လူမြင်မှာ စိုးလို့ ... (ကာတွန်း စောငို)

နို့ဖိုးပျို - ၁ (အောင်ဦး)

နို့ဖိုးဟာ ပုစ္ဆာတပုဒ်လား 

တကယ်ပဲ ပုစ္ဆာတပုဒ်ဆိုရင် တွက်ကြရတော့မှာပေါ့။ ဆိုတော့ကာ အခိုင်အမာ အခြေအနေနဲ့ ဖြစ်နိုင်ချေရှိတဲ့ အလားအလာတွေက ဘာတွေများဖြစ်ကြလေမလဲ။ အဲဒါတွေအပေါ် အခြေခံပြီးတော့ပဲ တွက်ချက်ရတော့မှာပါ။ 

အခိုင်အမာအခြေအနေအရ ကျနော်တို့တတွေ နို့ဖိုးကို သွားကြရမယ်။ အဲဒီကမှတဆင့် တတိယနိုင်ငံကို ထွက်ကြရမယ်။ တကယ်လို့ နို့ဖိုးကိုမသွားဘူးဆိုရင် ဒုက္ခသည်အဖြစ်အသိအမှတ်ပြုထားတဲ့ အဆင့်သတ်မှတ်ချက်ကို ပယ်ဖျက်မယ်။ ယူအင်အိပ်ခ်ျစီအာရ် (UNHCR) က ထုတ်ပေးထားတဲ့ (ဒုက္ခသည်နံပါတ်နဲ့ ဓာတ်ပုံပါတဲ့) လက်မှတ်ကို ပယ်ဖျက်ပစ်မယ်။ ဒါဆိုရင် (၁) ရဲဖမ်းတာကို ခံရမယ်။ (၂) တတိယနိုင်ငံကိုထွက်ခွင့်လည်း ပျက်ပြယ်သွားမယ်။ (၃) ထိုင်းနိုင်ငံထဲမှာ ကိုယ့်နည်းကိုယ့်ဟန်နဲ့ကိုယ် ဆက်ရပ်တည်ရမယ်။ 

အဲဒါ တကယ်ပဲလား။ စာရွက်ပေါ်မှာပဲ ပြီးသွားမယ့် ဥပဒေသစ်တမျိုးလားပေါ့။ သွေးတိုးစမ်းကြည့်လို့မရဘူးလားပေါ့။ မရပါဘူး။ ယူအင်အိပ်ခ်ျစီအာရ်ရုံးမှာ နို့ဖိုးသွားဖို့ကိစ္စနဲ့ပတ်သက်တဲ့ ရှင်းလင်းပွဲတွေ ရက်ဆက်လုပ်ပေးပါတယ်။ အဲဒီမှာ ခုနကလို မေးခွန်းမျိုးတွေအပါအဝင် အသီးသီးအသကသော စိုးရိမ်စိတ်တွေကို သူသူကိုယ်ကိုယ် မေးကြမြန်းကြတော့တာပေါ့။ အဖြေက တခွန်းထဲပါပဲ။ “လုံးဝ မရပါ” တဲ့။ ဒါကြောင့် နောက်ကိုတော့ ပြန်မဆုတ်တော့ဘူး။ ရှေ့ကိုပဲ ဆက်တိုးတော့မယ်။ ဒီလို ဆုံးဖြတ်ချက် ချပြီးတဲ့အခါကျတော့ အဖြေတခုရသလို စိတ်ထဲနည်းနည်းရှင်းသွားတယ်။

ဘယ်တော့ ပြန်မှာလဲ ...? (ကာတွန်း အောင်မော်)

နို့ဖိုးပျို (အောင်ဦး)

နို့ဖိုးအကြောင်းလေး ရေးပါအုံးဆိုတော့ ဘယ်ကစရေးရင်ကောင်းမလဲဆိုပြီး စဉ်းစားရတော့တာပေါ့။ အဲဒီလိုလည်း စဉ်းစားလိုက်ရော စိတ်ထဲ လွမ်းလိုက်တာဗျာ။ အမှတ်ရစရာတွေက အများကြီးကိုးဗျ။ နို့ဖိုးက သုံးလလျှော့လျှော့ အချိန်တိုလေး။ ဘာဟုတ်သေးလို့လဲ။ 

မဲဆောက် (မာနယ်ပလော) က လေးငါးဆယ်နှစ်မက အချိန်အရှည်ကြီး။ အချိန်တင် ရှည်လျှားတာလား ဆိုတော့ မကပြန်ဘူး။ နောက်ခံကားချပ်က ဒီတသက် ပြန်မသီနိုင်တော့တဲ့ တေး၊ ပြန်မဖွဲ့နိုင်တော့တဲ့ စာ၊ ပြန်မရနိုင်တော့တဲ့ ဆု၊ ပြန်မမက်နိုင်တော့တဲ့ အိပ်မက်။ 

