ဒီနေ့ဖတ်စရာ သတင်းများ (မေလ ၂၉ ရက်)

- ပြည်သူလူထုရဲ့ ဆန္ဒကို လေးစားဖို့ ဒေါ်အောင်ဆန်းစုကြည် ပြော
- မင်းဇေယျ၏ မိခင် ကွယ်လွန်
- ဆေးရုံပေါ်က ဦးဝင်းတင် ကို ဒေါ်အောင်ဆန်းစုကြည် သွားရောက်အားပေး
- အစာငတ်ခံ ဆန္ဒပြခဲ့သူတွေကို ပြစ်ဒဏ်တိုက် ပြန်ပို့
- ဘာစီလိုနာအသင်း မန်ယူကို ဂိုးပြတ်အနိုင်ရ
- နယ်ခြားစောင့် DKBA တပ်တွင်း ပစ်ခတ် ဖမ်းဆီးမှုများ ဖြစ်ပွား
- အမေရိကန်အမတ် John McCain ဒေါ်အောင်ဆန်းစုကြည်နဲ့ တွေ့မည်
- KIA နဲ့ မြန်မာအစိုးရ တိုက်ပွဲဖြစ်ပွား
- နေတိုးတပ် လစ်ဗျားမြို့တော်ကို နေ့ညမပြတ် ဗုံးကြဲ
- ဆက်သွယ်ရေးလိုင်းများ ဖြတ်တောက်မှု မူဘာရက်ကို ငွေဒဏ်ချမှတ်
- မူးယစ်ဆေးဝါး သယ်ဆောင်သူ အမျိုးသမီးနှင့် ကားဒရိုင်ဘာ မောင်တောတွင် ဖမ်းဆီးခံရ
- လူနေကျေးရွာသို့ ခိုအောင်းလာသော တောဆင်ရိုင်းများ အသတ်ခံရ
- လွတ်ငြိမ်းချမ်းသာခွင့်ပြီးနောက် စစ်တွေမှာ သူခိုးတွေ အထူးသောင်းကျန်း
- အစိုးရ ကျောင်းတချို့ လာဘ်ယူနေဆဲ
- ဇေယျာသော်၏ သူရဲကောင်း
- မုန်တိုင်းမိလို့ ပင်လယ်ထဲမျောပါပျောက်ဆုံးသွားသည့် ရေလုပ်သားများရဲ့ ဇနီးသည်တွေ မိမိတို့လင်သားလုပ်အားခနဲ့ နစ်နာကြေးမရ

ပြည်သူလူထုရဲ့ ဆန္ဒကို လေးစားဖို့ ဒေါ်အောင်ဆန်းစုကြည် ပြော

2011-05-28 - RFA

နိုင်ငံတနိုင်ငံဟာ သိက္ခာရှိဖို့နဲ့ တိုးတက်ဖို့ဆိုရင် အစိုးရတရပ်ဟာ ပြည်သူလူထုရဲ့ ဆန္ဒကို လေးစားဖို့ လိုအပ်ကြောင်း မေလ ၂၇ ရက်နေ့မှာ ကျရောက်တဲ့ ၁၉၉ဝ ရွေးကောက်ပွဲ နှစ်ပတ်လည် နေ့ အခမ်းအနားမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။

“၁၉၈၈ ခုနှစ် ပြည်သူလူထုရဲ့ အုံကြွမှုကြီးကနေ ပေါက်ဖွားလာတဲ့ အဲဒီရွေးကောက်ပွဲကို ကျင်းပစဉ် အခါတုန်းက ကျမတို့ကို ပေးခဲ့တဲ့ကတိတွေ၊ အဲဒီတုန်းက နဝတ ပေါ့နော်။ ပေးခဲ့တဲ့ကတိ ဆိုတာဟာ ပြည်သူလူထုကို ပေးခဲ့တဲ့ကတိတွေ။ ပြီးတော့ နိုင်ငံတနိုင်ငံဟာ သိက္ခာရှိဖို့၊ နိုင်ငံတနိုင်ငံဟာ တိုးတက်ဖို့ ဆိုတာဟာ အခြေခံအားဖြင့် ပြည်သူလူထုကို လေးစားရမယ်။ ပြည်သူလူထုကို လေးစားရမယ်ဆိုတာ ပြည်သူလူထုကို မလှည့်ဖျားရဘူး။ ပြည်သူလူထုကို အခု စကားတမျိုးပြောပြီး နောက် စကားတမျိုး မပြောရဘူး။ ဒါကြောင့်မို့လို့ ကျမတို့အနေနဲ့ ၁၉၉ဝ ရွေးကောက်ပွဲရဲ့ ရလဒ်ကို အသိအမှတ် မပြုတာကို ကျမတို့ အမြဲ ကန့်ကွက်တယ်။ အမြဲ ကန့်ကွက်တဲ့အကြောင်းက NLD ကို အာဏာ မလွှဲလို့ မဟုတ်ဘူး၊ ပြည်သူလူထုကို မလေးစားလို့”

ရန်ကုန်မြို့ ရွှေဂုံတိုင် NLD ပါတီဌာနချုပ်မှာ မနေ့က ကျင်းပတဲ့ အခမ်းအနားမှာ ဒေါ်အောင်ဆန်းစုကြည်က အဲဒီလို ပြောဆိုခဲ့တာပါ။

ဒါ့အပြင် NLD ပါတီ ဒု-ဥက္ကဋ္ဌ ဦးတင်ဦးကလည်း အကျဉ်းထောင်တွေထဲမှာ ကျန်နေသေးတဲ့ နိုင်ငံရေး အကျဉ်းသားတွေ လွတ်မြောက်ရေးအတွက် ရဲရဲဝံ့ဝံ့ ပါဝင် လက်မှတ်ရေးထိုးကြဖို့ အခမ်းအနားမှာ ဖိတ်ခေါ် ပြောဆိုလိုက်ပါတယ်။

“ကျနော်တို့ လုံးပမ်းမှာပဲ။ ဥပဒေနည်းအရလည်း လုံးပမ်းမှာပဲ။ ငြိမ်းချမ်းသောနည်းအားဖြင့် လုံးပမ်းမှာပဲ။ အခုလည်း လက်မှတ်တွေ ထိုးခိုင်းနေတယ်။ လက်မှတ်တွေ ထိုးကြပါ။ အခုကြားတယ်၊ ရွံ့သလိုလို ကြောက်သလိုလို ဘာညာနဲ့။ ဘာ ရွံ့သလို ကြောက်သလို ဖြစ်နေရမှာလဲ။ အခုက သူတို့ကိုယ်သူတို့ စစ်အစိုးရ မဟုတ်ဘူးလို့ ပြောနေတယ်၊ အရပ်သားအစိုးရလို့ ပြောတယ်။ အဲဒီအရပ်သား အစိုးရ တကယ် ဟုတ်မဟုတ်၊ သူတို့ စိတ်ဓာတ် အမှန် ရှိမရှိ ကျနော်တို့ စမ်းသပ်တဲ့အနေနဲ့ လက်မှတ်တွေ ထိုးပါလို့ ကျနော်တို့ ပြောချင်တယ်”

၁၉၉၀ ရွေးကောက်ပွဲမှာ NLD ပါတီက မဲအပြတ်အသတ်နဲ့ အနိုင်ရခဲ့ပေမယ့် ဗိုလ်ချုပ်မှူးကြီးစောမောင်နဲ့ ဗိုလ်ချုပ်မှူးကြီးသန်းရွှေ ဦးဆောင်တဲ့ နဝတ/ နအဖ စစ်အစိုးရ အဆက်ဆက်က ရွေးကောက်ပွဲရလဒ်ကို အကောင်အထည် ဖော်ပေးဖို့ ပျက်ကွက်ခဲ့ပါတယ်။

ရွေးကောက်ပွဲ အနိုင်ရ (၂၁) နှစ်ပြည့် အခမ်းအနားမှာ ဦးတင်ဦးနဲ့ ဒေါ်အောင်ဆန်းစုကြည်တို့ရဲ့ ပြောစကားတွေကို RFA အဖွဲ့သား ကိုဥာဏ်ဝင်းအောင်က ကောက်နှုတ် တင်ပြထားပါတယ်။

မင်းဇေယျ၏ မိခင် ကွယ်လွန်

2011-05-28 - RFA

လားရှိုးအကျဉ်းထောင်မှာ နှစ်ရှည်ထောင်ဒဏ် ကျခံနေရတဲ့ ၈၈ မျိုးဆက် ကျောင်းသားခေါင်းဆောင် ကိုမင်းဇေယျရဲ့ အသက် (၇၉) နှစ် အရွယ် မိခင်ဖြစ်သူ သောကြာနေ့ညက ကွယ်လွန် အနိစ္စရောက် သွားခဲ့ပါတယ်။

မိခင်ဖြစ်သူရဲ့ ဈာပနကို ကိုမင်းဇေယျ နောက်ဆုံး ဂါဝရ ပြုခွင့်ရရေးအတွက် ၈၈ မျိုးဆက် ကျောင်းသားအဖွဲ့က သမ္မတသစ် ဦးသိန်းစိန် အစိုးရထံ ဒီကနေ့ မေတ္တာရပ်ခံလိုက်တယ်လို့ အာအက်ဖ်အေက စုံစမ်း သိရှိရပါတယ်။

ဒီအကြောင်း အသေးစိတ်ကို အာအက်ဖ်အေ သတင်းထောက် ကိုမိုးကျော်က သတင်းပေးပို့ထားပါတယ်။

ဆေးရုံပေါ်က ဦးဝင်းတင် ကို ဒေါ်အောင်ဆန်းစုကြည် သွားရောက်အားပေး

2011-05-28 - RFA

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အာရှတော်ဝင် အထူးကုဆေးရုံမှာ တက်ရောက်ပြီး ဆေးကုသမှု ခံယူနေတဲ့ NLD အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင် အဖွဲ့ဝင် သတင်းစာဆရာကြီး ဦးဝင်းတင်ကို ဒီကနေ့ သွားရောက်တွေ့ဆုံပြီး အားပေး သတင်းမေးခဲ့ပါတယ်။

ဒေါ်အောင်ဆန်းစုကြည်ဟာ မွန်းလွဲ ၃ နာရီလောက်မှာ ဆေးရုံကို ရောက်ရှိလာပြီး ဦးဝင်းတင်နဲ့ တွေ့ဆုံသွားတယ်လို့ NLD ပြန်ကြားရေးတာဝန်ခံ ဦးအုန်းကြိုင်က ပြောပါတယ်။

အရေပြားနာ မပျောက်ကင်းနိုင်တာကြောင့် ကျန်းမာရေး စစ်ဆေးဖို့ ကြာသပတေးနေ့က ဆေးရုံ စ,တက်ရပြီး အခုတော့ ကျန်းမာရေး အခြေအနေ ကောင်းမွန်လာပါပြီလို့ ဦးဝင်းတင်က အာအက်ဖ်အေကို ပြောပါတယ်။

“ကျန်းမာရေး အခြေအနေကတော့ ကောင်းတယ်လို့ ပြောရမယ်ထင်တယ်။ ဘာဖြစ်လို့လဲဆိုတော့ ကျနော်က ခြေထောက်မှာပေါက်တဲ့ ရေယုန်အနာတွေက တော်တော်နာပြီး လမ်းမလျှောက်နိုင်ဘူး။ လူတယောက် နှစ်ယောက် အကူအညီ မရှိဘဲနဲ့ လျှောက်လို့မရတဲ့ အခြေအနေ၊ ဒါတခုပဲ။ ကျန်တဲ့ ကျန်းမာရေး အခြေအနေက တော်တော်ကောင်းတယ်။ ကျနော် ဆေးရုံရောက်တော့ အသည်းတို့၊ နှလုံးတို့၊ ကျောက်ကပ်တို့ ဆိုတဲ့ဟာတွေ Ultra Sound တွေ ရိုက်ပြီးတော့ စစ်ဆေးဖို့လိုတယ် ဆိုလို့ စစ်ဆေးပါတယ်။ အဲဒါတွေ အကုန်လုံးက ကောင်းတယ်လို့ ပြောပါတယ်”

ကျန်းမာရေး အခြေအနေ တိုးတက်လာတဲ့အတွက် ဒီ တရက် နှစ်ရက်အတွင်း ဆေးရုံက ဆင်းခွင့် ရလိမ့်မယ်လို့ မျှော်လင့်ကြောင်းလည်း ဦးဝင်းတင်က ပြောပါတယ်။

ဆရာဦးဝင်းတင်ဟာ ၁၉၉ဝ ပြည့်နှစ် ရွေးကောက်ပွဲ နှစ်ပတ်လည် အခမ်းအနားနေ့ကို တက်ရောက်ဖို့ အားခဲထားခဲ့ပေမယ့် မတက်ရောက်နိုင်ခဲ့ပါဘူး။ မေလ ၂၆ ရက်နေ့က ရေချိုးခန်းထဲမှာ ချော်လဲခဲ့ပြီးနောက် အကြီးအကျယ် ထိခိုက်ဒဏ်ရာ မရရှိပေမယ့် ဆေးစစ်ခံယူဖို့ မိသားစုဆရာဝန်က ညွှန်ကြားတဲ့အတိုင်း ဆေးရုံ တက်လိုက်ရတာ ဖြစ်ပါတယ်။

အစာငတ်ခံ ဆန္ဒပြခဲ့သူတွေကို ပြစ်ဒဏ်တိုက် ပြန်ပို့

28 မေ 2011 - VOA

အင်းစိန်ထောင်ထဲမှာ နိုင်ငံရေး အကျဉ်းသားတွေ အစာငတ်ခံ ဆန္ဒပြနေကြတဲ့ဆီကို နေပြည်တော်က စုံစမ်း စစ်ဆေးရေးအဖွဲ့ ရောက်လာခဲ့ပါတယ်။ အဲဒီနောက်မှာတော့ မေလ ၂၈ ရက်ကစပြီး ဆန္ဒပြ နိုင်ငံရေး အကျဉ်းသားတွေရဲ့ ထောင်ဝင်စာ တွေ့ခွင့်နဲ့ ပါဆယ်ပေးခွင့်ကို အကန့်အသတ်မရှိ ပိတ်ပင်လိုက်ရုံမက ဆန္ဒပြသူတွေကိုလည်း တိုက်ပိတ်ထားလိုက်တယ်လို့ ဆိုပါတယ်။

အင်းစိန်နဲ့ တပြိုင်တည်း ကလေးမြို့က အကျဉ်းထောင်မှာလည်း အကျဉ်းသား အခွင့်အရေး တောင်းဆိုနေတဲ့ အရှင် ဂမ္ဘီရကို ထောင်ဝင်စာတွေ့ခွင့် ပိတ်ထားကြောင်း မိသားစုက ပြောပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။

