ဒီနေ့ဖတ်စရာ သတင်းများ (ဇွန်လ ၁ ရက်)

- ဒေါ်စုကို လွတ်လပ်စွာ သွားလာလှုပ်ရှားခွင့်ပြုဖို့ ဂျွန်မက်ကိန်း တိုက်တွန်း
- အကျဉ်းသား မိသားစုတွေ ထောင်ဝင်စာတွေ့ခွင့် ပိုတင်းကျပ်
- ဆန်ဈေးများ မြင့်တက်လာမူ ဒေသခံများကို စိုးရိမ်မူပို
- အထက်ပေါင်းလောင်းကြောင့် လူ ၈ ထောင် ရွှေ့ပြောင်းရမည်
- သီရိလင်္ကာအပေါ် စစ်ရာဇ၀တ်မှု စွပ်စွဲ
- တန်ပြန်တော်လှန်မှုသာ ဒီကေဘီအေ၏ အနာဂတ်ပန်းတိုင်
- နေပြည်တော် မီးရရန် ရွာ ၂၀ ကျော် ရွှေ့ရမည်
- အဓိက ကားလမ်း မပြုပြင်ပေးလို့ ခရီးသွားတွေ ကုန်သည်တွေ အကြပ်တွေ့
- ရန်ကုန်၌ တရားဝင် ဆန္ဒပြခွင့် တောင်းဆို
- အလှူငွေကြောင့် ကျောင်းသားမိဘများ စိတ်ညစ်

ဒေါ်စုကို လွတ်လပ်စွာ သွားလာလှုပ်ရှားခွင့်ပြုဖို့ ဂျွန်မက်ကိန်း တိုက်တွန်း

By ဒေါ်ခင်မျိုးသက် အင်္ဂါ, 31 မေ 2011

အမေရိကန်ပြည်ထောင်စု အရီဇိုးနားပြည်နယ် အထက်လွှတ်တော်အမတ် ဂျွန်မက်ကိန်း (John McCain) ဟာ မနက်ဖြန် ဇွန်လ ၁ ရက်နေ့ကစလို့ ဇွန်လ ၃ ရက်နေ့အထိ သွားရောက်မယ့် မြန်မာနိုင်ငံ ခရီးစဉ်ကို စတင်တော့မှာ ဖြစ်ပါတယ်။

 မြန်မာအစိုးရ အနေနဲ့ အပြောင်းအလဲ ဖော်ဆောင်တဲ့ နေရာမှာ ဘယ်လောက်အထိ လေးနက်မှုရှိမယ် ဆိုတာကို သူ့ခရီးစဉ်အတွင်းမှာ ဆန်းစစ်သွားဖို့ ရည်ရွယ်တယ်လို့ ဘန်ကောက်မှာ သတင်းထောက်တွေကို ပြောခဲ့ပါတယ်။ ဒါ့အပြင် ရှေ့လထဲမှာ နယ်ခရီးတွေထွက်မယ့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အနေနဲ့လည်း လွတ်လပ်စွာ လှုပ်ရှားသွားလာခွင့် ရှိသင့်တယ်လို့လည်း သူက ပြောသွားပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

သြဇာကြီးမားတဲ့ အမေရိကန် အထက်လွှတ်တော်အမတ် ဂျွန်မက်ကိန်းဟာ ဇွန်လ ၁ ရက်နေ့ကနေ ၃ ရက်နေ့အထိ မြန်မာနိုင်ငံကို သွားရောက်မှာဖြစ်ပြီး မြန်မာအစိုးရသစ် အဖွဲ့ရဲ့ အနေအထားကို လေ့လာမှာ ဖြစ်သလို သူလေးစားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံဖို့ ရှိပါတယ်။ ဒေါ်အောင်ဆန်းစုကြည် အနေနဲ့ ဇွန်လကစပြီး နယ်တွေကို ခရီးထွက်မယ်လို့ မနေ့တနေ့ကစပြီး ကြေညာခဲ့တာမို့ ဒါဟာ မြန်မာအစိုးရသစ်ဘက်က အပြောင်းအလဲကို ဘယ်လောက်လုပ်မယ် ဆိုတာအတွက် ကောင်းကောင်း သိလာနိုင်တဲ့ အချက်လို့ မစ္စတာ မက်ကိန်းက အင်္ဂါနေ့ ထိုင်းနိုင်ငံ ဘန်ကောက်မှာ သတင်းထောက်တွေကို ပြောကြားခဲ့ပါတယ်။

“သေချာတာကတော့ အစိုးရကို တခု ပန်ကြားဖို့ ရှိတာက ဒေါ်အောင်ဆန်းစုကြည် ခရီးထွက်မယ်ဆိုရင် သူ့ကို လွတ်လွတ်လပ်လပ် သွားလာခွင့် ပေးဖို့ပါ။ ဒီအကြံပြုချက်ကို ကျနော်တဦးတည်း ပြောတာတော့ မဟုတ်ပါဘူး။ ဒီအကြံပြုချက် အပေါ်မှာ အစိုးရ အနေနဲ့ လက်ခံ၊ မခံဆိုတာ မသိရသေးပါဘူး။ ဒါပေမဲ့ သူတို့အနေနဲ့ ပြုပြင်ပြောင်းလဲမယ်ဆိုတဲ့ ကတိက၀တ်ကို ပြချင်တယ် ဆိုရင်တော့ ဒေါ်အောင်ဆန်းစုကြည်ကို လွတ်လွတ်လပ်လပ် သွားလာခွင့် ပေးမပေး ကြည့်ရမယ်လို့ ကျနော် ထင်ပါတယ်။”

ဒေါ်အောင်ဆန်းစုကြည် အနေနဲ့ သူ့ပြည်သူတွေနဲ့ တွေ့ဖို့ ဆန္ဒ ဘယ်လောက်ရှိတယ်ဆိုတာ ကမ္ဘာက သိနေတာမို့ အခု ပြည်သူတွေနဲ့ ဘယ်လောက်အထိ သူ ထိတွေ့ခွင့်ရတယ် ဆိုတာကို စောင့်ကြည့်ဖို့ လိုတယ်လို့ ဆိုပါတယ်။ လွန်ခဲ့တဲ့ ၈ နှစ် မေလ ၃၀ ရက်နေ့ကလို အဖြစ်မျိုး မရောက်ဖို့အတွက် အစိုးရသစ် အဖွဲ့က စောင့်ရှောက်မယ်လို့ သူ မျှော်လင့်ထားကြောင်းလည်း ပြောပါတယ်။

ဇွန်လ ၁ ရက်နေ့က စတင်မယ့် သူ့ရဲ့ မြန်မာနိုင်ငံ ခရီးစဉ်မှာ ပထမ နေပြည်တော်မှာ အစိုးရသစ်အဖွဲ့ တာဝန်ရှိသူတွေနဲ့ တွေ့ဆုံဖို့ ရှိတယ်လို့ မစ္စတာ မက်ကိန်းက ပြောပါတယ်။

“မနက်ဖြန်ကျရင် မြန်မာနိုင်ငံကို သွားမှာပါ။ မနက်ဖြန်မှာပဲ မြို့တော်သစ်မှာ အစိုးရ တာဝန်ရှိသူတွေနဲ့ တွေ့ဆုံမှာပါ။ ဒီနောက်တော့ ရန်ကုန်ကိုသွားပြီး ဒေါ်အောင်ဆန်းစုကြည်နဲ့ တွေ့ဖို့ စီစဉ်ထားပါတယ်။ ကျနော် သူ့ကို မတွေ့ရတာ ၁၅ နှစ် ကြာခဲ့ပါပြီ။ လွန်ခဲ့တဲ့အခေါက် ကျနော် သွားခွင့်ရတဲ့ အချိန်တုန်းက နောက်ဆုံး တွေ့ရတာပါ။

“အစိုးရသစ် လက်ထက်မှာ ဘယ်လို အပြောင်းအလဲတွေ ရှိသလဲ၊ ပြုပြင် ပြောင်းလဲရေးအတွက် ဘယ်လောက်အထိ အလေးအနက် ထားသလဲ ဆိုတာကို ဆန်းစစ်နိုင်ဖို့လည်း မျှော်လင့်ထားပါတယ်။ ဒါ့အပြင် အခြားသူတွေနဲ့ မတူအောင် ကျနော် လေးစား မြတ်နိုးရတဲ့ ဒေါ်အောင်ဆန်းစုကြည်ကိုလည်း တွေ့ဆုံမှာ ဖြစ်ပါတယ်။”

မြန်မာအစိုးရနဲ့ တွေ့ဆုံတဲ့အခါမှာ အခုထိ အကျဉ်းထောင်တွေထဲမှာ ရှိနေသေးတဲ့ နိုင်ငံရေး အကျဉ်းသား ၂,၀၀၀ ကျော်ကို ပြန်ပြီး လွှတ်ပေးရေးအတွက် တိုက်တွန်း ပြောကြားမယ်လို့လည်း ပြောပါတယ်။
မစ္စတာ မက်ကိန်းဟာ အင်္ဂါနေ့မှာ ထိုင်း၊ မြန်မာနယ်စပ် မဲဆောက်မြို့က မြန်မာဒုက္ခသည်တွေရဲ့ ကျန်းမာရေးအတွက် အားထားနေရတဲ့ မယ်တော်ဆေးခန်းကို သွားရောက်ပြီး ဒေါက်တာ စင်သီယာမောင်နဲ့ တွေ့ဆုံခဲ့သလို မြန်မာဒုက္ခသည်တွေရှိရာ မယ်လ ဒုက္ခသည်စခန်းကိုလည်း သွားရောက်ခဲ့ပါတယ်။

သူဟာ မြန်မာဒုက္ခသည်တွေ ကြုံတွေ့နေရတဲ့ ဆိုးဝါးတဲ့ အနေအထားကို ကိုယ်တိုင် တွေ့မြင်ခဲ့ရတယ်လို့ ပြောကြားခဲ့သလို ဒီဒုက္ခသည်တွေကို မြန်မာနိုင်ငံထဲက အခြေအနေဆိုးတွေကြောင့် ထိုင်းအစိုးရ အနေနဲ့ နေရပ်ရင်းကို ပြန်ပို့ဖို့ မသင့်သေးဘူးလို့လည်း ပြောပါတယ်။

“ဒီဒုက္ခသည် အခြေအနေဟာ ထိုင်းအစိုးရ အတွက်ရော ဒီလူတွေအတွက်ပါ အတော်လေးကို ခက်ခဲတဲ့ အခြေအနေပါ။ ဒါပေမဲ့လည်း ထိုင်းအစိုးရ အနေနဲ့ ဒီဒုက္ခသည်တွေကို ပြန်မပို့ဘူး ဆိုတာတော့ ကျနော် အခိုင်အမာ ယုံပါတယ်။ ဒီလူတွေ ပြန်ပို့ခံရရင် အရေးယူခံရမယ်။ တချို့ အသတ်တောင်မှ ခံရနိုင်ပါတယ်။ ဒီ တိုင်းရင်းသား လူနည်းစုတွေ အပေါ်မှာ မြန်မာစစ်တပ်က ဘယ်လိုလုပ်သလဲ ဆိုတာတွေကိုလည်း ကြားရပါတယ်။ ဒါကြောင့် ဒီဒုက္ခသည် စခန်းတွေကို မပိတ်ခင်တော့ ဒါတွေကို သတိတကြီး ထည့်သွင်း စဉ်းစားရမယ်လို့ ထင်ပါတယ်။”

