ဒေါ်အောင်ဆန်းစုကြည်က ဘီဘီစီ Radio 4 ရဲ့ ၂၀၁၁ ခုနှစ် Reith Lectures အစီအစဉ်မှာ ဟောပြောချက် နှစ်ရပ် ပြုလုပ်ခဲ့ပါတယ်။ အဲဒီ အင်္ဂလိပ်လို ဟောပြောချက်တွေကို မြန်မာပိုင်း အစီအစဉ်က ဘာသာပြန်ဆိုပြီး အပိုင်းလိုက် တင်ဆက်ပေးသွားမှာ ဖြစ်ပါတယ်။
အခု အစီအစဉ်မှာတော့ အစိုးရဝါဒ သဘောမတူခြင်းအကြောင်း ဟောပြောချက် ပဉ္စမပိုင်းကို နားဆင်နိုင်ကြပါတယ်။
Reith Lectures ဟောပြောချက်ကို ဟောပြောဖို့ စိတ်ထဲ အတော်လှုပ်လှုပ်ရှားရှားနဲ့ ကျွန်မ သဘောတူလိုက်တဲ့အခါမှာ အခြေခံဆန္ဒက ရိုးရိုးကလေးပါ။
ကျွန်မတို့ရဲ့ အခန်းကဏ္ဍဟာ ဘာလဲဆိုတာကို ဖော်ထုတ်ချင်တဲ့ဆန္ဒ ဖြစ်ပါတယ်။ ကျွန်မတို့ဆိုရာမှာ NLD အမျိုးသား ဒီမိုကရေစီအဖွဲ့ချုပ်ကိုလည်း ကျွန်မ ဆိုလိုပါတယ်။ မြန်မာနိုင်ငံမှာ ဒီမိုကရေစီရေးအတွက် စည်းရုံး လှုပ်ရှားမှုမှာ ပါဝင်နေကြတဲ့ တခြား အစုအဖွဲ့တွေရဲ့ လူပုဂ္ဂိုလ်တွေကိုလည်း ကျွန်မ ဆိုလိုပါတယ်။
ကျွန်မတို့ဟာ ဒီမိုကရေစီရေးအတွက် ကြိုးပမ်းအားထုတ်မှုမှာ ပါဝင်နေတာ နှစ်ပေါင်း ၂ဝ ကျော်ခဲ့ပါပြီ။ အဲဒီတော့ ကျွန်မတို့ရဲ့အခန်းကဏ္ဍဟာ ဘာလဲဆိုတာကို ကျွန်မတို့ သိသင့်တယ်လို့ မိတ်ဆွေတို့က ထင်နိုင်ပါတယ်။
ဟုတ်ပါတယ်။ ကျွန်မတို့ရဲ့ အခန်းကဏ္ဍဟာဘာလဲဆိုတာကို ကျွန်မတို့ သိပါတယ်။ ဒါပေမယ့် သိတန်သလောက်မျှသာ သိပါတယ်။ ကျွန်မတို့ဟာလို တခုသော ပါတီ သို့မဟုတ် တခုသော အဖွဲ့အစည်းရဲ့ အဖွဲ့ဝင်တွေ ဖြစ်ကြပါတယ်လို့ ပြောရတာက အလွယ်ကလေးပါ။ ဒါပေမယ့် အဲဒါကို ကျော်လွန်ပြီးကြည့်လိုက်တဲ့အခါကျတော့ နည်းနည်းလေး မှုန်မှုန်ဝါးဝါး ဖြစ်လာတက်ပါတယ်။
ယမန်နှစ် နိုဝင်ဘာလအတွင်းက တတိယ အကြိမ်မြောက် နေအိမ် အကျယ်ချုပ်ကာလကနေပြီး ကျွန်မ လွတ်မြောက်လာတဲ့အချိန်မှာ ဒီအချက်ကို ကျွန်မ အသေအချာ သတိပြုမိခဲ့ပါတယ်။
ကျွန်မ ရှင်းပြရရင် ကောင်းမှာပါ။