အကျဉ်းသားတွေရဲ့ ရပိုင်ခွင့် အခွင့်အရေး ၆ ချက်ကို တောင်းဆိုပြီး အစာငတ်ခံ ဆန္ဒပြခဲ့တဲ့ အင်းစိန် အကျဉ်းထောင်က နိုင်ငံရေး အကျဉ်းသားတွေကို ထောင်ဝင်စာ တွေ့ခွင့်နဲ့ ပါဆယ်ပေးခွင့်တွေကို အကန့်အသတ်မရှိ ပိတ်ပင်လိုက်ကြောင်း နိုင်ငံရေး အကျဉ်းသား အကျိုးဆောင်ကွန်ရက်က ကိုအောင်ထွန်းဇော်က အခုလို ပြောပြပါတယ်။

“အစာငတ်ခံ တိုက်ပွဲဝင်နေတဲ့ အထဲမှာ ပါဝင်တဲ့ နိုင်ငံရေးအကျဉ်းသား မိသားစု ၂ စုက ဒီနေ့ နေ့ခင်း ၁ နာရီလောက်မှာ သွားတွေ့တယ်။ သွားတွေ့တော့ အရှေ့မှာရှိတဲ့ ထောင်ဝင်စာ တာဝန်ခံ ဒု-ထောင်မှူး အဆင့်ကနေပြီးတော့ ထောင်ဝင်စာ လာတွေ့တာနဲ့ တပြိုင်တည်း ဘယ်သူ့ကို လာတွေ့တာလဲဆိုတဲ့ နာမည်မေးပြီးတာနဲ့ သူတို့လက်ထဲမှာ အသင့်ကိုင်ထားတဲ့ နာမည်ရေးထားတဲ့ စာရွက်လေးနဲ့ တိုက်ကြည့်ပြီးတော့ ဒီလူ ဒီလူဆိုရင်တော့ တွေ့ခွင့်မရနိုင်ဘူး ဆိုပြီးတော့ သူက ပြောတယ်။ ပါဆယ်လည်း မပေးရဘူး၊ ထောင်ဝင်စာလည်း တွေ့ခွင့်ပိတ်ထားတယ်လို့ အကြောင်းပြန်လိုက်တယ်။

“အဲဒီအခါကျတော့ ထောင်ဝင်စာ သွားတွေ့တဲ့ အစာငတ်ခံ ဆန္ဒပြတဲ့ အထဲမှာ ပါနေတဲ့ နိုင်ငံရေး အကျဉ်းသားရဲ့ မိသားစုက အိမ်က လူတွေကို ဘာလို့ တွေ့ခွင့်မပေးတာလဲ၊ ဘယ်လို အကြောင်းပြချက်များ ရှိသလဲလို့ မေးတဲ့အခါ ဒု-ထောင်မှူးက လုံခြုံရေး အခြေအနေအရ ပြောပြလို့ မဖြစ်နိုင်ပါဘူးလို့ အကြောင်းပြန်တယ်။ အဲဒီတော့ မိသားစုက ထပ်မေးတယ်၊ အချိန်ကာလ ဘယ်လောက်အထိ ထောင်ဝင်စာ ပိတ်ထားသလဲ၊ ပါဆယ်ပိတ်ထားသလဲလို့ မေးတော့ သူတို့က အဲဒါကိုလည်း အတိအကျ မပြောနိုင်ဘူး၊ နောက်တပတ်မှာ ပြန်ပြီး လာစုံစမ်းပါဆိုပြီး ပြောလိုက်တယ်။

“အစာငတ်ခံ ဆန္ဒပြမှုမှာ ပါတဲ့ နိုင်ငံရေး အကျဉ်းသား အားလုံးကို ၅ ဆောင် တိုက် ၁၊ ၂ ထဲမှာ ထည့်ပြီးတော့ တိုက်ပိတ်ထားတယ်လို့ ကြားသိရတယ်။”

မေလ ၂၈ ရက်ကစပြီး ထောင်ဝင်စာတွေ့ခွင့် ပိတ်ခံထားရသူတွေထဲမှာ နိုင်ငံရေး အကျဉ်းသား ၃၀ ခန့် ပါဝင်တယ်လို့လည်း မိသားစုတွေထံက သိရပါတယ်။ ဒီလိုပိတ်ပင်လိုက်တာကတော့ မေလ ၂၇ ရက်နေ့ မနက်ပိုင်းမှာ နေပြည်တော်က ဆင်းလာတဲ့ စုံစမ်း စစ်ဆေးရေး အဖွဲ့ကို နိုင်ငံရေး အကျဉ်းသားတွေက ဆန္ဒပြ ကြွေးကြော်မှုတွေ လုပ်ရာကနေ တင်းမာမှုတွေ ဖြစ်ခဲ့ရတာလို့ ဆိုရမှာပါ။ နိုင်ငံရေး အကျဉ်းသားတွေဟာ စာဖတ်ခွင့်၊ မိသားစုနဲ့ လွတ်လပ်စွာ တွေ့ဆုံခွင့်၊ ဆက်သွယ်ခွင့် အပါအ၀င် အကျဉ်းသားတွေရဲ့ အခြေခံ ရပိုင်ခွင့်တွေကိုပဲ တောင်းဆိုခဲ့တာပါ။

ကလေး အကျဉ်းထောင်ထဲမှာ ထောင်ဒဏ် ၆၃ နှစ် ကျခံနေရတဲ့ စက်တင်ဘာ သံဃာ့လှုပ်ရှားမှုက ဦးဆောင်သံဃာတပါး ဖြစ်တဲ့ ဦးဂမ္ဘီရကလည်း အကျဉ်းသား အခွင့်အရေးတွေကို ပေးဖို့ အစိုးရကို တောင်းဆိုထားတဲ့စာ ထုတ်ခဲ့တဲ့အတွက် မေလ ၂၇ ရက်နေ့က မိသားစု တွေ့ချိန်မှာ ထောင်ဝင်စာတွေ့ခွင့် ပိတ်ထားလိုက်ပါတယ်။ အမတော်စပ်သူ မခင်သူဌေး ပြောပြခဲ့တာကတော့…

“ဂိတ်စောင့်တဲ့ကောင်လေးက သိနေတာပေါ့၊ အမ တွေ့လို့ရမယ် မထင်ဘူးတဲ့၊ အဲဒီလို ပြောတာ။ အရင်တပတ်က ဦးဇင်း တောင်းဆိုတဲ့စာ ထုတ်တဲ့ကိစ္စနဲ့ ပတ်သက်ပြီး တွေ့လို့ရမယ် မထင်ဘူးတဲ့။ အဲဒီလိုကျတော့ ငါ မပြန်နိုင်ဘူးလို့၊ သွားပြီးတော့ တွေ့ခွင့်တင်ပေးဆိုတော့ အမဆန္ဒအရ သွားပါမယ်ဆိုပြီး သူက အထဲကို ပြန်ဝင်သွားတယ်။ သွားပြီး ထောင်မှူးတွေဆီမှာ ကျမပေးတဲ့အကြောင်းကို တင်ပြပြီး ၁၅ မိနစ်လောက်ကြတော့ ပြန်ထွက်လာတယ်၊ မရဘူး အမတဲ့၊ နောက် နယ်မြေခံရဲနဲ့ SB တယောက် ၀င်လာပြီးတော့ ဒီနေ့ ဦးဇင်းတို့ ဆန္ဒပြမယ်ကြားလို့ သတင်းလာယူတာပေါ့၊ အဲဒီလို ပြောတယ်။ ပြီးရင် SB တွေလည်း ရောက်လာမယ်လို့ ပြောတယ်။”

ထောင်ဝင်စာတွေ့ခွင့် မရတာကြောင့် ပါဆယ်ပေးဖို့အတွက် ကြိုးစားခဲ့ရာမှာ အစားအသောက်တွေကို လက်ခံခြင်း မရှိတာ တွေ့ရတယ်လို့လည်း မခင်သူဌေးက ပြောပြပါတယ်။

“စာအုပ်စာရင်းတွေတော့ လက်ခံထားတယ်။ အစားအသောက်တွေတော့ လက်ခံထားတာ မတွေ့ရဘူး။ လက်မှတ်လည်း ထိုးထားတယ်။ လက်မှတ်က ဦးဇင်း ထိုးနေကျ လက်မှတ်မဟုတ်ဘဲ အမည်ပဲ ရေးထားတာပေါ့။ အစားအသောက်ကတော့ လက်ခံထားတာ မတွေ့ရဘူး။”

ပြီးခဲ့တဲ့ မေလ ၁၄ ရက်နေ့က ထောင်ဝင်စာ တွေ့ချိန်မှာ အကျဉ်းသား အခွင့်အရေးအတွက် တောင်းဆိုထားတဲ့စာကို အရှင် ဂမ္ဘီရက ထောင်ဝန်ထမ်းရဲ့ လက်ထဲကနေ တရားဝင် ပေးလိုက်တာဖြစ်ပြီး လိပ်မူထားတာကတော့ နိုင်ငံတော် သမ္မတအပြင် အကျဉ်းဦးစီးဌာန၊ ကမ္ဘာ့ကုလသမဂ္ဂ လူ့အခွင့်အရေး ကော်မရှင်၊ အာဆီယံ လူ့အခွင့်အရေး ကော်မတီ၊ အာရှ လူ့အခွင့်အရေး ကော်မရှင်တို့ကိုလည်း မိတ္တူပို့ထားတာ ဖြစ်ပါတယ်။

ဒီစာကို ထုတ်ပေးခဲ့တဲ့ ထောင်ဝန်ထမ်းတွေဟာ မသိနားမလည်လို့ ထုတ်ပေးလိုက်တာ ဖြစ်တဲ့အတွက် သူတို့ကိုလည်း အရေးယူတဲ့ အနေနဲ့ နယ်ပြောင်းရွှေ့ဖို့ စီစဉ်နေတယ်လို့လည်း ကလေး အကျဉ်းထောင်က ၀န်ထမ်းတွေက ဆိုပါတယ်။

ဦးဂမ္ဘီရဟာ ၂၀၀၇ ခုနှစ် နိုဝင်ဘာလ ၄ ရက်နေ့မှာ ဖမ်းဆီးခံခဲ့ရပြီး နိုဝင်ဘာလ ၁၁ ရက်နေ့မှာ အင်းစိန်ထောင်ကို ရောက်ရှိပြီးတဲ့နောက် နယ်စပ်ဖြတ်ကျော်မှု လူဝင်မှု အက်ဥပဒေ ၁၃(၁)၊ တရားမ၀င်အသင်းနဲ့ ဆက်သွယ်မှု ၁၇(၁)၊ ၁၇(၂၀) စတဲ့ ပုဒ်မ ၁၆ ခုနဲ့ ၂၀၀၈ ခုနှစ် နိုဝင်ဘာလ ၂၂ ရက်နေ့မှာ အမိန့်ချမှတ်ခံခဲ့ရပြီး ထောင်ဒဏ် ၆၃ နှစ် ကျခံနေရတဲ့ သံဃာတပါးလည်း ဖြစ်ပါတယ်။

ဘာစီလိုနာအသင်း မန်ယူကို ဂိုးပြတ်အနိုင်ရ

28 မေ 2011 - VOA

ကမ္ဘာတဝန်းက ဘောလုံးဝါသနာရှင်တွေ စိတ်ဝင်တစား စောင့်ကြည့်ခဲ့ကြတဲ့ ဥရောပ ချန်ပီယံ ဖလားလုပွဲမှာ ဘာစီလိုနာ (Barcelona) အသင်းက Champion’s League ဖလားကြီးကို ရရှိသွားပါတယ်။

လန်ဒန်မြို့က ၀င်ဘလေ (Wembley) ကွင်းမှာ ထိပ်တန်းကလပ်အသင်းတွေဖြစ်ကြတဲ့ စပိန်က ဘာစီလိုနာ အသင်းနဲ့ ဗြိတိန်က မန်ချက်စတာ ယူနိုက်တက် (Manchester United) အသင်းတို့ စနေနေ့ညပိုင်းက UEFA Champion’s League ဖလားကို လုခဲ့ကြတာ ဖြစ်ပါတယ်။

ပွဲစပြီး ၂၇ မိနစ်မှာပဲ ဘာစီလိုနာဘက်က ပက်ဒရို (Pedro) က ပထမဂိုး စသွင်းခဲ့ပါတယ်။

ဘာစီလိုနာဘက်က ဂိုးရပြီးလို့ သိပ်မကြာလိုက်ပါဘူး ၃၄ မိနစ် အရောက်မှာတော့ မန်ယူဘက်က ၀ိန်းရွန်နီ (Wayne Rooney) က ချေပဂိုး ပြန်သွင်းခဲ့ပါတယ်။

ဘာစီလိုနာအသင်းရဲ့ နာမည်ကြီး လီယွန်နယ် မက်ဆီ (Lionel Messi) က ဒုတိယဂိုးကို ၅၄ မိနစ်မှာ ထပ်သွင်းခဲ့ပါတယ်။ တတိယဂိုးကိုတော့ ၆၉ မိနစ်မှာ ဒေးဗစ် ဗီလာ (David Villa) က သွင်းခဲ့ပြီး ဘာစီလိုနာက ၃ ဂိုး၊ မန်ယူက ၁ ဂိုးနဲ့ ဘာစီလိုနာက Champion’s League ဖလား ရသွားခဲ့တာပါ။
တပွဲလုံးမှာ ဘာစီလိုနာ အသင်းဘက်က ဘောလုံးပိုင်ဆိုင်မှု ပိုများသလို ဂိုးသွင်းဖို့ အခွင့်အလမ်းလည်း ပိုများခဲ့ပါတယ်။

ဗြိတိန်နိုင်ငံမှာ ၂၀၁၂ အိုလံပစ်ပွဲ မတိုင်ခင် အကြီးကျယ်ဆုံး အားကစားပွဲတခုအဖြစ် ပြောကြတဲ့ ဒီဘောလုံးပွဲကို ရုပ်မြင်သံကြားကနေလည်း တိုက်ရိုက် ထုတ်လွှင်ြ့ပသခဲ့တာမှာ ကမ္ဘာတဝန်းက ပရိသတ် သန်းပေါင်းများစွာ ကြည့်ရှုခဲ့ကြပါတယ်။

