင်ဥက္ကလာအခြေစိုက် ခမရ ၄၃၅ မှ ဗိုလ်ကြီးနေတိုးရွှေနှင့် ဗိုလ်ကြီးဟောင်း ညီညီမင်းတို့အတူ စားသောက်နေခဲ့ခြင်း ဖြစ်သည်ဟု ဦးကြည်တိုးက ပြောသည်။

“အဆုတ်ကို ချွန်ထက်တဲ့အရာနဲ့ အထိုးခံလိုက်ရတာ။ Internal bleeding လို့ ခေါ်တဲ့ အတွင်းသွေးယိုစီးမှု ဖြစ်နေတယ်။ ဆရာဝန်တွေတော့ အနီးကပ် စောင့်ကြပ်မှုအောက်မှာ ရှိနေသေးတယ်” ဟု ဦးကြည်တိုးက မဇ္ဈိမကို ပြောသည်။

ကိုဝင်းကိုလှိုင်ကလည်း ရဲစခန်းတွင် ကိုစိုးမြတ်သူအပေါ် အမှု ပြန်လည်ဖွင့်ထားသည်။

၇၄ မျိုးဆက်များ ရန်ကုန်တွင် တွေ့ဆုံ

ဧရာဝတီ Tuesday, 07 June 2011 13:51 သတင်းတိုများ

၁၉၇၄၊ ဇွန် ၆ အလုပ်သမားအရေးအခင်း နှစ်ပတ်လည်နေ့ကို ယမန်နေ့က ရန်ကုန်မြို့ တနေရာတွင် ပြုလုပ်ရာ ထိုလှုပ်ရှားမှုတွင် ပါဝင်၊ ဦးဆောင်ခဲ့သူ ၅၀ ခန့် တက်ရောက်ကြသည်။

၎င်းတို့က ဒေါ်အောင်ဆန်းစုကြည် ဦးဆောင်သည့် ဒီမိုကရေစီအရေး လှုပ်ရှားမှုကို ဆက်လက် ထောက်ခံသွားကြမည်ဟု နှစ်ပတ်လည်နေ့ အစီအစဉ်သို့ တက်ရောက်လာသည့် ၇၄ မျိုးဆက် ခေါင်းဆောင် တဦးက ပြောသည်။

“(၁၉၇၄ ကတည်းက) အလုပ်သမား အခွင့်အရေး တောင်းဆိုခဲ့တယ်။ ထောင်ဒဏ်တွေ အသီးသီး ကျခံခဲ့ရပေမယ့် ၁၉၈၈ ခုနှစ်မှာလည်း ပူးပေါင်း ပါဝင်ခဲ့တယ်။ အခုလည်း ဒီမိုကရေစီနဲ့ လူ့အခွင့်အရေးတို့ အတွက် တိုက်ပွဲ ၀င်နေဆဲဖြစ်တယ်” ဟု သူက ရှင်းပြသည်။

ရှေးဟောင်းဘုရား နေပြည်တော်သို့ မပင့်၍ ရခိုင်လူထု ဝမ်းမြောက်

ခင်ဦးသာ Tuesday, 07 June 2011 14:14

မကြာသေးခင်က တူးဖော်ရရှိခဲ့သော ရခိုင် ရှေးဟောင်းဗုဒ္ဓ ဆင်းတုတော်များအား မြန်မာအစိုးရသစ်က နေပြည်တော်သို့ သယ်ယူမည့် အစီအစဉ်ကို တားဆီးလိုက်နိုင်သည့်အတွက် ရခိုင်လူထုက ဝမ်းမြောက်ပီတိ ဖြစ်နေကြောင်း သိရသည်။

လွန်ခဲ့သော နှစ်ပေါင်း ၂၀၀ ကျော်က ရခိုင်ပြည်မှ အမရပူရသို့ သယ်ဆောင်သွားခဲ့ပြီး ယခုအခါ မန္တလေး ချမ်းမြသာစည်ရပ်တွင် စံနေတော်မူသော မဟာမုနိရုပ်ရှင်တော်
ရခိုင်ပြည်နယ် မြောက်ဦး ရှေးဟောင်း ယဉ်ကျေးမှု နယ်မြေ၌ ရွှေဆင်းတုတော် တဆူနှင့်အတူ ဆင်းတုတော်ပေါင်း ၃၇ ဆူအား မေလ ၃၀ ရက်နေ့က တူးဖော်တွေ့ရှိခဲ့သည်။