မစ္စတာ မက်ကိန်း အနေနဲ့ မြန်မာနိုင်ငံကို သွားရောက်ပြီး အစိုးရသစ်လက်ထက် အခြေအနေတွေကို ဆန်းစစ်ဖို့ ရှိနေသလို ဒေါ်အောင်ဆန်းစုကြည် အပါအ၀င် အဖွဲ့အစည်း အမျိုးမျိုးနဲ့ တွေ့ဆုံ ဆွေးနွေးပြီး အခြေအနေမှန်ကို လေ့လာမယ်လို့ ဆိုပါတယ်။

ဒီခရီးစဉ်ကနေရတဲ့ အချက်အလက်တွေကို အမေရိကန် လွှတ်တော်နဲ့ နိုင်ငံခြားရေး ၀န်ကြီးဌာနကို ပြန်လည် တင်ပြဖို့ရှိပြီး မြန်မာနိုင်ငံ ဒီမိုကရေစီ ထွန်းကားရေးအတွက် ဆက်ပြီး ကြိုးစားဖို့ ရှိတယ်လို့လည်း မစ္စတာ မက်ကိန်းက ပြောကြားခဲ့ပါတယ်။

အကျဉ်းသား မိသားစုတွေ ထောင်ဝင်စာတွေ့ခွင့် ပိုတင်းကျပ်

By မသင်းသီရိ အင်္ဂါ, 31 မေ 2011

ဒီကနေ့ အင်းစိန်ထောင်မှာ ထောင်ဝင်စာ သွားတွေ့တဲ့ သူတွေကို လုံခြုံရေး တင်းကျပ်ထားပါတယ်။ အရင်က နိုင်ငံရေး အကျဉ်းသား မိသားစုဝင်တွေရဲ့ ထောင်ဝင်စာတွေကို စောင့်ကြည့် ရေးမှတ်တာတွေ လုပ်ပေမဲ့ ဒီကနေ့မှာတော့ သာမန် ထောင်ဝင်စာ တွေ့သူတွေပါ ထောင်အာဏာပိုင်တွေက စောင့်ကြည့် နားထောင်တာတွေ လုပ်ခဲ့ပါတယ်။ ဒါဟာ အင်းစိန်ထောင်တွင်း အစာငတ်ခံ ဆန္ဒပြသူတွေကို ပြန်လည် တိုက်ပိတ်တာတွေ လုပ်ခဲ့ပြီးနောက်ပိုင်း ထိန်းချုပ်မှုတွေ ပိုများလာခဲ့တာ ဖြစ်ပါတယ်။ အပြည့်အစုံကို မသင်းသီရိက တင်ပြပေးထားပါတယ်။

နိုင်ငံရေး အကျဉ်းသားတွေရဲ့ ထောင်ဝင်စာတွေမှာ ထောင်အာဏာပိုင်တွေက စောင့်ကြည့်တာ၊ မိသားစုတွေနဲ့ ပြောသမျှ စောင့်နားထောင်တာ၊ လိုအပ်ရင် စာနဲ့ လိုက်ရေးမှတ်တာတွေကို အကျဉ်းထောင်တွေ အတွင်းမှာ လုပ်နေကြ ဖြစ်ပေမဲ့ ဒီကနေ့မှာတော့ အင်းစိန်ထောင်မှာ သာမန် အမှုအခင်းတွေနဲ့ ပြစ်ဒဏ်ကျနေသူတွေကိုပါ အလားတူ စောင့်ကြည့် တင်းကျပ်မှုတွေ စလုပ်နေပါပြီ။ အကြောင်းကတော့ အစာငတ်ခံ ဆန္ဒပြနေသူတွေနဲ့ ပတ်သက်တဲ့ သတင်းတွေ အပြင်ကို ထွက်သွားမှာ စိုးတဲ့အတွက် အခုလို သတင်း တင်းကျပ်မှုတွေ စလုပ်နေပြီလို့ နိုင်ငံရေး အကျဉ်းသား လွတ်မြောက်ရေး လှုပ်ရှားမှုကို ဦးဆောင်နေသူ တဦးဖြစ်တဲ့ ကိုတိုးကျော်လှိုင်က ပြောပါတယ်။

“ထောင်ဝင်စာတွေ အကုန်လုံးမှာ ထောင်တွင်း အခြေအနေနဲ့ ပတ်သက်ပြီးတဲ့ အခါကြတော့ သတင်း ဟိုဘက် ဒီဘက်ပေါ့၊ လုံးဝ ပြောလို့မရတဲ့ အနေအထားမျိုးကို ထောင်ကနေပြီး ကြပ်မတ်ထားတာမျိုး ရှိပါတယ်။ အကျဉ်းသား တယောက်ကို ဒီဘက်က မိသားစုက ထောင်ဝင်စာ တွေ့တဲ့အခါမှာ ဘေးကနေ လုံခြုံရေးဝန်ထမ်း ၂ ယောက်၊ ၃ ယောက်လောက် ၀ိုင်းပြီး အမြဲမပြတ် စောင့်ကြည့်တာမျိုး၊ ပြီးတော့ ပြောတဲ့စကားတွေ အကုန်လုံးကို လိုက်ပြီးတော့ ရေးမှတ်တာမျိုးတွေ လုပ်တဲ့အခါကြတော့ အထဲမှာ အစာငတ်ခံ ဆန္ဒပြပြီး အရေးယူခံထားရတဲ့ လူတွေနဲ့ ပတ်သက်ပြီးတော့ နောက်ဆုံး အခြေအနေကို သိရဖို့ အခက်အခဲ ကြုံတွေ့နေပါတယ်။

“ဒီနေ့ဆိုရင် သာမန် ထောင်ဝင်စာမှာကိုပဲ အဲဒီလို အတွင်းအခြေအနေနဲ့ ပတ်သက်ပြီး ပြောမိတဲ့ အတွက်ကြောင့် ထောင်ဝင်စာကနေပြီးတော့ နှင်ထုတ်ခံရတာမျိုး ကြားထားတာ ရှိပါတယ်။”
မေလ ၂၂ ရက်နေ့ကစလို့ သမ္မတ ကြေညာခဲ့တဲ့ လွတ်ငြိမ်းချမ်းသာခွင့်နဲ့ ပတ်သက်လို့ရော နိုင်ငံရေး အကျဉ်းသားတွေရဲ့ ရပိုင်ခွင့် အခွင့်အရေးတွေ အတွက်ပါ အင်းစိန်ထောင်မှာ အစာငတ်ခံ ဆန္ဒပြတာတွေ ဖြစ်နေခဲ့တာပါ။ ပြီးခဲ့တဲ့ ရက်အနည်းငယ်က နေပြည်တော်က စုံစမ်းစစ်ဆေးရေးအဖွဲ့ လာခဲ့ပေမဲ့ ဆန္ဒပြသူတွေနဲ့ ပြေလည်မှု မရဘဲ တိုက်ပိတ်တဲ့ ပြစ်ဒဏ်တွေ ပြန်ချခဲ့သလို မိသားစုတွေနဲ့လည်း ထောင်ဝင်စာတွေ့ခွင့် ပိတ်ထားပါတယ်။

အခုလို သတင်းထိန်းချုပ်မှုတွေ ပိုပြီး လုပ်လာတဲ့အတွက် အထဲက အခြေအနေတွေ မသိရသလို သူတို့အားလုံး အတွက်လည်း စိုးရိမ်ပူပန် နေကြပါတယ်။ ဒါ့ကြောင့် ရန်ကုန်မှာ အခြေစိုက်တဲ့ ICRC နိုင်ငံတကာ ကြက်ခြေနီအဖွဲ့နဲ့ ထပ်မံတွေ့ဆုံပြီး သူတို့ရဲ့ အခြေအနေတွေနဲ့ သတင်းတွေရဖို့ ကြိုးစားသွားမယ်လို့လည်း ပြောပါတယ်။

“အခုလက်ရှိ အနေအထားအထိကတော့ ICRC က ကျနော်တို့ ပထမအခေါက် ဆွေးနွေးခဲ့တဲ့ အပေါ်မှာ လက်ခံ ဆွေးနွေးပြီးတော့ သူတို့ စဉ်းစားနေကြပုံတော့ ရှိပါတယ်။ ဒါပေမဲ့ ကျနော်တို့ကိုတော့ ICRC အနေနဲ့ တရားဝင် သူတို့ ဘယ်လို ဆောင်ရွက်မယ် ဆိုတာကိုတော့ တရားဝင် အကြောင်းပြန်တာမျိုး မရှိသေးပါဘူး။ ဒါကြောင့် ကျနော်တို့က နောက်သီတင်းပတ်ထဲမှာ ထပ်မံတွေ့ဆုံပြီး ICRC ကို ထပ်မံတိုက်တွန်းဖို့တော့ လုပ်ရမှာပါ။”

နိုင်ငံရေး အကျဉ်းသားများ လွတ်မြောက်ရေး လှုပ်ရှားမှုကို ဦးဆောင်နေသူထဲက တဦးဖြစ်တဲ့ ကိုတိုးကျော်လှိုင် ပြောပြခဲ့တာ ဖြစ်ပါတယ်။

တခါ စစ်ကိုင်းတိုင်း ကလေးထောင်မှာလည်း အရှင်ဂမ္ဘီရ ဦးဆောင်ပြီး နိုင်ငံရေး အကျဉ်းသားတွေရဲ့ ရပိုင်ခွင့်တွေ ဆုံးရှုံးနေတာမို့ မေလ ၂၇ ရက်နေ့ကစလို့ အစာငတ်ခံ ဆန္ဒပြတာတွေ လုပ်နေပါတယ်။ ဒါကြောင့် ပြီးခဲ့တဲ့ ရက်သတ္တပတ်ထဲ အရှင်ဂမ္ဘီရရဲ့ အမ ထောင်ဝင်စာ သွားတွေ့တဲ့အခါ တွေ့ခွင့်မရခဲ့ပါဘူး။ အရှင်ဂမ္ဘီရဟာ မိသားစုနဲ့ ဝေးလံတဲ့ ကလေးထောင်မှာ ရောက်နေသလို သူတို့ရဲ့ နောက်ဆက်တွဲ အခြေအနေနဲ့ သတင်းတွေရဖို့ ခက်ခဲလွန်းတာမို့ မိခင်ဖြစ်သူ ဒေါ်ရေးက အရှင်ဂမ္ဘီရရဲ့ ကျန်းမာရေး အခြေအနေအတွက် အတော်စိုးရိမ်ပူပန်နေပြီး သွားတွေ့ဖို့ စီစဉ်ထားတယ်လို့ ပြောပါတယ်။

“အန်တီလည်း ၂ ရက်၊ ၃ ရက်၊ သို့မဟုတ် ၅ ရက်အတွင်းမှာတော့ တအားသွားချင်နေတယ်။ တွေ့ခွင့်တော့ ရချင်မှရမှာ၊ မသေချာဘူး။ ဒါပေမဲ့ သွားတော့ သွားလိုက်ဦးမယ်။ ဦးဇင်းက လုပ်မယ်ဆိုရင် လုပ်တာ၊ အန်တီက တော်တော်စိတ်ပူသွားတာ။ ပြောရရင် ခန္တီးကိစ္စတွေ ဖြစ်ခဲ့တုန်းကလည်း တော်တော်လေးကို မသေရုံတမယ်လေ၊ အဲဒါလည်း စိုးရိမ်ခဲ့ရတာ။ အခုလည်း တော်တော့ကို စိုးရိမ်တယ်။”