နယ်ခြားစောင့် DKBA တပ်တွင်း ပစ်ခတ် ဖမ်းဆီးမှုများ ဖြစ်ပွား

28 မေ 2011 - VOA

မြန်မာအစိုးရရဲ့ နယ်ခြားစောင့်တပ် ၁၀၁၂ တပ်ရင်းမှူး ဦးဆောင်တဲ့ တပ်ဖွဲ့တွေဟာ အရင် သူတို့ရဲ့ ခေါင်းဆောင်ပိုင်းတွေကို မြိုင်ကြီးငူ ဌာနချုပ်မှာပဲ အခုရက်ပိုင်းတွေအတွင်း ပစ်ခတ် ဖမ်းဆီးမှုတွေ လုပ်ခဲ့ရာမှာ DKBA ရဲ့ စစ်ဦးစီးချုပ်အဖြစ် တာဝန်ယူခဲ့ဖူးတဲ့ ဗိုလ်ချုပ် ကျော်သန်းကို ဖမ်းဆီးလိုက်ပါတယ်။

နယ်ခြားစောင့်တပ် ၁၀၁၂ ဟာ အရင် DKBA တပ်ဖွဲ့ ဖြစ်ပြီးတော့ နောက်ပိုင်းမှာ နယ်ခြားစောင့်တပ်ဖွဲ့အဖြစ် အသွင်ပြောင်းခဲ့တာ ဖြစ်ပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။

မြန်မာအစိုးရက DKBA တိုးတက်သော ကရင်ဗုဒ္ဓဘာသာတပ်ကို နယ်ခြားစောင့်တပ် လုပ်ခိုင်းရာကစလို့ DKBA တပ်ဖွဲ့ဝင်တွေ၊ ခေါင်းဆောင်ပိုင်းတွေကြားမှာ သဘောထား ကွဲလွဲမှုတွေ ဖြစ်လာခဲ့ရတာပါ။

နယ်ခြားစောင့်တပ်အဖြစ် လက်ခံခဲ့တဲ့ DKBA တပ်မှူးတွေဟာ ပြီးခဲ့တဲ့ ၂ ရက်ကစပြီး သူတို့ရဲ့ ခေါင်းဆောင်တွေကို ပစ်ခတ် ဖမ်းဆီးမှုတွေ လုပ်လာခဲ့တာလည်း ဖြစ်ပါတယ်။
တိုးတက်သော ကရင်ဗုဒ္ဓဘာသာတပ် ကလိုထူးဘောဗျူဟာ ဌာနချုပ်က ဗိုလ်မှူး ရွှေဝကတော့ နယ်ခြားစောင့်တပ်က တပ်ရင်းမှူး ဗိုလ်ဘိ ဦးဆောင်ပြီး စစ်ဦးစီးချုပ် ဗိုလ်ချုပ် ကျော်သန်းကို ဖမ်းဆီးလိုက်တာ ဖြစ်တယ်လို့ အခုလို ပြောပြပါတယ်။

“ကလိုထူးဘော တပ်ရင်းက တပ်ရင်းမှူး ဗိုလ်ဘိက ဗိုလ်ချုပ် ကျော်သန်းကို ဖမ်းလိုက်ပြီ။”

ဗိုလ်ဘိဟာ အရင်က DKBA ၃၃၃ တပ်က တပ်ရင်းမှူးဖြစ်ပြီး အခုအခါမှာလည်း နယ်ခြားစောင့်တပ် ၁၀၁၂ တပ်ရင်းမှူးအဖြစ် တာဝန်ယူနေတဲ့သူ ဖြစ်တယ်လို့ ဆိုပါတယ်။ ကရင်အမျိုးသား လွတ်မြောက်ရေးတပ် တပ်ရင်း ၁၀၁ တပ်ရင်းမှူး ဒုတိယဗိုလ်မှူးကြီး ဖောဒိုကတော့ DKBA စစ်ဦးစီးချုပ် ဗိုလ်ချုပ် ကျော်သန်းကို ဖမ်းဆီးထားလိုက်ပြီဆိုတဲ့ သတင်းကို DKBA ဘက်ကနေ ရရှိကြောင်း အတည်ပြု ပြောကြားပါတယ်။

“ဗိုလ်ချုပ် ကျော်သန်းတို့ပေါ့၊ ဘယ်သူဖမ်းလဲဆိုတော့ DKBA တပ်ရင်း ၁၀၁၂ တပ်ရင်းမှူး ဗိုလ်ဘိက ဖမ်းထားတာ။ အာဏာသိမ်းတဲ့ သဘောမျိုးပေါ့နော်။ မြိုင်ကြီးငူ ဌာနချုပ်မှာ သူတို့က စုနေကြတာပေါ့၊ ခေါင်းဆောင်ကြီးတွေက။”

ဗိုလ်ချုပ် ကျော်သန်းဟာ နယ်ခြားစောင့်တပ်ကို လုပ်ဖို့အတွက် ဗိုလ်ချုပ် နှုတ်ခမ်းမွေးနဲ့ ဗိုလ်မှူး ရွှေဝ တို့ကိုလည်း အတင်းအကျပ် လက်မှတ်ထိုးခိုင်းဖို့အတွက် လုပ်ဆောင်ခဲ့သူလို့ ဆိုပါတယ်။

ဒီလို အောက်ခြေထု သဘောထား မပါဘဲ ဆောင်ရွက်နေခဲ့မှုတွေကြောင့် DKBA အောက်ခြေတပ်မှူးတွေနဲ့ အဆင်မပြေ တင်းမာမှုတွေ ဖြစ်ခဲ့ရတာလို့ ပြောသွားပါတယ်။ ဒါပေမဲ့လည်း နယ်ခြားစောင့်တပ် လုပ်ခိုင်းတာကို လက်မခံတဲ့ ကရင်လက်နက်ကိုင် အချင်းချင်းကတော့ အရင်တုန်းက သဘောထား ကွဲလွဲခဲ့မှုတွေ ရှိခဲ့ပေမဲ့ နယ်ခြားစောင့်တပ်ကို အစိုးရက အတင်းအကျပ် လုပ်ခိုင်းရာကစလို့ DKBA နဲ့ KNU ကြားမှာတော့ အချင်းချင်း နားလည်မှု ပိုမိုရရှိလာခဲ့တယ်လို့ ဆိုရမှာပါ။

ကရင်အမျိုးသား လွတ်မြောက်ရေးတပ်နဲ့ ဗိုလ်ချုပ် နှုတ်ခမ်းမွေး ဦးဆောင်တဲ့ DKBA တွေဟာ စစ်ရေးအရ ပူပေါင်းဆောင်ရွက်မှုတွေ နောက်ပိုင်းမှာ လုပ်လာသလို သူတို့ရဲ့ နယ်မြေတွေမှာလည်း တဘက်နဲ့တဘက် နားလည်မှုတွေနဲ့ ၀င်ထွက်သွားလာခွင့်တွေ ခွင့်ပြုပေးခဲ့ကြတာလည်း ရှိလာခဲ့ကြပါတယ်။

အခုအခါမှာတော့ နယ်ခြားစောင့်တပ်လုပ်ဖို့ ကျန်ခဲ့ကြတဲ့ DKBA တပ်ဖွဲ့ တချို့ကလည်း ဗိုလ်ချုပ် နှုတ်ခမ်းမွေး ဦးဆောင်တဲ့ တပ်တွေဆီကို ကူးပြောင်းလာခဲ့သလို ကရင်အမျိုးသား လွတ်မြောက်ရေး တပ်ဆီကိုလည်း တဖြည်းဖြည်း ကူးပြောင်းလာမှုတွေ လုပ်လာခဲ့တာကြောင့် နယ်ခြားစောင့်တပ်ဟာ အင်အားနည်းလာခဲ့ပြီး အတင်းအကျပ် လူသစ်စုဆောင်းမှုတွေ လုပ်လာခဲ့တာတွေလည်း ရှိပါတယ်။

၂၀၁၀ နှစ်ကုန်ပိုင်းကစပြီး ကရင်အမျိုးသား အချင်းချင်း တိုက်တဲ့ တိုက်ပွဲတွေ နည်းပါးလာခဲ့တာပါ။ အခုအခါမှာတော့ နယ်ခြားစောင့် တပ်တွင်းပြဿနာတွေ ဖြစ်နေပြီး မြန်မာစစ်တပ်ဘက်က ၀င်ရောက် စွက်လာတာမျိုးတွေတော့ မရှိသေးဘူးလို့ ဆိုပါတယ်။ ၀င်ရောက်စွက်ဖက်မှုတွေ လုပ်လာမယ်ဆိုရင် ကရင်ဒေသတွင်း ပစ်ခတ်မှုတွေ ထပ်ဖြစ်လာဦးမှာ ဖြစ်တယ်လို့ DKBA တွေကတော့ ပြောဆိုနေပါတယ်။

အမေရိကန်အမတ် John McCain ဒေါ်အောင်ဆန်းစုကြည်နဲ့ တွေ့မည်

2011-05-28 - RFA

အမေရိကန် အထက်လွှတ်တော် အမတ် John McCain ဟာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ ဇွန်လ ၂ ရက်နေ့မှာ တွေ့ဆုံမယ်လို့ NLD အမျိုးသား ဒီမိုကရေစီအဖွဲ့ချုပ်က ဒီကနေ့ ပြောကြားလိုက်ပါတယ်။

Mr. John McCain ဟာ ဗဟို အလုပ်အမှုဆောင် အဖွဲ့နဲ့လည်း တွေ့ဆုံဖို့ အစီအစဉ် ရှိတယ်လို့ NLD ပြန်ကြားရေး တာဝန်ခံ ဦးအုန်းကြိုင်က ပြောပါတယ်။

Mr. McCain ရဲ့ မြန်မာနိုင်ငံ ခရီးစဉ် ရည်ရွယ်ချက်ကို ရှင်းရှင်းလင်းလင်း မသိရသေးသလို သမ္မတသစ် ဦးသိန်းစိန် အပါအဝင် အစိုးရ အဆင့်မြင့် တာဝန်ရှိ ပုဂ္ဂိုလ်တွေနဲ့ တွေ့မတွေ့လည်း မသိရသေးပါဘူး။
မဇ္ဈိမ အွန်လိုင်းသတင်းမှာတော့ Mr. McCain ဟာ နေပြည်တော်ကို သွားရောက်ပြီး နိုင်ငံခြားရေးဝန်ကြီး ဦးဝဏ္ဏမောင်လွင် အပါအဝင် အာဏာပိုင်တွေနဲ့ တွေ့ဆုံဖွယ် ရှိတယ်လို့ သံတမန် သတင်းရပ်ကွက်ကို ကိုးကား ဖော်ပြထားပါတယ်။

Mr. John McCain ဟာ ၁၉၈၈ ခုနှစ်ကစပြီး ၂ဝ၁ဝ ထိ တိုင်းပြည်ကို အုပ်ချုပ်လာခဲ့တဲ့ မြန်မာ စစ်အစိုးရကို အဝေဖန်ဆုံး အမေရိကန် အထက်လွှတ်တော် အမတ်တဦး ဖြစ်ပါတယ်။ ၂ဝဝ၈ အမေရိကန် သမ္မတ ရွေးကောက်ပွဲမှာ Republican ပါတီ သမ္မတလောင်း အဖြစ် ဝင်ရောက်ယှဉ်ပြိုင်ခဲ့ပြီး ဒီမိုကရက်ပါတီက သမ္မတလောင်း အိုဘားမားကို အရေးနိမ့်ခဲ့ပါတယ်။

မြန်မာနိုင်ငံမှာ အစိုးရသစ် တက်လာပြီးနောက် အမေရိကန် ပြည်ထောင်စုက အဆင့်မြင့် ပုဂ္ဂိုလ်တွေ မြန်မာနိုင်ငံကို လာရောက်ခဲ့ကြရာမှာ အမေရိကန် ဒု-လက်ထောက် နိုင်ငံခြားရေးဝန်ကြီး Joseph Yun ဟာ ပြီးခဲ့တဲ့ သီတင်းပတ်က ဒုတိယအကြိမ် ရောက်ရှိလာပြီး ဒေါ်အောင်ဆန်းစုကြည်နဲ့ တွေ့ဆုံခဲ့တဲ့အပြင် နိုင်ငံခြားရေး ဝန်ကြီးနဲ့လည်း တွေ့ဆုံခဲ့ပြီး မြန်မာအစိုးရအပေါ် အမေရိကန်က ချမှတ်ထားတဲ့ အရေးယူ ပိတ်ဆို့မှုတွေ ပယ်ဖျက်ဖို့ မစဉ်းစားခင် ထင်ရှားသိသာတဲ့ အပြောင်းအလဲတွေ မြင်တွေ့လိုကြောင်း ပြောဆိုခဲ့ပါတယ်။

KIA နဲ့ မြန်မာအစိုးရ တိုက်ပွဲဖြစ်ပွား

2011-05-28 - RFA

ကချင် လွတ်လပ်ရေးတပ်မတော် KIA နဲ့ မြန်မာအစိုးရတပ်တို့ မနေ့က တိုက်ပွဲ ဖြစ်ပွားခဲ့ကြောင်း သိရပါတယ်။

KIA တပ်မဟာ (၃) လက်အောက်ခံ တပ်ရင်း (၂၇) နဲ့ မန်စီမြို့အနီးမှာ နှစ်ဘက်တပ်တွေ ထိပ်တိုက် ရင်ဆိုင်တွေ့ပြီး အပြန်အလှန် ပစ်ခတ်ခဲ့ကြကြောင်း တရုတ်-မြန်မာ နယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောက ပြောပါတယ်။

“မနေ့က မနက် ၁ဝ နာရီ ၄၅ လောက်မှာ ဖြစ်တာ။ ပွဲကတော့ ပက်ပင်းဖြစ်တာပါ။ တိုက်ပွဲကြီး ဖြစ်တယ်တော့ မဟုတ်ဘူး။ KIA တပ်မဟာ (၃) နဲ့ တပ်ရင်း (၂၇) က တပ်စုတစုနဲ့ မြောက်ပိုင်းတိုင်းစစ်ဌာနချုပ်က ခလရ (၁ဝ၅) တပ်ခွဲတခွဲနဲ့ ဖြစ်တာ။ နာရီဝက်လောက် အပြန်အလှန် ပစ်ကြတာ။ KIA ဘက်ကလည်း ဆုတ်သွားတယ်။ ညနေပိုင်းမှာ နှစ်ဘက်တပ်ဖြည့်တယ်။ ဗမာစစ်တပ်ဘက်မှာလည်း ခမရ (၃၉) လာဖြည့်တယ်။ KIA ကလည်း သူ့တပ်ကို အင်အားဖြည့်ပြီးတော့ ဆိုင်နေကြတာ အခုထက်ထိတော့ သေနတ်သံ ထပ်မကြားရသေးဘူး”