တူးဖော်ရရှိခဲ့သော ရှေးဟောင်း ဆင်းတုတော် အားလုံးမှာ အေဒီ ၈ ရာစု၊ ဝေသာလီခေတ်က ဆင်းတုတော်များ ဖြစ်သည်ဟု ရှေးဟောင်းသုတေသန ဦးစီးဌာန၏ အငြိမ်းစားဒု-ညွှန်မှူးတဦးဖြစ်သည့် မြောက်ဦးမြို့ခံ ဦးကျော်ထွန်းအောင်က ပြောသည်။

ရှေးဟောင်း ဗုဒ္ဓဆင်းတုတော်သည် ရွှေချိန် ၄ ပိဿာနှင့် ၆၄ ကျပ်သား အလေးချိန်ရှိသည်ဆိုသည့် သတင်းများ ထွက်ပေါ်ခဲ့ပြီး နောက်တနေ့တွင် နေပြည်တော်သို့ သယ်ယူရန် အာဏာပိုင်များက ကြိုးစားခဲ့သော်လည်း ဒေသခံပြည်သူများက ဇွန် ၄ ရက်နေ့တွင် ကန့်ကွက်ဆန္ဒပြခဲ့ခြင်းကြောင့် သယ်ယူမည့်အစီ အစဉ်ပျက်သွားခဲ့သည်။

ရွှေအစစ်ဟု သတင်းထွက်ပေါ်ခဲ့သော ဗုဒ္ဓဆင်းထုတော်ကို ထပ်မံစစ်ဆေးခဲ့ရာ ကြေးတချို့ပါဝင်နေကြောင်း သိရသည်။

“ဒေသခံတွေရဲ့ ဆန္ဒအရ မြောက်ဦးမြို့မှာပဲ တည်ထားကိုးကွယ်သွားဖို့ လုပ်ဆောင်နေကြပါတယ်။ ရှေးဟောင်းပုံစံ မပျက်အောင် ဆောင်ရွက်သွားမှာပါ။ ကျနော့်ဆန္ဒလည်း အဲဒီလိုပဲ ကိုယ့်ဒေသမှာပဲ ထားချင်ပါတယ်” ဟု ရခိုင်ပြည်နယ် ယဉ်ကျေးမှုဝန်ကြီး ဦးအောင်သန်းတင်က ဧရာဝတီကို ပြောသည်။

ရှေး ရခိုင်ဘုရင်များ ထီးနန်းစိုးစံခဲ့ရာ မြောက်ဦးမြို့၌ ရှေးဟောင်း လက်ရာ ဘုရား၊ ပုထိုးစေတီများနှင့် ရှေးဟောင်း အဆောက်အအုံ ထောင်ပေါင်းများစွာ ရှိနေပြီး တချို့သော စေတီပုထိုးများ၊ အဆောက်အအုံများမှာ ပျက်စီးနေပြီဖြစ်ကြောင်း၊ မြန်မာအစိုးရက မြောက်ဦးမြို့ကိုဖြတ်၍ ဖောက်လုပ်နေသော မီးရထားလမ်း အတွက်လည်း ရှေးဟောင်း စေတီ ပုထိုးများနှင့် အဆောက်အအုံတချို့ကို ၂၀၁၀ ပြည့်နှစ်အတွင်းက ဖျက်ဆီးခဲ့ကြောင်း သိရသည်။

လွန်ခဲ့သော နှစ်ပေါင်း ၂၀၀ ကျော်က ရခိုင်နိုင်ငံတော်အား ဗမာဘုရင်က သိမ်းပိုက်၍ ရခိုင်လူမျိုးတို့၏ အထွဋ်အမြတ်ထားရာ မဟာမုနိ ရုပ်ရှင်တော် ဘုရားကြီးကို ရခိုင်နိုင်ငံတော်မှ အမရပူရ မြို့တော်သို့ သယ်ဆောင် သွားခဲ့သည်။

ယခု ဖြစ်စဉ်သည် ရှေးရခိုင် သမိုင်းကြောင်းအား ပြန်ပြောင်း သတိရစေခဲ့ကြောင်း မြောက်ဦးမြို့ခံတချို့က ပြောသည်။

“နေပြည်တော်ကို သယ်ယူမယ့် အစီအစဉ်ကို ကန့်ကွက်နိုင်ခဲ့တာဟာ ကျမတို့ဒေသခံ ရခိုင်လူမျိုးတွေရဲ့အောင်မြင်မှု ရလဒ်ပါ။ ဖြစ်နိုင်ရင် မဟာမုနိ ဘုရားကြီးကိုလည်း မြောက်ဦးကို အမြန်ဆုံး ပြန်ရောက်စေချင်တယ်” ဟု အသက် ၆၉ နှစ်အရွယ် မြောက်ဦးမြို့ခံ အငြိမ်းစား ကျောင်းဆရာမကြီး တဦးက ဆိုသည်။

