ဒီတပတ် မြန်မာ့ဒီမိုကရေစီရေးရာ ဆွေးနွေးခန်းမှာ ၁၉၈၈ ခုနှစ် မြန်မာ့ဒီမိုကရေစီရေး လှုပ်ရှားမှုအရေးတော်ပုံမှာ သန္ဓေတည်လာခဲ့တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) အဖွဲ့ ပေါ်ပေါက်လာတာ အခုဆိုရင် ၂၅ နှစ် ပြည့်မြောက်လာပါပြီ ဖြစ်ပါတယ်။ ဒါ အခါသာမယမှာ မကဒတ အဖွဲ့ရဲ့ ဥက္ကဋ္ဌဖြစ်သူ ရဲဘော်သံခဲ ကို ဗွီအိုအေ ဝိုင်းတော်သား ကိုဇော်ဝင်းလှိုင် က တွေ့ဆုံပြီး မကဒတအဖွဲ့ရဲ့ ရပ်တည်ချက်၊ ယုံကြည်ချက်တို့ကို မေးမြန်းဆွေးနွေး တင်ပြထားပါတယ်။
ဦးဇော်ဝင်းလှိုင် ။ ။ မကဒတ ဥက္ကဋ္ဌ ကိုသံခဲ အခုလို ဗွီအိုအေကို မေးမြန်းခွင့်ပေးတဲ့အတွက် ကျေးဇူးတင်ပါတယ်။
ဦးသံခဲ ။ ။ ကျေးဇူးတင်ပါတယ်ဗျ။
ဦးဇော်ဝင်းလှိုင် ။ ။ ပထမဆုံးတော့ မကဒတ ၂၅ နှစ်ပြည့် မွေးနေ့အခမ်းအနား ကျင်းပတယ်ဆိုပေမယ့်လဲ။ ပထမဆုံးတော့ အခုလောလောဆယ် မြန်မာအစိုးရနဲ့ မကဒတ ကြားထဲမှာ အပစ်ရပ်စဲရေးအတွက် သဘောတူညီချက် ရထားတဲ့အခြေအနေ။ ဘယ်လိုရသွားတယ်ဆိုတာကို ကျနော်တို့ကို ပြောပြလို့ရမလား။ ဘယ်လိုပုံစံနဲ့ အပစ်ရပ်စဲရေးကို သဘောတူညီချက် ရထားသလဲ။
ဦးသံခဲ ။ ။ ကျနော်တို့ နိုင်ငံသူ၊ နိုင်ငံသားတွေ တာဝန်ရှိတဲ့လူတွေအားလုံးက တဦးနဲ့တဦး အခြေအနေကြောင့် ထိတွေ့ဆက်ဆံမှုတွေ ဖြစ်လာကြပြီ။ တွေ့ဆုံဆွေးနွေးတဲ့နေရာမှာ ကျနော်တို့ ယုံကြည်တာက၊ အပစ်အခတ်ရပ်စဲရေးတခုတည်းနဲ့တော့ မလုံလောက်ဘူး။ အပစ်အခတ်ရပ်စဲရေးနဲ့အတူ နိုင်ငံရေးဆိုင်ရာ သဘောတူညီချက်တွေနဲ့ နိုင်ငံရေးဆိုင်ရာ ဆွေးနွေးပွဲတွေကို ဖြတ်သန်းမှဖြစ်မယ်။ ဒါကြောင့်မို့ အပစ်အခတ်ရပ်စဲရေးကို လက်မှတ်ထိုးမယ်။ နောက်တခုက နိုင်ငံရေးဆိုင်ရာ ဆွေးနွေးပွဲတွေအတွက် ဆက်လက်ပြီး ညှိနှိုင်းပြီး သဘောတူညီချက်တွေကို ရအောင်ယူမယ်။ ဒီနှစ်ချက်နဲ့ ကျနော်တို့က အပစ်အခတ်ရပ်စဲရေးကို လက်မှတ်ထိုးတယ်။ ပြည်နယ်အဆင့် သြဂုတ်လ ၅ ရက်နေ့မှာ လက်မှတ်ထိုးခဲ့တာ ဖြစ်တယ်။ သြဂုတ်လ ၁၀ ရက်နေ့မှာ အထူးသဖြင့် နိုင်ငံရေးဆိုင်ရာကိစ္စရပ်တွေကို ဆွေးနွေးပြီးတဲ့အခါကြမှ နိုင်ငံရေးဆိုင်ရာ မူသဘောဆောင်တဲ့ သဘောတူညီချက်တွေကို ရရှိခဲ့တာ ဖြစ်ပါတယ်။