အရေးကြီးဆုံး အဖြစ်အပျက် နှစ်ခုကတော့ (မဖြစ်သင့် မဖြစ်ထိုက်တဲ့ အဖြစ်အပျက်တွေလို့တောင် ကျွန်မ ခေါ်ချင်စိတ် ဖြစ်မိပါတယ်။)
မြန်မာနိုင်ငံမှာ ဖြစ်ပျက်ခဲ့တဲ့ အဲဒီ အဖြစ်အပျက်နှစ်ခုက ၂ဝဝ၈ ခုနှစ်မှာလုပ်တဲ့ ဆန္ဒခံယူပွဲရယ် သူ့နောက်က လိုက်လာတဲ့ ယမန်နှစ်က နိုဝင်ဘာလ အထွေထွေရွေးကောက်ပွဲရယ် အဲဒီ နှစ်ခု ဖြစ်ပါတယ်။ ဆန္ဒခံယူပွဲဟာ အခြေခံဥပဒေသစ်ကို မဲဆန္ဒရှင် ၉ဝ ရာခိုင်နှုန်းကျော် ထောက်ခံကြောင်း ပြသနိုင်အောင် လုပ်ခဲ့တာပါ။ သို့မဟုတ် ယုတ်စွအဆုံး စစ်အစိုးရရဲ့ မျှော်လင့်ချက်က အဲဒီလို ပြသလိမ့်မယ်ဆိုတဲ့ မျှော်လင့်ချက်ပါ။
အခြေခံ ဥပဒေကလည်း စစ်တပ်အနေနဲ့ တိုင်းပြည်အကျိုးအတွက် လိုအပ်တယ်လို့ ထင်မြင်ယူဆနဲ့အခါ ဘယ်အခါမဆို အစိုးရအာဏာအားလုံးကို သိမ်းယူပိုင်ခွင့်ရှိစေမယ့် အခြေခံဥပဒေဖြစ်ပါတယ်။ နှစ်ပေါင်း ၂ဝ နီးပါးအတွင်း ပထမဆုံး အကြိမ် အထွေထွေရွေးကောက်ပွဲဟာ ဗိုလ်ချုပ်ကြီးတွေရဲ့ နည်းနည်း အဓိပ္ပာယ်မရှိတဲ့ အခေါ်အားဖြင့် (စည်းကမ်းရှိသော ဒီမိုကရေစီသို့ လမ်းပြမြေပုံ) ဆိုတဲ့ အစီအစဉ်အတိုင်း နောက်က လိုက်လာဖို့ ဖြစ်ပါတယ်။
အခြေအနေ ရှုတ်ထွေးလာတာဟာ အဲဒီအချိန်မှာပါ။
ဒီရွေးကောက်ပွဲမှာ ပါဝင်ယှဉ်ပြိုင်င်ဖို့အတွက် နိုင်ငံရေး ပါတီသစ်တွေဟာ ရွေးကောက်ပွဲကော်မရှင်မှာ မှတ်ပုံတင် ရပါတယ်။ ၁၉၈၈ ခုနှစ်တုန်းက မှတ်ပုံတင်ပြီးသားပါတီ အားလုံးလည်းပဲ မှတ်ပုံတင်ရပါတယ်။
ပါတီတွေဟာ ရွေးကောက်ပွဲမတိုင်ခင် ၂ နှစ်က ရေးဆွဲခဲ့တဲ့ အခြေခံဥပဒေကို စောင့်ထိန်း ကာကွယ်ပါ့မယ်ဆိုတဲ့ ဝန်ခံ ကတိကိုလည်း ပြုကြရပါတယ်။ အကျဉ်းဒဏ်ခံနေရတဲ့ ပါတီဝင် မှန်သမျှကို ထုတ်ပယ်ပစ်ပါ့မယ်ဆိုတဲ့ ဝန်ခံကတိကိုလည်း ပြုကြရပါတယ်။ အကျဉ်းဒဏ်စီရင်ချက်ကို အယူခံဝင်နေသူတွေပါ အထုတ်ခံရမယ့်အထဲမှာ ပါဝင်ပါတယ်။