အရှင်ဂမ္ဘီရ မိခင် ဒေါ်ရေး ပြောပြခဲ့တာ ဖြစ်ပါတယ်။

ဒါ့အပြင် ပြည်တွင်းဂျာနယ်တွေထဲ ဖော်ပြခဲ့တဲ့ အကျဉ်းတွေရဲ့ ရပိုင်ခွင့်နဲ့ ပတ်သက်လို့ အကျဉ်းဦးစီးဌာနက တာဝန်ရှိသူရဲ့ ရှင်းလင်းပြောကြားချက်ကို AAPPB နိုင်ငံရေး အကျဉ်းသားများ ကူညီစောင့်ရှောက်ရေး အသင်း-မြန်မာနိုင်ငံက ဝေဖန်လိုက်ပါတယ်။ အစာငတ်ခံ ဆန္ဒပြမှုတွေနဲ့ ပတ်သက်ပြီး ထောင်တွင်း အကျဉ်းသားတွေရဲ့ ရပိုင်ခွင့်နဲ့ ပတ်သက်လို့ ရှင်းလင်းတဲ့ အချက်အလက်တွေဟာ မဟုတ်မမှန်ဘူးလို့ AAPPB က ထောက်ပြသလို အဆင့်အတန်း နိမ့်ကျလှတဲ့ နေထိုင်ရမှု၊ နိုင်ငံရေး အကျဉ်းသားတွေအပေါ် ဖိနှိပ် အုပ်ချုပ်မှုတွေအပြင် နိုင်ငံရေး အကျဉ်းသားတွေဟာ အခြားအကျဉ်းသားတွေတန်းတူ အခွင့်အရေး မရဘဲ ခြွင်းချက်ထားမှုတွေနဲ့ ကြုံနေရတာ ဖြစ်တယ်လို့ AAPPB အဖွဲ့က ပြောပါတယ်။

ဆန်ဈေးများ မြင့်တက်လာမူ ဒေသခံများကို စိုးရိမ်မူပို

တာကလူး။ ။ News Date:5/31/2011

ရခိုင်ပြည်နယ် အတွင်း မိုးဦးကာလ လယ်စိုက်ပျိုးမူ မစတင်မှီ ဆန်ဈေးများ မြင့်တက် လာနေခြင်းကြောင့် မိုးတွင်းရာသီတွင် စားဝတ်နေရေး ပိုခက်ခဲမည်ကို ဒေသခံများအကြား စိုးရိမ်နေကြကြောင်း သတင်း ရရှိသည်။

လွန်ခဲ့သော ရက်သတ္တပတ်များအတွင်း ရခိုင်ပြည်နယ် တ၀ှန်း မိုးများ စတင် ရွာသွန်းလာသည်နှင့်အတူ ဆန်များမှာလည်း အမျိုးအစားအလိုက် နေရာဒေသ အတော်များများတွင် မြှင့်တက်သွားခဲ့သည်။

ယခင် ဈေးထက် တအိတ်ကို ကျပ် ၃၀၀၀ မှ ၆၀၀၀ အထိ အသီးသီး မြင့်တက်သွားခဲ့ကြောင်း ဒေသခံများနှင့် ဆန်ကုန်သည်က ပြောသည်။

" စစ်တွေတွင် ဧည့်မထ တအိတ်ကို ယခင် ကျပ် ၁၂၀၀၀ ခန့် ရှိနေခဲ့ရာကနေ ယခု ကျပ် ၁၅၀၀၀ ထိ တက်သွားပြီး ဒေသထွက် ပေါ်ဆန်းမွှေး တအိတ်က အရင် ကျပ် ၂၀၀၀၀ ရှိနေခဲ့ရာကနေ အခု ကျပ် ၂၅၀၀၀ အထိ ဈေးတက် သွားခဲ့ပါတယ်" ဟု ပြောသည်။

ပုဏ္ဏားကျွန်း၊ ရသေ့တောင်၊ ကျောက်တော်၊ မြောက်ဦးနှင့် မင်းပြားတို့တွင် ဒေသအခေါ် ဆန်ချေ အညံ့စား ဆန်တစ်အိတ်လျှင် ယခင် ကျပ် ၁၀၀၀၀ ခန့် ရှိနေခဲ့ရာမှ ယခု ကျပ် ၁၂၀၀၀ နှင့် ၁၃၅၀၀ အကြားထိ တက်သွားပြီး ဆန်ကြီးခေါ် အကောင်းစား ဆန်တစ်အိပ်မှာ ယခင်ကျပ် ၁၃၀၀၀ ခန့်ရှိနေခဲ့ရာမှ ယခု ကျပ် ၁၆၀၀၀နှင့် ၁၈၀၀၀ ခန့်ထိ ဈေးတက်သွားခဲ့သည်။

ဂီရီလေမုန်းတိုင်းဒဏ် အဆိုးဝါးဆုံးခံခဲ့ကြရသည့် မြေပုံ၊ ပေါက်တော နှင့် ကျောက်ဖြူတို့တွင် တခြားနယ်များမှ ဆန်များတင်သွင်းနေရသောကြောင့် အညံ့စား ဆန်တစ်အိတ်လျှင် ယခင် ကျပ် ၁၂၀၀၀ ခန့်ရှိနေခဲ့ရာမှ ယခု ၁၈၀၀၀ ထိမြင့်တက်သွားပြီး၊ အလယ်အလတ်အဆင့် ဆန်တစ်အိတ်လျှင် ယခင် ၁၅၀၀၀ခန့်ရှိနေခဲ့ရာမှ ယခု ၂၀၀၀၀ နီးပါး အထိ မြင့်တက် သွားခဲ့ကြောင်း သိရှိရသည်။

ဘင်္ဂလားဒေ့ရ်ှနယ်စပ်ရှိ ဘူးသီးတောင်တွင် ဧည့်မထ တအိတ်လျှင် ယခင် ၁၃၀၀၀ ခန့် ရှိနေခဲ့ရာမှ ယခု ၁၆၀၀၀ ခန့်၊ ပေါ်ဆန်းမွှေးတအိပ်လျှင် ယခင် ၂၂၀၀၀ခန့် ရှိနေခဲ့ရာမှ ယခု ၂၈၀၀၀ ခန့်ထိမြင့်တက်သွားခဲ့ပြီး၊ မောင်တောတွင် ဧည့်မထ တအိပ်လျှင် ကျပ် ၂၀၀၀၀ ထိ ဈေးတက်နေပြီး၊ ပေါ်ဆန်းမွှေး တအိတ်လျှင် ၃၅၀၀၀ ခန့်အထိ ဈေးတက်နေကြောင်း စုံစမ်းသိရှိရသည်။

ရခိုင်ပြည်နယ်တွင် နှစ်စဉ်နှစ်တိုင်း မိုးတွင်းကာလများတွင် ဆန်ဈေးများမြင့်တက်တတ်သော်လည်း ယခုနှစ်တွင် မိုးရာသီ မ၀င်သေးမှီ ကတည်းက ဆန်ဈေးနှုန်းများ မြင့်တက်လာနေခြင်းကြောင့် မိုးတွင်းတွင် ပိုမို ဈေးမြင့် လာမည်ကို ဒေသခံများ အကြား စိုးရိမ်နေကြသည်။

"ကျွန်တော်တို့ ဒေသမှာက အလုပ်ရှားပြီး ၀င်ငွေနည်းတာကြောင့် တရက်လုပ်လို့ တထပ်စာ မဖူလုံ နိုင်ကြပါဘူး။ ခုမိုးနည်းနည်းရွာလာတာနဲ့ ဆန်ဈေးတွေက ထိုးတက်လာနေတာတော့ မိုးတွင်းမှာ ဘယ်လို စားသောက်ကြရမလဲဆိုတာ တွေးပူနေကြရပါတယ်" ဟု စစ်တွေ ဒေသခံ တစ်ဦးကလည်း ပြောသည်။

ရခိုင်ပြည်နယ်အတွင်း ဆန်ဈေးနှုန်းများမြင့်တက်လာနေခြင်းမှာ လွန်ခဲ့သောနှစ် အောက်တိုဘာလတွင် တိုက်ခတ်ခဲ့သည့် ဂီရီမုန်တိုင်းကြောင့် ပြည်နယ်အ၀ှန်းရှိ ရိတ်သိမ်းခါနီးစပါးခင်းများစွာ ပျက်စီး ဆုံးရှုံးခဲ့ရပြီး ဆန်စပါး ပြတ်လပ်နေခြင်းကြောင့် ဖြစ်သည်ဟု ဆန်ကုန်သည်တစ်ဦးက ပြောသည်။

"ခုတလော ဆန်ဈေးတွေ တက်လာတာဟာ ဒေသတွင်းမှာ ဆန်စပါးတွေ ပြတ်လပ်မှုနဲ့ ကြုံတွေ့ နေရလို့ ဖြစ်ပါတယ်။ ဂီရီမုန်တိုင်းကြောင့် ရခိုင်ပြည်နေရာအနှံ့မှာ ရိတ်သိမ်းခါနီး စပါးခင်းတွေ ပျက်စီးဆုံးရှုံးခဲ့ကြရပါတယ်။ တချို့ မြေပုံ၊ ပေါက်တော နဲ့ ကျောက်ဖြူဒေသတွေမှာဆိုရင် ဒီရေလှိုင်းတွေ လွှမ်းသွားပြီးတော့ စပါးခင်းတွေအပြင် သိုလှောင်ထားတဲ့ စပါးတွေလဲ လုံးဝ သုံးမရ အောင် ပျက်သွားခဲ့ရပါတယ်။ အဲဒီဒေသတွေကို တခြားနယ်တွေကနေ ဆန်တင်ပို့ပေးနေရတဲ့ အပြင် ဒေသတွင်း ပြတ်လပ်မှုနဲ့ ရင်ဆိုင်နေကြရတာကြောင့် ခုလို ဈေးတက်လာရတာဖြစ်ပါတယ်" ဟု ၄င်းဆန်ကုန်သည်က ပြောသည်။

ရခိုင်ပြည်နယ်တွင် တစ်နှစ်လျှင် တစ်သီးသာ စိုက်ပျိုးနိုင်ကြပြီး၊ စိုက်ပျိုးရေးရာသီ မစမှီ ဆန်စပါး ပြတ်လပ်မှုနှင့် ရင်ဆိုင်နေကြရသောကြောင့် ယခုမိုးတွင်းကာလတွင် ဆန်ဈေးများ ပိုမိုတက်လာပြီး စားဝတ်နေရေး ပိုမိုခက်ခဲလာမည်ကို ဒေသခံများအကြား စိုးရိမ်နေကြရကြောင်း စုံစမ်းသိရှိရသည်။

အထက်ပေါင်းလောင်းကြောင့် လူ ၈ ထောင် ရွှေ့ပြောင်းရမည်

ကျော်ခ | အင်္ဂါနေ့၊ မေလ ၃၁ ရက် ၂၀၁၁ ခုနှစ် ၁၉ နာရီ ၃၀ မိနစ်

ချင်းမိုင် (မဇ္ဈိမ) ။ ။ ဆွစ်ဇာလန်နှင့် ဗြိတိသျှ ဆောက်လုပ်ရေး ကုမ္ပဏီများ ပါဝင်ဆောက်လုပ်ပေးနေသော ရှမ်းပြည်နယ်ရှိ ရေအားလျှပ်စစ် စီမံကိန်းအတွက် ရေကာတာ ဆောက်လုပ်သည့် လုပ်ငန်းကြောင့် လူ ၈ ထောင်ခန့်ကို အဓမ္မ ရွှေ့ပြောင်းခံရမည်ဟု ကယန်းအမျိုးသား လူ့အခွင့်အရေးအဖွဲ့က ပြောသည်။