ဆက်လက်၍ ၎င်းက ယခု တူးဖော်ရရှိသည့် ဗုဒ္ဓဆင်းတုတော် ရွှေစစ်ခြင်း၊ မစစ်ခြင်းက အရေးမကြီးကြောင်း၊ ရခိုင်လူမျိုးများ၏ ရှေးဟောင်း အမွေအနှစ် ဖြစ်သောကြောင့် ဤမြေ၌ပင် ထားရမည် ဖြစ်ကြောင်း ပြောသည်။

“ကျမတို့ရဲ့ရှေးဟောင်း အမွေ မှန်သမျှကို အသက်ပေးပြီး ကာကွယ် စောင့်ရှောက် သွားမှာပါ” ဟု သူက ဆိုသည်။

အာဏာပိုင်များက အာဏာအားကိုးနှင့် ယဉ်ကျေးမှု အမွေများကို ဖျက်စီးလေ့ရှိကြောင်း၊ ရှေးဟောင်း ပစ္စည်းများကို စစ်ဆေးမည်ဆိုသည့် အကြောင်းပြချက်ဖြင့် ယူဆောင်သွားကာ ပြန်မပို့တော့ကြောင်း အငြိမ်းစား ကျောင်းအုပ်ဆရာမ ကြီးက ဆက်ပြောသည်။

သူက “ဒါတွေကို မကန့်ကွက်ဘူးဆိုရင် နောက်ပိုင်းကျ အုတ်ခဲကျိုးတွေတောင် သယ်သွားတော့မယ့် အနေအထားနဲ့ ရင်ဆိုင် ရနိုင်တယ်” ဟု ဆိုသည်။

ဗုဒ္ဓဆင်းတုတော် များအား ယခုအခါ မြောက်ဦးမြို့ရှိ ရတနာ့မာန်အောင် ကျောင်းတိုက်၌ ထားရှိရာ ဒေသခံ အများအပြား လာရောက် ဖူးမျှော်နေကြကြောင်း၊ ဗုဒ္ဓဆင်းတုတော် အားလုံးကို သာသနာ့ ဗိမာန် တခုတည်ဆောက်၍ တည်ထား ကိုးကွယ်သွားမည် ဖြစ်ကြောင်း ရတနာ့ မာန်အောင် ကျောင်းတိုက်မှ ဆရာတော် တပါးက ဧရာဝတီကို မိန့်ကြားသည်။

“အခု ဘုန်ကြီးကျောင်းမှာပဲ အပူဇော်ခံထားပါတယ်။ ဒေသခံတွေက တအားကို ၀မ်းမြောက်ဝမ်းသာနဲ့ လာရောက် ဖူးမျှော်နေကြတယ်။ နေပြည်တော်ကို သယ်ယူဖို့ နောက်တကြိမ် လုပ်လာမလား ဆိုပြီးလည်း တချို့က စိုးရိမ်နေဆဲပါ” ဟု
ဆရာတော်က ဆိုသည်။

ရခိုင်ပြည်သူ လူထုက ဒေသတွင်းရှိ ရှေးဟောင်း ယဉ်ကျေးမှု အမွေအနှစ်များ ထိန်းသိမ်းကာကွယ် စောင့်ရှောက်နေကြသော် လည်း အာဏာပိုင်များသည် ရခိုင်ပြည်နယ်အတွင်းမှ ယဉ်ကျေးမှု အမွေများကို တဖြည်းဖြည်း ပျောက်ကွယ်စေရန် လုပ်ဆောင်နေသည်ဟု အတိုက်အခံ ရခိုင်နိုင်ငံရေးသမား ဦးအေးသာအောင်က ပြောသည်။

“ရခိုင်ပြည်က ရှေးဟောင်း ဘုရားတွေ၊ ရှေးဟောင်း ပစ္စည်းတွေ တဖြည်းဖြည်းနဲ့ ယူနေတာ ကုန်သလောက်ဖြစ်ပြီ” ဟု ၎င်းက ဆိုသည်။

