(၂) ဒေါ်စုတယောက် လွှတ်တော် ပြေးတက်လိုက်၊ အိမ်ပြန်ပြီး တညလောက်အိပ်၊ ကော့မှူးကိုထွက် လုပ်နေရတာ၊ ဒီကြားထဲ နိုင်ငံခြားထွက်တာတွေတွေ့ပြီး ဒီ ၆၇ နှစ်အရွယ်နဲ့ ဘယ်လောက်ကြာကြာလုပ်နိုင်မှာလဲလို့ စဉ်းစားမိသည်။ သူ ဗမာပြည်နိုင်ငံရေးထဲ ဝင်လာတော့တောင် အသက် ၄ဝ ကျော်နေပြီ။ သူ့အဖေလို လူငယ်ခြေတက်ဘဝနဲ့ လုပ်ရတာ မဟုတ်။
ဒါထက် အရေးကြီးတာက …
* ပါတီဥက္ကဋ္ဌလုပ်နေသူက ပါတီလုပ်ငန်း မလုပ်နိုင်ဖြစ်လျှင် ပါတီစည်းလုံးရေး ပျက်ပြားတတ်သည်။ ကြားနေရတဲ့ သတင်းတွေက မကောင်းပါ။ ၁၉၆၂ အာဏာသိမ်းပွဲ ပြီးစက သတင်းစာရှင်းလင်းပွဲတွင် ဗိုလ်အောင်ကြီးက “ဦးနုက ကိုယ့်ပါတီကိုပင် မထိန်းသိမ်းနိုင်တော့လို့ သူတို့စစ်အုပ်စုက တိုင်းပြည်ကို ဝင်ထိန်းဖို့ အာဏာသိမ်းရတာ” ဟု ပြောခဲ့သည်။ (ဒီချုပ် ခေါင်းဆောင်များ သတိပြုကြဖို့ပါ။)
* စစ်တပ်အာဘော်ဂျာနယ်မှာတော့ ဒေါ်စုကို ဒီချုပ်ခေါင်းဆောင်မလုပ်ဘဲ (stateman) ပဲ လုပ်ဖို့ ဗြောင်ရေးနေပြီ။
(၃) ကြုံကြိုက်လို့ ရေးခွင့်ပြုပါ။
* ဒေါက်တာမောင်မောင် သမ္မတလုပ်တုန်းက ပါတီစုံရွေးကောက်ပွဲ လုပ်ပေးမည်ဆိုပြီး ရွေးကောက်ပွဲကော်မရှင် ဖွဲ့ပေးသွားသည်။ ထိုအခါက မိမိတို့ငြင်းပယ်ခဲ့သည်။ ဘာကြောင့်လဲ ‘၁၉၇၄ အခြေခံဥပဒေ’အောက်ကို ဆွဲသွင်းနေလို့ ဖြစ်သည်။ သူ ဖျက်ပေးတာက အဲဒီအခြေခံဥပဒေထဲက ပုဒ်မတခုနဲ့ပတ်သက်တာတွေကိုပဲ ဖျက်ပေးတာ ဖြစ်သည်။ တခြားပုဒ်မတွေကို မဖျက်သိမ်း။
* နဝတ က ‘၁၉၉ဝ’ ရွေးကောက်ပွဲလုပ်ပေးတော့ ‘ရွေးကောက်ပွဲကော်မရှင်’ က ဒေါက်တာမောင်မောင် ဖွဲ့ပေးတဲ့ ကော်မရှင်ပါပဲ။ (ဒါပေမဲ့) ‘၁၉၇၄ အခြေခံဥပဒေ’ ဖျက်သိမ်းပြီး ဖြစ်သည်။ ဒါကြောင့် ‘ဗကပ’ က ‘ရွေးကောက်ပွဲ သပိတ်မမှောက်နဲ့ … ဒီချုပ်ကို ပုံအောပြီး မဲပေးကြ’ လို့ ဆော်သြခဲ့သည်။