ရှမ်းပြည်နယ်တောင်ပိုင်း ပင်လောင်းမြို့နယ် အတွင်းရှိ ပေါင်းလောင်းမြစ်ပေါ်တွင် တည်ဆောက်နေသော အထက်ပေါင်းလောင်း ဆည်စီမံကိန်းအတွင်း ကျရောက်သော ကျေးရွာပေါင်း ၂၃ ရွာမှ လူဦးရေ ၇၉၉၈ ဦးမှာ နေရာသစ်များ ရှာဖွေနေကြရသည်ဟု ထိုင်းနိုင်ငံတွင် ပြုလုပ်သော Kayan New Generation Youth အဖွဲ့၏ သတင်းစာ ရှင်းလင်းပွဲ၌ ပြောသည်။

အရှေ့ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ရာပြည့်က ကျေးရွာလူကြီးများကို အောက်တိုဘာလ နောက်ဆုံးထား ပြောင်းရွှေ့ရန် ပြောကြားထားသည်ဟု KNGY က ဆိုသည်။

“ပြောင်းရမယ့် နေရာတွေကိုလည်း ကိုယ်တိုင်ရှာပြီး ပြောင်းခိုင်းတယ်” ဟု အဖွဲ့မှ မူမိုးလေးက မဇ္ဈိမကို ပြောသည်။

“နောက်ထပ် ပြောင်းရွှေ့ရမယ့် နေရာကလည်း တောင်ကြောတွေပဲ ရှိတယ်။ မြေပြန့်ကို ပြောင်းမယ် ဆိုရင်လည်း ရေအောက်မှာ ရှိနေတယ်ဆိုတော့ ဒေသခံတွေအနေနဲ့က ဘယ်လိုလုပ်ကြရမှန်း မသိဘူး ဖြစ်နေကြတယ်” ဟု သူက ဆက်ပြောသည်။

ရေအားလျှပ်စစ် ၁၄ဝ မဂ္ဂါဝပ် ထုတ်လုပ်မည့် ရေကာတာ တည်ဆောက်မှုကို Af Colenco ကုမ္ပဏီက တည်ဆောက်ရေး အင်ဂျင်နီယာ ဒီဇိုင်းနှင့် တည်ဆောက်ရေး လုပ်ငန်းများကို ကြီးကြပ်လျက်ရှိသည်။ ထို့အပြင် အင်္ဂလန်မှ မိသားစုပိုင် မလ်ကွန် ဒွန်စတန်ကုမ္ပဏီ Malcom Dunstan Associates နှင့် တရုတ်နိုင်ငံမှ ယူနန်အကြီးစား စက်ပစ္စည်းများ ပြည်ပတင်ပို့ရေး ကုမ္ပဏီ Yunan Machinery and Export Company တို့ ပါဝင် ခလုပ်ကိုင်နေကြသည်။

မလ်ကွန် ဒွန်စတန်ကို အင်္ဂလန်ရှိ ဘားမားကင်မ်ပိန်း (ယူကေ) အဖွဲ့က လူ့အခွင့်အရေး ချိုးဖောက်နေသော
မြန်မာအစိုးရကို တိုက်ရိုက် သို့မဟုတ် သွယ်ဝိုက် ထောက်ပံ့ကူညီနေသော အဖွဲ့အဖြစ် ၂ဝဝ၈ ခုနှစ်တွင် နာမည်ပျက်စာရင်းထဲ ထည့်သွင်းခဲ့သည်။

”ဥရောပက လာသည်ဖြစ်စေ၊ အာရှက လာသည်ဖြစ်စေ မြန်မာနိုင်ငံမှာ လာရောက်ရင်းနှီးမြှုပ်နှံတဲ့အခါ သင့်လျော်တဲ့ စံသတ်မှတ်နှုန်းများကို ပစ်ပယ်လုပ်ဆောင် နေကြတာကို ပြသနေပါတယ်” ဟု မမူမိုးလေးက ပြောသည်။

မလ်ကွန်ဒွန်စတန်သည် ရဲရွာဆည်တည်ဆောက်ခဲ့သူပြီး၊ လက်ရှိတွင် အထက်ပေါင်းလောင်းနှင့် တာဆန်း ရေကာတာ တည်ဆောက်ရေးတို့ လုပ်ကိုင်လျက်ရှိသည်။

ဒေသခံများမှာ မိမိအစီအစဉ်ဖြင့် ရွှေ့ပြောင်းရမှာဖြစ်ပြီး တအိမ်ထောင်လျှင် ကျပ် ၅ သောင်းသာ ပေးမည်ဟု အာဏာပိုင်များက ပြောသည်။

သူတို့သည် နနွင်းကို အဓိကစိုက်ပျိုးကြပြီး ငရုပ်သီး၊ နွေစပါး၊ မိုးစပါး၊ မြေပဲ၊ လိမ္မော်၊ ငှက်ပျောနှင့် လက်ဖက် စသည်များလည်း စိုက်ပျိုးကြသည်။

၂ဝဝ၄ ခုနှစ်မှစ၍ တည်ဆောက်နေသော အမြင့် ၁ဝ၃ မီတာရှိ ရေကာတာစီမံကိန်းသည် ၂ဝ၁၂ ခုနှစ်တွင် ပြီးဆုံးရန် လျာထားထားသည်။ ဆည်တည်ဆောက်ပြီးလျှင် အကြမ်းမျဉ်း ဘောလုံးကွင်းပေါင်း ၁၁၄ဝဝ နီးပါး အကျယ်ရှိ စိုက်ပျိုးမြေ ၆၁ စတုရန်း ကီလိုမီတာမှာ ရေမြုပ်ကုန်မည်ဟု ကယန်းလူငယ်အဖွဲ့က ပြောသည်။

ထွက်ရှိသော လျှပ်စစ်ကိုမူ စီမံကိန်း၏ အနောက်မြောက်ဘက် ၅ဝ ကီလိုမီတာအကွာရှိ အစိုးရရုံးစိုက်ရာ
နေပြည်တော်သို့ ပေးပို့မှာဖြစ်သည်။

ယခုအဖြစ်အပျက်များနှင့် ပတ်သက်၍ ရွေးကောက်ပွဲကာလတွင် အဆိုပါကျေးရွာများက မဲပေးခဲ့ကြသော ကျားဖြူ ခေါ် ရှမ်းတိုင်းရင်းသား ဒီမိုကရက်တစ်ပါတီနှင့် ပအိုဝ့်အမျိုးသားအဖွဲ့ချုပ်ပါတီထံ ဆက်သွယ်ခဲ့သော်လည်း မရရှိခဲ့ပေ။
စီမံကိန်းက အဓမ္မ ရွှေ့ပြောင်းခိုင်းသလို ၆ဝ၆ ခြေမြန် တပ်ရင်းအတွက် နေရာထိုင်ခင်းများ ဆောက်လုပ်ခြင်း၊ လမ်းဖောက်ခြင်း တို့တွင် ဒေသခံများကို ပေါ်တာဆွဲ သုံးပြုကြသေးသလို တအိမ်ထောင်လျှင် လစဉ်ကြေး ကျပ် ၁ဝဝဝ ကောက်ခံသေးသည်ဟု KNGY ၏ အစီရင်ခံစာ တွင် ပါရှိသည်။

မြန်မာနိုင်ငံ မြစ်ကြောင်းများဆိုင်ရာ ကွန်ယက်အဖွဲ့ Burma Rivers Network ခေါင်းဆောင်တဦးဖြစ်သူ စိုင်းစိုင်းက “နိုင်ငံမှာ ထုတ်တဲ့ ရေအားလျှပ်စစ်
အများစုပေါ့နော်။ စစ်တပ်နေရာရယ်၊ စစ်တပ်နဲ့ ပတ်သက်တဲ့ စက်မှုလုပ်ငန်းတွေ နေရာရယ်ပဲ အများစု အသုံးပြုတယ်။ ရေကာတာ စီမံကိန်း အနီးမှာရှိတဲ့
မြို့ပဲဖြစ်ဖြစ်၊ ရွာပဲဖြစ်ဖြစ် အများစုက လျှပ်စစ်ဓာတ်အား မရဘူး။ လျှပ်စစ်ရပေမယ့်လည်း မီးရဖို့က တနေ့လာရင် ၃ ရက်ပျက်တယ်ဆိုတဲ့ အခြေအနေ အမြဲတမ်း ရှိနေတယ်” ဟု ပြောသည်။

သမ္မတသစ်၏ ပထမဆုံး မိန့်ခွန်းတွင်လည်း သဘာဝ ပတ်ဝန်းကျင် ထိန်းသိမ်းရေးနှင့် ပတ်သက်၍ အကျယ်တဝင့် ပြောကြားသွားပြီး၊ စီးပွားရေး ဖွံ့ဖြိုးတိုးတက်မှုနှင့် သဘာဝ ပတ်ဝန်းကျင် ထိန်းသိမ်းရေး လိုအပ်ချက်များကို ဟန်ချက်ညီညီ ထိန်းညှိဆောင်ရွက်မည်ဟု ပါရှိသည်။

သီရိလင်္ကာအပေါ် စစ်ရာဇ၀တ်မှု စွပ်စွဲ

By ဗွီအိုအေ (မြန်မာဌာန) တနင်္လာ, 30 မေ 2011

သီရိလင်္ကာနိုင်ငံမှာ ၂၀၀၉ ခုနှစ်က ပြီးဆုံးခဲ့တဲ့ ပြည်တွင်းစစ်ပွဲ နောက်ဆုံးရက်တွေမှာ တမီးလ်ပြည်သူတွေ အပေါ်မှာ အစိုးရတပ်တွေက ပြစ်မှုတွေ ကျူးလွန်ခဲ့တယ်လို့ ကုလသမဂ္ဂ အထူးစုံစမ်း စစ်ဆေးရေးမှူးက ပြောပါတယ်။

နောက်ဆုံးတိုက်ပွဲကာလ ဗွီဒီယိုတွေအရ တမီးလ် တိုင်းရင်းသားတွေ အပေါ်မှာ အစိုးရက ပြစ်မှု ကျူးလွန်ခဲ့တယ်ဆိုတာ ယုံကြည်ရလောက်တဲ့ သက်သေပြနေတယ်လို့ ဥပဒေမဲ့ အကျဉ်းရုံး သို့မဟုတ် နိုင့်ထက်စီးနင်း ကွပ်မျက်မှုဆိုင်ရာ ကုလသမဂ္ဂ စုံစမ်း စစ်ဆေးရေးမှူး ခရစ်စ်တိုဖာ ဟေးန်စ် (Christopher Heyns) က ပြောလိုက်တာပါ။

ဗြိတိန်နိုင်ငံက Channel 4 ရုပ်သံဌာနက ၂၀၀၉ ခုနှစ်မှာ ရရှိခဲ့တဲ့ ဗွီဒီယိုထဲမှာ မျက်စိကို အဝတ်စည်းခံထားရပြီး လက်ပြန်ကြိုး တုပ်ခံထားရတဲ့ အဝတ်မပါသူတွေကို သီရိလင်္ကာ စစ်သားတွေလို့ ယုံကြည်ရသူတွေက အနီးကပ် သေနတ်နဲ့ ပစ်သတ်နေတာတွေကို ရိုက်ကူးထားပါတယ်။
ဒီဗွီဒီယိုဟာ စစ်မှန်ရဲ့လား ဆိုတာကို နည်းပညာပိုင်းဆိုင်ရာ ကျွမ်းကျင်သူတွေ၊ မှုခင်းစစ် ကျွမ်းကျင်သူတွေနဲ့အတူ စစ်ဆေးခဲ့တယ်လို့ မစ္စတာ ဟေးန်စ် လူ့အခွင့်အရေး ကောင်စီကို တနင်္လာနေ့က ပြောကြားခဲ့ပါတယ်။

