အပြီးတိုင် စွန့်လွှတ်လိုက်ပြီလား၊
ဆူးတွေကိုမှ
သိပ်ပြီးမုန်းနေပါသတဲ့လား
မနှင်းဆီ ...။
သင့်ရဲ့
အလှ
ဣနြေ္ဒ
ဘဝ
ဂုဏ်သိက္ခာ
ရှင်သန်ခြင်းမှာ
သင့်အတွက်
နှလုံးသား ခံကတုတ်ဟာ
ဆူးကလေးတွေ ဖြစ်ခဲ့တယ်။
ညောင်ရေ ပန်းအိုး
မဟူရာ ကေသာ
ပွဲတက်မင်္ဂလာ
သင့်ကိုယ်သင်
စိတ်ချ ယုံကြည်စေမှုကို
သင်မုန်းနေတဲ့ ဆူးကလေးတွေက
သူတို့သွေးနဲ့ ဆေးမင်ထိုးခဲ့တယ်။
ဆူးတွေကိုမှ
သိပ်ပြီးမုန်းနေပါသတဲ့လား
မနှင်းဆီ ...။
ရှိစေတော့ ...
ရှိပါစေတော့ မနှင်းဆီ
ကမ်းနှင့်လှေငယ်ဟာ
ဒီမျှသာပဲ
ဆုံစည်းခွင့်ဟာ ရှိခဲ့တယ်။
သတိတရားကလေးနဲ့
ရှေ့ဆက်သွားပါ ... မနှင်းဆီ
ငယ်က
ထားခဲ့တဲ့
သံယောဇဉ် မေတ္တာတရားတွေက
ခုထိ
ရနံ့မပြယ်နိုင်အောင်
စွဲလို့မြဲလို့ နေဆဲပဲ။
မနှင်းဆီ
မင့်အတွက်
နောက်ဆုံး စေတနာ စကားကို ဆိုပါမယ်
နေညိုချိန်
ရွှေအိုရောင် ခြယ်ရေးထားတဲ့
မိုးသားတိမ်ဆိုင်တွေနဲ့ အပြိုင်
ဆံမြိတ်မပြေခင်
အကြွေမစောစေဖို့ ။ ။
ကမာပုလဲ
(တနင်္လာနေ့)၂၁၊ ၁၁၊ ၂၀၁၁။
No comments:
Post a Comment