NLD ဟာ မှတ်ပုံတင်ချင်ခဲ့လို့ရှိရင် ကျွန်မကို ထုတ်ပယ်ပစ်ရမှာဖြစ်တဲ့အတွက် ကျွန်မလည်းပဲ ပါဝင်နေပါတယ်။ မှတ်ပုံတင်တဲ့ လမ်းကြောင်းအစား NLD ရွေးချယ်တဲ့ လမ်းကြောင်းကတော့ မြန်မာနိုင်ငံမှာ လွတ်လပ်တဲ့ တရားစီရင်ရေး စနစ်ကင်းမဲ့ပုံကို ကျွန်မတို့ အပြည့်အဝ သိရှိကြပါသော်လည်းပဲ နိုင်ငံရေးပါတီတခုအဖြစ်နဲ့ ဆက်လက်ပြီး ရပ်တည်ပိုင်ခွင့်အတွက် တရားရုံးမှာလျှောက်ထားတဲ့ လမ်းကြောင်း ဖြစ်ပါတယ်။
အဲဒါကြောင့် ရွေးကောက်ပွဲအပြီး ရက်ပိုင်းအတွင်း ယမန်နှစ်က နေအိမ်အကျယ်ချုပ်ကနေပြီး ကျွန်မ လွတ်လာတဲ့အခါမှာ မေးခွန်းတွေ တသီကြီးကို ကျွန်မ ရင်ဆိုင်ခဲ့ရပါတယ်။
အမေးဆုံး မေးခွန်းနှစ်ခုမှာ ပထမ မေးခွန်းက အမျိုးသားဒီမိုကရေစီအဖွဲ့ချုပ်ဟာ ဥပဒေ အပြင်ဖက်က အဖွဲ့အစည်း ဖြစ်သွားသလား၊ ဖြစ်မသွားဘူးလားဆိုတဲ့ မေးခွန်း ဖြစ်ပါတယ်။
ဒုတိယ မေးခွန်းက ကျွန်မတို့ မပါဝင်တဲ့ တရားဝင် အတိုက်အခံရယ်လို့ရှိလာပြီးဖြစ်တဲ့အတွက် ကျွန်မတို့ပါတီရဲ့ အခန်းကဏ္ဍကို ကျွန်မ ဘယ်လိုမြင်ပါသလဲဆိုတဲ့ မေးခွန်း ဖြစ်ပါတယ်။ တရားဝင် အတိုက်အခံနေရာကို အခု မြန်မာနိုင်ငံရဲ့ အမျိုးသားလွှတ်တော်မှာ ကိုယ်စားလှယ်နေရာ ၁၅ ရာခိုင်နှုန်းပင် မပြည့်အောင်ရထားတဲ့ ပါတီ အနည်းငယ်က ယူခဲ့ပါတယ်။
ပထမ မေးခွန်းက ဖြေဖို့လွယ်ပါတယ်။ ကျွန်မတို့ဟာ ဥပဒေအပြင်ဘက်က အဖွဲ့အစည်းတခု မဟုတ်ပါဘူး။ ဘာဖြစ်လို့လဲဆိုတော့ တရားဥပဒေနဲ့မညီတဲ့ အဖွဲ့အစည်းများဆိုင်ရာ ဥပဒေပြဌာန်းချက်တခုကိုမှ ကျွန်မတို့ မချိုးဖောက်ခဲ့လို့ ဖြစ်ပါတယ်။ ပါတီရဲ့ အခန်းကဏ္ဍနဲ့ပတ်သက်လို့ ဒုတိယ မေးခွန်းကတော့ ပိုခက်ပါတယ်။
ဘာဖြစ်လို့လဲဆိုတော့ NLD ရဲ့အနေအထားဟာ ၁၉၉ဝ ပြည်နှစ်မှာလုပ်တဲ့ ရွေးကောက်ပွဲအချိန်ကစလို့ မကွဲမပြား ဖြစ်နေပါတယ်။ အဲဒီနှစ်က ကျွန်မတို့ဟာ လူထု ဆန္ဒမဲရဲ့ ငါးပုံ လေးပုံကျော်ကိုရခဲ့တဲ့အတွက် အဲဒီတုန်းက