ရှမ်းပြည်မြောက်ပိုင်းနဲ့ ကချင်ပြည်နယ်မှာရှိတဲ့ KIA တပ်စခန်းတွေအနီးမှာရှိတဲ့ အစိုးရတပ်တွေကို မေလ ၂၅ ရက်နေ့ နောက်ဆုံးထားပြီး ဆုတ်ခွာပေးဖို့ KIA က ရာဇသံ ပေးပြီးနောက် နှစ်ရက်အကြာမှာ အခုလို ပစ်ခတ်မှု ဖြစ်ပွားခဲ့တာပါ။

KIA အဖွဲ့ဟာ စစ်အစိုးရနဲ့ အပစ်အခတ် ရပ်စဲခဲ့ပြီးနောက် ပြီးခဲ့တဲ့နှစ်အတွင်း မြန်မာစစ်အစိုးရရဲ့ နယ်ခြားစောင့်တပ် ဖွဲ့စည်းရေး တောင်းဆိုချက်ကို ငြင်းဆန်ခဲ့အတွက် နှစ်ဘက် အခြေအနေ တင်းမာခဲ့ပါတယ်။

နေတိုးတပ် လစ်ဗျားမြို့တော်ကို နေ့ညမပြတ် ဗုံးကြဲ

28 မေ 2011 - VOA

နေတိုးတပ်ဖွဲ့ရဲ့ လေကြောင်း တိုက်ခိုက်မှုတွေကြောင့် လစ်ဗျားနိုင်ငံမြို့တော် ထရီပိုလီ (Tripoli) မှာ ကြီးမားတဲ့ ပေါက်ကွဲမှုကြီးတွေ ဒီကနေ့ ဖြစ်ပွားခဲ့ပါတယ်။ ဒါဟာ နေတိုးတပ်ဖွဲ့က နေ့ဘက်မှာ ရှားရှားပါးပါး တိုက်ခိုက်ခဲ့တာပါ။

လစ်ဗျားခေါင်းဆောင် မိုမာ ဂဒါဖီ (Moammar Gadhafi) တခါတလေ နေတတ်တဲ့ မော်တော်ယာဉ် သိုလှောင်ရေး အဆောက်အဦးကို ပစ်မှတ်ထားပြီး တိုက်ခိုက်ခဲ့တာလို့ နေတိုးတပ်ဖွဲ့က ပြောပါတယ်။ အဲဒီနေရာမှာ မီးခိုးဖြူတွေ ထွက်နေတယ်လို့ AFP သတင်းမှာ ဖော်ပြထားပါတယ်။

ဒီကနေ့ သန်းခေါင်ကျော် အချိန်တွေမှာလည်း နေတိုးတပ်ဖွဲ့ရဲ့ လေကြောင်း တိုက်ခိုက်မှုတွေ ထရီပိုလီမြို့မှာ ရှိခဲ့လို့ ညဘက် ကောင်းကင်မှာ ပေါက်ကွဲမှုတွေကို မြင်ခဲ့ရတယ်လို့ ဆိုပါတယ်။
လစ်ဗျားရဲ့ ရေရှည် မဟာမိတ်ဖြစ်တဲ့ ရုရှားကတော့ လစ်ဗျားခေါင်းဆောင် မိုမာ ဂဒါဖီ အာဏာကို စွန့်ခွာဖို့အရေး ကြားဝင် ညှိနှိုင်းပေးမယ်လို့ ကမ်းလှမ်းထားပါတယ်။

မစ္စတာ ဂဒါဖီ ထွက်ပေးသင့်တယ်လို့ ရုရှားသမ္မတ ဒီမီထရီ မက်ဗီယဲဒဲ့ဖ် (Dmitry Medvedev) က ပြင်သစ်နိုင်ငံမှာ ကျင်းပတဲ့ စက်မှုအင်အားကြီး ၈ နိုင်ငံ ထိပ်သီးဆွေးနွေးပွဲအတွင်း မနေ့က ပြောခဲ့ပါတယ်။ ရုရှားဘက်က ကိုယ်စားလှယ် တဦးကို လစ်ဗျားအစိုးရ ဆန့်ကျင်ရေး သူပုန်အဖွဲ့တွေနဲ့ တွေ့ဆုံဖို့ ဘန်ဂါဇီ (Benghazi) မြို့ကို လွှတ်ထားတယ်လို့လည်း ရုရှားသမ္မတက ပြောပါတယ်။

အနောက်အင်အားကြီးနိုင်ငံ တော်တော်များများက လစ်ဗျားခေါင်းဆောင် မိုမာ ဂဒါဖီကို အာဏာစွန့်ဖို့ ပြောနေကြတာပါ။

သူပုန်တွေ ထိန်းချုပ်ထားတဲ့ လစ်ဗျားနိုင်ငံက တတိယ အကြီးဆုံး မီစ်ရာတာ (Misrata) မြို့ကို မစ္စတာ ဂဒါဖီကို ထောက်ခံတဲ့ တပ်ဖွဲ့တွေက ထိန်းချုပ်နိုင်ဖို့ မနေ့ကတခါ ကြိုးပမ်းခဲ့လို့ အပြန်အလှန် တိုက်ခိုက်မှုတွေ မြို့ရဲ့ နေရာအနှံ့အပြားမှာ ဖြစ်ပွားခဲ့ပါတယ်။

ဆက်သွယ်ရေးလိုင်းများ ဖြတ်တောက်မှု မူဘာရက်ကို ငွေဒဏ်ချမှတ်

28 မေ 2011 - VOA

ရာထူးက ဖြုတ်ချခံခဲ့ရတဲ့ အီဂျစ်သမ္မတ ဟို့စ်နီ မူဘာရက် (Hosni Mubarak) နဲ့ သူ့ရဲ့ ၀န်ကြီးဟောင်း ၂ ယောက်ကို အီဂျစ်နိုင်ငံ လူထုအုံကြွမှုအတွင်း လူထုဆက်သွယ်ရေး စနစ်တွေကို ဖြတ်တောက်ခဲ့တဲ့အတွက် အီဂျစ်တရားရုံးက ဒေါ်လာ သန်း ၉၀ ပေးလျော်ဖို့ အမိန့်ချမှတ်လိုက်ပါတယ်။

အီဂျစ်နိုင်ငံမှာ အစိုးရဆန့်ကျင် ဆန္ဒပြမှုတွေ ဖြစ်ပွားခဲ့တဲ့ အချိန်မှာ အင်တာနက်နဲ့ တယ်လီဖုန်း ဆက်သွယ်ရေး စနစ်တွေကို ဖြတ်တောက်ခဲ့တဲ့အတွက် အီဂျစ်နိုင်ငံရဲ့ စီးပွားရေးကို ပျက်စီးစေခဲ့လို့ သမ္မတ မူဘာရက်နဲ့ ၀န်ကြီးချုပ်ဟောင်း အာမက် နာဇစ် (Ahmed Nazif)၊ ပြည်ထဲရေးဝန်ကြီး အက်ဒ်လီ (Habib el-Adly) တို့ကို ရုံးတော်က အပြစ်ရှိကြောင်း ဆုံးဖြတ်ခဲ့ပါတယ်။

မစ္စတာ မူဘာရက်က ဒေါ်လာ ၃၃ သန်း၊ မစ္စတာ နာဇစ်က ဒေါ်လာ ၇ သန်းနဲ့ မစ္စတာ အက်ဒ်လီက ဒေါ်လာ သန်း ၅၀ ကျော် ပေးလျော်ဖို့ အမိန့်ချမှတ်ခဲ့တာ ဖြစ်ပါတယ်။

အီဂျစ်နိုင်ငံမှာ လုပ်ငန်း လုပ်ကိုင်ကြတဲ့ တခြား တယ်လီဖုန်းနဲ့ ဆက်သွယ်ရေး ကုမ္ပဏီတွေ အနေနဲ့ အစိုးရ သတ်မှတ်ထားတဲ့ စည်းကမ်းအတိုင်း လိုက်နာပြီး ဆန္ဒပြပွဲတွေနဲ့ လူထုအုံကြွမှု အရှိန်အဟုန် မြင့်နေချိန်မှာ ဆက်သွယ်ရေး စနစ်တွေကို ဖြတ်တောက်ခဲ့ရတယ်လို့ Vodafone ဆက်သွယ်ရေး လုပ်ငန်းက တာဝန်ရှိသူက ပြောဆိုပါတယ်။

ဆန္ဒပြပွဲတွေ အတွင်းမှာ တက်ကြွလှုပ်ရှားသူတွေဟာ လူမှုဆက်သွယ်ရေး ကွန်ရက်တွေကတဆင့် လူထု ချီတက်ပွဲတွေကို စီစဉ်ခဲ့ကြတာ ဖြစ်ပါတယ်။

မူဘာရက် အစိုးရဟာ ဆက်သွယ်ရေး စနစ်တွေကို ပထမဆုံးအကြိမ် အကြီးအကျယ် ဖြတ်တောက်ခဲ့ကြတယ်လို့ ကျွမ်းကျင်သူတွေက မှတ်ချက်ချပါတယ်။

မူးယစ်ဆေးဝါး သယ်ဆောင်သူ အမျိုးသမီးနှင့် ကားဒရိုင်ဘာ မောင်တောတွင် ဖမ်းဆီးခံရ

5/28/2011 နိရဉ္ဖရာ သတင်းဌာန

အမျိုးသမီး တစ်ဦးနှင့် ကားဒရိုင်ဘာ တစ်ဦးကို ဘင်္ဂလားဒေ့ရ်ှနိုင်ငံမှ မှောင်ခို တင်သွင်းလာသည့် ဖန်ဆီဒိုင်း၊ မော်ဖိန်းများနှင့် အတူ သောကြာနေ့က ရဲမှ မောင်တောမြို့တွင် ဖမ်းဆီးလိုက်ကြောင်း သတင်း ရရှိသည်။

" သူတို့ ဆီက ဖမ်းဆီး ရမိတာက ဖန်ဆီဒိုင် အလုံး ၅၀နဲ့ မှော်ဖိန်း အလုံး ၃၀ ဖြစ်ပါတယ်။ သောကြာနေ့ နံနက်မှာ နယ်စပ်မြို့ မောင်တောကနေ စစ်တွေကို သွားမလို့ လုပ်နေတုန်း ဒေသခံရဲတွေက ဖမ်းဆီးလိုက်တာ ဖြစ်ပါတယ်" ဟု ရဲနှင့် နီးစပ်သူ တစ်ဦးက ပြောသည်။
ဖမ်းဆီးခံရသူ နှစ်ဦးမှာ မောင်တောမြို့နယ် အောင်ဗလကျေးရွာမှ ဒေါ်သန်းမြိုင်နှင့် ဟိုင်းလက်စ်ကား ဒရိုင်ဘာ ဦးဝင်းမြင့်တို့ ဖြစ်ကြသည်ဟု သိရသည်။

" ဒေါ်သန်းမြိုင်က မူးယစ်ဆေးဝါးတွေကို ယူဆောင်ပြီး စစ်တွေကို သွားဖို့ အောင်ဗလ ကျေးရွာက အထွက် ရွှေဇားတံတား အနီးမှာ အဖမ်းခံရတာ ဖြစ်ပါတယ်။ မနက်ပိုင်း ၅ နာရီ ခန့်မှာ သူမက ဘူးသီးတောင်-စစ်တွေ သင်္ဘောအမှီ ကားနဲ့ သွားတာမှာ ဒရိုင်ဘာနဲ့ အတူ အဖမ်းခံရတာ ဖြစ်ပါတယ်" ဟု သူက ပြောသည်။

ရဲက သတင်းအရ ဖမ်းဆီးခဲ့ခြင်း ဖြစ်ပြီး သူတို့နှစ်ဦးကို ယခုအခါ မောင်တော ရဲစခန်းတွင် ချုပ်နှောင်ထားသည်ဟု သိရသည်။

မြန်မာနှင့် ဘင်္ဂလားဒေ့ခ်ျ့ နိုင်ငံအကြား မူးယစ်ဆေးဝါး မှောင်ခို ကူးသန်းရောင်းဝယ်ရေးမှာ အမြတ်အစွန်းကောင်းသဖြင့် အထူး တွင်ကျယ်နေသော စီးပွါးရေးဖြစ်ကြောင်း သိရသည်။

မူးယစ်ဆေးဝါး ရောင်းဝယ် ဖေါက်ကားနေသူများသည် မြန်မာဘက်မှ ယာဘစိတ်ကြွဆေးများကို ဘင်္ဂလားဒေခ်ျ့ဘက်သို့ တင်ပို့နေကြပြီး၊ ဘင်္ဂလာဒေခ်ျ့ဘက်မှ ဖန်ဆီဒိုင်လ်၊ မော်ဖိန်းနှင့် ဆေးခြောက်တို့ကို မြန်မာဘက်သို့ အပြန်အလှန် တင်ပို့နေကြသည်ဟု နယ်စပ် သတင်း ရပ်ကွက်များက ဆိုသည်။

လူနေကျေးရွာသို့ ခိုအောင်းလာသော တောဆင်ရိုင်းများ အသတ်ခံရ

5/28/2011 နိရဉ္ဖရာ သတင်းဌာန

စားကျက်နည်းပါးလာသဖြင့် တောင်ကုတ်မြို့နယ်မှ လူနေ ကျေးရွာများ အနီး ခိုအောင်းလာသော ဆင်အုပ် တစ်ခုထဲမှ ဆင်များ အသတ်ခံခဲ့ရကြောင်း ကျယ်ကျယ်ပြန့်ပြန့် သတင်း ဖြစ်ပေါ်နေကြောင်း သိရသည်။
အဆိုပါ ဆင်အုပ်မှာ ရခိုင်ပြည်နယ် တောင်ကုတ်မြို့နယ်ရှိ တရဘ ကျေးရွာအုပ်စုနှင့် ပေါက်ပြင်ကျေးရွာအုပ်စု ရွာအနီးအနား အတွင်း ခိုအောင်းလာသော ဆင်အုပ် ဖြစ်ကြောင်း သိရသည်။

"ဒီဆင်အုပ်က ဆင် ၁၂ကောင်ရှိတာ။ ခုတော့ ငါးကောင်ပဲ ကျန်တော့တယ်။ ဆင်ကလေးတွေပဲ ကျန်ပြီး ဆင်ကြီးက တစ်ကောင်တည်း ပါတယ်။ တခြားဆင်ကြီးတွေ အသတ်ခံလိုက်ရတယ်လို့ ကြားရတယ်။ ဆင်စွယ်လိုက်နေတဲ့ မုဆိုးတွေ ဖြစ်ဖို့များတယ်" ဟု တရဘရွာ အနီးဘုန်းတော်ကြီးကျောင်း တစ်ခုမှ သံဃာတစ်ပါးက မိန့်ကြားသည်။