တမီးလ် ကျားသူပုန်တွေကို ထိုးစစ်ဆင် တိုက်ခိုက်မှုအတွင်း စစ်တပ်က လူ့အခွင့်အရေးနဲ့ လူသားချင်း စာနာမှုဆိုင်ရာ ဥပဒေတွေကို ချိုးဖောက်တယ်ဆိုတဲ့ စွပ်စွဲချက်တွေကို သီရိလင်္ကာ အာဏာပိုင်တွေက ပယ်ချခဲ့ပါတယ်။

တမီးလ် ကျားသူပုန် အကြွင်းအကျန်တွေရဲ့ မှားယွင်းတဲ့ ဝါဒဖြန့်မှုတွေအတိုင်း ကုလသမဂ္ဂနဲ့ နိုင်ငံတကာ အသိုင်းအဝိုင်းက လိုက်ပြီး ဆောင်ရွက်နေကြတယ်လို့ သီရိလင်္ကာ အစိုးရက ပြန်ပြီး စွပ်စွဲခဲ့ပါတယ်။

တန်ပြန်တော်လှန်မှုသာ ဒီကေဘီအေ၏ အနာဂတ်ပန်းတိုင်

မေလ ၄ရက်။ ခေါင်ဆူလိုင့် KIC

သမ္မတ ဦးသိန်းစိန်၏ အရပ်သားအစိုးရသစ် ပေါ်ထွန်းလာခဲ့သော်လည်း ကရင်ပြည်နယ်အတွင်းမှာတော့ ဧပြီလမကုန်ခင်အ တွင်း လှိုင်းဘွဲမြို့နယ် မြိုင်ကြီးငူဒေသတွင် ဒီကေဘီအေမှ နယ်ခြားစောင့်တပ် ပြောင်းလဲဖွဲ့စည်းလိုက်သည့် အဖွဲ့အချင်းချင်း ပစ်ခတ်မှုများ ဖြစ်ပွားခဲ့သည်။ အလားတူ ကြာအင်းဆိပ်ကြီးမြို့နယ် ကျိုက်ဒုံရွာကြီးတ၀ိုက်တွင်လည်း သေနတ်သံများ ဆူညံ ကာ ဒေသခံ ရွာသူရွာသားများမှာ နေ့နေ့ညည ကျင်းပုန်းထဲ ရှောင်တိမ်းနေရသည်။

ကျိုက်ဒုံကျေးနယ် မိတန်ရွာသူတစ်ဦးက “တိုက်ပွဲဖြစ်တဲ့အသံတွေကတော့ အခုပိုပိုကြားလာရတယ်။ ဒီလပိုင်း၊ ရက်ပိုင်းထဲမှာ ဗုံးကျင်းထဲ ပုန်းနေရတာပိုများနေတယ်။ ရွာပြင်ထွက်စရာရှိရင်တောင် စစ်တပ်တွေ မရှိတဲ့ဘက်ကို ရှောင်ကွင်းသွားလာနေရ တယ်။”ဟု ဆိုသည်။

၎င်းတိုက်ပွဲများမှာ အစိုးရ၏ စစ်တပ်နှင့် နယ်ခြားစောင့်တပ် ပြောင်းလဲဖွဲ့စည်းရန်ကို လက်မခံခဲ့သည့် ဒီကေဘီအေတပ်ဖွဲ့အ ကြား ဖြစ်ပွားနေသည့် နယ်စပ်ဒေသ စစ်ရေးပဋိပက္ခ နောက်ဆက်တွဲပင် ဖြစ်သည်။
မြန်မာစစ်တပ်သည် နှစ်ပေါင်း ၂၀အတွင်း ပထမဆုံးအကြိမ်အဖြစ် ပြုလုပ်သည့် ရွေးကောက်ပွဲမတိုင်ခင် ၁၉၉၅ခုနှစ်ကတည်း က အပစ်ရပ်ခဲ့သည့် တိုင်းရင်းသားလက်နက်ကိုင် အဖွဲ့အစည်းများကို နယ်ခြားစောင့်တပ်အသွင် ပြောင်းလဲဖွဲ့စည်းရန် ၂၀၀၉ ခုနှစ်ဆန်းပိုင်းမှစ၍ ဖိအားပေးလာခဲ့သည်။

ထို့ကြောင့် ခန့်မှန်းခြေ တပ်ဖွဲ့ဝင်အင်အား ၁,၂၀၀ခန့်ရှိ ဗိုလ်မှူးကြီးစောလားပွယ် (ဗိုလ်နှုတ်ခမ်းမွှေး) ဦးစီးသော ဒီကေဘီအေ တပ်မဟာ(၅)အဖွဲ့မှာ နယ်ခြားစောင့်တပ်ကို လက်မခံဘဲ ငြင်းဆန်ခဲ့ပြီး ရွေးကောက်ပွဲရက်အတွင်း ကရင်ပြည်နယ်စပ် မြ၀တီ မြို့ရှိ နေရာအချို့ကို သိမ်းယူထားပြီး နောက်တစ်ရက်တွင် စစ်တပ်နှင့် မြို့ပြတိုက်ပွဲ ဖြစ်ပွားခဲ့သည်။

“နအဖရဲ့ ဒီရွေးကောက်ပွဲက မမှန်ကန်ဘူး။ လူထုအပေါ်လည်း မှန်ကန်မှုမရှိဘူး။ ကရင်လူမျိုးတွေအားလုံး ပပျောက်သွား အောင် လုပ်နေတာ။ နအဖတွေက ကျနော်တို့ ကရင်လူမျိုးတွေရဲ့ တိုးတက်မှု၊ ပညာရေးအားလုံးကို ဖျက်ဆီးပစ်တယ်။ ကရင် လူမျိုးတွေ အသက်ရှည်ပေမဲ့ အသက်မရှိသလိုမျိုးဖြစ်အောင် လုပ်နေတာ။ ကျနော်တို့က မှန်ကန်တဲ့နည်းလမ်းကို ပေါ်လွင် အောင် လုပ်မယ်။ နအဖပေးထားတဲ့ (BGF)တံဆိပ်ကို အားလုံး မီးရှို့ဖျက်ဆီးပစ်တယ်။ ကျနော်တို့လုပ်နေတာ ကျနော်တို့လူ မျိုးအတွက်ဆိုတော့ ဆက်လုပ်ရအုံးမယ်လေ။”ဟု ရွေးကောက်ပွဲရက်က ကေအိုင်စီကို ပြောဆိုခဲ့သည်။

ဒီကေဘီအေသည် နအဖ၏ ရွေးကောက်ပွဲရက်အပြီး ၂၀၁၀ခုနှစ်၊ နိုဝင်ဘာလ ၈ရက်နေ့မှစ၍ ယခုအချိန်ထိတိုင် စစ်တပ်နှင့် ဆက်တိုက်ဖြစ်ပွားခဲ့သည့် တိုက်ပွဲများကြောင့် ဗိုလ်နှုတ်ခမ်းမွှေး အခြေစိုက်ရာ မြ၀တီတောင်ဘက်ရှိ ဝေါ်လေ၊ ဖလူးဒေသများမှ သောင်းနှင့်ချီသည့် ရွာသူရွာသားများမှာ စစ်ပြေးဒုက္ခသည်များအဖြစ် ထိုင်းဘက်ခြမ်းသို့ ကစဥ့်ကလျား ရှောင်တိမ်းခိုလှုံနေထိုင်ခဲ့ရသည်။

သို့သော် ပြည်တွင်းရှိ ကရင်လူထုအများစုက ဒီကေဘီအေအဖွဲ့၏ လုပ်ရပ်မှာ မှန်ကန်သင့်လျော်ကြောင်း ထောက်ခံခဲ့ကြသလို ပြည်ပရောက် ကရင်များကလည်း ငွေကြေးအားဖြင့် ထောက်ပံ့ကူညီ အားပေးခဲ့ကြသည်။

မြ၀တီမြို့နယ် ရွှေကုက္ကိုကျေးရွာမှ ရွာသူတစ်ဦးက “ဗမာတွေဟာ ကရင်အဖွဲ့တွေကို တဖွဲ့ပြီးတဖွဲ့ ခွဲထုတ်တယ်။ အခုဆို ဒီကေဘီအေဟာလည်း နှစ်ဖွဲ့ကွဲထွက်သွားတယ်။ ဒါပေမဲ့ ဗမာစစ်တပ်နဲ့ ပြန်ပေါင်းတာထက် ဗိုလ်နှုတ်ခမ်းမွှေးတို့လို ပြန်တိုက် တာက ပိုကောင်းတယ်လေ။ စစ်တပ်နဲ့ပေါင်းနေလည်း သူတို့ခွင့်ပြုချက်အောက်ကပဲ လုပ်နေရတာပဲ။ ကိုယ့်အမျိုးသားအတွက် ဘာမှလုပ်ပေးနိုင်တာလည်း မဟုတ်ဘူးလေ။”ဟု ဆိုသည်။

ရွေးကောက်ပွဲကို ဆန့်ကျင်ကာ စစ်တပ်ကို ပြန်လည်တော်လှန်ကာ ဦးဆောင်တိုက်ခိုက်ခဲ့သည့် ဗိုလ်မှူးချုပ်စောလားပွယ်ကို နော်ဝေအခြေစိုက် ဘက်မလိုက် လွတ်လပ်သော ကရင်လူမှုအဖွဲ့အစည်းက ၂၀၁၀ခုနှစ်၊ ဒီဇင်ဘာလ ၄ရက်နေ့က ကရင်အမျိုး သား ဒီမိုကရေစီသူရဲကောင်းဆု ပေးအပ်ခဲ့သည်။

ထိုဆုနှင့်ပတ်သက်၍ ဗိုလ်မှူးချုပ်စောလားပွယ်က “ဒီဆုဟာ ကလို့ထူးဘောက DKBA ရဲဘော်ရဲဘက်တွေအပြင် တိုင်းရင်းသား ပြည်သူလူထုအားလုံးအတွက် ဖြစ်ပါတယ်။ ရှေ့ဆက် မြန်မာနိုင်ငံ ဒီမိုကရေစီနဲ့ ငြိမ်းချမ်းရေးရရှိတဲ့အထိ ကျနော်တို့ ကြိုး ပမ်းသွားမယ်။”ဟု ကေအိုင်စီကို ပြောဆိုခဲ့သည်။

ဆုချီးမြှင့်သည့်အဖွဲ့၏ ပြောရေးဆိုခွင့်ရှိသူ စောမောသို ၅၈နှစ်က “ဗိုလ်နှုတ်ခမ်းမွှေးက စောဘဦးကြီး မူလေးချက်အရ နအဖ (စစ်တပ်)ကို ပြန်တိုက်မှာပဲ။ သူ့ကို ကေအဲန်ယူနဲ့ ရာသက်ပန်ပြန်ပေါင်းဖို့အတွက် ကျနော်တို့အဖွဲ့အနေနဲ့ ဆုချီးမြှင့်ထားတာပဲ။ ဒီတော့ ရှေ့ဆက် သူ့ကိုယ်ကျိုးထက် အမျိုးသားရေးအကျိုးကို ရပ်တည်စေချင်ပါတယ်။”ဟု ပြောသည်။