ဟုတ်ပါရဲ့။ “ကျနော်တို့မှာ မာနယ်ပလောတွေ အများကြီး ရှိခဲ့ဖူးသပေါ့”။ “တံတားကြီးအောက်မှာ ရေတွေ အများကြီး စီးခဲ့ဖူးသပေါ့”။ 

ဆိုတော့ကာ အရုပ်တွေ၊ အသံတွေ၊ အားလုံး၊ အကုန်လုံး မြင်ကွင်းကျယ်ကြီးပေါ့။ ထွေးထွေးကြီး လုံးနေတဲ့ချည်ငင်လို အာရုံမှာ အထွေထွေ အပြားပြားနဲ့ အတိတ်တွေ။ အရိပ်တွေလို ပူးတခါ ခွာတလှည့်နဲ့ ထပ်ချပ် ကပ်လိုက်နေကြတုန်းပဲ။ (ကျနော် ထင်ပါတယ်၊ ဆန့်လိုက်ရင် အနှစ် နှစ်ဆယ်စာလောက်ရှည်မယ့် အဲဒီ ချည်အစကို ဆွဲမထုတ်ရဲဘူး။ ကိုယ့်လက် ကိုယ်မနိုင်သေးဘူး။)။ 

ထားတော့။ အဲဒါတွေ နောက်မှပဲ ဆက်ကြတာပေါ့။ ခုတော့ နို့ဖိုးအကြောင်းပဲ ပြောရအောင်။ ဒီကပဲ စလိုက်မယ်ဗျာ။ 

၂၀၀၅ ခုနှစ်၊ မတ်လတုန်းက နို့ဖိုးမသွားခင် အမှတ်မဲ့ကောက်ခြစ်ခဲ့တဲ့ ကဗျာလိုလို ဘာလိုလို စာတိုတစကို ပြန်အမှတ်ရမိတယ်။ 

ဘာတဲ့ ...

လူ ... အပြေးအလွှား 
စိတ် ... ကစင့်ကလျားနဲ့ 
ဘယ်တော့များမှ ဆောက်တည်ရာရပါ့မလဲ။ 

လွတ်အောင်သာ ပြေးပါတော့ ... (ကာတွန်း စောငို)

ရေရှည်တည်တန့်ခိုင်မြဲမယ့် ငြိမ်းချမ်းရေးအတွက်

ဒီတပတ် မြန်မာ့မျက်မှောက်ရေးရာ အစီအစဉ်မှာ တိုင်းရင်းသားအင်အားစုတွေနှင့်အတူ တပ်မတော်နဲ့ အစိုးရကိုယ်စားလှယ်တွေ ပါဝင်ဆွေးနွေးခဲ့ကြတဲ့ မြစ်ကြီးနားဆွေးနွေးပွဲဟာ ဘယ်လောက် အရေးပါပါသလဲ။ အကျိုးရှိမယ့် ရလဒ်တွေရှိခဲ့သလားဆိုတာတွေကို မြန်မာငြိမ်းချမ်းရေးစင်တာ (Myanmar Peace Center) အကြံပေးပုဂ္ဂိုလ် ဦးလှမောင်ရွှေနှင့် ဒီဆွေးနွေးပွဲကို ကိုယ်တိုင်သတင်းယူခဲ့တဲ့ ကိုဇော်ဝင်းလှိုင်တို့နှင့်အတူ ဦးကျော်ဇံသာ ဆွေးနွေးတင်ပြပါမယ်။

ဦးကျော်ဇံသာ ။ ။ ကိုဇော်ဝင်းလှိုင် ဒီတိုင်းရင်းသားတွေနဲ့ အစိုးရနဲ့ အပစ်အခတ်ရပ်စဲရေးနဲ့ပတ်သက်ပြီးတော့ ပဏာမ ဆွေးနွေးလာကြတယ်။ အခု အစိုးရဘက်နဲ့တွေ့တယ်။ ဒီဆွေးနွေးပွဲတွေကို တောက်လျှောက်ပြုလာကြတယ်။ ဒီကိစ္စတွေကို ဘယ်လိုမြင်သလဲ။ အောင်မြင်တဲ့ ရလဒ်တစုံတရာ ရရှိခဲ့တဲ့ဆွေးနွေးပွဲလို့ ထင်ပါသလား။