ဆင်ရိုင်း ၁၂ ကောင် ပါသော အဆိုပါ ဆင်အုပ်သည် ကျေးရွာသားများ စိုက်ပျိုးထားသော ငှက်ပျောခင်းများ၊ နာနတ်ခင်းများအား ၀င်ရောက်လာပြီး စားသောက်ဖျက်ဆီးကြပြီး နောက်ပိုင်း အခုအခါ အဆိုပါ ဆင်အုပ်တွင် ဆင်ကလေးများနှင့် ဆင် (၇) ကောင်သာ ပါတော့ကြောင်း သိရသည်။

" ရွာနားက ဥယျာဉ်ထဲမှာ ဆင်တွေ ၀င်လာပြီး ညဆိုရင်ရွာစပ်က ငှက်ပျောခင်းကို ဝင်စားတယ်။ ဥယျာဉ်တွေထဲက နာနတ်သီးတွေကိုလည်း စားတယ်။ အခုတော့ ဆင်စားလို့ ငှက်ပျော ခိုင်တွေရော နာနတ်သီးတွေပါ ကုန်ပြီ။ တစ်ခါ တစ်ခါ ဥယျာဉ်ထဲက တဲတွေ၊ ရွာစွန်က တဲတွေကို တောင် လာဖျက်တယ်လေ" ဟု ရွာခံတစ်ဦးကပြောသည်။

တောဆင်ရိုင်းများကြောင့် ဥယျာဉ်များ ပျက်စီးနေသဖြင့် ဒေသခံများ စီးပွားပျက်မည်ကို စိုးရိမ်နေကြကြောင်း သိရသည်။

ရခိုင်ရိုးမှာ တောဆင်ရိုင်းများ ကျက်စားရာ နာမည်ကြီး ရိုးမ တစ်ခု ဖြစ်ပြီး အခုအခါ ဒေသအတွင်းမှ စစ်အရာရှိများမှ စီးပွားရေး သမားများနှင့် ပူးပေါင်းက သစ်များကို မဆင်မခြင် ထုတ်လုပ်နေသဖြင့် သစ်တောများ အကြီးအကျယ် ပြုန်းတီးနေကြောင်း သိရသည်။

သို့အတွက် ဆင်ကျက်စားများ ဆုတ်ယုတ် နည်းပါးလာသဖြင့် လူတို့၏ စိုက်ခင်းများသို့ ရွှေ့ပြောင်း ကျက်စား လာခြင်း ဖြစ်ကြောင်း သိရသည်။

၎င်းပြင် ဆင်မုဆိုးများနှင့် စစ်တပ် တပ်ရင်း တချို့မှ တရားမ၀င် ဆင်များကို လိုက်လံ သတ်ဖြတ်မူများ ရှိနေပြီး ရရှိလာသော ဆင်စွယ်များကို သူတို့ အဆက်အသွယ်ဖြင့် တရုတ်ပြည်ထိတင်ပို့ ကြကြောင်း သိရသည်။

လွတ်ငြိမ်းချမ်းသာခွင့်ပြီးနောက် စစ်တွေမှာ သူခိုးတွေ အထူးသောင်းကျန်း

5/28/2011 နိရဉ္ဖရာ သတင်းဌာန

လွှတ်ငြိမ်းချမ်းသာခွင့်ပြီးနောက် စစ်တွေမှာ သူခိုးတွေ အထူး သောင်းကျန်းနေတယ်လို့ ပြောပါတယ်။

ဦးသိန်းစိန်ရဲ့ လွှတ်ငြိမ်း ချမ်းသာခွင့်ကြောင့် စစ်တွေထောင်က လွှတ်လာတဲ့ ထောင်သားတွေ အထဲမှာ သူခိုး အကျဉ်းသား ၅၀ နဲ့ ၆၀ အကြားမှာ ပါဝင်ပြီး အခုအခါ ဂိုဏ်းဖွဲ့ ကျူးလွန်နေကြတယ်လို့ ဆိုပါတယ်။

လွန်ခဲ့တဲ့ ကြာသပတေးနေ့ ညဥ့်မှာ စစ်တွေ လမ်းမကြီးက သတင်းစာ ကိုယ်စားလှယ် ဦးသိန်းမောင် ဆိုင်ခန်းကို ဖေါက်ထွင်းသွားတယ်လို့ သိရပါတယ်။

အစိုးရ ကျောင်းတချို့ လာဘ်ယူနေဆဲ

ယုယမိုး Saturday, 28 May 2011 - ဧရာဝတီ

ကျောင်းအပ်ရာသီကာလ အစိုးရကျောင်းများတွင် သတ်မှတ်နှုန်းထားထက်ပို၍ အလှူငွေ ကောက်ခံခြင်းများ မပြုလုပ်ရန် ညွှန်ကြားထားသော်လည်း အခြေခံပညာကျောင်းအချိူ့တွင် လာဘ်ယူမှုများ ရှိနေဆဲဖြစ်သည် ဟုသိရသည်။

မကြာသေးမီက ရန်ကုန်တိုင်း ဒေသကြီအတွင်းရှိအထင်ကရ ကျောင်းများဖြစ်သော အထက(၂)မင်္ဂလာဒုံ၊ အထက(၁)ဒဂုံ၊ အထက(၂)ကမာရွတ်၊ အထက(၂)လသာ၊ အထက(၂)ဗဟန်း၊ ပညာရေးတက္ကသိုလ်လေ့ကျင့်ရေးကျောင်း (TTC) အစရှိသည့် ကျောင်း ၁၉ ကျောင်းအား ရန်ကုန်တိုင်းဒေသကြီး ၀န်ကြီး ဦးဉာဏ်ထွန်းဦးက ခေါ်ယူသတိပေးမှုများ ပြုလုပ်ခဲ့သည်။

ခေါ်ယူသတိပေးခြင်း ခံခဲ့ရသည့် ကျောင်းများက ရန်ပုံငွေ၊ အလှူငွေကြေးများ ကောက်ခံခြင်း မရှိသော်လည်း အဆိုပါ နာမည်ရ ကျောင်းများသို့ ၀င်ခွင့်ရရှိစေရန် လာဘ်ပေးနေရမှုများ ရှိနေသည် ဟု ပညာရေးတက္ကသိုလ် လေ့ကျင့်ရေးကျောင်း (TTC)မှ ကျေင်းသားမိဘ တစ်ဦးဖြစ်သူ မမျိူးမျိူးက ဧရာဝတီကိုပြောသည်။

“ကျောင်းဝင်ခွင့်ရဖို့က သက်ဆိုင်ရာ ပညာရေးဌာနက ပါမောက္ခတွေ၊ စစ်တပ်က ရာထူးကြီး အရာရှိတွေရဲ့ လက်မှတ်တွေ ပါမှဖြစ်တာပါ၊ သူတို့လက်မှတ်တွေ ရဖို့အတွက် ကြားထဲက ပွဲစားတွေကို လိုင်းကြေးသဘောမျိူးပေးရပါတယ် ဒီနှစ် ပညာရေးတက္ကသိုလ်လေ့ကျင့်ရေးကျောင်း( TTC) ကျောင်းဝင်ခွင့် ရဖို့ ကျောင်းသားသစ် ၀င်ကြေးက ကျပ် ၁၀သိန်းကနေ ၁၅ သိန်းကြားရှိပါတယ်”ဟု သူကဆိုသည်။

ရန်ကုန်မြို့၏ နာမည်ရ ကျောင်းများ ဖြစ်သည့် ဒဂုံ(၁)နှင့် အထက(၂) ကမာရွတ်(စိန်အော်ဂတ်စတင်း) ကျောင်းများ၏ ကျောင်းသားသစ် ၀င်ကြေးမှာလည်း ကျပ် နှစ်သိန်းမှ သုံးသိန်းကြား ရှိသည် ဟု ကမာရွတ်မြို့နယ်မှ အဋ္ဌမတန်း တတ်ရောက်မည့် ကျောင်းသားမိခင် တစ်ဦး ကပြောပြခဲ့သည်။

၂၀၁၁-၂၀၁၂ ပညာသင်နှစ် ကျောင်းအပ်နှံရေး နေ့များကို မေလ၂၅ရက်မှ ၃၁ရက်အတွင်း တစ်နိုင်လုံးရှိ အခြေခံပညာကျောင်း တွင်ပြုလုပ်ရမည်ဟု ပညာရေး ၀န်ကြီးဌာနက ညွှန်ကြားထားသည်။

ရန်ကုန်မြို့၏ အထင်ကရ ကျောင်းများတွင် သာမက အခြားမြို့နယ်ရှိ ကျောင်းများတွင်လည်း ၀င်ခွင့်ရရှိ စေရန် ကျောင်းအုပ်ကြီးများအား လာဘ်ပေးရမှုများ ရှိနေပြီး ကျောင်းအပ်ရာသီ မရောက်ခင်ကပင် ကျောင်းအပ်လက်ခံကာ အမြတ်ထုတ်လျက် ရှိသည်ဟု ဒဂုံမြို့သစ် မြောက်ပိုင်းမှ ကျောင်းသား မိဘတစ်ဦး ကဆိုသည်။

“ အထက ၃ ဒဂုံမြို့သစ် မြောက်ပိုင်းက ကျောင်းအုပ်ကြီး တစ်ဦးဆိုရင် ကျောင်းအပ်ရာသီ ဖြစ်တဲ့ မေလ ၂၅ ရက်နေ့ မတိုင်ခင် ကတည်းက ကျောင်းအပ်လက်ခံတာတွေ လုပ်နေပါတယ် သူနဲ့ခင်မင်ရင်းနှီးတဲ့သူတွေ အဆက်အသွယ်နဲ့လာတဲ့သူတွေဆိုရင် အလှူငွေအဖြစ် သုံးသောင်းကျပ် ကောက်ခံပြီး အဆက်အသွယ်ကောင်းမရှိတဲ့ ကျောင်းသားကျောင်းသူတွေဆို ငါးသောင်း ပေးရပါတယ် အချိူ့ ပိုက်ဆံတတ်နိုင် သူတွေကိုဆို တစ်သိန်းနဲ့အထက် ကောက်ခံ ပြီး အကျိူးအမြတ်ထုတ်နေပါတယ်” ဟုပြောပြသည်။

အဆိုပါ ကျောင်းအုပ်ကြီးသည် မိဘများကိုသာမက ကျောင်းရှိ ဆရာ၊ ဆရာမများ အပေါ်တွင်လည်း လာဘ်စားမှုများရှိနေသည် ဟု သူကဆိုသည်။

“အတန်းကောင်းကောင်း လိုချင်ရင် ဆရာမတွေဆီကနေ ကျပ်တစ်သိန်းကနေ တစ်သိန်းခွဲအထိ တောင်းပါတယ်၊ မပေးနိုင်တဲ့ ဆရာ၊ ဆရာမတွေကို အတန်းပိုင်ရာထူး မပေးပါဘူး၊ သူ့ကို လာဘ်ပေးပြီးတော့ မျက်နှာရအောင် လုပ်တဲ့သူတွေကိုပဲ အတန်းပိုင်တို့၊ အတန်းမှူးရာထူးတို့ပေးပါတယ်” ဟု၎င်းက ပြောသည်။

အဆိုပါကျောင်းသည် ဒဂုံမြို့သစ် မြောက်ပိုင်း ဘုရင့်နောင်လမ်းမကြီး(ကျောင်းလမ်း)တွင်တည်ရှိပြီး ၃၅ ရပ်ကွက်နှင့် ၃၆ ရပ်ကွက် အကြားတည်ရှိသည်။

မန္တလေးတိုင်း ဒေသကြီး ချမ်းအေးသာဇံမြို့နယ်ရှိ မြို့နယ်ပညာရေးမှူး တစ်ဦးသည် ယခုလ ၂၄ရျက်နေ့က ကျောင်းအပ်နှံရေးနေ့ ရန်ပုံငွေ အဖြစ် ငွေကျပ် တစ်သောင်း၊နှစ်သောင်း စသည်ဖြင့် မိဘများထံမှ ခွဲတမ်းဖြင့် ကောက်ခံရန် ချမ်းအေးသာဇံ မြို့နယ်ရှိ ကျောင်းအုပ်ကြီးများအား ညွှန်ကြားထားသောကြောင့် ကျောင်းအပ်နှံရန်ပင် အဆင်မပြေသည့် မိဘများမှာ အခက်အခဲတွေ့နေရသည် ဟု မန္တလေးမြို့ အထက(၁၄)မှ ကျောင်းသားမိဘတစ်ဦးက ဧရာဝတီကိုပြောသည်။

အခြေခံပညာကျောင်းများတွင် ကျောင်းသားမိဘများနှင့် ဆရာ၊ဆရာမများ အကြား ယင်းကဲ့သို့ လာဘ်ပေး လာဘ်ယူမှုများ ဖြစ်ပေါ်နေခြင်းသည် အစိုးရ၏ ပညာရေးဌာန အတွက် ဘတ်ဂျက် ချထားပေးမှု နည်းပါးခြင်းကြောင့် ဖြစ်နိုင်သည်ဟု ရန်ကုန်မှ ကျောင်းအုပ်ဆရာကြီးတစ်ဦးက သုံးသပ်ပြသည်။

အစိုးရသစ်လက်ထက်တွင် ၀န်ကြီးဌာနပေါင်း ၃၁ခု ရှိပြီး အခြား ၀န်ကြီးဌာနများနှင့်စာလျှင် ပညာရေးဝန်ကြီးဌာနသည် လာဘ်စားမှုအနည်းဆုံး ဌာန တစ်ခုဖြစ်သည်ဟု လေ့လာသုံးသပ်သူများက ဆိုသည်။

အစိုးရ၏ ၀န်ကြီးဌာနများသို့ ချထားပေးသော ဘတ်ဂျတ် တန်ဖိုးများအရ ကာကွယ်ရေးဝန်ကြီးဌာနသည် ၂၁.၁၃ ရာခိုင်နှုန်း ဖြင့်အများဆုံး ရရှိကာ ပညာရေးဝန်ကြီးဌာနသည် ၄.၉၇ ရာခိုင်နှုန်းခန့်သာ ရရှိသည်ကို ဧရာဝတီက ရရှိထားသော ၂၀၁၁ခုနှစ် ဖေဖော်ဝါရီလ ၁၁ရက်နေ့က ထုတ်ပြန်ခဲ့သည့် မြန်မာနိုင်ငံတော် ပြန်တမ်းအရ သိရသည်။