ဒီကေဘီအေ၏ လက်ရှိ ရပ်တည်ချက်နှင့် လုပ်ဆောင်ချက်သည် ကေအဲန်ယူနှင့် တစ်ထပ်တည်း ဖြစ်သည့်အတွက် ရှေ့ဆက် လက်တွဲလုပ်ဆောင်လိုပါက ကြိုဆိုလျှက်ရှိကြောင်း ကေအဲန်ယူ ဒုဥက္ကဌ ပဒိုစောဒေးဗစ်သကဘောက ပြောသည်။

“ဒီကေဘီအေကတော့ မာနယ်ပလောကျရင် ကရင်ပြည်နယ်ရဲ့ အစိုးရပဲ ဖြစ်တော့မလိုလို အပြောတွေနဲ့ နအဖရဲ့ အလိမ်ခံခဲ့ရ တယ်။ အရင်ကတော့ စစ်အာဏာရှင်။ အခုက သိန်းစိန် အာဏာရှင်အစိုးရပါပဲ။ လက်ရှိမှာ ဒီကေဘီအေက အာဏာရှင် ပြုတ် ကျရေး၊ ဒီမိုကရေစီနဲ့ ငြိမ်းချမ်းရေးအတွက် တိုက်ပွဲဝင်နေတယ်ဆိုတော့ ကေအဲန်ယူနဲ့ ရည်မှန်းချက်ချင်း တူနေတယ်။ ဒီအ တွက် နောက်ဆို ကေအဲန်ယူနဲ့ ပူးပေါင်းဖို့ဆန္ဒရှိရင် ကျနော်တို့က ကြိုဆိုနေတာပါပဲ။”ဟု စောဒေးဗစ်သကဘောက ဆိုသည်။

ပြီးခဲ့သည့် ဧပြီလ ၂၁ရက်နေ့က ကေအဲန်အယ်လ်အေ တပ်မဟာ(၇)ထံသို့ ထွက်ပြေးရောက်ရှိလာသည့် နယ်ခြားစောင့်တပ် (၁၀၁၆)မှ တပ်ကြပ် စောကံကောင်းက ဗိုလ်မှူးချုပ်စောလားပွယ်၏လုပ်ရပ် မှန်ကန်သည့်အပေါ် မိမိတို့အနေဖြင့် ထောက်ခံ ကြောင်း ယခုလို ပြောသည်။

တပ်ကြပ်စောကံကောင်းက “ဖူးနှုတ်ခမ်းမွှေး(စောလားပွယ်)လုပ်ရပ်ဟာ မှန်ကန်ပြီး အကောင်းဆုံးပါပဲ။ ဒါပေမဲ့ ကျနော်တို့ ခေါင်းဆောင်တွေ နယ်ခြားစောင့်တပ် လက်ခံလိုက်တဲ့အပေါ် အောက်ခြေတပ်သားအဖြစ် ကျနော်တို့က သူတို့နဲ့ လိုက်ပါခဲ့ရ တာပေါ့။ တကယ်တော့ ကျနော်တို့စိတ်တွေကလည်း ဖူးနှုတ်ခမ်းမွှေးတို့ဆီမှာပဲ ရှိပါတယ်။”ဟု ဆိုသည်။

လက်ရှိအချိန်တွင် နယ်ခြားစောင့်တပ်ကို လက်ခံခဲ့သည့် ယခင် ဒီကေဘီအေတပ်ဖွဲ့ဝင်များမှာ တင်းကြပ်သည့် စစ်စည်းကမ်း သတ်မှတ်ချက်များကြောင့် လစာ၊ ရိက္ခာရရှိသည့်တိုင် အခက်အခဲရှိနေကြသည်။ ၎င်းအပြင် နယ်ခြားစောင့်တပ်ဖွဲ့ဝင်များ၏ သွားလာရေးသည်လည်း မိမိတပ်ရင်းမှူး၏ လက်မှတ်အပြင် စစ်ဖက်ရေးရာ အထူးလုံခြုံရေးအဖွဲ့(စအဖ)၏ ထောက်ခံချက်ပါ ရရှိမှသာ သွားလာနိုင်သည့်အပေါ် ဒီကေဘီအေအနေဖြင့် ရပ်တည်မှုထက် စိတ်ကျဉ်းကြပ်ရကြောင်း နယ်ခြားစောင့်တပ်မှူး တစ်ဦးက ပြောပြသည်။

အင်အားကြီးမားသည့် အစိုးရစစ်တပ်ကို ပြောက်ကျားတိုက်ပွဲများဖြင့် တော်လှန်တိုက်ခိုက်နေရသည့် ဒီကေဘီအေအနေဖြင့် လက်နက်ခဲယမ်းနှင့် စားနပ်ရိက္ခာများအတွက် ရန်ပုံငွေရရှိရန် ၎င်းတို့ပြောက်ကျားလှုပ်ရှားရာ နယ်မြေများတွင် အခွန်ငွေများ ကောက်ခံသည့် ကြေညာချက်ကို ယခုနှစ်ဆန်းပိုင်းက ထုတ်ပြန်ထားခဲ့သည်။

၎င်းအပြင် ဗိုလ်မှူးချုပ်စောလားပွယ်သည် ယခင်က မူးယစ်ဆေးဝါး ထုတ်လုပ်ရောင်းဝယ်သည်ဟု သတင်းများ ထွက်ပေါ်ခဲ့ သည့်အပေါ် လက်ရှိ လုပ်ရပ်အတွက် ယုံကြည်မှု မည်မျှရှိနိုင်မည်ကို သူနှင့် လက်တွဲတိုက်ပွဲဝင်ခဲ့ဖူးသူ အမေရိကန်ရောက် ကေအဲန်အယ်လ်အေ တပ်မှူးဟောင်းတစ်ဦးက ယခုလို ပြောဆိုသည်။

“ကရင့်တော်လှန်ရေး အစပိုင်းကလည်း ဓားပြတိုက်တာပဲ။ ရန်ပုံငွေပိုက်ဆံမရှိလို့ ဓားပြတိုက်ပြီး သေနတ်ဝယ်တယ်။ ဒါ ကရင့် တော်လှန်ရေးဖြစ်စဉ်။ သူတို့(ဗိုလ်နှုတ်ခမ်းမွေး)လည်း ငြိမ်းချမ်းရေးလုပ်နေတဲ့ကာလမှာ ပိုက်ဆံမရှိလို့ မူးယစ်ဆေးဝါး လုပ်ချင် လည်းလုပ်မှာပဲ။ အဲဒီတော့ မူးယစ်ဆေးဝါးလုပ်လို့ရတဲ့ငွေတွေနဲ့ ကျည်ဆံဝယ်ပြီး သူတို့ ပြန်ချမယ်။ မူးယစ်ဆေးဝါးနဲ့ကင်းတဲ့ ဗမာပြည်ရဲ့ တော်လှန်ရေးအဖွဲ့ကတော့ အတော်နည်းမယ် ထင်တယ်။ ဆိုတာက အပြစ်ကိုမရှာကြနဲ့။ အဓိကတိုက်ရမှာက ရန်သူဖြစ်ရမယ်။ ဒီတော့ ရန်သူရဲ့ရန်သူဟာ မိတ်ဆွေဖြစ်တယ်ဆိုတဲ့ ဒဿနအတိုင်း ကျနော်တို့ ကျင့်သုံးရမှာပဲ။”ဟု ဗိုလ်မှူး ဟောင်းမန်းကီးဒိုဇန်က ပြောသည်။

ယခုနှစ် မတ်လတွင် စစ်တပ်နောက်ခံသည့် နအဖ ဗိုလ်ချုပ်မှူးဟောင်းများ ပါဝင်သည့် ပြည်ထောင်စု ကြံ့ခိုင်ဖွံ့ဖြိုးရေးပါတီမှ အစိုးရသစ်အဖြစ် နိုင်ငံကို အုပ်ချုပ်သွားမည့်အပေါ် ဒီကေဘီအေအနေဖြင့်လည်း တော်လှန်သည့် ပြောက်ကျားတိုက်ပွဲများကို သာ ဆက်လက် ဆင်နွဲသွားမည်ဖြစ်ကြောင်း ကလို့ထူးဘော အခြေစိုက် G2 စစ်ဆင်ရေးမှူး ဗိုလ်မှူးစောဆန်းအောင်က ကေ အိုင်စီကို ပြောဆိုခဲ့သည်။

ပြည်ပရောက် ကရင်ပြည်သူတစ်ဦးက “ဗိုလ်နှုတ်ခမ်းမွှေးတို့နဲ့ ပတ်သက်လာရင် ရန်သူကို ပြန်တိုက်နေတယ်ဆိုတော့ ကျနော် တို့က သိပ်ကြိုဆိုတာပေါ့။ ရန်သူကို တိုက်နေသမျှ ကာလပတ်လုံး ကရင်ပြည်သူတွေကလည်း ထောက်ခံတယ်။ နိုင်ငံတကာ ရောက် ကရင်တွေကလည်း တမျိုးသားလုံးရဲ့ရန်သူကို ဆန့်ကျင်နေရင်တော့ ထောက်ခံရုံတင်မကဘူး ၀ိုင်းဝန်းပံ့ပိုးမယ်ဆိုတဲ့ သဘောထားရှိတယ်။ ကရင့်ရဲဘော်တွေဟာ ပြည်သူ့ရဲဘော်တွေပဲ။ တစ်နေ့ ကရင်အလံတစ်ခုတည်းအောက်မှာ၊ အဖွဲ့တစ်ခု တည်းအောက်မှာ အတူလက်တွဲတိုက်ရမှာဖြစ်တယ်လို့ ကျနော်က အကြွင်းမဲ့ ယုံကြည်ထားပါတယ်။”ဟု ပြောသည်။

နေပြည်တော် မီးရရန် ရွာ ၂၀ ကျော် ရွှေ့ရမည်

သန်းထိုက်ဦး Tuesday, 31 May 2011 17:38

နေပြည်တော်အတွက် လျှပ်စစ်မီး ထုတ်လုပ်မည့် အထက်ပေါင်းလောင်း ရေအားလျှပ်စစ် စီမံကိန်းနယ်မြေရှိ ရွာပေါင်း ၂၃ ရွာမှလူဦးရေ ၈၀၀၀ ကျော်သည် နေရပ်ကို စွန့်ခွာရဖွယ် ရှိသည်ဟု သိရသည်။

လာမည့် အောက်တိုဘာလ နောက်ဆုံးထားပြီး ထိုဒေသမှ ထွက်ခွာကြရန် အာဏာပိုင်တို့က ဖိအားပေးနေကြောင်း ကယန်းမျိုး ဆက်သစ် လူငယ်အဖွဲ့ (KNGY) က ယနေ့ ထိုင်းနိုင်ငံ တနေရာတွင် ပြုလုပ်သည့် သတင်းစာ ရှင်းလင်းပွဲ၌ ပြောကြားလိုက်သည်။

“ဒေသခံတွေက ဘယ်နေရာကို ပြောင်းရွှေ့ရမယ် မသိဘူး၊ ပေါင်းလောင်းဒေသက တောင်ကြီးတွေ ဖြစ်နေတယ်လေ။ အဲဒါကြောင့် သူတို့က ပြောင်းရွှေ့ နေထိုင်ဖို့ အရမ်း ခက်နေတယ်” ဟု KNGY အဖွဲ့ ခေါင်းဆောင် မမူမိုးလေးက ပြောသည်။

နှစ်သက်ရာ နေရာသစ်ကို ရွေးချယ်ခွင့် ပေးထားသော်လည်း ဒေသခံများက ပြောင်းရွှေ့ခြင်း မရှိသေးကြောင်း မမူမိုးလေးက ပြောသည်။