ရှေးရခိုင် ဘုရင်များသည် ရခိုင်နိုင်ငံတော်အဖြစ် တည်ထောင်ကာ မြောက်ဦးမြို့၌ နန်းစိုက်၍ မင်းအဆက်ဆက် အုပ်ချုပ်လာခဲ့ သော်လည်း ၁၇၈၄ ခုနှစ်တွင် ဗမာဘုရင် ဘိုးတော်ဘုရား ခေါ် ဘိုးတော်ဦးဝိုင်း လက်ထက်က ၎င်း၏ သားတော်ကြီး ဦးဆောင်သော တပ်များက သိမ်းပိုက်ခဲ့၍ ရခိုင်နိုင်ငံတော် တခုလုံး ကျဆုံးခဲ့ပြီး ရခိုင်လူမျိုးများ၏ အထွဋ်အမြတ်ထားရာ မဟာမုနိရုပ်ရှင်တော် ဘုရားကြီး ကိုလည်း သယ်ဆောင် သွားခဲ့သည်။

ထိုအချိန်က ရခိုင်နိုင်ငံတော်အား အုပ်ချုပ်နေသူမှာ ဘုရင် မဟာသမ္မတရာဇာ ဖြစ်သည်။ ဘိုးတော်ဦးဝိုင်းသည် ရခိုင် နိုင်ငံတော်အား သိမ်းပိုက်ပြီးနောက် အပိုင်း ၄ ပိုင်း ခွဲခြား၍ မြို့စောင့်တပ် ၄ ခု ထားရှိကာ အခွန်အခများ ကောက်ခံ၍ အမရပူရမြို့ နေပြည်တော်သို့ ဘဏ္ဍာငွေများ ပို့ဆောင်ပေးခဲ့ရသည်။

အင်္ဂလိပ်တို့ မြန်မာနိုင်ငံကို အုပ်ချုပ်စဉ်က ယူဆောင်သွားသော သီဟာသန ပလ္လင်အား လွပ်လပ်ရေး ရပြီးနောက် မြန်မာနိုင်ငံသို့ ပြန်လည်ပို့ဆောင် ပေးခဲ့သကဲ့သို့ ရခိုင်ပြည်သူများကလည်း မဟာမုနိ ဘုရားကြီးကို ရခိုင်ပြည်နယ်သို့
ပြန်လည် ပို့ဆောင်ပေးရန် လိုအပ်ကြောင်း ရခိုင်ပြည်သူများက ဆိုသည်။

မြန်မာနိုင်ငံသည် ဒီမိုကရေစီ စနစ်သို့ ကူးပြောင်းရန် လုပ်ဆောင်နေသည့် အတွက် မဟာမုနိ ဘုရားကြီးအား ရခိုင်ပြည်သို့ ပြန်လည် ပို့ဆောင်ပေးပါက ကောင်းမွန်သော လုပ်ရပ်တခုဖြစ်မည်ဟု ရခိုင်တိုင်းရင်းသားများ တိုးတက်ရေးပါတီ (RNDP) ၏ ဥက္ကဋ္ဌ ဒေါက်တာအေးမောင်က ဧရာဝတီကို ပြောသည်။

“သမိုင်းဝင်တဲ့ အရာတွေကို သူ့နေရာမှာ သူ့အတိုင်းထားတာဟာ အကောင်းဆုံးပါ။ သီဟာသန ပလ္လင်ကြီးတောင် မြန်မာနိုင်ငံကို ပြန်ပေးခဲ့တာပဲ။ မဟာမုနိကို ပြန်ပြီး ပို့ပေးသင့်တယ်။ တိုင်းရင်းသားစည်းလုံးရေး ဆိုတာက ပါးစပ်က ပြောနေရုံ၊ စာရွက်တွေနဲ့ ပြောနေရုံနဲ့ မရဘူး” ဟု သူက ဆိုသည်။

ဘီစီ ၅၄၃ မတိုင်မီနှစ်များက ဓညဝတီပြည်ဘုရင် စန္ဒသူရိယမင်းကြီး သွန်းလုပ်ပူဇော်ခဲ့သော မဟာမုနိ ရုပ်ရှင်တော် ဘုရားကြီးကို မြန်မာသက္ကရာဇ် ၁၁၄၆ တပေါင်းလတွင် ဘိုးတော်ဘုရား၏ သားတော်ကြီး အိမ်ရှေ့ ဥပရာဇာ ရွှေတောင်မင်းက တောင်ကုတ်လမ်းမှ ပန်းတောင်း၊ ထိုမှ ဧရာဝတီ မြစ်အတိုင်း ပင့်ဆောင်ခဲ့ရာ မြန်မာသက္ကရာဇ် ၁၁၄၇ ခုနှစ် ကဆုန်လတွင် အမရပူရနေပြည်တော်သို့ ရောက်ရှိခဲ့သည်၊ မဟာမုနိ ရုပ်ရှင်တော်မြတ်သည် နှစ်ပေါင်း ၂၃၂၈ နှစ်တိုင် ရခိုင်ပြည်နယ်ရှိ သီရိဂုတ္တ တောင်တွင် စံတော်မူခဲ့၍ မန္တလေးတွင် နှစ် ၂၀၀ ကျော်ကြာ စံတော်မူခဲ့ပြီး ဖြစ်သည်ဟု နေထွတ်ပြုစုသော မန္တလေး အဘိဓာန်တွင် ပါရှိသည်။

