မြောက်ဒဂုံမှာရှိတဲ့ နာရေးကူညီမှုအသင်းကို ၈၈ ကျောင်းသား ခေါင်းဆောင်တွေ၊ NNER ကိုယ်စားလှယ်တွေ၊ ရုပ်ရှင် အနုပညာရှင်တွေနဲ့ အရပ်ဖက်အဖွဲ့ ကိုယ်စားလှယ်တွေ လာပြီးတော့ လက်ပံတန်းဖြစ်စဉ်နဲ့ပတ်သက်လို့ ဝမ်းနည်းကြောင်းနဲ့ ကန့်ကွက် ရှုတ်ချကြောင်း ပြောကြားခဲ့ပါတယ်။
အခမ်းအနားမှာ အနုပညာရှင်တွေက တေးသီချင်း သီဆို ဖျော်ဖြေတာတွေ ပြုလုပ်ခဲ့သလို တက်ရောက်လာသူတွေကလည်း လက်ပံတန်း ကျောင်းသား ဖြိုခွင်းမှုကို ကန့်ကွက်တဲ့ လက်မှတ်ရေးထိုးမှုတွေကိုလည်း ပြုလုပ်ခဲ့ပါတယ်။
တက်ရောက်လာသူတွေဟာ အနက်ရောင် အင်္ကျီ (ဒါမှမဟုတ်) ရင်ဘတ်မှာ အနက်ရောင် ပိတ်စ ဝတ်ဆင်တဲ့ Black Campaign လှုပ်ရှားမှုကိုလည်း တစ်ပတ်ဆက်တိုက်ပြုလုပ်ဖို့ ရှိနေပါတယ်။
ဒါ့အပြင် စာရေးဆရာတွေနဲ့ ဖွဲ့စည်းထားတဲ့ pen Myanmar အဖွဲ့နဲ့ အမုန်းစကား မပြန့်ပွားရေး ပညာပေးလှုံ့ဆော်မှုတွေ လုပ်နေတဲ့ ပန်းစကားအဖွဲ့ကလည်း အဖြူရောင်လှုပ်ရှားမှုကို အခုရက်ပိုင်းအတွင်း ပြုလုပ်မယ်လို့ စာရေးဆရာမ မသီတာ စမ်းချောင်းက ပြောပါတယ်။
အခမ်းအနားကို ရွှေပြည်သာ အထည်ချုပ်စက်ရုံက အလုပ်သမားတွေလည်း တစုတစည်းတည်း တက်ရာက်ခဲ့ပါတယ်။ စုစုပေါင်း တက်ရောက်လာသူ အယောက် ၅၀၀ ကျော်လောက် ရှိပါတယ်။
လက်ပံတန်းမှာ ကျောင်းသားတွေ ဖြိုခွင်းခံရတာကို ကန့်ကွက်မှုနဲ့ ဖမ်းဆီးခံထားရတဲ့ ကျောင်းသားတွေ လွတ်မြောက်ရေး လတ်ပတ်ဖြူလှုပ်ရှားမှုတွေကိုလည်း ရန်ကုန် မန္တလေးမြို့ကြီးတွေမှာ သောကြာနေ့ကစလို့ ပြုလုပ်ဖို့ ရှိနေပါတယ်။
သတင်း - ဘီဘီစီ
No comments:
Post a Comment