စီမံကိန်းနှင့် ပတ်သက်ပြီး KNGY အဖွဲ့၏ အစီရင်ခံစာတစောင်ကို ယနေ့ ထုတ်ပြန်ရာ ၂၀၀၄ ခုနှစ်တွင် စတင် ခဲ့သော ဤစီမံကိန်းမှ လျှပ်စစ် ဓာတ်အား မဂ္ဂါဝပ် ၁၄၀ ထုတ်ပေးနိုင်မည် ဖြစ်ကြောင်း၊ စီမံကိန်းသည် စစ်တောင်းမြစ်၏ မြစ်လက်တက် ဖြစ်သော ပေါင်းလောင်းမြစ်ညာပိုင်းတွင် တည်ရှိပြီး နေပြည်တော်နှင့် ကီလိုမီတာ ၅၀ ခန့် အကွာအဝေးတွင် ရှိကြောင်း ဖော်ပြထားသည်။

“၂၀၀၄ ခုနှစ်က စပြီး ကျနော့် အိမ်ဆောက်ဖို့ အတွက် ဘိလပ်မြေတွေ ၀ယ်စုလာခဲ့တာပါ၊ ခုတော့ ဒီပစ္စည်းတွေ ရေအောက် ရောက်ပြီး အဆုံးခံမယ့်အစား ဘုန်းကြီးကျောင်းကို ကျနော် လှူလိုက်တော့တယ်၊ ဘယ်သူမှ အိမ် မဆောက်ဝံ့ကြတော့ဘူး၊ ကျနော်တို့မှာ ဘယ်ကို ပြောင်းရမယ်မှန်းလည်း မသိပါဘူးဗျာ” ဟု ဒေသခံ ရွာသားတဦးက ပြောဆိုကြောင်း အစီရင်ခံစာတွင် ရေးထားသည်။

ထိုဒေသတွင် နေထိုင်သော မြန်မာ၊ ကယန်း၊ ပအို့ဝ် တို့မှာ စိုက်ပျိုးရေးဖြင့် အသက်မွေးကြကြောင်း၊ စီမံကိန်း လုံခြုံရေး တာဝန်ယူထားသော စစ်တပ်များရောက်လာပြီးနောက် ဒေသခံတို့ လုပ်အားပေးရပြီး၊ ဒဏ်ကြေး ကင်းကြေး ခေါင်းစဉ်များဖြင့်
ငွေပေးရသည်ဟု ဆိုသည်။ ဒေသခံတို့၏ တောင်ယာ စိုက်ပျိုးရေး လုပ်ငန်းများ တားမြစ်ခံရကြောင်းလည်း အစီရင်ခံစာတွင် ဖော်ပြထားသည်။

လုပ်ငန်း ပြီးစီးမှု ၆၀ ရာခိုင်နှုန်း ရှိပြီ ဖြစ်သော စီမံကိန်းသည် ၂၀၁၂ တွင် အဆုံးသတ်ဖွယ်ရှိသည်ဟု ဆိုသည်။

ပြောင်းရွှေ့နေထိုင်မည့် နေရာသစ်တွင် မြေထိုးစက်ဖြင့် မြေညှိခြင်း၊ ပြောင်းရွှေ့ရွာသစ်တိုင်းအတွက် ရေလှောင်ကန်တကန်နှုန်း တူးဖော်ခြင်းတို့ကို ပြုလုပ်ပေးမည်ဟု အာဏာပိုင်တို့က ကမ်းလှမ်းထားကြောင်း “ပြောင်းစေအမိန့်ဖြင့် နှင်ထုတ်ခံရခြင်း” ဟု အမည်ပေးထားသည့် အစီရင်ခံစာတွင် ဖော်ပြထားသည်။

ဆွစ်ဇာလန်နိုင်ငံမှ ဆောက်လုပ်ရေး ကုမ္ပဏီ ဖြစ်သော AF-Colenco၊ လန်ဒန်အခြေစိုက် Malcolm Dunstan and Associates နှင့် တရုတ်နိုင်ငံမှ Yunnan Machinery and Export Company တို့ စီမံကိန်းတွင် ပါဝင် ပတ်သက်နေကြောင်း အစီရင်ခံစာတွင် ရေးထားသည်။

အဓိက ကားလမ်း မပြုပြင်ပေးလို့ ခရီးသွားတွေ ကုန်သည်တွေ အကြပ်တွေ့

2011-05-31 RFA

စစ်ကိုင်းတိုင်း အတွင်း ချင်းတွင်းဒေသ တလျှောက် ကူးသန်း ရောင်းဝယ်ရေးနဲ့  ခရီးသည် ပို့ ဆောင်ရေးမှာ အထူးအားထားရတဲ့ ကလေးဝ - ယာကြီး အဝေးပြေးလမ်းဟာ ပျက်စီးနေတာကို မပြင်ဘဲ ထားတာကြောင့် ခရီးသွား ပြည်သူတွေ အခက်အခဲ ကြီးစွာ ကြုံတွေ့ နေကြရတယ်လို့ သိရပါတယ်။

မုံရွာတဖက်ကမ်း ယာကြီးကနေ ကလေးဝမြို့ အထိ ဖေါက်လုပ်ထားတဲ့ ၁၁၅ မိုင် အရှည်ရှိ ကားလမ်းသစ်ဟာ ယခင် အသုံးပြုလေ့ရှိတဲ့ မဟာမြိုင်တောကို ဖြတ်ဖေါက်ထားတဲ့ ရေဦး-ကလေးဝ လမ်းဟောင်းနဲ့ စာရင် မိုင်ခြောက်ဆယ် လျော့နဲပြီး၊ ရွာစဉ်ဆက် မပြတ်တဲ့ အတွက် လူသုံးများတဲ့ လမ်းဖြစ်ပါတယ်။ ဒီနှစ် သင်္ကြန် အပြီး ရက်ပိုင်းတွေမှာ မိုးများပြီး လမ်းပျက်စီးခဲ့လို့  ကားတွေ ဗွက်နစ်တဲ့ အခါမျိုးမှာ ခရီးသည်တွေ လမ်းမှာ နှစ်ည လေါက်ထိ အိပ်ပြီး စောင့်ကြရတယ်လို့ ဒေသခံ တဦးက ပြောပြပါတယ်။ "မိုးတွင်းအခါကျတော့ လမ်းက မချောမွေ့တော့ဘူးဗျ။

ဒီကြားထဲ ကတ္တရာက မရှိတော့ ပိုဆိုးရော။ ကားတွေ ဗွက်နစ်လို့ တောက်ရှောက်ကြီး ပိတ်ဆို့သွားတာ။ အဲဒီတော့ မိုးချောက်တဲ့ အခါအထိ စောင့်ပြီးတော့မှ နောက်ဆုတ်လို့ရတဲ့ ကားက နောက်ဆုတ်၊ ရှေ့ဆက်သွားလို့ရတဲ့ ကားက ရှေ့ဆက်သွား၊ အဲလိုလုပ်ရတာ။ ကျွဲနဲ့ဆွဲတဲ့အခါ သူတို့ဗွက်တခုလွတ်ဖို့ ဆွဲရင် ၅ ထောင်လောက်ပေးရတယ်။ တကယ်လို့သာ မိုးများလာပြီဆိုရင် လုံးဝကို မသွားနိုင်တော့ဘူး။ ဆိုင်နဲ့နီးတဲ့ ကားတန်းတွေကတော့ ဆိုင်တန်းတွေမှာ အိပ်ကြရတယ်။ ရွာတွေက သိပ်မဝေးတော့ ရွာတွေမှာ အိပ်ကြရတယ်ဗျ။"

အခုလို လမ်းတွေ ပျက်စီးရတာဟာ ကားလမ်း ထ်ိမ်းသ်ိမ်းရေး ဆောင်ရွက်တဲ့ ကုမ္ပဏီတွေရဲ့ တာဝန်ပေါ့ ချို့ ယွင်းမှုကြောင့် ဖြစ်ကြောင်း အဆိုပါ ဒေသခံ က ပြောပြပါတယ်။ "လမ်းကို မပြင်တာဗျ။ လူကြီးလာတဲ့အခါ ဟန်ပြဖြစ်အောင် လမ်းကို မြေဖို့လိုက် ကျောက်နဲ့ လမ်းကြိတ်စက်နဲ့ ကြိတ်လိုက် ဒီလောက်လေးလုပ်တာ။ ဗိုလ်ချုပ်ခင်ညွန့် လက်ထက်ကတော့ တော်တော်ကောင်းခဲ့တာ။ ဒီဖက်ပိုင်းမှာတော့ လုပ်သမျှ ကုမ္ပဏီတွေ ခိုးသွားကြတာ။ ကျောက်ကျင်းတွေ ထုတ်သုံးပြီး အိတ်ထဲ ထဲ့သွားကြတာ။ သူတို့တိုင်းမှူးတွေ လာတဲ့အခါ၊ နိုင်ငံတော် အကြီးအကဲတွေလာမဲ့အခါ ကြိုတင်ပြီးတော့ ပြုပြင်ထားတာ။ ဒါပေမဲ့ မြေသားဘဲ ဖို့ထားတာ၊ ခိုးတာတွေများသွားတာပေါ့ဗျာ။ ဥပဒေကလည်း မစိုးမိုး ဆိုတော့လေ။ တိုင်တော့လည်း တိုင်တန်းတဲ့သူတွေကဘဲ တရားခံ ဖြစ်ဖြစ်သွားတော့ မတိုင်ရဲကြဘူးလေ။ ဘေးကဘဲ ပွစိပွစိ ပြောကြတယ်။" ကလေးဝ-ယာကြီးလမ်း ဟာ နယ်စပ် ကုန်သွယ်ရေးအတွက် ကုန်တင်ပို့ ရာ မုံရွာ တမူး လမ်းကြောင်းမှာ အဓိက ကျတဲ့ လမ်းပိုင်း ဖြစ်တယ်လို့ လည်း သိရပါတယ်။

ရန်ကုန်၌ တရားဝင် ဆန္ဒပြခွင့် တောင်းဆို

လင်းသန့် Tuesday, 31 May 2011 18:40

၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ခဲ့ကြသော လွှတ်တော်ကိုယ်စားလှယ် ၄ ဦးက နိုင်ငံရေးအကျဉ်းသားများ လွှတ်ပေးရေးအတွက် ရန်ကုန်မြို့တွင် လာမည့် ဇွန်လ ၅ ရက်နေ့၌“တရားဝင်ဆန္ဒပြခွင့်”ကို ရန်ကုန်တိုင်းဒေသကြီး အစိုးရအဖွဲ့၏ ပြည်ထဲရေး ၀န်ကြီးထံ ခွင့်ပြုချက် တောင်းခံထားကြောင်း သတင်းရရှိသည်။

ဆန္ဒပြကြမည့်သူ ၄ ဦးမှာ ဦးဝင်းချို၊ ဦးမင်းအောင်၊ ဦးစိုးကြည်၊ ဦးနေမျိုးဝေ တို့ဖြစ်ပြီး ၄င်းတို့သည် ၂၀၁၀ ရွေးကောက် ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ဖွံ့ပါတီ)၏ ကိုယ်စားလှယ်လောင်းများကို ရှုံးနိမ့်ခဲ့သူများလည်းဖြစ် သည်။