တရားဝင် အမည်အားဖြင့် (နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့) လို့ ခေါ်တွင်တဲ့ (မြန်မ) စစ်အစိုးရကို အထိတ်တလန့် ဖြစ်သွားစေခဲ့ပါတယ်။ စစ်အစိုးရ အုပ်ချုပ်ခဲ့တဲ့ နှစ်တွေမှာ Orwell ရဲ့ အသုံးအနှုန်းဆန်တဲ့ ဝေါဟာရတွေ တပုံတခေါင်းကြီး ပေါ်ထွက်ခဲ့ပါတယ်ရှင်။
ရွေးကောက်ပွဲမှာ မဲလိမ်တဲ့ သို့မဟုတ် မဲခိုးတဲ့ သို့မဟုတ် ရွေးကောက်ပွဲရလဒ်နဲ့ပတ်သက်ပြီး အငြင်းအခုန်ဖြစ်တဲ့ သို့မဟုတ် ရလဒ်ကိုငြင်းပယ်ခံရတဲ့ နိုင်ငံတွေဆိုတာ ရှိကြပါတယ်။ ဒါပေမယ့် ရွေးကောက်ပွဲရလဒ်ကို နိုင်ငံတော် ပြန်တမ်းမှာ တရားဝင် ထုတ်ပြန်ကျေညာပြီးတဲ့နောက် ဘာမှမလုပ်ဘဲထားခဲ့တာကတော့ မြန်မာတနိုင်ငံတည်းရှိတာ သေချာပါတယ်။
ရွေးကောက်ပွဲပြီးတာနဲ့တပြိုင်နက် အနိုင်ရတဲ့ပါတီကို အစိုးရတာဝန်လွှဲအပ်မယ် စစ်တပ်က စစ်တန်းလျားကို အေးအေးဆေးဆေး ပြန်သွားမယ်ဆိုပြီး ရွေးကောက်ပွဲမတိုင်ခင်မှာ စစ်အစိုးရ ခေါင်းဆောင်တွေက ကတိကဝတ် ပြုခဲ့ကြသော်လည်းပဲ အနိုင်ရတဲ့ ပါတီအတွက်သော်လည်းကောင်း၊ ရွေးကောက်ခံရတဲ့ ကိုယ်စားလှယ်တွေအတွက် သော်လည်းကောင်း၊ တကယ့်လက်တွေ့ အခန်းကဏ္ဍတခုကို ဖန်တီးပေးဖို့ရာ ဘာမှ မလုပ်ခဲ့ပါဘူး။
၁၉၉ဝ ပြည့်နှစ် ရွေးကောက်ပွဲကနေပြီး ထွက်ပေါ်လာတဲ့ အထူးခြားဆုံး အခြေအနေကတော့ နည်းလမ်းတကျ ဖွဲ့စည်းထားတာပဲ ဖြစ်စေ၊ ဖွဲ့စည်းမထားတာဘဲ ဖြစ်စေ၊ ပါတီအားလုံးနဲ့ အဖွဲ့အစည်းအားလုံးကို အစီအစဉ်ချမှတ်ပြီး ဖိနှိပ်ခြင်း၊ နောက်ပြီး ဒီမိုကရေစီအုပ်ချုပ်ရေးစနစ်ကို လိုချင်တဲ့ မြန်မာနိုင်ငံ ပြည်သူလူထုရဲ့ အလိုဆန္ဒကို ဖြည့်ဆည်း ပေးရမယ်ရယ်လို့ ဆက်လက်ပြီး တောင်းဆိုနေကြတဲ့ လူပုဂ္ဂိုလ်တွေကိုလည်း အစီအစဉ်ချမှတ်ပြီး ဖိနှိပ်ခြင်း ဆိုတဲ့ အခြေအနေကြီး ဖြစ်ပါတယ်။
ကျွန်မတို့ဟာ ရွေးကောက်ပွဲမှာ အနိုင်ရခဲ့ပါရဲ့။ ဒါပေမယ့် ၁၉၉ဝ ပြည့်နှစ် ရွေးကောက်ပွဲဟာ NLD အတွက် အားအင်ချည့်နဲ့ခဲ့ရတဲ့ နှစ်တွေရဲ့အစ ဖြစ်ခဲ့ပါတယ်။