လုပ်ငန်းခွင်အတွင်း ဖိနှိပ်မှုများကို မကျေနပ်၍ အလုပ်သမားများဆန္ဒပြ

သတင်း | June 7th, 2011 | စာရေးသူ - ရိုးမ ၃

ပဲခူးမြို့၊ ကမာနတ်ရွာအနီးရှိ ကပ်ဝမ်း (CAP 1) ဦးထုတ်စက်ရုံမှ အလုပ်သမားများက လုပ်အားခ တိုးမြှင့်ပေးရေးနှင့် လုပ်ငန်းခွင်အတွင်း ဖိနှိပ်မှုများကို မကျေနပ်ကြသည့်အတွက် ယနေ့နံနက်ပိုင်းက ဆန္ဒပြခဲ့ကြသည်။

စက်ရုံအလုပ်သမား (၅၀) ကျော်က ၎င်းတို့၏ မကျေနပ်ချက်များကို အလုပ်မဆင်းဘဲနေ၍ ဆန္ဒပြတောငာ်းဆိုခဲ့ခြင်းဖြစ်ကြောင်း ဆန္ဒပြအလုပ်သမားများ အရေးဆောင်ရွက်ပေးနေသူ အမျိုးသားဒီမိုကရေစီအင်အားစုပါတီရဲ့ ပဲခူးတိုင်း ဥက္ကဌ ဦးအောင်မျိုးဝင်းက ပြောသည်။

“ဆန္ဒပြတာက သူတို့ အလုပ်မဆင်းပဲနဲ့ထွက်လာတာပေါ့လေ။ ဒီနေ့အလုပ်ဆင်းရမှာကို သူတို့အားလုံး အဲဒီ (၅၅) ယောက်လုံးက လမ်းပေါ်ထွက်ပြီးတော့ ဆန္ဒပြတာမျိုးတော့ မဟုတ်ဘူး။ ဒီစက်ရုံထဲမှာတော့ သူတို့က ဒီအလုပ်မဆင်းဘူးဆိုတဲ့ ဘွိုင်ကောက်နဲ့ ဆန္ဒပြခဲ့တာ။ ပြီးတော့ သူတို့အားလုံးကို ကျနော်လေဘာရုံးကို ခေါ်သွားတာ အခုသူတို့လေဘာရုံးကနေ စက်ရုံထဲမှာ ပြန်ပြီးတော့မှ ညှိနှိုင်းမှုလုပ်နေတယ် အဲဒါအဖြေမသိသေးဘူး” ဟုပြောသည်။

စက်ရုံအလုပ်သမားများအနေဖြင့် လုပ်ငန်းခွင်အတွင်း၌ အလုပ်ကြီးကြပ်သူ (Supervise) များ၏ ဖိနှိပ်လွန်းသည့် စည်းကမ်းများ၊ ကျန်းမာရေးနှင့် ပတ်သက်သည့်ကိစ္စများ၊ သတ်မှတ်အလုပ်ချိန်ထက် ပိုပြီးခိုင်းစေမှုများကြောင့် ၎င်းတို့၏ မကျေနပ်ချက်များကို ပြီးခဲ့သည့် သောကြာနေ့က ပဲခူးမြို့ရှိ အလုပ်သမားရုံးသို့ သွားရောက်တိုင်းကြားခဲ့ကြောင်း ၎င်းက ဆက်ပြောသည်။

“လုပ်ငန်းခွင်ထဲမှာ အလုပ်ကြီးကြပ်သူတွေက မတရားတဲ့ စည်းကမ်းတွေထုတ်ပြီး အလုပ်သမားအချင်းချင်း အလုပ်ကိစ္စစကား ပြောရင်လည်း စကားပြောလို့ဆိုပြီး (၅၀၀) ဖြတ်တယ်၊ အပေါ့အလေးသွားတဲ့ကိစ္စကိုလည်း မနက် (၈) နာရီ ကနေ(၁၀) နာရီ အတွင်းဘဲသွားလို့ရတယ်၊ ကျန်အချိန်အပေါ့အလေး သွားလို့ရှိရင်လည်း ငွေ (၅၀၀)ဖြတ်တာ၊ အဲဒါတွေကို မကျေနပ်လို့ တိုင်ကြတာ” ဟု ဦးအောင်မျိုးဝင်းက ဆက်ပြောသည်။