ဇွန်လ ၅ ရက်နေ့ မြန်မာစံတော်ချိန် နံနက် ၉ နာရီ ၃၀ မိနစ် မှ နေ့လယ် ၁၁ နာရီ ၃၀ မိနစ်အထိ ရန်ကုန် မြို့တော်ခန်း မ ရှေ့၊ ရန်ကုန်တိုင်း ဒေသကြီး လွှတ်တော်ရှေ့၊ ရန်ကုန်တိုင်းဒေသကြီး လွှတ်တော်ဘေး ဆိုသည့် နေရာ သုံး နေရာ အနက် သက်ဆိုင်ရာအာဏာပိုင်များ၏ ခွင့်ပြုသောနေရာတခုတွင် ဆန္ဒပြမှုကို ပြုလုပ်ရန်အတွက် မေလ၂၆ ရက် နေ့က အစိုးရထံ ခွင့်ပြုချက် တောင်းဆိုထားကြောင်း ဆန္ဒပြမှုတွင် ပါဝင်မည့် ဦးဝင်းချိုက ဧရာဝတီကိုပြောသည်။

ဆန္ဒပြအစီအစဉ်တွင် ဟောပြောခြင်း၊ စာရွက်စာတမ်းဝေငှခြင်းနှင့် အခြားသူများ လိုက်ပါပူးပေါင်းဆန္ဒပြခြင်းများကို လုပ် ဆောင်ခွင့်ပြုမည် မဟုတ်ဘဲ မီဒီယာများနှင့် အင်တာဗျူးခြင်းသာရှိမည်ဖြစ်ကြောင်း အဆိုပါပုဂ္ဂိုလ် ၄ ဦး၏ ကြေညာချက် တွင် ဖော်ပြထားသည်။

ယခုလှုပ်ရှားမှုသည် ယခင်စစ်အစိုးရ ရေးဆွဲအတည်ပြုခဲ့သော၂၀၀၈ ဖွဲ့စည်းအုပ်ချုပ်ပုံအခြေခံဥပဒေ၏ အခန်း(၈) နိုင်ငံ သား၊ နိုင်ငံသားများ၏ မူလ အခွင့်အရေးနှင့် တာဝန်များ၌ ဖော်ပြထားသော အပိုဒ် ၃၅၄ ၏ အပုဒ်ခွဲ (က)“ မိမိ၏ ယုံ ကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင်၊ ရေးသားဖြန့်ဝေခွင့်”နှင့် (ခ) “လက်နက် မပါဘဲ ငြိမ်းချမ်းစွာစုဝေးခွင့်၊ စီတန်းလှည့်လည်ခွင့်”ကို အစိုးရသစ်လက်ထက်တွင် ပထမဆုံး တရားဝင်တောင်းဆိုခြင်း ဖြစ် သည်။

“ဖွဲ့စည်းပုံ အခြေခံဥပဒေထဲက အတိုင်း ကျနော်တို့နိုင်ငံသားတွေမှာ အခွင့်အရေးရှိလားဆိုတာတော့ သိချင်တာပေါ့ဗျာ။ နိုင်ငံသားအခွင့်အရေးများနဲ့အညီ အခုလို ဆန္ဒပြပြီး အကျဉ်းကျခံနေရတဲ့ ကိုမင်းကိုနိုင်၊ ကိုကိုကြီး၊ ကိုဇာဂနာ အပါအ၀င် နိုင်ငံရေးအကျဉ်းသားတွေကို အမြန်ဆုံးခြွင်းချက်မရှိ လွှတ်ပေးဖို့ တောင်းဆိုသွားမယ်”ဟု ဦးဝင်းချိုက ရှင်းပြသည်။

ဆန္ဒပြမည့်သူ ၄ ဦးလုံးသည် ၂၀၀၈ ဖွဲ့စည်းပုံအတိုင်း နိုင်ငံသားအခွင့်အရေးများအရ လွတ်လပ်စွာ ဆန္ဒသဘောထား ထုတ်ဖော်ခွင့်အပေါ် ယုံကြည်ကြောင်း၊ နိုင်ငံသားတိုင်း အဆိုပါအခွင့်အရေးများကို ရပိုင်ခွင့်ရှိကြောင်း၊ ထို့ကြောင့် ဥပဒေ တွင်း ဒီမိုကရေစီအသွင်ကူးပြောင်းရေးအတွက် လုပ်ဆောင်ကြိုးပမ်းနေသည်ဖြစ်ကြောင်း ဦးမင်းအောင်ကလည်း ရှင်းပြ သည်။

“ကျနော်တို့ကို အခုလိုလုပ်တဲ့အခါမှာ အစိုးရက ဖမ်းဆီးမယ်ဆိုရင် ကျနော်တို့က နိုင်ငံသားအခွင့်အရေး အတွက် လုပ် နေ တာကိုဖမ်းတယ်ဆိုတော့ ဒီအခြေခံဥပဒေပါ အတိုင်းလုပ်ဆောင်တာကို လုပ်ခွင့်မရှိဘူး ပြောလိုက်တယ်လို့ ယူဆ မယ်။ ဒါဆိုရင် ဖွဲ့စည်းပုံပါ ဒီမိုကရေစီအခွင့်အရေး၊ နိုင်ငံသား အခွင့်အရေးတွေဟာ စက္ကူလိုဖြစ်သွားမယ်”ဟု ဦးဝင်းချိုက ဆိုသည်။

သက်ဆိုင်ရာအစိုးရအာဏာပိုင်များအနေဖြင့် ယခုကဲ့သို့ ဆန္ဒပြရန် လမ်းညွှန်မှုတောင်းခံခြင်းကိုခွင့်မပြုလျှင်၂၀၀၈ အခြေ ခံဥပဒေပါ ပုဒ်မ ၃၇၇ အရ ပြည်ထောင်စု တရားလွှတ်တော်ချုပ် အထိ ဆက်လက်တောင်းခံသွားခွင့်လည်း ရှိကြောင်း သိရသည်။

“တိုင်းပြည်ကို အများကြီးကောင်းကျိုးဆောင်ရွက်နိုင်တဲ့ ကျောင်းသားခေါင်းဆောင်တွေအပါအ၀င် နိုင်ငံရေးအကျဉ်း သား တွေ ထောင်တွေထဲမှာ အများကြီးကျန်နေသေးတယ်။ သူတို့လွတ်မြောက်ဖို့အတွက် ကျနော်တို့က စွန့်ရတာပါပဲ။ ဥပဒေကို တကယ်ကိုင်ဆွဲရင်တော့ ကျနော်တို့ကို ဖမ်းဆီးခွင့်မရှိပါဘူး။ ဖမ်းမယ်ဆိုလည်း အဆင်သင့်ပဲ။ မဖမ်းဘူးလို့လည်း အပြည့်မယုံထားဘူး။ ကျနော်တို့က အစိုးရသစ်ဟာ အခြေခံဥပဒေကို တကယ်လေးစား လိုက်နာသလား ဆိုတာ အပေါ် စမ်းသပ်မှုလို့ပြောနိုင်တယ်”ဟု ဦးမင်းအောင် က ပြောသည်။

အဆိုပါ ဆန္ဒပြရန်ကိစ္စနှင့်ပတ်သက်ပြီး ရန်ကုန်မြို့ရှိ နိုင်ငံရေးအကျဉ်းသားများအရေး ကူညီဆောင်ရွက်ပေးလေ့ရှိသည့် ဥပဒေ အကျိုးဆောင် ဦးအောင်သိန်းက“ဒါက သူတို့ ရပိုင်ခွင့်အရ ခံစားမှုကို တင်ပြတာပဲ။ သူတို့ရဲ့ပိုင်ခွင့်အပေါ်မှာ အလုပ် စတင်လုပ်တာပဲ။

သူတို့ရဲ့တောင်းဆိုမှု ဘယ်လောက်ရမလဲဆိုတာတော့ ကျနော်တို့ကစောင့်ကြည့်ရမှာပေါ့” ဟု မှတ်ချက်ပေးပြောဆိုခဲ့သည်။

မြန်မာနိုင်ငံအကျဉ်းထောင်များတွင် နိုင်ငံရေးအကျဉ်းသား၂၀၀၀ ကျော် ဆက်လက်ရှိနေသေးကြောင်း နိုင်ငံရေး အကျဉ်း သားများ ကူညီစောင့်ရှောက်ရေး အသင်း (AAPP) ၏ စာရင်းများတွင် ဖော်ပြထားသည်။

အလှူငွေကြောင့် ကျောင်းသားမိဘများ စိတ်ညစ်

Tuesday, 31 May 2011 17:23 သျှမ်းသံတော်ဆင့်

E-mail Printယခုနှစ် ကျောင်းအပ်ရာသီအတွင်း သျှမ်းပြည် (မြောက်ပိုင်း) မူစယ်မြို့ ၊ အထက ၂ ကျောင်း၌ လိုအပ်သည့် စားပွဲ ထိုင်ခုံနှင့်အုပ်တံတိုင်းကာရံကြေး အတွက် ကျောင်းသားမိဘများထံမှအလှူငွေကောက် ခံခဲ့ ကြောင်း သိရသည်။ကျောင်းကော်မတီမှ တတ်နိုင်သ၍သာ ထည့်ဝင်ရန် ပန်ကြားကောက်ခံခြင်း ဖြစ်သော်လည်း မတတ်နိုင်သည့် မိဘများအနေဖြင့် သားသမီးများ မျက်နှာငယ်မည်ကို စိုးရိမ်ကြောင်း မူစယ်မြို့ခံ ကျောင်းသားမိဘ အသိုင်း အဝိုင်းက သျှမ်းသံတော်ဆင့်သို့ ပြောသည်။

hta_3“ကောက်တာကတော့ အလှူငွေအနေနဲ့ပဲ ကောက်တာပါ။ ဒါပေမဲ့ မတတ်နိုင်တဲ့ မိဘတွေကျတော့ အလှူငွေ လည်း မထည့်နိုင်ဘူးပေါ့။ မထည့်နိုင်တဲ့ ကလေးတွေဆို ဘယ်လိုမှ အဆင်မပြေနိုင်ဘူးလေ၊ နောက်ပိုင်းခွဲခြား ဆက်ဆံလာကို စိုးရိမ်တာပေါ့” ဟု မြို့ခံတစ်ဦးက ဆိုသည်။ယခုကောက်ခံသည့်အလှူငွေကို ကျောင်းသားမိဘ ၆၀ ရာခိုင်နှုန်းခန့်ကသာ ထည့်ဝင်နိုင်ပြီး ကျန် ၄၀ ရာခိုင် နှုန်း ထည့်ဝင်နိုင်ခြင်းမရှိဟု ဆိုသည်။

အဆိုပါကျောင်းတွင် ကျောင်းသားတစ်ဦးအတွက် စားပွဲထိုင်ခုံဖိုး ကျပ် ၃ သောင်းနှင့်အုပ်တံတိုင်းကြေး ကျပ် ၁ သောင်း ခွဲ စုစုပေါင်း ကျပ် ၄ သောင်းခွဲခန့် ထည့်ဝင်ရန် လိုအပ်နေကြောင်း သိရသည်။ယခုအခါ မြန်မာနိုင်ငံတစ်ဝန်းရှိ ကျောင်းများတွင် ကျောင်းသူ၊ ကျောင်းသားများ ကျောင်းအပ်နေကြပြီး လာ မည့် ဂျွန်လ ၁ ရက်နေ့မှစ၍ ကျောင်းများစတင် ဖွင့်လှစ်တော့မည် ဖြစ်သည်။မြန်မာနိုင်ငံတွင် အစိုးရစီမံကိန်းများအတွက် လိုအပ်သည့် ငွေကို အစိုးရက အကုန်အကျခံခြင်းမရှိပဲနေ့စဉ် ပြည်သူများထံမှ ကောက်ခံနေကြောင်း သိရသည်။