ကိုဇော်ဝင်းလှိုင် ။ ။ မြစ်ကြီးနားဆွေးနွေးပွဲသက်သက် တခုထဲကိုပဲကြည့်မယ်ဆိုရင်တော့ ကျနော်တို့ ရလဒ်ကောင်းတခုထွက်တယ်လို့ ကျနော်တို့ ပြောလို့မရဘူး။ ဘာဖြစ်လို့လဲဆိုတော့ ဒီဆွေးနွေးပွဲကနေပြီးတော့ ဒီပူးတွဲကြေညာချက်ဆိုတာ ထွက်လာပေမယ့်လည်း ဒီကြေညာချက်ထဲမှာပါတဲ့ အချက်တွေဟာ အရင်က ကျနော်တို့ သိထားတဲ့အချက်တွေပဲ ဖြစ်နေတယ်။ ဥပမာ သူတို့ကြေညာချက်ထဲမှာ အချက် ၆ ခုကို ဖော်ပြထားပေမယ့်လဲ၊ အဓိက ပွိုင့် ၃ ခုကတော့ တနိုင်ငံလုံး အပစ်အခတ်ရပ်စဲရေး၊ နောက်ပြီးတော့ နိုင်ငံရေးဆွေးနွေးပွဲတွေအတွက် သူတို့ မူဘောင်ချမှတ်ရေး၊ အဲဒီနောက်ကမှ နောက်ဆက်တွဲအနေနဲ့ နိုင်ငံရေးဆွေးနွေးပွဲတွေ ကျင်းပသွားရေး ဆိုတာတွေဟာ ဒီအစိုးရနဲ့ တိုင်းရင်းသားအဖွဲ့တွေကြားထဲမှာ ဆွေးနွေးတာ တလျှောက်လုံးမှာ ဒီကိစ္စတွေဟာ ပြောလာကြတာဖြစ်တဲ့အတွက် ဒီကနေ့ မြစ်ကြီးနားမှာ အဆုံးသတ်သွားတဲ့ ဆွေးနွေးပွဲကတော့ ဆုံးဖြတ်ချက် ထူးထူးခြားခြား တစုံတရာပြနိုင်တဲ့ ဆွေးနွေးပွဲလို့တော့ ပြောလို့မရဘူး။

ဦးကျော်ဇံသာ ။ ။ ဦးလှမောင်ရွှေ ခင်ဗျာ။ အခု တိုင်းရင်းသားကိုယ်စားလှယ်တွေနဲ့ တွေ့ခဲ့ရတဲ့ မြစ်ကြီးနားဆွေးနွေးပွဲ အခုလောလောဆယ် ပြီးသွားတဲ့ဆွေးနွေးပွဲဟာ ဦးလှမောင်ရွှေတို့ မျှော်မှန်းထားတဲ့အတိုင်း အောင်မြင်မှုတွေ ရလဒ်ကောင်းတွေ ပေါ်ထွက်ခဲ့တယ်လို့ ဆိုနိုင်ပါသလား။

သူ့အရပ်နဲ့ သူ့ဇာတ် ... (ကာတွန်း စောငို)

ဘာနဂါးမှ မကြောက်ဘူး မှတ်၊ ဇာတ်ဓားကို မတုန် စက္ကူကျားကို မဖြုံ (ဟံသာဝတီ ဦးဝင်းတင်)

တစ်တိုင်းတစ်ပြည်လုံး ဖိန့်ဖိန့်တုန်ကြောက်ချေးပါအောင် ဟိန်းဟောက် မာန်မဲလိုက်တဲ့ ခြိမ်းခြောက်သံ ကွဲကြီး နားနဲ့ ဆတ်ဆတ်ကြားလိုက်ကြရဲ့နော်။ မကြားသနော်ရယ်လို့ မရှိရအောင် ကျုပ်က ပြည်သူတွေကို နားကလော်လို့ ဖော်ထုတ်ပေးပါရစေဗျား။

တစ်ဝါကျွတ်တွင်းမှာ ဘယာညွတ်ကွင်းက ငါလွတ်ကင်းအောင်ဟဲ့ဆိုတဲ့ သဘောလေးလား။ ဝါကျွတ်မှာ ဆရာဖွတ်ကြီး အဲလေယောင်လို့ ဆရာကြံ့ကြီးကို တောပြောတောင်ပြော လုပ်အောင်ဆိုတဲ့ သဘောလေလားတော့မသိ။ စစ်အာဏာရှင်ဟောင်းဆီကို သူ့တပည့်ရင်းတွေက ယောဝစန အသံကြားရအောင် သြဝါဒခံသွားကြသတဲ့။ သခွပ်ပင်ရင်းမှာ အလွတ်သဘင်ကျင်းနေတဲ့ အသူရာ မင်းတရားကြီးဆီကို အသူရာပေါက်စနတွေရော၊ အသူရာမြောက်ကြွကြွတွေပါ ကန်တော့ပွဲ ဝင်ကြသတဲ့။