အလုပ်သမားများရုံးကို တိုင်ကြားမှုပြုလုပ်ခဲ့ခြင်းကြောင့် ၎င်းအလုပ်သမားများအား စက်ရုံမန်နေဂျာနှင့် အလုပ်ကြီးကြပ်သူများက ခြိမ်းခြောက်ပြောဆိုမှုများ ပြုလုပ်ခဲ့သည့်အတွက် အလုပ်သမားများက အလုပ်မဆင်းဘဲ ဆန္ဒပြခဲ့ခြင်းဖြစ်ကြောင်း ၎င်းက ဆက်ပြောသည်။

“အလုပ်ကြီးကြပ် ဇာနီနိုင်နဲ့ မဝတ်မှုံတို့နှစ်ယောက်ကို အလုပ်ထုတ်ပေးဖို့ တောင်းဆိုတဲ့အခါကြတော့ လေဘာက ဒုတိုင်းဦးစီးက သူက စက်ရုံမန်နေဂျာနဲ့ ညှိပြီးတော့မှ ရာထူးလျော့ဖို့ သဘောတူလိုက်တယ်၊ ဒါပေမဲ့သူတို့က ဆက်ပြီးတော့ စက်ရုံမှာ အလုပ်လုပ်နေတယ်လို့ သူတို့က သိတယ်။ နောက်ပြီးတော့မှ ကလေးတွေကို မဟုတ်တာတွေပြောပြီး ခြိမ်းခြောက်တာတွေရှိတယ်။ မန်နေဂျာ ကျော်မိုးအောင်က နင်တို့ ရဲနဲ့အဖမ်းခိုင်းမယ်တို့ ဘာတို့ အဲလိုမျိုးလေးတွေ ခြိမ်းခြောက်တာရှိတယ်” ဟု ပြောသည်။

ယင်းဆန္ဒပြမှုနှင့်ပတ်၍ စက်ရုံမန်နေဂျာဖြစ်သူက မဟုတ်ကြောင်းနှင့် သောကြာနေ့က အလုပ်သမားများတိုင်ကြားမှုကို လူကြီးများနှင့် ဖြေရှင်းပေးနေခြင်းသာဖြစ်ကြောင်း ပြောသည်။

“သူတို့ ဆန္ဒပြတာ မဟုတ်ပါဘူး၊ သောကြာနေ့က တိုင်ကြားတဲ့ကိစ္စကို အခုညနေ ၅ နာရီကျော်အထိ ထပ်ရှင်းပေးနေတာ၊ သူကို စွပ်စွဲချက်နဲပဲ နေရာချပေးပါလို့ တောင်းဆိုလာတဲ့အခါမှာ သောကြာနေ့က ကျနော်တို့ နေရာချပေးခဲ့ပါတယ်။အဆင့်ချပြီး ရာထူးနှိပ့်ပေးတယ်ပေါ့နော် ဒီနေရာမှာ သူတို့အထက် ခေါင်းဆောင်အဖြစ်နဲ့တော့ အမြဲရှိနေမှာပဲလေ အများကြီးအဆင့်က ကွာတာကို အဲဒါကိုကလေးတွေက ဒီနေ့မကျေနပ်လို့ ထပ်ပြီးတော့ အလုပ်သမားရုံးကို သွားတိုင်တဲ့အခါမှာ အလုပ်သမားရုံးက ပြန်ပြီးတော့ ကလေးတွေဘက်ကို နားလည်အောင် ပြန်ပီးတော့ ရှင်းပေးနေတာပါ” ဟု ပြောသည်။

အဆိုပါ စက်ရုံတွင် အလုပ်သမား (၃၀၀)ခန့်ရှိပြီး အလုပ်သမားများအနေဖြင့် အလုပ်ကြီးကြပ်သူများကို အလုပ်ထုတ်ပေးရန်၊ ဖယ်ရီကားစီစဉ်ပေးရန်၊ အပေါ့အပါးသွားခွင့် ကန့်သတ်ချက်မထားရှိရန်နှင့် အခြေခံလစာ၊ အချိန်ပိုကြေးတိုးပေးရန်၊ အလုပ်ကိစ္စနှင့်ပတ်သက်၍ လုပ်ငန်းခွင်အတွင်း စကားပြောခွင့်ပြုရန်အပါအဝင် အချက် (၁၀)ချက်ကို တောင်းဆိုခဲ့ခြင်းဖြစ်ပြီး ယခုအထိ တောင်းဆိုချက်များ ရရှိခြင်းမရှိသေးကြောင်း ဦးအောင်မျိုးဝင်းက ဆက်ပြောသည်။