ယခု ပညာသင်နှစ် မှစတင်၍ ကျောင်းနေအရွယ် ကလေးတိုင်း အခြေခံပညာ သင်ယူနိုင်စေရန် မူလတန်းအဆင့် ကျောင်းသားကျောင်းသူ ငါးသန်းကျော်အတွက် ငွေကျပ်သန်း ၂၄၀၀ တန်ဖိုးရှိ ကျောင်းသုံး စာအုပ်များ အခမဲ့ ထောက်ပံ့ ပေးသွားမည်ဖြစ်ကြောင်း ပညာရေးဝန်ကြီး ဒေါက်တာမြအေး ပြောကြားချက်ကို မေလ ၂၆ရက်နေ့ထုတ် မြန်မာ့အလင်း သတင်းစာတွင် ဖော်ပြထားသည်။

မြန်မာနိုင်ငံတွင် အခြေခံပညာ ကျောင်းပေါင်းလေးသောင်းရှစ်ရာ ကျော်ရှိပြီး အဆိုပါကျောင်းများတွင် ပညာသင်ကြားနေသော ကျောင်းသား၊ကျောင်းသူဦးရေ ရှစ်သန်းကျော် ရှိကြောင်း ပညာရေးစီမံကိန်းနှင့် လေ့ကျင့်ရေးဦးစီးဌာနက ထုတ်ပြန်ထားသည်။

ဇေယျာသော်၏ သူရဲကောင်း

ဖနိဒါ၊ စနေနေ့၊ မေလ ၂၈ ရက် ၂၀၁၁ ခုနှစ် ၁၉ နာရီ ၅၅ မိနစ် - မဇ္စျိမ

ဟစ်ပ်ဟော့ပ် အဆိုတော် တူပက်ရှာကူး Tupac Shakur သည် ၁၉၉၆ ခုနှစ်၌ အမေရိကန်တွင် လူဆိုးဂိုဏ်းအချင်းချင်း ပစ်ခတ်ရာမှ သေနတ်ထိမှန်သေဆုံးခဲ့သည်။

ယင်းသည် မျှော်လင့်ချက်ကင်းမဲ့နေသည့် လူမည်းလမ်းသူရဲဂိုဏ်းများ၏ တကယ့်သရုပ်မှန်နှင့် သူလို ငွေကြယ်ပွင့်တို့အကြား ပဋိပက္ခ တနည်းအားဖြင့် အာဖရိကန်နွယ်ဖွား အမေရိကန်လူမျိုး အဆိုတော် ကျင်လည်ရာ ငရဲဘုံ၏ အစိတ်အပိုင်း တရပ်လည်း ဖြစ်သည်။

ရှာကူး သေဆုံးစဉ်က ဇေယျာသော်မှာ ၁၅ နှစ်သားသာ ရှိသေးသည်။ သို့သော် ထိုအမေရိကန် ရက်ပါနှင့် သူ၏ ဟစ်ပ်ဟော့ပ် ဂီတအမျိုးအစားသည် ကမ္ဘာ့တဖက်ခြမ်း ရန်ကုန်မြို့ရှိ လမ်းမများပေါ်တွင် ကျင်လည်ကျက်စားနေသော မြန်မာလူငယ်လေးအပေါ်လည်း ကြီးမားစွာ သြဇာသက်ရောက်ခဲ့သည်။
ယခုတော့ သူတို့တွင်လည်း ရက်ပ်ဂီတ ကြွပ်ဆတ်ဆတ်စာသား ထောင် စသည်တို့ လူမည့်ရက်ပ် အဆိုတော်လိုပင် တပေါင်းတစည်းတည်း တည်ရှိနေပြီဖြစ်သည်။

လူငယ် နိုင်ငံရေးအဖွဲ့အစည်းတခုတွင် ပါဝင်မှု၊ နိုင်ငံခြားငွေကြေး ကိုင်ဆောင်မှုတို့ဖြင့် ထောင်ဒဏ် ၆ နှစ် ချမှတ်ခံခဲ့ရပြီး၊ ၂ နှစ်ခွဲခန့် ထောင်ထဲနေခဲ့ရပြီးနောက် မေလ ၁၇ ရက်နေ့တွင် သူလွတ်လာခဲ့ကာ လွတ်လပ်မှုကို ပျော်ရွှင်မြူးတူးစွာ ခံစားနေခဲ့သည်။ သူ့သူရဲကောင်း ရှာကူးက လိင်မှုကိစ္စဖြင့် ထောင်ကျခဲ့သော်လည်း သူကမူ ဒီမိုကရေစီရေး တက်ကြွလှုပ်ရှားသူများက မြင့်မြတ်သည့် အရေးတော်ပုံဟု ယုံကြည်ကြသည့် စစ်အစိုးရ၏ အုပ်စိုးပိုင်ခွင့်ကို စိန်ခေါ်မှုဖြင့် ထောင်ဒဏ်ကျခံခဲ့ရခြင်း ဖြစ်သည်။

ဇေယျာသော်သည် ထောင်မှ လွတ်လာပြီးနောက် သူ့မိသားစုနှင့် ပြန်လည်ဆုံဆည်းခဲ့သည်။ သူသည် မြန်မာအစိုးရ၏ `လွတ်ငြိမ်းချမ်းသာခွင့်´ ဟု ခေါ်ဆိုသော အမိန့်ဖြင့် လွတ်မြောက်လာခြင်း ဖြစ်သည်။ အမှန်စင်စစ်မှု အဆိုပါအကျဉ်းသား ၁၄၆၀၀ သည် သူတို့ပြစ်ဒဏ်များမှ တနှစ်သာ လျှော့ပေါ့သက်သာခွင့် ရခဲ့ကြသည်။

လွန်ခဲ့သော ဆယ်စုနှစ်တခုကျော် သူ ရက်ပ်သီချင်းများ စဆိုစဉ်၊ လူငယ်များ၏ မကျေမနပ် သံစဉ်များကို ဖွဲ့ဆိုသီကျူးနေစဉ် ဤ အသက် ၃၀ အရွယ်ရှိ အဆိုတော်သည် တနေ့တွင် သူလည်း နိုင်ငံတကာ လွတ်ငြိမ်းချမ်းသာခွင့် အဖွဲ့၏ ယုံကြည်ချက်ကြောင့် အကျဥ်းချခံရသူများ ဆိုသည့် စာရင်းတွင် သူလည်း ပါဝင်လာလိမ့်မည်ဟု သူမသိခဲ့ပေ။

အားလုံးသည် အပြစ်မဲ့စွာ ဖြစ်ပေါ်ခဲ့ခြင်းသာ ဖြစ်သည်။ `ကျနော့်အိပ်မက်တွေထဲက တခုက အဆိုတော် ဖြစ်ချင်တာပဲ´ ဟု ဇေယျာသော်က မဇ္ဈိမကို ပြောသည်။ `ကျနော် ငယ်ငယ်တုန်းက အဖေက ကျနော့်ကို စန္ဒရားသင်ခိုင်းတယ်။ ကျနော်လည်း သူငယ်ချင်းတွေနဲ့အတူ စိတ်မပါ့တပါနဲ့ တီးနေရတာပဲ။ နောက်တော့ တဖြည်းဖြည်းနဲ့ မတီးဖြစ်တော့ဘူး´ ဟု သူက ပြောသည်။ သို့သော် ကဗျာနှင့် အနုပညာလိုပင် ဂီတကို သူစွဲသွားခဲ့ပြီဖြစ်သည်။

ဆယ်ကျော်သက် အရွယ်ကတည်းက ဟစ်ပ်ဟော့ပ်ဂီတ၏ `ဖမ်းစား´ခြင်းကို ခံခဲ့ရသည်ဟု သူက ပြောသည်။ သူရသမျှ မုန့်ဖိုးလေးကို သီချင်းအယ်လ်ဘမ်များ၊ နိုင်ငံခြားဂီတ အယ်လ်ဘမ်များ ၀ယ်ယူရာတွင် သုံးစွဲခဲ့သည်။ `စာသားတွေကို နားမလည်ပေမယ့် ဒီ အယ်လ်ဘမ်တွေကို ကျနော်ကြိုက်တယ်´ဟု သူက ပြောသည်။

ထိုအထဲမှ အယ်လ်ဘမ်တခုကို သူသဘောကျသွားသည်။ ထိုအယ်လ်ဘမ်တွင် သီချင်းကို ဆိုထားခြင်း မဟုတ်ဘဲ ရွတ်နေခြင်းသာ ဖြစ်သည်။ `ဒီလိုဂီတအမျိုးအစားကို ကျနော် အရမ်းခိုက်သွားတယ်။ ဒါနဲ့ သူငယ်ချင်းတွေကို မေးကြည့်တော့ ဒါရက်ပ်အမျိုးအစားလို့ ပြောကြတယ်။ ဒါနဲ့ပဲ ကျနော် ရက်ပ်အယ်လ်ဘမ်တွေ ထုတ်ဖြစ်သွားတာပဲ။ တခြား ရက်ပ်အယ်လ်ဘမ်တွေကိုလည်း နားထောင်ဖြစ်သေးတယ်။ ကျနော်မှတ်မိသလောက် Niggaz With Attitude နဲ့ Dr. Dre ရဲ့ The Chronic တို့ကို နားထောင်ဖြစ်ပါတယ်။ ဒီအယ်လ်ဘမ်တွေ နားထောင်ပြီး ကျနော်လည်း ရက်ပ်ဂီတအကြောင်း နားလည်သွားပါတယ်´ ဟု သူက ပြောသည်။

ဇေယျာသော် ရှင်းပြသည့်အတိုင်းဆိုလျှင် သူ့ဟစ်ပ်ဟော့ပ်ဂီတသည် အာဖရိကနွယ်ဖွား အမေရိကန်လူမျိုး အသိုင်းအ၀ိုင်း၏ ၁၉၇၉ ခုနှစ်ကာလက ဂီတကို အခြေခံပေါ်ထွက်ခဲ့ခြင်း ဖြစ်သည်။ `နီဂရိုး´ ဆိုသည့် စကားလုံးက စော်ကားသလို ဖြစ်နေသဖြင့် သူတို့က သူတို့ကိုယ်သူတို့ `နစ်ဂါ´ ဟု ခေါ်ကြသည်ဟု သူက ပြောသည်။ သူတို့ကို နှိမ်ချစော်ကားသလို ဖြစ်နေသည့် စကားလုံးကို သူတို့အသိုင်းအ၀ိုင်းကို ရည်ညွှန်းသည့် စကားလုံးအဖြစ် ပြောင်းလဲခဲ့ကြသည်။

`ဟစ်ပ်ဟော့ပ်ဂီတဟာ သူတို့အပေါ် လူမျိုးရေးအရ ခွဲခြားနှိမ်ချတာကို ဒေါသထွက်နေတဲ့ လူမည်းလူငယ်တွေရဲ့ ဒေါသက အခြေခံပေါ်ထွက်လာတာပဲ။ ဟစ်ပ်ဟော့ပ်ဂီတရဲ့ အနှစ်သာရက အဖိနှိပ်ခံတွေရဲ့ ခံစားချက်တွေကို ဖော်ထုတ်တာပဲ။ စေတနာပါတဲ့ သဘောထားကြောင့် ဟစ်ပ်ဟော့ပ်ဂီတရဲ့ အရည်အသွေးဟာ တောက်ပြောင်လာတယ်လို့ ကျနော် ထင်ပါတယ်´ ဟု သူက ပြောသည်။

ရက်ပ်၊ ဟစ်ပ်ဟော့ပ်ဟု အပြန်အလှန် အမျိုးမျိုးခေါ်နေကြသော ဂီတသည် မြန်မာနိုင်ငံတွင် အစောပိုင်းက ပေါ်ပင်ဂီတအဖြစ်သာ ပေါ်လာခဲ့ပြီး၊ လူငယ်များ နှစ်သက်စွဲလမ်းလာကြသော ဂ်ီတအမျိုးအစားလည်း ဖြစ်သည်။ အထူး ရေပန်းစားလာခဲ့သည်မှာ ၁၉၉၂-၉၃ ခုနှစ်တွင် ဖြစ်သည်ဟု သူက ပြောသည်။

`အဲဒီနှစ်တွေမှာ လူငယ်တွေက မနက်ပိုင်းမှာ ဟစ်ပ်ဟော့ပ်သီချင်းတွေ ဖွင့်ပြီး ဘရိတ်ဒန့်စ် ကကြတယ်။ တချို့ကတော့ ဟစ်ပ်ဟော့ပ်ဂီတက ပျင်းစရာ ကောင်းတယ်ဆိုပြီး တခြား ဂီတအမျိုးအစားတွေကို ပြောင်းလဲသွားကြတယ်။ ဒါပေမဲ့ ကျနော်တို့ကတော့ ဟစ်ပ်ဟော့ပ် အမျိုးအစား ဂီတကိုပဲ စွဲစွဲမြဲမြဲ ဆက်လုပ်ခဲ့ကြတယ်။ ဒါပေမဲ့ အဲဒီအချိန်တုန်းကတော့ ဟစ်ပ်ဟော့ပ် ဂီတရယ်လို့ မသိဘူး။ ရက်ပ်ဂီတလို့ပဲ သိနေတာ။ ကျနော့်သူငယ်ချင်း တချို့ကတော့ ဟဲဗီးရော့ခ်နဲ့ ဟဲဗီးမက်တဲလ် အမျိုးအစားတွေဘက်ကို လိုင်းပြောင်းသွားကြတယ်။ ကျနော်တို့ကတော့ ရက်ပ်ဂီတကိုပဲ စွဲစွဲမြဲမြဲ ဆက်လုပ်နေခဲ့ကြတယ်။ ရက်ပ်ဂီတတွေကို နားထောင်ရင်း ရက်ပ်သီချင်းတွေစပ်ဖို့ အာရရုံရလာခဲ့တယ်´ ဟု သူက ပြောသည်။

လူမည်း ရက်ပါနှင့် ရုပ်ရှင်မင်းသား တူးပက်ရှာကူးကို ကြည့်ပြီး ဇေယျာသော် ရက်ပ်ဂီတအတွက် ဈာန်ဝင်သွားခဲ့သည်။ ရှာကူးက ဓာတ်ပြားချပ်ရေ ၇၅ သန်းကျော် ရောင်းချခဲ့ရသူဖြစ်သည်။ သူအမှတ်တရ တင်ထားသည့် ၀ဘ်ဆိုဒ်တွင် သူ့ကို ကဗျာဆရာ၊ တဲ့တိုး ဘွင်းဘွင်းပြောတတ်သူ၊ ဥပက္ခာပြုခံထားရသူ အမေရိကန်ဆင်းရဲသားများဘက်မှ အရေးဆို တိုက်ပွဲဝင်သူတဦးအဖြစ် ရေးသားဖော်ပြထားသည်။
ဇေယျာသော်မှာလည်း ကဗျာဓာတ်ခံနှင့် ဆက်ဆံရေး ပြေပြစ်ချောမွေ့သူ ဟူသည့် အရည်အချင်း ရှိသည်။ သို့သော် ရှာကူးကဲ့သို့ လူဆိုးဂိုဏ်းများနှင့် သေနတ်ချင်း ယှဉ်ပစ်ခြင်း၊ ပုလိပ်များနှင့် လိုက်တမ်းပြေးတမ်း ကစားခြင်း၊ ညဥ့်နက်နက် ကားနှင့်ဝင်လာ သေနတ်နှင့် ပစ်သွားခြင်း ဆိုသည်များကို သူမလုပ်ခဲ့ပေ။