အဲဒီသက်ကြီးပူဇော်ပွဲမှာ စစ်အာဏာရှင်ဟောင်းကြီးက ကောင်းသောသြဝါဒစကားတွေကို စေတနာဗလဝနဲ့ ခြွေချတော် မူလိုက်သတဲ့။ လက်ရှိမြန်မာ့နိုင်ငံက ဖြစ်ပျက်ပြောင်းလဲနေတာတွေကို သူစိတ်ဝင်စားတယ်တဲ့။ မဖြစ်သင့်မဖြစ်ထိုက်တာတွေ မဖြစ်ရအောင်လို့တော့ သူ စိုးရိမ်နေသတဲ့။ သူ့ရဲ့စကားက ဒါလောက်ပါပဲ။

ပြောပေါင်းများလို့ ... ရိုးနေပြီ (ကာတွန်း အောင်မော်)

နှောင်ကြိုးမဲ့ (အုပ်ကြီးဖေ)

မရှိလို့မလှူ မလှူလို့မရှိ ဆိုတဲ့စကားရပ်ရဲ့ အနက်အဓိပ္ပာယ်ကို မည်သို့ဖွင့်ဆိုရမည်ကို ကျနော် ကောင်းစွာ မသိနားမလည်းခဲ့။ အချို့မှာကား ဓန၊ ပစ္စည်း၊ ဥစ္စာ ပြည့်စုံသော်လည်း တွန့်တိုနှမြောတတ်ကြသည်။ နေသာသလို နေကြသည်။ တချို့က မိမိပိုင်ဆိုင်ထားသော ပစ္စည်းဥစ္စာထဲမှ လိုအပ်မည့်နေရာသို့ မျှဝေ စွန့်ကြဲ ပေးကမ်း ကျွေးမွေး၍ အလှူဒါနပြုကြသည်ကိုလည်း တွေ့ကြုံခဲ့ရဖူးသည်။ 

ကျနော်တို့ဘဝမှာ ငွေကြေးဥစ္စာ ချို့တဲ့သောကြောင့် လှူချင်သောလည်း စိတ်သွားတိုင်း ကိုယ်မပါခဲ့၊ ငွေကြေးမရှိတဲ့ဘဝမှာ မည်သို့လှူနိုင်မည်နည်း။ ခြိုးခြံ ချွေတာပြီး လှူမယ်ဆိုရင် ရနိုင်တာပေါ့ဟု … စောဒက တက်ခွင့်ရှိနိုင်ပါသည်။ လှူချင်သောလည်း မလှူဒါန်းနိုင်သည့်ဘဝတွေ ရှိနေသည်ဟု ဆိုချင်ပါသည်။ 

လူရယ်လို့ဖြစ်လာရင် အများစုက လှူဒါန်းပေးကမ်းချင်ကြစမြဲဖြစ်သည်။ သို့ပေမယ့် လက်ထဲမှာ ငွေပိုငွေလျှံ ရှိမှဖြစ်မည်။ အပိုငွေလေး လက်ထဲရှိဖို့ဆိုတာ ဘဝကို လွတ်လပ်စွာ ဖန်းတီးပိုင်ခွင့် ရှိဖို့လိုအပ်လိမ့်မည်ဟု ယူဆမိသည်။ ကျနော်တို့ဘဝက အလှောင်ခံငှက်များပမာ လွတ်လပ်စွာပျံ သန်းခွင့်မရှိ ၊အနာဂတ် ဖန်းတီးခွင့်မရှိ၊ ကျုံးသွင်းခံကြရသည့် ဆင်များနှင့်မခြား လူဟုအမည် နာမတတ်ထား ခံရယုံသာရှိသည်။ ပေးတာယူ၊ ကျွေးတာစား၊ ခိုင်းတာလုပ် သူတို့စီမံသမျှ နာခံ ဒီကြားထဲ အနေတတ်ဖို့ကလည်း အရေးကြီးသည်။ မနေတတ်၍ အသေကြပ်ခဲ့သည့်သူတွေကလည်း မြင်ကွင်းတဆုံး တွေ့ခဲ့ဖူးသည်။ သေချာစဉ်းစား ကြည့်ပြန်တော့လည်း သဘာဝတော့ ကျသားရယ် ... ... ကိုယ်စိုက်တဲ့ အပင်ကိုယ် ပြန်ရိတ်ရတာ ဘယ်သူမပြု မိမိမှုရယ်လို့ ယိုးမယ်ဖွဲ့ယုံသာ ရှိတော့သည်။