လက်ဖက်လုပ်ငန်း လက်ဝါးကြီး အုပ်ခံရမှုအပေါ် တအာင်းလုပ်ငန်းအဖွဲ့ စာတမ်းထုတ်ပြန်

ဇွန်လ ၆ရက်။ စောခါးစူးညား (ကေအိုင်စီ)

ရှမ်းပြည်နယ်မြောက်ပိုင်းရှိ ပလောင်တောင်သူ ၆ သိန်းကျော်သည် ၎င်းတို့၏ လက်ဖက်လုပ်ငန်း လက်ဝါးကြီးအုပ်ခံရမှုအပေါ် လက်ဖက်တောင်သူအဖွဲ့ ဖွဲ့စည်းပြီး ပူးပေါင်းလုပ်ဆောင်ကြရန်နှင့် အစိုးရသစ်မှ နိုင်ငံ၏ စီးပွားရေးမူဝါဒများကို ပြန်လည် စိစစ် ပေးရန် တောင်းဆိုသည့် စာတမ်းတစ်စောင်ကို ပလောင်(တအာင်း) လုပ်ငန်းအဖွဲ့မှ ယနေ့ ထုတ်ပြန်လိုက်သည်။

စာမျက်နှာ ၁၂မျက်နှာပါ ၎င်းစာတမ်းတွင် ယခုနှစ် လက်ဖက်ရာသီအစ၌ နမ့်ဆန်မြို့နယ်ရှိ လက်ဖက်ခြောက် တစ်ပိဿာလျှင် ၃,၅၀၀ကျပ် ၀န်းကျင်ခန့်ရှိသော်လည်း သင်္ကြန်(ဧပြီလ)အတွင်းမှစ၍ ဈေးနှုန်းများမှာ ၂,၅၀၀ကျပ်ခန့်အထိ ကျဆင်းလာကာ လက်ရှိ လက်ဖက်တစ်ပိဿာ ပေါက်ဈေးမှာ ၂,၀၀၀ကျပ် ၀န်းကျင်ခန့်သာရှိတော့ကြောင်း ဖော်ပြထားသည်။

ယင်းသို့ အဆမတန် ကျဆင်းသည့် လက်ဖက်ပြဿနာနှင့် ရင်ဆိုင်နေရသော ပလောင်လူမျိုးတို့၏ အခက်အခဲများကို စစ်တပ် လက်အောက်ခံ အစိုးရသစ်နှင့် ဒေသတွင်းရှိ နိုင်ငံရေးပါတီများ၊ အခြားအဖွဲ့အစည်းများ ကူညီမှုများ မရှိသေးသည့်အတွက် ထို အခက်အခဲများကို ၀ိုင်းဝန်းကူညီ ဖြေရှင်းပေးရန်အတွက် ယခုစာတမ်းကို ရေးသားပြုစုထုတ်ပြန်လိုက်ခြင်းဖြစ်ကြောင်း ပလောင် (တအာင်း) အလုပ်အဖွဲ့မှ အဖွဲ့ဝင် မိုင်းအောင်ကိုက ယခုလို ပြောသည်။

“ကျနော်တို့ဒေသမှာ လက်ဖက်ဈေးတွေကျတာကို အခုတက်လာတဲ့ အစိုးရသစ်နဲ့ တခြားနိုင်ငံရေးပါတီတွေကလည်း ဖြေရှင်း ပေးတာ မတွေ့ရဘူး။ လက်ဖက်ဈေးကျတဲ့နောက်မှာ လက်ဖက်လုပ်ငန်းကို မှီတင်းနေတဲ့ တအာင်းတွေ အကုန်လုံး ဒုက္ခရောက် တယ်။ အခုလက်ရှိ ကုန်ဈေးနှုန်းကလည်း မြင့်တက်နေတဲ့အတွက် တချို့ရွာတွေဆိုရင် ပြောင်းဖူးနဲ့ဆန် ရောပြီးမှ စားရတဲ့ဘ၀ မျိုးလည်း ရှိတယ်။ ပိုဆိုးတာက ပညာရေးမှာ တချို့ကလေးတွေ ကျောင်းမနေနိုင်တော့တဲ့ အဆင့်မှာ ရှိတယ်။ ကျန်းမာရေးဆို လည်း တချို့ဆေးဝါးတွေ မမှီဝဲနိုင်တော့လို့ ခြံရောင်းပြီး ဆေးရုံတက်ရတဲ့အထိ ရှိတယ်။”ဟု ကေအိုင်စီကို ပြောသည်။