ဤအချက်များကြောင့်ပင် အထင်ကရ အမေရိကန် ရက်ပါတဦး အသက်ဆုံးရှုံးခဲ့ရသည်။
ဇေယျာသော်သည် ၂၀၀၀ ခုနှစ်နှောင်ပိုင်းတွင် အနဂ္ဂ၊ ဟိန်းဇော်၊ ယန်ယန်ချမ်းတို့နှင့် ပေါင်းပြီး မြန်မာပြည်၏ ပထမဆုံး ဟစ်ပ်ဟော့ပ် တေးဂီတအဖွဲ့ဖြစ်သည့် အက်ဆစ်ကို ဖွဲ့စည်းတည်ထောင်ခဲ့သည်။ ထိုနှစ်တွင်ပင် ပထမဆုံး အယ်လ်ဘမ်ဖြစ်သည့် စတင်ခြင်း ကို ထုတ်ဝေခဲ့သည်။ မြန်မာဂီတဝေဖန်သူများ၏ အပြောအရ ပေါက်သွားသော အခွေလည်း ဖြစ်သည်။

အရောင်းရဆုံး သီချင်းခွေစာရင်းတွင် ၂ လကျော်ခန့် နံပါတ် ၁ နေရာ ချိတ်နိုင်ခဲ့သည်။
အက်ဆစ်အဖွဲ့လည်း တကယ်ပင် ပေါက်သွားခဲ့သည်။ သူက ရန်ကုန်ရှိ အခြား ရော့ခ်နှင့် ပေါ့ပ် အဖွဲ့များနှင့်မတူ တမူကွဲပြားနေသည်။ အပေါ်ယံကြည့်လျှင်တော့ လူမည်း ရက်ပ်ဂီတသမားများလို ဘောင်းဘီပွ၊ တီရှပ်ပွပွကြီးတွေဝတ်၊ ခေါင်းပေါ်တွင် ဘေ့စ်ဘောလ် ဦးထုပ်ဆောင်းထား၊ နေကာမျက်မှန် တပ်ထားသည်ကို တွေ့ရမည်။ အနောက်တိုင်း သတင်းစာများကမူ သူတို့ရက်ပ်ဂီတသည် စာသားအနေဖြင့် ဘာမှ မထူးခြား၊ သာမန်မျှသာ ဖြစ်ပါသည်ဟု ပြောဆိုဝေဖန်ကြသော်လည်း မြန်မာပြည်တွင်တော့ မြန်မာပြည်သူများ ခံစားနေရသော ဆင်းရဲဒုက္ခတို့ကို မလွှဲမရှောင်သာ ရေးဖွဲ့စပ်ဆိုလာကြရသည်။

သည်တော့လည်း အဝေဖန်မခံနိုင်သည့် စစ်အစိုးရကြောင့် ဂီတသမားများလည်း အန္တရာယ်ရှိလာတော့သည်။ အက်ဆစ်အဖွဲ့က ပရိသတ်အများကြီးကို ဖမ်းစားနိုင်ခဲ့သည်။ သည်လိုနှင့် နောက်ထပ် ဟစ်ပ်ဟော့ပ်အဖွဲ့များ ဟစ်ပ်ဟော့ပ်ဂီတသမားများ ပေါ်ထွက်လာခဲ့ပြီး သူတို့ကို ဟစ်ပ်ဟော့ပ် ပထမမျိုးဆက်ဟု ခေါ်ကြသည်။

`ကျနော်က အဆိုတော်။ ဒီတော့ ကျနော့်ပရိသတ်နဲ့ ထိတွေ့နေရတာပဲ။ သူတို့ခံစားနေရတာတွေ သူတုိ့နာနာကျင်ကျင် ခံစားနေရတာတွေကိုလည်း သိလာရတာပေါ့။ ဒါနဲ့ သူတို့အတွက် ကျနော် ဘာများ လုပ်ပေးနိုင်မလဲလို့ စဉ်းစားကြည့်တယ်။ ဒီလိုနဲ့ နိုင်ငံရေးထဲမှာ ကျနော်တတ်နိုင်သလောက် ၀င်လုပ်ခဲ့တာပဲ´ ဟု သူက ပြောသည်။

ထိုမြန်မာရက်ပါလေးသည် သူ့ပရိသတ်ထံ အရောက်သွားနိုင်မည့် နည်းလမ်းကို ရှာဖွေတွေ့ရှိသွားခဲ့သည်။ `ကျနော်တို့လူငယ်တွေဟာ တရားမျှတမှုအတွက် တောင်းဆိုတိုက်ပွဲဝင်တဲ့ နေရာမှာ ဦးဆောင်ပါဝင်သင့်တယ်။ ကျနော်ကတော့ တရားမျှတမှု မရှိတာကို မျက်နှာလွှဲခဲပစ် လုပ်နိုင်လောက်အောင် အသည်းမမာဘူး။ ဒါနဲ့ပဲ ကျနော် နိုင်ငံရေးထဲ ရောက်လာခဲ့တာပဘဲ။

ကျနော်ကိုယ်တိုင်လည်း မြန်မာပြည်သားတယောက် ဖြစ်နေတော့ သူတို့ခံစားချက်တွေ၊ သူတို့နာကျင်မှုတွေကို အတော်ကြာကြာ စဉ်းစားခံစားနေမိတယ်။ ဒါပေမဲ့ နိုင်ငံရေးထဲ ပါဝင်လုပ်ကိုင်ဖို့ကျတော့ အတော်အချိန်ယူ စဉ်းစားရသေးတယ်။ ငါ တကယ်စွန့်လွှတ်နိုင်ရဲ့လားဆိုတာ ကိုယ့်ကိုယ်ကို ပြန်မေးနေရသေးတယ်´။

လူရွှင်တော်ဇာဂနာ လုပ်ကိုင်နေသည့် HIV ပိုးရှိ မိဘမဲ့ကလေးများအတွက် လုပ်ကိုင်ဆောင်ရွက်ပေးနေသည့် ကုသိုလ်ဖြစ် အဖွဲ့အစည်းတခုအတွက် ဇေယျာသော်သည် ကဗျာဆရာ စောဝေ၊ အောင်ဝေးတို့နှင့်အတူ တွဲကာ ရံပုံငွေရှာဖွေပေးခဲ့သည်။ အခြားရက်ပ်ပါတဦးဖြစ်သည့် ငဲငဲနှင့်အတူ အဆိုပါကလေးများကို အင်္ဂလိပ်စာ သွားသင်ပေးခဲ့သည်။ လူရွှင်တော်ဇာဂနာသည် ယခုအခါ ထောင်ဒဏ်ကျခံနေရသည်။

ဆူညံစွာ အော်ဟစ်အားပေးနေသည့် ပရိသတ်ကြီးကို ထိန်းထားရင်း ဇေယျာသော်အဖို့ ဓားသွားပေါ် လမ်းလျှောက်နေရသလို ဖြစ်နေသည်။ သူ့သီချင်းစာသားများ ဆင်ဆာမှ လွတ်ပါ့မလားဟု ပူပန်နေရသည်။ သို့သော် သူလွတ်ခဲ့ပါသည်။

ထိုသို့သောအားဖြင့် စစ်အစိုးရကို သံဃာတော်များ ဦးဆောင်ကာ လမ်းမများပေါ် ထွက်ဆန္ဒပြခဲ့ကြသည့် ၂၀၀၇ စက်တင်ဘာ ရွှေဝါရောင် တော်လှန်ရေးကာလ ရောက်လာသည်။
သူသည် ဂီတပွဲများ၊ သီချင်းများမှတဆင့် ပြည်သူလူထုနှင့် ဆက်စပ်မိခဲ့သည်ဟု လူငယ်ရက်ပါ ငွေကြယ်ပွင့်လေးက ပြောသည်။ သို့သော် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီဆိုသည့် မြန်မာစစ်အစိုးရက လူထုဆန္ဒပြပွဲများ၊ လူထု၏ မျှော်လင့်တမ်းတချက်များကို ရက်စက်စွာ ချေမှုန်းလိုက်သောအခါ စင်တင်ဂီတပွဲများတွင် တေးသီချင်း သီဆိုနေရုံမျှဖြင့် မရတော့ပါ။

အခြား တက်ကြွလှုပ်ရှားသူ ၃ ဦးနှင့်အတူ Generation Wave (GW) ဆိုသည့် အဖွဲ့ကို ဇေယျာသော်သည် ၂၀၀၇ ခုနှစ် အောက်တိုဘာလအတွင်း ဖွဲ့စည်းထူထောင်ခဲ့သည်။ အပြောင်းအလဲအတွက် လှုံ့ဆော်စည်းရုံးသည့် လူငယ်လှုပ်ရှားမှုလေးတခု ဖြစ်သည်။ ကားများတွင် CNG စတစ်ကာများ ကပ်သည့် လှုပ်ရှားမှုကို စတင်စည်းရုံးလှုံ့ဆော်ခဲ့သည်။ ခပ်ထေ့ထေ့ ပြောဆိုစည်းရုံးသည့် လှုပ်ရှားမှုတခုဖြစ်သည်။ သာမန်အားဖြင့် CNG ဆိုသည်မှာ ဖိသိပ်ထားသော သဘာဝဓာတ်ငွေ့ဟု အဓိပ္ပာယ်ရသော်လည်း သူတုိ့ဆိုလိုသည်မှာမူ အစိုးရသစ် အပြောင်းအလဲ Change New Government ဟူ၍ ဖြစ်သည်။

ထိုအပြောင်းအလဲ တိုက်ပွဲအတွက် ရမ်ဘိုကိုလည်း သူတို့လှုပ်ရှားမှုထဲ ဆွဲသွင်းခဲ့သည်။ ရမ်ဘို ၄ အပါအ၀င် စစ်အစိုးရ ဆန့်ကျင်ရေး ဇာတ်ကားများကို ကူးယူဖြန့်ချိခဲ့သည်။ ဤ ရမ်ဘို ၄ ဇာတ်ကားကို ၂၀၀၈ ခုနှစ် ဇန်န၀ါရီလအတွင်း ရုံတင်ခဲ့ပြီး၊ မင်းသားစတားလုံးက ကရင်ပြည်နယ်အတွင်း မြန်မာအစိုးရစစ်တပ်ကို လိုက်လံတိုက်ခိုက်ပုံများ ရိုက်ကူးထားသည်။ မြန်မာအာဏာပိုင်များကမူ မြန်မာစစ်သားများကို ရက်စက်ကြမ်းကြုတ်သော လူသတ်သမားများ၊ မုဒိမ်းကောင်များအဖြစ် ပုံဖော်ရိုက်ကူးထားသည့် ထိုဇာတ်ကားအား ပြသခွင့်မပြုဘဲ ပိတ်ပင်ခဲ့သည်။ ထိုဇာတ်ကားသည် ကရင်များအကြားတွင် အထူး လူကြိုက်များခဲ့သည်။ `ဘာမှမရဘဲ နေရတာထက်စာရင် တခုခုရအောင် တိုက်ရင်းသေမယ်´ ဆိုသည့် စကားကို အလွန်ခိုက်သွားခဲ့ကြသည်။

မြန်မာတပ်မတော်သားများကို ရမ်ဘိုက သဲသဲမဲမဲ ပစ်ခတ်နှိမ်နင်းပုံမှာ နောက်ဆုံး ကောက်ရိုးတမျှင် ဖြစ်နိုင်သည်။ ထိုကားမှောင်ခို ခိုးကူးခွေများ ဖြန့်ချိပြီး သိပ်မကြာခင်ပင် ဇေယျာသော်လည်း ရန်ကုန်မြို့ စားသောက်ဆိုင်တဆိုင်အတွင်း ၂၀၀၈ ခုနှစ် မတ်လ ၁၂ ရက်နေ့တွင် ဖမ်းဆီးခံခဲ့ရသည်။ ပွဲပြီးသွားပါပြီ။ ဘူးပေါ်သလို ပေါ်သွားပါပြီ။ သူက ပွင့်လင်းစွာ ထုတ်မပြောသော်လည်း နိုင်ငံတကာ လွတ်ငြိမ်းချမ်းသာခွင့်အဖွဲ့ AI ကမူ စစ်ကြောရေးကာလအတွင်း သူရိုက်နှက်ခံခဲ့ရသည်ဟု ဆိုသည်။

သူ့ကို စီရင်ချက်မချမီလေးတွင် `ကျနော် စိတ်မကောင်းဘူး။ စိတ်မကောင်းတာက ကျနော့်ကို ထောင်ချလို့ မဟုတ်ဘူး။ ဒီအကြောင်းတွေကို စဉ်းစားမိရင် တိုင်းပြည်နဲ့လူထုရဲ့ အနာဂတ်ကို တွေးမိပြီး စိတ်မကောင်းဖြစ်တာ´ ဟု သတင်းထောက်များကို ပြောခဲ့သည်ဟု သတင်းများက ဆိုသည်။

`ကိုယ်မကြိုက်တာကို ကန့်ကွက်ပယ်ချရဲတဲ့ စိတ်ကို မွေးကြပါ။ မှန်တာကို ပွင့်ပွင့်လင်းလင်း မထောက်ခံရဲရင်တောင်မှ မှားနေတာကို မထောက်ခံကြပါနဲ့´ ဟု လူထုထံ အမှာစကားကို သတင်းထောက်များမှတဆင့် သူပြောကြားခဲ့သည်။

သူ့ကို ထိုနှစ် နိုဝင်ဘာ ၂၀ ရက်နေ့တွင် ဥပဒေအမှတ် ၆-၈၈ ဖြစ်သော အသင်းအဖွဲ့ ဥပဒေ၊ နိုင်ငံခြားငွေ ဥပဒေ ပုဒ်မ ၂၄ (၁) တို့ဖြင့် တရားစွဲတင်ခဲ့သည်။ ထောင်ဒဏ် ၆ နှစ် အပြစ်ပေးခဲ့သည်။ နောင်တွင် အဆိုပါထောင်ဒဏ်ကို ၄ နှစ်သို့ လျှော့ချခဲ့သည်။ သူနှင့်အတူ အဖမ်းခံရသော အက်ဆစ်အဖွဲ့သား ယန်ယန်ချမ်းလည်း ထောင်ဒဏ် အပြစ်ပေးခံခဲ့ရသည်။