(၄) ‘၂ဝ၁၅ ရွေးကောက်ပွဲ’ ကို ‘၂ဝဝ၈ အခြေခံဥပဒေ’ အရလုပ်မှာဖြစ်သလို ရွေးကောက်ပွဲကော်မရှင်ကလည်း အခုလက်ရှိ ကော်မရှင်က လုပ်မှာဖြစ်သည်။ ဒါကြောင့် ‘ဗကပ’ က ဒီရွေးကောက်ပွဲကို သပိတ်မှောက်ဖို့ ဆော်သြမည်။
* ပြီးခဲ့တဲ့အတွေ့အကြုံအရဆိုလျှင် မိမိတို့အနည်းစု ဖြစ်နိုင်သည်။ ကိစ္စမရှိ။ (ဗကပ ရဲ့ကြံဆချက် ‘ဒီမို ၂ဝဝ၆’ ကို တင်ပြတုန်းက (လမ်းပြမြေပုံ RM (၇) ချက်စလုံး အဆင့်တိုင်း တိုက်ဖျက်မည်ဟု လောဘတကြီးပြောခဲ့သူများက နောက်ဆုံးတော့ ဘာမှ မတိုက်ဖျက်နိုင်ခဲ့တဲ့ အတွေ့အကြုံကို ‘ဗကပ’ ရထားပြီ ဖြစ်သည်။)
* အခု ပိုခက်လိမ့်မည်။ ‘၂ဝဝ၈ အခြေခံဥပဒေ’ ကို လက်ခံနေကြပြီ။ ‘၂ဝ၁၅’ ကို မျှော်နေကြပြီ။ ၁၉၄ဝ ကာလတုန်းကလည်း ရာခိုင်နှုန်းအများစု တပြည်လုံးဆိုပါစို့ ဂျပန် မျှော်ကြသည်။ ‘ဗကပ’ မပါခဲ့ပါ။
* ‘၂ဝဝ၈ အခြေခံဥပဒေ’ အောက်ကို ခေါင်းငုံ့ဝင်ဖို့ ‘ဟ’ ပေးတဲ့ အပေါက်ထဲ တိုးဝင်မိရင် ‘စည်းကမ်းပြည့်ဝ’ တဲ့ ဒီမိုကရေစီရဲ့ အနိုင်ကျင့်တာခံရလိမ့်မည်။ ဒီချုပ် လစ်ဟင်းလို့ ကျမ်းကိုင်ခဲ့ရပြီ။
(၅) ဦးတင်ဦးရဲ့ ‘ညည်းချင်း’ ကြားခဲ့ရပြီ။ အခု ကိုယ့်ကိုယ်ကို ဝေဖန်ရေးသဘောတွေ့ရလို့ ရေးလိုက်ပြီ။
* ဒီချုပ်သက်တမ်း ရှည်စေချင်လို့
* ဒီတခါက ‘၁၉၉ဝ အလံ’ ကို စွန့်လိုက်တာမျိုး၊ ‘ရွှေဂုံတိုင် ရပ်တည်ချက်’ စွန့်လိုက်တာမျိုးမဟုတ်ဘဲ ဗမာ့နိုင်ငံရေးမှာဖြစ်လေ့ရှိသလို ပုဂ္ဂိုလ်တဦးရဲ့ ခေါင်းဆောင်မှုလည်းမရှိရော တပါတီလုံး ဆန်ကွဲကြဲသလိုအဖြစ်မျိုး ဒီချုပ် မတိုးစေချင်လို့ စေတနာနဲ့ ရေးပါသည်။ ။
(၂၉ - ၉ - ၂ဝ၁၂)
ပြည်သူ့အာဏာ ဂျာနယ်၊ အမှတ် (၃၅) မှ ပြန်လည်ကူးယူ ဖော်ပြပါတယ်။
No comments:
Post a Comment