လက်ဖက်ဈေး ကျဆင်းသည့်အတွက် ဒေသခံ လက်ဖက်တောင်သူ ပလောင်များသည် စီးပွားရေး၊ လူမှုရေး၊ ပညာရေးနှင့် ကျန်း မာရေး စသည့် ပြဿနာပေါင်းစုံများနှင့် ရင်ဆိုင်နေရပြီး နမ့်ဆန်၊ မန်တုံမြို့နယ်မှ အချို့ရွာခံများမှာ ရွာလုံးကျွတ်နီးပါး တရုတ် နိုင်ငံသို့ သွားရောက်အလုပ်လုပ်ကြရသည်ဟုလည်း စာတမ်းက ဆိုသည်။

လက်ဖက်ဈေး ကျဆင်းရသည့် အဓိက အကြောင်းရင်းတခုမှာ နမ့်ဆန်မြို့ရှိ ဗိုလ်ကြီးသန်းထွန်း၏ တပ်မတော် အချိုခြောက် လက်ဖက်စက်ရုံ(ပလောင်ထိပ်ထား)နှင့် နဂါးပျံလက်ဖက်စက်ရုံတို့က လက်ဖက်ဈေးနှုန်းကို စိတ်တိုင်းကျ သတ်မှတ်ပြီး လက်ဝါး ကြီးအုပ်ထားသဖြင့် အခြားကုန်သည်များကလည်း ၎င်းသတ်မှတ်ဈေးနှုန်းအတိုင်း ၀ယ်ယူနေရသည့်အတွက်ကြောင့်လည်း ဖြစ်သည်။

ထို့အပြင် ပလောင်ဒေသထွက် လက်ဖက်များကို နမ့်ဆန်၊ နမ့်ခမ်း၊ သီပေါ၊ ကျောက်မဲနှင့် မန္တလေးမြို့ရှိ လက်ဖက်ပွဲရုံကြီးများသို့ တင်ပို့ရောင်းချရာတွင် အစိုးရလက်အောက်ခံ (သို့မဟုတ်) အစိုးရနှင့် ဆက်စပ်သော လက်ဖက်ကုန်သည်နှင့် စက်ရုံပိုင်ရှင်များ က လက်ဖက်ဈေးကို လက်ဝါးကြီးအုပ် ချယ်လှယ်ခဲ့သည်ဟုလည်း ပလောင်လုပ်ငန်းအဖွဲ့က ထောက်ပြထားသည်။

ထိုအခြေအနေပေါ်တွင် ပလောင်(တအာင်း)လူထုကို ၀ိုင်းဝန်းဖြေရှင်းပေးရန် တအာင်း(ပလောင်) အမျိုးသားပါတီအနေဖြင့် လက်ဖက်လုပ်ငန်းနှင့် လက်ဖက်တောင်သူများအား ကာကွယ်နိုင်သည့် ဥပဒေရေးဆွဲပြီး အကောင်အထည်ဖော် ဆောင်ရွက် သွားရန်အပြင် မြန်မာအစိုးရအနေဖြင့် လွတ်လပ်သော ဈေးကွက်စီးပွားရေးစနစ်ကို ဖန်တီးပြီး ချုပ်ချယ်ကန့်သတ်မှုများ ရုပ်သိမ်း ပေးရန်နှင့် လက်ဝါးကြီးအုပ်နေမှုကို ထိန်းသိမ်းဖြေရှင်းပေးရန် ပလောင်လုပ်ငန်းအဖွဲ့က တောင်းဆိုလိုက်သည်။

တအာင်း(ပလောင်)လုပ်ငန်းအဖွဲ့ကို တအာင်းကျောင်းသားနှင့် လူငယ်များအစည်းအရုံး(TSYO)၊ ပလောင်အမျိုးသမီးအစည်းအ ရုံး(PWO)နှင့် ပလောင်ပြည်နယ် လွတ်မြောက်ရေးတပ်ဦး(PSLF)တို့ ပါဝင်စုပေါင်းထားပြီး ၂၀၀၉ခုနှစ်ကလည်း လက်ဖက်ဖျက်ပိုး အမည်ရှိ အစီရင်ခံစာတစ်စောင်ကို ထုတ်ပြန်ခဲ့သည်။