ပါတီဟာ အသက်ရှင် ရပ်တည်ပြီးနေနိုင်အောင် အခိုင်အမာ ဆုံးဖြတ်ချက်နဲ့ ကြိုးပမ်းခဲ့ပါတယ်။ အသက်ရှင် ရပ်တည်နေနိုင်ရုံမျှပါ။ တက်ကြွလှုပ်ရှားနိုင်လောက်အောင် မဟုတ်ပါဘူး။ အမှတ်မထင် ကြည့်လိုက်သူတို့အဖို့ရာမှာ ပါတီဟာ ဇီဝိန်ကြွေတော့မယ့်ပုံ ပေါက်စပြုနေပါပြီ။ အဲဒီအချိန်မတိုင်ခင် တနှစ်ကပဲ ပါတီ ဥက္ကဋ္ဌကြီး ဦးတင်ဦးရော (Movement for Democracy) (ဒီမိုကရေစီလှုပ်ရှားမှု) မှာ အရေးကြီးတဲ့ တခြားအဖွဲ့ဝင်တွေရော ထောင်သွင်း အကျဉ်းချခံခဲ့ရပါတယ်။ ကျွန်မလည်းပဲ နေအိမ်အကျယ်ချုပ်နဲ့ ထိန်းသိမ်းခံထားရပါပြီ။
နောက် ခြောက်နှစ်အကြာမှာ ဦးတင်ဦးနဲ့ ကျွန်မတို့ လွတ်လာတဲ့အချိန်ကိုရောက်တော့ ကျွန်မတို့ပါတီရဲ့ အထက်မြက်ဆုံး လှုပ်ရှားသူ အမြောက်အမြားဟာ ထောင်ထဲမှာရှိနေဆဲ ဖြစ်တာကိုရော၊ ပြည်ပကို ရှောင်တိမ်းကုန်ကြပြီ ဖြစ်တာကိုရော၊ သို့မဟုတ် ကွယ်လွန်ကုန်ကြပြီဖြစ်တာကိုရော ကျွန်မတို့တွေ့ခဲ့ကြရပါတယ်။
ကွယ်လွန်သူတချို့ဆိုလို့ရှိရင် ထိန်းသိမ်းခံနေရစဉ်အတွင်း ကွယ်လွန်ခဲ့ကြတာပါ။ တချို့လည်းပဲ အောက်ထစ်ဆုံး ဆေးဝါး ကုသမှု ခံစားခွင့်ကိုပင်လျှင်မပေးတဲ့ အကျဉ်းထောင်တွေထဲမှာ နေထိုင်ခဲ့ရတဲ့နှစ်တွေရဲ့ ပင်ပန်းဒဏ် ဆင်းရဲဒဏ်ကြောင့် ကျန်းမာရေးမကောင်းတဲ့ အခြေအနေကို ရောက်နေကြပါတယ်။ ကျွန်မတို့ရဲ့ ပါတီရုံး အများစုဟာ အတင်းအကြပ် ပိတ်ခိုင်းတာကို ခံထားရပါတယ်။ ကျွန်မတို့ရဲ့ပါတီလုပ်ငန်းဆောင်တာတွေဟာ စည်းမျဉ်းစည်းကမ်း တပုံတခေါင်းကြီးနဲ့ အပြင်းအထန် ကန့်သတ်ချုပ်ချယ်တာကို ခံနေရပါတယ်။ ကျွန်မတို့ရဲ့ ခြေလှမ်းတိုင်းကိုလည်း နေရာတကာမှာအမြဲရှိနေတဲ့ စစ်ထောက်လှမ်းရေးအဖွဲ့တွေက အနီးကပ်ပြီး စောင့်ကြည့်နေပါတယ်။
ဆက်လက်ဖော်ပြပါမယ်။
သရုပ်ဖော် ကောက်ကြောင်းပန်းချီ - မင်းကျော်ခိုင်
No comments:
Post a Comment