ထောင်တွင်း အကျဉ်းသားဘ၀က ကြမ်းတမ်းသည်။ သူ့လို ဂီတဖြင့် ကြီးပြင်းလာသော လူငယ်အဆိုတော် တဦးအနေဖြင့် သီချင်းနားမထောင်ရဆိုသည့် တားမြစ်ပိတ်ပင်ချက်သည် အလွန်ပြင်းထန်ကြမ်းတမ်းလှသည်။ `ကျနော်တို့က နိုင်ငံရေးအကျဉ်းသားဆိုတော့ အထူးဆောင်မှာ နေရတယ်။ တခြားအကျဉ်းသားတွေ TV ကြည့်လို့ရပေမယ့် ကျနော်တို့က မကြည့်ရဘူး´။

သို့သော် ထိုဂီတသမားလေးကို တိတ်တိတ်နေခိုင်း၍ မူမရပါ။ `ကျနော်ကတော့ ကိုယ်ကြိုက်တဲ့ သီချင်းတွေကို ဆိုတာပဲ။ ထောင်ထဲမှာ ကျနော် ပြန်သုံးသပ်တာတွေ လုပ်တယ်။ ဘယ်သီချင်းကို ငါတကယ်ကြိုက်တာလဲ။ ဘယ်သီချင်းကို ငါအလွတ်ရလဲ။ ဘယ်သီချင်း စာသားကို ငါတကယ်နားလည်သလဲ ဆိုတာတွေပေါ့´ ဟု သူက မဇ္ဈိမကို ပြောသည်။

ဇေယျာသော်က ထောင်တွင်းတွင် အချိန်ကို အကျိုးရှိစွာ အသုံးချသည်။

`ထောင်ထဲနေရတာ ကောင်းတာလည်း ရှိတယ်၊ ဆိုးတာလည်း ရှိတယ်။ ကျနော်က အချက် ၃ ချက်ပါတဲ့ တောင်းဆိုမှုကို လုပ်ချင်တယ်။ အကျဉ်းထောင် အရာရှိတွေကို ကျနော်က ပွင့်ပွင့်လင်းလင်း ဆက်ဆံပါလို့ ပြောတယ်။ အကျဉ်းသားတွေကို အပြန်အလှန် လေးစားမှုနဲ့ ဆက်ဆံပါ။ ဖြစ်လာတာတွေကိုလည်း တာဝန်ယူပါလို့ ကျနော် သူတို့ကို ပြောခဲ့တယ်။

ဒီတောင်းဆိုချက်တွေကို အကျဉ်းထောင် အာဏာပိုင်တွေက ဖြည့်ဆီးပေးနိုင်ခဲ့မယ်ဆိုရင် အကျဉ်းထောင်အခြေအနေဟာ အခုထက်စာရင် အများကြီး ပိုကောင်းလာမှာပဲ´ ဟု သူက ပြောသည်။
ဒီနေ့တော့ မြန်မာရက်ပါ လူငယ်လေး လွတ်လာပါပြီ။ သို့သော် သူ့အတွေးများကတော့ အကျဉ်းထောင် သံတိုင်များ နောက်တွင် ကျန်ရစ်ခဲ့သော သူနှင့်ဘ၀တူ နိုင်ငံရေးအကျဉ်းသားများထံ ရောက်နေသည်။ သူတို့ကျခံနေရသော ပြစ်ဒဏ်များကတော့ မကုန်ဆုံးသေးပေ။

မုန်တိုင်းမိလို့ ပင်လယ်ထဲမျောပါပျောက်ဆုံးသွားသည့် ရေလုပ်သားများရဲ့ ဇနီးသည်တွေ မိမိတို့လင်သားလုပ်အားခနဲ့ နစ်နာကြေးမရ

May 28th, 2011 - ရိုးမ ၃

ပြီးခဲ့သည့် မတ်လလယ်မှာ လေပြင်းမုန်တိုင်းကြောင့် ပင်လယ်ထဲ မျောပါသွားသည့် ဧရာဝတီတိုင်း၊ ဖျာပုံခရိုင်မှ ရေလုပ်သား (၈၀၀) ခန့်၏ ကျန်ရစ်သည့် ဇနီးသည်များမှာ ၎င်းတို့၏ယောက်ျားများသတင်း ယခုအချိန်ထိ တိတိကျမသိရသည့်အပြင် လုပ်အားခနှင့် နစ်နာ ကြေးငွေလည်းမရကြသည့်အတွက် ဒုက္ခတွေ့နေရကြောင်း ရေလုပ်သားအရေး ကူညီလုပ်ဆောင်နေသူများက ပြောသည်။

ယခုချိန်ထိ ပျောက်ဆုံးနေသည့် ရေလုပ်သား အတော်များများရှိနေပြီး ကျန်ရစ်သည့် မိသားစုဝင်များမှတဆင့် သိရှိရသည့် စာရင်းများအရ ယခုမေလထဲမှာပင် နောက်ထပ် ရေလုပ်သား (၃၀၀) ကျော် ပျောက်ဆုံးစာရင်းရရှိကြောင်းနှင့် ယခင်က (၄၀၀)ကျော်စာရင်းရရှိထားသည့်အတွက် ရေလုပ်သား ၈၀၀ ခန့် ပျောက်ဆုံးစာရင်း ကောက်ခံရရှိကြောင်း ဖျာပုံခရိုင်နှင့် ဘိုကလေးဒေသတွင်းက ရေလုပ်သားအရေးကူညီ လုပ်ဆောင်ပေးနေသူများက ပြောသည်။

“မုန်တိုင်းတိုက်ပြီးတော့ ဧပြီလအတွင်းမှာဘဲ ပျောက်ဆုံးရေလုပ်သား (၄၀၀)ကျော်စာရင်းကောက်ခံရတယ်။ အခု မတ်လထဲမှာ (၃၀၀)ကျော်ကောက်ခံရတယ်ဗျာ။ အဲဒါက ဖျာပုံနဲ့ ဘိုကလေးပိုင်ဒေသတွင်းက ရေလုပ်သားစာရင်းတွေပါ၊ အများစုက ၀ါးဖောင်လိုက်တယ် ဝါးဖောင်က အစိုးရကို တရားဝင်လိုင်စင်တင်လုပ်တဲ့ ဖောင်မဟုတ်ဘူး ခိုးလုပ်တဲ့ဝါးဖောင်ဖြစ်နေတော့ အဲဒီမှာလုပ်တဲ့ ရေလုပ်သားစာရင်းက တဖြည်းတဖြည်းနဲ့မှသိရ တာမျိုးပေါ့” ဟုပြောသည်။

မုန်တိုင်းကြောင့် ပင်လယ်ထဲ မျောပါသွားကြသည့် ရေလုပ်သားများမှာ ဖျာပုံနှင့်ဘိုကလေးဒေသတွင်းက ဒေါ်ညိမ်း၊ ကဗျက်၊ ကမံတာ၊ ဖိုးညို၊ ဘုန်းကြီးသောင်၊ ကုလားထိပ်၊ နောင်မီးစသည့် ကျေးရွာများမှ ဖြစ်ကြသည်။

အဆိုပါ ရေလုပ်သားများသည် ဝါးဖောင်လိုက်ကြရသည့်သူအများစုဖြစ်ပြီး ၎င်းတို့မှာ ထက်ယံ၊ မင်းရွှေစင်၊ ပြည့်စုံကျော်၊ နိုင်အောင်ကျော်၊ စိန်ဇင်ယော်၊ မာန်သစ်၊ နေ၀င်း၊ စိန်မင်္ဂလာ၊ တိုးတက်ကျော်နှင့် ချီးသဲကြီးအလုပ်ရုံများတွင် အလုပ်လုပ်ကိုင်နေသူများဖြစ်သည်။

မုန်တိုင်းတိုက်ခတ်ခံရပြီး ပင်လယ်ထဲမျောပါသွားသည်မှာ (၂) လကျော်အထိ သတင်းအစအနမရသည့် ရေလုပ်သားများ၏ ဇနီးသည်များက လုပ်ငန်းရှင်များထံ ၎င်းတို့၏ ယောင်္ကျားများအား မည်သည့်နေရာတွင် ရောက်ရှိနေပြီး မည်ကဲ့သို့ ဆက်သွယ်ရမည်ကို သွားရောက်စုံစမ်းမှုများ ယနေ့အထိရှိနေသေးကြောင်း ဖျာပုံခရိုင်တွင်း ရေလုပ်သားအရေး အကူအညီလုပ်ဆောင်ပေးနေသူတဦးက ပြောသည်။

“ဒေါ်စန်းမြင့်ဆိုတဲ့ အမျိုးသမီးက ဒေါ်ညိမ်းကျေးရွာက၊ နောက်တယောက်က မလှလှဝေဆိုတာ ဖိုးညိုရွာက သူတို့လင်သားတွေရဲ့သတင်း ဘာမှမသိရသေးတော့ သူတို့လင်သားတွေကို တွေ့ချင်ကြောင်းနဲ့ ဘယ်လိုဆက်သွယ်ရမလဲဆိုတာကို ကဗျက်ရွာမှာနေတဲ့ လုပ်ငန်းရှင်ဆီ မနေ့က သွားမေးတယ်။ ပြီးတော့ သူတို့ယောက်ျားတွေရဲ့ လုပ်အားခတွေ သွားတောင်းတယ်။ လုပ်ငန်းရှင်က စာရင်းရှင်းမပေးဘူး သူတို့ယောင်္ကျားတွေရှိနေသေးတယ်ပေါ့ ပြန်လာမှ ရှင်းပေးမယ်အဲလိုပြောတာ။ ဒါကလိမ်တာ အခု (၂)လကျော်နေပြီ ဘယ်လို အသက်ရှင်မှာလဲ သဘောကတော့ တာဝန်မယူတော့ဘူးပေါ့ဗျာ”ဟု ပြောသည်။

ဝါးဖောင်လုပ်ငန်းရှင်အများစုသည် ၎င်းတို့ဝါးဖောင် (၁၀၀)ထွက်ခွာမည်ဆိုလျှင် အစိုးရထံ ၄၀ သာစာရင်းတင် တရားဝင်ထွက်ခွာခြင်းဖြစ်ပြီး အခြားဖောင်များမှာ ခိုးဖောင်အဖြစ်လုပ်ကိုင်နေကြခြင်းဖြစ်သည်။

မုန်တိုင်းကြောင့် မျောပါခဲ့သည့် ဖောင်အများစုမှာ ခိုးဖောင်များဖြစ်ပြီး ရေလုပ်သားအများစုလိုက်ပါ အလုပ်လုပ်ကိုင်ခဲ့သည့် ဖောင်များဖြစ်နေသည့်အတွက် ရေလုပ်သားအများစု၏ ကျန်ရစ်သည့် မိသားစုများမှာ လုပ်အားခ ခံစားခွင့်အပါအ၀င် နစ်နာကြေး စသည့် ရပိုင်ခွင့်များ ဆုံးရှုံးနေရပြီး လင်လည်းဆုံး လုပ်အားခလည်း ဆုံးရှုံးရသည့်အဖြစ်နှင့် ရင်ဆိုင်နေကြရသည့် မိသားစုဝင်အတော်များများရှိနေကြောင်း ဖျာပုံခရိုင် ရေလုပ်သားများအရေးကူညီ လုပ်ကိုင်နေသူများက ပြောသည်။

ဖျာပုံမြို့နယ် ကျားဖမ်းပိုက်အသင်း ဥက္ကဌ ဦးသံချောင်းက မတ်လ (၃၀)ရက်နေ့အထိ ရေလုပ်သား (၁၂၀၀၀) ကယ်ဆယ်ရရှိခဲ့ပြီး ရေလုပ်သား (၆၀၀)ခန့် ပျောက်ဆုံးနေကြောင်းနှင့် မုန်တိုင်းကြောင့် မျောပါခဲ့ရသည့် ကျားဖောင်နှင့် ငါးဖမ်းပိုက်များအပါအ၀င် ပျက်စီးဆုံးရှုံးမှုတန်ဖိုး ကျပ်သန်းပေါင်း (၆၀၀၀)ကျော်ရှိကြောင်း ဧပြီလအတွင်းက ပြောကြားခဲ့သည်။

အဆိုပါ မုန်တိုင်းမိ ရေလုပ်သမားအတွက် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဧရာဝတီတိုင်းဒေသကြီး၊ ဖျာပုံမြို့ ပြည်သူ့လွှတ်တော်အမတ် ဗိုလ်ချုပ်ဟောင်း ဦးစိုးနိုင်က ဧပြီလ (၇)ရက်နေ့တွင် ဖျာပုံမြို့နယ်၊ နောင်မီးရွာမှ ရေလုပ်သား (၁၈၀၀)အတွက် ငွေကျပ် တစ်သောင်းနှုန်း လှူဒါန်းခဲ့သည်။ အဆိုပါ နောင်မီးကျေးရွာတွင် ရေလုပ်သား (၃)ထောင်ကျော်ရှိနေသည့်အတွက် အချို့သာ အလှူငွေရရှိခဲ့သည်။

မတ်လ(၁၅) ရက်နေ့က တိုက်ခိုက်ခဲ့သည့် မုန်တိုင်းကြောင့် ဖျားပုံခရိုင်တွင်းမှ ပင်လယ်ပြင်ရေလုပ်သား တစ်သောင်းမှနှစ်သောင်းအထိ မျောပါခဲ့ကြောင်း ရေလုပ်ငန်းတာဝန်ရှိသူများက ပြောသည်။ ရေလုပ်သား (၅၀၀) နီးပါးခန့်ကို ထိုင်းငါးဖမ်းလှေများက ကယ်ဆယ်နိုင်ခဲ့ပြီး အချို့ရေလုပ်သားများမှာ အိမ်နီးနိုင်ငံများအထိ ရောက်ရှိနေသည်များလည်းရှိသည်။

အဆိုပါ မုန်တိုင်းမိရေလုပ်သားများအရေးကို အစိုးရတာဝန်ရှိသူများအနေဖြင့် ထိထိရောက်ရောက် ကူညီဖြေရှင်းပေးနိုင်ခြင်း ယခုအချိန်ထိ မရှိသေးကြောင်း ရေလုပ်သားအများအရေး ကူညီလုပ်ကိုင်နေသူများ ပြောကြားခဲ့သည်။